مجرد شكليات

[أبو زياد]

خطر لى الموضوع عند ذهابى للصلاة - وما اكثر هذه المواضيع -

قلت اتحفكم به حتى أخطف الأضواء و أعود لأكمل موضوع الأندلس مع أخى صبح

الشكل الإجتماعى ماذا يعنى بالنسبة لنا وكم ننفق عليه من مالنا ووقتنا

ونبدا بديننا الذى سيسأل فيه كل منا عند وفاته عن ماله فيم أكتسبه و فيم أنفقه

كم انفقت لتشترى سيارة جديدة او لتلميع سيارتك - لشراء عقد جديد لزوجتك -

لتغيير الموبايل - و ما أدراك بحرب الموبايلات - بل حرب النغمات الجديدة -

النيو لوك - ما الهدف منه للشخص العادى وليس الفنان أو النجم ؟

هل أهمية الشكليات بالنسبة لنا تتعدى التجمل إلى جلب الثقة أو جلب الإحترام أم التفاخر ؟

أحلى شىء أن تسأل و تنتظر الإجابات :)

تم تعديل 11 أكتوبر 2006 بواسطة أبو زياد

[khedr]

الشكل و المضمون.....وجهان لعمله واحده

بين الشكل و المضمون....لابد من توافق

الشكل لا يكتمل الا اذا كان المضمون مناسب

والمضمون لا يُقبل الا اذا كان بشكل مقبول

كلاهما تؤام للآخر ولا يفترقان

واذا افترقا يحدث الخلل

ولكن الشكل هذه الايام اصبح ...ممسوخ ....مشوه..... دميم

والمضمون مختلف عما الفناه واردناه وتعودنا عليه

اللهم تقبل منا صالح الاعمال شكلا ومضمونا

[أبو زياد]

الشكليات تأخذ أحيانا أكثر من أهميتها

ولا اتكلم عن الملابس و المظهر الشخصى و لكن مثلا

أعتقد أننا من أكثر الشعوب شراء للموبيلات لا لشيء إلا للتفاخر إن معايا آخر موديل و إمكانياته كذا و كذا

يا ترى انتو معايا و دة مجرد مثل ؟

[memo2007]

السلام عليكم ورحمه الله وبركاته الشكليات فى الوقت الحاضر بقت مهمه " وبصراحه احنا اللى عملنا ليها اهميه " وده من كذا ناحيه ازاى اللبس احلى لبس ازاى امسك اجدد موبيل ازاى ازاى ازاى ...............وهكذا وبنقعد نفكر فى الحاجات دى وسايبين الاهم تلاقى الواحد رايح الكليه يقصد المنظرة مش التعليم حاجه تكسف صح المهم اننا فاكرين ان احنا بنعمل كده عشان نبقى زى الغرب وكده هانكون دوله راقيه طول مابنفكر كده يبقى مش هانفلح ابداااااااااااااااااا ولا هانكون دوله متقدمه واحنا الشباب مخنا فى حاجات روشه حاجات على الموضه يااااااااااااااااارب استر يجى الطالب وهو داخل الكليه يقول لأبوه ازاى هادخل الكليه وانا مش معايا موبيل ازاى مش يقولو ازاى هاخد على الجو الجديد اللى انا داخله ازاى هاذاكر وانجح فيه "لأنه هو اكبر منه فى السن وممكن يفيده وينصه لتجاربه فى الحياه " "مع انى مش شايفاه جو جديد خااااااااااااالص0000000 ده ممكن يكون بالنسبه ليه انا وبس مش شايفاه جديد صح" المهم يا أبو زياد نعمل ايه عشان نسيبنا من الشكليات :wub:

[النسر المصري]

الشكل و المضمون.....وجهان لعمله واحده

بين الشكل و المضمون....لابد من توافق

الشكل لا يكتمل الا اذا كان المضمون مناسب

والمضمون لا يُقبل الا اذا كان بشكل مقبول

كلاهما تؤام للآخر ولا يفترقان

واذا افترقا يحدث الخلل

ولكن الشكل هذه الايام اصبح ...ممسوخ ....مشوه..... دميم

والمضمون مختلف عما الفناه واردناه وتعودنا عليه

اللهم تقبل منا صالح الاعمال شكلا ومضمونا

بصراحة رد الفاضل والصديق العزيز خضر جاي في الجون عدل

بس اضيف حاجة....انه شكليات نقصد....هل الشكليات المبالغ فيها اوي اوي....او اللي مانتش قدها...او اللي مش على مقاسك وعلى قد فلوسك

انا اعرف ان لما الواحد يكون مرتبه الف مثلا...ويروح يشتري قميص ماركة جورجيو آرماني باربعمائه...وبعدين يبدأ يتسفلق على باقي البشر من هنا وهناك اهو ده اللي مريض بصراحة

وطبعا قس على ذلك الكثير من الشباب الذين لا يحسب لغدا ما سيحدث...ولديهم مثل قائل....اصرف ما في الجيب ...يأتيك ما في الغيب.....طبعا مثل فاشل ميه ف الميه

وهنا نرجع نقول بردو ان الشكليات مهمه...بس حسب مضمونك الشخصي والعملي....

انا مثلا اعمل في مجال الدعايه والاعلان....الازم اكون على سنجة عشره...بدله شيك...كرافته شيك ....موبايل يخدمني صح...(وغالبا بيكون آي ميت ) ....نظارة شيك...شعري متسبسب ومصروف عليه دم قلبي... شنبي ودقني يوميا اظبطهم وارسمهم مظبوط.....قاصص سوالفي ....برفان مؤثر وهادي ...ساعة شيك... جزمه شيك...عوضا عن سيارة جميله ونظيفه وملمعها يوميا (لدرجه اني ممكن امسحها قبل ماروح للزبون)

الحجات دي بتوفر علي نصف المجهود لاقناع العميل من اجل الفوز بالصفقه....فهي تبث الثقه في نفسية الزبون عن اننا نعمل فعلا في مستوى راقي من مجال الدعايه والاعلان

ثم يأتي الدور على اسلوب الكلام والحوار...وهو فن قد لا اكون ملما به ...لكني احاول دائما واتعلم دائما لكي اكون الافضل في مجالي

وهنا يؤكد مدى صدق كلام العزيز خضر

ان الشكليات أكملت عندي المضمون في مجال عملي...وكذلك في كافة الأعمال

نهايته .....

حابب بس اقول

صباحو سكر عالناس الرايقه