إنضمام الفاضلة Folana لفريق التنسيق و الإشراف

[se_ Elsyed]

القصيدة العصماء المنتظره :closedeyes:

تَـأَبَّدَ غَـوْلُها ii

تقصد مين بغولها يا سي زُهيري ؟

وهل للكلمة دي علاقة بتولي أختنا الفاضلة فلانه سُدة الإشراف ... أنا عايز تفسير سريع عشان أصلح بين النفوس واًصلح بوابير الجاز

بس الحق لله يا فلانه ياختشي الراجل رجع صلح العك اللي قاله في الأول وراح مديكي كلمتين لا يصدروا إلا من إنسان رقيق وفعلاً جنتلمان يعرف يتعامل إزاي مع الجنس الناعم .. وراح قايل

فَـعَلا فُـروعُ الأَيْهَقانِ وأَطْفَلَتْ بِـالجَهْلَتَيْنِ

على فكرة فروع الأيهقان نوع كده من الشجر شبه البقدونس بس مدي على الكزبرة ... أما بقى أطفلت بالجهلتين فالمعنى واضح ... ربنا يهدي نفوسكم .. جولوا آمين

الراجل الشاعر ده شكله بيتفرج على مسرسر حدائق الشيطان رجعت بقى لها زمان وأتأثر قوي بأمنا الغولة والحركات دي

[إبن مصر]

الاخت الفاضله فولانه..نهنىء أنفسنا على انضمامك الى فريق الاشراف واذكرك واذكر نفسى انه تكليف لا تشريف .

مرحبا بك فى الانضمام الى معسكر الاعدقاء وأعانك الله على ما ألقى على عاتقك من أمانه..

الاخت فولانه لا تحتاج الى وصف لمدى رجاحه عقلها ورقه مداخلاتها وقوتها اذا دعت الحاجه الى ذلك وشخصيا أرى أنها اضافه الينا.

ربنا يوفقك ان شاء الله..

[عصام]

تهنئة سريعة جدا ومتأخرة جدا جدا

نهنيء أنفسنا بانضمامك لنا ..

وربنا يقدرك على ما بلاكى !! :closedeyes:

رمضان كريم

[Sherief AbdelWahab]

مرحباً بك في الفريق يا مدام فلانة .. خديلك ساتر :closedeyes:

خلص الكلام

[Folana]

السلام عليكم ورحمة الله...........

اتأخرت عليكم ياولاد معلش..اما أنا كنت معزومة حتة دين عزومة النهاردة انما ايه ..مش قادرة اقولكم..ايشى سمك وجمبرى والاسطى كوزا ...انا فضلت ورا الرجل لحد ماسمعته بيقو استكوزا بس على مين هو الاسطى كوزا الميكانيكى انا عارفاه...

مكان جميل بس ما انصحكوش تروحوا تفطروا فيه لان المسكين اللى كان عازمنا لمحته كده بيطلع بواكى..بواكى وعمال يعد ..ومراته ماسكة زجاجة نشادر من باب الاحتياط..بس لاقيت يافطة بتقول انهم بيعملوا سحور بوفيه مفتوح..فول بقى وطعمية وجبن ...حاجات اورجينال خالص من الفلكور ....اقول اسمه ولا يبقى اعلان؟..طب حاقول ولو حد ميعتيرض يبقى يشيله...

سمعتوا عن حاجة كده اسمها سى جل بتاع اسماك فى مدخل العجمى؟...اهو بقى له مركب هنا فى شارع النيل ..بس موقع رائع...ممكن تروحوا تنبسطوا بالمكان وتاكلوا فول وطعمية كالعادة ..وسعر البوفيه 35 جنيه...الناس حتشوف انكم خارجين من سى جل ..ومش حتعرف اكلتوا ايه...

استاذ شريف..الله يبارك فيك ويبارك لك....انا وصيت على درع واقى يكون صب ..حتة واحدة يعنى ..مؤقتا لحد ما البدلة الحديد بتاعة الفرسان دى تجهز......ومش خلص الكلام بقى ..ده ابتدى ..ابتدى ..ابتدى الكلام

أستاذ عصام...كلمة سريعة دى بتفكرنى بالانسة سريعة سكرتيرة عم دهب...وبتخلينى مستعجلة وانا باقرا....والله ده انا اللى سعيدة بانضمامى لكم ..ربنا يباركلك يارب..الله أكرم..

أستاذى الفاضل احمد محمود ... :closedeyes: :rolleyes: ...أنا عمالة أدور على حضرتك بقالى كام يوم علشان اشكرك :unsure: .....

ربنا يكرمك على حسن كلامك وذوقك بس حضرتك بتقول ..

الاخت فولانه لا تحتاج الى وصف لمدى رجاحه عقلها ورقه مداخلاتها وقوتها اذا دعت الحاجه الى ذلك وشخصيا أرى أنها اضافه الينا.

الكلام على مين؟؟؟ الكلام على مين.؟؟... دى انا؟....طب موشكرة..موشكرة جدا...حاحاول اكون كده حاضر ..mfb:

اخى الصغنن سى السيد....انا عايزة اقول بس حاجة..مش عارفة ليه كل ما كلمة تستوقفنى فى مداخلة الاقيك علقت عليها بنفس الطريقة اللى بافكر بها...انت خريج مصر والسودان مش كده؟؟...انا جدى خريج الجامعة دى برضه ..وكنت باقضى عنده معظم ايام الصبا ...

امرؤ الزهيرى..شاعرنا المبجل ...العظيم.....ماذا اقول بعد كل ما قيل .......يعنى صراحتن مش لاقية ولا كلمة اقدر اعلق عليها ..كله واضح....كله تمام...ودماغى زى الفل وقدرت افهم كل حرف...ما انا اصلا عندى رجاحة عقل زى ما قال الاستاذ احمد..

( مش رجاحة عقل دى يعنى مرجحة عقل ..يعنىاهتزاز عقل ...بالبلدى كده يعنى ارتجاج فى المخ؟؟) :sad:

نانو ..انت قمتى له مش كده؟؟؟؟ هه ايه اللى حصل بقى بعد كده؟...مش انت لما قراتى موضوع سكوربيون اتحمستى واخدتك الشهامة والمجدعة وقمتى له ..انا كنت منتظرة بس اسالك علشان اقوم له انا كمان ....طمنينى عليك انا فى غاية الكلك...

نانسى ..من خلال اندماجى مع طاقم الاشراف علمت ان المدعو وليد يبقى جدو فعلا ...حتى صوت كحته باينة..بس هو متنكر فى صورة وليد دى لاسباب لسه ماقدرتش اعرفها...

وياوليد..مين يقدر ينسى سيلور...ده انا عندى الاستنساخ بتاعه ....بس سيللور كان صامت ..اللى عندىبقى نسخة معدلة وبيتكلم ...ربنا يجعل كلامنا خفيف عليهم....وقال ياقاعدين يكفيكوا شر المستخبيين..

باشكركم كلكم والله ..وانا فعلا متأثرة جدا بمشاعركم ..بصراحة انا كنت فاكرة ان مافيش حد يعرفنى اصلا ولا واخد باله منى ....ربنا يسعدكم زى ما ادخلتم السرور الى قلبى والسعادة الى حياتى ....

اختكم فى الله ...

فلانة رجاحة.........