ما هي تكلفة بناء فيلا في مصر ؟

[الباشا المصري]

اخواني كل عام وانتم بخير ان شاء الله

عاوز اخد رايكم في الشروق والعبور المدينتين اللي ما زرتوهمش هل مستواهم حلو ام والخدمات لاني لاحظت ان مستوى اسعار الاراضي فيهم رخيص شويا يعني المتر ب 400 على الاكثر فياريت تقيدونا بارائكم

والسلام عليكم

[ايهاب سالم]

الشروق بعيده شويه

العبور كويسه و فيها مناطق عمرانه بشكل جيد

أعتقد أن أفضل المدن الجديده حاليا 6 أكتوبر

و مستقبلا القاهره الجديده

[Sharkiah]

هل ياجماعه حد من الإخوه أو الأخوات إللى فى مصر عنده فكره متر الأرض فى منطقه غرب سوميد فى 6 أكتوبر وصل كام ؟ أو بيتراوح من كام لكام ؟ وهل هى أفضل أم الشيخ زايد أفضل ؟ مع العلم إنى أعلم أن ميزه الأخيره هى قربها للمهندسين كونها قبل الوصول لميدان جهينه ، ولكن هل هى بالفعل أفضل أو أجمل من غرب سوميد ؟

على حسب معلوماتى فأجمل وأغلى ثلاث مناطق فى 6 أكتوبر حاليا هى الشيخ زايد وغرب سوميد والحى المتميز

[se_ Elsyed]

الإخوة الأفاضل اللي عايزين معلومات زيادة

كان في موضوع من حوالي سنة في معلومات قيمة ومفيدة

المُدن الجديدة

[الباشا المصري]

الاخوة اجمعين جزاكم الله خير على المشاركة والمساهمة خاصة مجهود الاخ سي السيد شكرا اوي

انا فهمت من للنك المرسل حاجات كثير وفهمت ان مدينة العبور مدينة جميلة وتستحق السكن والزيارة

طب هل حد يقدر يقولنا عن اسعار الارض الوقتي كم ؟؟؟

هل الشراء بالتوكيل صحيح ام مجازفة ؟؟

شكرا وكل عام وانتم بخير اجمعين

[أسد]

أسعار الأراضي قفزت في الآونة الأخيرة بعد مجموعة الإجراءات التي قام بها وزير الإسكان .. خاصة نظام القرعة الجديد .. ومهلة البناء ...

أيضاً زاد الطلب على شراء الأراضي في المدن الجديدة بشكل أكبر ..

أسعار الأراضي في القاهرة الجديدة تتراوح ما بين 1200 جنيه في النرجس والياسمين . و2000 جنيه للمتر في بعض المناطق المتميزة الأخرى ..

العبور لا زالت الأقل سعراً .. ولكنها أيضاً الأقل جذباً .. هي والشروق ...

أكثر المناطق جذباً هي السادس من أكتوبر .. وزايد .. والقاهرة الجديدة والمقطم ..

[الباشا المصري]

شكرا اخي اسد على الاهتمام جزاك الله خير

بس سؤال هل الشروق والعبور اقل جذبا لعيوب وما هي وماهو سبب انها قليلة السعر ؟

هل الخدمات اقل ام ماذا ؟

وهل حد يقدر يفيدنا في موضوع شراء اراضي القرعة بالتوكيل واراضي الحزام الاخضر ؟؟

وجزاكم الله خير

[الحاج فوزى]

مساء الفل على الجميع

بصراحة انا كل ما احاول احسبها ( على البناء يعنى ) اصدع واتوه .. بين من يقول على كذا على المتر ، ومن يقول الاساس كذا والدور كذا ..

ممكن خدمة جليلة من حضرتكم

ممكن واحد عاش التجربة قريب ، او عنده خبرة قريبة يقولى على المفيد

لو ارض 1000 متر ، البناء على النسبة ، يعنى على حوالى 600 متر

التكلفة المبدئية الحالية كام ؟ وتتوزع ازاى ؟

وموضوع مهلة البناء فى المدن الجديدة ده ، يعنى لازم ابنى الادوار كلها ؟

يعنى العمارة بتكون اربع ادوار ، لو بنيت دور واحد مؤقت ، هيكون فى مشكله مع المهلة ؟ ولا كده خلاص انا بقيت فى الاوكيه ؟!!

ولكم جزيل الشكر .. مسبقاً

حسين

[بنت الشاطئ1]

السلام عليكم

اعزائى فى محاورات المصريين

انا محتاجة اعرف الأسعار الان فى المناطق الاتية 6اكتوبر التجمع الخامس واسمع عن التجمع الأول هل هو بعيد عن الخامس و هل هو ارخص ولم اسعار العبور و الشروق ارخص

اريد قطعة لكن محتارة اختارها فين ونصحت بألا اشترى شقة لأن سعرها عالى جدا بالمقارنه لو اشتريت قطعة ارض وبنيتها مع اثنين من اقاربى مثلا وكدا نكون وفرنا وكمان تكون العمارة لثلاثة اشخاص فقط ونكون اخترنا الجيران كمان لكن ايه هو المكان اللى يسمح ببناء ثلاثة ادوار فقط احنا ممكن نشترى ارض فيلا او عمارات لكن اين لا ادرى حتى الان

[se_ Elsyed]

السلام عليكم

اعزائى فى محاورات المصريين

انا محتاجة اعرف الأسعار الان فى المناطق الاتية 6اكتوبر التجمع الخامس واسمع عن التجمع الأول هل هو بعيد عن الخامس و هل هو ارخص ولم اسعار العبور و الشروق ارخص

اريد قطعة لكن محتارة اختارها فين ونصحت بألا اشترى شقة لأن سعرها عالى جدا بالمقارنه لو اشتريت قطعة ارض وبنيتها مع اثنين من اقاربى مثلا وكدا نكون وفرنا وكمان تكون العمارة لثلاثة اشخاص فقط ونكون اخترنا الجيران كمان لكن ايه هو المكان اللى يسمح ببناء ثلاثة ادوار فقط احنا ممكن نشترى ارض فيلا او عمارات لكن اين لا ادرى حتى الان

على رأي اشرف عبد الباقي " ده موضوع كبير كبير كبير "

وبالذات في مصر

فبالرغم م حبيبي ان اسعار مواد البناء في مصر اصبحت

نار يا نار

على سبيل المثال

احمد عز ربنا ياخده هو ومن وراءه قام برفع اسعار الحديد حوالي 600 جنيه في اقل من 6 شهور يعني من 2950 الى 3600 ج

وطبعاً الاسمنت والرمل والطوب .. الخ بيرفعوا هما كمان

الا ان الحركة العمرانية شغالة زي الحلاوه في مصر

انا بصراحة مش لاقي تفسير تلك الظواهر ل

بصي يا بنت الشاطيء يا بنتي .. مش هاوجع دماغك في لت وعجن ومن الاخر كده

المتر المكعب الخرسانة مثلاً بيتكلف حوالي 800 ج

مثلاً مثلاً يكعب حوالي 100 متر مكعب يبقى كده بنتكلم في حوالي 80 الف باكو وده شامل ( حديد اسمنت رمل زلط ومصنوعيه ) خلب بالك من كلامي انا لسه باتكلم عن مُسلح وبالتالي لسه الطوب والبلاط والمحاره والدهانات والكهربا و و و آه يا دماغي يابا

بص انا معاكي في انك تشاركي مجموعة تكونوا قرايب او اصدقاء متفاهمين والتكلفة هاتبقى بسيطة عليكو

خدي دي كمان

متر الارض سواء فيلات او مباني عائلية ( عماير ) في العبور وصل حوالي 500 ج

الفيلا مش مسموح تبني على اكثر من 50 % من مساحة الارض وبالتالي ممكن تبني ان شالله على متر واحد انتي حره طالما المباني دلخ السور الخاص بكي

العماير لأ .. المباني لازم تكون على 60 % لا تزيد ولا تقل وده ببساطة لان مافيش سور وبالتالي جهاز المدينة لازم بيحافظ على الشكل العام

ونصيحة من آبيه سين سين .. البُنا سكه واعره يا بنت الشطيء يا بنتي واللي مش قدها يبقى يبعد عنها

[الحاج فوزى]

المتر المربع خرسانة مثلاً بيتكلف حوالي 800 ج

800 الله يسامحك يا س س ، سودتها فى وشى على الاخر :unsure:

يعنى علشان تبنى على 600 متر ، فى اربع ادوار ....

600 × 800 × 4 = ..... يا نهااااااااااااااااااااااااااااااااااااااااااااار

شكراً يا س س على الاخبار الغامقة ديه

حسين

تم تعديل 24 فبراير 2007 بواسطة Huss.

[se_ Elsyed]

المتر المربع خرسانة مثلاً بيتكلف حوالي 800 ج

800 الله يسامحك يا س س ، سودتها فى وشى على الاخر :rolleyes:

يعنى علشان تبنى على 600 متر ، فى اربع ادوار ....

600 × 800 × 4 = ..... يا نهااااااااااااااااااااااااااااااااااااااااااااار

شكراً يا س س على الاخبار الغامقة ديه

حسين

عفواً يا سحسح

الحسبه كده خزعبلية عالأخر

أولاً في المُدن الجديدة مافيش حاجه إسمها تشتري 600 متر وتبني على 600 متر .. إرجع لكلامي وشوف شروط البناء في مختلف أشكال العمارة .

ثانياً الخرسانة تُقاس بالمتر المثكعب ...

هاضرب لك مثل

الدور البناء بيتكون من إيه :

1- أعمدة

2- سقف

فمثلاً قطعة أرض مبنية على مساحة 350 متر مربع العواميد المحترمة المتغذية بتاعتها بتكعب ( تخيل كام ؟ ) ...>>>>>>>حوالي 20 متر يا معلم .. اضرب بقى 20 * 800

السقف يعمل له بتاع 70 متر ..... وعيش يا ريس

ده كله كوم والأساسات كوم تاني يا حجوج

أخوك سين سين مقاول أنفار وبنا ومناول في آن واحد

[الحاج فوزى]

يا عم س س الله يفتح عليك

ما انا بقولك البناء على 600 ، مش الارض 600 يعنى اصل الارض 1000 متر ، وال 60% يبقوا 600

احسبهالى كده الله يكرمك ، رديت فيا الروح :rolleyes:

حسين

[se_ Elsyed]

600 متر ؟!!!!!!!

إنت بتهرج صح

بقى عايز تبني فيلا على 600 متر صافي يا مُفتري وإخواتك في الصومال مش لاقيين عِشة فراخ يسكنوا فيها ؟ يا اخي إستحووا شوية :rolleyes:

looooooooooooool

عامة خُد الحته دي

مش هاتكلم عن البدروم لإنه اوبشن وتقريباً تكلفته دور ...

لكن هاقول

فرضنا مثلاً سيادتك هاتنتع الدور الأرضي

يبقى خرسانات بس - شوفت الخط اللي تحت بس ده - مضاف إليها الأُجرة بتاعت المقاول ... يبقى بالصلاتو عالحبيب سيادتك تجهز حد ادني 400 باكو ( أربعمائة ألف جنيه مصري فقط لا غير كحد أدنى ) قابلة للزيادة حسب مزاج الشيطان الأكبر أحمد عز

واللي عطاك يعطينا يا عم .. وإبقى خُدنا تحت جناحك

[الحاج فوزى]

يا عم س س الله يرضى عليك :)

فيلا ايه بس الى على 600 متر ديه .... انت هتخلى الناس تقول عليا ايه بس ... ثرى عربى :) :)

يا عم والله ده مشروع انا و اربعة من صحابى اللى متبهدلين فى الغربة وبنفكر نعمله

اننا نبنى عمارة فى الشروق ، والارض الموجوده 1000 متر عماير ، وبدل ما كل واحد ياخد شقة على القد كده ويدفع فيها اللى وراه وقدامه وجنبه يمين وشمال

يبقى عنده شقه مساحة حلوه ويبنيها على كيف كيفه ويتبقى كمان شقه ولا اتنين يتباعو بعدين بمبلغ كويس

وكنت بحاول اتقصى عن الموضوع واشوف هينفع و لا لاء

تقولى 600 متر فيلا .. الله يسامحك

ويا سيدى جناح ايه بس .. داحنا كلنا على باب الله :) :)

والغربه زى ما بتدى بتاخد والكلام اللى انت عارفه ده :) :lol:

متشكرين يا سيدى على المعلومة وعلى التسييح ده :)

حسين

[kokowawa1979]

سحس كتب :

تقولى 600 متر فيلا .. الله يسامحك

ويا سيدى جناح ايه بس .. داحنا كلنا على باب الله

والغربه زى ما بتدى بتاخد والكلام اللى انت عارفه ده

متشكرين يا سيدى على المعلومة وعلى التسييح ده

ياعم سحس ماتبعدش العين عنك مانت بقالك 50 سنه شغال في الكويت - كفاية عليك مكافأة نهاية الخدمة تعمل لك فيلتين :)

باقول لك إيه ماتشوف مشروع وادي الملوك أهو قريب من القاهرة وبيديك فيلا و3000 متر مربع حدائق وكل ده زي ماسمعت في حدود 100 ألف - بس مش عارف الفيلا متشطبه واللا لأ- باتكلم جد مش هزار

[الحاج فوزى]

منك لله يا س س

ادى اول القصيدة .. واوا مش عارف يرد فى المواضيع الرياضية ، جه هنا يلقح كلام زى الطوب :) :lol:

ايه يا واو موضوع وادى الملوك ده ؟! اول مره اسمع عنه ، لو عندك تفاصيل اكتر ابعتلى

حسين

[kokowawa1979]

خد ياعم سحس ده الرابط واقرا التفاصيل كويس

http://elmelouk.com/z1.htm

[

أو ده للمجموعة كلها

http://elmelouk.com/

علشان بس تعرفوا مجدعة الزملكاوية

تم تعديل 25 فبراير 2007 بواسطة kokowawa1979

[kokowawa1979]

وده رابط لبيت المزرعة الخاصة باخوك كوكو واوا - تصميم بسيط على الطريقة الفرعونية - التكاليف النهائية في حدود 65000 على مساحة 150 متر - وللأسف دي صورة خلفية لإن الأمامية بعيدة شوية

آمل أن يعمل الرابط

http://wawa79.jeeran.com/photos/116202_l.jpg

[الحاج فوزى]

طيب يا عم واوا ما تتفضل علينا بالشرح الوافى والكافى للموضوع

يعنى لو عايزنا نبقا جيران يعنى :)

حسين