ما هي تكلفة بناء فيلا في مصر ؟

[بنت الشاطئ1]

ممكن حد يقولنا سعر الحديد هذه الأيام وصل كام

انا منذ ثلاثة اسابيع سمعت انه فى النازل

والان سى السيد يقول انه ولع معقولة طب يدونا فرصة حتى نخزن

[se_ Elsyed]

ولو اني مابحبش انقل اخبار وحشه

لكن اعمل ايه ؟ جت فيكي المرة دي يا بنت الشاطيء

امسكي اعصابك واقرئي الخبر ده النهاردة في الجرايد

الحديد تمرد علي التسعيرة الجبرية

وصل 3900 جنيه.. والمطلوب وقف التصدير فوراً

كتب هاني صالح وسليمان فؤاد:

تمرد حديد التسليح علي التسعيرة الجبرية التي حددتها المصانع ويباع باتفاقيات سرية بسعر 3700 جنيه جملة و3800 للمستهلك.. أكدت بعض المصادر أن فواتير البيع بالسعر الرسمي تقدم فقط لمن يطلبها خوفاً من حملات مباحث التموين.. وأن الأسعار متفاوتة حسب منطقة البيع وتباع بعض الصفقات بسعر يصل إلي 3900 جنيه.. طالبت المصادر بوقف التصدير لمدة 6 شهور حتي يتم الوفاء بحاجة السوق المحلي أولاً واستقرار أسعار البيع.

طبعاً دي مسخرة من المساخر التي تحدث في بر مصر عشان سلعة زي دي سعرها كان في شهر 9 الماضي ت2900 ثم تزيد حوالي 1000 جنيه مره واحده في اقل من 6 اشهر والحكومة واقفه تتفرج وياريت على كده .. ده اوتوماتيكلي جميع مواد البناء بتولع هي كمان

[أسد]

ولو اني مابحبكش انقل اخبار وحشه

لكن اعمل ايه ؟ جت فيكي المرة دي يا بنت الشاطيء

امسكي اعصابك واقرئي الخبر ده النهاردة في الجرايد

الحديد تمرد علي التسعيرة الجبرية

وصل 3900 جنيه.. والمطلوب وقف التصدير فوراً

كتب هاني صالح وسليمان فؤاد:

تمرد حديد التسليح علي التسعيرة الجبرية التي حددتها المصانع ويباع باتفاقيات سرية بسعر 3700 جنيه جملة و3800 للمستهلك.. أكدت بعض المصادر أن فواتير البيع بالسعر الرسمي تقدم فقط لمن يطلبها خوفاً من حملات مباحث التموين.. وأن الأسعار متفاوتة حسب منطقة البيع وتباع بعض الصفقات بسعر يصل إلي 3900 جنيه.. طالبت المصادر بوقف التصدير لمدة 6 شهور حتي يتم الوفاء بحاجة السوق المحلي أولاً واستقرار أسعار البيع.

طبعاً دي مسخرة من المساخر التي تحدث في بر مصر عشان سلعة زي دي سعرها كان في شهر 9 الماضي ت2900 ثم تزيد حوالي 1000 جنيه مره واحده في اقل من 6 اشهر والحكومة واقفه تتفرج وياريت على كده .. ده اوتوماتيكلي جميع مواد البناء بتولع هي كمان

أسعار الحديد ومواد البناء كلها إرتفعت في العالم كله ... وليس في مصر فقط ...

وللأسف هذا أمر واقع ... ومن يصر على مواجهته بالأسلوب المتبع حالياً في مصر .. فلن يصمد كثيراً ....

وإذا إرتضينا بالإقتصاد الحر .. فهذا ملزم لن بأن نقبل بكل قواعده ...

مسألة الإحتكار في الحديد في مصر لا تؤثر على سعر المستهلك النهائي (في إعتقادي) .. ولكنها تؤثر بشكل رئيسي على المنافسين الأضعف .. وحجم حصصهم في الأسواق ..

بل أنني قد أرى أن إحتكار عز للحصة الأكبر من الحديد في مصر .. قد تسهل الأمر على الحكومة لكبح جماح زيادة أسعار الحديد بشكل أو بآخر ..

[se_ Elsyed]

عزيزي أسد

كلامك صحيح لو كل العوامل أو المتغيرات بتسير في نفس الإتجاه

لكن لما ألاقي في بلد ما واول حرف من إسمها مصر .. كل شيء بيذهب في إتجاه واحد وهو الصعود إلا مرتبات أو دخل الناس .. يبقى ده إسمه إيه ؟

ولما الأقي شركات زي شركات الأسمنت بتاخد حق إستغلال المحاجر بتراب الفلوس ولحد ما الأسمنت يتعبى في الشكاير الطن بيتكلف 180 جنيه مع الاخذ في الإعتبار وضع اقصى تقدير للتكاليف في حين إنه يُباع للمستهلك بمتوسط 350 ج .. يبقى ده إسمه إيه ؟

ولما كنا بندرس زمان حلاوة الحديد المصري ومصانع الحديد المصري وفجأة لا نسمع لا حس وولا خبر عن إنتاج تلك المصانع وفجأة يقوم شخص واحد بالتحكم في هذا السوق صعوداً وهبوطاً وإنتاجاً ؟

فهل هذا كله ضمن شروط الإقتصاد الحُر ؟

من كام سنة كل التجار حتى تُجار الفول النابت كانوا بيتحججوا بإرتفاع سعر الدولار أمام الجنيه المصري وبإرتفاع التعريفة الجمركية وكانوا بيهرونا إرتفاع في الأسعار ..

طب لما الدولار أستقر .. والتعريفة انخفضت بشكل ملحوظ وخصوصاً على المكونات الأساسية المستوردة لكثير من السلع المُصنعة في مصر ومع ذلك لم نجد سعر سلعة من هؤلاء نزل .. يبقى ده إسمه إيه ؟

الشيء الأهم

لما نلاقي أسعار الحديد في أوكرانيا وتركيا أرخص بكتير من الحديد المصري وتطالب بعض الأصوات الشريفة بفتح الإستيراد لمعالجة مشكلة إرتفاع الأسعار ومع ذلك رئيس اللجنة الإقتصادية في مجلس الأُنس اللي هو أحمد عز اللي هو صاحب أكبر مصانع للحديد في مصر يعرقل مثل هذه الطلبات .. يبقى ده إسمه إيه ؟

ولما يطلع أحمد عز ويقول إن أسعار الحديد في مصر أرخص بكتير من الأسعار في الدول المحيطة بنا وخصوصاً دول الخليج يبقى الناس بتشتكي من إيه .. وشكله نسي يقارن أيضاً بين متوسط الدخل الفردي في تلك الدول وبين اللي موجود عندنا ؟

عزيزي أسد لو إقتصاديات السوق الحر كانت بتحكمنا ما كانش ده يبقى حالنا ..

ولكنه الفساد يا عزيزي

أبحث عن الفساد

او كما يقول المثل الفرنسي " شيرشيه لو فساد "

[أسد]

سي السيد الغالي ..

التزاوج الحاصل في مصر مابين السلطة والمال .. أسفر بطبيعة الحال عن إنجاب فساد .. ولما كان الزواج قد تم عن قصة حب وعشق شديد مابين السلطة ورجالها والمال من جهة أخرى .. كان الإبن (الفساد) أكبر وأعظم .. وأكثر تدليلاً ....

هذا أمر مفروغ منه ...

والكل يعلم تماماً من خلال إطلاعهم على مداخلاتي في محاورات المصريين على مدار سنوات .. انني ضد ما يحدث في مصر .. وأنا لست مدافعاً عن هؤلاء ولن أكون طبعاً ..

وأنا هنا لست ضد أو مع أي أحد ..

ولكن من أين وكيف أستطيع أن أصدق أن طن الأسمنت يتكلف 180 جنيه على أقصى تقدير .. وأنه يباع بسعر 350 جنيه في المتوسط ..

ومن أين وكيف أقتنع أن الحديد في بعض الدول أرخص منه في مصر .. وأنه إذا فتح باب الإستيراد سنصل لسعر شعبي يناسب الجميع ...

إسمح لي .. هذا حديث يحتاج إلى إثبات ..

أما عن الإحتكار .. ففي كل دول العالم هناك محتكرون وصناع كبار وكيانات ضخمة وعملاقة وهائلة .. والمنافسة مع تلك الكيانات هي أمر صعب بل ومستحيل ...

والأمثلة كثيرة .. فهناك الرجل الحديدي (هندي) أقوى رجل في العالم في صناعة وتجارة الحديد .. ولا يستطيع أي شخص منافسته ....

أماعن إرتفاع مواد البناء في العالم أجمع ... فهذا غير مرتبط بدخل المواطن في أي مكان في العالم ... والمقارنة هنا غير صحيحة (مع إحترامي) ...

فسعر طن الحديد أو الأسمنت لم يكن يوماً مقوماً بالمقارنة مع دخل الفرد في أي مجتمع من المجتمعات أو في أي عصر من العصور ...

ومن المعلوم أن أسعار العقارات في العالم أجمع إرتفعت بشدة خلال العامين الماضيين لعدة أسباب .. منها زيادة أسعار وتكاليف المواد الخام الداخلة في البناء ..مثل الحديد والأسمنت ومواد الكهرباء .. الخ .. ومنها المضاربة في العقارات ...

أما تخفيض أسعار مواد البناء ليكون هناك ما هو شعبي منها ليناسب كافة طوائف الشعب .. ومحدودي الدخل .. فلم يكن هذا موجوداً في يوماً من الأيام أو في أي عضر من العصور ..

ولكن هناك حلول ممكنة .. منها التمويل العقاري .. والتقسيط على سنوات طويلة .. أو تشريع نظام إيجاري عادل .. ومناسب للمجتمع المصري ..

وفي الحقيقة كان في كل العالم وعلى مدار العصور .. ولازال طبعاً .. الإتجار في العقارات .. وبناء المشروعات العقارية هو نشاط إقتصادي مقصور على الأثرياء فقط .. لأنهم هم الذين يمكنهم تحمل تكاليف هذا النوع من الأنشطة الإقتصادية دون غيرهم ..

أما كوننا نكره الفساد في مصر .. ونحن ضده بدون شك .. ونحاربه بكل قوتنا ...

فهذا أمر مفروغ منه ولاجدال فيه ..

[جلال أنيس]

هناك برنامج ممتاز اسمه بيت العائلة

لا يكلف اكثر من 60 الف جنيه، وبناء على 65 متر دوين يعني 130 متر مباني

وحوالي 85 متر حديقة

فيلا صغيرة يعني

وتاخد قرض 15 الف والارض مجانا وتنسدد براحتك

انصحك بالاشتراك فيه

وده بصراحة من المشروعات القليلة اللي عملتها الحكومة لمصلحة الشعب

يعني مرة من نفسهم يعملوا حاجة كويسة

[الباشا المصري]

الاخ العزيز جلال انيس

جزاك الله خير على المعلومة انا اول مرة اسمع عنها

ياريت تفيدنا ازاي اقدر اشترك في المشروع دا بيت العيلة وهو موجود في اي مناطق

جزاك الله خير انا منتظر الرد واكيد في كثير شافوا المشاركة وعاوزين معلومات عن الموضوع

جزاك الله خير وبالتوفيق

[se_ Elsyed]

أسف إذا كان كلامي هايضايق حد ...

لكن والله ما هي منظرة ولا رأسمالية برجوازية مُتسطلة

الـ 65 متر مباني يا جماعة يعني يادوب أوضتين وطُرقة وحمام صغنن وإذا كان في مطبخ يبقى خير وبُركة أو نقضيها سلمن وبلوبيف ... وبشكل عام الواحد ممكن يمشي في البيت ده بطريقة السمبوكسات ولو واحد تخين شويه هايبقى نصه في بيته والنص التاني عند الجيران

وكتر خيرك يا حكومة ... 15 ألف ج دول مسح زور لو بنيت لك بيت بالشكل ده ويادوب ثمن 5 طن حديد تزود عليهم كمان 5 طن وترمي بهم الأساسات وتقف تبكي على الأطلال ...

لا يغرنكم الأرقام اللي على الورق .. فالطبيعة تختلف تماماً .. والدليل على ذلك مساكن الشباب اللي بنوها في المدن الجديدة ومساحتها 65 متر برضوا والواحد لو خلف عليل يرميه في الشارع لغن مالوش مكان .. وأخر إستخراع للحكومة هو مساكن غير القادرين .. عارفين مساحتها كام ؟

الشقة مساحتها الكلية 30 متر مربع !!!!!!!!!!!

والله العظيم قعدت مع واحد دكتور مهندس وقلت له أنا عايزك تفهمني تيجي إزاي دي ( شوفتوا فيلم خلي الدماغ صاحي بتاع مطمئن أفندي سلطان لما نزل من عالم الجان لعالم الإنس وعجبوا قوي إختراع الحواوشي وفضل طول الفيلم يبحث عن سر الخلطة بتاعته وبرضوا ماعرفش ) وفي الأخير أحمد بك المغربي يقول بالحرف الواحد .. إحمدوا ربنا ده الحكومة الهندية بتعمل شقق مساحتها 20 متر مربع .. يعني يادوب تفتح باب الشقة تلاقي حيطة في وشك أو على الأقل بلاطة مربعة تنام عليها وإنت واقف ....

أقول لكم على حاجه ( الكلام غير موجه للباشا المصري لإن شكله كده أخره مساكن الزلزال اللي في منشية ناصر :wub: wst:: )

عارفين 350 متر للحديقة بيبقى شكلهم إزاي ؟

واحد يقولك يـــــــــــــــــــاه يعني يبقى عندي جونينه بعرض 20 متتتتتتتتتر في طول 17 متتتتتتتتتتتتتر .. أقولك غلط يا حبيبي

لإن إنت كده بتفترض إغن المباني هاتبقى مركونة في زاوية ولازقه فيها والباقي هووووووووو وفاضي .. وده غلط لإن في مسافات لازم تتساب جنب كل جار او جنب سور الحديقة نفسها على الأقل تكفي لمرور سيارة وبالتالي لو سبت مساحات من الأربع جهات .. يبقى يادوب هاتفضل لك حتة جونينه تحط فيها تربيزة وشمسية وتحتسي شاي الساعة الخامسة مع الإنجليش كيك ..

الكونت سين سين من أمام قصر بيكنج باودر ... أقليم التفاح

[جلال أنيس]

جيد جدا يا أخي العزيز سي السيد أن يكون بيننا من هم من امثالك من أبناء الطبقة الارستقراطبة المصرية التي عاشت دوما في حياة مترفة ولم تعرف إلا حياة القصور والفيلات

طبعا سيادتك معذور انك تعتقد ان 350 متر مكان ضيق ولا يكفي اسرة، لانك لو كنت عشت في قصر منيف تحف به الحدائق، فمن الطبيعي ان تعتبر ان هذه المساحة ضيقة.

لكن صدقني هناك أسر تعتبر ان مساحة 65 متر مبنية دورين هي مساحة ممتازة وفوق الممتازة، وكمان معهم 85 متر فضاء يعني يعيشوا فيهم مرتاحين جدا.

للاخ اللي سال عن المشروع وتفاصيله، المشروع اسمه بيت العائلة، ويتم الحجز له في جميع المدن الجديدة او التجمعات، يعني في أي جهاز لمدينة جديدة، أو جهاز تجمع هتلاقي جميع التفاصيل موجودة، وحاليا أعتقد فيه أراضي كثيرة مطروحة.

مع التحية.

[msoleiman]

اسف انت كنت اتأخرت في التعليق لكن اتمنى اني اقدر افيد و عموما المعلومات دي من واقع خبره ودراسه:

شوفوا يا أساتذه: المتر المكعب من الخرسانه المسلحه بياخد250 - 350 كيلو اسمنت (يعني ثلث طن) و 125 كيلو حديد و طن رمل وزيه ظلط و الوزن الصافى لمتر الخرسانه دي حوالي 2700 كيلو جرام (وبيعمل 6 متر مسطح لو في عواميد او 8 متر مسطح لو حوائط حامله بدون عواميد) وبتكاليف اليوم يبقى صافي خامات كل متر مسطح حوالي 120 جنيه ضيف عليهم 180-200 جنيه لو هتبنى عن طريق مكتب و 80-100 جنيه لو هتبني بنفسك (مهندسين وعمال), اما الأساسات بتكون حسيره بتتكون من ارتفاع متر خرسانه عاديه (من غير حديد) و نصف متر خرسانه مسلحه بس تكلفت تشغيلها بتختلف يعنى ادي تكلفة الأساس مره ونص تكلفه اي دور تاني تقريبا, يبقى نطبق الكلام ده على 400 متر(من غير تشطيب):

أولاً عن طريق شركه مقاولات:

الأساسات = 400 * 300* 1.5 = 180,000

البدروم (لو هتعمله) = 400 * 300 = 120,000

الدور الأول = 400*300=120,000

الدور الثاني=400 *300 = 120,000

الروف (25%)= 400*300*0.25 = 30,000

الرخصه (25% + 25% دور ثان)حوالي 80,000

المجموع = 180,000+120,000*3+30,000+80,000 = 650,000 جنيه مصري

ثانيا عن طريق البناء بنفسك :

الأساست = 400 * 200* 1.5 = 120,000

البدروم (لو هتعمله) = 400 * 200 = 80,000

الدور الأول = 400*200=80,000

الدور الثاني=400 *200 = 80,000

الروف (25%)= 400*200*0.25 = 20,000

الرخصه (25% + 25% دور ثان)حوالي 80,000

المجموع = 120,000+80,000*3+20,000+80,000 = 460,000 جنيه مصري

أما بخصوص ال 150 متر بتاع بيت العيله فهي ممتازه إذا كنت تبني عليها فيلا صغيره على مساحة 65 متر

يعني الأرضي ريسبشن 5*8 + مطبخ 2.5 *4 +حمام ضيوف 1.5*2+ 5متر فواصل حوائط+والباقي (8 متر للسلم)

اما الدور الثاني يكون ثلاث غرف نوم متوسط 3*4 (غير البلكونات طبعا)+ 5متر فواصل حوائط +2 حمام متوسط 2*2.5 +معيشه 3*3 + سلم (8 متر )

وابقى اعمل غرفه الغسيل على الروف

يعني فوق الممتازه وفيلا أقتصاديه ومش هتكلفك اكتر من 150,000 جنيه لو الأرض ببلاش (يا بلاش تكلفتها متجبش شقه في منطقه متوسطه) بالمناسبه انا مره كنت في زياره لدوله أوربيه وسكنت في واحده تقريبا نفس المساحه وكانت فعلا رائعه

[msoleiman]

اسف انت كنت اتأخرت في التعليق لكن اتمنى اني اقدر افيد و عموما المعلومات دي من واقع خبره ودراسه:

شوفوا يا أساتذه: المتر المكعب من الخرسانه المسلحه بياخد250 - 350 كيلو اسمنت (يعني ثلث طن) و 125 كيلو حديد و طن رمل وزيه ظلط و الوزن الصافى لمتر الخرسانه دي حوالي 2700 كيلو جرام (وبيعمل 6 متر مسطح لو في عواميد او 8 متر مسطح لو حوائط حامله بدون عواميد) وبتكاليف اليوم يبقى صافي خامات كل متر مسطح حوالي 120 جنيه ضيف عليهم 180-200 جنيه لو هتبنى عن طريق مكتب و 80-100 جنيه لو هتبني بنفسك (مهندسين وعمال), اما الأساسات بتكون حسيره بتتكون من ارتفاع متر خرسانه عاديه (من غير حديد) و نصف متر خرسانه مسلحه بس تكلفت تشغيلها بتختلف يعنى ادي تكلفة الأساس مره ونص تكلفه اي دور تاني تقريبا, يبقى نطبق الكلام ده على 400 متر(من غير تشطيب):

أولاً عن طريق شركه مقاولات:

الأساسات = 400 * 300* 1.5 = 180,000

البدروم (لو هتعمله) = 400 * 300 = 120,000

الدور الأول = 400*300=120,000

الدور الثاني=400 *300 = 120,000

الروف (25%)= 400*300*0.25 = 30,000

الرخصه (25% + 25% دور ثان)حوالي 80,000

المجموع = 180,000+120,000*3+30,000+80,000 = 650,000 جنيه مصري

ثانيا عن طريق البناء بنفسك :

الأساست = 400 * 200* 1.5 = 120,000

البدروم (لو هتعمله) = 400 * 200 = 80,000

الدور الأول = 400*200=80,000

الدور الثاني=400 *200 = 80,000

الروف (25%)= 400*200*0.25 = 20,000

الرخصه (25% + 25% دور ثان)حوالي 80,000

المجموع = 120,000+80,000*3+20,000+80,000 = 460,000 جنيه مصري

أما بخصوص ال 150 متر بتاع بيت العيله فهي ممتازه إذا كنت تبني عليها فيلا صغيره على مساحة 65 متر

يعني الأرضي ريسبشن 5*8 + مطبخ 2.5 *4 +حمام ضيوف 1.5*2+ 5متر فواصل حوائط+والباقي (8 متر للسلم)

اما الدور الثاني يكون ثلاث غرف نوم متوسط 3*4 (غير البلكونات طبعا)+ 5متر فواصل حوائط +2 حمام متوسط 2*2.5 +معيشه 3*3 + سلم (8 متر )

وابقى اعمل غرفه الغسيل على الروف

يعني فوق الممتازه وفيلا أقتصاديه ومش هتكلفك اكتر من 150,000 جنيه لو الأرض ببلاش (يا بلاش تكلفتها متجبش شقه في منطقه متوسطه) بالمناسبه انا مره كنت في زياره لدوله أوربيه وسكنت في واحده تقريبا نفس المساحه وكانت فعلا رائعه

[msoleiman]

أسف كمان اذا كنت نسيت الدور الأرضي لكن ممكن تضيفه بنفس تكلفه الدور الأول وايضا الحوائط مضافه ضمن تكلفه المتر المسطح ودا كله من غير تشطيب لكن تقدر تحسب التشطيب من 100-200 جنيه لكل متر مسطح على حسب رغبتك في التشطيب

[se_ Elsyed]

جيد جدا يا أخي العزيز سي السيد أن يكون بيننا من هم من امثالك من أبناء الطبقة الارستقراطبة المصرية التي عاشت دوما في حياة مترفة ولم تعرف إلا حياة القصور والفيلات

طبعا سيادتك معذور انك تعتقد ان 350 متر مكان ضيق ولا يكفي اسرة، لانك لو كنت عشت في قصر منيف تحف به الحدائق، فمن الطبيعي ان تعتبر ان هذه المساحة ضيقة.

لكن صدقني هناك أسر تعتبر ان مساحة 65 متر مبنية دورين هي مساحة ممتازة وفوق الممتازة، وكمان معهم 85 متر فضاء يعني يعيشوا فيهم مرتاحين جدا.

للاخ اللي سال عن المشروع وتفاصيله، المشروع اسمه بيت العائلة، ويتم الحجز له في جميع المدن الجديدة او التجمعات، يعني في أي جهاز لمدينة جديدة، أو جهاز تجمع هتلاقي جميع التفاصيل موجودة، وحاليا أعتقد فيه أراضي كثيرة مطروحة.

مع التحية.

يا أخي الكريم لو سمحت تنقطنا بسكاتك ولو عندك كلمة كويسة وإضافة للموضوع يبقى خير وبركه .. ولو ما عندكش يبقى السكوت أفضل .

[الحاج فوزى]

عزيزى msoleiman

روح يا شيخ الله يباركلك :blush2: :blush2:

اول واحد يفنط الحسبة حته حته كده

بس ملفت للنظر جداً انك لو هتبنى بنفسك هتوفر ما يعادل 40% !!!

بس هل من السهل ان الواحد يستغنى عن المكتب ويقوم بالعمليه لوحده ؟!

طبعا حتى لو صعب .. ً الفرق يخليه سهل .. بس هل اصلاً الإمكانية متاحة لمن هو غير متخصص فى الموضوع ؟

يعنى هل هناك خطوات 1 ، 2 ، 3 ، 4 لو مشيت عليها اقدر امرر عملية البناء بسلام دون ضرر تحت اشرافى ؟

[msoleiman]

عزيزي HUSS :

المقصود بالبناء بنفسك مش معناه تحت إشرافك الفني (أسف على عدم التوضيح مسبقا) بس معناه انك بتشوف مقاول من الباطن عنده الخشب و هو بيجبلك العمال وكمان بتتعاقد مع مهندس حر يكون موظف عندك طول فتره التشغيل علشان يعرف يتعامل مع المقاول والعمال وبكده تضمن تنفيذ المبنى زي الرسومات وكمان علشان المهندس بيمضي في الأخر علشان لو في مسئوليه بعد كده لا قدر الله وده كله متوفر في السوق المصري، وحسبة التكاليف دي (المقاول والعمال والمهندس والرسومات) بنفس المستوي المذكور سابقا (80-100 جنيه /متر مسطح) ، وبالطريقه دي بتدي الخامات حقها اللي عمرك ما هتشوفها من شركه مقاولات لأن الشائع عندهم هو 150-200 كيلو اسمنت+70-80 كيلو حديد للمتر المكعب (يعني تقريبا نص الكميات المطلوبه)

[se_ Elsyed]

بعد إذنك يا أستاذ محمد

إسمح لي أصحح نقطة إنت قلتها

الدور الأول = 400*200=80,000

ده لو بنيته عن طريقك

وأنا عن تجربة عملية قريبة جداً

الدور الأول عمدان وسقف (هوردي كمان وليس فلات سلاب ) إتكلف 120 ألف ( مساحة 350 متر مربع فقط ) .. السقف لوحده 80 مقفوله ... خد عندك بقى نطت الحديد اللي حصلت حوالي 200 ج في الطن يبقى زود كمان 15000 ولا حاجه

أما أفضل طريقة للبناء فهي :

1- تبني بنفسك : يعني إنت اللي تشرف على شراء المون وحساب المقاول .

2- لازم ولابد وحتماً تستعين بمكتب إستشاري محترم : لسبب بسيط جداً عشان م بقرش ملح تبوظ طبخه بألوفات ..

الناس أول ما تسمع كملة مكتب إستشاري هاتقول ياما هنا ياما هناك وهاندبح يا عم .. لكن لما تعرف إن مكتب محترم وصاحبه راجل دكتور مهندس وأكاديمي له إسمه ولديه العديد من المهندسين تحته .. بياخد إشراف على الدر حوالي 2500 ج ( عمدان وسقف وبناء طوب )

يبقى أظن الكلام ده لا يُذكر والواحد يجيب حد فاهم أحسن الدنيا ما تبوظ ويقول ياريت اللي جرى ما كان

والمهندس الإستشاري ده بيكون معاه الرسومات المعتمدة اللي هو راسمها وبيبعت يومياً مهندس من طرفه معاه الرسومات يشرف على العمال اياً كانوا وييجي في التشطيب سواء تقفيل خشب أو حديد او صب خرسانة أو بناء طوب عشان يستلم بنفسه ... ولو في هفوه بيخليهم يهدوا الشغل كله على حساب المقاول إذا كان غير مطابق للمواصفات اللي هو حاططها ..

يبقى كده تستاهل ونص وتلاتة أرباع كمان

أما لو إنت كنت خبير ذرة ووقفت أمام المقاول ومعاك مهندس صغير مثلاً فهاينضحك عليكم إنتم الإتنين للصبح

تحياتي،،،

[msoleiman]

عزيزي M ElSayed :

كلامك صحيح واللي انا ذكرته متوسط بمعنى ان كل دور بيتكلف أقل من الدور اللي تحته علشان سمك الحوامل بيكون أكبر في الأدوار السفلى وكمان بيعتمد على عدد الأدوار يعني الدور الأول فى عماره 12 دور بيتكلف أكتر من الدور الأول في فيلا من 3 أدوار وكمان اللي هتصرفه زياده في الدور الأول هتوفره في الأدوار اللي فوق منه، وكمان أنت وشطارتك مع المقاول

أما بخصوص المهندس الأستشاري فطبعا زي ما أنت قلت كل ما كان فاهم شغله أكتر كل ما يديك جوده أكتر،

وكمان نقطه مهمه انك تحاول تجيب مقاول ما يعرفش المهندس ويكون لك نظره بينهم علشان ما يجاملوش بعض على حسابك

كمان عن تجربه انا لما فكرت ابني اول مقاول قالي هاخد 200 جنيه تشغيل عن المتر المسطح لكن لما دورت لقيت واحد تاني واكتر جوده اتفقت معاه على 90 جنيه يعني 110 جنيه فرق في المتر، شوف لما يكون الدور 400 متر هتفرق معاك حوالي 44,000 جنيه

تم تعديل 29 أبريل 2007 بواسطة msoleiman

[الباشا المصري]

اشكر الاخ msoleiman على هذه المعلومات التي افادتنا كثيرا

واشكر الاخ المميز se_ Elsyed على مده لنا بالمعلومات وعدم بخله بالمعلومات

ولكن لي سؤال يااخواني هل البدروم ممكن نعيش فيه ولا بيستخدم في ايه اصل الناس بتفتكر دايما ان البدروم دا تحت الارض وطبعا ما ينفعش للسكن بس بشوف اعلانات يقولوا فيلا دوبلكس بدروم وارضي هو البدروم بيتسكن ولا ؟

السؤال التاني هل يا ترى في حد يعرف اسعار الاراضي ف العبور فيلات وصلت كم بس ياريت معلومات من احد كان لسا ف مصر او على اتصال بالواقع وانا اعرف ان س س خبير ف منطقة العبور ؟

وجزاكم الله خير

سلام :lol:

[se_ Elsyed]

أهلاً بالزبون اللي كل يوم ييجي المحل يفعص في البضاعة وبعدين ياخد بعضه ويمشي ولا بيشتري ولا بيبيع ....

بص يا باشبوش ..

البدروم ده عيشة الملوك ..

وإوعى تفتكر إني أقصد البدروم اللي بيطلع في الأفلام والمجاري ضاربه فيه وكله رطوبة ..

ولكن البدروم في الفيلا غالباً بيبقى مساحة مفتوحة وبها قليل من الجدران الفاصلة .. وبالتالي البشوات اللي زيك كده بيوضبوه ويعملوه ريسبشن .. عندك حفلة عيد ميلاد .. سبوع .... إبنك خد الإعدادية .. يبقى التجمع والحفلة في البدروم .. وفي ناس أنا شوفتهم في العبور بيعملوا حمام السباحة في البدروم ... وغالباً برضوا بيبقى نصه مغطى بسقف البدروم والنصف الأخر في الخارج .. وده ليه ؟

عشان لو في ستات تستخدم حمام السباحة تبقى في الأمان ومش مكشوفة وفي نفس الوقت يبقى النصف اللي خارج المباني الشمس وصله له والحركات دي ...

كمان ممكن تستغله وتعمل زرع تحت جنب القاعدة بتاعتكم وبيبقى منظرها جنان ...

وممكن تستغله جزء منه باركنج لأسطول العربيات اللي عندك

أما عن أسعار أراضي الفيلات في العبور دلوقت فهي في المتوسط 500 ج ( الأسعار من حوالي سنتين وأقل كمان ما كانتش كده .. يعني أبو 500 كان بـ 300 ج ) وكله زي ما قلتلك قبل كده ( توتو على كبوته .. وفلوسك تكون جاهزة على الترابيزة لإن مافيش حد هايقسط لك )

وبرضوا ممكن تلاقيها آب أور داون حسب موقع الأرض في المنطقة نفسها أو في الحي :

- بمعنى والكلام ده مُكرر ولو سمعت إنك روحت وماشترتش يا باشا مش هارد عليك في أي مداخلة تاني بعد كده :lol:

* أرض في الحي السابع مثلاً ... لو قريبة من الطريق العام بتبقى أغلى من اللي محدوفه جوه شويه ... أرض واخده ناصية غير اللي لطش على طول عالشارع .... أرض الشمس ضاربه فيها طول النهار غير واحده تاني بحري وهواها يرُد الروح .... أرض قدامها جنينه غير واحده تانية بتطل على شارع عادي ... إلخ إلخ إلخ

" الأرض يختلف سعرها حسب الحي .. وزي ما قلت لك اول ما بتدخل العبور بتلاقي على شمالك ملاهي جيرو لاند بعدها نادي كايرو إيه سي ميلان الرياضي جنبه على طول جولف سيتي بعده الحي السابع ثم الحي السادس وهكذا

فبتلاقي الحي السابع والخامس أعلى أسعار لإنه أكثرً رُقياً من حيث نوعية السكان وكثافة السكان وإكتمال الحي من حيث المباني والخدمات .... إلخ

[الحاج فوزى]

عزيزى الباشا المصرى ..

والله انت كمان يا شيخ الله يباركلك ..

انا كنتت خايف اسأل على موضوع البدروم ده .. خوفاً من تعليقات المخضرم س السيد اللازعة والساخرة ..

لكنى لم افهم ما المقصود بنصف داخل المبنى ونصف خارجه ! يا ريت توضوح يا س س وبدون تريقة

ما تدينى الأمان يا عم س س علشان اعرف اتكلم فى الموضوع ده براحتى :)