آخر زيارة للوطن...

[houssin abo habaga]

يا وطنى ودى آخر زيارة

شفت بعيون قلبى

وشوش الناس

متعفره بالحزن

ناس سكاره م الأسى

من غير كاس

تنظرلهم ينظرولك

تبص فى عيونهم

يندهولك

وكأن غرقان

فى بحر الخطر

عايز أيدين تدمدله

تنشله قبل ما يضيع

فى متاهات الزمن

شفت مدينتى

متغبره بالتراب

كأنها مدينه سراب

مصبوغه بلون الضباب

شفت بعيونى صورة صنم

متشعلقه على الحيطان

فى وسط الميدان

مرسومه على كل البيبان

مطبوعه كل يوم

فى الجرنان

وسمعت خفقان

صوت المؤذن فى الآذان

كأن شبح غطى المكان

وبقت مدينتى خراب

عايش فيها الغراب

أنسرق منها الأيمان

سألت أيه سرها

سمعت من أهلى وأهلها

حكاوى تقشعر الأبدان

عن راجل صلى وصام

وعرف طريق ألأيمان

فى الليل جالوا الظنايا

جروه على المعتقل

والتهمه أخوان

وناس زيه كتير

من غير أتهام

سألت على صحابى

أيام زمان

على وحسين وأمام

قالوا على الله يرحمه

مات مكبوت

وحسين مريض

بالكبد والفيروس

وأمام أعترض

بقاله سنه محبوس

من كتر ما أتغميت

طلبت منهم يصمتوا

قلبى من الحسرة

جاله هبوط

وعرفت أن مدينتى تقطعت بيها

السبل من كتر السكوت

قررت آخذ قرار

من غير فرار من الموت

أحمل راية الوطن

وأبطل سكوت

أنده بصوت عالى

الوطن قرب يموت

قبل ما تطول الحكاية

شيل علم وأمشى معايا

أخرج من صمت السكوت

على صوتك بالحق

قبل الوطن ما يموت

أيدك فى أيدى نمسك النبوت

نكسر حواجز الخوف

ونرفع راية الوطن قبل الوطن ما يموت

الوطن لازم يحيى

وأحنا فداه ونموت

"""""""""""" """"""""" ""

www.dastor.net

omran55.maktoobblog .com

[نصف مصري]

في الزمن ده ياصحبي حاجات كتير بتوجع ..

وبننصدم ..في حال بلدنا ..

بس نعمل ايه؟!

بنحبها ..

ونفسنا ليها نرجع ..

في ايدنا ايه نعمله ..

غير الكتابه ..والشعر..

اهوة برضه حاجه بتنفع ..

في زمن حكام الورق ..

وسجون الظلام ..

وصحافه عميا ..

وان حكينا ..لينا ما تسمع ..

آيه ياصحبي ..

هو ده زمننا ..

تسكت تعلى ..وتستنفع ..

وفلوس بالهبل ..

بس الشرط ..تركع

اكتب ياصحبي يمكن يجي يوم

حد يقرا ..

حد يفهم ..

حد عينه ..على (على ) تدمع ..

و"حسين" يسافر لبرا البلد ..

زي الكبار..واهل البنوك ..

يروح هناك بلا قرار ..وللعلاج يخضع ..

اكتب ياصحبي ..

لعل الكل يصحى ويسأل ..

فين(امام ) ؟؟

ونتحرك مش كلام ..

لحد لأهله يهنأ ويرجع ..

اكتب ياصحبي ..

واحنا بنقرا ..

ولو تغنيها يا "ابوحجاج"

تأكد اننا "حنسمع"

[houssin abo habaga]

3×1

ألأولى : كل سنه وأنتم طيبين عيد سعيد عليكم

على كل أهلى أهل مصر فردا فرد من أسوان للأسكندرية ومن أم الرشراش للسلوم

وبعوده ألأيام العيد القادم نقول

العيد عيدين يا بهية هللى عيد حجاز النبى وعيد زوال الزل

الثانية : سيادة الرئيس لا تتسائل كثيرا أوتلقى اللوم على المسلميين أحب أعرفك

ألأسلام بخير والمسلمين وجه مشرفه لدينهم ولا يحتاجوا لخطاب دينى فقط أفرج

عن ما فى السجون من المسلمين وأوقف حمله النقاب وألتزم بأخلاق ألأسلام ولا

تتهمه بألأرهاب وأوعدك بأن ألأسلام صورته ستتغير أوتوماتيك وتذكر

ألأعمال بالنيات

الثالثه : أيها المعارضون أتقوا الله لقد ظلمتوا السيد جمال مبارك لأن مشروعه لا

يتبع ألأمام النووى وإنما المقصود بناء مصنع لأخراج نوى البلح وحشوه باللوز

إن بعض الظن أثم

""""""""""

www.dastor.net

omran55.maktoobblog.com

:wub: :wub: :wub:

[houssin abo habaga]

اللى رقصوا على السلم

نعم نحن نعيش فى زمن الرقص وهذا يضعك أمام أمرين

أما أن تطبل لها وأما أن تتوبها

وطبعا الكثير سيختار ألأصعب يتتوبها ولكن لا ننسى أن بعض الناس

ممكن أن يختاروا ألأسهل وهو التطبيل ونرى بأعيننا كثيرين يمسكوا

الطبله منهم صحفيين ورجال أعمال ومنهم من يعتلى المناصب ولكن

فى ظل هذه ألأجواء المحيطه بالراقصه إلا أن العدد ألأكبر يرغبون

فى توبتها ولا يتحركوا وهذا ما يجعل الراقصة تتمادى فى الرقص دون

حياء لآن أكثرية ممثلى الشعب الذين فازوا بالتزوير هم من الطبالين وهذا قدرنا

والمصيبه أنهم هم الظاهريين فى الصوره وهذا من حسن ظن الناس الذين ظنوا أنهم

ناس يحملوا ألأمانه عنهم وعن مطالبهم ولكن بعد أن خاب ظنهم هل يتعلموا

الدرس ويحسنوا ألأختيار فى المرة القادمه ونتعلم أن نتقى الله فأصواتنا أمانه

تعطى لمن أتمنك وليتعلم شعب مصر أن هذه البلد طيب ولا يمكن أن تتمادى

فى الرقص وسينتصر التوابون فى النهاية بقليل من ألأيمان

لنا الله

"""""""""""""""""""

www.dastor.net

omran55.maktoobblog.com

:wub: :wub: :wub:

[houssin abo habaga]

الناس بتضرب كف على كف

الناس بتضرب كف على كف وفيه ناس بتكلم نفسيها تركب المواصلات تروح وزارة

تجلس على قهوه تروح أى مكان لا تجد حديث إلا البلد بلد مين والدستور دستور مين

هل للريس واللى حواليه هما أصحاب البلد وهل هذا دستورهم ولا دستورنا ومن الذى

يدافع عن الوطن فى المعارك ومن الذى يبنى الوطن فى السلام ومن يتحمل الجوع ومن

قلبه الموجوع خلاص نسيوا الغلا والكوره ويدور حديثهم حول تعديل الدستور ومن تعليقاتهم

الظريفة مكفاية الريس يلم الغلة مدتين زى نظام الوالى والديوان والحامية العثمانية اللى

نتمنى أن يحكمنا دلوتى لأن حنضمن أن الوالى حيمشى وتعليق آخر هو أحنا بنستعطى

منهم التعديل وواحد آخر منفعل بيقول الغلط علينا ونستاهل اللى بيجرالناوأصبح الدستور

هو حديث الناس وكلام كتير يتردد بين الناس أما أنا جلست أضرب كف على كف لأن

حاجه تحير مادام المطلب جماعى والمعارضه والقوى السياسية وقوى الشعب والجمعيات

الحقوقية كلها تطالب بأعاده صياغة الدستور وتعديل بنوده والمتعنت فئه قليله فهل يتعلموا

أن الكثره تغلب التعنت ولن يصمدوا كثيرا أمام طوفان سوف يغرقهم بعد فوات ألأوان

ومدام البلد بلد المصريين وهم أصحابها فأنا أقترح عمل أستفتاء أمام الشعب لأن الدستور

دستور الشعب حتى نمنع ألأنفجار الذى سيحدث فى حالة يأس الشارع المصرى

وبناء عليه نقوم بعمل التعديلات أولا فى الدستور سم نعرضها على الناس حتى يعلم

ما هى البنود التى يجب تعديلها وهذا حل يريح الجميع

وفقنا الله لما فيه الخير للناس والوطن

""""""""""

www.dastor.net

omran55.maktoobblog.com

:wub: :wub: :wub:

[houssin abo habaga]

أيها المعارضين أبشروا أتيت لكم بالخبر اليقين

بشرى من رب العالمين فى سورة غافر

المشى فى ركب الطغاه وراء الشيطان يعمى عن الحق وعندما يقتضى الموقف يجب أن

لا تسكت عن الظالم وما يجب أن تنتبه له أن كل طغاة فى الأرض يزعموا ويوهموا الناس

أن أهل ألاصلاح يسعون فى ألارض فسادا

ونعود الى هذا الصق ألربانى الذى ينصف المعارضين للحاكم الظالم فقط أن تتوفر نية

القلب وهى رد الظلم للظالم وهذا ما نستخلصه بأختصار شديد من سورة غافر وهى قصة

الحاكم بأمره الذى أغتر بملكه وله وزير أسمه هامان مساعده ألأيمن فى سياسة الظلم

والطغيان وقارون ممثل الرأس المالية الباغية الطاغية المتسلطه علي عباد الله بطريق المال

وهو ترك قوم موسى وبغى فى ألأرض وأنضم الى فرعون مما نرى دائما العملاء والخونه

يخنون أقوامهم وينضمون الى المستعمر على حساب تلك الشعوب هذا هو ملخص بسيط

وما نتعلمه من السوره هو قول الحق فى وجه الظالم وهذا حينما رأى الرجل المؤمن من

آل فرعون وسمع تهديد فرعون فخشى أن يحدث شىء لموسى فأعلن عن نفسه فى وجه

الظالم وأيضا تضرب ألآيه مثلا بأمرأه فرعون نفسها كانت مؤمنه وتتعرض للأذى والظلم

ولذلك قالت رب أبنى لى عندك بيتا فى الجنه ونجنى من فرعون وعمله ونجنى من القوم

الظالمين وهكذا نرى البشر تضل الطريق وتعمى عن الحق وتسير فى ركب الفراعنه

الطغاه حينما يسير ألأنسان وراء الشيطان ويقتل من يقول ربى الله ويتهم المؤمن بألأرهاب

ويترك من ليس له دين وعلينا قول الحق وإلا ما فائده ألأيمان فأبشر أيها المعارض للظالم

وأبشر أيها المؤمن فأعطاك الله تصريح بالحق للوقوف فى وجه الطاغى والظالم فقط أجعل

قلبك خالص لله ولا تنظر للدنيا فمتاع الدنيا قليل وتذكر قوله تعالى ( لا يغفل يمهل ولا يهمل

يمهل الظالم ثم يأخذه أخذ أليما شديدا فالله لا يظلم ولا يريد الظلم لأحد ) صدق الله العظيم

أبشر أيها المؤمن المعارض ففرج الله قريب

لنا الله ...ولمصر الصبر والسلوان

"""""""""""""""""

www.dastor.net

omran55.maktoobblog.com

[houssin abo habaga]

مصر ما فيهاش راجل

""""""""""""""""""""""""""""

ماذا لو قلت هذا لأى مصرى

أزاى تقول علينا كده مصر كلها رجاله أنت بتهنا هو أنت مش مصرى هذا الرد وأكثر

من ذلك وربما أقسى من ذلك ستسمعه لو قلنا تلك الجمله لأى شخص مصرى أيا كانت صفته

ببدله أو جلابية أو عامل أو حتى عاطل

نعود الى مربط الفرس وأصل هذا السؤال ونفكر بعقولنا وليس بعصبية أو بعاطفه أو

نأخذ الموضوع مأخذ المدافع عن الكرامه علما بأن مصر ولاده ومنجبة رجاله

ننظر من زاوية أخرى مصر تعدادها سبعين مليون ثلثهم رجال والباقى نساء وأطفال وشباب

لأن سن الرجوله يبدأ من 21 سنه

فى هذا الثلث من الناس يوجد أساتذة جامعات وأطباء وعلماء وخبراء ورجال أعمال ومهندسون

ورجال قضاء ورجال سلك دبلوماسى ورجال قوات مسلحه وقوى معارضة وطنية مستقلين و

رجال دين ومع كل هذا الكم من الرجال المحترميين فى مصر إلا أن المصيبه يحكمهم رجل واحد

متعنت يلبس ثوب الدكتاتور ويفرض ما يشاء على كل هؤلاء الرجال وبشهاده الجميع مصر فى محنه

لم تصل لها على مر العصور حتى فى زمن الأستعمار وألأحتلال كنت ترى رجال يدافعون عن

عنها هذا الرجل يضرب بكل مطالب الشعب والوطن عرض الحائط ووضع البلد فى محنه وظن أنه

من سلاله السلاطين أو المماليك لذلك هو يسير فى خطى التوريث دون النظر لأشياء أخرى وما

يحيرنى فعلا فى الموضوع هم الرجال المحيطين به والذين يبيعون أنفسهم فى سوق الضلاله

ألم يروا أحوال الناس ألا يخافوا المولى عز وجل ألا يخافوا على مستقبل أبناءهم وأحفادهم

عندما تستمع لأحاديثهم تظن أن عقولهم غائبه فماذا نفعل وماذا نقول

فقط أين أنتم يا رجال مصرالمحترمين هذا نداء لكم أين أنتم يا من قاد الثورات وحارب

الأستعمار على مدار السنيين ألست أحفاد عمر مكرم نقب الأشراف والزعيم سعد زغلول

ومصطفى كامل وألمجاهد محمد كريم والقائد أحمد عرابى وغيرهم الكثير والكثير

أليس دم هولاء يجرى فى عروقنا أليسنا من هذه السلاله أم أنها أنتهت فإذا كان فى مصر رجال

فلماذا لا نتوحد ونوحد الله ونتوكل عليه

لنا الله ولمصر الصبر والسلوان

""""""""""""""""""""""""""

www.dastor.net

omran55.maktoobblog.com

:wub: :wub: :wub:

[houssin abo habaga]

قول الحق

قال رسول الله صلى الله عليه وسلم فى الحديث الذى رواه عبد الله بن مسعود رضى الله عنه

(عليكم بالصدق فإناالصدق يهدى الى البر وإن البر يهدى إلى الجنه وما يزال الرجل يصدق

حتى يكتب عند الله صديقا وأياكم والكذب فإن الكذب يهدى الى الفجور وإن الفجور يهدى الى

النار وما يزال الرجل يكذب ويتحرى الكذب حتى يكتب عند الله كذابا.صدق رسول الله )

وهذا الحديث يأتى على الجرح فنحن نعيش مع حكومه كذابه وبانت لها الرؤية الآن فهى

والحمد لله فى النار لأنها لم تقل شىء وصدقت منذ بدايتها وعدت بالخاء الناس بارخاء

وغلت عليهم العيشه وألى البناء وهدمت والى العمل وعطلت والى التعليم وذاد الجهل والى

الصحه وكثرت ألأمراض والى ألأقتصاد وزادت الديون وألى ألأصلاح وبدأوا التوريث

والى العدل وساد الظلم والى الدين وزاد الفجور والى العدل وأمتلاءت السجون وهكذا

نرى فى فى تصاريحهم كذب وخطط فشل فى فشل ونحن الضحية ولا يتعظوا ولا يرتعدوا

إلا بصرخه قوية مدوية تصم ألأذن وتخرس أللألسنه صرخه تبنى على مطلب الحق والعدل

فهل نسمع تلك الصرخه يا وطنيين ألأمل كبير

لنا الله ولمصر الصبر والسلوان

"""""""""""""""""""

www.dastor.net

omran55.maktoobblog.com

:wub: :wub: :wub:

[houssin abo habaga]

أعلان مدفوع ألجر 1

مؤسسه مبارك للخدمات الرئاسية

مبارك وولده

"""""""""""""""

بمناسبه مرور 26 سنه على الحكم

أستعداد تام لتغيير نظام الحكم وتوريثه

أستعداد تام لتولى الرئاسه الى مالا نهاية

مقاولين بناء السجون والمعتقلات السرية

أعتقال أى شخص بدون أبداء ألأسباب

أساليب جديده للحصول على ألأعترافات

قرارات أتهام مفبركه جاهزه على التوقيع

أخراس الألسنه وقطعها وكسر الأقلام

تأليف قوانين للحد من حرية الصحافه

حبس الحريات دون ألنظر لحقوق ألأنسان

السيطرة على الأقتصاد بالكوميشن

تزوير نتائج الأنتخابات تحت أى ظرف

غلاء معيشه متبوع بأرهاب المواطن لأسكاته

أنشاء جهاز للبصاصين والخباصين

أطلاق التصاريح والوعود الرنانه

فبركه أمريكانى للألصاق التهمه بالأخوانى

عدم ألأكتراث بالمعارضه وتهميش دورهم

""""""""""""""""""""""""""""""""""

عرض خاص بمناسبه مرور 26 سنه على الحكم

قسم خاص لأهمال التعليم والصحه وزياده نسبه البطاله وأغراق البلد فى الديون

مع حرية التعرى وشرب البانجو وحشيشه الكيف وزياده نسبه البطاله وتجاوزات الشرطه

وتلفيق التهم وكثرة المظالم

مع تحيات مؤسسه مبارك للتجارة

مبارك وولده

"""""""""""""

www.dastor.net

omran55.maktoobblog.com

:wub: :wub: :wub: :wub: :wub:

[houssin abo habaga]

حدوته رقم 10

كان ياما كان فى سالف العصر وألأوان

يحكى أن فى زمن حرفكوش بن برتاكوش كان ليه أبن أسمه جبراكوش أراد أن يحكم

بعده فلما أصتدم الولد بالعيله فكر فى حيله وهى رهن الوطن مقابل المنصب المحترم

فحزم أمتعته وذهب الى بلاد ألأمراكوش ليأخذ منهم ألامر فشرطوا عليه شروط أولها

لازم يكون صديق اليهود ويملكهم أراضى وديار فى وطن ألأزهار ويلغى أى وشواش

يتكلم على أم الرشراش ويمنع الأذان ويشجع العلمان ويمسح الأخوان ويقيم ألأفراح ليل

نهار ويخلى البلد طبل ومزمار وأياك ومناهج التعليم وكل أمور الدين أعمل عليها تعتيم

وممنوع عليه يصلى ويصوم ويحرص على جيرانه على على الحدود وميقولش أنهم

يهود ففكر شوية ووافق على طول وختم صق الطاعه وبطل يصلى جماعه وأمر بأنشاء

السجون ولما ما لاقاش حد لامه قال اللى حيتكلم حوديه جوانتناموا وكلكم من المغرب

تناموا وسكتت الناس شوية إلا واحد غاوى الحق وقف فى وسط الجموع وقال لاء وبسرعه

بدأت الناس تتكلم وهاجت وماجت وخرجوا فى جماعات حاصروا قصر السلطانوبدل ما كان

جبراكوش خلوه فاشوش وفكوا رهن الوطن وزاحوه من على الكرسى وأنتصرت الأمه و

أنزاحت الغمه وأنتصرت العزيمه وأتعلم الناس درس يد الله مع الجماعه والكتره تغلب

الشجاعه بس بالعزيمه

وتوته توته خلصت الحدوته والى اللقاء مع حدوته ثانيه

"""""""""""""

www.dastor.net

omran55.maktoobblog.com

:wub: :wub: :wub:

تم تعديل 21 أكتوبر 2006 بواسطة houssin abo habaga

[houssin abo habaga]

خذوا الحكمه من أفواه المجانيين

من داخل مستشفى الخانكه عملنا حديث مع أحد النزلاء

ما رأيك فحكم الريس لمده 26 سنه.................................مش مهم

ومارأيك فى أنتشار الفسادفى البلد...................................مش مهم

وما رأيك فى أنتشار المعتقلات.....................................مش مهم

وما رأيك فى قضية التوريث ......................................مش مهم

وما رأيك فى فى محاربه ألأسلام...................................مش مهم

وما رأيك فى زياده نسبه البطاله....................................مش مهم

وما رأيك فى ألأخفاقات فى الخدمات............................... مش مهم

أيه كل حاجه عندك مش مهم مش مهم أما مجنون بصحيح أمال أيه المهم عندك

من ألأول عايز تفهم ..جواز عتريس من فؤاده باطل باطل

حلته فى كلمتين على رأى المثل خذوا الحكمه من أفواه المجانين

""""""""""""""""""""""""""""""""""""

www.dastor.net

omran55.maktoobblog.com

:wub: :wub: :wub:

[houssin abo habaga]

حدوته رقم11 أيو زلومه -14

كان ياما كان فى سالف العصر وألأوان ملك أسمه كل شىء كان

هذا الملك كان يحكم فى بلاد حضارة من زمان وكان أهلها يمتازوا بالصبر على المحن

والشدائد لكن أتق شر الحليم إذا غضب

هذا الملك وجد فى بلاده من الحيوانات الكثير ولكنه كان يحب الفيل حبا شديدا فقرر أن

يحضر فيل الى هذه البلد الطيبه

ونظرا لضخامه الفيل لابد من جمع الجباية والجباية يا أطفال هى الكميشن علشان مصاريف

الفيل ونقله من ألادغال الى بلد الطيبين

وبعد أحضار الفيل عاس فساد فى البلد وكان يأكل المحصول ويدوس على الناس ويحاربهم

فى أرزاقهم وتسبب الفيل فى الغلا

فتجمع الناس وقرروا عمل مظاهرة أحتجاج والذهاب الى قصر الملك للشكوى من الفيل

وقاد الناس رجل حكيم من القرية

وعندما وصل الناس الى قصر الملك كان العسكر يقفوا على الصفين فعلم الملك بألامر

فهاج وماج وتوعد الناس بالشر

وخرج عليهم والشرر يتطاير من عنيه وقال للناس أنا الملك وأنتم رعية جايين عايزين أيه

هدأت ألأصوات ونظر الحكيم خلفه

فلم يجد إلا قليل من الناس فماذا يفعل فتصرف بحكمه وقال للملك بشجاعه أيها الملك لقد

لقد وجدنا الفيل وحيد وقررنا أحضار له زوجه

فقهقه الملك وقال للرجل نعم العقل وأنا قررت لك مكافأه قررت تعينك راعى على الفيل

تحميه وتنظفه وتحضر له الطعام

فقال الحكيم فى نفسه هذا آخر اللى يسمع كلام الناس وميسمعش كلام الفيل

وتوته توته خلصت الدوته وألى اللقاء مع واحده أخرى

"""""""""""""""""""""

www.dastor.net

omran55.maktoobblog.com

[houssin abo habaga]

ألى ألأخ اللى كله مصرى من ساسه الى راسه

كل سنه وأنت طيب وعيد سعيد عليك

أرجوا أن ترد على كتاباتى بهذا الأسلوب الجميل لنذيح الغبار من على تلك الموهبه الشعرية وشكرا

أخوك.. المصرى ....... فوله وأنقسمت نصين :wub: :wub: :wub:

[houssin abo habaga]

دستورهم فى العيد

دستورهم كله جديد متفصل على مقاسهم

خلاهم أسيادنا يا عيد وخلا الشعب معابيدهم

بنوده تخلى عيالهم تحكمنا وما نحكمهم

وتورث الأب لأبنه وسيه بقية لمحاسبهم

وبنوده قامت قسمانا أسياد والشعب عبيدهم

وفراخهم هى بتحكمنا وديوكنا بالليل بتبضهم

متقولش بطل وشجيع دستورهم متفصل يا بنى

مدارسهم كلها فى العالى وتلاميذهم مفهمش بليد

جوازاتهم عليها حصانه أمريكى والختم حديد

وسلاله سلسالها يهود علمانى وماسونى بيحكم

بعصايا وزنازين وقيود ويعدو عليك ألأنفاس

دستورنا فضلت خيرك أنتيكا وروبابيكيا كمان

وبنوده من زمن السلطان قديمه والعته كلتها

كتبوها ناس متسموش على شان السلطان فنكوش

لا نافع ولا شافع لينا ومضيع حقوق أهالينا

ومخلى الحاكم عتريس متشمر وعامله وريث

وجامعله شويه حواليه فى الداخله والخارجه يا بيه

وواكلنا بأسم الدستور ويجمع من مال الشعب

أهى ساقية وعماله تدور متقلش ندر ولا طهور

يا أخونا يأسيادنا يا محاسيب عايزين دستورنا جديد

وبنوده بالعدل بتحكم لا تخلى عبد ولا سيد

""""""""""""""""""""""

www.dastor.net

omran55.maktoobblog.com

[houssin abo habaga]

يا عم عيد

يا عم عيد مسى علينا أيه اللى جابك عندينا

عريان ومش لاقى أتغطى وعيالى بأكلها أونطه

عايزين ملابس وعيديه أجيب منين أنا يا وليه

خلاص قبضنا الجمعية وكالنا بيها فى رمضان

البنت قالت عايزه فستان وجزمه ومعاها شنطه

ا قال الواد عايز يجرى والجزمه مقطوعه ف رجله

أعمل أيه يا ناس دلونى حد يشيل عنى همومى

الناس حوالية بيعيرونى يقولولى روح يا فقران

العيشه خلاص بقت غالية وحكومه عايشه فى البامية

مش عارفه تطبخلنا محشى وتملى جيبى أنا غلبان

أول ما قالوا فتاح يا عليم غلوا علينا لتر البنزين

تروح لمين تشكى يا مسكين تشكى الظالم ما ينفعش

لوقلت لا تروح فى حديد ويقولك أنسى يوم العيد

مكتوب عليك يا مصرى تموت عمرك ما تضحك يوم يا زمان

الدنيا خلاتنى ملخبط وفى العمود ماشى أتخبط

معرفش فين ماشى ومخى منى راح ولاجاشى

أعمل أيه يا ناس دلونى أروح لمين بس أشكيله

والعمر راحت أناديله هى حكومتى ما بتحسش

وتبص مره على بلاوينا أنا أستاهل اللى جرالى

سكت وطار فى العالى لو كنت صدته من الأول

مكنش ده بقى حالى وعايش مستور وسط عيالى

خلاص يا دنيا خلاص ماشى بيقولوا سافر ولا جاشى

أصل الزمن ده زمن قاسى ساب ألأصيل ولا سماشى

يا عيد خلاص روح أحسلك محدش عايز يفرح بك

الفقر عشش فى بيوتنا والفرح راح ولا جاشى

يا دنيا لية فرقتينا والزمن على طول ناسى

ماليش دوا يا زمان عندك مرة واحده رسينا

"""""""""""""""""""""""""""

www.dastor.net

omran55.maktoobblog.com

:wub: :wub: :wub:

[shazly]

مصر فيها أيمن نور. و يظل هو الراجل الوحيد إللى فى البلد دى حتى إشعار أخر...

[Lembic]

وهذا الحديث يأتى على الجرح فنحن نعيش مع حكومه كذابه وبانت لها الرؤية الآن فهى

والحمد لله فى النار لأنها لم تقل شىء وصدقت منذ بدايتها وعدت بالخاء الناس بارخاء

وغلت عليهم العيشه وألى البناء وهدمت والى العمل وعطلت والى التعليم وذاد الجهل والى

الصحه وكثرت ألأمراض والى ألأقتصاد وزادت الديون وألى ألأصلاح وبدأوا التوريث

والى العدل وساد الظلم والى الدين وزاد الفجور والى العدل وأمتلاءت السجون وهكذا

نرى فى فى تصاريحهم كذب وخطط فشل فى فشل ونحن الضحية ولا يتعظوا ولا يرتعدوا

إلا بصرخه قوية مدوية تصم ألأذن وتخرس أللألسنه صرخه تبنى على مطلب الحق والعدل

فهل نسمع تلك الصرخه يا وطنيين ألأمل كبير

لنا الله ولمصر الصبر والسلوان

"""""""""""""""""""

:

الأستاذ الفاضل أبوحباجة : كلام جميل ولكن الحكومة دى مننا ومن وسطنا وليست كائنات من الفضاء أو من إسرائيل أو أمريكا! الحكومة دى مصريين ونحن يا مصريين نساندها.

[eltayer]

انا مش عارف لية الاتجاة العام كله اليومين دول بقي ضدد الحكومة هلي هي موضه والكل ماشي وراها

اتفضل كده وتخيل نفسك رئيس للجمهورية وشوف نفسك هتكذب كام مره في اليوم عشان مصلحة البلد

الشغل في السياسة له حسابات اخري

انتي من بره متعرفهوش لما تخش فيها تعرفها

ولي تعليق اخر اكثر توضيحا

[صبح]

تم دمج أفكار ومداخلات أستاذ حسن عمران في موضوع واح ليسهل متابعته

برجاء الألتزام بالموضوعية في الرد

وعدم استغلال الموضوع في مهاجمة بعضنا البعض

أ/ حسن

أنا إخترت العنوان الحالي

برجاء مراسلتي لو حبيت تغير العنوان