اللهم أنى صائم .. وهذه مواصفات المرأة من المراجع

[Folana]

السلام عليكم ورحمة الله ....

الاخ رار ..مرحبا بك عضو جديد بيننا ....اتأخرت فى الترحيب بك..بس ملحوقة.......تفسيرك به بعض الالفاظ اللى شعرت انها مش فى مكانها المناسب....

ارجو توخى الحرص اخى الفاضل ....

[achnaton]

الفاضل رار

اهلا بك بيننا .. فى البداية ..

ومش كده من الآول .. مداخلتك يا عزيزى الفاضل تجحف صاحب الموضوع حقه .. وتقلل من تقديره للأمور .. والموضوع لوهزلى .. اوفكاهى كما تصورت حضرتك .. كنت وضعته فى باب إبتسامات .. لنضحك جميعا بلا تفكير .. مثل رواد المقاهى وسط مقابر الغفير .. ولكنى أشرت حتى فى العنوان أنه من مراجع وكتابات زمان .. بمعنى أن دى كانت مصطلحات لها تقديرها عند السامع والقارئ زمان ..

وهناك كلمات ومصطلحات نضحك عليها فى ايامنا الحالية.. ولكن فى الازمنه اللى فاتت كانت لها معانى أخرى ..وهذا ما يجعلنا نضحك ونبتسم عن مصطلحات الاجداد ..كما سيضحك احفادنا عن المصطلحات الحالية السارية بين الشباب الآن .. !! ومش عاوز اطول .. ودعنى اقول .. رمضان كريم .. وياريت تطلب حضرتك من الادفيزر شطب مداخلتك هذه ..وتفتح بها موضوع جديد فى باب ابتسامات فهى فى الحقيقة غير مناسبه للموضوع ..مع تقديرى وتحياتى

تم تعديل 17 أكتوبر 2006 بواسطة achnaton

[se_ Elsyed]

أنا لقيت نفسي في " شحلان " و " جفري " وزمان وأنا صغير - قبل العملية ... قصدي قبل الجواز - كنت " نابلسي "

الجفري مقبولة شويه وأهي قريبه من الشيخ الحبيب بن علي الجفري ..

لكن شحلان :rolleyes:

بس أنا شحلان منك يا عم أخناتون ... وبجد لو حد جه خلاني قاعد لا بيه ولا عليه وقالي يا سين سين يا شحلان .. هاروح بطحو

مش عارف ليه حاسس إن " موديست " وهاندي كرافت ... الإتنين مديين على " كنيش " .. أما عزيزي الكونت "زهيري " فشكله كده يجيب " شربل " أنا أول ما شوفته قلت ده شربل على طول ، أما بقى أحمد محمود فهو " جبور " وكمان " ساهل " ( سامحني يا أحمد والله عم أخناتون هو اللي قالي )

أما مواصفات المرأة فمش هاتكلم بقى أحسن أبات على السلم النهاردة

[صبح]

نانو كتبت:

... اعتقد انه لا توجد لغه في العالم كله بها كل هذه المفردات لوصف المراه

جميل انكِ من نوع الناس الذين يرون ربع الكوب الممتلئ ! :rolleyes:

تحياتى.

قصدك الكوب المُمتلئ على آخره و بينقط بره كمان

سبقتني يا وليد :closedeyes:

بس هو في الحقيقة ليس كوبا ولنما بحر

فلغتنا لغة القرآن الكريم وذلك في حد ذاته أبلغ دليل لمن يعي

[nancy]

سيبك من صفات النساء لانها شكلية فعلا اكتر منها وصف للشخصية انما صفات الرجال احلى كتير لانها تميل للشخصية اكتر فجوزى جبور اوى وشعيل شوية صغيرين

وكمان سهل وشلويح وبرغش وكنيش جامد جدا وصعقير كمان

بس لو قلتلة الكلام دة من غير توضيح حبقى زى( نانو فى موضوع الديبر) :closedeyes:

[نانو]

بس لو قلتلة الكلام دة من غير توضيح حبقى زى( نانو فى موضوع الديبر) :unsure:

ايع يا نانثي ...بتقولي ايه....انا ....نانو ....مالي يعني ؟؟؟؟

مانا زي الفل اهوه :closedeyes:

يا تري اتأخرت ليه يا ثين ثين في الطرد؟؟؟؟؟ :rolleyes:

[rar]

بالفعل كان أسلوبي بغير محله...

أعتذر بشدة و أشكر الادارة علي الحذف.

[Folana]

السلام عليكم ورحمة الله....

وأنا باشكرك جدا على حسن تصرفك..وكرم اخلاقك..وتعاونك مع الاعضاء قبل الادارة.......

من الجميل ان الانسان يراجع نفسه ويعترف بخطأه..كلنا معرضين للخطأ ..وعندما نتدارك هذا الخطأ ونعتذر عنه ..فانما يدل هذا على شيم الكرام وحسن الخلق...

مرحبا بك مرة اخرى بين اخواتك .............

[فولان بن علان]

أعتد أن هذا الكلام كان يحتاج أيضا إلى اعتذار

عموما أديك شفت رد فعل بعض الزميلات معانا هنا ... و المصيبة اذا كان كل المجتمع " الذكورى " بيزرع فى عقول نسائه ان هذا هو كل ما فى الأمر .... و تقتنع فعلا النساء بأن هذا هو فقط كل دورها فى الحياه .... و يروح جيل و يجي جيل و قناعتهم بالمسميات دى تكبر معاهم

لكن بما إن احنا في أيام مفترجة

المسامح كريم

وأنا مش با أهدي النفوس ولا حاجة

لكن لو أنا فاهم صح على ما أعتقد كل الزميلات أسئ لهن

تم تعديل 16 أكتوبر 2006 بواسطة فولان بن علان

[achnaton]

بسم الله الرحمن الرحيم

خلاص .. الحمد لله ..نويت أتوب .. وابطل كتابه فى السياسة .. ومكافحة الفساد .. وبدل ما كل ليلة ابات مهموم .. وليالى كثيرة بيخاصمنى النوم ..حتى جدى الشيخ حسن " رحمة الله عليه " بقى له مده مقاطعنى .. !! ؟؟

وفى سهرة إجبارية الليلة اللى فاتت - وده كلام حقيقى مش من بتاع ابو لمعه – ولا بتاع الاذاعات المصرية .. فى عهد الخيبة القوية بتاعة أيام الهزيمة ..اللى سموها نكسه .. المهم مش حطول عليكم .. واجيب من الاخر ..

الليلة اللى فاتت خدعتنى الارقام .. وقرأت بدون نظارة الساعة كانت كام .. لقيت نفسى بعد نص بساعة .. وطار النوم من عنية ..ولسه بدرى على السحور وآذان الفجرية .. دخلت على النت أبحث عن ما يسر النفس ..ولقيت موقع اسمه كواكب ..وفيه منتديات كثيرة ..قلت أخبط الاول على غرفة الحريم .. لأنهم أرق وارحم من الخناشير ووجد احداهن كاتبه موضوع ظريف .. عن اسماء البنات المتاحة ودراسة سريعه لمعانى هذه الاسماء طبقا - كما تقول – ماء بمراجع علم النفس .. وطرأت فى ذهنى ان الموضوع يتفق ما سبق ان كتبت فيه عن انواع النساء .. وفضلت أن انقل ماكتبته اليكم .. مع الاعتذار مقدما للإخوات الفضليات بالمنتدى .. وآدى أحنا بنتسلى .. ولسه صايمين .. وكل عام وانتم طيبين

وتعالوا نقرأ سوا .. :

معاني اسماء البنات حسب علم النفس

ابتسام : رزينه .. و ثقيله .. و خدومه .

أمل : طيبة قلب .. و تفكر ألف مره قبل ان تقرر شيئا.

أحلام : قوية شخصيه .. ذكيه .. خدومه .. و دايم تحلم و تخطط للمستقبل ولديها طموح.

أسماء : هاديه و دائما ساكته .. و مخلصه .. غامضه.

ايمان : طيبة قلب .. يحبوها كل من حولها .. مشكلتها انها لا تعرف تعبر عن حبها .. وتحس انه لا احد يفهمها.

بدور : مثل اسمها حلوه و خجوله .. ولكنها انتقاميه.

بشرى : تحب تثبت نفسها .. ذكيه .. تحب الناس .. غامضه .

بدريه : ثقيله و رزينه .. وكتومه .. حافظه على الاسرار.. ثقيلة دم .

بسمه : انسانه ذكيه .. شخصيتها قويه .. ماتحب اللف و الدوران .. اذا احست انسان يغلط عليها .. تلعن سلسفيل اجداده.. صريحة لا تعرف المجاملات .

تهاني: خفيفة دم .. حذره في تعاملها مع الناس.

تغريد: طيبه و محبوبه من الجميع .. كسوله.

جميله : ذكيه .. و جريئه .. و الواحد يعتمد عليها .. ولكنها كثيرة الغيبه.

حنان : خفيفة دم .. خدومه .. مخلصه .. و مطيعه .. أحيانا تصير أنانيه .

حصه : قوية شخصيه .. محبوبه .. بس للأسف مالها حظ .

حوريه : محبوبه .. و تحب التعارف و الصداقات .. لكنها شرسه .. لا يحتمل لسانها الطويل.

حياة : اللي مايعرفها مايثمنها .. عاقله .

خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس.

خديجه : خدومه .. و تحب الناس .. و قلبها طيب .. ماتحب الغيبه .. و تتعامل مع الناس بطيبة قلب .. بس اذا غلط عليها أحد توريه نجوم الظهر.

دلال : .حلوه و جذابه .. بس مشكلتها انها ضعيفة شخصيه .

ديما : قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل.

دانه : محبوبه من جميع اهلها.. دلوعه .. و حلوه.. ولكنها طويلة اللسان.

رشا : .. طيبة قلب .. و دمعتها على خدها .. عاطفيه .. كثيرة التعلق باحبابها .

روان : دلوعه .. و محبوبه.

رقيه : مخلصه في شغلها .. متحفظه .. وماتحب اللعب و اللف و الدوران..

ريم : طيبة قلب .. و خدومه .. و على نياتها .. مطيعه .. تحب الناس .. مالها حظ..

رنا : حلوه .. حنونه .. و تحب الناس .. اجتماعيه .. واجتماعيتها

تسبب لها مشاكل..

رانيا : دلوعه .. ويعتمد عليها .. مشكلتها انها ثقيلة دم..

زينب : حلوه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يابس.

زهره : ذكيه وشاطره .. حبوبه .. تحب الصداقات .. مشكلتها غيرتها .

زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها..

سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف مالها حظ.

سلوى : قلبها طيب ..مطيعه و خدومه .. و حلوه .. دلوعه .. بس للأسف مالها حظ .

سعاد : شاطره و ذكيه .. بس شرانيه.

ساره : محبوبه .. ذكيه .. طموحه .. عنيده ..و مزعجه.

سلمى : ذكيه .. شخصيتها قويه .. تحب الحريه و التجديد .. لكنها مزعجه.

سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر بقلبها قبل عقلها .. و هذا يسبب لها مشاكل .

شعاع : ذكيه .. و مجتهده .. و شخصيتها قويه .. واذا حطت في راسها شي لازم تسويه .

شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. (عسكريه ).

شوق : رقيقه.. و تحب تثبت نفسها .. خوافه.

عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره.

عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها.

عزيزه : مخلصه .. رزينه .. ثقيله .. وثقيلة الدم.

العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها.

فاتن : حلوه .. حبوبه .. ذكيه .. شخصيتها ضعيفه.

فردوس : ذكيه .. طموحه .. شخصيتها قويه.

لمياء : محبوبه .. تحب تبني صداقات .. و دلوعه .. و ياويله اللي اذا طلبت منه شي و لا جابه لها.

لينا : طيبة قلب .. و على نياتها .. و دمعتها على خدها .. بس تحس ان محد يفهمها.

ليلى : شخصيه قويه .. ذكيه .. حبوبه . تحب المزاح .. لكنها مزعجه.

منيره : واضحه .. ماتحب اللف و الدوران .. صريحه .. و أم حنون .. بس لسانها طويل.

منال : هاديه .. و حلوه . ودلوعه .. وواثقه من نفسها .. بس انها مغروره .

مريم : طيبه و على نياتها .. عاطفيه .. و مندفعه .. تحب الغيبه.

منى : هاديه .. و رزينه .. ذكيه .. و تحب المظاهر.

مشاعل : محبوبه .. تحب بناء صداقات .. لكنها غامضه .

نوره : شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد ثقافتها .. صريحه ماتعرف تجامل .. مشكلتها انها ماتعرف تعبر..

نوف : تحب بناء الصداقات .. تحب المغامرات ... تحب التراث .

نوال : شخصيه قويه .. محبوبه .. و تحب الناس .. مطيعه .. و عنيده.

ناديه : شخصيتها قويه .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مره قبل ماتسوي أي شي

.

هدى : شخصيه قويه .. يعتمد عليها في أصعب المواقف .. خدومه .. لكنها غامضه .. و تحب الغيبه.

هناء : على نياتها .. تتصرف حسب مايملي عليها عاطفتها .. بدون تفكير .. ذكيه .. خدومه ..

هيا : محبوبه .. تحب اللي يحبها بس .. مطيعه .. مخلصه .. لكنها عصبيه .

هند : عاطفيه .. ذكيه و شاطره .. اذا حبت شي تحب تمتلكه لحالها .. غيوره

هنادي : شخصيه قويه .. تحب الدلع و المظاهر .. ذكيه .. ومحبوبه من الجميع

وفاء : شاطره و ذكيه .. بس ياويل اللي هي تحط عينها عليه.

ياسمين : قلبها طيب .. خدومه .. لكنها متهوره.

يسرى : شخصيه قويه .. تحب تثبت ذاتها .. و تحب المظاهر

شرايكم يابنات بمعاني أساميكم..

السطر الاخير لم اعدل فيه .. يمكن يحتاج لمترجم عند البعض .. ولكنه سهل التفسير .. فهى تسأل البنات عن رأيهن فى اللى فات من معانى الاسماء ..

وفى النهاية اتفرجوا على الكليب ده ..وأدعوا للبنت دى ..

http://www.mana.ae/wc.htm

[se_ Elsyed]

معليش يا عم أخناتون لم أتمالك نفسي بعد قرأت كل تلك الصفات الجميلة لأصحاب تلك الأسامي

وعايز أقول زي ما قال عمي الكبير توفيق الدقن في أحد أفلامه

" أومال لما كلكو فتوات .. يبقى مين اللي هاينضرب ؟ "

يعني لما كل البنات حلوين كده وطيبين ومقطقطين .. أومال مين إبن ..... ؟

[نانو]

ايه يا س س

انت مستخسر فينا كلمتين حلوين بعد ضرب النار اللي في اول صفحه

و ما خلصناش ...ربع الكوبايه الفاضي .....و ربع الكوبايه المليان

و بعدين ما انتم اخدتم حقكم وزياده

اما انت صحيح شحلان و جفري و نابلسي و كنيش يا اخي

[Folana]

السلام عليكم ورحمة الله...

ايوه فعلا ياسى السيد..ماتسيبنا نفرح بانفسنا شوية.....والا هو حلال لكم حرام علينا..ايه ده ياختى ده ( وش اسماعيل ياسين فى فيلم الانسة حنفى)

اصل انا لاقيت اسمى فيهم ..ويا سبحان الله العلى العظيم...هو كده ..تمام كده....انا عايزة ابعت لها جواب شكر الست دى الى بتفهم..

وقبل كده اشكر عمنا اخناتون على هذا الدعم الفنى...واقول للرجاااااال ..موتوا بغيظكم.. :D

[se_ Elsyed]

اصل انا لاقيت اسمى فيهم ..ويا سبحان الله العلى العظيم...هو كده ..تمام كده....انا عايزة ابعت لها جواب شكر الست دى الى بتفهم..

تخيلي إنك أخدتيها من على طرف لساني

أنا فعلاً لما قريت الأسامي لقيت إسمك تنطبق عليه كل الصفات دي

العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها

و بعدين ما انتم اخدتم حقكم وزياده

اما انت صحيح شحلان و جفري و نابلسي و كنيش يا اخي

ماشي يا نانو بقى بتحامي لصحبتك العنود قصدي فلانه وبتدافعي عنها ..

طب إخليها تنفعك بقى يا عيطموس

وأطلعي لي بره بقى ووريني نفسك

[نانو]

طيب اديني اهوه طلعتلك بره اهوه

ور يني بقه انت نفسك يا شحلان

[ماو]

فى نقاش مع استاذى ومعلمى حول انتشار الاسماء الحريمى التى كنا نستعملها - حسب ما سمعت - فى القرون الوسطى .. ومازلنا فى المحروسة نستعملها نقلا عن الاجداد .. وضحك استاذى كثيرا رغما عنه .. واشار الى موضوع ظريف قرأه يوما فى باب موضوعات خفيفة .. حول ما كان يستعمله السلف آى اجداد الاجداد من العرب الجياد .. مما جعلنى اقضى ساعات فى البحث عنه .. واخيرا وجدته ..

وانى حين ارفعة اليوم من جديد اتمنى لاخوتى وزملائى الاستمتاع بما كان يقدمه هذا المنتدى ..خاصة وكثير من الافاضل المشاركين يومها فى الموضوع مازالوا موجودين

[لولا]

محمقه : المرأة التي تلد الحمقاء .

البلهاء : المرأة الكريمة .

أستعصى على فهمى ان تسمى مرأة محمقه !!! ويطلع السبب انها خلفت عيل طلع احمق :blink:

مش ممكن يكون طالع احمق لأبوه wst::

عموما لفت نظرى ان يكون اسم البلهاء يدل على الكرم :unsure:

الظاهر فعلا ان المقاييس كلها اتغيرت فى زمنا دا .. وعلى رأى أنغام وازاى تكون انسان فى زمان

فيه طيبه القلب بتتعيب :)

ملقتش اسمى فى اللسته العربى ..اصل اللى قبلها كانت افرنجى بمقاييس العصر بتاعنا :lol:

لولا

[galaxy]

انا كمان يا لولا مش لاقيه اسمي .................ما انتي عارفه ان الوضع صعب جدا....... :blink:

بس فعلا معظم المواصفات الغالبه حسيه.............بس الاسماء ثريه جدا جدا.....................موضوع شيق........................ :) :unsure:

[أبو محمد]

بعد أن قرأت هذا الموضوع .. سرحت بخيالى وتخيلت سيناريو .. جرى فيه (فى خيالى) الحوار الآتى :

المشهد الأول .. داخلى .. صفارى سمس ..

يدخل أبو محمد إلى المنزل قادما من الخارج بعد أن اشترى وردة حمراء بمناسبة عيد الحب .. تستقبله أم محمد بنظرة حانية مشفقة عليه بعد أن خرج فى عز القيالة لمشوار مهم لم يفصح عنه

أبو محمد : .. كل سنة وانتى طيبة يا حاجة ، إتفضلى :unsure:

أم محمد : وانت طيب يا خويا .. تعيش وتجيب

أبو محمد : حنتغدى إيه النهارده يا .. يا .. يا خبرنجة :wub: ؟

أم محمد : خبر إيه :)

أبو محمد : خبرنجة .. من النهارده حسميكى خبرنجة wst::

أم محمد : (تختفى لدقائق وتعود حاملة فى يدها هاند باج) ... أنا رايحة عند ماما :sad: .. (تخرج مسرعة وتهبد الباب وراها)

المشهد الثانى .. داخلى .. ساعة المغربية .. فى بيت حماة أبو محمد .. يدخل ابو محمد .. مخضوضا فيجد الجو مكفهرا .. وقعر مجلس منعقد .. وام محمد ضاربة بوز شبرين .. ينظر إلى حماته متسائلا

أبو محمد : فيه إيه كفى الله الشر ؟!!

حماته : مش عيب يا خويا بعد العمر ده كله تقولها حسميكى .. إسمه إيه ده .. خرونج wst::

أبو محمد : (ينفجر ضاحكا) .. خرونج إيه بس يا حماتى؟ .. إيش جاب خرونج لخبرنجة ؟ :lol:

حماته : أهو اللى بتقول عليه ده

أبو محمد .. خبرنجة يا حماتى يعنى المرأة الجارية ، الحسنة الخلق في استواء ... دى صفة للمرأة اتعلمتها النهارده من اخويا أخناتون

حماته : يالطيف اللطف يارب .. لما أخوك يبقى أخناتون تبقى انت مين بقى منقرع ولاَّ حتحور ؟

يضطر أبو محمد لشرح الموضوع لحماته من أول يعنى إيه كمبيوتر ..... لغاية "محاورات المصريين" وسى السيد (طلعت تعرف إنه جوز الست أمينة) وسكوربيون وزوهيرى .. و .. و .. وأخناتون

يضحك الحاضرون .. وتتهلل أسارير أم محمد .. ويتنفس أبو محمد الصعداء ويخاطب أم محمد مبتسما

أبو محمد : أهو كده انتى مش تبقى خبرنجة بس .. دانتى كمان طول عمرك عرهرة .. بالذات وانا شايفك هنانة بالشكل ده .. (يلاحظ الدهشة على وجه أم محمد فيستمر ضاحكا) يللا بقى خليكى بلهاء زى حماتى وقومى غدينا

تمسك أم محمد بالتليفون وتطلب صديقتها إعتدال البسطويسى المحامية

أم محمد : إعتدال .... هى قضية الخُلع تتكلف كام وتاخد وقت قد إيه ؟؟؟ !!!!!! :lol:

إظلام تام .. ويشعر أبو محمد بيد ممسكة بقميصه من الخلف (من عند الكتف) وتهزه بشدة

أم محمد : مش حتبطل تنام وانت قاعد قدام الهباب ده ؟

ألله يسعد أوقاتك يا عم أخناتون .. ويمتعك بالصحة والعافية :wub: وشكرا لك يا "ماو" على بحثك فى كنوز المحاورات ورفع هذا الموضوع اللى ينسِّى الهم والغم :blink:

[MZohairy]

بعد أن قرأت هذا الموضوع .. سرحت بخيالى وتخيلت سيناريو .. جرى فيه (فى خيالى) الحوار الآتى :

المشهد الأول .. داخلى .. صفارى سمس ..

يدخل أبو محمد إلى المنزل قادما من الخارج بعد أن اشترى وردة حمراء بمناسبة عيد الحب .. تستقبله أم محمد بنظرة حانية مشفقة عليه بعد أن خرج فى عز القيالة لمشوار مهم لم يفصح عنه

أبو محمد : .. كل سنة وانتى طيبة يا حاجة ، إتفضلى

أم محمد : وانت طيب يا خويا .. تعيش وتجيب

أبو محمد : حنتغدى إيه النهارده يا .. يا .. يا خبرنجة wst:: ؟

أم محمد : خبر إيه

أبو محمد : خبرنجة .. من النهارده حسميكى خبرنجة :sad:

أم محمد : (تختفى لدقائق وتعود حاملة فى يدها هاند باج) ... أنا رايحة عند ماما :lol: .. (تخرج مسرعة وتهبد الباب وراها)

المشهد الثانى .. داخلى .. ساعة المغربية .. فى بيت حماة أبو محمد .. يدخل ابو محمد .. مخضوضا فيجد الجو مكفهرا .. وقعر مجلس منعقد .. وام محمد ضاربة بوز شبرين .. ينظر إلى حماته متسائلا

أبو محمد : فيه إيه كفى الله الشر ؟!!

حماته : مش عيب يا خويا بعد العمر ده كله تقولها حسميكى .. إسمه إيه ده .. خرونج

أبو محمد : (ينفجر ضاحكا) .. خرونج إيه بس يا حماتى؟ .. إيش جاب خرونج لخبرنجة ؟

حماته : أهو اللى بتقول عليه ده

أبو محمد .. خبرنجة يا حماتى يعنى المرأة الجارية ، الحسنة الخلق في استواء ... دى صفة للمرأة اتعلمتها النهارده من اخويا أخناتون

حماته : يالطيف اللطف يارب .. لما أخوك يبقى أخناتون تبقى انت مين بقى منقرع ولاَّ حتحور ؟

يضطر أبو محمد لشرح الموضوع لحماته من أول يعنى إيه كمبيوتر ..... لغاية "محاورات المصريين" وسى السيد (طلعت تعرف إنه جوز الست أمينة) وسكوربيون وزوهيرى .. و .. و .. وأخناتون

يضحك الحاضرون .. وتتهلل أسارير أم محمد .. ويتنفس أبو محمد الصعداء ويخاطب أم محمد مبتسما

أبو محمد : أهو كده انتى مش تبقى خبرنجة بس .. دانتى كمان طول عمرك عرهرة .. بالذات وانا شايفك هنانة بالشكل ده .. (يلاحظ الدهشة على وجه أم محمد فيستمر ضاحكا) يللا بقى خليكى بلهاء زى حماتى وقومى غدينا

تمسك أم محمد بالتليفون وتطلب صديقتها إعتدال البسطويسى المحامية

أم محمد : إعتدال .... هى قضية الخُلع تتكلف كام وتاخد وقت قد إيه ؟؟؟ !!!!!! :blink:

إظلام تام .. ويشعر أبو محمد بيد ممسكة بقميصه من الخلف (من عند الكتف) وتهزه بشدة

أم محمد : مش حتبطل تنام وانت قاعد قدام الهباب ده ؟

ألله يسعد أوقاتك يا عم أخناتون .. ويمتعك بالصحة والعافية :lol: وشكرا لك يا "ماو" على بحثك فى كنوز المحاورات ورفع هذا الموضوع اللى ينسِّى الهم والغم :unsure:

اتعلموا يابشر من ابو محمد :wub:

اتعلموا خفة الدم الشديده مع الأدب و الخلق معا :wub:

انا عن نفسي اعتقد اني لو قلت حاجه من دول لمراتي اعتقد كده والله اعلم انها مش حتاخد بالها اني قولتلها حاجه و حتكمل اللي كانت بتعمله من غير ما ترد عليا :)