كثرة المشاكل النفسية والعصبية، عندك مشكلة عاوز تحلها ابعتلي هنصحك تعملها تخف

[eltayer]

في البداية عاوز من الللي هيقرأ الموضوع يتخيلة مش يقرأه عشان يحس بية لانك لو قرأته مش هتفهمه عوزين شويه احساس

دلوقتي نبدء الدرس انت قاعد علي كرسي غمض عنيك اسند راسك علي الكرسي متجها لاعلي واننت مغمض بس لفوق اقصي حاجة ممكن توصلها ركز قوي

شايف ايه دلوقتي طبعا الدنيا ضلمه بس ركز شويه هنا بعيد فيه نقطه سوداء شيفها ركز فيها قوي ركزت دلوقتي قرب منها قرب قرب وصلتلها انت اللي تروحلها مش هي اللي تجيلك اوصل بسرعه وصلت دخلت جواها شايفها ايه سحابه سوداء لا بلاش كده اقلق ركز شويه في السواد شايف هناك في النص كده نقطة حمراء ركز فيها كبرها

ايه دي تخيلها ورده حمراء شايف الورده شفتها خلاص بس حولين الورده وانت مركز في الورده السواد بدء يتحول الي اخضر شفت الاخضر ده اه انت دلوقتي في جنينه وشايف ورده حمرا فيها

اقعد اقعد متخفش قعت اسند ظهرك اسند وراك شجره كبيره اسند ظهرك حلو اسند بدرعاتك علي الارض من جنبك سامع ايع ركز شويه في الاصوات اه فيه صوت عصافير

العصافير دي فوق الشجر ركز شوية فيه صوت دوشة بس دوشة حلوه ده صوت بحر بس وراك كده وراي الشجرة شفت البحر اللي وراك

قوم دلوقتي اقعد الناحية التانية للشجرة اسند ظهرك وافر زراعك ارفع راسك لفوق شم هوا البحر كل ده وانت باصص للبحر بص جامد في البحر شايف ايه

ركز لاخر نظرك في البحر هناك كده بعيد هناك سفينة صغيره قوي ركز فيها شفتها حاول تقرب منها كبر الصوره شوية شفتها كبير دلوقتي

عاوز تركبها تخيل انك ركبتها روح اقف في المقدمه افرد درعاتك اعمل شكل تايتنك كده

بس قدامك وانت شايف اخر المية نفسك تسافر فين

امريكا بس علي شمالك هتلقيها ركز نحيتها وقرب لها وانزل هناك

فرنسا بس قدامك وزكر وروح هناك

انت دلوقتي حر مفيش قيود الدنيا كلها تحت امرك اعمل اللي انت عوزه روح اي حته بس قبل متنزل من السينة ارمي كل حاجة معاك همومك فلوسك اي حاجة

انت شايف الدنيا كلها ملكك منتش عاوز حاجة

تخيل لما تنزل ان اللي مزعلك ومن نرفزك مستنيك علي الشاطئ ومعاه ورده وبقلك خلاص نبدء من الاول

سمحة واضحك اضحك بصوت عالي

وبعدين ركز علي الاخر وخد نفس عميق وفتح عينك براحة وانسي الدنيا واقعد فكر في الرحلة دي

خلاص

التمرين ده بيريح الاعصاب جربوا وقلولي رائيكم

اما اللي عنده مشكلة

سواء مع مراته مديره في الشغل في اي حاجة

اكتبها وانا هقلك تعمل فيها ايه

ورمضان كريم

[سهيلة]

اشى خيا لا ت يا ناس

يعنى العلاج كلو خيال ف خيال

علميا يا طيار الجزءالاول من كلامك دة مضبوط

انة فعلا

الاسترخاء بيهدى الاعصاب جدااااااااااااااااااا

حتى بعض العلماء قال لو انت ف وسط العمل وتعبت ذهنيا من التوتر وشدة الاعصاب يعمل النص الاول من التمرين بتاعك

يغمض ويرخى عضلاتة لمدة دقيقة

مفيد جداااااااااااا

انما حكاية الوردة والشجرة وتيتانك دىىىىىىىىىىىىىىىىىىىى جديدة

[khedr]

ورمضان كريم

الله أكرم...

[eltayer]

لا علي فكره الاسترخاء اه ممكن الجزء الاول ينفع فيه مقلناش حاجة

اما الجزء الثاني

فده ممتع جدا للي بيعانوا من الاكتئاب والزهق والمشاكل النفسية بس يوكن عاوز يتعالج

وبعدين الطريقة دي لو انت اللي بتحكي الحكايه وواحد تاني اللي هو الزهقان اعد ينفز قدامك ممكن تنوميه مغناطيسي بالطريقة دي

وبعدين دي مفيده جدا للي عندهم قدره علي التخيل

وتعرفي الطريقة دي مثاليه للاصلاح بين الزوجين اللي بيكرهو بعض بس عوزين يعيشوا مع بعض

لان فيه تمرين بس ده من تأليفي انا معتمد علي نفس النظرية بس بشرط ان يكون الطرفين عوزين يعيشوا مع بعض

بس فية مشاكل بينهم او بيكرهوا بعض

هو صحيح انا مجربتهاش مع حد اصل بدل ميكونوا عوزين يعيشوا مع بعض غصب عنهم انا اقول فصلهم

ربنا يسطر وميكنش لها اثار جانبية

[nancy]

كل سنة وانت طيب يا طاير

واضح ان الصيام ماثر عليك :lol:

شوف هو الاسترخاء فعلا بيريح الاعصاب الى حد كبير

بس بصراحة لما تكون مضايق من حاجة مش بيحلها الاسترخاء

بريحك انك تحلها او تتعايش او تتجاوزها

اي حل بس لازم تحل المشكلة او الحاجة الى مضيقاق وبعدين تكملها استرخاء

انما الاسترخاء وحدة مش كفاية ... اسال مجرب :P

بس نحاول نجرب ميضرش :P

[Folana]

السلام عليكم ورحمة الله.........

نانسى..حمدلله على سلامتك..ايوه كده قلمك منور المحاورات...انا اسمك اغرانى انى ادخل الموضوع ...

زى ما قالت الاخت الفاضلة سهيلة ان الجزء الاول بيعتبر من تمارين الاسترخاء..بس احب اضيف ان الموضوع كله يعتبر تمرين استرخاء...كان كتب عنه الدكتور فاضل ..ومع الكتاب شريط كاسيت بيتكلم فيه عن نفس المراحل اللى كتبها الطاير..باستثناء تايتنك طبعا والاضافات التانية ...

لكن وعلى فكرة انا مجربة التمرين ده ..وفى اول الشريط تحذير ..من سماع الشريط اثناء قيادة السيارة...يعنى تكون فى مكان لوحدك ..ومستلقى على كرسى مريح جدا او سرير..ومبتعد عن اى ضوضاء ...وتبدأ فى بسط عضلات جسمك تماما..وتبدأ تتخيل انك فى مكان جميل ...الى اخر الشريط..من غير نقطة سودة ولا حمرا....هو بس بيحاول يعودك على تخيل الاشياء الجميلة ...

ده نوع من انواع تمارين الاسترخاء..وفيه طبعا انواع تانية بتعتمد على تقلص العضلة ثم انبساطها ...واعتقد الاخت الحبيبة ام مادا لها موضوع هنا كامل بيتكلم عن اهمية الاسترخاء....

والاسترخاء مش بيحل مشكلة ولا حاجة ..ولكنه عامل مهم جدا فى تقوية الطاقة النفسية واستعادتها مرة اخرى..يعنى حيديلك طاقة نفسية جديدة تساعدك على مواجهة المشاكل واتخاذ القرارات الصائبة..وزى برضه ما الاخت الحبيبة سهيلة قالت ..ان حتى لو فى المكتب او اى مكان واتعرضت لاستثاره نفسية او ضغط عصبى ..ممكن تعمل ابسط تمرين للاسترخاء ..وهو الجلوس على كرسى مريح مع تغميض العينين وبسط العضلات تماما مع اخذ نفس عميق وزفير عدة مرات ...

وعلى فكرة من الملاحظ انه اثناء تمارين الاسترخاء انك حتلاقى نفسك بتتثائب ودموع بتنزل من عينيك ..ده دليل ان تمرينك ناجح ..وان جسمك بيتخلص من التوتر اللى فيه ....

شوفتى بقى يانانسى ..اسمك خلانى اكتب كتير ازاى .....

النصيحة بقى ...قراءة موضوع بنت مصرية عن تمارين الاسترخاء.

شكرا يا طاير ..ربنا يجازيك خير...............

[eltayer]

إعتراض

الاسترخاء والتأمل بيفيد جدا في حل المشاكل ويساعد علي حلها

وبعدين التمرين ده ده كان باب لموضوع انا بعمل عليه بحث

وفكره البحث بدور حول تخيل الشخص للموضوع اساس المشكلة

مثال واحد بيكره شغلة جدا وعاوز يسيبة بس مش قادر لظروف خارجة عن إرادته يعمل يروح كل يوم الشغل وهو مبيحبهوش

فكره البحث بتدور حول معايشة الشخص ده لفكره مؤقت ان يحب شئ ما داخل الشغل ويروح كل يوم عشان الحاجة دي مش عشان الشغل

والتجربة دي جربتها ونجحت

قصة التجربة بالتفصيل

اولا شاب سافر للعمل بأحد الدول العربية في مجال الكمبيوتر

هو اساسا بيحب الكمبيوتر والانترنت بجنون

اول موصل الشغل لقي كل شئ غير اللي في خيالة وظروف معيشية صعبة

كره الشغل من كثر الضغوط علية وحيد مش عارف يعمل حاجة صعب جدا ان يرجع بلده تاني والا ان مستقبلة كله هيدمر

يعمل ايه دخل التجربة دي موضوع البحث

اولا جهاز الكمبيوتر فية انترنت وكده اكتمل حبة للكمبيوتر والانترنت في الشغل

هنا نخش بفكره الاسترخاء والتخيل

تخيل ان الانترنت داخل جهاز الكمبيوتر وليس الجهاز بالكامل الانترنت فقط

انه حبيبته اللي بيحبها قوي او بلفظ هو صعب شوية او من غير اللائق ان اقوله بس طبعا في الجلسات اللي شكل دي كل شئ مباح وليس في العلم حرج

تخيل الانترنت انه هو عشقته اللي يخاف الناس يعرفوا حكايتهم مع بعض

طبعا الكل عارف احساس السعاده والنشوه في سرق دقائق في مثل هذه الاعمال الغير اخلاقية صحيح هي سعاده وهميه بس هو مجرد شعور بالسعاده

وده فكره التجربه الشعور بالسعاده والرضي حتي يستطيع مواصله العمل

المهم دخلت الفكره دي في دماغه خلاص كل يوم الصبح يروح الشغل اول حاجة يعملها اول ميشغل الجهاز ان يفتح الشات والانترنت قبل محد يخش علية

وبعدين يفتح اي برنامج للشغل ويفتح الانترنت خلفة وكل محد يخش علية يداري ويخبي الانترنت بسرعه

كل ده وهو معتقد ان الفعل ده شئ مهين بس انتوا عرفين ان الممنوع مرغوب

يفضل علي كده علطول وكل ميزهق يخطف نظره علي محبوبته بسرعة

وعلي فكره النظرية نفعت معاه جدا لدرجة انه بيصحي من النوم بسرعة ويروح الشغل اول واحد عشان يقعد لوحدة شوية معاها

والشخص ده موجود هنا في المحاورات لانه دخل ولما لقي ناس بتحب بعضها بجد داخل المنتدي ده رغم كره للمنتديات اشترك فيه واصبح له مشاركات فيه واسمه بدء يتعرف فية

واظن ان البعض هنا بدء يأخد باله من الشخص ده

يعني التخيل والتأمل ممكن يحلوا بعض المشاكل وشك منوهت في الاول للي عاوز يحلها من داخلة

حد فهم حاجة

[Folana]

السلام عليكم ورحمة الله...

انا فاهمة كويس يا اخ طاير....بس الاسترخاء حاجة واللى بتقول عليه حاجة تانية...حاكتب معاك باستفاضة بس بعد شوية ...

صباحك جميل.......... :)

[سهيلة]

متهيالى انا فهمت حاجة

فهمت ان الشخص اللى موجود بينا يا طاير

هنا ف المحاورات

اول حرف من اسمة

طيارة

صح

[eltayer]

متهيألي كده والله اعلم يا دكتوره سهيلة انك دكتوره ونفسية كمان او علي الاقل ليكي علاقه بعلم النفس

صح

اما بخصوص الشخص اللي في المنتدي هل تعتقدي ان اللي تقصدية اسمه معروف

لو كده يبقي هو بجد وممكن تقولي اسمه عادي وده مش شئ محرج ولا حاجة خالص

وبعدين هو علا فخور بالحكاية دي جدا

علي الرغم من هذا الشخص غير متخصص في علم النفس الا انه له ابحاث عديده ي هذا المجال صحيح هد داخل ادراج المكاتب

الا انها حظيت بالتجارب العملية داخل الكليه ونجحت نجاح ساحق

وخصوصا في العلاقات الانسانيه بين الطلبه في الكليه

وفي بعض الاحيان كان يأخذ برأية في بعض الموضوعات المهمه الشخصية لمعظم المشاكل الخاصة ( يعني معاكم علامه مغمور هنا )

تعرفي لو حكتلكوا علي قصصة هتاخد صفحات كتير من هذا المنتدي علي الرغم من صغر سنه ( حد عرفة غير الدكتوره )

المهم نخش في موضوع النقاش في البدايه انا مقصدتش خالص بالتمرين ان يكون استرخاء

الدكتوره هي اللي دخلت الكلمه دي ي الموضوع انا موضوعي حول التخيل هل ممكن يحل المشاكل اما لا

الاجابه من وجهه نظري وتجاربي نعم

[نبض الابداع]

الاسترخاء حلو بس بعد الدقايق اللى انت مغمض فيها حترجع تاني للحقيقة المرة وكأن شيئاً لم يكن

[محمود الشاعر]

كلامك الى حد كبير صحيح لأن التخيل بيصنع واقع موازي مختلف عن الواقع المعاش

وفى فرق كبير بين التخيل و الوهم ولازم الواحد يقدر يفرق بين الاتنين علشان ما تتحولش لأحلام يقظة

فى طريقة ثانية انا نفسي مجربها قيل النوم بخمس دقايق حاول وانت مسترخي وفارد جسمك على السرير تفكر فى حاجة جميلة بتحبها حاجة مبهجة وغمض عنيك ونام وانت مركز عليها حتى وان كانت الحاجة دي من خيالك فى الصباح لما تصحى هتحس بسعادة داخلية وهدوء جميل

عموما دي طريقتى للوصول لحالة من السلام النفسي

[Hi All]

ياجماعه الموضوع ده شيق جدا ليه بس مرمي ومحدش بيتابعه

انا عثرت عليه بالصدفه وانا بتصفح الموقع

ياتري صاحب الموضوع اغلقه ليه ومعتش بيرد عليه علي الرغم اني شيفه كان ماشي هو والاعضاء في طريق جميل جدا

من الحوار الهادف والمفيد

يعني لو ممكن نرجع الحوار ده تاني وانا ممكن امدكم ببعض المعلومات عن التخيل والاسترخاء