الرقص مع الذئاب...بين الشباب

[khedr]

انتشرت في افلام هذه الايام موضه غريبه جدا

الا وهي ان يقوم احد ممثلي الفيلم من الرجال وليس من النساء

بعده وصلات رقص شرقي ونشاهد من التفاني في الصنعه ما لا نشاهده من اصحابها

لا اعرف ماهذا الذي يحدث وكيف يستقبل شبابنا هذه الاعمال

وهل نستطيع ان نقول لهم الا يقلدوا هذا السخف وهذا العيب وهذا ال......

فاض الكيل وامتلئ الاناء عن آخره

مناظر غريبه .....وبدع عجيبه .....ورقصات خليعه

والادهي والأمر انها ليست من سيدات ولكن من رجال

او اشباه رجال

وقانا الله

[Marmar]

أه والله يا خضورة..حاجة تكسف بجد..

أنا بصراحة صعقت لما شفت الأغنية بتاعة سعد الصغير الجديدة..مع الراقصة اللولبية "دينا" بس بصراحة طلعت غلبانة أوي...اللي يئرف بجد إنك حاسس بالتقزز من الطريئة اللي بيرقص بيها هوة و المجموعة اللي معاه بجد حاجة ميئبلهاش العأل..و يا ريت الكارثة في واحد والا اتنين..لكن ده الفرقة كلها كدة!!!

أكتر من 20 واحد كانو بيرقصوا وراه...

احنا اتعودنا إن ممكن الممثل كسكتش كوميدي إنه يرقص و يألد الستات زي المرحوم الأستاذ فؤاد المهندس..بس كان راجل و مكنش فيه اسفاف..و برضه المرحوم نجاح الموجي.. حتى محمد سعد برضه بيرقص بس موش بإسفاف..

لكن لما تتفرج على سعد الصغير و تتنيحة عنيه كدة و حركاتة ..تؤولشي كان متربي مع عوالم؟؟؟!!! حاجة سكسكة على الآخر...(للتذكرة: سكسكة كان شخصية تمثل صبي العالمة في فيلم درب الهوى)

التهريج حلو..لكن لما يوصل إنه يشكك في هوية البني آدم..يبقى كارثة قومية...ربنا يحفظنا جميعا.....ويجعله عامررررر

[نانو]

اخينا العزيز خضر

عندك حق الموضوع زاد حبتين و بقي كده ركن من اركان اي فيلم...حاجه تقرف

بس ليه يا مرمر بتستثني كل اللي بيرقصوا ماعدا سعد الصغير :blink:

بس انت شايفه سعد الصغير بس هو اللي وحش علشان عنده مرونه زياده شويه :)

كلهم بيرقصوا و كلهم بيهزئوا نفسهم من اول المرحوم قؤاد المهندس و نجاح الموجي و محمد سعد و مش دول و بس

هم و كل واحد واحد بيلبس ست و ييرقص زي الستات و كلهم بيفقدوا احترامهم لنفسهم و احترام الناس ليهم

انا مش فاهمه ازاي زوجاتهم واولادهم بيحترموهم و ازاي بيقبلوا علي نفسهم ....كل ده علشان الفلوس

[khedr]

قبل كل شئ

ربنا يخليكم للغلابه .......... مرمر ونانو

ياللي رافعين روح الغلابه المعنويه

ودايما مشاركيني في همي وردي

كلمه لا بد منها.....في شهر كريم

ودعوه في ايام مفترجه كريمه

ندخل بقي في الموضوع........

سبحان الله برضه مع الاحترام الكامل لكل الفئات

اللي اهتموا وردوا هما سيدتان من ارق والطف الكائنات

طيب واحنا ياشباب...اذا كان يحق لي ان اكون منهم او منكم

الموضوع زايد عن حده وحدوووده وبعيد تماما عن مفهوم الرجوله

الرجوله التي تضيع كل مدي من بيننا وتخلق لنا الجنس الثالث

..............................

..............................

البلد مش ناقصه هزات

حتي يأتي الصغير سعد ويهزها كمان وكمان

وقانا الله الهزات والهمزات واللمزات

[mizo]

انا اسف جداً مين سعد الصغير هل هو ممثل جديد ام من بتوع الفضائيات

[abdo]

كتبت مرمر

أنا بصراحة صعقت لما شفت الأغنية بتاعة سعد الصغير الجديدة..مع الراقصة اللولبية "دينا" بس بصراحة طلعت غلبانة أوي...اللي يئرف بجد إنك حاسس بالتقزز من الطريئة اللي بيرقص بيها هوة و المجموعة اللي معاه بجد حاجة ميئبلهاش العأل..و يا ريت الكارثة في واحد والا اتنين..لكن ده الفرقة كلها كدة!!!

أكتر من 20 واحد كانو بيرقصوا وراه...

احنا اتعودنا إن ممكن الممثل كسكتش كوميدي إنه يرقص و يألد الستات زي المرحوم الأستاذ فؤاد المهندس..بس كان راجل و مكنش فيه اسفاف..و برضه المرحوم نجاح الموجي.. حتى محمد سعد برضه بيرقص بس موش بإسفاف..

لكن لما تتفرج على سعد الصغير و تتنيحة عنيه كدة و حركاتة ..تؤولشي كان متربي مع عوالم؟؟؟!!! حاجة سكسكة على الآخر

انجليزي دا يامرمر؟

[Marmar]

عندك حق يا نانو..كله بيوصل لعدم احترام..بس أنا كنت أصدي إن بلى أخف من بلى..مكل الرجالة بترقص..يعني بزمتك مرحتش أي فرح من زملاءك؟ متفرجتش على الرجالة و هي بترقص؟ ده خلاص.. أريب جدا البنات هتعد و الرجالة جدا هي اللي هتؤوم بالليلة..

و أعذرني إذا كنت اتوصيت شوية بسعد الصغير ..بس معلش حظه كده:closedeyes:

بس أنا اعتراضي على الطريقه اللي بيرقصوا بيها..

حتى الستات..يعني سهير زكي كانت رأاصة و بترقص..ست متمكنة...بس مكنش فيه خلاعة أو اباحية..غير مثلا سحر حمدي و دينا...ولا بوسي سمير بتاعة حط النقط على الحروف...و أهه كله بيطلع في الغسيل..و يجعله عامرررررررررررر

بص بأ يا ميزو...سعد الصغير ده..واحد جديد.. الي بيغني أغنية "هتجوز" ..و ممكن تروح تسمع أغانيه من التو سيتس دول...و يجعله عامررررر

www.6arab.com

www.6rbtop.com

انجليزي دا يامرمر؟

لا يا ...ده لاوندي على شويه برتغالي......و يجعله عامر برضه...

مرسيه خالص يا خضر على كلامك :unsure: "هما سيدتان من ارق والطف الكائنات"

بجد كلك ذوق..و دي موش تريأه..دي حقيقة...و يجعله عامررررر