ما هي تكلفة بناء فيلا في مصر ؟

[الحاج فوزى]

يا عم كوكو بجد الميزانية ده واسعه مووووت ... صاحبك غلبان مش زى مانت فاكر :)

اهو ده عيب الناس اللى فاكره ان اللى فى الخليج بيعوم فى بحر من الدنانير :P

بس فعلا 720 الف استحالة ، واكيد الموضوع فيه انه لان متوسط متر الارض فى التجمع بين 900 و 1200

لما تحسبها وتجمع كمان تكاليف البناء وايه على 600 متر - فينك يا س س -

يعنى لو الراجل هيكرمك ويعمل معاك واجب واجب كبير كمان ، هيبيع على مليون والـ 750 الف دول

مش 750 الف بس

على العموم يا باشا منى ليك لقطه والله <_< :blink:

يعنى تبيع لك محصول الباباظ وتروح تخلص على طووول :lol:

حسين

تم تعديل 28 فبراير 2007 بواسطة Huss.

[kokowawa1979]

سحس كتب :

لما تحسبها وتجمع كمان تكاليف البناء وايه على 600 متر - فينك يا س س -

يعنى لو الراجل هيكرمك ويعمل معاك واجب واجب كبير كمان ، هيبيع على مليون والـ 750 الف دول

مش 750 الف بس

كدة بقى شكلك ماقريتش مداخلتي الأخيرة :closedeyes:

[الحاج فوزى]

الفاضلة بنت الشاطىء

قصدى بالاعلان غير صحيح ، لان المتر كده يبقى سعره بالمبانى 800 ، وده مستحيل فى منطقة التجمع الخامس

لان سعر المتر هناك - زى ما قلت قبل كده - متوسط من 900 الى 1200 .. متر الارض فقط

والبناء لان يتكلف اقل من نفس تمن الارض تقريباً

حسب الاعلان بدروم وارضى واول وتانى كمان ، والبناء على 600 متر يعنى قصر مش فيلا -

يعنى التثمين المبدئى للارض والمبانى مش اقل من مليون و700 الف ، و 10 خطوط تحت كلمة مش اقل وده الحسبه على التكلفه

يعنى اكيد الراجل هيبيع ويكسب

بخصوص التقسيط .. انا لا اعتقد ، لان البائع بيكون فرد عادى مش شركة او جهاز .. ممكن تلاقى تقسيط لو تشترى من شركة

وفيه شركات كتير بتعمل فلل فى تجمعات وتقسط ..

مثلا شركة العاشر ، عامله جاردينيا .. الفيلا بمليون ، و مليون ونص .. وطبعا مساحات غير المذكورة فى الاعلان خالص لان المساحة فى الاعلان فعلا وهم .. فيلا على 600 متر .. ده لوحدها عايزة يجيى مليون جنيه تشطيبات وفرش :closedeyes:

اه لما علقت وقلت ان الاعلام مش مظبوط .. لان فرق السعر يقلق

حسين

[se_ Elsyed]

إلى الاخوة العقاريين المبتدئين ... بنت الشاطيء وحسين

طول ما الواحد عنده مخ وبيشغله يبقى مافيش حاجة تقلق ... بمعنى إيه ؟

- يعني الراجل صاحب الفيلا ده لو قال لي إن فيلته عايز يبيعها بعشرة جنيهات مصرية فقط لا غير .. فمش هاقلق لسبب .. وهو إني باخد معايا محامي محترم وأنا باخلص أي صفقة زي دي ... وكمان كل المناطق الجديدة بتبقى مترخصة اوتوماتيكلي من الجهاز المُشرف واللي بيدير المدينة وأي بيع او شراء يعتبر باطل ولا يُعتد به طالما لم يتم عن طريق الجهاز ..... فهمتوني ؟

- وبعدين في حاجة غريبة .. يعني لو الراجل كان طلب 5 مليون كنا قلنا ده مجنون .. ولما يطلب مبلغ هو شايف إنه مناسب له وطالع له هامش ربح هو راضي به يبقى نقول في حاجة غريبة وتقلق ؟

- مثال صغير : كنت قاعد مع أحد رجال الأعمال وباني فيلا في العبور في الحي السادس ومتشطبة على المفتاح وتقريباً متقسمة لثلاثة شقق ... للامانة لم يكن لدي وقت أهرش حتى أو أتفرج عليها ... المهم الراجل عشان ساكن في مدينة نصر وولادة مترعرعين هناك - حلوه مترعرعين دي ؟ - فأولاده رفضوا إنهم يعيشوا في العبور حيث الهدوء والجمال وعايزين يلتحموا بكافة طبقات الشعب ويغوصوا في الزحمة الرهيبة بتاعت مدينة نصر اللي بقت تجيب لي أرتيكاريا وسعال ديكي - فالراجل قرر يبيع الفيلا بمبلغ أنا شايف إنه مناسب جداً وهو ثلاثة أرباع مليون جنيه ... وإحنا بنسمي البيع ده " بيع أهالي أو أفراد " وبالتالي بيبقى البيع بمبدأ ( توتو على كبوتو ) يعني بالعربي كاش عداً ونقداً

[kokowawa1979]

سي السيد كتب :

- مثال صغير : كنت قاعد مع أحد رجال الأعمال وباني فيلا في العبور في الحي السادس ومتشطبة على المفتاح وتقريباً متقسمة لثلاثة شقق ... للامانة لم يكن لدي وقت أهرش حتى أو أتفرج عليها ... المهم الراجل عشان ساكن في مدينة نصر وولادة مترعرعين هناك - حلوه مترعرعين دي ؟ - فأولاده رفضوا إنهم يعيشوا في العبور حيث الهدوء والجمال وعايزين يلتحموا بكافة طبقات الشعب ويغوصوا في الزحمة الرهيبة بتاعت مدينة نصر اللي بقت تجيب لي أرتيكاريا وسعال ديكي - فالراجل قرر يبيع الفيلا بمبلغ أنا شايف إنه مناسب جداً وهو ثلاثة أرباع مليون جنيه

وتصديقا لكلامك يا سي السيد لي صديق يعمل كمقاول لمشاريع اللاند سكيب في العبور عرض علي أن أشتري فيلا جاهزة المساحة الكلية 700 متر والمباني على280 متر تقريبا وبنفس السعر الذي تفضلت بذكره وهو 3/4 مليون جنيه .

المشكلة مش في كدة يا سي السيد - أخونا سحس طلب منك 750000 جنيه علشان يشتري الفيلا وانت مارديتش عليه بآي أو لآ !!

إن ماكانش ياسحس ياحبيبي نعمل لك جمعية وتقبضها الأول إيه رأيك بس على شرط تبقى زملكاوي علشان نضمن الفلوس ترجع :victory:

تم تعديل 1 مارس 2007 بواسطة kokowawa1979

[se_ Elsyed]

إن ماكانش ياسحس ياحبيبي نعمل لك جمعية وتقبضها الأول إيه رأيك بس على شرط تبقى زملكاوي علشان نضمن الفلوس ترجع :lol:

طب انا مُستعد اسمي نفسي مرتضى منصور بس سلفني 100 الف بس يا كوكو ؟

بالمناسبة يا كوكو ...جئتك من الشروق بخير موثوق :victory:

الارض اللي قلت انت عنها بتاعت عدلي أيوب طلعت على بُعد 15 ك من الشروق وبالتحديد بجوار المركز الطبي العالمي وفعلاً عليها مشاكل اما الارض اللي كلمتكو عنها فتقع بجوار ملاهي اكوا بارك المائية

دي معلومات مؤكدة

والناس معارفي اللي اشتروا من شركة تقسيم الاراضي كتبو شرط جزائي في العقود بإنه في حالة عدم صدور قرار بتحويل تلك الاراضي من زراعة الي استثمار - مباني وخلافه - في تاريخ 1-4-2007 فيتم استرجاع فلوسهم فوراً

[kokowawa1979]

سي السيد كتب :

طب انا مُستعد اسمي نفسي مرتضى منصور بس سلفني 100 الف بس يا كوكو ؟

من غير ماتسمي نفسك ياسي السيد أنا باتكلم جد عيني ليك - دي مش بهزار .

لي تعليق بس هايهد الدنيا ويقلب الأهلوية على :victory: لكن علشان انت حبيبي مش هاقوله .

أنا سعيد جدا ياسي السيد بإيجابيتك في هذا التوبيك فأنت بسم الله ماشاء الله واخد الأمور بجديه بالسؤال عن الأراضي وظروفها حتى لايتورط أحد الأعضاء الراغبين في الشراء وفجأة يجد ال 5 مليون جنيه اللي عملهم في الغربة زي أخونا سحس ضاعوا في الهوا .

تحياتي لك أخي الفاضل سي السيد .

على فكرة حاولت أدخل وأعلق على التوبيك الخاص بقصص أبننا سي السيد إلا أن الموضوع مغلق لحسابكم - عموما أنا قررت أجازة الجمعة أقضيها مع التحف التي أتحفتنا بها يا سي السيد - واهو ترفيه أحسن من أبواب الرياضة اللي ولعت الدنيا .

مرة أخرى لك تحياتي على هذه الإيجابية

[se_ Elsyed]

شكراً على مشاعرك النبيلة عزيزي كوكو

أنا أؤمن دائماً بإن الحياة فيها مُتسع للجميع .. والخير اللي في الدنيا لو اتقسم على الكل فمش هايخلص ولا ينقص

ما علينا

هاضحكك بقى

لي واحد من اصدقائي بيعمل في مكت احد الوزراء الحاليين فبعد ما عرفت المعلومات دي منك روحت قايله ... عيش بقى واتطقس عن الموضوع ده من مصادرة

وبالفعل قام بأتصال رسمي بجهاز مدينة الشروق وبمكت عدلي ايوب نفسه ووافني بالمعلومات في الحال

وانت عارف ان مستقبل العقار في اي دولة في العالم مضمون تماماً

ومع بعض المخاطرة يُمكن ان تحقق الكثير من المكاسب ولكن كُن دائماً على استعداد لتحمُل المخاطر بصدر رحب

والا خليك موظف حكومة وانتظر مرتبك اخر كل شهر

ارض زي اللي باكلمك عنها دي ... تخيل لو صدرر لها قرار بتحويلها الي اراضي بناء خصوصاً وانها محاطة بمباني وكومبوندات سكنية تابعة لجمعيات عقارية مرخصة ... يبقى كل سنة وانت طيب واتحدى لو لقيت فيها متر اقل من 500 ج

ومش بس المنطقة دي .. فاللي بيدور يلاقي واللي بيبص لبكره ولا يكتفي بالنظر تحت قدمه يبقى بالتأكيد هايوصل لبكره وهو مرتاح

- والله يا كوكو حصل معايا موقف يموت من الضحك امبارح

فكان عندي شوية مشاكل في سباكة الشقة فالمكتب اللي انا مستأجر منه بعت لي السباك وطلع مصري الجنسية .. فبعد ما خلص شغل قلت له استنى اما اوصلك لانه ساكن بعيد .. فعمالين ندردش في السكة فعرفت انه هنا من سنة 79 وانه اصلاً من بني سويف لكن استقر في الاسماعيلية من سنة 81

فبيقولي تخيل يا استاذ انا شاري قطعة ارض مساحتها 233 متر في الاسماعيلية سنة 81 بكام ؟

فقلت له 81 مش بعيد قوي يعني ... ولكن الارض ممكن كانت على اطراف المدينة ساعتها وبعدين زحف عليها العمران .... طب نقول بالصلاة عالنبي 3000 جنية .. ولو استنيت شويه هاهز المبلغ وازاوك خمسمياية تاني :victory:

فقالي لي مش هاتصدق لما اقولك اني والله العظيم في هذا الوقت كان مرتبي في السعودية 600 ريال وان الالف ريال كانوا بيعملوا 180 ج واني اشتريت الارض دي بـــ

32 ج .... اثنان وثلانون جنيهاً فقط لا غير

انا كنت هاسيب دريسكون العربية وامشي اصرخ في الشارع

تخيل ؟

بالمناسبة انا صدقته لإن بابا الله يرحمه اشترى الارض اللي بنينا عليها بيت العيلة الحالي باحد احياء شرق القاهرة الحيوية بـــ 8 ج المتر

ولي احد المعارف يمتلك عمارة فخمة بيأجر معظمها مفروش بمبالغ خيالية وموقعها متميز امام الحديقة الدملية اشترى المتر في اواخر السبيعينات بــ 25 جنيه

[kokowawa1979]

سي السيد كتب :

بالمناسبة انا صدقته لإن بابا الله يرحمه اشترى الارض اللي بنينا عليها بيت العيلة الحالي باحد احياء شرق القاهرة الحيوية بـــ 8 ج المتر

ولي احد المعارف يمتلك عمارة فخمة بيأجر معظمها مفروش بمبالغ خيالية وموقعها متميز امام الحديقة الدملية اشترى المتر في اواخر السبيعينات بــ 25 جنيه

بالطبع كلامك كله مضبوط بالطبع ياسي السيد

خد بقى انت الحتة دي :

زمان لما كنت صغير كانت الحاجة ( الله يرحمها ويجعلها من أهل جنته ) دايما تقول للحاج الوالد ( ربنا يديله الصحة ) ياراجل المتر ب 50 قرش في مصر ( تقصد القاهرة ) كان كدة حقيقي لن تتخيل ( منطقة مساكن شيراتون المطار حاليا ) فكان رد الحاج لها ياست وهانبني منين - ونروح نسكن في الترب ونسيب البلد اللي العيال كلهم عاشوا فيها . فقالت الحاجة -نبني مين وبتاع مين - أهو نركنها للعيال وبعد مايتخرجوا كل واحد يشق طريقه ويبنوها سوا !!!!

الله يرحمها كانت على الفطرة ونظرتها دايما للأمور ماكانتش تخيب . الآن لما انزل الأجازة واشوف منطقة شيراتون أضحك وأقول الله يرحمك يا أماه .

شوف بقى ياعم سي السيد المتر بقى بكام عند شيراتون المطار - القصة دي حقيقية فعلا ياسي السيد

[الحاج فوزى]

يا رب يا كوكو تشيلنى من دماغك .. انا يا سيدى خلاص رجعت فى كلامى ، لا بنى ولا دياوله

ارجع واقول .. كله منك يا س س :victory:

حسين

[kokowawa1979]

سحس كتب :

يا رب يا كوكو تشيلنى من دماغك

طيب قول لي إزاي وأنا حاضر :rolleyes:

الحق علينا اللي خايفين عليكم فلوسكم تطير في الهوا - جتنا نيلة في حظنا الهباب :lol:

[الباشا المصري]

اخواني انا نازل في شهر يونيو انشاء الله

هل ممكن تفيدونا اسعار الاراضي (الفيلات) وصلت لكم خاصة ف مدينة العبوووووووووووووووور لاني شكل هشتري فيها

والسلام عليكم

[se_ Elsyed]

اخواني انا نازل في شهر يونيو انشاء الله

هل ممكن تفيدونا اسعار الاراضي (الفيلات) وصلت لكم خاصة ف مدينة العبوووووووووووووووور لاني شكل هشتري فيها

والسلام عليكم

ما بين 400 ج إلى 600 ج / متر

وأحسن مناطق تشتري فيها هي السابع والسادس .. وتبعد عن الخامس نهائياً لإن تربته طفله وهاتتعبك وتكلفك ما لا طاقة لك به عشان نوصل لأرضية مُستقرة يصلح البناء عليها .

بس نصيحة تقعد قبل ما تشتري مع مهندس إستشاري محترم وتخليه يحسبلك الحسبة صح على أساس أسعار مواد البناء اللي بتولع كل يوم ...

علشان يابن الحلال ما تتورطش وتقف في نص البحر ولا أنت عارف تكمل ولا انت عارف ترجع .

[الباشا المصري]

الاخ سي السيد اشكرك على الرد السريع ووفقك الله للخير

طب اذا كانت الارض 600 كما اخطط انشاء الله وكان البناء على 300 كما هو مطلوب كم تكون تكلفة البناء تقريبا ؟

الكلام كثير ياريت كلام مجرب شخص يكون لسا باني بدروم وارضي ودورين

والسلام عليكم

[se_ Elsyed]

الاخ سي السيد اشكرك على الرد السريع ووفقك الله للخير

طب اذا كانت الارض 600 كما اخطط انشاء الله وكان البناء على 300 كما هو مطلوب كم تكون تكلفة البناء تقريبا ؟

الكلام كثير ياريت كلام مجرب شخص يكون لسا باني بدروم وارضي ودورين

والسلام عليكم

لن تقل التكلفة عن نص أرنب ( هياكل مباني فقط ماليش دعوة بالتشطيب )

وأسمع الكلام وأسأل مهندس إستشاري يحسبها لك بالورقة والقلم ويفنطها لك

وخلي بلك الدور التاني اللي فوق الأرضي بتدفع عليه غرامه 25 % من قيمة الأرض الأصلية وذلك لجهاز المدينة ... وشكلك لا هاتبني ولا تعمل وهاتتعبني معاك wst:: :P

[الباشا المصري]

اشكرك يا اخي سي السيد على الرد بس على حسب حسابات الشباب قبل كدا ان تكلفة المباني هتكون في حدود ثلاثمائة الف مش عارف صح ولا غلط وبعدين بيقولوا الحديد رخص

على العموم لو نصف مليون يبقى كثير اووووووووي

ياريت تفيدني هل ثلاثمائة الف تكفي ام لا ؟

وهل ممكن بس ابني الدور الاول وابدا به من غير ما اطلب الدور الثاني من جهاز المدينة وابقى بكدا قللت التكلفة ولا ايه رايك

طب ريحني وقولي تكلفة الاساسات كم ؟

تكلفة البدروم ؟

تكلفة الاول ؟

تكلفة الثاني ؟

اقصد ياريت تكلفة مفصلة

جزاك الله خير وبارك لك

[se_ Elsyed]

مش قلت لك هاتتعبني معاك وشكلك زبون مناكف

300 متر ... الأساسات + بدروم .... أو الأساسات + دور أرضي بتتكلم في 250 ألف جنية

دور أول 150 ألف

دور ثاني 130 ألف

الروف بيبقى 25 %يعني بتتكلم في حوال 40 ألف

----------

الدور الثاني أوبشن يا حاج .. يعني لو ما طلبتوش إنت حر .. لكن لما تنوي لازم تدفع .. وبعدين لازم تقدم لهم خرائط أساسات تفيد إنها تستحمل دور ثاني حتى لو مش هاتبنيه .

--------- 300 ألف غير كافيه بالمرة وأبعد عن أي كلام بيتم في الفسحه أحسن تتورط ..

والله يكرمك بقى ما تقوليش الشباب قالوا ولا الهلال عادوا فكلها فرق رياضية مالهومش في البُنا :P

الحديد ولع يا حاج بعد م تدخلت الوزراة في المغارة والمعلم عز الرجال بيسويهم على الجنبين وشادد الأسمنت والطوب وجميع المون وراه

وكل الأسعار اللي فوق دي خرسانة + طوب فقط

والرزق عالله

سين سين مقاول أنفار

[الباشا المصري]

اشكرك يا اخ سسين سين على متابعتك للموضوع ومعلوماتك القيمة والواقعية

بس الاسعار في زيادة رهيبة

بس ياترى الاسعار اللي انت قلتها دي اسعار لو انا بنيت بنفسي او اسعار لو تركت الموضوع لمكتب

وجزاك الله خير

وياريت لو نتواصل على الميل جانب النت

mizo69mizo@yahoo.com

السلام عليكم

[اسامة الامام]

بص يا عم انا من رأى انك تبيعها وتعمل بفلوسها اى مشروع منتج احسن عشان البلد دلوقتى فى حاجة الى مثل هذه المشاريع وكمان السكن فى الشيخ زايد مش حلو

[الباشا المصري]

اولا انا اشكرك على النصيحة والاهتمام

بس ما تشوف ان بناء فيلا او بيت بمعنى اصح والسكن في جزء منه واستغلال الجزء الباقي في الايجار يعتبر مشروع ناجح بكل القاييس

1-تضاعف اسعار الاراضي والشقق كل سنة او سنتين بدون اي مجهود

2- استغلال الشقق الموجودة في الايجار ودا يجيب لك ايجار شهري رااااااااااااااائع ايضا بدون مجهود وحلال مليون بالمائة

3-مخاطرة المشروع دا قليلة اوي

طبعا انا بقول لو اقدر ابني انا اتمنى لكن اتوقع مع الاسعار النار دي مش هقدر لكن اللي يقدر يبني كسسبان مليون بالمائة

كل حاجة بترخص في مصر الا العقار بيلهلب

مش كدا ولا ايه

ههههههههههه