وطنى...

[houssin abo habaga]

بقيت فى لسانى علقم مر

ومات فيك كلام الحر

وتشتت أفكارى وتاهت دروب الوصل

وضاعت ديارى

وبقيت وطن منكسر

لا مش أنت وطن الطفوله

ولا نبت الفوله

ولا وطن المدرسه وسنه أولى

بقيت سراب

بقيت ضباب

بقيت غشاوه على عينى لما أنظر للسحاب

مش أنت الوطن اللى كنت أطير فيه طياره ورق

مش أنت وطن الأمل

مش أنت وطن ألمحن اللى قلبى عليه أتحرق

مش أنت وطن النيل

مش أنت وطن موت الطلبه على كوبرى قصر النيل

مش أنت الوطن اللى فتحت عليه عنيه

مش أنت الوطن الى كان بيخاف عليه

مش أنت الوطن اللى كنا نجرى على حضنه الكبير

مش أنت وطن الليل والمواويل

مش أنت وطن الضله والعصافير

مش أنت وطن الترعة والساقية والغيطان

النهارده يا وطن أول مره أشوفك منهان

فين ملامحك فين قلب الوطن الكبير

فين حلمى فين التاريخ

فين أنتصاراتك فين رمسيس

اليوم أيه أحكى عن ألأيواء ولا ناس نايمه فى عشش الصفيح

ولا عن فقر سكن ضلوعى بينخر فى قلب عظمى الموجوع

فين علومك فين نجومك

فين حلاوه يومك فين ضحكتك اللى تشبه ألوان الربيع

بقيت ياوطن وطن الضياع

وأكلوك الضباع وانت يا وطن الحمل الوديع

يا صاحب القلب الكبير

يا مقصر ليل الفقير

كنت عزوه لكل اللى مالوش كبير

النهارده أنحنى ظهر ك وظهرت تجاعيد الزمن

على ايدك وعلى خدودك

قوم يا وطنى أنهض بسواعد ممدوده بالحب

قوم أتخطى المحن ودوس على رقاب الزمن

وأرجع تانى يا وطنى كل الحب والقلب الكبير

""""""""""""""""""""""""""""""""""""""""""""""""""""""""""""""" :P :P :P

www.dastor.net

omran55.maktoobblog.com

تم تعديل 2 أكتوبر 2006 بواسطة houssin abo habaga

[مصرية يعني مصرية]

جميلة

رغم طعمها المر

:)

[khedr]

حلاوتها في مرارتها

""""""""""""""""""""""""""""""""""""""""""""""""""""""""""""""" :) <_< :angry2:

متهيأ لي

دول ملهمش لزمه

مش ماشيين مع الجو النفسي...........!!!

[houssin abo habaga]

ألى الأخت الكريمه المحترمه / مصرية يعنى بنت بلد

.................................................................وألى صاحب القلب ألأخضر ألأستاذ/ خضر

تحية أحترام وتقدير لكم وكل سنه وأنتم طيبين أتى رمضان رحل رمضان وقل فى الدنيا الأيمان

دأئما المرار فى الحلق بيكون أنذار وتنبيه لنا أن الوطن بيضيع فلا تنزعجى من المرار ربنا يبعده عنك

أما بخصوص الصور دول أطفال بتبكى على مرار الوطن

لكم جزيل الشكر والى لقاء فى وطن سكر غرقان فى العسل

...........................................................................أخوكم / حسن عمران

حسين أبو حباجه

[khedr]

أما بخصوص الصور دول أطفال بتبكى على مرار الوطن

معلهش استاذي الكريم انا تصورت انها ضحكات

وربنا يبعد عنك وعنا المراره والبكاء

لكم جزيل الشكر والى لقاء فى وطن سكر غرقان فى العسل

غرقان.....اه

لكن في العسل.....!!!!!

ما اظنش.......