إنضمام الفاضلة Folana لفريق التنسيق و الإشراف

[Advisor]

الجميع يعرف الفاضلة Folana و يعرف حجم الجهد الذى تضعه فى كتاباتها و مدى صدقها و موضوعيتها.

أرجو من الجميع التعاون معها و ندعو الله أن يسدد خطاها فى أعبائها الجديدة و ندعو الله أن ألا تكون أعبائها الجديدة على حساب أعبائها الحياتية الأخرى و التى لها الأولوية. و نرجو منها أن تكون معنا قدر الطاقة.

حيوا معى الفاضلة folana و إدعوا معى المولى القدير أن يوفقها و يشد أزرها

[وليد صفوت]

لا اله إلا الله .... :unsure:

قلبى معاكى يا مدام فولانة :sad:

ده كأس ... و مسير الكل يذوقه :blink:

وحدووووووووووووووووووووه mfb:

لأ بجد .... الف مبروك يا مدام فولانة التكليف الجديد و انشالله انتى تستحقى كل الثناء و لا نذكى على الله احداً و نحسبك على قدر عالى من الذوق و الأخلاق و قدر كبير من محبة الناس ......... فمن يحبه الله يُنزل محبته فى قلوب عباده....

الف مبروك و عندك غرفة تغيير الملابس الحريمى على يمينك و انتى داخلة منتدى الإشراف .....و هتلاقى عفريته زرقا ( حتى بالأمارة هتلاقى لون الإسم اتحول للأزرق من دلوقتى) و جلابية من بتاعت مسلسل سر الأرض :blink: لونها فوشيا و منديل بقويا لونه بمبى فأصفر و اخضر و احمر و ازرق و فحلوقى :blink: و هتلاقى جنبيهم فاس و قصعة ... سيبيهم دول بتوع المشرفة اللى هتتعين عن قريب فى باب عالم الكومبيوتر والأنترنت لزوم الشغل على الأجهزة .... انتى عارفة الأجهزة الحديثة محتاجة فاس و قصعة :rolleyes:

الف مبروك كمان مرة :D .... و مبروك علينا احنا كمان فريق الاشراف انضمام عقلية واعية كبيرة متزنة زى حضرتك .... اهلا بيكى فى فريق التنسيق و الإِشراف فى محاورات المصريين .. :wub:

[مصرية الهوى]

تيتتتتتتتتتتتتتتتتتتتتتتتتتتتتتتتتتتتتتتتتتته ..

لولووووووووووووووووووليش ...

ألف مليوووون مبروك يا تيته المشرفة ...

تستاهلي والله وانتي قدها وقدود ....

(الحمد لله اهو بقى لنا ضهر في الحكومة نتسند عليه :blink: مش انتي جدتي برضه .. واعز من الولد ولد الولد :blink: ...

هاخد راحتي عالاخر واكتب كل ما في جعبتي ... ولا تم تعديل المشاركة بواسطة ولا بتاع :rolleyes:

وشوفي لي ربنا يخليكي يا تيته شاليه والا فيلا من اللي بيفرقوها على بتوع الحكومة :unsure: )

[the sad man]

مبروك فولانا

و عقبال كمان و كمان

بس لا تنسانا فى كعك العيد بهذه المناسبة و الوظيفة الجديدة

بلاش كحك و اعطينا حقنا ناشف عيدية ؟؟؟؟؟

[فولان بن علان]

مبروك علينا انضمامك لفريق الإشراف Folana

قلم عفيف محترم

ونفس طيبة ودودة

وروح مرحة أسرية

تمنياتنا ودعاءنا لك بالتوفيق

[صبح]

ألف مبروك

أشكيف كبير مرة واحدة من غير سلم :unsure:

يالا ناس ليها بخت وناس ليها ترتر :rolleyes:

ألا انتي واستطتك مين؟؟ :blink:

بجد ألف مبروك علينا كلنا :blink:

[khedr]

جئت مقدما اجمل التهاني

وبالورود الي ااغلي الاسامي

فلانه بنت الاصل والأصول والتفاني

فكر وذوق وفهم واخلاص واجمل المعاني

[لخبطه]

بنحس بنوع من الراحه لما الشخصيات الثقيله دي تنضم للاشراف الاستاذه فلانه فعلا على مستوى المسئولية وربنا يوفقها للمهمه

[bentmasria]

الف الف مبروك مدام فولانه ربنا يعينك ويوفقك دايما جهدك فى المنتدى واضح للجميع ومحل اعجابنا كلنا ان شاء الله معاكى نستمتع جميعا بموضوعاتك المتميزة ووودك واحساسك الراقيين

ربنا يوفقك يا ست الكل

ام مادا

[نانو]

[انا اسفه جداااااااااااااااااااااااا علي التاخير

بس اصلي يدوب لسه سامعه الخبر حالا في اذاعه ال بي بي سي

الف الف الف مبروك علي المنصب الجديد

الف مبروك عليكي و الف مبروك علينا و يارب يقدرك ويعينك

و تفضلي فاكرانا.... :unsure:

ايوه كده ....يزودوا الستات شويه في فريق الاشراف

خلي يبقي لنا صوت عالي و شوكه قويه تنغص علي الرجاله عيشتهم (احم .. احم ) حد سامع :rolleyes:

[Salwa]

folana العزيزة ..

اسمحى لى اهنئ المحاورات بك .

واهنئك بالمحاورات ..

وبصراحة الاكثرية هنا ورود جميلة ناضرة تسر العين والقلب ....ولو بايدى كنت عملت منهم باقة رائعة ووضعتها على قمة الهرم فى مصر ليراها الشعب كله...

واختص منهم الاعضاء الاوائل ايضا حتى من كان ومازال غائبا ....

اختيارك كان موفقا ....وضرورى بحكم شخصيتك المعتدلة والمعتدة ..

موافقتك اسعدتنا جميعا ...

وجودك واختيارك هو فقط مشاركة وتنظيم وليس تدخل او تبديل...

بجد بجد...نورتى المحاورات ..

اتمنى لك كل التوفيق...

[se_ Elsyed]

نُهنيء أنفسنا على إنضمام مدام فُلانه إلى فريق الإشراف

ونتمنى لها صوماً مقبولاً وإفطاراً شهياً :P

[Folana]

السلام عليكم ورحمة الله ..............

لولولولولولولولللللللللىىىىىىىىى....(احم)..ايه ده ياجماعة انا اتفاجئت ..دى حاجة ماكنتش فى الحسبان ..طب ادونى فرصة افكر..(وش عبده مشتاق)

ده انا قاعدة جنب التليفون ومستنية الخبر ده على احر من الجمر..واقوله ياسيدى..مايرنش..اقوله ياعمى ..مايرنش ..دفعت الفاتورة ..وبرضه مارنش ..اعمله ايه ه ه ه ه.......

اظرف حاجة انى باشوف مين موجود..لاقيت سى السيد ازرق وفلانة زرقا ..قلت مين ياختى البت الزرقا دى؟؟

انا بس حاجمع افكارى كده وافوق من الاغماءة البسيطة اللى انا فيها دلوقت ..وارجع ارد ...نونكن ؟؟؟

[se_ Elsyed]

والله وأزرقيتي يا فُلانه وبقت تقول بكل بساطة لقيت إسمي مِزرق جنب إسم سي السيد .. والله عال ... فلانه عايزة تربط جحشها جنب حمار العمده على أساس إننا في بلد إشتراكي يعني والكل سواسيه .. أنا لازم أشتغلها في الأزرق واعمل فيها الجن الأزرق ... عوووووووووووووووووو

فلانه هانم .... نورتي يا فندم ونورك الأزرق غطى على نور الأباجورة الـ 40 واط اللي جنبي ...

[النسر المصري]

تيتتتتتتتتتتتتتتتتتتتتتتتتتتتتتتتتتتتتتتتتتته ..

لولووووووووووووووووووليش ...

ألف مليوووون مبروك يا تيته المشرفة ...

تستاهلي والله وانتي قدها وقدود ....

(الحمد لله اهو بقى لنا ضهر في الحكومة نتسند عليه :P مش انتي جدتي برضه .. واعز من الولد ولد الولد :D ...

هاخد راحتي عالاخر واكتب كل ما في جعبتي ... ولا تم تعديل المشاركة بواسطة ولا بتاع :blink:

وشوفي لي ربنا يخليكي يا تيته شاليه والا فيلا من اللي بيفرقوها على بتوع الحكومة B) )

جيجي ...مالك يا أوختشي......ل حول ولا قوة الا بالله ....سلامة عقلك يا جيجي :sad:

والله انا كنت حاسس ان دماغك هتضرب وتونون بعد الجواز :P ....ياعيني عليكي يااوختشي :sad:

اصل ياجاجاجيتو احنا بنتكلم هنا عن الست ا لعظيمه فولانه....مش التيته العظيمة شهد... فوقي كده اومال وبلاش الميه الساقعة اللي بتضربيها كل يوم بالليل

الف الف مبروك يافولانة المنتدى وسكرتها وقلمها المصون...وبارك الله فيك وسدد خطاياك....ولاحول ولاقوة الابالله...ان الله غفور رحيم

[Folana]

السلام عليكم ورحمة الله ...............

المشرفـــــــــــــــــــة الزرقاء..فاتنة المحـــــــــــــــــــــاوراء...

حيجى واحد يقولى بس دى خضرا ياطنط المشرفة...اقوله مافيش الوان تانية..نعتبرها زرقا...

الاستاذ الفاضل كنج أرثر ابو زيد.....السادة فرسان المائدة المستديرة..سير احمد...سير داروين...سير سكوربيون....سير سى السيد...سير عصام..سير شريف.....سير وليد..سير صبح...

ليدى سلوى...ليدى سهيلة..ليدى افروديت ام مادا...

انا باشكر حضراتكم جدا على ثقتكم الغالية ...وادعو الله ان اكون عند حسن ظنكم .....واستحملونى شوية فى الاول كده لحد ما أُلم بخيوط الموضوع ..وان شاء نتعاون سويا لتقديم افضل مايمكننا للارتقاء بالمحاورات ....

بارك الله فيكم جميعا ......

(ممكن اروح العب مع الاصدقاء بقى دلوقت؟)

[nancy]

مبروك يا فلانة على الزرقانة دى وعقبال باقى الالوان يا جميلة :P

[Folana]

السلام عليكم ورحمة الله ............

اصدقائى الاعزاء..الاخوة والاخوات زملاء الكفاح فى المنتدى.....

قبل كل شىء احب اطمئنكم على ان انا حأفضل أنا وحاصون عهد الهوى..لا لا دى اغنية ليلى مراد..قصدى انى انا منكم وبفضلكم وصلت لهنا ...للكرسى ده ..واللى اوعدكم انه مش حيغيرنى ابدا ...كلا البطة

..وبأكررها تانى ..كلا البطة ...حنفضل دايما اسرة واحدة..وبابى حيفضل مفتوح دايما لكم .....

اى سؤال ..اى استفسار ..اى وساطة ..او كارت تسليك مصالح ..انا دايما موجودة...وماليش اى طلبات ..كل ما هنالك..انى كنت عايزة الاستاذ عادل يصرف لى عربية مرشيدس سبع ...(هى سبع ولا شبح؟ :blink: )..يجرها خيل ابيض ..وقدامها موتوسيكلين..وقدامهم عدد 3 توك توك..علشان وانا رايحة مكتبى فى المحاورات وراجعة من مكتبى فى المحاورات ...

نانسى...الله يبارك فيك ياحبيبتى ..ده زرقان خبطة ..كنت ماشية فى حالى وخبطت فى الحيطة ادعى لى ...

النسر المصرى ..الله يبارك لك..اوعى تتخلى عنى ..عايزاك دايما معايا سواء فى المكتب ..فى المطبخ ..فى السيارة...وعلى فكرة انا كمان اخدت لقب تيتا مع شهد...يعنى جيجى محقة فى مقولتها...

سى السيد..كويس انك لحقتنى قبل ما الغرور يمسكنى بقى ..ده انا كنت ناوية اقولك يا السيد كده من غير سى دى كمان ..ما احنا الاخوة الزرقاء...وبعدين العين ماتعلاش عن الحاجب يا افندينا ..ده انت رتبة برضه واقدم منى ...

سلوى..ربنا يبارك لك ..بس باقولك ايه انا مسنودة عليك اوعى تخلى ببنود الاتفاقية ....والله انا مبسوطة انى حابقى فى المكتب اللى جنبك ...

نانو...الله يبارك فيك....بصى ياحبيتى ايتوها خدمة انت عايزاها انا هنا تحت امرك...:sad:...اى موضوع ماحدش رد عليك فيه ..اتصلى بى بس ..الستات لبعضها...

أم مادا.....الله يخليك ويبارك لك ..كلامك كله ذوق وموسيقى بتطرب اللى بيقرأها..حتى وانت بتهنينى ..كأنى باسمع موسيقى من كلامك والله ...

لخبطة...هو من ناحية الثقل فأنا ثقيلة فعلا...58 كيلو جرام قابلين للزيادة يعنى لو دوست على رجل حد حيضايقنى..شوف انت بقى ..ربنا يكرمك ومااتحرمش من ذوقك يارب وكرم اخلاقك..

وليد...انا دخلت الغرفة المذكورة ومش لاقيت غير الزى اللى لبسته ده فوق..هو ده زى الاشراف؟.......ابقى فكرنى اجهز لك لقمة كده على ماقوسم ..رد جميل يعنى ....

جى جى...يا جىجى..انت هنا يابنتى؟..طب الحمد لله علشان اتعكز عليك....شوتى يا جيجى ربنا كريم ازاى ..ورزقنى بجلابية زرقا..ما احنا فى ايام مفترجة.. باقولك ايه هاتى ودنك...اكتبى كل اللى انت عايزاه ..وهاتى جعبتك معاك بس تكون جعبة بالمكسرات علشان انت عايشة فى السعودية :sad:

ساد مان ...اه يخليك ويبارك لك ...متشكرة جدا ..بس باقول بدل العيدية والكحك..انا حاسيب لك موضوع تكتب فيه براحتك ..هه ؟؟ايش قولك..؟

فولان ابن علان ...أهو كده ..الاهل يهنوا يعض..والله انا باشعر انى مش غريبة لما الاقى اسم فلان منور فى المنتدى....

الله يبارك لك يارب ويارب اكون عند حسن ظنكم بى جميعا ...

ياحلو صبح ..يا حلو طل....الاخ الكريم صبح ...كفاية عليك ترتر دوقت ..وبعد رمضان حنشوف حنعمل ايه...وبعدين انا ست كبيرة ..ووهن العظم منى ...مش حاقدر اطلع سلالم ..فرمونى من فوق على طول وانا اللى وقعت فى المنطقة الزرقا بس..واسطتى مين؟...انا شايفة انكم كلكم واسطتى ..لانى حسيت بدفء مشاعركم وانتم ملفوفين حواليا كده ...ربنا مايحرمنى منكم ...

خضــر.....كل كتاباتك وارائك بتشعرنى براحة نفسية..وباحس ان الدنيا بخير ...ربنا يكرمك ويبارك لك ....

ويارب ما انحرمش من حبكم ده ابدا ....

واوعدكم بموضوع لكل مواطن محاوراتى ..والاخ ابو زياد كمان كل مواضيعك حتفضل باسمك ..ومكتبى مفتوح لاى اقتراحات او شكاوى..ومنتظرة مساعدتكم لى بقى ..اوعوا تسبونى لوحدى كده ..واللى له رأى يتفضل يبعته للسكرتير بتاعى .... :P

وباقولها من دلوقت ...انا حبيت الموضوع قوى...وحأجدد.......... B) :P

[نانو]

السلام عليكم ورحمة الله ...............

المشرفـــــــــــــــــــة الزرقاء..فاتنة المحـــــــــــــــــــــاوراء...

حيجى واحد يقولى بس دى خضرا ياطنط المشرفة...اقوله مافيش الوان تانية..نعتبرها زرقا...

الاستاذ الفاضل كنج أرثر ابو زيد.....السادة فرسان المائدة المستديرة..سير احمد...سير داروين...سير سكوربيون....سير سى السيد...سير عصام..سير شريف.....سير وليد..سير صبح...

ليدى سلوى...ليدى سهيلة..ليدى افروديت ام مادا...

انا باشكر حضراتكم جدا على ثقتكم الغالية ...وادعو الله ان اكون عند حسن ظنكم .....واستحملونى شوية فى الاول كده لحد ما أُلم بخيوط الموضوع ..وان شاء نتعاون سويا لتقديم افضل مايمكننا للارتقاء بالمحاورات ....

بارك الله فيكم جميعا ......

(ممكن اروح العب مع الاصدقاء بقى دلوقت؟)

ايه ده بسرعه كده .....نسيتينا .....

احنا اتباعنا يا ولاد عند اول ناصيه

يا شباب المحاورات المطحون ...مصريه .. لخبطه ... خضر ...فولان .... نسر يا مصري .. نانسي ....عاجبكم الحلاقه ديه

من اول يوم امال بعد بكره الساعه 5 الصبح ممكن تعملي فينا ايه؟؟؟؟؟؟؟؟؟؟

كده يا طنط فولانه و انت اللي كنتي بتحذري الناس من كرسي الوزاره و بريقه و لمعانه

و المعاهده اللي بينا ....و العيش و الفيتوتشيني...كله خلاص ....راح ...راح...راح

[نانو]

يا جزوفي ياني

انا في نص هدومي ...مش عارفه اودي وشي منين ولا فين منك يا طنطتشي فلانه :blink:

و الله لسه مخلصه قلي القطايف حالا

معلش يا اوختي الشيطان شاطر (و لو انه محبوس في رمضان :P )

طيب اهوه ده اول عيب في المحاورات انا عماله اكتب و اهدي في النفوس(بعد اذن زوهيري)

و انتشي يا طنطتشي عماله تشيلي و تحطي فينا واحد واحد و تدلعيناو لا كاننا ولادك

يالا معلش ما فيهاش حاجه...بما انك اشكيف و ده اول يوم ليكي وانت في حاله الاشكفه.....

لازم بقه تشوفي حل في موضوع الكتابه ده لازم يكون في شفافيه اكتر من كده

يعني و انا بكتب لازم تكون الشاشه شفافه علشان اشوف مين بيكتب معايا في نفس اللحظه

علشان ما حدش يوقع في موقف عاطتشفي زي ده

اخ المدفع ضرب اروح اجري بسرعه قبل ما جوزي يضر....اقصد ينادي عليا

بحبك اوي و فرحانه اكتر علشانك :sad: