سؤال للساده الرجال المتزوجين

[nancy]

اشكرك يا نانو على ترحابك دة

وتوضيحك .. عموما لو انت محددة الموضوع فى نقطة تقدير الراجل لعمل المراه داخل المنزل

دى مفيهاش راى واحد دى بترجع لاسلوب الزوج وتفهمة نتيجة لطبيعتة الشخصية

اعرف رجالة بتقدر ورجالة لا او زعلانة من ستتاها فى حاجة تانية فيضيقها بان وانتى بتعملى اية اصلا

فدى معنديش لها رد واحد

[nash]

أهلا أخي أبو محمد

أولا كل عام وأنت بخير

ياسيدي أنا قلت طالما أرتضيتوا بهذا القرار..يعني المعني هنا أن الزوجه خرجت للعمل بعد مداولات بينها وبين زوجها..وعلي فكرة النقاش كان مع أولادي بشكل عام..لإني بالأساس أرفض لهم أن يكونوا من النمازج السيئه للرجال مع زوجاتهم...

..................................................................................................................

بس تقريبا كده الموضوع خرج عن مساره..معليش يا نانو...المهم في الأخر المحصله إن شاءالله نقاش مثمر وجميل

[نانو]

أهلا يا نانو ..ممكن أشارك؟

شوفي ياستي بصراحه كده الراجل اللي عايز زوجته تشتغل علشان تكون منتجه وذات شأن وتساهم في البيت ..راجل سوري يعني..مش ولابد..يعني نقدر نقول كده ذكر..وليس رجل

أنا شخصيا وبما أني ماما وعندي شابين حلوين..دائما ما أقول لهم..ياشباب الزوجه مكانها الطبيعي البيت..وإذا حبت تشتغل برة البيت هذا قرارها وشأنها..بس المفروض ..أنكم معاها وكمان تعززوها ..

وتشاركوا معاها في كل شيء...طالما أرتضيتوا بهذا القرار..

صدقيني ياعمري..يوم دخل ولادي الأثنين المدرسه..قررت الشغل..لإن فعلا وقت الفراغ هائل ..طلبت من زوجي أن يبحث معي وخاصه أن معارفه كثير بحكم مركزة الوظيفي....كان رده السريع.....الظاهر قلبه كان حاسس...سوري أنا مش هتدور علي شغل..لكن لو ربنا وفقك..ساعتها أيدي هاتكون بأيدك..وفعلا كان عند وعده..وهذه السنه وبقرار شجاع مني تركت الوظيفه ..لإني فعلا لم أقتنع بهذا الدور المزدوج..وتقريبا علي مدار العشر سنوات..يوميا أقول ..اليوم أخر يوم لي..وأنتظرت فرصه وصول أبني إلي الثانوي وأخذت القرار النهائي بعدم الخروج من البيت إلا للقضاء علي محفظه زوجي....

شوفي ياستي نظرة الزوج لزوجته..تتوقف في المقام الأول علي شخصيه الزوجه..يعني لو من أول يوم دبحتله القطه..صدقيني هايقول يارب بس الستر..

وعلي العموم... ليس هناك أروع مما قاله سيد الأنام..محمد صلي الله عليه وسلم

ما أكرمهن إلا كريم..وما أهانهن إلا لئيم...صدق رسولنا الحبيب

ويصراحه موضوع حقيقي ظريف ومهم جدا وبرضه بانتظار رأي الرجاله في الموضوع

أختك ناش

يا اهلا بيكي يا ناش انت منوره في المحاورات و نورتي الموضوع

احييك جدا علي تربيه اولادك من دلوقتي علي احترام الزوجه واحترام حقوقها

و علي فكره ديه من اهم النقط في موضوعي

لان تنشئه الشاب علي المفهوم ده نقطه جوهريه لانه بعد الجواز بيكون عنده مفاهيم مضبوطه عن كينونه هذا الكائن اللي بيشاركه حياته و حقوقه عليه

و ديه بقه دعوه هامه جدا لكل ام عندها شباب ...زي ما بتربيه يعرف حقوق ربه و ووالديه واخوته وعائلته ..لازم كمان يعرف حقوق زوجته علشان ما يظلمهاش و علشان تكون حياته سويه

بالنسبه بقه لموضوع الشغل فانا بقه بدات المرحله اللي بتحكي عليها و بناتي دخلوا المدرسه من سنتين و بدات ازهق جدا من البيت

و جوزي الحقيقه مش ممانع في الشغل لكن برضه مش بساعدني بقلب في البحث

و كمان بنتوخي الحذر جدا علشان نعرف نلاقي شغل مناسب في الكويت

و اهلا بيكي مره تانيه يا ناش

اهلا بيك ابو محمد في موضوعنا و كنا عايزين نسمع رايك الخاص

[yasovinas]

موضوع جميل جداً؛؛ وشوية آراء وتعليقات ولا اروع

لا يمكن باي شكل من الاشكال انكار دور الزوجه في بيتها لان الزوجه هي ملكة البيت وهي مديرته وقالوا انها {ربة البيت} اي انها المتحكمه فيه

انا شخصيا ومن واقع حياتي في الغربة ولاني احيانا باحاول اعيش دور الراجل البيتوتي اطبخ واقوم باعمال البيت كاملة في ظل غياب ام محمد

(مراتي مش مرات البواب!!!)

اكتشفت ان الزوجة لديها قوة خارقة ؛؛؛؛ايوة خارقة!! فكم العمل الذي من الممكن ان تقوم به المرأة في اليوم الواحد لا يستطيع معظم الرجال (خصوصا موظفي المكاتب ) على القيام به في نفس الوقت وبنفس الجوده,, هذا بالنسبة للاعمال المنزلية من تنظيف وتوضيب وغسيل وطبيخ ؛؛؛؛ اضف اليهم تربية الاولاد ومتابعة دراستهم !!!!!!!!!!! حقيقي مش ممكن يكون في راجل طبيعي واشدد على كلمة "طبيعي" انه ينكر او يقلل او يحقر من عمل الزوجه في البيت

هناك وقت محدد في الحياة الزوجية وهي فترة بداية دخول الابناء للمدارس {بالنسبة للاسر الصغيرة والتي يكون اولادها في اعمار متقاربة} عند بداية مراحل الدراسة الاولى الكي جي واول ابتدائي هذه المراحل تجد الزوجه "ربة البيت " الكثير من وقت الفراغ والملل خصوصا بعد ان تجد نفسها وحيده منذ الصباح وحتى الظهر وهو امر جديد عليها لان قبل ذلك الاولاد موجودين حواليها ومشغوله بيهم

لكن هذه الفترة لن تطول لان بعد سنتين تلاته هندخل في المذاكرة اللي بجد والمتابعة المستمرة للاولاد وربنا يعين كل زوجه على ما تقوم به في بيتها

وربنا يهدي كل زوج لان يذكر دائما لزوجته كم هي جميله وكم هي بطله وكم هو مقدر وممتن لما تقوم به من رعايه له اولا وللبيت ثانياً

تم تعديل 20 أكتوبر 2006 بواسطة yasovinas

[نانو]

يا هلااااااااااااااااااا يا ياسو

نورت الموضوع بمشاركتك الجميله -_-

و يمكن ردود الازواج في الموضوع ده لها بريق خاص لانها بتبقي من وحي تجربه خاصه

و الحقيقه كونك انك جربت بنفسك في غياب زوجتك الكريمه (ام محمد ..يا ابو محمد) فده شئ جميل

و اعتقد لو كنت متردد او مش واخد بالك من حجم دور زوجتك يبقي بعد التجربه انت متاكد و بدون ادني شك من دورها

تخيل فعلا يا ياسو ان علاج مشكله زي ديه من بعض الازواج هو انهم يجربوا بنفسهم انهم يقوموا بدور زوجاتهم و لو ليوم واحد....و انا بقه استوحيت الحل ده من مشاركتك :)

بالنسبه لكلامك عن ملل الزوجه في اول سنتين بعد دخول الاولاد المدرسه فتحليلك مضبوط .....انا عمري ما حسيت بالملل قبل كده

هم فعلا بناتي لسه في كي جي تو و لو المذاكره زادت عن كده ممكن يحصلي .... :excl:

[أبو محمد]

أهلا أخي أبو محمد

أولا كل عام وأنت بخير

ياسيدي أنا قلت طالما أرتضيتوا بهذا القرار..يعني المعني هنا أن الزوجه خرجت للعمل بعد مداولات بينها وبين زوجها..وعلي فكرة النقاش كان مع أولادي بشكل عام..لإني بالأساس أرفض لهم أن يكونوا من النمازج السيئه للرجال مع زوجاتهم...

..................................................................................................................

بس تقريبا كده الموضوع خرج عن مساره..معليش يا نانو...المهم في الأخر المحصله إن شاءالله نقاش مثمر وجميل

نانو كتبت:

اهلا بيك ابو محمد في موضوعنا و كنا عايزين نسمع رايك الخاص

أهلا بيكى يا أخت نانو .. وأهلا بيكى يا أخت nash وشكرا على ترحيبكم بى فى هذا الموضوع

الأخت الفاضلة .. nash

أنا مثلك .. عندى ولدين على وش جواز وكلامى معهما أنا وأمهما عن الحياة الزوجية لا يخرج كثيرا عما تقوليه لولديك (ربنا يحميهم ويفرحك بيهم) .. يمكن اللى خلانى أقول إن فى كلامك بعض التناقض هو أننى لم أفهم تماما ماذا كنت تقصدين .. فقد لاحظت أولا اقتناعك بأن المرأة مكانها الطبيعى فى البيت .. ثم وجدتك تقولين أن قرار شغلها خارج البيت هو قرارها (بالاتفاق) بس برضو لازم تكونوا معاها وتعززوزها ... وبالذات كلمة (تعززوزها) .. هل هى بمعنى تساندوها .. Support يعنى .. ولا تعززوزها بمعنى تستتوها ؟ :) .. المعنى الأول أنا موافق عليه .. أما المعنى التانى فهو الذى يحمل التناقض مع كلامك فى أول المشاركة .. ليه بقى ؟ ... أرجو أن تتابعى ردى على الأخت نانو

الأخت الفاضلة .. نانو

أنا وضعت الاقتباس من مقدمة كتاب جون جراى .. لأننى بالمصادفة كنت قد بدأت قراءته قبل أن أطلع على موضوعك المهم بوقت قليل .. وكلما تقدمت فى قراءته كلما أدركت حاجة كل من الرجل والمرأة إلى فهم الفرق بينهما كمخلوقين خلقهما الله مختلفين فى أشياء كثيرة .. وعندما يعرف كل منهما الفروق ويفهمها .. يستطيع أن يقدر كل منهما الآخر حق قدره

أما عن رأيى الخاص فهو كما قالت الأخت nash .. المرأة مكانها "الطبيعى" فى البيت .. (وهو عبء لو تعلمون عظيم)

بالنسبة لى فقد كان هناك اتفاق بينى وبين زوجتى (خطيبتى فى ذلك الوقت) على استمرارها فى العمل .. كنت ضابط احتياط فى الجيش (وما كنتش عارف حاخرج منه إمتى) .. كان مرتبى من العمل المدنى وبدلات الجيش يكفينا خاصة وإننا كنا نسكن فى شقة فى عمارة ورثتها أنا وأمى وإخوتى عن والدنا رحمه الله .. يعنى ما كانش فيه مشكلة مادية والحمد لله .. بس طبعا كان الوضع حيكون مستحيل لو لم تعمل وأنا معظم الوقت خارج البيت .. وأنجبنا طفلنا الأول بعد خروجى من الجيش بشهرين .. ومع ذلك أضطررنا لأن تستمر هى فى عملها لوجود مشكلة مادية (أصبحت لا أملك إلا مرتبى المدنى بعد خروجى من الجيش) .. بعد سنة ربنا أكرمنا بإنى وجدت وظيفة مرتبها يكفينا إحنا التلاتة .. ولكن كان الوضع زى الجيش ويمكن أكتر .. فكان عملى فى الصحراء تارة وفى البحر تارة أخرى .. فاستمرت فى عملها وكان محمد بين أمى رحمها الله التى كانت تسكن فى شقة مع أخى فى نفس العمارة وبين أمها "ربنا يديها الصحة" .. وقبل أن نرزق بالطفل الثانى كان عملى قد استقر فى الإسكندرية .. وعند وصول المولود الجديد بدأت أجازتها لرعاية الطفل التى استمرت لمدة 6 سنوات .. اتنين منهم فى مصر وأربعة فى الكويت ... ثم استقالت

معلهش يمكن طولت شوية فى سرد تسلسل عملها وعدم عملها .. بس ده كان ضرورى لإنى لازم أقول إنها سواء أثناء عملها أو عدم عملها كانت تتحمل عبئا كبيرا وكانت تقدر تماما طبيعة عملى فلم تكن تطالبنى بالمشاركة فى أعمال البيت .. ولكننى كنت أمد يد المساعدة فى أجازاتى سواء وأنا فى الجيش أو فى عملى الصحراوى أو البحراوى (من نفسى والله ودون أى طلب منها) ... يعنى والحمد لله كان فيه تفاهم تام فى هذا الموضوع

السبب الرئيسى فى هذا التفاهم (خدى بالك يا nash يا أختى) هو أننا فى فترة الخطوبة وضحنا كل الأمور .. هى عرفت رأيى فى إن المرأة تنتظرها مسئوليات جسام فى البيت كزوجة وأم ، تكفى لاستهلاك معظم وقتها .. وهى مسئوليات يعجز معظم الرجال ، إن لم يكن كلهم ، على تحملها .. فإذا كانت ستعمل فسيكون هذا على حساب الناس إللى فى رقبتها (الزوج والأولاد) ولقد وافقتنى على ذلك .. ومع ذلك فلقد وافقت أنا على عملها خارج البيت بالرغم من عدم وجود مشكلة مادية وذلك لظروف الجيش والعمل البعيد .. وكذلك إضطررت لقبول عملها فى تلك السنة (بين خروجى من الجيش وحصولى على وظيفة بمرتب يكفى البيت) وهى السنة التى واجهتنا فيها المصاعب المادية .. ثم توقفت هى عن العمل (بكل نفس راضية) بعد وصول المولود الثانى لأنها أدركت ما كنت أعنيه من مسئولية طفلين صغيرين وطفل كبير (إللى هو أنا) بيشتغل ما لايقل عن 12 ساعة يوميا (عدا العطلات والأجازات الرسمية) تقريبا طول حياته ومنهم 20 سنة فى الغربة

فى الحقيقة لما كانت بتسبقنى هى والأولاد (بمجرد بدء أجازتهم المدرسية) إلى مصر لم تقصر فى تعليمى عمل بعض الأكلات .. وكنا عند رجوعنا إلى الكويت وحتى موعد الأجازة الصيفية التالية أقوم (طائعا مختارا) بواجب الطبيخ فى أحد يومى عطلة نهاية الأسبوع .. واستمرينا على هذا المنوال لغاية ما طلعنا على المعاش (المبكررررررررررر) :excl:

الخلاصة : أنا أقدّر جدا العمل المنزلى الذى تقوم به الزوجة و "الأم" التى لا تعمل خارج البيت ، وأقدره أكثر لو كانت تعمل فى البيت وخارجه .. وكما قلت "يعجز" الرجال عن القيام بذلك .. ومع اقتناعى بأن مكانها "الطبيعى" فى البيت فأنا لا أمانع فى عملها خارج البيت إذا دعت الضرورة إلى ذلك .. والضرورة ليست دائما ضرورة مادية

[nash]

أخي الكريم أبو محمد

طبعا أنا هارد علي الجزئيه التي أشرت إليها

أنا أؤيدك تماما فيما ذهبت إليه..صدقني ..دائما ما كانت أمي تقول..لنا نحن البنات بعد وفاة والدنا ونحن صغار جدا..(التعليم)ضعوة نصب أعينكم..ليس للعمل ولكن لإفاده أولادكم..يعني موضوع الشغل..والكلام الخاص به..مثل أريد أحقق ذاتي....أو أنا لست أقل من زوجي..وهذا الهراء لم أشب عليه لذلك لا أقتنع به..ثم ما الذي يجبرني علي البهدله..وتعب المواصلات..والتعرض إلي مضايقات سخيفه من رجال أخرين وسماع كلام غير محترم..في الكثير من الأحيان...أنا صراحة لم أجرب العمل في مصر ولا أظن أنني ممكن أن أفكر في ذلك ..هنا في الرياض .. في أغلب الأوقات بصراحه معززة وكرامتي محفوظه..فزوجي هو المسؤل عن توصيلي..وتقريبا عن كل شيء..وتليفون صغير..وكلمتين حلوين يأتي ليعود بي إلي البيت....والحمدلله ..أسرتي صغيرة لكن متعاونه لذلك هنا في سهوله في إمكانيه العمل برة البيت...لكن العمل في مصر..إن لم يكن بسبب قوي..هو تضييع للوقت...وللأسف إهدار للكرامه سواء للمرأه أو الرجل في كثير من الأحيان

تحياتي والله لإم محمد..شكلها بطله وزوجه مصريه أصيله..وإن شاء الله ثوابها الجميل عند من لايغفل ولا ينام

.......................................................................................................................

نانو حبيبتي..ربي يوفقك في عمل مريح...الأن الفرصه متاحه أمامك...بما أن الصبيتين إلتحقوا بالمدرسه...ومثل ما قلتي..والله أحاول وبقوة أن أغرس في قلوب أولادي الرحمه والشفقه علي زوجه المستقبل من الأن...ويا ويله يا سواد ليله اللي يتريق فيهم علي بنت..ويعايرها بإنه أقوي منها... أو إن البنات دلوعين..أو .. أو...صدقيني بيكون عقابه دمه ثقيل جدا...

إن شاءالله موفقه في حياتك كلها..وربي يحفظك في كل شؤن حياتك

أختك ناش

[نانو]

بشكرك يا اخي الكريم ابو محمد علي سردك كل هذه التفاصيل

لانه عل احد يستفيد من اي نقطه قد يجد بها تشابه في حياته

تعلم جيدا اننا نتفح مواضيع حيويه هنا في هذا المنتدي ليستطيع الكل ان يستفيد في حياته

ناش حبيبتي تعرفي انا متوكله علي الله بشكل لا تتخيليه

و اعلم جيدا انه يفعل الخير لي دائما في كل امور حياتي و الحمد لله

لم اطلب شئيا بعينه قط و لكني دائما اقول يارب اعملي الذي فيه الخير لي في الدنياو الاخره...و انا والحمد لله في حاله رضا دااااااااااااائم

[Folana]

السلام عليكم ورحمة الله ............

ايه حكاية دبح القطة ده ياجماعة...؟....يعنى نعمل ايه؟...اتارينى مش باشوف قطط خالص اليومين دول.....

طب ممكن حد يكون دبح قطة ويقولى عملها ازاى والنتيجة كانت ايه؟......طب ما دبح بدبح بقى ومادام الدنيا حتتوسخ وحنضطر ننضف وندارى اثار الجريمة..ماندبحه هو على طول .... :wub: ولا القطة دى ندر يعنى ولا فلكور ولا ايه ..انا بسأل بجد والله....حد يدلنى احسن انا لسه شارية قطة سمينة كده ومتزغطة وعايزة ادبحها على العيد....

[نانو]

قطه ....دبح....دم

هو لو كان ده حصل ...كان الموضوع ده اتفتح من اصله .............................؟

انتي ليه كل شويه تسيبي الموضوع و بعدين تروحي داخله ...كده و تلقبي المواجععععععععع..أي...أي ..اي

بتفكريني ليه بس؟؟؟؟؟ :wub:

[nash]

أهلا أختي فولانه....علي بالي ألقبك ب..فلونه..مش عارفه ليه؟؟

شوفي ياستي أنا أقتراحي أن الزوجه تدبح لزوجها القطه ..من أول يوم..علشان يخاف ويكش ويعرف مين هي ..أمينه..اللي مابقتش غلبانه زي زمان..وأهي تسبقه ..قبل مايعملها ويدبحها هي والقطه...

بصراحه والله مافيش أروع من الأحترام المتبادل بين الزوجين..والله لو ضاع هذا الإحترام ضاعت الحياة كلها..

كل سنه وأنتم كلكم طيبين وحلوين وربنا يعيد علينا رمضان سنين وسنين

أختكم ناش

.................................................................................................

فولانه..سمني القطه كمان وكمان...ماتعلميش بكرة مخبي ايه..ربنا يستر...وأنا ماليش دعوة