مسحراتى..

[houssin abo habaga]

مسحراتى

أرهابى داير بين العماير

عمال يحرض كل اللى نايم

أعمل محاسن وفك طلاسم الحاج حاكم

ناصب محاكم وعمال يحاكم

من فجر يومه فاتح سجونه

وقافل ببان ديوان المظالم

أصحى يا نايم

لحد يشكى ولا حد يحكى

ولا حد يقوله أنت ظالم

حاطط حكومه نايمه نومه

على كل أمر مليان مظالم

تهز راسها وتقول موافقه

أصحى يا نايم

رئيسها راجل جاى م الخريف

اسمه نظيف لكن يا مصرى آخر نظافه

يفضى جيبك أول ما تقبض

ويقول بلاش تاكلى لحمه

رمضان كريم كل كنافه

مسحراتى

أرهابى داير بين العماير

عمال يحرض كل اللى نايم

أعمل محاسن وفك طلاسم الحاج حاكم

العيشه مره والحاله ضاقت

والدنيا فاقت ع الشعب مالت

والغيمه طالت والشمس غابت

أصحى يا نايم

المولى حاسس بحال بلادنا

ليه يا مصرى ع الظلم ساكت

ما تقوم وتصحى م الفجر أسعى

بلاش تنام زى زمان أحنا ف صيام

وجيب فوارس من عصر بيبرس

وخلى سيفك للحق ناصر

مسحراتى

أرهابى داير بين العماير

عمال يصحى كل نايم

أعمل محاسن وفك طلاسم الحاج حاكم

وشد حيلك واركبلى خيلك وشد اللجام

وزيد أيمانك وخدها حكمه

ما يضعش حق وراه كلام

أصحى يا نايم

فات كام يوم من شهر الصوم

أجمع شبابك ويا ولادك

وخلى أيدك تكسر قيودك

من فجر يومك مالى هدومك

وأنت يا مصرى حر وتمام

أصحى يا نايم ووحد الرزاق

"""""""""""""""""""""" ;) :) :)

www.dastor.net

omran55.maktoobblog.com