كنوز فنيه غنائيه موسيقيه نادره

[واحد تاني]

الله يحظك ياريس ابو محمد

ايوووه ياجدعان ... دي الحتة اللى فاتت دي اخر اليسطة

ومقام سيدي المرسي فكرتونا بأيام البياصة

تستاهلوا عليها تجي تأزأزوا ويانا شويتين الريتسة دول

مد ايديك اومال وسمي ... :D

[أبو محمد]

الله يحظك ياريس ابو محمد

ايوووه ياجدعان ... دي الحتة اللى فاتت دي اخر اليسطة

ومقام سيدي المرسي فكرتونا بأيام البياصة

تستاهلوا عليها تجي تأزأزوا ويانا شويتين الريتسة دول

مد ايديك اومال وسمي ... :D

بسم الله الرحمن الرحيم .. والله يا واحد ياخويا الريتسة واحشانى قوى .. أيووووه ياجدع .. ماكلنهاش من ييجى حليون سنة .. إستنى استنى .. الواد حودة معدى أهو ...

حودة .. آحودة ... تعالى آخويا .. حطلنا شوية جندوفلى وشوية جلا جولا نقزقزوا فيهم .. وجرى على فرن حبيب .. أنى موديلهم صينية بساريا على حبة سمك بربونى على شروة مياس لوز .. هاتهم .. وهات معاك تورتين تلاتة عيش .. عشان الريس مرسى وجابر وخميس بياخدو بولطة وزمانهم جايين .. أصلنا ناويين ندبوها ياجدع ... ماتنساش الحباش آحودة .. حمامة يالا :)

قربوا ياجماعة .. مدوا ايدكو قزقزوا معانا دى القعدة صباحى النهاردة ..

لغاية حودة ما يرجع إيه رأيكم نسمعوا بدارة ..

بدارة ده إسم الشهرة لأجمل صوت شعبى (بدرية السيد) .. لما تسمعوها .. أنا متأكد إنكم حتقولوا إيه الجبروت ده :D

بدارة هى التلميذة النجيبة للشيخ أمين .. الاتنين كانوا ملعلعين فى اسكندرية فى الخمسينات والستينات .. لها موال شهير بتقول فيه :

طلعت فوق السطوح أنده على طيرى

لقيت طيرى بيشـرب من قـنا غيرى

زعقت من عزم مابى وقلت ياطيرى

قاللى زمانك مضى دور على غيرى

الموال ده اللى بتستعرض فيه بدارة مساحة صوتها الرهيب .. أنا جبتهولكم فى وسط أشهر أغانيها .. من تلحين فنان عظيم لكن للأسف قدر فنانى الاسكندرية أن يظلوا مغمورين إن لم يهاجروا إلى القاهرة .. الملحن ده هو الآستاذ فتحى جنيد .. نعم .. شقيق حسين جنيد قائد فرقة أم كلثوم للموسيقى العربية .. الغنوة إسمها "من فوق شواشى الدرة .. قمرية بتغنى "

أرجو من إخوانى السميعة إنهم يقولوا رأيهم بكل صراحة فى الوجبة الاسكندرانى دى لبدارة وأستاذها الشيخ أمين .. وهل أنا متيم بيهم لأنهم اسكندرانية .. ولا فعلا يستاهلوا نترحم عليهم وعلى الزمن الجميل ؟؟؟

من فوق شواشى الدرة .. قمرية بتغنى - بدارة

[مصري في الكويت]

أيوة كده

أنا كنت لسه ناوي أخد اللحاف اللي مستلمه من الوزارة واعزل واشوف لي حتة تانية اروح الذق فيها بس الجماعة الحمد لله صحيوا تاني ورجعوا من شارع عابدين وباين عليهم رجعوا محملين

وبمناسبة وجودي السعيد ... السعيد خالص والمفرح قوي ... وطبعا مش محتاج اني اقول أن وجودي معاكم مؤثر

لا لا أخلجتم تواضعي خالص

عاوز اغنية بانو بانو بتاعة سعاد حسني من فيلم شفيقة ومتولي ........................ المسألة مصيرية يا بتوع الكنوز

[Modest]

عاوز اغنية بانو بانو بتاعة سعاد حسني من فيلم شفيقة ومتولي ........................ المسألة مصيرية يا بتوع الكنوز

حيث إن المسألة مصيرية و الموضوع فيه دم يبقى اتفضل يا عم مصري :D

إضغط على صورة شفيقة و اسمع بانــو

و بنمَسُّوا على عمّنا أبو محمد و سي واحد تاني أفندي اللي قاعدين عالإمة :D

أني نازل مصر نحضروا حفلة لطِلب في جونينة الازبكية و نرجعوا لكم بكل أغاني الحفلة إن شاء الله بس أمانة تحوشوا لي شوية جندوفلي و جلاجولا :)

.

[مصري في الكويت]

شكرا يا موديست يا اخي مش عارف والله اودي جمايلك دي فين

بس تصدق يا اخي انا لما شفتك اون لاين في المتندي

قالت خليني بقي بلاش اروح انا م

انا متأكد انه هيدخل الكنوز ويعمل حاجة

بس مكنتش فاكر انك هتجيب اغنيتي

تسلم وتعيش يا موديست

[مصري في الكويت]

موووووووديست يا موووووووووووووووديست

أنت يا عمنا يا بتاع الكنوووووووز

معلش اصلهم قالولي لما احتاجك اصرخ

معلش بقي بما انك الهاكر بتاع العصور الوسطي وعصور الظلام وعصور قبل قبل ما أنا اتولد

كان بس عندي طلب صغنن يعني

تعرف الراقصة كيتي

اكيد عارفها طبعا دي من زمان قوي

بس لو تسمح يعني تنزل لنا برقصة من الرقصات بتاعتها

او أغنية يا تمر حنا بتاعة فايزة احمد بس ياريت تكون مرئية الله يخليك

بس لما تجيبها متقولش لحد انا نعيمة عاكف بترقص في الاغنية دي

وتسلم الايادي يا أحلي موووووووووديست

[أبو محمد]

و بنمَسُّوا على عمّنا أبو محمد و سي واحد تاني أفندي اللي قاعدين عالإمة

أني نازل مصر نحضروا حفلة لطِلب في جونينة الازبكية و نرجعوا لكم بكل أغاني الحفلة إن شاء الله بس أمانة تحوشوا لي شوية جندوفلي و جلاجولا

مادام فيها أغانى " أبو سامى " يبقى حتلاقينا محضرينلك جمبرى وكابوريا واستاكوزا وحلة رز صيادية وسندوء أزوزة كمان .. إحنا عندنا كام موديست وكام طِلب ..

[Folana]

السلام عليكم ورحمة الله.....

كيتى يامصرى!!..... :D رقص فى دار ابو الوفا؟....... :D

الرقص ممنوع يا اخونا...الرقص ممنوع...البيت ده طاهر وحيفضل طول عمره طااااااهر :)

وبعدين ايه ريحة الظفارة دى؟...عمالين تاكلوا سمك وجندوفلى وترسة وام الخلول من امبارح ..الريحة وصلت لحد تحت فى شئون المحاورات ..مش معقول كده؟.....(مافيش استاكوزا؟)

[Modest]

موووووووديست يا موووووووووووووووديست

بس لو تسمح يعني تنزل لنا برقصة

رقصصصصصصصصصص؟ ;) ... أنزل برقصة؟!!! ... لألألأ أبداً لا ممكن يحصل :D ... اتكسف :)

أنزل لك بأغنية آه إنما رقصة ... لالالالالالالالا :D

تم تعديل 15 نوفمبر 2006 بواسطة Modest

[MZohairy]

من بعد ما فتحت الموضوع ده بيومين تلاته لقيت عدد القراء 50 أو 60 قارئ!!!!!

بصراحه اتضايقت اوي

لكن كمحاوراتي قديم قلت لأ

الموضوع ده حيجر زبونه و حيعلي نفسه (وش جميل راتب في فيلم الكيف) و حيبقى زهرة السهره

و فعلا

بعد اسبوعين وصلنا الى 2367 قراءه و 168 مداخله اغلبها كنوز الكنوز :D

والشهاده لله

الفضل يرجع بعد ربنا لأبو محمد و موديست اخواني في تفريق الكنوز على العالم

ربنا يخليكم كلكم

[واحد تاني]

بس لو تسمح يعني تنزل لنا برقصة ***

طب سانيا واحدااا ...

اتحزم ...

وااجي ...

[Modest]

من بعد ما فتحت الموضوع ده بيومين تلاته لقيت عدد القراء 50 أو 60 قارئ!!!!!

بصراحه اتضايقت اوي

لكن كمحاوراتي قديم قلت لأ

الموضوع ده حيجر زبونه و حيعلي نفسه (وش جميل راتب في فيلم الكيف) و حيبقى زهرة السهره

و فعلا

بعد اسبوعين وصلنا الى 2367 قراءه و 168 مداخله اغلبها كنوز الكنوز :angry:

والشهاده لله

الفضل يرجع بعد ربنا لأبو محمد و موديست اخواني في تفريق الكنوز على العالم

ربنا يخليكم كلكم

حقيقي أنا مستمتع بالمباراة الجميلة اللي شغّالة هنا في الموضوع ده .... و الأحلى بالنسبة لي شخصياً ، بالإضافة إلى استفادتي مما طُرِح من كنوز ، هو إني شعرت مع مرور صفحات الموضوع إني أصبحت صديق لزهيري و ابو محمد و واحد تاني و جميع من شارك في الموضوع و هذا شرف لي طبعاً B)

أشكرك يا زهيري على الموضوع الجميل و أشكُر جميع من شارك .. وبس بقى أحسن الدمعة هاتفِر من عيني

.

[أبو محمد]

mzohairy كتب :

بعد اسبوعين وصلنا الى 2367 قراءه و 168 مداخله اغلبها كنوز الكنوز

والشهاده لله

الفضل يرجع بعد ربنا لأبو محمد و موديست اخواني في تفريق الكنوز على العالم

ربنا يخليكم كلكم

ويخليك ويسعدك يا فنان

بس إحنا لا يمكن ننسى فضل الضربة الجوية الأولى B)

إنت بخلان علىّ برأيك ليه يافنان ؟ .. أنا طلبت طلب صوغنن من سميعة الكنوز .. نفسى أعرف رأيهم فى اتنين من الفنانين الشعبيين السكندريين رحلا عن دنيانا وتركا أثرا فى وجدان جيلى والجيل الذى قبلى ..

لغاية دلوقت ال Download وصل 15 لصهبة الشيخ أمين .. وزيهم لتلميذته بدارة ذات الصوت الرهيب (فى رأيى) .. نفسى أعرف رأى الشباب وبالذات اللى مش من اسكندرية

أرجو من إخوانى السميعة إنهم يقولوا رأيهم بكل صراحة فى الوجبة الاسكندرانى دى لبدارة وأستاذها الشيخ أمين .. وهل أنا متيم بيهم لأنهم اسكندرانية .. ولا فعلا يستاهلوا نترحم عليهم وعلى الزمن الجميل ؟؟؟

[MZohairy]

mzohairy كتب :

بعد اسبوعين وصلنا الى 2367 قراءه و 168 مداخله اغلبها كنوز الكنوز

والشهاده لله

الفضل يرجع بعد ربنا لأبو محمد و موديست اخواني في تفريق الكنوز على العالم

ربنا يخليكم كلكم

ويخليك ويسعدك يا فنان

بس إحنا لا يمكن ننسى فضل الضربة الجوية الأولى :angry:

إنت بخلان علىّ برأيك ليه يافنان ؟ .. أنا طلبت طلب صوغنن من سميعة الكنوز .. نفسى أعرف رأيهم فى اتنين من الفنانين الشعبيين السكندريين رحلا عن دنيانا وتركا أثرا فى وجدان جيلى والجيل الذى قبلى ..

لغاية دلوقت ال Download وصل 15 لصهبة الشيخ أمين .. وزيهم لتلميذته بدارة ذات الصوت الرهيب (فى رأيى) .. نفسى أعرف رأى الشباب وبالذات اللى مش من اسكندرية

أرجو من إخوانى السميعة إنهم يقولوا رأيهم بكل صراحة فى الوجبة الاسكندرانى دى لبدارة وأستاذها الشيخ أمين .. وهل أنا متيم بيهم لأنهم اسكندرانية .. ولا فعلا يستاهلوا نترحم عليهم وعلى الزمن الجميل ؟؟؟

والله ححملهم حالا و اسمعهم في البيت براحتي عشان اديلك الكونكلوجن :huh:

حلوه كونكلوجن دي؟

و حترجمها بالعربي عشان اللي مبيعرفش انجليزي

كونكلوجن يعني بوسه B)

هو إني شعرت مع مرور صفحات الموضوع إني أصبحت صديق لزهيري و ابو محمد و واحد تاني و جميع من شارك في الموضوع و هذا شرف لي طبعاً ;)

أشكرك يا زهيري على الموضوع الجميل و أشكُر جميع من شارك .. وبس بقى أحسن الدمعة هاتفِر من عيني

.

هو انا أطول؟

الشرف ليا يا فنانين يا ملوك التذوق يا أويماجيه

[أبو محمد]

من بعد ما فتحت الموضوع ده بيومين تلاته لقيت عدد القراء 50 أو 60 قارئ!!!!!

بصراحه اتضايقت اوي

لكن كمحاوراتي قديم قلت لأ

الموضوع ده حيجر زبونه و حيعلي نفسه (وش جميل راتب في فيلم الكيف) و حيبقى زهرة السهره

و فعلا

بعد اسبوعين وصلنا الى 2367 قراءه و 168 مداخله اغلبها كنوز الكنوز ;)

والشهاده لله

الفضل يرجع بعد ربنا لأبو محمد و موديست اخواني في تفريق الكنوز على العالم

ربنا يخليكم كلكم

حقيقي أنا مستمتع بالمباراة الجميلة اللي شغّالة هنا في الموضوع ده .... و الأحلى بالنسبة لي شخصياً ، بالإضافة إلى استفادتي مما طُرِح من كنوز ، هو إني شعرت مع مرور صفحات الموضوع إني أصبحت صديق لزهيري و ابو محمد و واحد تاني و جميع من شارك في الموضوع و هذا شرف لي طبعاً B)

أشكرك يا زهيري على الموضوع الجميل و أشكُر جميع من شارك .. وبس بقى أحسن الدمعة هاتفِر من عيني

.

موديست .. إنت من الأحرار ياموديست :angry:

هنيئا لى إخوان الصفا وخلان الوفا .. أصدقاء الفن

الفن مين يعرفه إلا اللى عـاش فى حـماه

والفن مين يوصفه إلا اللى هام فى سماه

الفن - أنشودة كل الأجيال - لموسيقار الأجيال

[MZohairy]

حاجه جميله أوي ان الواحد يبقى مصاحب ناس عندهم كنوز B)

خدوا دي

محمد عبد الوهاب في جلسه خاصه يغني رائعته والله مان سالي

روعه

يا جلساتك يا عبد الوهاب

http://www.BLOCKED77/file/5960260/8441c700/____.html

تم تعديل 15 نوفمبر 2006 بواسطة mzohairy

[مصري في الكويت]

ليه يا جماعة يا بتوع الكنوز كده ... جرحتم قلبي وانتم عارفين قلبي رهيف ما يستحملش ... ده كيتي برضه تعتبر من التراث القديم قوي يعني ...... وهي دي دار ابو الوفا ......

انا فكرت اساسا اشوف خمسة ستة بلطجية واطلع علي بيت موووووديست ونخطفه هو والكمبيوتر بتاعه ونصفي كل التحف اللي فيه ..... ولا اقولكم الطيب احسن

حد يحدفني بقي بأغنية يا صحبجية الله يخليكم ........... واغنية عبد المنعم مدبولي طيب يا صبر طيب الله يرحم زمان وليالي زمان

انا حاجز درجة اولي في الموضوع اهو ومنتظر الكنوز الله يخليكم

[اسود وتعالب وارنب]

مين اللي بيجيب سيرة الراقصة كيتي لالالالا كده بلاش دة راقصة عندها ضمير كانت راقصة فعلا ممتازة فيه كمان واحدة تانية دائما تطلع مع المطرب محمد عبد المطلب راقصة بدون عمود فقري جمال بجد يعني بيرقصوا بضمير صاحي

وبعدين محدش يجي جنب الست الحلو السكندرية بداره الله يرحمها علي فكرة عرض علي الفنانة بدارة انها تذهب الي القاهرة وتغني اغاني غير شعبية ولكنها فضلت اللون الشعبي السكندري وكانت من اشهر الفنانات وومكنش الفرح فرح الا اذا غنت بدارة او الفنانة سماح وكمان الفنان الكبير عزت عوض الله صوت الاسكندرية والله يرحم ايامهم

[أبو محمد]

ألأخت "أسود وتعالب وأرانب" ... يااااااه .... دانا نهجت عقبال ما كتبت اسمك B) معلش أصلى أول مرة اكتبه .. تسمحيلى (حالة استثنائية يعنى للمسنين) إنى أختصره ؟ .. إيه رأيك فى أ.و.ت.و.أ ؟ :angry:

إنتى باين عليكى بلدياتى (كده الحكد حيزداد علينا فى المحاورات .. متهيألى عددنا بقى حوالى 555 .. وبكره كليو تقولنا : "إووففف .. مليتو البلد" ) .. لو حصل ، يبقى ننزلولهم غنوة محرم فؤاد اللى بالى بالك :huh: ... أيوه بتاعة " كيدنا العوازل يالمونة " ;)

كلامك جميل عن فنانى الإسكندرية المغمورين .. مغمورين لكن سعداء زى السمك .. ما يقدروش يبعدوا عن بحر اسكندرية ..

ذكرتى منهم عزت عوض الله ... ياسلااااام .. إيه رأيك لو أسمعك غنوة أخدها " أحمد عدوية " وغناها زى ما هى كده وبدون أى ذكر لصاحبها الأصلى .. أيوه يا " أ.و.ت.و.ا " هى بالظبط .. " يازايد فى الحلاوة عن أهل حينا .. ماتبطل الشقاوة وتعالى عندنا " ..

عزت عاش فقير ومات فقير .. كان بيشتغل فنى صيانة فى التليفونات .. لو كان موجود الأيام دى كان زمانه عنده بطارية أرانب ويمكن من الأخضر

يازايد فى الحلاوة - هدية اسكندرانى

[مصري في الكويت]

يااااااااااجماعة يا بتوع الكنوز مش معقول كده

انا واقف بقالي كتير مستني الطلبات ...

يا صحبجية ....... وكمان يا غريب الدار لعبده السروجي

انا مش متحرك من هنا قبل ما اخد الحاجة

فينك يا موديست

يا سواد الكمبيوتر بتاعي من بعدك يا مووووديست ............