كنوز فنيه غنائيه موسيقيه نادره

[MZohairy]

و أنت لسه عارف !!!! :o

طيب ما أنت كاتب مداخلة من يجي تلت أربع تيام في الترحيب بالمنتدى ... وللا حد غيرك mfb:

آه والله صح :huh:

السن بقى يا هيثم يا خويا mfb:

بس متهيألي ابو محمد و موديست و الناس الحلوه لسه متعرفش ان اكبر مغاره رجعت تاني :P

[هيثم نافع]

ماري جبران

(1911-1956)

موشح

يا من لعبت به شموله

ما ألطف هذه الشمائل

http://www.BLOCKED77/file/7136006/aebb52...bat_Behi_2.html

[مسافر زاده الخيال]

اهلا بيكم

هل صحيح ان لحن اغنية زوروني كل سنه مره مقتبس من موشح صوفي عراقي؟؟؟؟؟؟؟؟؟؟؟؟؟؟؟

[Simba]

بجد أباطرة الكنوز هنا

ناس هايلة قوي

مفيش كلام شكر يوفيها حقها

زهيري

موديست

أبو محمد

واحد تاني

وكل الناس الجميلة اللي هنا وشكرا جدا علي اوبريت علي بابا انا كنت سمعته مرة زمان في الراديو وكان نفسي اقدر الاقيه قوي

بالمناسبة لو فيه اي اوبريت قديم تاني من الزمن الجميل او اي مسلسل اذاعي صغير قديم ياريت تحطوه في الكنوز

انا بيعجبني قوي المؤثرات الصوتية اللي بتكون في المسلسلات الاذاعية

وكان فيه مسلسل أذاعي كان بيجي يوم الجمعة كان بوليسي مش فاكر بصراحة كان اسمه رقم كده اذاعة وكان عبارة عن مسابقة هو اكيد مش من الكنوز بس كان من المسلسلات اللي الناس بتابعها

يارب ما يكون دمي بايخ عليكم هنا في الكنوز واتمني ان الموضوع ده لا يغلق ابدا ابدا لحد ما الأجيال تيجي وتطلب اغاني مدحت صالح وهاني شاكر علي انهم كنوز قديمة قوي بس الخوف انهم يطلبوا روبي وهيفاء

[Simba]

مش معقول الاقي الموضوع ده نزل لتحت كل شوية كده وقبله كام موضوع

بصراحة يا جماعة الموضوع ده لازم يتثبت

[MZohairy]

نقدر نرفع الطلب ده للإداره

فهل تقبل الإداره؟؟

شكرا

[Simba]

مش معقول كده اباطرة الكنوز تتوقف فجأة

فين التحف ... فين الياقوت والمرجان ...... ده احسن موضوع شفته في حياتي علي النت وكل ما ادخل علي المنتدي ادخل اشوفه بس بقالي يومين مش شايف جديد ....هو لازم نطلب فيه حاجات انا اساسا ماعرفهاش ولا عمري سمعتها الا منكم ....... رجاء لا تحرموني من الكنوز ولا منكم

[Siwa]

اغنية قلبك ع قلبي للسيدة علياء المنذر ، والدة فريد واسمهان.

http://www.BLOCKED77/file/7228450/668d87...lia_monder.html

قصيدة بني مصر لفريد

http://www.BLOCKED77/file/7228478/5a606d..._BANI_MISR.html

[هيثم نافع]

مولانا الشيخ سيد درويش

صالح بك باشا أفندي عبد الحي

ضيعت مستقبل حياتي

المذهب

ضيعت مستقبل حياتي في هواك

وازداد على اللوم وكتر البغدده

حتى العواذل قصدهم دايما جفاك

وانا ضعيف مااقدرش احمل كل ده

إن كان جفاك يرضى علاك

وأنا في حماك عفو الحبيب

ميكونش أحسن من كده

الدور

علمتني يانور عيوني الامتثال

واحتار دليلي بين تيهك والجوى

كنت افتكر حبك يزودني كمال

خيبت ظني والهوى ماجاش سوى

تبقى سبب كل التعب وتزيد غضب

ده اللى انكتب فوق الجبين

ملوش دوا

الشيخ سيد درويش http://www.sayeddarwishelbahr.com/mp3/daya3t.mp3

صالح أفندي http://www.BLOCKED77/file/7247332/cb5b26...bal_hayati.html

[MZohairy]

اغنية قلبك ع قلبي للسيدة علياء المنذر ، والدة فريد واسمهان.

http://www.BLOCKED77/file/7228450/668d87...lia_monder.html

قصيدة بني مصر لفريد

http://www.BLOCKED77/file/7228478/5a606d..._BANI_MISR.html

الله الله الله

ياسيدي على كنوزك يا سيوا

طول عمرنا بنسمع فريد الأطرش

انما عمرنا ماسمعنا عن والدة فريد الأطرش :)

مولانا الشيخ سيد درويش

صالح بك باشا أفندي عبد الحي

ضيعت مستقبل حياتي

المذهب

ضيعت مستقبل حياتي في هواك

وازداد على اللوم وكتر البغدده

حتى العواذل قصدهم دايما جفاك

وانا ضعيف مااقدرش احمل كل ده

إن كان جفاك يرضى علاك

وأنا في حماك عفو الحبيب

ميكونش أحسن من كده

الدور

علمتني يانور عيوني الامتثال

واحتار دليلي بين تيهك والجوى

كنت افتكر حبك يزودني كمال

خيبت ظني والهوى ماجاش سوى

تبقى سبب كل التعب وتزيد غضب

ده اللى انكتب فوق الجبين

ملوش دوا

الشيخ سيد درويش http://www.sayeddarwishelbahr.com/mp3/daya3t.mp3

صالح أفندي http://www.BLOCKED77/file/7247332/cb5b26...bal_hayati.html

الله يا شيخ هيثم

ده اللي انكتب فوق الجبين ملوش دوا..........

[Simba]

ممكن تاكسي الغرام

واغنية منديله الحلو

هو مش تراثي قوي يعني

بس اعمل ايه هو ده اللي اوعي عليه م الدنيا

[هيثم نافع]

شوف يا موديست يا خويا انت اخويا وان كنتو اخوات اتحاسبوا -_-

ماهو انا لو فاكر اسم الفيلم كنت حقولك عليه على طول بدل الغلب اللي الواحد فيه ده

شوف كل معطياتي وانت حاول تعرف

1- الفيلم حديث نسبيا لأن طلب كان شكله كبير في الفيلم يعني نقول في أواخر الستينات اوائل السبعينات

2- الأغنيه أكيد مطلعها بيقول سبحان من وهب ... يابو قلب دهب

3- قبل ما يغنيها لبس باروكه شبابي و قلبت الموسيقى غربي شويه عشان يوريهم انه قادر على الغناء بلونهم الجديد

:angry2: :unsure: :lol:

مش فاكرحاجه تاني :)

اعمل ايه؟

اعمل ايه؟ :P

انت عملت اللي عليك يا زهيري ياخويا .. يعني عدّاك العيب بصراحة

مادام قلت الفيلم في أواخر الستينات أوائل السبعينات يبقى فيلم "5 شارع الحبايب" .. بطولة عبد المطلب مع حسن يوسف و نجلاء فتحى و من إخراج السيد بدير

5 كده بقى ادور لك على الأغنية ... إيدك معايا يا أبو محمد :P

بصوا أنا لقيت الفلم بس عاوزين حد يشترية

http://www.adabwafan.com/display/product.asp?id=40614

[هيثم نافع]

اغنية قلبك ع قلبي للسيدة علياء المنذر ، والدة فريد واسمهان.

http://www.BLOCKED77/file/7228450/668d87...lia_monder.html

قصيدة بني مصر لفريد

http://www.BLOCKED77/file/7228478/5a606d..._BANI_MISR.html

أيضا عليه المنذر .. و يوسف تاج

عتابا

من إسطوانات بيضا فون

http://www.BLOCKED77/file/7286276/133a53...OF_FARID__.html

:angry2:

[Siwa]

السيدة شادية في بكرة احلى من النهاردة.

الحان عمار الشريعي وكلمات سيد حجاب. حتة اغنية تحفة. تحسس الواحد انه رجع سنين كتيرة لوراء وهو بيسمع حواديت جدتة.

http://www.BLOCKED77/file/7472028/511abd94/bokra.html

انا لاقيتها على مدونة الاغاني اللي بصراحة الاستاذ اللي عاملها ذوقة اكتر من رائع في إختيار الاغاني على مدونتة.

http://elaghani.blogspot.com

والف شكر يااستاذ زهيري. الحمد لله انها عجبتكم. والف شكر يا استاذ هيثم على الروائع.

أما أنا يا ابني شفت لك امبارح حتة حلم

أغرب من أغرب فيلم

شُفت لك الديك بطاقية حمرا و جلابية

واقف بيكلّم شمس الصبحية

يا شموسة يا ام ضفاير دهبية

دهبِك فالصو.. قُصّيه و ارميه

الشمس انكسفت خالص

بقى لونها أصفر خالص

زي لمونة من الدهب الخالص

و انعصرت خالص

و قالت له بصوتها الدهبي

تقصد إيه؟

قال لها

لو سبتي السما و نرلتي السوق

الناس حيبصوا لك من تحت لفوق

و يقولوا

و دي تنفعنا بإيه؟

لو كنتي جنيه

كنت اشتري بيكي مصاصة و بالون اتنطط بيه

لو كنتي جنيه أو حتى قرش نحاس

مش كنتي بقيتي مفيدة لكل الناس؟

فكرّت الشمس الدهبية شوية

و قالت للديك

إنت ولا فاهم حاجة يا ديك

و عامل لي فكيك

ده لولايا عليك

ما كنت طلعت من البيضة

و لا كنت اتعلّمت الغنا و المزازيك

و لولايا على الناس و الدنيا

ما كانتش الأيام البيضا تصبح بيضا

ولا كانت أرض الناس تولد فاكهة

و سنابل و فاصوليا

و لا ورد ندوّبه في كلونيا

الديك المتكلّم .. بلّم

و جري يا فكيك من غير ما يحيّي و لا يسلّم

و صحيت و انا باصرخ و اتكلّم

خدوا كل فلوسي .. ورق و دهب و نحاس

و سيبوا لي الشمس يا ناس

سيبوا لي الشمس يا ناس

سيبوا لي الشمس يا ناس

من ورا ستارة الليالي

شمس بكرة جايّة تاني

إحنا شايفينِك تعالي

يا ام ضحكة برتقاني

العروسة الدهبية

جايّة و ف شفايفها وردة

شمس بكرة جايّة جايّة

بكرة أجمل م النهارده

شُفت يوم عصفورة نونو

لسه طالعة من أودتها

ريشها كان مبلول و لونه

لون غناها و صوصوتها

قمت قُلت ف عقل بالي

بقى دي جناحها يشيلها؟

سِبتها و مشيت في حالي

بعد مدة قلت آجي لها

قال لي واحد من جيرانها

ياه دي طارت ليها مدة

قلت معنى طيرانها

بكرة أجمل م النهارده

شُفت مرة مهرة سمرا

نونو ماسكة ف ديل مامتها

قُلت بكرة حتبقى حرة

تجري وحديها براحتها

عدى شهر و شهر تاني

شُفتها فرسة جميلة

تنطلق تجري ف ثواني

تقطع الرحلة الطويلة

قمت قلت لها قولي لي

ليه بتجري يا مهرة شاردة

قالت الريح بتنادي لي

بكرة أجمل م النهارده

من ورا ستارة الليالي

شمس بكرة جايّة تاني

إحنا شايفينِك تعالي

يا ام ضحكة برتقاني

العروسة الدهبية

جايّة و ف شفايفها وردة

شمس بكرة جايّة جايّة

بكرة أجمل م النهارده

[Siwa]

مقالة جميلة جدا قلت اشاركها معاكم.

نقلا عن

http://www.egypty.com/top4/3asaweya_songs_comparison.asp

أحمد عدوية قدم أغانى الحارة الحقيقية

"كركشندى دبح كبشه "

صدمة النقاد على الرغم من أن كاتبها هو الشاعر الكبير مأمون الشناوى !

أما سعد الصغير وشعبان وبعرور ...

الخلط بين الشعبى والعشوائى

هو السبب فى الخلط بين أغانى عدوية وأغانى سعد أو شعبان

" سلامتك يا دراعى " و " كوز المحبة اتخرم " و " الأساتوك " أغانى لا تعبر عن أى شئ .

أحمد عدوية قدم أغانى الحارة الحقيقية أما سعد الصغير وشعبان وبعرور فأقصى إنجازهم هو الأغنية العشوائية !

ما الفارق بين حى السيدة زينب من جهة وعزبة الهجانة من جهة أخرى أو بين حى الغورية ومنشية ناصر ؟ مع وافر الاحترام لكل السكان من كل المناطق والأحياء ولكن الفارق الذى نتحدث عنه هو بين الحى الشعبى ، والمنطقة العشوائية ، لم يتبق فى القاهرة سوى عدد قليل من الأحياء الشعبية ولكنها تفيض حسب الأرقام الرسمية بعدد 84 منطقة عشوائية ، وإذا أردنا قياس الفارق " فنياً " فهذا هو الفرق بين أحمد عدوية من ناحية وسعد الصغير من ناحية أخرى .

الخلط بين الشعبى والعشوائى هو السبب فى الخلط بين أغانى عدوية وأغانى سعد أو شعبان ، ولابد من الاعتراف بأن عدوية ورغم الهجوم الضارى الذى تعرض له ، إلا أن الكثيرين غيروا نظرتهم إليه فيما بعد ، بعد أن أنطفأ نجمه واختفى عن الساحة فيما بعد لصالح حسن الاسمر وحكيم ، وعبد الباسط حمودة والراحل رمضان البرنس .

ولمزيد من التوضيح فإن الحارة الشعبية التقليدية ليست مجرد شارع ضيق فى منطقة فقيرة ، وإنما هى وحدة إجتماعية تضم جميع المهن والفئات وتمتد فى التاريخ لمئات السنين وبالتالى فقد أنتجت حكمتها وفلسفتها ونظرتها للحياة وعبرت عن كل ذلك باستخدام لغتها الخاصة التى لم تجد طريقها لوسائل الإعلام إلا نادراً أما ما كان يطلق عليه الأغنية الشعبية قبل أحمد عدوية فكان ينقسم إلى نوعين هما الفولكلور التى أعاد انتاجها الأبنودى وبليغ حمدى و النوع الثانى كان الأغنيات التى تتحدث عن عالم الحارة والطبقات الشعبية لكن صناعيها كانوا غالباً من خارج

الحارة مثل " منديل الحلو " لعبد العزيز محمود " أو " أبو سمرة السكرة " لمحمد قنديل وتتضح المفارقة أكثر فى الأغنية الجميلة " ساكن فى حى السيدة وحبيبى ساكن فى الحسين " .

إذن فحتى صنعت الصدفة اللقاء عام 1969 بين أحمد عدوية والشاعر " الريس بيرة " واسمة الحقيقى خليل محمد لم تكن الحارة الشعبية القاهرية قد وجدت من يعبر عنها بدون تزويق أى بواسطة الألفاظ الحقيقية التى تستخدمها فى الحياة اليومية شكلت ألفاظ مثل " كركشندى دبح كبشه " صدمة النقاد على الرغم من أن كاتبها هو الشاعر الكبير مأمون الشناوى وكذلك أغنية " بنج بنج " مع أن ملحنها هو الموسيقار بليغ حمدى إضافة إلى أغنية مجنون التى كتبها صلاح جاهين فإن أنجح أغنيات عدوية كانت زحمة يا دنيا زحمة من كلمات زكى أبو عتمان " صاحب أغنية عرباوى لمحمد رشدى " والريس بيرة وألحان حسن أبو السعود .

أما ما يطلق عليه اليوم أغنية شعبية أو مطربين شعبين فقد اعتمدوا أحيانا ً على اختراع ألفاظ لا تنتمى للحارة ولا لغيرها فحتى هذه اللحظة ولا لغيرها فحتى هذه اللحظة لا أحد يعرف معنى الأساتوك اللى ماشى يتوك وحتى أكثر الحارات تخلفاً لا يمكن أن تسمع فيها تعبيراً مثل " كوز المحبة اتخرم " ومع مد الخط على استقامته ، فإن أغنيات شعبولا عن أنفلونزا الطيور وغيرها من الأحداث الجارية لا يمكن اعتبارها مستمدة من الشارع بقدر ما هى تعبير عن وجهة نظر شعبان نفسه أو شاعره إسلام خليل وربما لهذا ما زالت أكثر أغنياته نجاحاً هى " بكره إسرائيل " وبالنظر إلى كوكتيل العنب الشهير ، تزيد الأمور وضوحاً فهو يضم نخبة من المطربين الناجحين شعبياً وأغنية العنب لسعد الصغير وأغنية سمعنى ذئاب الجبل لمحمد سعيد وأغنية سلامتك يا دراعى لمحمد صلاح وهى جميعاً أغنيات تتحدث عن نفسها فلا يمكن اعتبار أيا منها تعبيراً عن أى فئة ولا هى تحمل جمالياتها الخاصة ، ولا ننسى على سبيل المثال أغنية " يا هنادى " ليسرى شريف التى تسلك طريقاً مضموناً هو السخرية من التراث وهو نفس الطريق الذى بدأ به سعد الصغير فى كليب " الكلام على مين " الذى سخر فيه من مظاهرات ثورة 19 بشكل عام يعتمد سعد الصغير على رقصه أكثر مما يعتمد على غنائه وهو لا يجد غضاضة " مثل

شعبولا" فى أن يغنى العديد من الأغنيات على نفس اللحن الذى يكون عاطفياً مرة وإعلانياً مرة أو مهنئاً لمنتخب الكرة فى مرة ثالثة ويضاف إلى ما سبق أغانى النكت التى ازدهرت بدءاً من " أحمد حلمى اتجوز عايدة " وصولاً إلى " الديك بيحب الوزة " .

أما الأصوات فهى مليئة بالعيوب الخلقية والجهل بأساليب الآداء الغنائى لدرجة تجعل الكثيرين يترددون فى منح شعبولا وبعرور وحمودة لقب مطرب .

الفارق الأهم بين عدوية وجيل " الشعبين " الحالى هو أن عدوية نجح فى عصر أم كلثوم وعبد الحليم ، بينما نجح شعبولا ورفاقه فى عصر انحطاط فنى واجتماعى بل وأصبحوا رموزاً لذلك العصر مع استشراء العشوائيات التى تحيط بالقاهرة إحاطة السوار بالمعصم ، والمنطقة العشوائية ليست مكاناً مستقراً كالحارة ولا تمتلك ثقافة خاصة وبالتالى لا تنتج ثقافة إنها مكان مؤقت تماماً كالأغنية العشوائية فأغانى سعد الصغير وزملائه مقطوعة الجذور لا أصل لها فى التراث الموسيقى أو الغنائى وفى نفس الوقت لا تقدم جديداً المنطقة العشوائية منطقة لا تعرف المستقبل وكذلك الأغنية العشوائية .

تحرير : محمد خير

نقلاً عن جريدة الدستور - 15 نوفمبر 2006 م

بالإتفاق مع الجريدة

[منعم ابوطالب]

الله على النوادر الجميله دى

بصراحه اعجبتنى اغانى والده اسمهان وفريد

ياريت لو فيه نوادر تانيه لفريد او اسمهان اكون ممنون

بارك الله فيك اخى الكريم وجزاك كل خير

اسعدتنى والله

[Siwa]

اهلا وسهلا بيك في المنتدى. اتفضل شوية اغاني على ما قسم لفريد الجميل.

اول همسة

http://www.BLOCKED77/file/7794915/17983a...awel-hamsa.html

بني مصر

http://www.BLOCKED77/file/7228478/5a606d..._BANI_MISR.html

نداء العلا

http://www.BLOCKED77/file/7794908/703277...2_el_3oula.html

بحب من غير امل

http://www.BLOCKED77/file/7794914/609f0a..._ghir_amal.html

المارد العربي

http://www.BLOCKED77/file/7794881/c0f52f...red_Al3rby.html

تم تعديل 23 ديسمبر 2006 بواسطة Siwa

[Ahmad Farahat]

أحلى حاجة في المنتدى ده.............

إنك تستخدم تكنولوجي القرن العشرين..........

والواحد وعشرين..........

عشان تسمع إبداعات القرن التاسع عشر والثامن عشر...............

[منعم ابوطالب]

كلهم عندى مفيش غير نداء العلا هيه اللى نقصانى

مش عارف اقولك ايه ربنا يسعدك دنيا واخره يارب واشوفك سعيد متهنى ياقادر يا كريم

الف الف شكر واردهالك فى الافراح

[Simba]

كان ياماكان

من فترة من فترات المحاورات واحد اسمه زهيري عمل الموضوع ده والموضوع اشتغل حلو قوي بس فجأة توقف مش عارف ليه

ياتري ممكن الاقي اغنية الدنيا ريشة في هوا