يلا حالاً بالاً غنوا لأم مادا عيد ميلادها الليلة اسعد الأعياد

[وليد صفوت]

النهاردة بضرب بعينى على آخر الصفحة قبل ما امضى انصراف و اروح انام لقيت ان النهاردة عيد ميلاد ام مادا و شاعرة المحاورات و صديقة الجميع و محبوبة الشعر و النثر (حلو اللقب ده :D ) ام مادا ........... بنت مصرية :wub:

انا عن نفسى جايب شوية قطايف على كونافة و هحط الشمعة فى اول صانية بسبوسة توصل لهذا الصوان :angry2:

و آدى الكنافة :D

الباقى بقى على ملوك المطبخ مدام فولانة و ام البنات و مدام سلوى و شهد و على كل زائر لهذا الصوان المقام لمدة ثلاثة ايام (ده عيد ميلاد مش عزا يا عم انت :lol: ) على كل زائر ان يأتى معه بأى هدية من الآتى ذكرهم :

1- كنافة (غير الشكل اللى انا جايبه معايا ) ;)

2- قطايف (برضو غير اللى انا جايبها مش عاوزين تقليد بقى انا ماصدقت لقيتها اصلاً)

3- بسبوسة (لزوم الشمعة عشان مش هينفع تتحط فى اى حاجة تانية)

4- قمر الدين (بدل البيبسى عشان احنا مقاطعين المنتجات الأمريكية)

5- ام على ( مسموح بها بس بشرط ما تبقاش تقيلة على المعدة)

و أخيراً .... قبل ما اسيب المايك لباقى الزوار ... احب اقول:

كل سنة و انت طيبـــــــــــــــــة يا ست الكـــــــــــــــل يا أم مادا ... يا بنت مصريــــــــــــــــــــــــــــــــــة

[Doofy]

======================================================================================

على انغام سيمفونية العمر

وامام شموع الميلاد

تقف الصغيرة وحيدة

على مائدة الذكرى

واطباق كثيرة

تذوقها القلب من سنين

طعم الفرح

ولذعة الحزن

لون الورد

ورائحة الطفولة

وحلمها المحمول

على اكتاف خريف مثقل

تسقط اوراقه

مع كل شمعة تنطفئ

تحت اقدام الشجر

ليعلن دورة حياة جديدة تكتمل

وأوراق خضراء اجمل

في فصل آخر

تكسو لها الأرض نباتا

وتزداد القلوب أيمانا

****

-==البنت المصريه==-

ارجو ان تقبلي امسيتي الخاصة

واتمنى لك دورة حياة جديدة مثمرة

تجتمع فيها كل قلوب المحبين تحت ظلك

وكـل سـنـه وانـتـي ومـادا طـيـبـيـن

تم تعديل 1 أكتوبر 2006 بواسطة Doofy

[disappointed]

عيد ميلاد سعيد

و تمنياتى بعمر مديد

[se_ Elsyed]

وليد يا صفوت

هو الفن باظ من شويه

بقى بذمتك .. أنا بذممك يا شيخ

دي قطايف دي

يابني يا حبيبي قبل ما تغلظ غلطة شنيعه زي دي .. ممكن كنت تستعين بصديق .. أو حتى على الأقل تسأل خالتشي أم وليد عن كينونه هذا الشيء

لإن اللي سعادتك مكلف نفسك وشاريه ده هو " بلح الشام " بس الفكهاني ضحك عليك وقالك دي قطايف ..

قوم أتوضا وأستغفر ربنا يابني

أستغفر الله العظيم

لا مؤخذه يام مادا .. الولد العكروت ده فور دمي وخلاني أخرج عن شعوري

كل سنة وإنتي طيبه .. وكل سنة ومادا بخير وسلام

أقعدي بالعافيه

[Folana]

السلام عليكم ورحمة الله ..........

كل سنة وانت طيبة يا ام مادا..وربنا يباركلك فى مادا يارب...

وليد:..انت متاكد انت دى قطايف؟..امال انا شايفها بلح الشام ليه؟

[وليد صفوت]

يادى الكسوف ... طب اقولهم ايه دلوقتى :lol: ... اقولهم انى مقلبها من عالسفرة و معرفش ايه دى حتى الآن :D لازم اخدهم بالصوت :D

ايييييييييييييه يا عمو ثين ثين ؟

بقى ده بلح الشام ده ؟ ايه يا ابيه انت بقالك كتير ما اكلتش قطايف بيتى و لا ايه ؟ :wub:

و اذا كان ده بلح الشام اومال ده بقى يبقى ايه ؟

سبحان الله العظيم .. الناس نسيت الحلويات البيتى من ساعة ما اعتمدوا الحلويات الجاهزة ;) و التورت و البيتى فور و الجاتون :D

و كماااااااااااااان مدام فولانة مش عارفة القطايف من بلح الشام :angry2: ..... فعلاً بجد بجد ............. لا تعليق انا هعمل بعد كده انترفيو بنفسى لكل ست بيت تحب تشترك فى باب المطبخ عندنا قبل ما تدخله عشان نرفع من المستوى الثكافى الفكرى لسيدات البيوت و نعرفهم القطايف من بلح الشام من صوابع زينب mfb:

[نانو]

كل سنه و انت طيبه يا ام مادا..........

و عقبال ما تشوفي مادا....طولك ان شاء الله

[bentmasria]

يااااااااااااااااااااااااااااااه

تسلمولنا يارب بجد انا موش حقول كنت ناسية بس ماتوقعتش حد فاكر غير حماده طبعا قضينا الليلة نايمين بعد الفجر وقايم عمال يتدلع على مامى وعايز جييى كولا والمخدرات بتاعته (اسألوا وليد) وبعدين جيت لقيتكم عاملين كل ده ربنا يسعدكم زى ما رسمتم البسمة على وشوشنا

ميرسى يا وليد وبلح الشام لازم لك دورة تدريبية فيه هو واصابع زينب والقطايف واوعدك بواحدة كنافة بالقشطة من عند ملك هانم امى كمان خليت مدام فولانة وسى السيد يقولوا علينا كلام موش حلو ............................ تسلم يارب

دوفى صديق ركن الاحزان اسعدتنى بجميل حرفك وحضورك

دكتور وليد اسعدتنى بحضورك الراقى وكم اتمنى ان اتعرف الى اسرتكم الكريمة يوما ما فطفلى يحتاج القدوة الصالحة من اخواله المحاوراتية بعد اذنكم طبعا

سى السيد الله يسعدك ويعافيك يارب تسلم طلتك علينا اتمنى كمان محمد يتعرف على اولاد حضرتك ان شاء الله

فولانة

ست الكل ربنا يبارك فيكى يارب والله انا موش عارفة اتكلم بس بجد مبسوطة بدفاكم حواليا حضن كبير اوى

نانو انتى شخصية رقيقة وحساسة ميرسى على تهنئتك ويارب تكونوا كلكم بكل خير وسعادة ويجعل ايامكم كلها اعياد ياااااااااااااااااااااااارب

[مصرية الهوى]

بنت مصرية كل سنة وانتي طيبة ..

ربنا يجعل ايامك كلها افراح يارب ...

وسلامي وقبلاتي للكتكوت الأموووور :angry2:

برايفت لوليد :

ركز في مذاكرتك يا ابني :lol:

[وليد صفوت]

برايفت لوليد :

ركز في مذاكرتك يا ابني :angry2:

جيجى يا بنتى .... سلامتك الف سلامة :wub: !

انا على المعاش يا بنتشى :lol:

[النسر المصري]

انا اول مافتحت عيني على التوبيك ده ... حصلي انفصال في الشبكيه العينيه الوسطى واتشخللت خراشيمي المتآكله

وقعدت بقى افتكر مين ام مادا دي مين ام مادا دي ياواد يا كتكوووت......لحد لما عيني وقعت على صينية القطايف :angry2: :lol:

انا قلت بقى يمكن الحاج وليد ابو عطوه .....كان شايل المطوه .....ونازل بيها في الخلق يشرح خطوه بخطوه

ولما ضربو الواد عتريس....بتاع الفتيس..... على كعب النخيس...قال مابدهاش وهخلي ليلتكم نكد

ده بقى بانه يقلب على مواجعنا ويقلبلنا القطايف كفته والكفته قطايف

المهم انا خلاص تووبت الى الله وماعدتش اتكلم في شرف الحلويات مره تانيه

وبالمناسبه دي احب اقدم احلى مرابيه بالسبيط ليت الشواعريات وملكته وتاج راسهم...الفنانه العظيمه اوي اوي اوي....الصديقه والاخت والرائعة الى الابد...ذات المكانه العاليه في قلوب جميع المحاوراتيين

الست ام مادا...البنت مصريه...لووولولولوولولولولوللوولوووووللوولولوييييييييييييييييييييييييييييييييييي

[أسد]

أم حماده ..

بنت مصرية ..

كل سنة وانتي بألف خير ..

وعيد ميلاد سعيد ...

[Modest]

كل سنة و انتي طيبة و بصحة و سعادة و راحة بال يا أم حمادة

[مـي]

كل سنة و مادا بخير و بصحة و عافية ان شاء الله

مي (^_^)

تم تعديل 1 أكتوبر 2006 بواسطة مـي

[مصرية الهوى]

برايفت لوليد :

ركز في مذاكرتك يا ابني :angry2:

جيجى يا بنتى .... سلامتك الف سلامة :wub: !

انا على المعاش يا بنتشى :lol:

خلاص ولايهمك يا جدو

صحتك بالدنيا :D

[khedr]

كل سنه وحضرتك طيبه

[khedr]

نسيت التورته

[bentmasria]

جيجى ربنا يسعدك ويهنيكى وانتى طيبة ياعروسة عقبال ما نفرح بيكى ان شاء الله وعلى فكرة وليد اتخرج واسنانه وقعت كمان ههههههههههههه

عمرو يا نسر بجد ...............وحشتنا بجد مليون حمدلله على سلامتك حماده صحيح زعلان لانه كان مستنى منك فانوس صغنن ف اول رمضان بس سماح ياعم اهم حاجة انك تكون بكل خير يارب وكل سنة وكلنا طيبين رمضان كريم

استاذ اسد ......فين الغيبات يارب تكون بكل خير يارب كل سنة وانتم جميعا طيبين ميرسى لوجودك وتهنئتك الرقيقة

ياباشمهندس موديست يسلم ذوقك تعبت نفسك بجد انا عندى مهندس 3 شبر ماسك العدة وبيصلح كل حاجة فى البيت طول النهار حبعتهولك ان شاء الله تحت التمرين قريب جدااااااااااا كل سنة وحضرتك طيب

مى الجميلة تسلمى يارب على رقتك وذوقك وعلى التهنئة الرقيقة كمان ربنا يسعد ايامكم بالخير يارب

خضر الاخ العزيز والصديق الطيب وانت طيب وبكل خير يارب وميرسى يا جميل على التورته والشمعاية كمان روعه

مليون حضن وقبلات رقيقة جدا من محمد للجميع وخاصة البنات بيموت فيهم انا سعيدة بوجودكم فى حياتنا وفى مناسباتنا كلها اكيد اسعدتوا قلبنا كل سنة وانتم كلكم طيبين

مانا ومادا

[واحد تاني]

bentmasria ام مادا الرائعة

اسف على التأخير :sad:

عيد ميلاد سعيد

وكل عام وانت هانئة البال :D

[shahd]

كل سنة وانت طيبة ياست الكل وعقبال 33333333333333 سنة كلها خير وسعادة وهنا

ومعلش جاية متأخرة :angry2: :angry2: قووووووووووووي :blink:

احترماتي تيتا شـــــــــهد