للاسف الأدفايزر حذف موضوع "ثقافتنا الجنسية"

[Folana]

السلام عليكم ورحمة الله............

الشرف لى انك تكون اخ عزيز ...ويكون فيه بينا قناة للتحاور والتفاهم......

عندى ملحوظة صغيرة بس...اذا كنت بتقصد توجه لوم لشخص ما..وليكن الاستاذ عادل ...فخلى كلامك مباشر مافيش داعى انك تمسكنى من رقبتى وتخلينى ضحية فى المنتصف على اساس انى طلبت طلب انت اللى بتبحث عن اجابته ..:excl:

متفقين؟....موافقة..........

حاجة كمان ...انا من وجهة نظرى كل الاعضاء اللى هنا افاضل ومحترمين...حتى الغائبيين منهم واللى انا فعلا حزينة لعدم مشاركتهم معانا ومش حاذكر اسماء حتى لا اغفل عن ذكر احد...

كل الاعضاء دول هم اللى عليهم المسئولية ..لانهم اصحاب فكر واصحاب قلم بارع لتوصيل المعلومة للاخر ...وقدرة على الاقناع ايضا...فلما انا بقى ازهق من عضو مثلا اروح سايبة المكان وماشية ...يبقى انا كده صعبت المشكلة وتنازلت عن ابسط حقوقى وهى تواجدى فى مكان بارتاح فيه مع مجموعة باحبها فى الله....

اى سؤال موجهه للاستاذ عادل انا مش حاقدر ارد عليه ....وعلى فكرة يا اسكندرانى انا لما باتكلم ..باتكلم من منطلق انى عضوة وان باغضب مما يغضب منه الاعضاء ..ومش علشان انا بقيت مشرفة ...انا مااعرفش تناقض المشاعر ده..بمعنى انى لو مش راضية عن مداخلة معينة وانا عضوة حاكون على نفس موقفى دلوقت ..ومش حيحصل العكس...

عقاب ايه بقى اللى بتتكلم عنه؟....احنا طالما بنتكلم بصراحة ماخرجتش عن حدود الادب يبقى خلاص ..يعنى ما اجيش انا مثلا واكيل لك الاتهامات والسباب واقولك دى صراحة ...صح ولا انا غلطانة...

وكلام فى سرك انا فعلا فى الاول ماكنتش باحب ارد عليك ولا اقرأ لك مداخلات ...معلش دى صراحة :ph34r:....لكن انا شايفة فعلا ان معدنك الاصلى بدأ يتضح ويغرى بالتعامل معه...

انا شايفة اننا نبدأ ننظم افكارنا..ونعمل معا لاعادة روح التعاون والاحترام ...ونتلم كلنا تانى نكتب ونتناقش بالطريقة المثلى ..اللى بنتكلم عنها.....

ونلتمس العذر للاخر..ونقرأ ونحس ماوراء الكلمات ...

يعنى انا مثلا ناس كتير غلطوا فى بدون سبب...هل معنى كده انى اتفرغ بقى لانتقاء الكلمات واقعد افكر لهم حارد ازاى وحاحرق دمهم ازاى ؟...متهيالى كده حابقى مش طبيعية...لكن التمست لهم الاعذار واتمنى انى اقرأ مشاركتهم تانى لانهم فعلا اصحاب فكر مميز....

مشروعك ده ..اجله بس شوية لبعد الاجازات وحنتكلم فيه ..ايه رأيك؟....بس مش معنى كده انك توقف نشاطك معانا وتفضل واخد موقف كده..ولا ايه...

فيه حاجات كتير ممكن نتكلم فيها ومواضيع ممكن تحكى لنا عنها ...عن ثقافات مختلفة مثلا وليكن فى بلدك اظن فرنسا مش كده؟...يعنى نتكلم فى بدائل والمواضيع المعلقة حنشترك كلنا فى ايجاد حلول لها ...

كل سنة وانت طيب.:blink:....

ياسو....سامحنى انى خرجت بموضوعك فى الميدان ...:lol: