للاسف الأدفايزر حذف موضوع "ثقافتنا الجنسية"

[yasovinas]

كتبت اليوم موضوع كان عنوانه "ثقافتنا الجنسية - تخاريف"

واضفت في هذا الموضوع مداخله واحده ليس فيها اي ما يخدش الحياء او العيب واظن ان هناك من قرئها

وكنت انوي اضافة بعض التعليقانت والمتمثله في دراسه او مقتطفات عن مصادر ثقافتنا الجنسية والموضوع يعتبر موضوع خفيف وشبه فكاهي

ولكن الادفيزور وكما عودنا سابقا وحاليا ومستقبلاً سن سكينه وشهر سيفه في وجهي وحذف الموضوع وذكر في رسالته {{ الحوار حول الثقافة الجنسية ليس مكانه محاورات المصريين ، للأسف تم حذف الموضوع }}

واكرر له كما كررت في ردي على رسالته هنا

للاسف

تم تغيير العنوان ليعبر عن محتوى الموضوع

تم تعديل 20 أكتوبر 2006 بواسطة Advisor

[واحد تاني]

{{ الحوار حول الثقافة الجنسية ليس مكانه محاورات المصريين ، للأسف تم حذف الموضوع }}

لم اقرأ الموضوع ولكن لفت انتباهي الجملة عاليه...

راجعت قواعد المشاركة فى محاورات المصريين ... فلم اجد بها ما يشير الى ذلك ...

بل وجدت التالي :

7- إدارة منتدى حوارات المصريين تشجع على الحوار الحر والهادف وتشجع على التفاعل بين روادها وتسعى بأن تجعل التعقيبات مفيدة ، ومشاركات الأعضاء المتكررة التي لا بقصد الإثراء بها والإفادة و الإستفادة و إنما لزيادة عدد مشاركاته سيكون مصيرها الحذف ، وبالذات إذا كانت ضمن مواضيع جادة وهادفة لما تشكله من إعاقة في سير الحوار الموضوعي.

17- حرية طرح المواضيع مكفولة لجميع المشاركين في المنتدى دون إستثناء شريطة عدم مخالفة قوانين الكتابة المذكورة أعلاه. و يحق لإدارة المنتدى و دون سابق إنذار حذف المواضيع أو تعديلها إذا لم تكن مطابقة للضوابط المذكورة أعلاه، و يتم إلغاء أو توقيف عضوية المشارك عند الإصرار على مخالفة الشروط.

اذا كنت لم تخالف قوانين الكتابة الستة عشر السابقة للبند السابق ... اعتقد انه يجب عليك ان تتقدم بطلب للادارة لادراج قائمة بالموضوعات المسموح للاعضاء بالحوار حولها على صفحات المحاورات

اتمنى الا يوقعنى رأيي هذا تحت طائلة القانون الثامن عشر فلم اهدف الا الخير ومناشدة حرية الرأي...

وكل عام وانتم جميعا بخير ...

[الاسكندرنى]

اضحك يابو اسكندر

ده الادفيزور بيقولك حمداعلى السلامة و بيهزر معاك

مش عارف

والله العظيم بما انى عزلت من هنا و مش برجع الا علشان اخد بعض الخلجات

كنت عاوز حاجه و علشان القسم ده حقولها

يا استاذ عادل البيت الكبير بقى ضيق اوى و الهواء مش بيدخل

[White heart]

لم أطلع على تفاصيل الموضوع المعنى ... و لكن اليس من الممكن أن يكون الأمر له علاقة بالتوقيت ... ليس أكثر .. اقصد بمناسبة شهر رمضان ..... حيث انه هناك بعض المواضيع على حسب ما فهمت من موقف مشابه للإدارة مؤخرا تجاه إحدى المواضيع، لا يصح تناولها خلاله ....

ما دفعنى الى هذا التبرير هو :

1 - إفتراض حسن النية دائما .

2 - إعمل الخير و ارميه البحر. :)

3 - ان فكرة الموضوع ذاته سبق و ان تناوله بعض الأعضاء بالفعل سابقا ... و ليكن هذا الموضوع: الثقافة الجنسية .. أو هذا: هل توافق على تدريس التربية الجنسية بالمدارس؟

يا جماعة الخير لا داعى للشللية و التجمهر .... أو إستغلال مواقف، العزيز yasovinas ، أتفهم شعوره تماما، و ها هو قد عبر عما ضايقه و علنية ... اذن أبسط شئ ترك الرد للــ advisor ....

تحياتى.

تم تعديل 21 أكتوبر 2006 بواسطة White heart

[Advisor]

أشكر الفاضل "المهندس" على الآراء المختلفة التى عرضها عن الموضوع.

و تعليقى البسيط أننا أصبحنا فى رفاهة فكرية حتى أننا ننقب عن المسائل التى يتكلم فيها الغرب و نناقشها و نعيد بحثها رغم أنا لا تعنينا فى قليل أو كثير.

ما سبق كان إستهلالا لابد منه.

التبية الجنسية بدأت فى الغرب كرد فعل على القبول العام بالعلاقة الجنسية - على الأقل إعلاميا - و ما إستتبع ذلك من وجود أمهات صغيرات جدا فى السن و كذلك إنتشار أمراض تناسلية وقف العلم أمامها عاجزا و تتمثل الثقافة الجنسية التى تدرس فى التعريف بمقتضيات السلامة الشخصية قبل ممارسة الجنس مع شخص جديد !! وكذلك آليات الحماية من الحمل و التحذير من متاعب الأمومة فى السن الصغيرة.

و أدعى أن هذه النوعية من المشاكل قد تكون موجودة فى "إصلاحيات الأحداث" أو السجون مثلا و هذه هى الفئات أو الطبقات التى يمكن توجيه ما أسموه الثقافة الجنسية لهم.

أما باقى الناس فكما قال أحد الأعضاء الأفاضل أن الموضوع طبيعى جدا و لا يحتاج أى نوع من الحذلقة العصافير و سيد قشطة و النعام و التماسيح تقوم به تلقائيا !!

أتصور أن ظهور مصطلح التربية الجنسية فى المدارس يقبع خلفه سبوبة من الدعم المالى الأجنبى .

ما سبق كان تعقيبى فى موضوع تدريس الثقافة الجنسية

و تعليقى الآن ربما فى نفس السياق تقريبا و أضيف أنك أو أى من الأعضاء - المحترمين - لن يكون سعيدا بقراءة أخته أو إبنه موضوع فكاهى عن ثقافتنا الجنسية فى محاورات المصريين و أضيف مقولة أخرى أن "التدهور لا يحدث فجأة" و لكنه يبدأ بمجموعة من التنازلات البسيطة تليها تنازلات أخرى حتى الوصول للقاع

[واحد تاني]

إفتراض حسن النية دائما .

!

!

!

V

إعمل الخير و ارميه البحر. :sad:

!

!

!

V

كلام جميل

يا جماعة الخير لا داعى للشللية و التجمهر .... أو إستغلال مواقف

:excl:

-_-

:)

الجملة الاخيرة مش راكبة مع اخواتها اللى فوق استاذى العزيز :sad:

تم تعديل 20 أكتوبر 2006 بواسطة واحد تاني

[bentmasria]

العزيز ياسر

تعلم جيدا كم اثق بك كأخ وصديق واحترمك واثق ايضا فى حسن فهمك للامور وحكمك عليها لذا اسمح لى بالتوضيح وانا اعهلم جيدا انك كنت مشرفا لفترة ليست بالقصيرة بالبارك وتعلم ما يحدث هنا سيدى الكريم

مجرد وضع كلمة ثقافتنا الجنسية ستستدعى الكثيرين للقراءة وبوجه خاص صغار السن او الباحثين من الزوار عن هذه المادة التى اصبحت بعض المنتديات تضيفهاخصيصا كباب تحت اسماء متنوعة كالحياة الزوجية والثقافة ال............... الخ

والنتيجة انه هذه الابواب نفقد فيها السيطرة على مقاليد الامور وتدخل بنا الى متاهات تقف امامها بعض الادارات عاجزة

لقد اطلعت على موضوعك وافهم اشارتك لاعداد طبيبك الخاص فيها واثق تماما ان تناولك للامر لم يكن ليثير اى مشكله لكنى لا اضمن هذا من عدد يزيد عن تسعة آلآف عضو نعرف انا وانت منهم ربما المئات ممن نثق فى حكمتهم وحسن معالجتهم وفهمهم للأمر برمته

صديقى ياسر

هنا انا لا ادافع عن تصرف لكنى اوضح موقفا لا اتوقع ان يثير داخلك اى شىء سوى ان تتفهم الامر بسعة صدرك ووعيك الدائم وحرصك على المحاورات

اشكرك لسعة صدرك اخى الفاضل :)

فين هدوم العيد بتاعة مادا

هو بيطالب بمكالمة معايدة ياعمو

ربنا يسعدك وكل سنة وانت طيب

[yasovinas]

الاخوة الغاليين جميعاً اشكركم على الرد وتفهم الموقف

و,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,نرجع لموضوعنا

استاذي الفاضل عادل ابو زيد لي فترة ليست بالقصيرة عضو بالمحاورات منذ اكثر من اربع سنوات والحمد لله مداخلاتي قاربت على الالفين مداخلة ولم يحدث ان كتبت لفظ جارح او خارج اللهم مرة هزار وفهمت بالخطأ ولم يكن لفظ جارح او خارج عن نطاق الادب ولله الحمد

تاكد يا صديقي او يا استاذي الفاضل انني لن اقبل ما ذكرته والحديث لم يكن ليتطرق الى اي ما يخدش حياء اختى او ابنتي اطلاقاً

حصل خير واشكركم جميعاً

ومرة بعد مرة لاتخيب ظني ابداً - وقمت بتغيير عنوان هذا الموضوع ايضاً- بدون سبب مفهوم!!!

ومرة تانية ؛؛؛؛؛؛؛؛؛؛؛؛؛؛؛؛؛؛؛؛؛؛ ارجعوا لموضوعاتكم

تم تعديل 21 أكتوبر 2006 بواسطة yasovinas

[El-Masri]

فكما قال أحد الأعضاء الأفاضل أن الموضوع طبيعى جدا و لا يحتاج أى نوع من الحذلقة العصافير و سيد قشطة و النعام و التماسيح تقوم به تلقائيا !!

:wub: :wub: :wub:

تم تعديل 21 أكتوبر 2006 بواسطة El-Masri

[se_ Elsyed]

لن أدافع عن الأدفايزر

ولكن عايز أقولك حاجه يا ياسو

منذ إنضمامك للمحاورات أو فترة وجودك بالهايد بارك سواء عضواً أو مُشرفاً

هل لاحظت إن مثل هذه المواضيع تأتي بخير ؟

تصدق بالله

أنا لسه حاذف موضوع النهاردة مش عن الثاقفة الجنسية ولكن عن حاجة برضوا كده تخُص المرأة و .. ما علينا

وغيرها وغيرها من أسئلة أو إستفسارات يظُن أصحابها بإننا متخصصين في مثل هذه الأمور التي أتفق معك في أنها أصبحت تُثار حتى على الفضائيات نفسها في كثير من البرامج .. ولكنها تترك في النفس ضيقاً لما يحدث فيها من تجاوزات

يا ياسو إذا كان الموضوع إتحذف فمش عشان ياسو اللي كتبه .. ولكن السبب الرئيسي هو التخوف مما سيحدث بعد ذلك

هاتقول وإش عرفك إن هايحدث خروج عن الموضوع أو إنه يتضمن ألفاظ خارجه ؟

أقولك برضوا إرجع لتاريخ المنتدى وغيره من المنتديات .. وهاتلي موضوع زي ده ما حصلش فيه تجاوزات أو ناس ممكن ما يكونش لها أي مشاركات وتدخل فقط عشان تضع ألفاظاً خارجه ممكن يقرأها إخوتنا وبناتنا وحتى إحنا نفسنا نخجل منها ..

[White heart]

واحد تاني كتب:

الجملة الاخيرة مش راكبة مع اخواتها اللى فوق استاذى العزيز :wub:

ربما يكون قد خاننى التعبير .... و لم أبذل من الجهد القدر الكافي لإختيار الكلمات ... و لهذا قمت بشطب هذا الجزء من العبارة، إحتراما لرأيك - كما أعتذر أيضا اذا ما كانت تلك الكلمات قد تسببت فى أى ضيق لأى من الزملاء الأعزاء.

تحياتى.

تم تعديل 21 أكتوبر 2006 بواسطة White heart

[Hammer]

يا جماعة ده القنوات المصرية بقت بتناقش المواضيع دي بلا أي حرج ...

لأ و كمان بتتلقي إتصالات من رجال و سيدات للسؤال عن تفاصيل مشاكلهم الجنسية .

و الواضح إن الموضوع ده لسه محتاج مئات البرامج و المواضيع لمناقشته بعد ثبوت جهل الكثير عنه و ما يترتب عن هذا الجهل من مشاكل ... و للأسف هذه المشاكل لا يتعرض لها العصافير و سيد قشطة ... بل يتعرض لها الإنسان فقط .

موضوع سد الذرائع و درء المفاسد الحقيقة بقي اكبر مفسدة في حياتنا .. يعني مثلاً بجولة صغيرة في تاريخ المنتدي, لن تجد ان المتجاوزين و الخارجين عن الأداب العامة مقتصرين علي المواضيع التي تناقش الجنس فقط ... بل ستجدهم في جميع المواضيع حتي الدينية .

و علشان كدة انا مش فاهم ... المفروض الناس الصغيرة اللي إحنا خايفين عليهم دول يناقشوا موضوع زي ده فين ... إذا كانت الأماكن المحترمة زي المحاورات بتمنع ... يبقي ما فيش غير الأرصفة و الكتب الصفراء .... و أعتقد إن النتيجة وقتها معروفة .

[nancy]

ياسو انا قريت الموضوع الى كنت كاتبة وملقتش حاجة فية تستحق الحذف

ولكن موضع الجنس عموما دى من الموضيع الى غير مسموح فيها الكلام الا فى السر

المجتمعات شرقية كدة

انا قبل كدة قلت ان فية موضيع تهم الاباء والامهات وطريقة علمية مبسطة لشرح البلوغ لولادنا وبناتنا وشرح علمى لمعنى الجنس على اد سنهم

وسهيلة كانت حتدرس الموضوع وتقراء المقالات ومحدش عطانى رد

عموما ابتسم انت شرقى :wub:

[Folana]

السلام عليكم ورحمة الله.........

اولا احب احى كل الزملاء الافاضل اللى كتبوا فى الموضوع ده...فى الواقع كلهم بلا استثناء على قدر من الوعى والاحترام ..ومراعاة شعور الاخر...انا كنت بابتسم - صدقا - وانا باتابع الموضوع وسعيدة جدا بدرجة الرقى اللى بيتحدث بها الاخوة والاخت بلسم المنتدى ام مادا - اصلى باشعر بهدوء نفسى وانا باتابع كلامها فى اى موضوع -

الاستاذ الفاضل ياسو....انا باشكرك على تفهمك لكل الامور ..وده دليل انك انسان متحضر ومحترم وكذلك اسعدتنى مداخلة الاخ الكريم وايت هارت الاخيرة وده مش غريب عليه..وباقى الاخوة المشاركين...وانا متأكدة ان ياسو وصله مضمون الرسالة واستوعبها ..

اما عن تغيير اسم الموضوع فانا شايفة انه مااختلفش كتير..وطبعا موضوعك فعلا مافيش فيه حاجة خارجة ولا بتمس اى شخص ولكن تحسبا لما عرضه الاخوة الافاضل اتأجل الموضوع ومش اقول اتحذف يعنى ...

لى تعليق صغير بس على كلام اخى الفاضل هامر...مش معنى ان المواضيع دى انتشرت فى القنوات الفضائية ان ده بيدل على جهل جنسى واحتياج للمعرفة ...بالعكس ده دليل على اتساع الهوة التى نخشى الانزلاق اليها..ودليل على سطحية المشاركيين فى مثل هذه البرامج....

يعنى لو حضرتك تابعت المواضيع دى حتلاقى اسئلة مافيش طفل فى ابتدائى يسألها مثلا....ومعظم البرامج دينية كانت او طبية او برامج فتاوى - وباقول بعضها - بنجد ان الاسئلة الواردة انقلبت بقدرة قادر الى المشاكل الجنسية..

كأن مافيش حاجة شاغلة الناس غير المواضيع دى ..وكأنهم كلهم حيحضروا دكتوراة فى الثقافة الجنسية...وكأن مافيش مشاكل فى الحياة غير كده...ونسينا مانتعرض له يوميا من مشاكل ومتاعب واهانات على جميع المستويات

والا ...فمعنى ان ده دليل الجهل الجنسى والاحتياج للمعرفة يبقى برضه برامج الدجل والشعوذة المنتشرة على الفضائيات ..وكذلك قنوات الفيديو كليب والعرى والمهازل اللى بتحصل دى..معناها اننا فى اشد الحاجة الى جرعة مركزة من اعمال السحر ومن طرق التعرى فى الاغانى...

اعتقد ان ممكن يكون هو ده لهو الحديث....

الاستاذ هامر بيتناول قضية مهمة فعلا وبيطالب بمناقشتها...بس لو تضمن حضرتك ان المناقشة تستمر على نفس المستوى العلمى والنفسى للافادة وليس للمشاحنات ..وفجاءة نلاقى الموضوع اصبح مسرح لاستعراض العضلات الفكرية وانقسمنا الى فريقين ..كل منا يحاول اثبات وجهة نظره....

ولو نضمن برضه انه ماينقلبش الى دعاية مستترة لاباحة انتشار الاساليب الجنسية بجميع مراحلها...

انا مع حضرتك فى اننا يجب ان نتخطى مرحلة الحساسية فى مناقشة مثل هذه الامور ولكن على شرط الالتزام بقواعد المناقشة العلمية المثمرة ..ومش على طريقة اللى عايز يقول حاجة يقولها لانها حرية شخصية...

اعتقد ان مافيش حد له ذنب انه يتحمل حرية الاخر الشخصية فى مواضيع مشتركة

وممكن بعد رمضان ان شاء الله نبدأ نجدول المواضيع المهمة ونبدأ نناقشها تحت شروط معينة ...وباقصد جميع المواضيع...الاهم فالمهم ..لان فى حياتنا حاجات كتير جدا محتاجة مناقشة واعادة ترتيب وفهم واولها من وجهة نظرى كيف نتقن فن محاورة الاخر..من اجل الحصول على افضل نتائج وفائدة من المناقشات وليس من اجل احراز هدف فى مباراة وهمية....

باشكركم كلكم مرة تانية على حسن اسلوبكم وتحاوركم ....

وكل سنة وانتم جميعا بخير

ياسو...صفحة جديدة بقى مع ابتسامة عريضة..تتناسب مع حبك للمنتدى واللى انا لمسته من امضائك...

:wub:

[Folana]

ياسو انا قريت الموضوع الى كنت كاتبة وملقتش حاجة فية تستحق الحذف

ولكن موضع الجنس عموما دى من الموضيع الى غير مسموح فيها الكلام الا فى السر

المجتمعات شرقية كدة

انا قبل كدة قلت ان فية موضيع تهم الاباء والامهات وطريقة علمية مبسطة لشرح البلوغ لولادنا وبناتنا وشرح علمى لمعنى الجنس على اد سنهم

وسهيلة كانت حتدرس الموضوع وتقراء المقالات ومحدش عطانى رد

عموما ابتسم انت شرقى :wub:

الحبيبة نانسى..اولا عمرة مقبولة ان شاء الله يارب تكونى افتكرتينا بصالح الدعاء......

مش فكرة شرقى وغربى يانانسى والله ..اكتر منها محاولة الحفاظ على الشكل العام وعدم دخول عناصر مدمرة كل مهمتها انها تقفل اى موضوع عن طريق كرسى فى الكلوب والمناقشة بطريقة تثير حفيظة القارىء..

وعلى فكرة موضوع البلوغ موجود فى منتدى الاسرة والطفل ..بصى انا حاحاول انقل الرابط ودى اول مرة احاول انقل حاجة فلو فشلت ...اعتمدى على نفسك بقى وروحى منتدى الاسرة والطفل الصفحة السابعة او الثامنة

الحضن الدافى لمشاكل المراهقة

[الاسكندرنى]

السلام عليكم

الاستاذة الفاضله فلانه ( واخد باللى المرة ديه من تاء التائنيث)

بس لو تضمن حضرتك ان المناقشة تستمر على نفس المستوى العلمى والنفسى للافادة وليس للمشاحنات ..وفجاءة نلاقى الموضوع اصبح مسرح لاستعراض العضلات الفكرية وانقسمنا الى فريقين ..كل منا يحاول اثبات وجهة نظره....

نعم انا اضمن ذلك قد سبق لى و تقدمت للاستاذ عادل بفكرة لعمل قاعة للمؤتمرات للمحاورات و تكون اساس فكرتها طرفين غير متفقين

يعنى اساس الفكرة الراى و الراى الاخر مؤتمر الاتجاهيين

و اضمن استمرار المناقشه باسلوبها الجيد الائق عن طريق اختيار من يرشحون انفسهم للمناقشه و يكون حق النقاش لهم فقط فبذلك يستطيع الاستاذ عادل اختير من يثق فى كلمتهم و قلمهم

ولكن ولكن كما قال ياسر

للاسف

[Folana]

السلام عليكم ورحمة الله ...

اخى الفاضل الاسكندرانى ...يا ه ه انت لسه فاكر....اظن كنا مرة طلعنا على القسم علشان تاء التأنيث دى مش كده؟...انا قلبى ابيض جدا على العموم ومش فاكرة اى خلافات ..كلكم اخوة باعتز بوجودهم فى حياتى.....(وش امينة رزق)

للاسف ليه بقى ..مش انت لسه بتقول حتضمن النقاش بدون اساليب ومصطلحات مش مفهومة...

احنا كلنا نتمنى رجوع الاسلوب الراقى للمحاورات فى مناقشة اى موضوع....ونتمنى رجوع كل المتحتاورين اللى هجرونا...

لكن اللى بيحصل ان موضوع يتفتح للنقاش ..يبدأ كل فريق يسن اسنانه ويشمر عن ساعديه ويستعرض قوته الكلامية وفجأة نلاقى الموضوع اخذ اتجاه اخر وتصاعدت حدة النقاش بين طرفى الحوار...وبعدين نطالب الادارة بالتدخل...ولو الادارة تدخلت من الاول نبدأ نهاجمها ونقول ارفعوا ايديكم عنا لاننا بالغين ومش فى مدرسة..

قولى انت ايه هو الاسلوب الامثل لنرتقى بلغة الحوار...بدون اهانة الاخر وتجريحه لا لشىء الا لاثبات الذات ..والنظرة الاحادية والتمركز على الذات ..مما ادى الى غضب عدد لا بأس به من الاعضاء...

لو تضمن فعلا رقى الحوار ...يبقى مافيش داعى انك تقول للاسف .....

[الاسكندرنى]

استاذ عادل

هى الرسالة اللى شرحتلك فيها مشروعى لسه موجوده عندك ولا خلاص اتمسحت

اصل الاستاذة فلانه عاوزة تعرف المشروع و لو اتحذف اظنك الاقدر على استرجاعها و ارجوك ارسالها الى الاستاذة فلانه

استاذتى انا بقول للاسف

لان الاستاذ عادل لم يقم بالرد على اقتراحى و استعجب الان لانه فى اعز الحاجه الى اقتراح مثله لتقنيق اساليب النقاش فى المواضيع الحساسه

استاذتى راسلى الاستاذ عادل و اعرفى اه هى مشروعى او اظن بما انك من الاشراف الان

فبسهوله سوف تحصلين على المواضيع المحذوفه

[Folana]

السلام عليكم ورحمة الله.........

اخى الفاضل الاسكندرانى.....انا مش فاكرة انى سألت عن اقتراحك..لانى فهمت تقريبا هو كان ايه...من غير ما ادور عليه..وكمان ياسيدى انت عايز توقعنى فى الغلط ولا ايه بقى يابو اسكندر..يعنى انا برضه حاراجع ورا الاستاذ عادل ..ولا ورا اى حد هنا؟.....انا بافهم المضمون من محتوى المشاركة ..وماتخفيه السطور ايضا...

ومش حارد على جملتك الموجهة للاستاذ عادل بانه فى امس الحاجة لمثل هذه المقترحات ...

برضه يا اخى الفاضل مش عارفة ليه وصلنى احساس مش مريح من بين سطورك..ومش ده اللى اتفقنا عليه فى المشاركة الى فاتت ..لما قلت انك حتضمن اسلوب راقى للحوار...

الى فهمته من مشاركتك عن اقتراحك ..انك عاوز تعمل موضوع منفصل يشبه قاعة المؤتمرات ..يتناقش فيها طرفين لهما وجهات نظر مختلفة وكل منهما يعرض وجهة نظره وخصوصا فى الامور الى بيثار حولها الجدل..انا صح كده؟

تفسيرى انا بقى ..ان ده مش مؤتمر ..دى مناظرة ..والمناظرة تختلف عن المؤتمر او عن الندوة...

لان المناظرة هى صدام بين طرفين متضاديين وكل منهما يحاول اثبات وجهة نظره وبطلان رأى الطرف الاخر...

وتتناول دائما موضوعات خلافية سواء كانت اجتماعية او اخلاقية او سياسية الى اخره...

وهى لها فوائد بالطبع اذ انها بتساهم بشكل مباشر فى التفيس عن غريزة المقاتلة لاستعراض قوة المحاور

كما انها تساعد فى الكشف عن خبايا الموضوع محل النقاش ..اذ نجد كل طرف يقوم بقتل الموضوع بحثا لكى يؤيد وجهة نظره بالبراهين

وغيره وغيره..وده شىء محمود اذا توافر فيه ...ضبط الاعصاب ...تركيز الذهن ....الاستناد الى وقائع ملموسة ....

بعيد بقى عن سياسة خلص تارك من اللى جارك...

ولو اضفنا لكده اننا نحاول ان يكون كلامنا بعيد عن التعرض من قريب او بعيد لاشخاص معينيين ويكون كلاما بريئا من التجريح والنميمة لان الكلام هو مرآة المتكلم يظهر فيها كل نواقصه ومميزاته..

ان يكون الحوار ايضا بعيدا عن المصادمات الكلامية والنقاش الحاد لانه لايفضى الى نتيجة ايجابية بل بيشبه الحريق الذى لا يبقى ولا يذر

نبتعد عن السياسة الكلامية الحمقاء ..تأويل الكلام وتزييفه....اكالة الاتهامات للاخرين ...التهكم والاستهزاء

نبتعد عن نصب الافخاخ للاخر ...متهيألى لو ده كله توفر يبقى احنا كده كسبنا حاجات كتير ..

وعلى فكرة كلنا محتاجين ان النقاش يبقى على هذا المستوى ...مش الاستاذ عادل...

ومرة اخرى يا اخى الكريم باقولك انى مش عارفة ليه لم اشعر براحة وانا اقرأ كلامك..ارجو انى اكون مخطئة........

ومرة اخرى برضه انا ماسألت عن تفاصيل اقتراحك ولو عايزة اعرفه ..انا عارفة حاوصله ازاى ....

ولك منى كل المودة والاحترام................

[الاسكندرنى]

ومرة اخرى يا اخى الكريم باقولك انى مش عارفة ليه لم اشعر براحة وانا اقرأ كلامك..ارجو انى اكون مخطئة........

بما انك تدعونى بكلمة مثل اخ اسمحى ان ادعوكى بمثلها و ولى عظيم الشرف

اختى الفاضلة

ردى على الاقتباس هذا لم يكون فيه اى كلام بين السطور بل سيكون واضح وضوح الشمس

ان لم تشعرى براحة من مدخلاتى السابقه فهو فعلا كذلك لان فى سطور احمل فيها بعض معنى اللوم للاستاذ عادل

و اظنه يفهم جيدا لماذا اوجه اليه هذا اللوم

عندما ابعث له اكثر من اقتراح و اكثر من رسالة خاصة من شهور ولم الاقى اى رد فاننى ارى انه واجه لى اساءة بعدم الاحترام او نوعا من التكبر على ذاتى

و ينتج عنه اسلوب للملامه عندما اتناقش اى موضوع اخر قد يكون هو طرفا فيه

الى فهمته من مشاركتك عن اقتراحك ..انك عاوز تعمل موضوع منفصل يشبه قاعة المؤتمرات ..يتناقش فيها طرفين لهما وجهات نظر مختلفة وكل منهما يعرض وجهة نظره وخصوصا فى الامور الى بيثار حولها الجدل..انا صح كده؟

تفسيرى انا بقى ..ان ده مش مؤتمر ..دى مناظرة ..والمناظرة تختلف عن المؤتمر او عن الندوة...

لان المناظرة هى صدام بين طرفين متضاديين وكل منهما يحاول اثبات وجهة نظره وبطلان رأى الطرف الاخر...

وتتناول دائما موضوعات خلافية سواء كانت اجتماعية او اخلاقية او سياسية الى اخره...

وهى لها فوائد بالطبع اذ انها بتساهم بشكل مباشر فى التفيس عن غريزة المقاتلة لاستعراض قوة المحاور

كما انها تساعد فى الكشف عن خبايا الموضوع محل النقاش ..اذ نجد كل طرف يقوم بقتل الموضوع بحثا لكى يؤيد وجهة نظره بالبراهين

وغيره وغيره..وده شىء محمود اذا توافر فيه ...ضبط الاعصاب ...تركيز الذهن ....الاستناد الى وقائع ملموسة ....

بعيد بقى عن سياسة خلص تارك من اللى جارك...

تماما هذا هو مشروعى او اقتراحى هل توافقى الاستاذ عادل فى عدم رده على اقتراح مثل هذا (بدون كسوف او خجل اريد كلمة حق )

ان يكون الحوار ايضا بعيدا عن المصادمات الكلامية والنقاش الحاد لانه لايفضى الى نتيجة ايجابية بل بيشبه الحريق الذى لا يبقى ولا يذر

نبتعد عن السياسة الكلامية الحمقاء ..تأويل الكلام وتزييفه....اكالة الاتهامات للاخرين ...التهكم والاستهزاء

نبتعد عن نصب الافخاخ للاخر ...متهيألى لو ده كله توفر يبقى احنا كده كسبنا حاجات كتير ..

وعلى فكرة كلنا محتاجين ان النقاش يبقى على هذا المستوى ...مش الاستاذ عادل...

والله العظيم ده مضمون لان عند تكوين المجموعات حيكون فى دور للاستاذ عادل فى اختير من سيكون تلك المجموعات

فانفرض مثلا

المجموعه ا

سين سين و هشام عبد الوهاب و اخناتون

المجموعه ب

عادل ابوزيد و افوكاتو و فلانه

مش الاختيار ده حيوفق الاستاذ عادل فى انه يكون عارف و واثق فى من سوف يتكلمون فى الموضيع الحساسه

ارجوا انك تكونى فهمتنى

وارجوا ايضا انى لا اعاقب على الصراحة لاننا نحتاجها اليوم و تتحدثوا معى بنفس الاسلوب و المواجهة لحل الازمات وليس التعنت و فرض الاحكام

تذكرى اسلوبى فى اول لقائتنا و قارنى بينه و بين اسلوبى الان

هل ترنى لم استفيد من اسلوب الاعضاء الافاضل المحترمين فى المحاورات

ان وجد فرق هل تقولى لى اين هم الاعضاء الافاضل الان ليعلموا من هو مثلى الان