الحاج صُبح شيخ الطريقة الصُبحية

[se_ Elsyed]

دي رواية من تأليفي ... ضربتها إمبارح بعد الفطار وذلك بمناسبة تعيين الشيخ صبح جاد الحق صبح شيخ الطريقة الصُبحية مشرفاً على باب هدي الإسلام

إنترظونا بعد الفاصل

نزل يابني إعلانات لمدة يومين لحد ما افضى وأجي أنشُر القصة

أنا هاوريك بقى يا شيخ صُبح شغل المُعممين والمطربشين

[صبح]

ما كانش العشم يا س س :angry2:

كل دة علشان أخدت الجبة والقفطان بتوعك :blink:

بس ولا يهمك

انت حبيبي :angry2:

عقلي الباطن

صبرك عليا بس لغاية أما أبقى أشكيف كبير وأنا هاوريك ..... :blink:

[eltayer]

في انتظار القصة بس يريت متكنش الجمعة طول الاعلانات شوية لحد السبت

اصل انا ببقي نايم وعاوز اسمع القصة من الاول

[se_ Elsyed]

المكان : غرفة الإجتماعات الدائمة لفريق الإشراف بمنتدى المحاورات والذي يقع في مكان خفي لا يعلمه حتى المشرفين أنفسهم والذين يتم إقتيادهم إليه وهم معصوبي العينين ومكبلي الأيدي والأرجُل من قبل رجال المهام الخاصة لعادل أبو زيد .

الزمان : الأول من رمضان لسنة ربعمائة و سبعة وعشرين بعد الألف من الهِجرة .

الوقت : بعد صلاة العصر ومع إقتراب المغرب ...

----------------------

إبن مصر : ما هو مش معقول كده يا استاذ عادل كل مره يبقى في إجتماع نتبهدل البهدلة دي .. وخصوصاً المرة دي .. طب يا عم كنت راعي إني لسه نفثه ... قصدي عندي ظروف ولسه جاي لي مولود جديد وكده .

وليد : والله يا أونكل عادل أنا بقت فضيحتي بجلاجل وسط الجيران اللي كل كام إسبوع يبصوا يلاقوا ناس لابسين إسود في إسود ومكتفني ومجرجرني على سلم العمارة ونازلين فيه ضرب وكل ده عشان الإجتماع .

س س : طب إنتوا مصيبتكوا هوينه .. ده أنا أخر إجتماع كنت بأتعشى عند نسايبي وفجأة لقينا الباب إتكسر و3 رجالة قد الحيطه دخلوا على أوضة السفرة دوغري وزي ما يكونوا عارفين هدفهم راحوا ناتشين طبق الشوربة من قدامي وورك الفرخه اللي لسه ماكنتش أخدت منه قطمه واحده ونزلوا في تلطيش وأنا مش فاهم إيه اللي بيحصل ولكن كنت بأقول في عقل بالي إن مارينجوس عملها وباعت يصفيني جسدياً .. كل ده بقى حصل على أنغام صويت مراتي وحماتي ويا سبعي ويا جملي وياللي ربنا ما قبلش توبتك وياللي رجعت للإجرام تاني وحاجاتة من دي وأنا مش قادر أرد من كثر الضرب اللي نازل عليه من كل حته .

عادل أبو زيد : معليش يا شباب إستحملوا دي إجراءات أمن عادية .

عصام : عادية إيه ؟ أومال لو ماكانتش عادية .. ده أنا من كتر الإجتماعات ما بقاش في سنتي واحد في دماغي سليم ..

عادل : دعونا من هذا الهزل ولندخل في الجد ... لقد إجتمعت بكم في هذا الشهر الفضيل لكي أزف لكم نبأ إختياري لأحد المشرفين الشبان لكي يتولى المهمة الجسيمة للإشراف على باب هدي الإسلام .

داروين : وده مين المحظوظ ده إن شاء الله يا آبيه ؟

عادل : إنه الشخ صُبح جاد الحق صُبح زميلنا في المحاورات والذي أبلى بلاءً حسناً خلال فترة قصيرة .

شريف : وطبعاً لازم نعمل تصويت دلوقت على إختياره ونشوف مين اللي موافق ومين اللي مش موافق .

عادل : ماذا تقول يا أخ شريف ؟ بالتأكيد فإنطلاقاً من مبدأ الشفافية والديمقراطية .. لابد أن نفعل ذلك ... والأن أريد أن اسمع رأيكم .

س س : في الحقيقة يا آبيه إن الـــ

عادل : إذاً موافقون ... ولننتقل إلى البند الثاني في جدول الإجتماع .

أحمد محمود : هو أحنا لحقنا نقول حاجة ؟!!!! باب هدي الإسلام مسئولية جسيمة يا آبيه ولازم نعمل إختبار وكشف هيئه لصبح الأول ونشوف هل هو يصلح لهذا المنصب أم لا .

عادل : فكرةٌ جيدة وعلى بركة الله ... إقترب يا وليد

وليد : نعم يا سيدنا .. أنا تحت أمرك

عادل : إذهب الأن إلى رواق المغاربة بالأزهر الشريف وستجد الشيخ صبح جالساً هناك يتعبد ويذكر الله .

وليد : آبيه ثين ثين ... آبيه ثين ثين .. هو أونكل عادل بيتكلم كده ليه النهاردة ؟

س س : ده موضوع كبير هابقى اشرحهو لك بعدين .. إجري بسرعة بس إنده صُبح بسرعة ورانا عيال عايزين نفطرهم في يومكو اللي مش فايت ده ...

يُتبع

لازم أستفهم م 30 حلقة بعدد أيام شهر رمضان ومش إشكال لو خدنا شوية من شوال موسم بقى وكل سنة وإنت طيب

[eltayer]

والنبي يعم سي السيد طلعني في القصة بتعتك اتشاله اكون انا الي جايب القبة والقفتان والكاكولا

وخصوصا الكاكولا بس اوعي تفضحني وطلع الكاكولا نقصة شويه ويعرفوا ان بشرب في رمضان

[se_ Elsyed]

أظن ما فيش أسرع من كده

هبدتكو حلقتين في وقت قياسي أهو

----------------

ويهرع وليد الى رواق المغاربة بالجامع الأزهر الشريف ولكنه لم يجد صُبح في أي مكان

ولكن أخيراً

وليد : إنت فين يا عم صُبح ده أنا قلبت الدنيا عليك ، روحت رواق المغاربة قالولي ده في رواق الصعايدة ، جريت على رواق الصعايدة قالولي ده راح القرافة .. إنت بتعمل إيه هنا صحيح ؟

صُبح : كما تعلم يا أخ وليد فأنا متزوج وأدرس في الأزهر في نفس الوقت وبالتالي فأنا بحاجة إلى كل مليم لذا قررت أن أُحسن دخلي وأعمل " فِقي " بعض الوقت وأهي بتُرزق بشوية بلح أبريم وقُرص ناهيك عن الفطير المشلتت العائم في السمن البلدي ..

وليد : طب قوم إلبس قبقابك وتعالى معايا

صُبح : إلى أين بإذن الله ؟

وليد : سيدنا عايزك

صُبح : أستر يارب .. خيراً إن شاء الله ؟ أنا لم أفعل ما يُغضبه .

وليد : ماعرفش هو قالي هات صُبح وتعالى جري

صُبح : أصدقني القول يا وليد وسأجزل لك العطاء إذا أخبرتني عن سبب إستدعائي على عجل بهذه الطريقة .. فلدي لك بعد الثريد وكوباً من الفالوزج أو ما تسمونه أنتم يا فرنجه " آيس كريم "

وليد : يا عم إيه الحاجات الغريبة دي ؟ أنا مش آيز كريم ... وبعدين إنتو إيه حكايتكو اليومين دول .. أونكل عادل عمال يتكلم زي أبو الأسود الدوؤلي .. وإنت عمال تقولي فالوزج وزلابيه وحاجات غريبة .

صبح : لا عليك .. فأنت من كثرة إستخدامك للغة الأجنبية أصبحت تستوحش لغتنا العربية الأصيلة .. على العموم سأستجمع قواي وأربط جأشي جيداً وآتي معك لمقابلة سيدنا ويفعل الله ما يشاء .. هي موته ولا أكثر ..

يُتبع

[صبح]

وليد : إنت فين يا عم صُبح ده أنا قلبت الدنيا عليك ، روحت رواق المغاربة قالولي ده في رواق الصعايدة ، جريت على رواق الصعايدة قالولي ده راح القرافة .. إنت بتعمل إيه هنا صحيح ؟

صُبح : كما تعلم يا أخ وليد فأنا متزوج وأدرس في الأزهر في نفس الوقت وبالتالي فأنا بحاجة إلى كل مليم لذا قررت أن أُحسن دخلي وأعمل " فِقي " بعض الوقت وأهي بتُرزق بشوية بلح أبريم وقُرص ناهيك عن الفطير المشلتت العائم في السمن البلدي ..

آخرتها بترزق من القرافة

وكمان بلح وقرص

أهم حاجة القرص دي بالسمن البلدي والا مغشوشة............ ;)

[se_ Elsyed]

ويهرع وليد والشيخ صبح إلى مكان الإجتماع وأثناء مرورهما في أحد شوارع المحروسة وتحديداً أمام أحد البيوت القديمة والتمهالكة في حي مصر عتيقة كان هناك بعض الملابس المنشوراً في أحد البكلونات وأتضح فيما بعد أنه تي شيرت ومنطلون يخصان زميلنا وإبننا إبراهيم الطاير

أي خدمة يا عم طاير إسمك جه في القصة أهو بناء على طلبك

والنبي يعم سي السيد طلعني في القصة بتعتك اتشاله اكون انا الي جايب القبة والقفتان والكاكولا

وعلى بُعد 30 كم من مكان الإجتماع وعلى حُين غُرة وفجأتون إنقض وليد على صبح وأخذ في تكتيفه وتغمية عينيه ..

صُبح : ماذا دهاك يا غُلام ؟ أو جُننت أمأصابك بك مساً من الشيطان ؟

وليد : معليش يا مولانا دي إجراءات أمن عادية حسب أوامر سيدنا .

صبح : إذا كان الأمر كذلك فأفعل ما شئت على بركة الله

ووصلا الإثنان غرفة الإجتماعات ودلفا إلى داخلها -إيه رأيكم في دلفا دي ؟ - وكان في إنتظارهما جميع فريق أعضاء الإشراف مرتديين العمائم الزرقاء والجلابيب الزرقاء بالإضافة إلى عادل أبو زيد بعمامته الحمراء وجلبابه الأحمر الفاقع

وليد : أهو أنا جيبت لكم صُبح متكتف ومتغمي وعلى سنجة عشرة... أورح أنا بقى ؟

عادل : حسناً حسناً يُمكنك الآن فك وثاقه ... نأسف لهذا الإجراء يا شيخ صُبح ..

صبح : لا عليك سيدي .. لكنني أود أن أوضح بإنني لم أفعل شيئاً .. وإذا كان على موضوعي الأخير للدعاء لإبن أخينا أحمد محمود فلقد أستئأذنته بذلك ولم أكن أ

عادل : الموضوع غير ذلك تماماً ... إنما جئنا بك هنا لنزف إليك خبر ترشيحك للإنضمام لفريق الإشراف بالمحاورات ...

صُبح وقد أغرورقت عيناه من الدموع : أنا ؟ ..... محاورات ؟ .... إشراف .... أنا لا أصدق نفسي .. إنه حُلم ... بل هي أُمنية تمنيتها طوال عمري .. أشكر الجميع على ثقتهم الغالية وأوعاهدكم أن ..

س س : خلاص بقى وبطل رط كتير .. إحنا جايبينك هنا نعصرك .. قصدي نسألك شوية أسألة عشان نشوف هل أنت متمكن من قواعد اللغة العربية وكده يعني يا حج صُبحي ...

صُبح : وأنا رهن إشارتكم ... ولكن إسمي صُبح وليس صُبحي

عادل : حسناً ... السؤال الأول وهو الذي سيُحدد مسار بقية الأسئلة وأرجو أن تُركز وتُفكر جيداً قبل أن تجيب يا شيخ صُبح ... قال تعالى بسم الله الرحمن الرحيم " قل هو الله أحد ... الله الصمد .. لم يلد ولم يولد ... "

أكمل الأية .. وركز وفكر ثم جاوب ...

صُبح : بسم الله الرحمن الرحيم الإجابة " ولم يكن له كفواً أحد "

عادل : ما شاء الله ما شاء الله .. ربنا يفتح عليك يا بُني ... موسوعة متحركة

داروين : ده سؤال سهل خالص يا عم عادل ... دعنا ننتقل الأن إلى فقه الأولويات والسؤال هو : أذكر أساب أ

صُبح : بعد إذنك يا سيدنا .. الأخ أبو عمه زرقا ده عمال يزغر لي من ساعة ما دخلت وشكله قارش ملحتي لا أدري لماذا ؟

عادل : حسناً فلنكتفي بهذا القدر من الأسئلة يا سادة لكي لا نُرهق الشيخ .. والأن إذاهب ثم أغتسل يا شيخ صُبح وأرتدي عمامتك الخضراء وجلبابك الفزدقي وتعالى إلى المحاورات غداً لتبدأ عملك الجديد ....

تمت

[eltayer]

شكرا يا باشا ونردهالك نشاء الله في قصة من تأليفي

بس انا مش فاهم هو التي شرت والبنطلون بتوعي ولا انا طالع حرامي غسيل

شويه ايضاحات انا لسة صغير

[صبح]

نظرا للتطور المفاجيء وانشغال س س في عمل كحك العيد والذي منه فقد قررت تكملة باقي الرواية

المكان : غرفة الإجتماعات الدائمة لفريق الإشراف بمنتدى المحاورات والذي يقع في مكان خفي لا يعلمه حتى المشرفين أنفسهم والذين يتم إقتيادهم إليه وهم معصوبي العينين ومكبلي الأيدي والأرجُل من قبل رجال المهام الخاصة لعادل أبو زيد .

الزمان : الثاني والعشرين من رمضان لسنة ربعمائة و سبعة وعشرين بعد الألف من الهِجرة .

الوقت : قبل المغرب بخمس دقائق

----------------------

عادل أبو زيد: أنا سمعت إن الواد اللي جبناه جديد ومسك هدي الإسلام عمال يلقح في الكلام على فولانة بعد أما ازرقت مرة واحدة من غير ما تعدي على الأخضر الأول !!

أحمد محمود : لأ مش ممكن ... دة الواد ده أنا منقيه على الفرازة والمفروض انه لا يصد ولا يرد ايه بس اللي جراله.

س س : اسكت يا خويا ما هو ماجايبك دايما هيا اللي موديانا في ستين داهية ياما جاب .....

عادل أبو زيد : نقطة نظام انتو ها تتخانقوا قدامي والا ايه............يا سايلور انت فين.... :blink: .

صمت مطبق ويضع كل واحد يده على فمه واليد الأخرى على قفاه تحسبا للظروف احتراما للموقف الرهيب وخوفا من اللهم احفظنا اللهم احفظنا ... آكل الزرق والخضر سايلور

عصام : يرفع يده بتردد وينظر بطرف عينيه الى سايلور..

عادل : قول يا سي عصام ما هي ناقصاك

عصام : أنا بقول طالما انه نفسه يبقى أزرق ما يجراش حاجة ..أحسن ده شيخ واحنا في العشر الأواخر خليه يدعيلنا بدل ما يدعي علينا

عادل : بابتسامة صفراء .... تفتكر هايدعيلنا برضه يا عصام !!.

يفتح وليد فمه عدة مرات ليقول شيئا ولكنه يؤثر السلامة في كل مرة

عادل : عايز تقول حاجة يا وليد... يالا هيا جت عليك.

وليد : أنا بس كان نفثي أثأل اسمعنى فولانة بقت زرقا مرة واحدة وماعديتش على الأخضر... ويضع يده ليتحسس كل جسمه .

عادل : بالرغم من أنه سؤال مش من المفروض انك تسأله وخصوصا إنك أجدد واحد هنا ولسة اسمك بالقلم الرصاص بس أنا علشا أريح هاجاوبك

فولانة يا سيدي ما تستحملش الطريق الصعب لغاية أما تبقى زرقا دي ست كبارة ولازم تاخدها بالطريق السهل

وليد : يعني ايه ما تستحملش؟؟ ليه...ما تستحملش.؟؟.

عادل: أنت نسيت والا ايه.......ياعني ان كنت لحقت تنسى..............أخلي سايلور يفكرك .. :wub:

يتحسس وليد كل جسمه من جديد وتظهر على الجميع نظرات الخوف والقلق من أن ينفذ عادل تهديده في أي منهم

أحمد محمود : طب سعادتك نويت تعمل ايه

تعود الإبتسامة الصفراء الى وجه عادل وينده على وليد

عادل : وليد..........اجري هات لي صبح من تحت طاقطيق الأرض

وليد : فوريرة.....

ينظر عادل الى أحمد محمود مبتسما نفس الإبتسامة

عادل : أنا هاسيب لك مهمة تبليغ صبح انه هايبقى بكره من الزرق :o

أحمد محمود : ما بلاش أنا أحسن ده جاري وممكن يعمل حاجة في الواد نور ..و

عادل مقاطعا : يا سايلور.....

ينكمش أحمد محمود في مقعده ويصمت تماما ويطلب صبح على المحمول بتاعه وهو يرتجف

أحمد محمود : ألو...

صبح وهو يستيقظ من نوم عميق : أيوة مين معايا.؟

أحمد محمود : أنا إبن مصر حابيت أبلغك إنك بكرة هاتبقى من الزرق وان وليد في طريقه ليصحبك الى المقر

صبح : مغالبا نومه ألف شكر طب ليه مش النهاردة؟؟

أحمد محمود وهو يبتسم بخبث : والله بقى انت واحتمالك....يعني..

ينظر عادل الى أحمد مهددا ...فيغلق الأخير التليفون بحركة سريعة وهو يطأطيء برأسه في الأرض

أحمد محمود : أنا آسف نسيت نفسي..

لحظات ويدخل وليد ومعه صبح معصوب العينين

وليد : كله تمام يا أفندم... الأخضر صبح أمام حضرتك

عادل : انت عارف يا صبح اننا بنتابع كل اللي بتكتبه وقرينا آخر حاجة قولتها وانك أخضر وفولانة زرقا

صبح وهو يرتجف وما زال معصوب العينين : أنا ما كانش قصدي حاجة... أنا كنت بهزر معاها ... أنا...

عادل مقاطعا : عامة احنا حبينا نحققلك أمنيتك.................

بصوت جهوري

يا سايلور

يأتي سايلور بسرعة وهو ينتظر الأمر بالتنفيذ

عادل : أنا عايزه يبقى أزرق ... على أسوأ تقدير بكرة الصبح

يوميء سايلور برأسه بدون أن ينطق وينسحب الأعضاء وهم معصوبي العينين بهدوء وتتعالى صيحات صبح

صبح وهو يصرخ : حرام عليكم ...أي ...آآآه.... انتو بتعملوا كده ليه.... بتضربوني ليه......آآآآه...

أي أي

عادل : ما هي دي طريقة الزرقان يا فالح ... هوا انت فاكرها بالساهل والا ايه... :o

ويستمر صراخ صبح وعويله ولا ينجده أحد حتى الصباح ويجد نفسه وقد تحول كل جسده للون الأزرق

وألف مبرك

عقبال الأحمر :)

[عصام]

صبح وهو يصرخ : حرام عليكم ...أي ...آآآه.... انتو بتعملوا كده ليه.... بتضربوني ليه......آآآآه...

أي أي

عادل : ما هي دي طريقة الزرقان يا فالح ... هوا انت فاكرها بالساهل والا ايه... :wub:

ويستمر صراخ صبح وعويله ولا ينجده أحد حتى الصباح ويجد نفسه وقد تحول كل جسده للون الأزرق

وألف مبروك

عقبال الأحمر :blink:

ليه يابنى بس فكرتنى

[se_ Elsyed]

قشطه يا صبح .. ده أنت دخلت في اللون أهو

كوووول يا مان

[lingo]

معليش ولو انو اقتراح مش ولابد بس ياريت تكبرو الخط شويه لحسن الخط صغير مش قادر اقراه وشكرا ورمضان كريم