كنوز فنيه غنائيه موسيقيه نادره

[Modest]

الله عليك يا أبو محمد .. و على رأي زهيري: الموضوع سِخِن :blink:

تفضّلوا موشحات لفؤاد عبد المجيد و أعدكم بعدها بطقطوقة نادرة لأم كلثوم أعتبرها مفاجأة من العيار الثقيل و كمان لإنها تم سحبها من الأسواق من ييجي سبعين تمانين سنة .. يعني هاتكون هنا "حصرياً" :blink:

ساقي بنت الحان

عجباً لغزالٍ قتالٍ عَجَبَا

قِف يا هَوَى

لحظٌ رنا

يا من نَشَا حُبُّهُ في الحَشَا

يا غريب الدّار

لي ليالي طوال

آهٍ لقلبي و القمر

لاهٍ تياه

حِبّي مُنيَتي أَدرِك مهجتي - بصوت عفاف راضي

فُتِنَ الذي فَتَنَ القلوب بحُسْنِهِ - بصوت عفاف راضي

"" الموشحات التالية تم إضافتها اليوم 16 فبراير 2008 ""

دعاني

اشرق يا طلعة البدر

الزمــان

الشاطيء المهجور

حيّرني الهوى

لوجهِك السامي رنا

هلّ الربيع

----------------------------------------------------------------------------------

.

إعلان مدفوع الأجر

من يريد تحميل تتر النهاية لمسلسل "سكّة الهلالي" صوت فقط أو صوت و صورة ، و بأكثر من جودة ، يذهب لموضوع أبو محمد

"دى لا باظت.. ولا خربت!"

أو يضغط على الصورة التالية

.

تم تعديل 16 فبراير 2008 بواسطة Modest

[Folana]

السلام عليكم ورحمة الله..........

الله عليك يا مودست....الله يبارك لك...أزيدنا

[MZohairy]

مش عارف من غيري كنتو عملتو ايه!! :blink:

حديث اذاعي نادر في اوائل الستينات مع سلطانة الطرب منيره المهديه

لذيذ اوي

اسمعوا وعوا

http://www.BLOCKED77/file/5163372/8c70d0...ira_mahdia.html

[Modest]

السلام عليكم ورحمة الله..........

الله عليك يا مودست....الله يبارك لك...أزيدنا

و عليكم السلام و رحمة الله و بركاته.........

حاااااضر :blink: ... و عندك واحد "موشَّح" تاني لمدام فولانة يابني :blink:

يا غُصـن نقا مُكللاً بالذهبِ

غناء: صباح فخري

الكلمات

يا غُصـن نقا مُكللاً بالذهبِ

أفديك من الردى بأمي وأبي

إن كنتُ أسأت في هواكم أدبي

العصمة لا تكـون إلا لنبي

يا مالك مهجتـي تـرفّـق باللهْ

لا بدّ لكل عاشـق مـن زلةْ

روحي تلفت ومهجتي في علة

لا حـول ولا قـوة إلا باللهْ

الغصن إذا رآك مقبل سجدا

والعين إذا رأتك تخشى الرمدا

يا من بوصاله يداوي الكبدا

مـا تفعله اليـوم تلقـاه غدا

لو صادف نوح دمع عيني غرقا

أو شاهد لوعتي الخليل احترقا

أو حمـلت الجبـال ما أحمله

صارت دكّاً وخرّ موسى صعقا

يا من سألك عن الهوى كن عادل

احذر تبلى وخل عقلك عاقل

واسـمع مثلا من منتبه لا غافل

الحب أذى والعشق سم قاتل

تالله لقد سمعت في الأسحار

عـن جارية تـدق بالأوتار

تالله لقد سمعت من منطقها

من عذّب عاشقا جُزي بالنار

فضلاً إضغطي هنــــــــــــــــــــــــــــا للوصول إلى صفحة تحميل الأغنية

تم تعديل 16 فبراير 2008 بواسطة Modest

[MZohairy]

http://www.BLOCKED77/file/5168360/ac6407b5/__online.html

محمد فوزي يغني خايف اقول اللي في قلبي على العود

يا بختكم بيا والله :blink:

[Folana]

السلام عليكم ورحمة الله.....

طبعا يا بختنا بك ..هى دى عايزة كلام يا امرؤ..ويابختنا بمودست برضه..تعرف يا مودست انا زوجى العزيز بيحب صباح فخرى ده جدا وحينبسط جدا لما يسمعه...وحيبعت لك جواب شكر كمان ....علىضمانتى ....

وبصراحة يابختنا بكم كلكم .....

بالنسبة للست منيرة كنت مرة قريت لها كلمات اغنية كده...ياترى مافيش اغانى لها ...

[nor fahmy]

أصدقائى

كل عام وأنتم بخير

أرجوكم عايزه

1- أغنيه ورده - على عينى ياحبه عينى

2- أغنيه مصطفى كامل - حبيبى بقى ماتيجى بقى

مش أنا برده عشره زمان حبيبك اللى كان وطبطب يامولانا

مش لاقياهم على النت

وأكون شاكره لكم

صديقتكم

نور فهمى

الاسكندريه - العصافره

:blink: :blink: :) :huh: :wub: :wub:

تم تغيير العنوان ليعبر عنمحتوى الموضوع

تم دمج المشاركة في هذا الموضوع

تم تعديل 31 أكتوبر 2006 بواسطة صبح

[أبو محمد]

السلام عليكم ورحمة الله.....

طبعا يا بختنا بك ..هى دى عايزة كلام يا امرؤ..ويابختنا بمودست برضه..تعرف يا مودست انا زوجى العزيز بيحب صباح فخرى ده جدا وحينبسط جدا لما يسمعه...وحيبعت لك جواب شكر كمان ....علىضمانتى ....

وبصراحة يابختنا بكم كلكم .....

بالنسبة للست منيرة كنت مرة قريت لها كلمات اغنية كده...ياترى مافيش اغانى لها ...

بس كده ؟ .. غالى والطلب رخيص .. إتفضلى يافندم :

الست منيرة فى : شال الحمام

[أبو محمد]

فنان الشعب .. الشيخ سيد درويش .. أثرى الموسيقى بألحان باقية ما دام هناك آذان تسمع .. ألحان كثيرة أنتجها فى سنوات عمره القليلة .. رافقه فيها الفنان بديع خيرى بكلماته .. وتتلمذ على يديه الكثيرون من ملحنينا العظماء .. والغريب أن تلاميذه صار لكل منهم طابعه المختلف 180 درجة عن الآخر .. ففى حين خرج من تلاميذه رائد التجديد والحداثة محمد عبد الوهاب .. نجد أن منهم من حافظ على القوالب الشرقية الصميمة مثل الشيخ زكريا أحمد ..

هذه وصلة لحفل تأبين للفنان العظيم .. ألقى فيه رفيقه بديع خيرى زجلا لرثائه .. وغنى تلميذه "الشيخ زكريا" دور ضيعت مستقبل حياتى .. والتلميذ يشترك مع أستاذه فى قلة جمال الصوت .. ولكن يشترك معه أيضا فى عبقرية الأداء

سمع هوووووووووووووووس

بديع يرثى الشيخ سيد .. وزكريا يغنى : ضيعت مستقبل حياتى

[اسود وتعالب وارنب]

ياجماعة فيه موقع جميل جدا اسمه ( منتدي سماعي للطرب الشرقي فيه كل الاغاني القديمة اللي ممكن تتخيلوها ) من كل الاغاني والمطربين جميل فعلا و مجاني

[Modest]

السلام عليكم ورحمة الله.....

طبعا يا بختنا بك ..هى دى عايزة كلام يا امرؤ..ويابختنا بمودست برضه..تعرف يا مودست انا زوجى العزيز بيحب صباح فخرى ده جدا وحينبسط جدا لما يسمعه... وحيبعت لك جواب شكر كمان ....على ضمانتى ....

وبصراحة يابختنا بكم كلكم .....

بالنسبة للست منيرة كنت مرة قريت لها كلمات اغنية كده...ياترى مافيش اغانى لها ...

و عليكم السلام و رحمة الله و بركاته......

هذه المجموعة من أغاني و مواويل صباح فخري إهداء مع تحياتي إلى زوجِك العزيز

البلبل ناغى يا غصن الفل

سكابا يا دموع العين

ونَّبي يامّا

يا مال الشام

عالهيلة

عالصالحية

على دلعونة

أحِنُّ شوقاً

آه كَلِّمي

خمرة الحُّب

إبعت لي جواب

مواويـــــل

نعم سار طيف من هوى - موّال

قدُّك المَّياس

قُل للمليحة

يا سارق الإبل

يا طِيره طِيري

زمان يا زمان

------------------------------------------------------------------------------------------

يا بختكم بيا والله :angry:

طبعاً يا بختنا بيك :angry2: .. و هايكون يا بختنا بيك أكتر لو شفت لنا أغنية "يا حبيبي .. تعالى بالعَجَل" :angry: .. اللي بتغنيها مش فاكر مين .. فاكرها انت و هي قاعدة على الكرسي و وراها الفرقة و ماسكة المنديل بإيديها الاتنين بتقطع فيه و هيا بتغنيها ؟ :closedeyes:

[MZohairy]

خدوا البلوى دي للست منيره

يا عينك يا جبايرك

يا ناري من واحايدك

يا راجل

يا راجل بُورريه

http://www.BLOCKED77/file/5203965/f4c76e3/_-___.html

و للعزيز موديست

يا حبيبي تعالى بالعجل

ملحظه كلمة العجل المقصود بها الاستعجال و التشهيل مش العجل اللي من فصيلة الحيوانات :closedeyes:

http://www.BLOCKED77/file/5204237/db734d...malak_ruhi.html

الهمه يا رجاله عايزين نروح قبل المغرب :angry2:

[Modest]

و للعزيز موديست

يا حبيبي تعالى بالعجل

ملحظه كلمة العجل المقصود بها الاستعجال و التشهيل مش العجل اللي من فصيلة الحيوانات :closedeyes:

http://www.BLOCKED77/file/5204237/db734d...malak_ruhi.html

الهمه يا رجاله عايزين نروح قبل المغرب :angry2:

معقولة جبت الأغنية كده بالعَجَل؟! :angry:

محمود شكوكو بيسلم عليك و باعت لك أغنية

"يا سلاح الجيش يا مجنِّنهُم"

من كلمات فتحي قورة

و اللحن لمحمد فوزي

تم تعديل 16 فبراير 2008 بواسطة Modest

[واحد تاني]

تسجيل اعجاب شديد باللى بيحصل هنا ... :angry2:

2- أغنيه مصطفى كامل - حبيبى بقى ماتيجى بقى

مش أنا برده عشره زمان حبيبك اللى كان وطبطب يامولانا

تم تغيير العنوان ليعبر عنمحتوى الموضوع

تم دمج المشاركة في هذا الموضوع

الله !!! مش ده موضوع كنوز فنية نادرة ؟

لو انا فاهم صح يبقى لازم قصدك الزعيم مصطفى كامل الله يرحمه ! :closedeyes:

[مسافر زاده الخيال]

بصراحة ردودكم تثبت بما لا يدع مجالا للشك تفوق ورقي الغناء القديم مقابل البلاوي السودا اللي بنسمعها الايام دي (واوا اح ولا العنب العنب)

ودمتم

[أبو محمد]

بصراحة ردودكم تثبت بما لا يدع مجالا للشك تفوق ورقي الغناء القديم مقابل البلاوي السودا اللي بنسمعها الايام دي (واوا اح ولا العنب العنب)

ودمتم

فى هذه الأيام .. الهابط هو القاعدة .. والراقى هو الاستثناء .. أيام زمان كان الراقى هو القاعدة والهابط هو الاستثناء ..

إسمع يا مسافر هذه الأغنية التى كانت بمقاييس زمان منيرة المهدية وبرضه بمقاييس النهاردة .. إغنية جريئة وهابطة كمان .. يعنى كانوا أساتذة كمان فى الهابط ..

الست منيرة فى :

ماتخافشى عليا دانا واحدة سيجوريا ... فى العشق يا إنت واخدة الباكالوريا

تم تعديل 31 أكتوبر 2006 بواسطة أبو محمد

[أبو محمد]

مصر الجميلة - منيرة المهدية

سوريا الجميلة _ منيرة المهدية

تم تعديل 31 أكتوبر 2006 بواسطة أبو محمد

[مسافر زاده الخيال]

قد يكون هبوطا ولكنه يظل ارقى من هبوط الحالي

بصراحة في هذا الزمان كاظم الساهر هو الاول بلا منازع

[MZohairy]

فؤاد الأطرش في لقاء اذاعي يروي ذكرياته مع أخته اسمهان و اخوه فريد الأطرش و اسرار لم تذع من قبل

http://www.BLOCKED77/file/5249886/933926...d_by_fuaad.html

بس ايه رأيكم في كلمات الست منيره و خصوصا بورررريه؟

يا عينك يا جبايرك

يا ناري من واحايدك

يا راجل

يا راجل بُورريه

ايه اصل الكلمه؟ :excl:

[Folana]

السلام عليكم ورحمة الله....

بوررريه منك يا امرؤ بورييييييييييييه ...رائعة فعلا....

اظن بورييه دى يعنى يامرارى منك يامرارى...

مودست مش عارفة اشكرك ازاى بجد..ربنا يكرمك ويبارك لك ويدخل السرور الى قلبك زى ما اسعدتنا....بس انا متهيألى "ياحبيبى تعال بالعجل دى"...يعنى تعالى ممتطى العجلة..على اساس ان كان زمان بيركبوا الحنطور...فهى اشترت له عجلة جديدة فى العيد وهو باعها ..فحبت تحرجه وقالت له تعالى بالعجل....

ابو محمد...الاغانى اللى عرضتها هايلة ...هى دى ....:excl:..اظن كان فيه اغنية اسمها ارخى الستارة اللى فى ريحنا ...كانت بتاعة منيرة برضه؟ وياترى موجودة...ولا اغنية عصفورى يامه عصفورى..

بجد ..بجد...نفسى اقدم لكل واحد فيكم وردة جميلة ..تعبيرا عن شكرى وامتنانى ....

اختى الحبيبة نور فهمى..طالبة اغنية كان على عينى...اقولها كان على عينى ...بس هنا اغانى من التراث..حتلاقى طلبك مع اخونا الفاضل وايت هارت فى موضوع يالا نغنى ....بس حاولى تستمتعى معانا بالاغانى الجميلة دى

صباحو جميل .......... :excl: