واحد سألني..... عاوز تبقى أيه؟

[roca]

واحد سألني..... عاوز تبقى أيه؟

عاوز تبقى مدير

يا تبوس جزمة صاحب الشركة - يا تصاحبلك أمير

عاوز تبقى مذيع

يا يكون شكلك جميل - يا تعمل عملية تجميل

عاوز تبقى ضابط

يا تدخل التجنيد - يا يكون خالك عميد

عاوز تبقى رئيس دولة

يا تعمل إنقلاب - يا تخدها بالوراثة من ورا الباب

عاوز تبقى ملك

يايسعدوك الإنجليز - يا تطّبّع مع شيمون بيريز

عاوز تبقى صحفي

ياتضحي بمبادئك - يا تضحي بحريتك

عاوز تبقى مباحث

يا تتبلى عالبشر - ياتبات في النت باحث

[khedr]

بسم الله ما شاء الله

حلاوتها في خفتها

وخفتها في سهولتها

وسهولتها في كلماتها

وكلماتها من صاحبتها

وصاحبتها

تستاهل الف مليون ترحيب وترحيب

بوجودك وسط اهلك واخوتك وناسك

وكسبنا

[نبض الابداع]

اسلوب رائع متشكرين

[roca]

السادة الأفاضل: "khedr" و " نبض الإبداع"

شكرا، دا بعض ماعندكم. :)

[سهيلة]

عاوز تبقى رئيس دولة

يا تعمل إنقلاب - يا تخدها بالوراثة من ورا الباب

صدقت

وعجبى

[White heart]

أهلا roca .... فكرة هايلة، و قافية ملعوبة ...

ممكن أجرب على قدى ؟ :blush:

عاوز تبقى موسيقار

يا اما تتعلم السلم - يا اما تبقى حــ ...

عاوز تبقى سلطان

يا اما تخدم الناس - يا اما تبقى اُلعُبان

عاوز تبقى مضيف

يا اما تدرس سياحة و فنادق - يا اما تبقى نضيف

عاوز تبقى من ذوى الأملاك

يا اما تبقى ابن عز - يا اما تنضم لحزب " أحمد عز "

عاوز تبقى نائب عام

يا اما تدرس حقوق - يا اما تسلك امورك مع بتوع القطاع العام

عاوز تبقى مشهور

يا اما عوما تعدى البحر - يا اما تكتب وليمة أعشاب البحر

عاوز تبقى طيار

يا اما تدرس " البرج " - يا اما تدخل فى " البرج " !!!

عاوز تبقى IT

يا اما تدرس DOS - يا اما تعمل E.T

عاوز تبقى رب عمل

يا اما تجاهد و تثابر - يا اما تروح للشيخة " كيداهم اللوكس " تعملك عمل

مش عاوز تطلع حاجة - بس عاوز تبقى شبعان

يا اما تشقى و تعرق - يا اما تبقى تعبان ! :wub:

تحياتى.

[khedr]

تحياتى

وتحياتنا لك

[roca]

"أيه ده" دنتا غلبتني...............

طب خد دول عندك

عاوز تبقى شيخ

ياتموت جيعان يا تفتي لمصلحة السلطان.

عاوز تبقى بزنس مان

يا تبات في اللومان يا تفتحلك مكتب في مركز "بن حمران".

عاوز تبقى تاجر

يا تكسب على قدك ياتكسب على قد اللي مشاركك.

عاوز تبقى في أمريكا سفير

يا تتكلم لغات ياتكون إبن أمير.

عاوز تبقى إمام

ياتحفظ القرآن يا تكون فلان بن آل فلان.

عاوز تروح ورا الشمس

ياتكمل على دا المنوال يا تجاوب عالسؤال؛

ياترى عاوز تبق أيه؟؟؟؟؟؟؟؟؟؟؟؟؟؟؟؟؟؟؟؟؟

[khedr]

عايز اعمل زيكم

لا انا عارف اكتب ولا اظبط زيكم

عايز احييكم

وكام كلمه حلوه اكتبها ليكم

عايز اشكركم

علي كرمه وفضله عليكم

وعايز اجي عندكم

وعشمان في كرمكم ...تقبلوني في حييكم

عايز اقول لكم

كل سنه وبالخير والهنا يعود عليكم

[memo2007]

يااااااااااااااااااااه على اسلوبك الجميل ده طب قولى بقى انا عاوزة اكون مدرسه متميزة اعمل ايييييييه بقى :) :wub: :blink:

[roca]

عايز اعمل زيكم

لا انا عارف اكتب ولا اظبط زيكم

عايز احييكم

وكام كلمه حلوه اكتبها ليكم

عايز اشكركم

علي كرمه وفضله عليكم

وعايز اجي عندكم

وعشمان في كرمكم ...تقبلوني في حييكم

عايز اقول لكم

كل سنه وبالخير والهنا يعود عليكم

انت كده بقى مش تروح ورا الشمس انت كده تبقى الشمس اللي بتنور المكان.

يااااااااااااااااااااه على اسلوبك الجميل ده طب قولى بقى انا عاوزة اكون مدرسه متميزة اعمل ايييييييه بقى -_- :wub: -_-

ولا يهمك حفكرلك في رد يستاهل إنك تقرئيه.

تم تعديل 1 نوفمبر 2006 بواسطة roca

[nash]

ماشاءالله

كلام حلو..وقافيه جميله..

بس الشعر عندي والقافيه غالبا بسرقهم..وأقول أنا :wub:

يعطيكم العافيه

[roca]

يااااااااااااااااااااه على اسلوبك الجميل ده طب قولى بقى انا عاوزة اكون مدرسه متميزة اعمل ايييييييه بقى -_- :wub: -_-

عاوزة تبقي مدرسة

ياتتخرجي من الكلية يا تعطي دروس خصوصية.

بس بقى لو عاوزة تكوني متميزة

يبقى يحبيبتي ما تنفعيش مدرسة.

[roca]

ماشاءالله

كلام حلو..وقافيه جميله..

بس الشعر عندي والقافيه غالبا بسرقهم..وأقول أنا :wub:

يعطيكم العافيه

ربنا يفتح عليك!

[roca]

وحدة سألتني عاوزة تبقي أيه؟

بصراحة أنا مش مصرية

وفبلدنا هما شغلتين للستات

ياإما دكاترة ياإما مدرسات.

عشان كده حأجاوب على كم سؤال

و اسيب الباقي للأعضاء التوقال

و منكم نستفيد

عاوزة تبقي أم

ياتتبني طفل يا تتجوزي و تشيلي من بدري الهم.

عاوزة تبقي دكتورة

ياتتجوزي زميلك في الكلية يا تبيعو اللي في النملية.

عاوزة تبقي خياطة

ياتروحي معهد يا تعلمك أم أحمد.

عاوزة تبقي مليونيرة

يا تتجوزي مليونير يا ترحي بلد بلير.

عاوزة تبقي عضوة في مجلس الشعب؟

عاوزة تبقي سفيرة؟

عاوزة تبقي وزيرة؟

عاوزة تبقي رسيبشنيست؟

عاوزة تبقي كوافيرة؟

عاوزة تبقي صحفية؟

عاوزة تبقي أيه؟؟؟؟؟؟؟؟

[memo2007]

ماشى بقى كده مانفعش مدرسه ماااااااااااااااشي :lol: :) خلاص هاتطلع من الكليه وادى دروس :) ;) :o :P :P

ماشى ياroca

[roca]

يعني أنا صحيح مش مصرية ، بس بمووووووووووووووووووت في المصريين. :P

في فهمهم و خفة دمهم. :lol:

بس الظاهر إنه المنتدى ده... يعني، يعني ما بيحبش غير المصريين. :P

يالله...... الله يكرمنا و ينالنا من الحب جانب. :blink:

[lonly in cold night]

بس الظاهر إنه المنتدى ده... يعني، يعني ما بيحبش غير المصريين. :blink:

مين اللى قال ان المنتدى ما بيحبش غير المصريين؟

و مين اللى قال ان المصريين اساسا ما بيحبوش حد؟

المصريين شعب مضياف

مرحبا بيكي في منتدى المصريين

واحد سحلب من عندك و واحد حلبه حصى ينزل هنا بسرعه

و العزومه دى على خساب صاخب المخل