مسعود .. وحمار جدى المسنود !!!

[achnaton]

بسم الله الرحمن الرحيم

لم أضحك فى حياتى قدر ما ضحكت من شويه وانا اقرأ جريدة حزب الوفد " الاباظى " فكرتنى بالواد مسعود كلاف الزريبه عند جدى الشيخ حسن " رحمة الله عليه " كان الشخصية الوحيدة فى النجع كله اللى يخلى يضحك بصوت عال قوى اللى فى المركز يسمعه .. وكان عندنا او بمعنى ادق عند جدى ثلاثة حمير .. أثنين كان تخصصهم نقل اولاد الاسرة الى المدارس فى المركز وكانو بيرجعوا الى النجع وحدهم..والثالث كان دلوعة جدى وركوبته الخاصه .. ولما عمتى شكريه تقلول ياواد يا مسعود ابعت الحمير يجيبوا الاولاد .. بمجرد ما يحل الحمار من دول يجرى من غير عصاية أو حتى حد يسوقه .. بيروحوا لوحدهم ويقفوا قدام المدارس .. أما الحمار الثالث ..فده كان أكبرهم فى السن ..ورغم كده كان حرنان .. ولا يتعدل الا لما جدى يركبه ..ما اعرفش ليه ..الواد مسعود ما كانش عاجبه تصرفات الحمار ده ولكه كان خايف من جدى .. راح للعريف فى الكتاب يسأله يعمل إيه .. العريف قاله .. أنا لما بيكون عندى ولد – كسرة تحت الواو - دلوعه ..وبخاف أضربه .. كنت اضرب زميل له غلبان حتى ولومش غلطان .. شوف أنت حمار من بتوع الجيران .. وهاته عندك فى الزريبه .. وقل له روح هات فلان من المدرسة .. وانزل فيه ضرب إذا لم يتحرك .. قدام حمار الحاج حسن .. وشوية شوية .. حتلاقيه يسمع الكلام ..

الحكاية دى بقى افتكرتها .. لما قرأت الخبر التالى فى الجريدة الاباظية :

خبراء الطاقة يحذرون من الوصاية الأمريكية

علي إنشاء المحطات النووية في مصر

كتب ـ عماد خيرة:

حذر خبراء الطاقة النووية من اشتراك الولايات المتحدة في تنفيذ مشروع مفاعلات توليد القوة بنظام تسليم المفتاح. كما حذر الخبراء من التخلي عن موقع الضبعة وإحياء المشروع الاسرائيلي لانشاء محطة نووية لتوليد الكهرباء في منطقة العوجة علي الحدود المصرية الاسرائيلية. حذر الدكتور احمد حشاد الخبير بهيئة المواد النووية وأمين عام نقابة العلميين من مشاركة امريكا بطريقة مباشرة او غير مباشرة لتغيير مكان المحطة من منطقة الضبعة إلي المنطقة الحدودية بين مصر واسرائيل لاحياء المشروع الاسرائيلي لمنطقة العوجة.

http://www.alwafd.org/front/detail.php?id=...869b76912c8752a

والباقى افهموه انتم بقى ..[/size]