الست المشرفة / فولانه هانم الخربوطلي

[se_ Elsyed]

إنتظرونا قريباً على شاشة المحاورات

مع أقوى مسلسلات الموسم

إثارة

رعب

تشويق

بهدله

مع شاشة المحاورات ... إوعى تغير المُنتدى

ربنا يُستر عليكي يا فولانه هانم ... إنتي مش كان نفسك تزرقي .. يالله إستلمي بقى

[Folana]

السلام عليكم ورحمة الله.............

ولو ان البت بنتى بتاعة الاى جى ابوستروف اس .بتمتحن اليومين دول ..والامتحانات جاية نارر..وخصوصا امتحان الميكانيكا العيال ياولداه خارجين منه النهاردة عندهم حول .....الا انى بلغنى ان الاستاذ محمود المليجى السيد..بيصور فيلم عن قصة حياتى ..قلت اما اروح اتفرج شوية وبعدين نرجع نذاكر كيمياء مايضرش....

_____________________________________

تصوير نهار ليلى ساعة المغرب كده ...داخلى فى سرايا فلانة هانم الخربوطلى..........

فلانة هانم تنادى على عبده.....- وعبده دى بقى لها حكاية....فمن المعروف ان سى الافندى بتاع فلانة هانم دمه حامى شطة حبتين ..وعلى شنابه يقفوا صقرين...وفى ايديه ماسكين كلبين..ياصلاة الزين...ومانع منعا باتا دخول اى شنب البيت ..حتى لو كان شنب صرصار...وبناءا عليه ..وعلشان الست فلانة ست كُمل وعاقلة ...استقدمت خادمة نيجيرية واطلقت عليها اسم عبده ...تمجيدا لماضيها الجميل ايام الخادم ماكان اسمه عبده....-

نت يابت ياعبده..تعالى هنا ياخنزأورة....اعملى لى كمادات علشان الزرقان اللى فى جسمى ده يروح...أى..اى..انت حومارة انتى..مافيش نظر..مافيش دم..مش شايفة انى صنف حساس...صنف لطيف...صنف ممنوع من الصرف....

بالراحة شوية ياخرتيتة انت ...

الخادمة عبده تبرطم بكلام مش مفهوم ..وفلانة تنظر لها من فوق النضارة كعب الكوباية ..وتروح ضارباها بالعصا التى تتكأ عليها...

يالا قومى امشى ..وتختفى الخادمة عبدو تصحبها لعنات فلانة هانم..التى تقوم بدورها متكيئة على عصاها الابنوس وتذهب الى الزنكوغراف ..وتدير اسطوانة قديمة ...بينما تجلس على كرسى هزاز وتستعد لسماع اغانى من التراث...

ويأتيها صوت عذب تدندن معه ..."ياحياة قلبى ياكل مناه...معاك عمرى ما قلت الاه.... :excl: "...وعند كلمة اه بالذات ..تتوقف فلانة عن الغناء وتتحسس وجهها الوارم ..وتتذكر ليلة القبض عليها بواسطة جانج المحاوارات..وهى معصوبة العينين والانف والاذن والحنجرة....

وتتوالى الذكريات......................

يالا ياسى السيد كمل بقى........

نلتقى بعد الفاصل...........

[واحد تاني]

وتذهب الى الزنكوغراف ..وتدير اسطوانة قديمة ...بينما تجلس على كرسى هزاز وتستعد لسماع اغانى من التراث...

.........

ياااه يا مدام فولانه والله رجعتينا لزمن الفن الاصيل ...

ايام ما كنا بنسمع ال سي دييز على الزنكوغراف ...

ونطبع اوراق الكورسات على الفونوغراف ...

هييييه كانت ايام ...

يا عبدوو ... وطي صوت الزنكوغراف ده شويه ...:excl:

[Folana]

السلام عليكم ورحمة الله.......

واحد تانى كسبت معايا الجائزة واللى عبارة عن فقرة تقدمها ....عمالة كل شوية ادخل الموضوع علشان اعرف مين حيعلق مالقتش حد ....ولو انك كده حرقت لى اخر الفيلم بس مش مشكلة....دلوقت لك الجائزة والميكرفون معاك بس من غير قصايد الله يخليك هه

[واحد تاني]

السلام عليكم ورحمة الله.......

واحد تانى كسبت معايا الجائزة واللى عبارة عن فقرة تقدمها ....

وعليكم السلام ورحمة الله ... :)

يافندم بلاش توديني ورا الشمس ... B)

عاوزاني اقدم فقرة في كصة اخونا المفكر س س المسلسلة... ;)

وكمان قبل هو ما يخط فيها خط ويمعمع قريحته الكصصية المسلسلية... :excl:

يا مدام فولانة احنا ورانا عيال عاوزين نخلفها ...

بلاش تقطعي عيشنا س س ده ايدي طايلة... B)

الى الامام دائما يا زعيم mfb:

[نانو]

و بينما فولانه هانم مستلقيه علي الكرسي الهزاز و تستمع الي الزنكوغراف اذا بجرس الباب يدق....

انت فالد خرسيس عبدو تعالي بسرعه افتح باب القصر

و تدخل نانو مسرعه الي اختها الكبري التي قامت بتربيتها و كانت في منزله والدتها ......... ان فولانه و حشتيني موووووووووووووووووووووووت

نانوووووووووووووووووو حبيب ان....روح ان.....حياه ان......كل ديه ايام ما تجيش تبوس ايد ن لأ لأ ....ان زعلان كتيييييييييييييييييييييييييييييييييير منك فالد خرسيس حمار انت كمان

و انا برضه اقدر علي زعلك يا روح نانو ......شوفي انا جايبالك معايا ايه؟؟؟؟حزري فزري ...ان

ان تجيب:

سكر بنات؟؟؟؟ توء توء توء

عسليات؟؟؟؟؟توء توء توء

ارواح؟؟؟ توء توء توء

قول يا فالد شقي نانو ....قول لحظراتنا....حمار حظراتنا غلب خلاص

جيبالك معايا غزل بنااااااااااااااااااااااااااااااااات..

الله الله ....اه اي اي

ايه يا ان مالك ايه اللي بيوجعك .؟؟؟؟ نانو تهمهم(يا خبر اسود ديه متشلفطه علي الاخر ..امال لما تعرف هتعمل فيه ايه ...؟؟؟ربنا يستر)

ياله يا ان افتحي بوقك و انا اكلك بايديا دول ....هم يا جمل

و بينما نانو تاكل اختها الكبيره فولانه هانم غزل البنات اذابباب الغرفه العلويه يفتح فتحه صغيره تطل منها جولفدان براسها و فوقها جولدهار

و يتابدلوا لاحديث بصوت منخفض( تفكتري خالتوا نانو هتقدر تقنعها....يا بنتي ما تخافيش ديه ماما بتموت في خالتو نانو و مش ممكن ترفضلها طلب)

تعاود نانو الحديث

شوفي يا ان انا بقه ليا عندك طلب صوغنون ااااااااااااااااااااااااااااااد كدهوه

انت تأمر حبيب ان ...استني ..انت لسه ما شربتش حاجه لغايه دلوقتي نادي علي خنزاؤره عبدو يجيب لحظاراتك قرفه مغليه بالحليب اللي تقول عمرك بتحبها حبيبي

(نانو.... يالهوي ... يعععععععععععععععععععععععععععع هو انا مش ربنا تاب عليا من الارف ده...يالا مش مشكله كله يهون علشان خاطر جولفدان)

ياااااااااااااااااااااااه يا ان....ده انا من زمان ماشربتهوش ووحشني جدااا

انت قولت حبيبي انك عندك طلب ايه هو؟؟؟؟؟

دلوقتي يا ان طبعا انتي عارفه ان جولفدان كبرت و بقت عروسه....و بصراحه هيا جايلها عريس زميلها في الجامعه الامريكيه

و نفسي يجي يبوس ايديكي و يتعرف عليكي لعله ينال اعجابك و توافقي عليه

عريس؟؟؟؟؟؟ لبنت حظرتنا؟؟؟؟؟

و شافها فين العريس ده؟؟؟؟؟

يا ان جمعي ...بقولك زميلها في الجامعه

اه ايفت .....ايفت

و الفالد ديه اسمه ايه؟؟؟؟؟

اسمه سين سن يا ان

سين سين ....ممممممممممممممممممم

اسم يدل علي عائلات عريقات...عائلات محترمات....عائلات عظيمات زي عائله حظرتنا

و يا تري فالد سين سين ديه اعرف ...جولفدان هانم ابنته حظرتنا ..ابن عائلات مين.؟؟؟

يا تري اعرف ان جد ابنتا هو لاظوغلي باشا و لا مش اعرف؟؟؟؟

لا يا ان من الناحيه ديه اطمني خالص

هو عارف كل حاجه؟؟؟

هو يعني يا ان الاسم اللي انتي مسمياه لبنتك ده شويه؟؟؟

ده فاضحها في الجامعه الامريكيه كلها

بتقول ايه فالد نانو؟؟؟؟؟؟؟

لا لا و لا حاجه يا ان ده نا بغني

خلاص يا ان اقوله يجي بكره؟؟؟

لا ..لا بكره لا...لازم اتعب شويه

لازم اعرف اه جاي يناسب عائلات محترمات ...

خليه يجي بعد اسبوع

توطي نانو بسرعه و تقبل ايد فولانه هانم...

ربنا يخليكي يا ان يااارب

اي ...اي براحه علي ايد حظراتنا فالد نانو ...براحه

(نانو تهمهم ايه ديه بقه اكبر مصيبه ....ديه لو عرفت ان سين سين اصلا من فريق الاشراف اللي رزعها العلقه الزرقا اياها

و ان اللي هايجي يخطب معاه هو خاله عادل ابو زيد صاحب الليله ديه كلها....و لا صبح اخوه ...ديه هي اصلا لو سمعت اسمه هتكرشه من علي باب السرايه

يالا ما ليش دعوه بقه...انا عملت اللي عليا وزياده ...و ربنا يستر)

تشكرات ان ...تشكرات عظيمات ان

ثم تخرج نانو من باب القصر مهروله و تطلب سين سين علي المحمول

ايوه يا سين سين ....بص انا عملتلك فرشه محترمه عند ان و مستنياك الاسبوع اللي جاي

و اوعي تتاخر و متنساش تجيب في ايديك قد كيلو كده غزل البنات ...هو ده مدخلها الوحيد ...اه ....و هات معاك سي دي من النوع اللي بيشتغل علي الزنكوغراف لسعد الصغير هيا بتحبه اوي... اوكي و الباقي بقه علي ربنا ثم عليك

سين سين يرد ..ربنا يخليكي يا نانو انا ممكن اعمل اي حاجه علشان خاطر جولفدان

بس او عدك اول حاجه هاعملها اول ما اتجوزها اني اغير اسمها

نانو هههههههههههههههه طيب يا فالح شد حيلك انت بس و استلقي وعدك

[se_ Elsyed]

لا حول ولا قوة إلا بالله

نانو وفولانه راحو في الكازوزه

والله ما كانو كده قبل رمضان

عامة فولانه وعرفنا جرا لها كده ليه .. لإنها لسه بعتيش في مرحلة سكرة الإشراف ..

أما نانو .. فممكن تكون خدتها لها نوك آوت جه ناحية المخيخ فحصل اللي حصل ..

يالله حصل خير وبكره مع جلسات الكهربا وأكل الكحك والغُريبة يخفو ويبقو عال العال ويرجعوا تاني زهرة شابات المنتدى

[نانو]

ما بلاش الحقد اللي طالع من عينيك ده :unsure:

هو يعني علشان احنا بنافسك ...بتحقد علينا....يا ساتر يارب

طيب شيل يا اخي جميل اني حطيتلك دور هامشي كده...علي الماشي

تصدق يا سين سين ..اني كتبت القصه المريعه ديه بعد صلاه الفجر مباشره..... وفعلا المخيخ كان سايح علي بعضه شويه :sad:

بس مش من النوك اوت... mfb: ..ها ...اوكي....زمان كان اخويا بيسميها بلحه

كان بيفضل يجري ورايا في البيت و يصر يديني بلحه و انا اعيط وماما مش فاهمه ايه اللي يزعل ان اخوكي يديكي بلحه :D

المهم ان الفنان كده لما بتطلع في دماغه حاجه لازم يكتبها فورا و الا مش هيجيلوه نوم B) معلش يا سين سين شغل مبدعين كده ما لكشي فيه

[se_ Elsyed]

المكان : غرفة الإجتماعات السرية لفريق الأشراف الملقبين بالعفاريت الزُرق

الزمان : منتصف شهر رمضان المبارك

منظر داخلي .. إضاءة خافته ... دخان بخور يملأ المكان ... صوت أناشيد وأهازيج دينية في الخلفية ... طاولة إجتماعات مدورة ... كراسي خشب منخفضة مرصوصة داير ما يدور .. وكرسي عالي متنجد وعليه سفنج في منتصف قطر الدائرة ( يساوي نق تربيع على سين )

--------------

كاميرا زووم إن على باب الغرفة .. عادل أبو زيد يتقدم بتؤده ( إيه رأيكم في تؤده دي ؟ ) مرتدياً جلباباً أبيضاً وعباءة فضفاضة بُنية اللون وطقية شبيكة وممسكاً سبحة 99 في يده ومن وراءة وليد صفوت يحمل المبخره ويرقيه من عين الحاسدين وهو يردد حي حي

يجلس عادل أبو زيد ويبدأ الحديث : أيها السادة الأفاضل .. لقد أجتمعت بكم اليوم لترشيح إسم أحد المشرفات الفضلوات لكي تنضم إلى فريق الإشراف لتُزين عقد التواجد النسائي بجوار مدام سلوى و أختنا بنت مصري ( أم مادا ) فكما تعلمون نحن في شهر فضيل .. وإثنان من السيدات لن يستطيعا أن يقوما بالأعباء الموجودة بالمنتدى .. خصوصاً مع دخول العيد ولزوم عمل الكحك والبسكويت والغُريبة .. البخور يا وليد وتعالى إدي المايك لكل واحد يقول إسم من الأسماء ...

إبن مصر : بالرغم من إني متغيب بقى لي فترة لظروف تعلموها جيداً .. إلا أننا مُتابع لما يحدث بالمنتدى من بعيد لبعيد ... وأرى من فترة إسم لامع من أسماء المنتدى لها صولات وجولات .. وهي الباشمهندسة " نانسي " فما رأيكم دام فضلكم ؟

سين سين : أنا بأعترض وأشجب وأُندد

عادل : أخفض صوتك يا أخ فتى وناقشنا بهدؤ وقارعنا الحُجه بالحُجة ... بخروا يا وليد يمكن ربنا يهديه ..

سين سين : يا عادل بك .. نانسي مُتعلمه أكثر من اللازم ومعاه ليسانس ديكور قسم فنون جميلة ... وإنت عارف معظمنا تعليمه على قده .. يعني ممكن بالبلدي كده تتنطط علينا وماحدش يعرف يكلمها .. كما إن في إيديها كام مشروع بتشطبهم وعشان تسيب المشارع دي وتيجي معانا مش هاتطلب أقل من 100 جنيه يوميه .. ويومين أجازة في الأسبوع ..

عادل : أسباب وجيهه وسيتم دراستها .... غيره

داروين : أنا ملاحظ إن في واحده مصريه عايشه في الكويت إسمها " نانو " اللهم صلي عالنبي عامله زي النحلة وموجدة في المنتدى ليل ونهار .. وشكلها كده بتأكل عيالها شاندوشتات جبنه بالقوطة كل يوم عشان مش فاضية تطبخ لهم من كتر حبها في المُنتدى ..

سين سين : نانو !!!!!! ربنا يشفيها ويقومها بالسلامه بعد الحادثة ... نانو يا سادة حد لعب لها في دماغها وبقت عماله تتكلم عن حقوق المرأة والمساواة وإن الراجل لازم يلبس مريلة المطبخ زيه زي الست وهي تطبخ يوم وهو يوم .. وهي ترضع يوم وهو .. يتصرف بقى هو حر مالناش دعوة ... فلو إنضمت للإشراف هاتعملنا قلق وتطلب برضوا بالمساواة ..

شريف : طب إنتو متجوزين وبتعرفوا ترضعوا العيال ... طب أنا أعمل إيه ؟ لأ يا عم دي أفكارها هدامه وممكن تبوظ لنا الدُنيا ...

عادل : سبب وجيه أخر .... يُحال إسم نانسي للدراسة ... شوية بخور هنا يا وليد

عصام : من منطلق الفكر الجديد للحزب الوطني .... ولضخ دماء جديدة في شرايين البلد ... وتغيير الوجوه والأماكن .... إيه رأيكو ندي فُرصة لجيل الطلائع

سين سين : عليه الطلائع ما أنا فاهم حاجة ... إتكلم عدل يا عصام من غير فلسفة ..

عصام : أنا قصدي نختار حد من الشبيبة الصغيرين وأهو يعملوا جو معانا .. إيه رأيكو في جي جي الشهيرة بمصرية الهوا والميه

أم مادا : كبدي عليها .. هي فاضية ؟ ده انا كل يوم أكلمها ألاقيها يا في الموسكي يا في سوق غزه بتشتري ملايات وحلل وبشاكير عشان تكمل الشوار بتاعها .. وبعدين دي فرحها قرب يا جماعة فالضرب في الميت حرام ...

عادل : لأ .. هي وصلت للأموت ... غُيره

سلوى : بس لقيتها ... فمن أجل دعم الوحدة الوطنية .. والعروبة والوقمية ... إيه ريكو في " شهد "

يُتبع

[الشقيان]

مش ممكن خقة دمكم ديه

أنا فعلا قربت أدمن الموقع ده

ولونى مش دى اس ال بس بتواجد بشكل موحش وربنا يستر من فاتورة التليفون اللى جايه أعتقد فى حدود 500 ريال الله يسامحكم

بس والله بقى منداكم الموقع المفضل ليه وهو الوحيد اللى مهون عليه الغربه انتم فعلا مصريين وأنا فخور بيكم كمصرى من حوارى شبراملم بالثقافتين وأعتقد ان الموقع ده يكسر الدنيا لو انتشر أكتر من كدا

فليكن هذا مشروع العام الجديد وأنا معكم انشاء الله وصبح صبح يا عم الحاج

[نانو]

داروين : أنا ملاحظ إن في واحده مصريه عايشه في الكويت إسمها " نانو " اللهم صلي عالنبي عامله زي النحلة وموجدة في المنتدى ليل ونهار .. وشكلها كده بتأكل عيالها شاندوشتات جبنه بالقوطة كل يوم عشان مش فاضية تطبخ لهم من كتر حبها في المُنتدى ..

سين سين : نانو !!!!!! ربنا يشفيها ويقومها بالسلامه بعد الحادثة ... نانو يا سادة حد لعب لها في دماغها وبقت عماله تتكلم عن حقوق المرأة والمساواة وإن الراجل لازم يلبس مريلة المطبخ زيه زي الست وهي تطبخ يوم وهو يوم .. وهي ترضع يوم وهو .. يتصرف بقى هو حر مالناش دعوة ... فلو إنضمت للإشراف هاتعملنا قلق وتطلب برضوا بالمساواة ..

شريف : طب إنتو متجوزين وبتعرفوا ترضعوا العيال ... طب أنا أعمل إيه ؟ لأ يا عم دي أفكارها هدامه وممكن تبوظ لنا الدُنيا ...

يُتبع

ها ها ها ها ها

شاندوتشات .....؟؟؟؟ و جبنه بالقوطه .....؟؟؟؟

اولا اسمها طماطم ..طمااااااطم

ثانيا معذور اصلك مش شامم ريحه الفخذه الضاني اللي بتفحفح من الفرن

و مكسرات الارز اللي بالخلطه اللي بتنطط علي النار

( انا هاعرف ازاي اعذبك يا سين سين و انت قاعد في مكتبك حزين كده و شامم الريحه عن بعد 800كيلو و ديه بقه المسافه من الرياض للكويت)

[Folana]

السلام عليكم ورحمة الله............

ربنا يكرمك ياشقيان ..ده احنا اللى سعداء جدا بوجودك معانا ...ويارب دايما نكون عند حسن ظنك بنا....

وربنا مايضيع شقاك ابدا...وتبقى شقيان المرتاح على طول يارب....

وفى انتظار نتائج اجتماعات جانج المحاورات ...وياترى من الذى وقع عليه الاختيار فى الحجرة المغلقة بتاعة المشرفين..

نحن فى الانتظار ...شد حيلك يا سى السيد علشان التصوير متعطل.....

و مكسرات الارز اللي بالخلطه اللي بتنطط علي النار

ايه يانانو...انت بتسوى المكسرات وهى صاحية يا أمى....!!!! مش قلت لك تدبحيها الاول.... :unsure:

[وليد صفوت]

حىىىىىىىىىىىىىىىىىىىىىىىىى :unsure:

وحدووووووووووووووووووووووووووووووووووووه :sad:

[yasovinas]

تسجيل متابعه

[se_ Elsyed]

س س ( صًارخاً ) : إلا شهد ... أي نعم هي ذكية ولماحة وست بيت شاطرة .. لكن وجودها في الإشراف هايطفش الزبونين اللي مربيينهم .

داروين : مش فاهم .. إزاي يعني ... وبعدين هو أحنا في عشة حمام عشان تطيرهم ؟

س س : يا أخ داروين إنت كنت مسافر وما شوفتش حاجه ... شهد إبتدت تتكلم في حاجات غريبة .. مثل زُربيان ... بتنجان ... روانه ... وكل دي مصطلحات مستوحشة ممكن يُساء فهمها من الناس وعلى الأقل هايعتبروها شتيمه .....

عادل : آه صح ... أنا عن نفسي مابحبش اللغة الرمادية وأحب كل حاجة تبقى صريحة ..

صبح : أنا رأيي يا جماعة إننا آ

س س : رأيك ؟ رأيك إيه يابو رأي ؟ إنت نسيت نفسك ولا إيه ... والله عال .. صبح اللي إسمه لسه بالقلم الرصاص بقى له رأي ... شفت يا عصام ... شفت يا أحمد يا محمود ... صبح اللي لسه جيشه حِلبه بقى له رأي ....

صبح : إيه يا أستاذ س س .. أنا من ساعات ماختاروني للإشراف وإنت منطهدني ... ممكن أعرف السبب ؟

س س : أولاً أنا من طنطا مش منطهدني ... وبعدين هاضطهدك وأغير منك ليه أحلى مني ولا أحلى مني .. إنت لسه عريف بشطرتين .. أما أنا فمعلق لواء دلوقت .. فإش جاب لجاب ... بص يا بابن الحلال .. عندك كده لحد سنة .. كبيرك قوي في الإجتماعات تيجي بالجبه والقفطان بتوعك وتقعد في أي إجتماع تكتب الملاحظات وبنود محضر الإجتماع وبس .. فاهم ولا لأ ؟

عادل : أيها السادة ... فلنتجاوز كل تلك الخلافات الصغيرة ودعونا نعود إلى ما قد أتينا له ... أنا بأقول يبقى كده ما فضلش إلا السيدة الفاضة " فُلانه " إيه رأيكم دام فضلكم ؟

أحمد محمود : والله ونعم الإختيار ... ويهمس في أُذن عصام الذي يقوم بجذب صُبح من طرف جلبابه ليدنو منهما .... ويقول : قشطه يا رجاله .. إنتو عارفين إن فُلانه ساكنه في 6 أكتوبر هي روخره .. يعني بالصلاتو عالنبي بقينا 4 كده يعني أكثرية .. وناقص على الحلو دقه ونقنطر عادل أبو زيد ونستولى على مقاليظ الحكم وتدين لنا السيطرة .. عايزكو تؤيدو الإختيار ده بقوة وبعنف ..

عصام : والله يا استاذ عادل ونعم الرأي .. ما إلها إلا فُلانه .. وكأنها خُلقت لهذا المنصب والله .

صُبح : ممكن أقول رأيي في الإختيار ده ولا سيتم الحجر عليه زي كل مره ؟

عادل : تكلم .. تكلم يا شيخ صبح بكل صراحة وشفافية .

صُبح : أنا معك يا أستاذ عادل في هذا الإختيار سِر بركة الله ونحن من خلفك نعينك ونؤيدك

س س : إختيار ممتاز يا عادل بك .. فُلانه مينكسرة ومهيضة الجناح .. وبعدين على قدنا ولا هاتقول كاني ولا ماني .. ده أنا ميتهيألي ممكن ترضى بجنية وربع في المداخلة ..

عادل : إذا على البركة ... قوم كلمها في التليفون يا أخ سين سين .

س س .. : حمامه يا ريس .... ويذهب سين سين إلى أحد كبائن التليفون القريبة من موقع الإجتماع ويتحدث من هناك .. وذلك لسببين :

1- إن موبايله كرت مش خط

2- زيادة في درجات الأمان وأحسن فُلانه يكون عندهم كاشف وتعرف رقم المكان السري للإجتماعات ..

س س : ألو ... أيوه يافندم .. معاك سين سين كادر من كوادر التنظيم السري لخلية محاورات المصريين .. مين معايا ؟

أستاذ فُلان : معاك فُلان بك المنسترلي .. وبعدين ما تتكلم عِدل يا جدع إنت . تنظيم إيه وخلية إيه .. إنت طالع من فيلم أبيض وإسود ؟

س س : ما تأخنيش يا بك .. سيادتك جوز مدام فُلانه ولا إبنها ؟

فلان : إبنها في عينك .. مش شايف الكيان اللي واقف قدامك طول بعرض بشنبات ؟

س س : يا باشا أنا بأتكلم من كابينة تليفون ولسه الجيل الثالث مادخلش عندنا في مصر يبقى هاشوفك إزاي ( وبعدين إيه الوش البلاستيك اللي أنا بأخده عالريق ده ... أنا بأتشطف يا جدعان ... والله لموريكي يا فُلانه بس أما أشوفك )

فلان : إتكلم وإنطق عايز إيه وطالب مين بدل ما أقفل السِكة في وشك أنا زهقت منكو ومن قرفكو ... كل يوم معاكسات ومهاترات وقلة أدب ..

س س : ليه كده يا باشا ... والله العظيم دي أول مره أتصل على الرقم ده .. وعلى العموم أنا طالب مدام فُلانه .. قولها سيادتك بس س س بتاع التنظين .. قصدي التنظيم ...

يُتبع

[Folana]

السلام عليكم ورحمة الله..........

:wub: :wub: ..انت وقعت فى ايد سبع الليل يا س.س.؟؟؟؟؟؟..طب نطمن عليك بقى.......... :wub:

انا حاستنى لما تكمل لقائك بابو السباع وبعدين ادخل بأطروحتى....

[نانو]

ايه ده س س

ده انا كنت فقدت الامل في استكمال مسلسل فلانه هانم الخربوطلي

و يا تري هتوافينا بباقي الحلقات في العيد و لا هتزيعلنا مسرحيه عادل امام.. شاهد ما شافش حاجه اللي اتربينا عليها في كل عيد؟؟؟؟؟؟

[se_ Elsyed]

فُلان : طب إركن لحظه واحده أما أندها لك ... يا فلانه .. إنتي يا ست هانم .. كلمي في واحد مخبر عايزك .

فلاُنة وهي تهرول قادمة من المطبخ وفي يدها اليُمنى كبشه والأخرى غطاء حلة نُحاسي : مخبر ؟!!!!! يا ساتر يارب والله العظيم ما عملت حاجة يا سي فلان .... ده البت رشا كانت بتلعب في الفسحة قدام الباب فراحت البت مايسه بنت مُنيرة اللي قدامنا ضاربها في عينها بالشلوت فأنا روحت أعاتب أمها فــ

فُلان : خلاص مانا عارف قصة الشلاليت والكلام ده إنتي هاتحكي لي أنا ؟... تعالي إتفضلي كلمي ..

فُلانه : ألو .. والله يا باشا أنا ماعملت حاجة .. وإن كان علي حكاية مايسه ورشا فأنا هاحكيها لك من طقطق لسلامو عليكو

س س : وعليكو السلام ... يا ست مايسه ورشا إيه أنا بأتكلم عن حاجة تانية خالص ..

فلانه : طب أنا هاحكي لحضرتك الحكاية بتاعت لما كنت داخلة المنتدى فلقيت زهيري بيغير لإبنه فروحت قايله لنفسي مالناش دعوة بالناس فبصيت لقين نانو شايلة صف شاندوشتات جبنه بالقوطه فروحت سألتها عالـ

س س : يا ستي أبوس إيدك قوطة إيه وكوسة إيه .. كرت مينا تيل قرب يخلص .. أنا سين سين بتاع السبعتلاف يا فلانه

فلانه : هو أنت يا مضروب ... مش تقول كده من الأول ... وتصيح .. يا فُلان يا فُلان .. تعالى ما تخافش ده مش مخبر .. ده سيادة اللوا سين سين .. رئيس جهاز مراجيح مولد النبي في محاورات المصريين .. يعني مننا وعلينا ... أيوه يا سين سين عايز حاجة ؟

س س : تنزلي دلوقت وتاخدي الميكروباص بتاع أول فيصل هاتلاقيني مستنيكي في منزل الكوبري في ميكروباص تاني .. الأدفايزر عايزك حالاً ومعه لفيف من السادة المشرفين في إجتماع مغلق ..

فلانه : يا ساتر يارب .. في ساعة متأخرة من الليل مثل هذه ... والله ما عملت حاجه .. وإنتي عارف أنا ماشية جنب الحيط وبأتبع قواعد المنتزه زي الكتاب ما بيقول .. ولا لي دعوة لا بده ولا بده من الباب للباب ..

س س : إيه يا ستي إنتي قلبتي فُصحى ليه .. وبعدين إنتي هاتجنني أهلي .. متاخرة من الليل إيه .. الساعة 4 العصر يا ست هانم ..

فلانه : آه صح ... طب ممكن أجيب شادي إبني معايا يونسني

س س : هاتي شادي هاتي هيثم .. مالياش دعوة إنتي لكي تذكرة ميكروباص واحده مدفوعة الأجر

فلانه : طب نص ساعة وهاكون عندك

( مش عارف ليه حاسس إن الحلقة دي عبارة عن حشو عشان أستف المسلسل وأخليه 30 حلقة زي مسلسلات رمضان ... أه إشمعنى أنا ما محمد صفاء عامر بيعمل كده ومحمد جلال عبد القوي بيعمل كده يبقى محمد سين سين لازم يعمل كده وأهو كلنا مؤلفين )

[Folana]

السلام عليكم ورحمة الله.........

ومازالت فلانة هانم الخربوطلى..تقف عند مطلع الكوبرى فى انتظار سى السيد....

وتدندن بقصيدة الست ألمظ الشهيرة

انا كده ....انا كده دلوعة دايمـــــــــــــــــــــــــا...

[se_ Elsyed]

لا مؤخذه يا فلانه

سبتك ملطوعة عند مطلع كوبري فيصل الكام يوم اللي فاتو دول .. بس إنتي عارفه عيد وكحك وبومب وكده يعني

عامة أنا عارف إن المنطقة دي ونس ومش هاتحسي هناك بملل

ما علينا نكمل الحلكة الأخير من الكصة

-------------------------

مشهد داخلي .. ليل دامس ... منظر لغرفة الإجتماعات من الداخل

أحمد محمود : إيه ده أنا شامم ريحت تقلية ودِمعة فحفحت ... يبقى فلانه جت ...

س س : تماما يا معلم .. قصدي يا بوس .. أنا جبت فلانه يا با باشا زي ما أمرت

عادل أبو زيد وهو يعتدل في جلسته على الشلته : عظيم جداً ... إزيك يا مدام فلانه وأزي الأولاد ؟

فلانه : الحمد لله يا بوس .. بيبوسوا إيدك ... أنا ما عملتش حاجة والله ... وبعدين بسم الله الرحمن الرحيم .. مين الناس اللي لابسه أزرق في أزرق دول ... اللهم أحفظنا يارب ويجعل كلامنا خفيف عليهم

عادل : ما تخافيش دول فريق الإشراف ... شوفي يا ستي ... بقى إحنا إخترناكي عشان تنضمي لفريق الإشراف في المنتدى

وفي هذه الأثناء كان هناك حوار جانبي يدور بين سلوى وبنت مصرية ( أم مادا حالياً )

سلوى : إلا قوليلي يا أم مادا .. ما تعرفيش يا أختشي سر شياكة فلانه إيه ؟ دي عقدتني باللبس اللي بتلبسه وكل يوم طقم شكل وإشي أخضر وإيش تركواز وإيشي قلب خساية ..

أما مادا : أسكتي يا سلوي يا أختشي ... شياكة إيه وبتاع إيه .. الهدوم ياما بتداري ..

سلوى : قصدك إيه ؟

أما مادا : وأنا مالي يا أختي .. مالناش دعوه بالناس .. قصدي يعني إن وكالة البلح ماخلتش حاجة .. والواحده من دول ممكن تنزل بـ 13 جنيه تشتري شيء وشويات .. وأنا مالي مالناش دعوه بالناس ... ولا شوفي العقد الألماس اللي لبساه .. هاياكل من رقبتها حته ..

سلوى : ألماظ ؟!! ألماظ إيه ؟ هو الموسكي خلى حاجه لحد .. مالناش دعوه ياستي خلينا في حالنا ..

عادل أبو زيد مقطاعاً هذا الحوار الهامس : يا سادة يا أفاضل ... نرجو عدم تداول الأحدايث الجانبية والتركيز في هذا الأمر البالغ الأهمية .... هــأ قولتي إيه يا مدام فُلانه

فلانه : أنا ... أبقى مُشرفه ... ده أنا أقصى طموحي كنت أبقى تمرجية في مستشفى أبو الريش .. قوم ألاقي نفسي مُشرفه مره واحده .. على العموم ده شرف كبير ليه يا عادل بك .. ويا رب يارب أكون عند ظن حُسنكم .... قصدي حُسن ظنكم أنا متلخبطة والدِمعة هاتفر من عيني ...

عادل : عامة ممكن تقومي تستلمي مُعدات الإشراف من الكرار اللي جنب أوضة الإجتماعات وزيادة عليها كمان هانصرف لك مريلة مطبخ لزوم باب الأسرة والطفل ...

وتذهب فلانه مسرعةً إلى غرفة الكرار قبل أن يرجع عادل أبو زيد في كلامه وتأتي وهي تلهث : بعد إذنك يا أستاذ عادل .. أنا لقيت المريلة .. هي حلوه ومقاسي كمان .. لكن المعدات التانية ما فهمتش المقصود بها إيه ؟

داروين : زي إيه يا ست فلانه ؟

فلانه : زي السواطير .. المقصات .. السكاكين ... الفلكه .. وكله كوم والمنفاخ الكهربائي كوم تاني ..

أحمد محمود وهو يطلق ضحكة شيطانيه : هأ هأ هييييييييييييييع ... ما هي دي عدة الشغل ...

فلانه : لأ معليش .. إعفوني .. أنا كفايه عليه المريله وبس ... ده أنا بيغمئن عليه لما بأشوف فرخه مدبوحه قدامي

عصام : طب خديلك أي حاجة أمني بها نفسك ولو منفاخ حتى

فلانه : لأ يا عم لا منفاخ ولا كمبروسر هو أنا بعد العمر ده كله هاشتغل عجلاتيه ...

عادل : نيجي للجد بقى يا مدام فلانه .. أنا عايز يبقى من أهم مهامك الوظيفية هو الإهتمام بصحة وغذاء السادة المشرفين ... أنا شايف بعضهم وجهه شاحب وباين عليه إن عنده أنيميا مستحكمة ..

فلانه : غالي والطلب رخيص يا بك .. أنا عندي كام وصفة من المطبخ الإيطالي لو الواحد مشي عليها إسبوعين .. الدموية ترد في وشه ويبقى زي البدر المنور ..

س س : أبوس إيدك يا ست فلانه تبعدي عن الأكلات الغريبة بتاعتك بتاعت الفوتشيني والفرزاتشي والحاجات دي .. وخشي لي بقى على الكوارع والممبار والفشه ولحمة الراس والحاجات اللي بنفهمها ..

فلانه : ياي ياي أنا فلانه هانم بعد العمر ده كله .. أدنس مطبخي وأطبخ الحاجات دي ؟؟ أمبوسيبل .. سيترو .. سوزفاج .. نو سموكنج

س س : الست دي مش هاتعمر معانا ...

عادل : وكمان عايزك تاخدي جولة من آن لآخر وتقدمي وجبات ساخنة ومدعمة للأعضاء الأفاضل

فلانه : قصد حضرتك الـ 4000 عضو اللي موجودين ؟

عادل : آي نعم ... وأنا قررت أربط لسعادتك مبلغ شهري وقدره 42 جنيه عشان تصرفي منهم وكده

فلانه : 24 جنيه أأكل بهم المشرفين والـ 4000 عضو طول الشهر ؟!!!!!!!!!!! :D mfb:

عادل : إيه قليل ؟ طب ده أحنا في سنة 42 كانت الست من دول بتاخد مصروف شهري جنيه ونص وتأكل عيلتها لحمه وفراخ وزفر كل يوم وأخر الشهر يفيض معاها جنيه وربع ... وأنا بأكلمك في 42 مره واحده ...

س س : يا فلانه قولي حاضر وخلاص ما هو ماحدش شايف حاجة ..

فلانه : عامة من عيني يا أستاذ عادل ( وشكلي كده هأقضيها وصفات على الورق للناس وهما يتخيلوا إنهم بياكلوا )

تمت