هو حرام الرد على الستات (فى محاورات المصريين) ؟

[صفاء]

ماهو يا العيب فى تويتى زى ما قال قبل كده سى السيد يا إما أنا مجنونة وبيستهيألى

يا إما حد عامللى عمل ان اسقط سهوا وابقى ساقطة كيك :sad:

هو فى ايه يا جدعان ؟

يعنى كل ما اشترك فى الرد على موضوع .. غالبا أسقط من قعر القفة

ما تبقوا تخيطوا القعر الله يخليكو

انا مش هقول أى مواضيع .. لكن الموضوع اتكرر اكتر من مرة

وده صدمنى .. والصدمة عملتلى اندهاش فى الشعور واستغراب فى الذاكرة وانبلاج فكرى

يعنى اجيبه من فين تانى فكرى؟

ذنبه فى رقبتكم

تم تغيير العنوان ليعبر عن محتوى الموضوع

تم تعديل 9 أكتوبر 2006 بواسطة عادل أبوزيد

[se_ Elsyed]

هو حرام الرد على الستات؟

طب وهو أنتي أساساً ستات

ده أنتي ست الستات :sad:

يا صفوئه رمضان بقى والناس مشغوله وكده يعني

طب والله ولا ليكي عليه يمين .. وإن شالله يارب أعدم تويتي ولا يوعى يكبر .. أنا عايز اليوم في رمضان يبقى 73 ساعة ...

عامة بكره رمضان يخلص ونضرب الكحك ونتلكم ... وبعد كده نفتح على الرابح

قوليلي بقى ... طابخه إيه على الفطار النهارده ؟

ولا هاتمشيها موائد الرحمن سيرفيز

[واحد تاني]

يا إما حد عامللى عمل ان اسقط سهوا وابقى ساقطة كيك :sad:

شوفي يا دكتر صفاء ... علاج الحالة دي بسيط ...

والعلم ماسابش حاجة الا ولقى لها دوا ...

انتى تطلعي ع السجق المدني ...

وتطلعى كيك جديد ...

والا بقى هتحتاجي تسننى من اول وجديد ...

بعدها انشاءالله كل الموضوعات والردود هتشتغل معاكي زى السكينة فى الحلاوة ... :wub:

[Folana]

ماهو يا العيب فى تويتى زى ما قال قبل كده سى السيد يا إما أنا مجنونة وبيستهيألى

يا إما حد عامللى عمل ان اسقط سهوا وابقى ساقطة كيك :sad:

هو فى ايه يا جدعان ؟

يعنى كل ما اشترك فى الرد على موضوع .. غالبا أسقط من قعر القفة

ما تبقوا تخيطوا القعر الله يخليكو

انا مش هقول أى مواضيع .. لكن الموضوع اتكرر اكتر من مرة

وده صدمنى .. والصدمة عملتلى اندهاش فى الشعور واستغراب فى الذاكرة وانبلاج فكرى

يعنى اجيبه من فين تانى فكرى؟

ذنبه فى رقبتكم

السلام عليكم ورحمة الله.....

ايه الكلام ده بقى..مين ده اللى مزعلك؟..فكرى؟....سيبك منه ..انا عندى كرتونة مليانة فكرى ده تعالى وخدى مقاساك.....

انا عن نفسى مش باشوف لك مداخلات خالص يابنتى..ولسه كنت بافكر فيك وقلت ماهى قالت انها مشغولة فى تحضير الرسالة...معلش عندنا دى....احنا مانستغناش عنك ابدا لا انت ولا تويتى .....

صباحك جميل ياجميلة........... :wub:

[se_ Elsyed]

وبعدين بلاش يا صافء تدخلينا في الحرماينه والحلاليه

لأن

الرد على الستات ... مكرووووووووووووو ه :sad:

وبعدين طالما إنتي مشغولة في التحضير

الله أكبر الله أكبر

اللهم أجعل كلامنا خفيف عليهم

أشتاتاً أشتوت

يبقى إيه فايدة الرد ؟

إسمعي كلامي يا صفاء يا أختشي وسيبك من تحضير العفريت , وإنتي تكسبي

[نانو]

و الله يا صفاء يا حبيبتي

بتحصل في احسن العائلات

طب ده انا في موضوع يتيم مسكين لوحده مش لاقي حد يرد عليه غير رد واحد بس و خلاص جاله حول من كتر ما هو عمال يلف فوق

و ما حدش عايز يوقفه يقوله مالك....فيه ايه يا مسكين مالك كده عمال تلف حوالين نفسك

و فيه حاجه تانيه برده ممكن اللي كتب الموضوع (زيي مثلا) ياخدله ردين تلاته حلوين يخلوه يفقد النطق و المنطق و الكلام

و بالتالي ما يعرفش يكمل المشوار و يقول اذا كان الكلام من فضه فان السكوت من ذهب

و بعدين في الاول و الاخر احنا مالناش غير بعض ...و هانفضل في ارابيز بعض....و برضه بنحب بعض

والردود ديه كلها شكليات....يعني المهم الجوهر ....اوكي الجوهر

[Lembic]

وبعدين بلاش يا صافء تدخلينا في الحرماينه والحلاليه

لأن

الرد على الستات ... مكرووووووووووووو ه :rolleyes:

أرجو إن الجملة دى تكون نكتة علشان لا أصاب بالذهول. :ninja:

[عادل أبوزيد]

ماهو يا العيب فى تويتى زى ما قال قبل كده سى السيد يا إما أنا مجنونة وبيستهيألى

يا إما حد عامللى عمل ان اسقط سهوا وابقى ساقطة كيك :rolleyes:

هو فى ايه يا جدعان ؟

يعنى كل ما اشترك فى الرد على موضوع .. غالبا أسقط من قعر القفة

ما تبقوا تخيطوا القعر الله يخليكو

انا مش هقول أى مواضيع .. لكن الموضوع اتكرر اكتر من مرة

وده صدمنى .. والصدمة عملتلى اندهاش فى الشعور واستغراب فى الذاكرة وانبلاج فكرى

يعنى اجيبه من فين تانى فكرى؟

ذنبه فى رقبتكم

مررت على موضوعك هذا - من العنوان - و كان إنطباعى أنه ربما صدرت فتوى فى مكان ما تحرم محادثة "الحريم" تليفونيا أو الرد عليهم سواء كفتوى أو أحد إختراعات مشايخ الفضائيات أو دول معينة ....

كان هذا تصورى من عنوان موضوعك ..... و قررت أن أقرأ الموضوع و أستعين بكل ما آتانى الله من الصبر فى الرد و الإقناع و الذى منه !!!!

فجأة وجدت الموضوع شئ آخر بالمرة تقصدين " هل هناك مانع شرعى من التعقيب على موضوعات الستات فى محاورات المصريين" و أكيد الإجابة لا " بالثلث" لكن هل تأكدتى أن موضوعات الستات فقط هى التى لا يتم التعقيب عليها أم أنها ظاهرة عامة فى أى لحظة تجدين ما يزيد على الستين أو السبعين متصفح لمحاورات المصريين يتصفحون مئات الموضوعات و لكن الكتابة سواء كموضوعات جديدة أو تعقيب حتى على ما قرأوه من موضوعات قديمة يمثل نسبة ضئيلة ؟

جائزة مليون جنيه "عراقى" لمن يتقدم بحل عملى.

[Folana]

و الله يا صفاء يا حبيبتي

بتحصل في احسن العائلات

طب ده انا في موضوع يتيم مسكين لوحده مش لاقي حد يرد عليه غير رد واحد بس و خلاص جاله حول من كتر ما هو عمال يلف فوق

و ما حدش عايز يوقفه يقوله مالك....فيه ايه يا مسكين مالك كده عمال تلف حوالين نفسك

السلام عليكم ورحمة الله ....

بصى بقى انا قريت ردك وحلفت براس جدى لاظوغلو اوغلو خربوطلى هيثم باشا..انى ارد عليك..انا عن نفسى باحب اقرأ المواضيع كلها ..فيه منطقتين حمر بالنسبة لى اخاف اتورط فى الرد فيهم ...السياسة ..والادب..

السياسة لانى مش قد الناس اللى بتكتب هناك ..انا قارئة فقط وعندى حس سياسى لكن مش حاقدر اجاريهم

باب الادب والشعر...ناس جميلة..مشاعر راقية ..احساس مرهف..عندهم القدرة على ترجمة مشاعر دفينة الى كلمات ...طب حاقولهم ايه بقى ..برافو؟...حاحس انى بايخة جدا...وباكون سعيدة لما كلهم وانت منهم برضه بتردوا على بعض بالكلمات المناسبة ...

غير كده بقى فانا مش بيكون عندى وقت كتير انى ارد على كل موضوع قريته...بس كده...لكن باقرأ كل موضوعاتك..وموضوعات صفاء طبعا مميزة جدا ..وماحدش يقدر يفوتها ..بس هى ظروف رمضان بقى يمكن...

الحل ..اعتقد اننا من خلال متابعتنا اليومية لمواضيع الاخوة الاعضاء..ممكن نكون - او انا يعنى علشان ماحدش يزعل - باقول انى ازددت ثقافة..واصبحت امتلك جرأة اكثر مما مضى فى انى ارد على اى موضوع بدون خوف او احراج..واعتقد ان ده السبب الاساسى فى الاحجام عن الرد..الاحراج...احسن الرد مايكونش فى محله او غير لائق ..او الكلمات بتهرب مننا ..

طب يالا نشجع بعض كلنا اننا نكتب ونرد على باقى الاعضاء..والرد يكون فى حدود الموضوع..يعنى نضيف فكرة..او نشيد بفكرة...بعيدا طبعا عن التشكرات الكتير اللى ممكن نقابلها فى اى مكان اخر...

انا كده بقى لى حوالى 5000 جنيه عراقى ...

تم تعديل 9 أكتوبر 2006 بواسطة folana

[khedr]

ولما الاستاذه الدكتوره صاحبه القلم الرشيق

والكلمات اللطيفه

والتعبيرات الذكيه

والموضوعات اللي كلها حيويه

تشتكي من عدم الردوووود عليها

احنا كده ياغلابه نروح فين

ده احنا كده لا هنلاقي قعر قفه ولا قعر كبايه

..............................

.............................

اعتقد ما قالته فلانه ونانو كلام في صميم الموضوع والسبب

الاحجام عن الردوود له اسباب كتير وتناولنا الموضوع في هذه الرابطه

القراءات55 والردوود صفر

الموضوع ده كان اتكتب من فتره بهذا الخصوص

لكن اعتقد مثل ما قالت نانو وفلانه فيه شئ من الخوف

وده مصدره الردووود التي احيانا تكون صادمه بعض الشئ

ولذلك يتحسس الكل بعد ذلك علي خطواته وكتاباته وكلماته

..................................

.................................

ولكن دعونا نساعد بعض في الحوار

ونأخذ بيد بعضنا ولا نكون ........

وقانا الله شر.........

وشهر كريم ورمضاااااان كريم

وللحوار بقيه

ملحوظه: سيدتي فلانه مبروك الجايزه وماتنسيش نانو بحاجه

[عادل أبوزيد]

أنا زعلانة منى  .. أيوة مش غلطة انا زعلانة منى  و كمان كلنا لازم نكون زعلانين مننا !!!  الجرايد مليانة كتابة   و حاجات جد بصحيح   طب اذا كنا احنا يا مثقفين و بندعى  يعنى بنزعم ان احنا مهتمين بحال البلد و شايلين همها   اذا كنا احنا محدش كلف خاطرة انه يكتب كلمتين هنا  يمكن لمدة اسبوعين   ... نفضها سيرة و بلاش ضحك على خلق الله !!  طبعا انا مقصرة و الغلط راكبنى من ساسى لراسى   !! اللى بيحصل انى ادخل  هنا و اقول انا حاكتب عن كذا و كذا   ...  و شوية و تلاقينى مدحلبة عمالة اقرا الحاجات القديمة قول ساعة قول ساعتين   و اخرج من غير ما اكتب  

يا ترى انتوا بتعملوا كده    ؟؟  طيب ايه الحل

مش باقولكم  انتوا حتجننونى    من ساعة ما دخلت هنا و انا عمالة اشترى كزارونات    اعمل ايه ادمن    صراحة انتوا حلوين قوى  بس لو تكتبوا  ...   برضة لسه زعلانة مننا     و حالبس الكزرونة المرة دى مننا

الفاضلة صفاء

تذكرت مع موضوعك هذا موضوع آخر أنا زعلانة مننا

الموضوع من سنة 2001 كما ترين فى الإقتباس السابق و تجدد الموضوع أكثر من مرة و آخرها بصدد موضوع قصة الفاضل حشيش يعنى موضوع إستمر لمدة خمس سنوات

[صفاء]

هو حرام الرد على الستات؟

طب وهو أنتي أساساً ستات

ده أنتي ست الستات :P

يا صفوئه رمضان بقى والناس مشغوله وكده يعني

طب والله ولا ليكي عليه يمين .. وإن شالله يارب أعدم تويتي ولا يوعى يكبر .. أنا عايز اليوم في رمضان يبقى 73 ساعة ...

عامة بكره رمضان يخلص ونضرب الكحك ونتلكم ... وبعد كده نفتح على الرابح

قوليلي بقى ... طابخه إيه على الفطار النهارده ؟

ولا هاتمشيها موائد الرحمن سيرفيز

يا لهوى يعنى كل ده وبعد تويتى اللى بيرفرف ده ومش ستات؟

فاكر يا سى السيد ترتر قالت ايه لحسب الله ؟

انا أم أويىء يا مهدى للحديقة يا وارد افريقا -_-

طيب يا سيدى المسامح كريم بس عشان رمضان

بالنسبة للفطار واللهى انا كنت معزومة حتة عزومة يىىى لييهوىىىىىى

مش عاوزة اقوللك بقى احسن يغمن عليك

مش كان معانا حد كده فى المنتدى كان يمضى " الامضاء بتاعه يعنى " كان يقول : الى حماتى العزيزة ...

انا عاوز اول ما انزل مصر تعملولى مش عارف ايه وايه وايه ..

اهو انا بقى كنت معزومة على الايهات دى كلها

لالالالللاااااااااااااااااااااااااااااااااااااااااااااااااا

وانت لأاااااااااااااااااااااااااااااااااااااااااااااااااا

يا إما حد عامللى عمل ان اسقط سهوا وابقى ساقطة كيك :rolleyes:

شوفي يا دكتر صفاء ... علاج الحالة دي بسيط ...

والعلم ماسابش حاجة الا ولقى لها دوا ...

انتى تطلعي ع السجق المدني ...

وتطلعى كيك جديد ...

والا بقى هتحتاجي تسننى من اول وجديد ...

بعدها انشاءالله كل الموضوعات والردود هتشتغل معاكي زى السكينة فى الحلاوة ... :o

طب يعنى انت متأكد من الكلام ده ؟

رأيك يعنى ولا رأى التانى ؟

انت ابن مين فيهم ؟ :blink:

ماهو يا العيب فى تويتى زى ما قال قبل كده سى السيد يا إما أنا مجنونة وبيستهيألى

يا إما حد عامللى عمل ان اسقط سهوا وابقى ساقطة كيك :ninja:

هو فى ايه يا جدعان ؟

يعنى كل ما اشترك فى الرد على موضوع .. غالبا أسقط من قعر القفة

ما تبقوا تخيطوا القعر الله يخليكو

انا مش هقول أى مواضيع .. لكن الموضوع اتكرر اكتر من مرة

وده صدمنى .. والصدمة عملتلى اندهاش فى الشعور واستغراب فى الذاكرة وانبلاج فكرى

يعنى اجيبه من فين تانى فكرى؟

ذنبه فى رقبتكم

السلام عليكم ورحمة الله.....

ايه الكلام ده بقى..مين ده اللى مزعلك؟..فكرى؟....سيبك منه ..انا عندى كرتونة مليانة فكرى ده تعالى وخدى مقاساك.....

انا عن نفسى مش باشوف لك مداخلات خالص يابنتى..ولسه كنت بافكر فيك وقلت ماهى قالت انها مشغولة فى تحضير الرسالة...معلش عندنا دى....احنا مانستغناش عنك ابدا لا انت ولا تويتى .....

صباحك جميل ياجميلة........... :o

صباح الهنا

ماهو ده مرمط الفرس

مربط الرفس

مرفس الربط

يييييييييييييييه

هش يا عفريت هش يا عفريت

مربط الفرس

ان مداخلاتى مش بتتشاااااااااااااااف

:ninja:

وبعدين بلاش يا صافء تدخلينا في الحرماينه والحلاليه

لأن

الرد على الستات ... مكرووووووووووووو ه :P

وبعدين طالما إنتي مشغولة في التحضير

الله أكبر الله أكبر

اللهم أجعل كلامنا خفيف عليهم

أشتاتاً أشتوت

يبقى إيه فايدة الرد ؟

إسمعي كلامي يا صفاء يا أختشي وسيبك من تحضير العفريت , وإنتي تكسبي

انت بتقول فيها ؟

طب ده بحق وحقيق وصح وصحيح

المنتدى مسكون

انا الاول قلت يمكن الخط اللى انا بكتب بيه شبه منحرف ولا حاجة

أو خطوطه عوجة مثلا او لون الخط أحمر بعد الشر

انما على ايدك اهو الناس بتقول مبتشوفش مداخلاتى !!!

يبقى ايه بقىىىىىىىىىى

الرضا والسمااااااااااااااااااح

كتكوووووووووووووووووووووووووووووت

[واحد تاني]

يا إما حد عامللى عمل ان اسقط سهوا وابقى ساقطة كيك :rolleyes:

شوفي يا دكتر صفاء ... علاج الحالة دي بسيط ...

والعلم ماسابش حاجة الا ولقى لها دوا ...

انتى تطلعي ع السجق المدني ...

وتطلعى كيك جديد ...

والا بقى هتحتاجي تسننى من اول وجديد ...

بعدها انشاءالله كل الموضوعات والردود هتشتغل معاكي زى السكينة فى الحلاوة ... -_-

طب يعنى انت متأكد من الكلام ده ؟

رأيك يعنى ولا رأى التانى ؟

انت ابن مين فيهم ؟ :ninja:

انا ابن ليل ... :blink: :ninja:

[أبو زياد]

الظاهر فعلا العيب فى تويييتى

لأن شكله مش حيقع من القفة و لا يسقط كيك

شكله كده حيقع فى الشوربة اللى حافطر بيها يعععع

امسكيه بحاجة و الا اربطيه بخيط ربنا يستر

أكيد عنوان موضوعك جذب ناس كتير بيقروه دلوقتى بس العنوان ليس مجال للسخرية ؟!

مين بقى اللى عدل العنواااان ؟

س س قال إنه مش حرام بس مكروه :rolleyes:

و أنا معاه بس مش مكروه دينيا هو مكروه عاطفيا و صحيا و اجتماعيا

أول شىء من مراتى و تانى شىء .....

الصيام فعلا مأثر علينا

هو ايه تانى شىء ؟؟

أول ما قلت مراتى فقدت الذاكرة معلش ربنا يخليها لى و أشوفكم مرة تانية

آآآآىى :ninja: لأ ضرب لأ

[ام البنات]

صافى كل سنة وانت طيبه

وسى تويتى بخير

ويارب ميقعش فى حلة الشوربه

وان كان هيكون طعمها حلو

اصل تويتى

مش تويتى ايه حد

ده تويتى الدكتوووووووووورة صافى

اخبار الحلم ايه

العريس طار يا صافى خدتة خوخه

وجيجي مش هتبقى السيدة الاولى

جالها عريس تانى

خلى بالك يا صافى من تويتى

الدنيا صيام والواحد نفسه فى شوربة ألوان

ومن طيور سليمه

وتويتى جنحاته بترفرف يعنى مش واخد برد ولا انفلونزا

صافى منورة المحاورات

رمضان كريم

ويارب يارب يارب

ميزعلك حرف

[نانو]

شوفتي بقه يا صفصف انها بتحصل في احسن العائلات :P

اهو اديكي رديتي علي كل الناس الا انا :P

كويس كده يعني اعمل ليك ايه في اللي عمال يرفرف ده

الناس كلها عينها عليه :) انا بقه علشان ما ليش في اكل الطيور ....يبقي بس هاطيره :P

[صفاء]

و الله يا صفاء يا حبيبتي

بتحصل في احسن العائلات

طب ده انا في موضوع يتيم مسكين لوحده مش لاقي حد يرد عليه غير رد واحد بس و خلاص جاله حول من كتر ما هو عمال يلف فوق

و ما حدش عايز يوقفه يقوله مالك....فيه ايه يا مسكين مالك كده عمال تلف حوالين نفسك

و فيه حاجه تانيه برده ممكن اللي كتب الموضوع (زيي مثلا) ياخدله ردين تلاته حلوين يخلوه يفقد النطق و المنطق و الكلام

و بالتالي ما يعرفش يكمل المشوار و يقول اذا كان الكلام من فضه فان السكوت من ذهب

و بعدين في الاول و الاخر احنا مالناش غير بعض ...و هانفضل في ارابيز بعض....و برضه بنحب بعض

والردود ديه كلها شكليات....يعني المهم الجوهر ....اوكي الجوهر

أيوة المهم الجوهر

هاتوا الجوهر واللولى والألماااااااااااااااااااااظ :P

نانو انتى اللى فاهمانى فى المنطقة

بعدين ازاى تفقدى النطق من ردين تلاته ؟

لا لا يا بنتى لازم تكونى طويلة النفس أكتر من كده

تعالى أديكى كام درس فى برود الأعصاب هاتبقى كده

شوفتي بقه يا صفصف انها بتحصل في احسن العائلات :P

اهو اديكي رديتي علي كل الناس الا انا :P

كويس كده يعني اعمل ليك ايه في اللي عمال يرفرف ده

الناس كلها عينها عليه :) انا بقه علشان ما ليش في اكل الطيور ....يبقي بس هاطيره :P

لا يا نونتى يا حبيبتى كله الا زعلك

انا هاقوللك ليه

أصل انا لقيت نفسى كل ما ارد رد يتحسب مع رد تانى قبله

يعنى رديت على 3 مشاركات طلعولى مرة واحدة

قلت آآآآآآآآآآآآآه والله وسرك باتع يا تويتى وابتدينا الأعمال السفلية

فسكتت وقلت اكمل بكرة عشان يكونوا انكشحوا من هنا وارد عليكى بمزاج

شفتشى يا اختشى

[أبو زياد]

أ عادل فيه نقاط يجب تسليط الضوء عليها و هى من تجربتى المتواضعة فى المنتدى

تعتبر أسباب رئيسية لقلة المشاركات بالنسبة للقراءات :

1- إذا اخذت القراءة اكثر من وقتها سوف يؤثر ذلك على المشاركة لأن وقت القاريء محدود ولذلك يجب البحث أولا فى أسباب طول فترة القراءة و منها سرعة التصفح و اعتقد انه أهم شىء يؤخذ اعتباره فى تصميم أى صفحة وهذا خاص بالمختصين فى تصميم الصفحات كما انه يشمل أيضا موضوع الإقتباس الذى أظن إنه ليس له ضرورة فممكن أى عضو يشارك بناء على قراءة الموضوع فاحيانا إذا جمعت الإقتباسات تجدها اطول من الموضوع الأساسى

2- الرقابة الصارمة من المشرفين شيء جيد و مجهود يشكر و قد سعدت أنا به فى البداية و لكن إلى حد ما دائما هناك سلبيات فأظن ان كل عضو يفكر كثيرا فى أى مشاركة خاصة أنها سوف تعدل او تستنكر لمجرد انها متكررة او ليست فى مكانها الصحيح لذلك نفكر اكثر من مرة مع أنه فى رأيى أن اى مكان فى المحاورات صالح لأى موضوع يثار او أثير من قبل كهوامش مع عدم الإخلال بالموضوع الأساسى و هذا راجع لوعى المتحاورين الذى لا يجب ألا نستهين به

والمثل هنا الآن فأنا ترددت ان أكتب لك هذه الكلمات حتى لا يقال انى خرجت عن الموضوع و العنوان و هكذا و الان المطلوب منى ان أعمل بحث ثم أصل للموضوع الصحيح تحت المنتدى الصحيح و تكون الكلمات راحت منى

مع أننا ما زلنا نستطيع استكمال الموضوع الأساسى-لكنها مجرد فكرة هامشية و انت أثرتها ايضا هنا -

أستاذى معذرة على الإطالة مع محاولة الإيجاز و لك جزيل الشكر على الإهتمام

[Folana]

السلام عليكم ورحمة الله .....

ولو انى فى غاية الاستعجال ..يعنى فى عجلة من امرى...بس قلت اكتب كلمتين على بال العجلة ماتتشحم...

ياأخت صفاء..ياا أخت صفاء...يعنى انا كاتبة موضوع طويل عريض عن الجن والشعوذة والحبشتكانات بتاعة السفلى اللى بتقولى عليه ده..وماهانش عليك تجبرى بخاطرى ولو بعود بخور واحد أخزق به عين العفريت بتاعة أم وائل..

مش احنا عملنا معاهدة هنا اننا نرد على بعض..انا وانت وخضر ونانو..وكلنا كتبنا اهو فى دوارك..وانت مش رديت على موضوعى ...ولا هى كانت معاهدة كامب يالا نفسى ولا ايه ...اول حاجة تعمليها انك تدخلى الدوار عندى وتكتبىلى كلمتين حلوين كده ..والا حافسخ المعاهدة وارجع لك جواباتك....

أستاذ ابو زياد..انا اساسا دخلت ارد علشان كلامك الجميل اسمحى اشارك برأيى معاك...

1- عندك حق فى موضوع الاقتباس ده ...لان ممكن نلاقى الاقتباس واخد الصفحة كلها والرد اصلا كلمة...بس هو ضرورى احيانا لما يكون فيه اكتر من رد ..وانا عايزة ارد على سين من الناس بس ..انا شايفة اننا ممكن نعمل اقتباس للاسم بس ......بس اللى مجننى فعلا..ازاى بيقتبسوا من عقلهم الباطن؟؟؟...نفسى اعرف ...علشان اقتبس منه انا كمان ...

2- الرقابة الصارمة من المشرفين...انا مش شايفة انها صارمة ولا حاجة ..وبالامانة والله باتكلم...انا باشوف انهم بيسبوا مجال متسع للنقاش بين الاعضاء ..ومش باشوف مثلا انهم بيوقفوا عضوة حد لمجرد ان دمه تقيل مثلا...

لكن اذا الموضوع حيفتح باب للفتن او خروج عن الحد الادنى لاحترام الاخر..باجد انهم بيتدخلوا بس برضه باسلوب لائق...يعنى مثلا لو احد الاعضاء شايف انه احسن من الموجودين ويعطى نفسه الحق انه يتطاول على زملاؤه..ده فيه ايه يزعل ان المشرفين يحذفوا الكلام ده ؟؟

مثلا ..احد الاعضاء يرمى تهم ويقذف الاخرين فى اخلاقهم ..برضه ايه اللى يزعل فى تدخلهم...

تفتكر لو حضرتك مسئول...حتسيب اى حد يقول للتانى انت قليل الادب ..وحتقف ساكت..حتى من غير ماتقول ياجماعة ده مش المكان المناسب...مش عارفة رأيك ايه ؟

3- اكبر دليل ان محدش بيرد ...ان الموضوع بتاع صفاء ده ..موجود فى اكثر من مكان باكثر من صيغة وعنوان ..وماحدش كان بيرد برضه ..:)..حتى رد حضرتك ده مااتكتبش فى اى من المواضيع الاخرى...وهنا بقى مربط الفرس...احنا ليه مش بنشارك بعض همومنا وافكارنا وميولنا ومواضيعنا...ممكن مانردش الا اذا كان لنا رأى معارض ..وده طبعا شىء محزن..لاننا هنا بنساند بعض..ونساعد بعض..فلو مثلا راجعنا انفسنا تانى واتبعنا منهج جديد مبنى على اساس تقبل الاخر ..ومساندته حتى لو غلطان ..نحسن له القول علشان نصلح من مسار افكاره ...

لان هدفنا الاساسى مش اننا نحارب بعض...يكفينا ما نواجهه فى حياتنا من مشاكل ...

تعالوا نعيد ترتيب اوراقنا وترتيب افكارنا..ونفسى فعلا مرة اشوف مجموعة من الناس بتتعاون وتحاول توصل لاحسن الحلول بعيد عن المشاحنات ...

يهمنى جدا رأيك اخى الفاضل ابو زياد لانى عارفة من خلال متابعتى لمداخلاتك ان عقلك ماشاء الله راجح وبتمتاز باخلاق عالية واراء سديدة...

تم تعديل 11 أكتوبر 2006 بواسطة folana

[نانو]

مش احنا عملنا معاهدة هنا اننا نرد على بعض..انا وانت وخضر ونانو..وكلنا كتبنا اهو فى دوارك..وانت مش رديت على موضوعى ...ولا هى كانت معاهدة كامب يالا نفسى ولا ايه ...اول حاجة تعمليها انك تدخلى الدوار عندى وتكتبىلى كلمتين حلوين كده ..والا حافسخ المعاهدة وارجع لك جواباتك....

ايوه .....حتي باماره استمعوا اليهم ...يا فلانه :blink: مش كده :)

خضر دايما بيوفي بوعوده

و صفاء طيبت خاطري بكلامها الحلو فنسيت انها حتي ما كتبتش في استمعوا اليهم

و حضرتك بقه اخذت منك وعد بالرد هناك عند مائده الرحمن...حتي باماره جدك لاظوغلي باشا

و بعدين .... :o