ما هي تكلفة بناء فيلا في مصر ؟

[الباشا المصري]

الاخ الغالي س سيد

1- طب هل التوكيل دا امان ؟

2- لو رحنا وكملنا تمن الارض للجهاز يعني دفعت كل الاقساط اقدر اغيرها باسمي ولا ما ينفعش اغير لان نظامهم تقسيط على سبع سنوات ؟

مرسي انت بتحرجني بذوقك وطول بالك علينا :closedeyes:

:rolleyes:

[MOOOM]

مساء الفل على الجميع

ياسي السيد أنا عارف إن مشاركتي في المحور جت بخسارة عليك .. بس معلش استحملني ..

وبالنسبة لنظام المشاركة أنا عارف إنه قليل جداً وكذلك لا يوجد طبعاً حد هييجي يقولك تعالا شاركني من الباب للطاق .. يعني أكيد هيكون معرفة

بس سؤالي هو : ما هي النسبة العادلة تقريباً في المشاركة ؟؟

وشكرا

[se_ Elsyed]

التوكيل أمان طبعاً

لكن هي زي ما قلت لك عملية غلسة .. وكل ما حد ييجي يتكلم عن الأرض هاضطر تطلع له التوكيل وتقوله إنها مابقتش بتاعت فلان الفلاني ...

وما أحب يا خويا على الحكومة إنك تسدد لهم بدري بدري وساعتها تنقلها بأسمك - مجاناً - بالجهاز ...

-----------

ياسي السيد أنا عارف إن مشاركتي في المحور

ما هو علشان إنت واقف في حته غلط ..

إحنا في الصحراوي دلوقت .. إيه اللي خلاك تطلع المحور وإنت عارف إنه بيبقى ضلمة بالليل ... ؟ :closedeyes:

ما هي النسبة العادلة تقريباً في المشاركة

ما لهاش معادلة بتقول 1+1 إيكوال تو :rolleyes:

ولكنها تعتمد على الإتفاق بين الشركاء .. وأحسن حل لها هي موضوع الأسهم ... يعني تحسبوا الأرض بكام وإنتو كام وهاتكلفوا كام وكل واحد هايساهم بكام وتقسموها أسهم ...

أعرف أصدقاء لي أخدوا أرض فيلا في التجمع وأتشاركو حوالي 4 مع بعض وجابو شركة مقاولات بنت لهم الأرض وأخدت منهم الجراج والدور الأرضي من ضمن تكاليف البناء وهما كل واحد اخد شقة وفي الأخير بعد ما الشقة بقت واضحة المعالم وقف عليهم المتر بـ 750 ج .... فكانوا هما الكسبانين بكل المقاييس ... لدجرة إنهم بيفكروا يلبعوا اللعبة دي تاني ...

شوف إنت بقى لما تحب تشتري شقة بيقف عليك المتر بكام هناك ؟

لكن زي ما قلت لك هي مسألة توفيق ... منين أجيب ناس .. وفين ألاقي الشركة وهكذا ..

بالمناسبة بقى ... في أحد الأصدقاء عنده شقة 134 متر هما أساساً شقتين كل واحدة بس فاتحهم على بعض .. في مدينة لعبور ... عارضها للبيع ... اللي يحب ممكن أجيب له التفاصيل وإزاي يتصل به وإيه نظام الشقة .... لإن بصراحة لا أعرف أي تفاصيل وما أتكلمتش معاه بعمق يعني ..

[MABELGABRY]

بالنسبة لأراضي القرعة في المدن الجديدة ممنوع التنازل إلا بعد البناء - على الأقل ده المكتوب في العقد -- ايه الحكمة في كده : :closedeyes:

[se_ Elsyed]

بالنسبة لأراضي القرعة في المدن الجديدة ممنوع التنازل إلا بعد البناء - على الأقل ده المكتوب في العقد -- ايه الحكمة في كده : :closedeyes:

نخلي بالنا برضو يا جماعة إن تلك الأراضي وخصوصاً أراضي العماير بتبقى مُدعمه أو متباعه من الدولة بأسعار معقولة .. فحكاية التنازل او التسقيع أو المضاربة في تلك الأراضي بتنفي غرض التعمير ...

إيه الفايدة إن الدولة عايز تعمل إمتداد عُمراني في المُدن الجديدة وموفرة المرافق والخدمات وأراضي بأسعار معقولة جداً وبعدين في الأخر الناس تتاجر في الأراضي دي وتفضل المُدن رملة وصحراء لعدة سنوات ؟

[الباشا المصري]

مساء الخير على الجميع وعلى قائد الحوار س سيد

1- التوكيل لو صاحبه مات يعتبر لاغي صح ؟ يبقى فين الامان لو مات رجعت الارض للورثة

2- البناء ممكن ياخد وقت اد ايه لو قلنا الفلوس جاهزة يعني طخ طخ طخ اقصد يعني ينفع في الاجازة

مرسي كثير على مجهوداتك :closedeyes:

[abo nour]

الاخ سي السيد اشكرك على الرد ويارب الشغل يخف عليك شويا

انا كنت اقصد ان في ناس اشترت ارض من الجهاز في اقرعة الاخيرة ونظامها

سماح ثلاث سنوات فات منهم سنة الوقتي والاقساط سبعة اولهم بعد ثلاث سنين ولا سنيتين

الناس دي بتطلب اوفر مائة وخمسين الف مثلا او اي مبلغ

طب هل الناس دي بتتنازل في الجهاز اناسئلت قالوا نو الجهاز نو بس بتوكيلات

سؤال على هذه الاراضي بالذابت اللي السداد على سبع سنين بالتقسيط

هل في تنازل في الجهاززززز ولا لأ

وجزاك الله خير

[abo nour]

الاخ سي السيد اشكرك على الرد ويارب الشغل يخف عليك شويا

انا كنت اقصد ان في ناس اشترت ارض من الجهاز في اقرعة الاخيرة ونظامها

سماح ثلاث سنوات فات منهم سنة الوقتي والاقساط سبعة اولهم بعد ثلاث سنين ولا سنيتين

الناس دي بتطلب اوفر مائة وخمسين الف مثلا او اي مبلغ

طب هل الناس دي بتتنازل في الجهاز اناسئلت قالوا نو الجهاز نو بس بتوكيلات

سؤال على هذه الاراضي بالذابت اللي السداد على سبع سنين بالتقسيط

هل في تنازل في الجهاززززز ولا لأ

وجزاك الله خير

[بنت الشاطئ1]

السلام عليكم

ممكن سؤال يا جماعة

انا اسمع عن منطقة فيصل

قرأت فى الجريده اعلان عن شقة 2 ورسبشن بسعر 45000

و3 زرسبشن بسعر 65000

وفيلا دوبلكس 180 متر بسعر130000

انا قرأت موضوع لو بتدور على عيشة سعيدة اللى فى المنتدى

ولى عدة استفسارات لكن مش الان

وكذلك هذا الموضوع الجميل تكلفة بناء فيلا انا وصلت للصفحة الخامسة ما شاء الله على المعلومات

وفى كمان مكان اسمه المريوطية اول مره اسمع عنه رخيص جدا

ايه رأيكوا ممكن تفيدونى

[se_ Elsyed]

مساء الخير على الجميع وعلى قائد الحوار س سيد

1- التوكيل لو صاحبه مات يعتبر لاغي صح ؟ يبقى فين الامان لو مات رجعت الارض للورثة

مرسي كثير على مجهوداتك :cry1:

ما تخنقوقنيش نيش نيش يا باشا

مانا قلت لك

مش حالك بالتوكيل وبيع لنفسك يا عم على طول وبالتالي بقى يموت ولا يتحرق صاحب الارض مالناش دعوة ...

البناء ممكن ياخد وقت اد ايه لو قلنا الفلوس جاهزة يعني طخ طخ طخ اقصد يعني ينفع في الاجازة

لو بتتكلم عن اجازة 6 شهور ... يبقى شغال

ولو بتتكلم عن اجازة من ام شهر بتاعتنا دي ... يبقى تعيش انت يا حاج

ده انت بالصلاتو عالحبيب محتاج شهر بس تقعد تغير في الرسومات وتجيب الحمام مكان المطبخ والسلم مكان اوضة النوم وهلما جرا

لكن هاطول بالي عليك واقول انك خلصت الرسومات وبالتالي هاتبتدي تبني

يبقى سواء فيلا او عمارة والفلوس في الشكارة .. يبقى بالصلاة عالنبي يا معلم باشا عشان تنتع الاساسات ودور ارضي ودورل اول ومن عني دور تالت ولو كل حاجة ماشية زي الساعة السويسري .. يبقى بتتكلم في 3 شهور

عضم بس .. يعني هيكل خارجي وممكن طوب ده ما بياخدش وقت اساساً

-------------------------------

اختنا بنت الشاطيء سألت

انا اسمع عن منطقة فيصل

قرأت فى الجريده اعلان عن شقة 2 ورسبشن بسعر 45000

و3 زرسبشن بسعر 65000

وفيلا دوبلكس 180 متر بسعر130000

مع كامل الاحترام

بلاش سكة فيصل دي عشان كلها لبش وحتت عشوائية وشعبولا وكلام من ده ومش هاتسلكي يا بنت الشاطيء هناك وعشان كده الاسعار مضروبة هناك

[بنت الشاطئ1]

شكرا لك يا استاذ سى السيد

لكن هل فيصل كلها بهذا الشكل حتى الفلل؟

انا عندى استفسار عن العبور

فى مداخلة سابقة قيل ان العبور اقل جذلا لأنها فى القليوبية

هى فين القليوبيه

يعنى العبور لا تعتبر فى القاهرة وكم المسافة بينها وبين مصر الجديدة مثلا

ثانيا مشروع وادى الملوك كيف اصل اليه

وهل الاسعار معقوله

[MABELGABRY]

شكرا لك يا استاذ سى السيد

لكن هل فيصل كلها بهذا الشكل حتى الفلل؟

انا عندى استفسار عن العبور

فى مداخلة سابقة قيل ان العبور اقل جذلا لأنها فى القليوبية

هى فين القليوبيه

يعنى العبور لا تعتبر فى القاهرة وكم المسافة بينها وبين مصر الجديدة مثلا

ثانيا مشروع وادى الملوك كيف اصل اليه

وهل الاسعار معقوله

الاخ العزيز سي السيد صعبان عليا --- انا بأحييه على طولة باله وكرمه بمعلوماته --- ودي مساعدة صغيرة مني :)

على كل الفلل اللي تقصديها يا اخت بنت الشاطيء بتبقى دورين في عمارة على شارع عرضه 7 متر غالبا في منطقة ؟؟؟ لو بالسعر اللي حضرتك بتقوليه -- انا شخصيا شفت واحدة كده

اقل جذلا دي مش مفهومة اظن تقصدي اقل سعرا -- القليوبية دي اللي عاصمتها بنها وتبعها برضه شبرا الخيمة -- (هي فين بنها ؟؟)

اعتقد ده تقسيم اداري فقط -- يعني العبور مثلا اقرب للقاهرة من الشروق --- المسافة من مصر الجديدة للعبور حوالي 35 دقيقة

انا ماعرفش وادي الملوك ده فين ممكن حد من اصدقاء المنتدى هنا يفيدك ان شاء الله

[بنت الشاطئ1]

شكرا يا استاذ MABELGABRY

انا اقصد اقل جذبا انا اسفة للغلطة الاملائية

وبالنسبة للفلل التى تقول حضرتك انك رأيتها هل هى فى فيصل ام فى مكان اخر

وايه اسعارها ورأيك فى المكان نفسه

شكرا

[MABELGABRY]

هو كان اعلان في الوسيط عن شقة في الدورين السابع والثامن مفتوحين على بعض -- مساحة الشقتين مع بعض 160 متر -- المشكلة ان الشارع ضيق و مافيش جراجات تحت --- المكان مش شارع فيصل نفسه لكن شارع متفرع من شارع متفرع من كفر طهرمس --- السعر كان 160 الف والمكان ماعجبنيش -- واعتقد وصف فيلا من الاساس مش مضبوط في الحالة دي بس ده مش تعميم ....

[بنت الشاطئ1]

انا اول مرة اسمع عن كفر طهرمس

بس انا بحثت عليه على النت

احنا كدا وصلنا بولاق

بلاش فيصل

خلينا فى المدن الجديدة احسن

[se_ Elsyed]

إلحقني يا جابري ياخويا أحسن الزباين اللي ما بيشتروش دول طحنوني .

-------

بصي يا بنت الشاطيء عشان تريحي نفسك ...

لو عايزة تضاربي وتتاجري في العقارات يبقى تعملي اللي إنتي بتعمليه ده وتسألي في الشرق والغرب والشمال والجنوب .. مش فارقه .

أما السكن والإستقرار فيفرق تماماً وهو العكس أيضاً تماماً

بمعنى : لو أنا بادور على شقة في القاهرة .. ما ينفعش أقعد أقارن فيصل بالعبور بـ 6 أكتوبر بالمريوطية .. إلخ ..

فإيه اللي جاب عيشه لأم الخير ؟

أنا الأول بأحدد المنطقة .. يعني مثلاً مدينة نصر والتجمع والرحاب .. قريبة من بعض وفي نطاق واحد .. فبالتالي مش هاتشتت

اجي مثلاً للعبور والشروق ... في نفس النطاق وهكذا

والإختيار النهائي بيتوقف على عوامل كثيرة منها الراحة النفسية والميزانية المادية و و و

بالنسبة حضرتك سألتي العبور ليه تبع القليوبية ؟

لإنها تقع على طريق الإسماعيلية الصحراوي وأول طريق بلبيس الصحراوي أيضاً .. وليس لها علاقة بالقليوبية كمحافظة وزراعة و و و

وعشان أريحك ..

المدن الجديدة سواء 6 أكتوبر و الشروق والعبور بتتبع جهة تُسمى " جهاز المدينة " وهي جهات متشددة جداً في المحافظة على شكل المدينة ومنع حدوث عشوائيات أو تجاوزات .. يعني ما ينفعش ألاقي فيلا في قلب عماير أو العكس .. ما ينفعش يبقى الإرتفاع المسموح به 4 ادوار والاقي واحد باني مع نفسه 6 أدوار ... من رابع المستحيلات يحدث هذا

هاضرب لك مثل وقلته قبل كده في احد المواضيع

ماشي بالعربي يوم كده لقيت قوات شرطة وبلدوزر ومعاهم ونش وشغلانه .. أنا قلت رايحين يحرروا فلسطين ولا حاجه .. كبرت في دماغي أمشي وراهم أشوف هايعملوا إيه

اتاري القوات دي كلها رايحه تنزع يافطة تجارية لأحد مكاتب العقارات لا تعتعدى متر ونص في متر .. راح المكتب في خلسه من الزمن راح معلقها على جدران أحد المباني

طبعاً بيتخالف على كده

والعملية منظمة جداً

فهناك شركة مصرح لها للإعلانات من خلالها فقط ... وهكذا بقى في الأمن والنظافة وتنسيق الحدائق

وعشان أريحك أكثر إن هذا الأسبوع صدر قرار حكومي بتشكيل شركة قابضة لإدارة المدن الجديدة

وتخيلي بدأوا بمين ؟

بدأوا بـ 6 اكتوبر والعبور فقط كمرحلة أولى

وده هايسهل حاجات كتير جداً في تقديم الخدمات والتسهيلات لساكني تلك المُدن

لو مش عايزة وجع الدماغ بتاع البناء والكلام ده .. فممكن تنزي أي مدينة جديدة إنتي تحدديها .. وتلفي على مكاتب العقارات هناك وهالتاقي العديد من الفيلات أو العماير الجاهزة ....

عندنا في العبور عديد من الفلل ممكن تقولي عليها قصور معروضة للبيع لأسباب عديدة منها السفر مثلاً أو منها إن صاحبها مرتبط بمنطقة معينة وما يقدرش يسيبها ... وقليل قوي اللي بيبقي بيتاجر وعايز يكسب فقط من البناء ثم البيع .. ولسه واحد رجل أاعمال عارض عليه فيلا متشطبة عالمفتاح دورين بحديقة بتشطيب وما إلى ذلك ومساحتها أكثر من هايله وبثلاثة أرباع مليون وممكن يقسط كمان لو المقدم كان جاهز ومعتبر يعني ... الكلام ده كان في فبراير الماضي وما أعرفش لسه موجوده ولا لأ .. لو مش عاجباكي

يبقى خدي دي

زوجة الملحن المرحوم محمد الموجي عارضة فيلا جنبنا بـ 3 أرانب إنما حاجه وهم أهو منها تسكني ومنها تستمعي بالتراث الغنائي للموجي :)

ها نقرأ الفاتحة ونقولك مبروك عليكي فيلة الموجي يا حاجة بنت الشاطيء ؟ ولا أنتي ليكي في الأغاني الشبابية بس ؟

[بنت الشاطئ1]

لا مليش فى الأغانى خالص

مفيش فيلا مبنى منها شويه يعنى دور مثلا وعلى المحارة

او نص تشطيب عشان الميزانية بس

وحاجة كمان انا مش عارفة احدد المكان اللى انا عيزاه لأنى لسه مش عارفه مكان عملى هيكون فين لما نرجع مصر

انا اطمنت شويه للعبور بعد ما حضرتك مدحت فيها فى هذا الموضوع لكن يمكن اللى مخلينى اتردد اسمها معقولة اسمها العبور وهتكون راقية وجميلة

لكن يمكن لما اشوفها اغير رأيي

انا حتى الان مش عارفة افتح الموقع الخاص بمدينة العبور

يمكن اتغير؟

[بنت الشاطئ1]

إلحقني يا جابري ياخويا أحسن الزباين اللي ما بيشتروش دول طحنوني .

لو لقينا عندك حاجة مميزه بسعر مميز هنشترى على طول

[بنت الشاطئ1]

السلام عليكم

ممكن ارسال موقع الوسيط

شكرا لكم

[مصري بالوراثة]

السلام عليكم ورحمة الله

هذا موقع الوسيط .. رجاء الضغط هنـــا

وهنــــــا إعلانات مصراوي العقارية