كنوز فنيه غنائيه موسيقيه نادره

[هيثم نافع]

عملت تجربة تحميل من الرابط مش راضي يتحمل ...

رفعت الملف من جديد و غيرت إسمه للإنكيزية و آدي الرابط

http://www.BLOCKED77/file/6935166/a1b2b9...E7_-_VEDIO.html

تحيه

[MZohairy]

جزي من ليه يا بنفسج للاستاذ الكبير العملاق صالح عبد افندي عبد الحي

هو عبد افندي ده غير عمر افندي؟ :blush:

المهم كمل يا هيثم ازدنا الله يخليك

[هيثم نافع]

لأ هوه هوه :blush:

ممكن تعمل تجرية و تحمّل الملف و تقولي بيحمِّل معاك و للا لأ ...

علشان شكله الرابط التاني فشنك برضو

[MZohairy]

شغال زي الفل

تسلم ايدك

[هيثم نافع]

طيب الحمد لله

ميرسي

طيب هلق صار دوري ..... بدور على أغنية لرجاء عبدو

غنتها في فيلم ليت الشباب

إسمها الحبيب اللي بيعشقو قلبي

ألاقيها عند حد فيكم ينوبكم ثواب

تم تعديل 5 ديسمبر 2006 بواسطة نافع

[أبو محمد]

لعشاق صالح أفندي عبد الحي إليكم نبذة و صورة و أغنية للعملاق صالح أفندي

فنان مصري من أعلام الغناء الشرقي القديم . ولد عام 1898 وتوفي في 24 سبتمبر عام 1962 . أمضى نصف قرن كاملة في الغناء المتواصل وتتلمذ على عبده الحامولي وعبد الحي حلمي وسلامة حجازي ولم يكن في مثل علمهم بأصول الغناء وقواعد الإيقاع والأداء ولكنه لم يكن أقل منهم في موهبة الغناء . امتاز بعذوبة الصوت وحلاوة النغمة وامتداد النفس وشدة الحرص على تقاليد الغناء الشرقي الأصيل ويمثل صالح عبد الحي الصلة الأخيرة بين عهدين منفصلين من عهود النهضة الفنية وهما عهد عبده الحامولي ومحمد عثمان وعهد أم كلثوم وعبد الوهاب .

على خده يا ناس ميت وردة

http://www.BLOCKED77/file/5230729/3d1d07f8/_____.html

على خده يا ناس ميت ورده

قاعدين حراس دي الناهدة

و منين ينباس ياخي دهده

يسمح لي قال نقعد سوا

أشكي له من نار الهوا

يتمنع و يقولي يا ريت

يدلع من دلعة بكيت

ما هوش عارف بلوتي

ندهت حب *****

ياخي دهده

على خده يا ناس ميت ورده

قاعدين حراس دي الناهده

و منين ينباس ياخي دهده

أنا قولت أحبك و النبي

و الحب ديني و مذهبي

يستعجب من دي الأقوال

ويتيّه ده كله دلال

مش قادر أحكم مهجتي

هوه هوايا و مشربي

ياخي دهده

على خده يا ناس ميت ورده

قاعدين حراس دي الناهده

و منين ينباس ياخي دهده

يقولي حاسب وجنتي

و إوعي تقطف وردتي

يتباعد عني و أدوب

و المهجه مش قادره تتوب

يحرمني منه و طلعته

و لكن بحبه يا قسمتي

يا خي دهده

على خده يا ناس ميت ورده

قاعدين حراس دي الناهده

و منين ينباس ياخي دهده

**** حد يفسر معايا الكلمتين دول ... علشان أعجزوني من فترة

نافع باشا ..

دانت طلعت سمّيع إرارى بقى .. ومش بعيد تكون زميل فن لمسيو زهيرى ..

شكرا جزيلا على فتح موضوع صالح افندى عبد الحى .. على فكرة أنا مش عارف إسمه الحقيقى بس اللى اعرفه إنه سمى نفسه صالح عبد الحى نسبة إلى خاله عبد الحى حلمى (ملك طقاطيق الخلاعة) ...

شوف ياسيدى .. تانى شطر من المذهب بتقول :

"قاعدين حراس فى مناهدة" والمناهدة بمعنى استنفار وتحفز وتيجى كمان شجار ونقار (شفت بقى الميت وردة بيعملوا إيه على خده ؟ .. يعنى مش قاعدين ساكتين :) )

أما بقى الكام كلمة اللى تايهين منك فالظاهر إن الشطر بحاله لازم يتظبط لأنه بيقول (ما داقش حبى ولا انشوى)

على فكرة يانافع ياخويا .. فى كلمتين فى مشاركاتك (هاذول .. وهلق) بيخلونى أسألك (ولو فيها تطفل يعنى) إنت ضفاوى ولا غزاوى .. ولا طلعت أوت منى .. وحتطلع من جبل لبنان .. ولا جبل سوريا ؟؟ :blush:

تم تعديل 5 ديسمبر 2006 بواسطة أبو محمد

[MZohairy]

على فكرة يانافع ياخويا .. فى كلمتين فى مشاركاتك (هاذول .. وهلق) بيخلونى أسألك (ولو فيها تطفل يعنى) إنت ضفاوى ولا غزاوى .. ولا طلعت أوت منى .. وحتطلع من جبل لبنان .. ولا جبل سوريا ؟؟ :blush:

فلتت منك دي يابو محمد :)

الراجل من سوهاج

[أبو محمد]

على فكرة يانافع ياخويا .. فى كلمتين فى مشاركاتك (هاذول .. وهلق) بيخلونى أسألك (ولو فيها تطفل يعنى) إنت ضفاوى ولا غزاوى .. ولا طلعت أوت منى .. وحتطلع من جبل لبنان .. ولا جبل سوريا ؟؟ :blush:

فلتت منك دي يابو محمد :P

الراجل من سوهاج

إيـــهـيــــــــــــــــــــى :o ... ياراجل !!!

بس " هلق وهاذول " دول ما يجوش سوهاجى خالص ..... يمكن فيومى :)

و الله يا نافع انت إديت الموضوع بعد جديد

ربنا يخليك

بس انت تعرف موديست منين؟ :)

أما البلوى بتاعة أبو محمد بتاعة السرير دي :o :)

بصراحه :D مش عارف أقول ايه

يانهار ازرق على الكلمات و سنين الكلمات :)

و قال بتوع زمان بيتريقوا على السح الدح امبو !!!!!!

كلمة السر هى الإتقان يا إكسلانس ... الإتقان حتى فى الهلس :P

[هيثم نافع]

نافع باشا ..

دانت طلعت سمّيع إرارى بقى .. ومش بعيد تكون زميل فن لمسيو زهيرى ..

أنت اللي باشا يا باشا ... دا بعض ما عندكم

شكرا جزيلا على فتح موضوع صالح افندى عبد الحى .. على فكرة أنا مش عارف إسمه الحقيقى بس اللى اعرفه إنه سمى نفسه صالح عبد الحى نسبة إلى خاله عبد الحى حلمى (ملك طقاطيق الخلاعة) ...

عبد الحي حلمي ملك الطقاطيق الخليعة -_- :D mfb: mfb: <_<

من إمتى الكلام ده ؟؟؟؟ لا اااااا دي طلعلت أوت خالص مالص و كمان بالص ... على رأي شويكار

يمكن قصدك على ( عبد اللطيف البنا ) <_< ... اللي هوه بجد ملك الطقاطيق الخليعة

شوف ياسيدى .. تانى شطر من المذهب بتقول :

"قاعدين حراس فى مناهدة" والمناهدة بمعنى استنفار وتحفز وتيجى كمان شجار ونقار (شفت بقى الميت وردة بيعملوا إيه على خده ؟ .. يعنى مش قاعدين ساكتين :D )

لأ أنا مصمم بقه .. لوسمحت أعد سماع الطقطوقة حتلاقيها دي الناهده .... و ظاهره جدا جدا

و أذكر أن محمد العزبي ... إللي مش بحبه ........... غناها هي ... و قمر له ليالي .. لنفس الملحن دواد حسني

و كان بيقول دي الناهده .. ... أحكم يا عم زهيري

أما بقى الكام كلمة اللى تايهين منك فالظاهر إن الشطر بحاله لازم يتظبط لأنه بيقول (ما داقش حبى ولا انشوى)

دي بقه عندك حق ...

على فكرة يانافع ياخويا .. فى كلمتين فى مشاركاتك (هاذول .. وهلق) بيخلونى أسألك (ولو فيها تطفل يعنى) إنت ضفاوى ولا غزاوى .. ولا طلعت أوت منى .. وحتطلع من جبل لبنان .. ولا جبل سوريا ؟؟ :wub:

سوهاجي صعيدي يا بوي زي ما قال ولد العم زهيري ... و لكن بحب اللهجة اللبنانية شويه :wub:

تحياتي

تم تعديل 5 ديسمبر 2006 بواسطة نافع

[أبو محمد]

عبد الحي حلمي ملك الطقاطيق الخليعة

من إمتى الكلام ده ؟؟؟؟ لا اااااا دي طلعلت أوت خالص مالص و كمان بالص ... على رأي شويكار

يمكن قصدك على ( عبد اللطيف البنا ) ... اللي هوه بجد ملك الطقاطيق الخليعة

عندك حق يا ولد اخوى .. الظاهر إن اللخبطان اتبغبغ <_<

لأ أنا مصمم بقه .. لوسمحت أعد سماع الطقطوقة حتلاقيها دي الناهده .... و ظاهره جدا جدا

مش حنخسر بعض عشان "دى الناهدة" ، و "فى مناهدة" ...

إيه رأيك فى حل وسط .. نمشيها دى مناهدة <_<

[هيثم نافع]

طيب خد الحته الخفيفه دي ..... بس بصراحة لذيذه خالص و كلها دلع

عقيلة راتب تغني ... رنة خلخالي يمه

رنة خلخالي يمه

و أنا نازله أملا البلاصي

الكل قالو إسم الله

حتى العزول القاسي

http://www.BLOCKED77/file/6968167/ec3fde...HALY_YA_MA.html

.

و دي ألذ ...

سناء الباروني .... من فيلم قصر الشوق

بس قولوا لأمي ..

طب و انا مالي ..

طب و انا مالي ..

طب و اما مالي

و انا مالي طيب يا غزالي

http://www.BLOCKED77/file/6967605/9471ef..._QLO_LOMEY.html

تم تصليح اللينك .

تم تعديل 6 ديسمبر 2006 بواسطة نافع

[أبو محمد]

يااااااااااااااه عقيلة راتب ؟ .. الله يرحمها .. ولا سناء البارونى دى كمان .. هى راحت فين من زمان ؟ عندك فكرة ؟

وياترى هل هى أخت سهير البارونى ؟ ..... فى فيلم بين القصرين كانت سهير بتمثل .. وسناء بتغنى ... خد الغنوة الجميلة دى .. صوت سناء البارونى على صورة ميمى شكيب <_<

ياسمباتيك خالص يامهندم .. إسمح وزورنى الليلة يافندم

إلحقنى يا نافع .. اللينك بتاع سناء البارونى (قولوا لامى) مش شغال .. mfb:

ممكن تشوف لنا الإرسال مقطوع ليه ؟ <_<

[Siwa]

إلحق رقابة. هي وصلت لكل الا كدة وهات الازازة. لأ كدة ماينفعش خالص. انا شكلي هاقصلكم ا لفيلم دة إلا إذا إلا إذا .........

حضراتكم تجبولنا غناء إيمان باقي لاغاني منيرة المهدية. بصراحة صوتها تحفة. وبما إننا بلديات يا نافع ياواد عمي يبقى نطلب منك بعشم بقى. ياريت لو عندك اغنية ليلة في العمر. انا سمعتها من زمان في فيلم منيرة المهدية لشريفة فاضل. بصراحة الاغنية متدلعة زيادة عن اللزوم او على رأي بابا دلع مرأ. لكن اللحن بتاعها كان دمة خفيف. اظن هو لدواد حسني.

[القرموطى]

السلام عليكم عم نافع ايه الحلاوه دى بس مش عارف اقولك ايه بس ادينى تانى من السيره الهلاليه سواء من عم احمد ابو حجازى ولا سيد الضوى انا من عشاق التراث الجنوبى ولو عندك شفيقه ومتولى يبقى ميه ميه كمان ياريت تنزل كل الروابط الى عندك بتاعت السيره الهلاليه ويبقى كتر الف خيرك يا معلم

فى انتظار المزيد

[هيثم نافع]

يااااااااااااااه عقيلة راتب ؟ .. الله يرحمها .. ولا سناء البارونى دى كمان .. هى راحت فين من زمان ؟ عندك فكرة ؟

وياترى هل هى أخت سهير البارونى ؟ ..... فى فيلم بين القصرين كانت سهير بتمثل .. وسناء بتغنى ... خد الغنوة الجميلة دى .. صوت سناء البارونى على صورة ميمى شكيب :happy:

ياسمباتيك خالص يامهندم .. إسمح وزورنى الليلة يافندم

إلحقنى يا نافع .. اللينك بتاع سناء البارونى (قولوا لامى) مش شغال .. :o

ممكن تشوف لنا الإرسال مقطوع ليه ؟ -_-

و الله لا أدري ... يا مهندم B) .... قصدي يا فندم

و تم تصليح لينك سناء الباروني

و أهوه كماني http://www.BLOCKED77/file/6967605/9471ef..._QLO_LOMEY.html

[هيثم نافع]

إلحق رقابة. هي وصلت لكل الا كدة وهات الازازة. لأ كدة ماينفعش خالص. انا شكلي هاقصلكم ا لفيلم دة إلا إذا إلا إذا .........

حضراتكم تجبولنا غناء إيمان باقي لاغاني منيرة المهدية. بصراحة صوتها تحفة. وبما إننا بلديات يا نافع ياواد عمي يبقى نطلب منك بعشم بقى. ياريت لو عندك اغنية ليلة في العمر. انا سمعتها من زمان في فيلم منيرة المهدية لشريفة فاضل. بصراحة الاغنية متدلعة زيادة عن اللزوم او على رأي بابا دلع مرأ. لكن اللحن بتاعها كان دمة خفيف. اظن هو لدواد حسني.

-_- لا و الله طلبك بصوت شريفه فاضل مش عندي للأسف.. بس وعد رح أبحث عنها

و لكن عندي الأصل بصوت السلطانه منيره المهدية

طقطوقة داود حسني الشّهيرة ليله في العمر ما فيش منها بصوت السلطانة .

أهيه http://www.BLOCKED77/file/6983772/e9f25e...a_fe_el3or.html

تحياتي

--------------------

السلام عليكم عم نافع ايه الحلاوه دى بس مش عارف اقولك ايه بس ادينى تانى من السيره الهلاليه سواء من عم احمد ابو حجازى ولا سيد الضوى انا من عشاق التراث الجنوبى ولو عندك شفيقه ومتولى يبقى ميه ميه كمان ياريت تنزل كل الروابط الى عندك بتاعت السيره الهلاليه ويبقى كتر الف خيرك يا معلم

فى انتظار المزيد

سيرة شفيقة و متولي

و أداء رائع من المطرب الشعبي الصعيدي حفني أحمد حسن

جزء أول

17.36 ق -- 3.02 ميجا -- Mp3

http://www.BLOCKED77/file/5693404/b04852c7/1-____-__.html

تابع شفيقة و متولي

الجزء الثاني و الأخير

http://www.BLOCKED77/file/5693615/ddd0877e/2-____-__.html

3.21 ق --- 2.30 ميغا -- mp3

و إن شاء الله أبقا أرفع لك السيرة الهلاليه تباعا يا عم القرموطي :happy:

تم تعديل 6 ديسمبر 2006 بواسطة نافع

[القرموطى]

عم نافع

ايه الحلاوه دى

ان صحيح زعلتك وراجيتك لكن لما دمى راج جيتك اتحيلت عليك واترجيتك

على فكره انا تقريبا كده حافظ شفيقه ومتولى غيبا من كتر ما حبيتها وسمعتها بجد انته ميه ميه

ومستنى منك السيره الهلاليه يا غندور شباب الهلايل

سلام وفى انتظار المزيد انا كده هرابط هنا مستنى باقى المواضيع دى على فكره انا جيبت شويه شرايط للسييره الهلاليه بس الشرليط زى ما انته عارف بتبوظ بسرعه ومش عارف اكمل الباقى فلو بجد تعرف تنزل باقى الموسوعه الكبيره دى بتاعت السيره الهلاليه يبقى الفين سلام وتحيه

عم ابو محمد سلاك كبير على طول السلام وعاوز اقول

يارب صبحنا وربحنا وبين عبادك ما تفضحنا

ويارب مسينا وهنينا ماتشمت عدو فينا

يعنى المعلم ابو محمد عمده شباب اسكندريه يعنى بحرى وعمد بحرى

يعنى شباب السياله

يعنى المنشيه وشارع فرنسا

يعنى قهوه فاروق ورجالتها

يعنى معلمين المعمار الى خلو الخراب عمار

يعنى الجردل الدهبى والفرشه الفضيه

يعنى القصعه الدهب والمسطرين الماس

يعنى من المنشيه لشارع النصر

ادينا اهه فى محطه مصر

وطبعا انته عارف باقى الشعر دة الى لو حطيته هتطرد من المنتدى قبل ما اخد باقى السيره الهلاليه

سلام كبير اوى اكبر من جبل نعسه كده يا عم ابو محمد

[MZohairy]

الكم الكبير اللي شاف و دخل الموضوع ده بيدل على اننا شعب راقي والله العظيم

تحياتي و تقديري

[القرموطى]

اخى العزيز زهيرى

اخبار ايه يا عم وعامل ايه

بص انا كنت عاوز اقول شىء تعليقا على اخر رد انته كتبته الى بتقول فيه ان الكم الكبير الى دخل وشارك ده بيدل على اننا ...............

اخى العزيز اولا احييك جدا على كلامك الجميل الى زيك

بص يا ابو حميد الاصل فى الناسش الفطره النضيفه كلنا كويسسين بس اوقات كتير بتحس انك عاوز تغير انك عاوز تسمع حاجه ملهاش معنى ولا هتتعب نفسك عشان تسمعها او تفهمها انته عاوز تسمع اى ودشه تخرجك من المود الى انته فيه ده

يعنى انا مثلا بحب جدا كنت اسمع سلو اجنبى ....واوقات احب انى اسمع معزوفات لفنفير و كنجى وغيره بس هل معنى كده انى مش بيجى عليا وقت اكون عاوز اسمع حاجه زى ريكو و شندو ولا اى شىء من دول معتقدش هيجى اوقات عليك عاوز زار عاوز دوشه

يعنى مثلا انا لما بسمع يا زايد فى الحلاوه بتعات عت عوض الله بفتكر ايام حلوه فى مدينتى وحبيبتى اسكندريه بس انا بضطر انى اشغل مخى وافتكر

انا لما بسمع لروح القلوب وشم ريحه هوا بحر اسكندريه ومش بشوف الا شكل البحر الرمل واسكندريه وهواها الجميل

يعنى بشغل مخى وتفكيرى

وعشان كده اوقات بتكون عواز تسمع اى دوشه من اى حد

وى وجه نظرى الخاصه طبعا

والسلام عليكم ولو الى انته حاطط صوته ده ابنك يبقى ربنا يخلهولك يا عم وتجوزه بس تجيب فى فرحه فرقه اسلاميه المره دى .....سلام

[هيثم نافع]

عم نافع

ايه الحلاوه دى

ان صحيح زعلتك وراجيتك لكن لما دمى راج جيتك اتحيلت عليك واترجيتك

على فكره انا تقريبا كده حافظ شفيقه ومتولى غيبا من كتر ما حبيتها وسمعتها بجد انته ميه ميه

ومستنى منك السيره الهلاليه يا غندور شباب الهلايل

سلام وفى انتظار المزيد انا كده هرابط هنا مستنى باقى المواضيع دى على فكره انا جيبت شويه شرايط للسييره الهلاليه بس الشرليط زى ما انته عارف بتبوظ بسرعه ومش عارف اكمل الباقى فلو بجد تعرف تنزل باقى الموسوعه الكبيره دى بتاعت السيره الهلاليه يبقى الفين سلام وتحيه

بص يا عمي ...

همّ بصراحة كتار .. و علشان أوفّر عليك الوقت و على نفسي المجهود

خش على الصفحة دي و سجل بمنتدى سماعي ... و شارك بمداخلة واحده على الأقل و خلال 24 ساعة يبقى بإمكانك التحميل

السيرة الهلالية - سيد الضوي - منتدى سماعي

تحياتي

.