البلح و العنب و سواق التاكسى و الرقاصة

[shazly]

البلح و العنب و سواق التاكسى و الرقاصة

الكاتب: معتز الشاذلى - بتاريخ: 21 - أكتوبر - 2006

فيلم إسمه "عليا الطرب بالتلاته" بيمثل الفن الشعبى!! فهل إحنا شعب يمثل فنيا من خلال سواق تاكسى بيحب الفاكهة و الحجة إللى بترقص -بس إحنا ملناش دعوة لإن دى علاقتها بربنا- و يمثل من خلال غنا تافه و إيحاءات جنسية مقززة؟

هل ده المستوى الفكرى إللى وصل له الشباب؟ البلح و العنب!!

مش من المنتظر إن يكون كل الشعب دكاترة و مخترعين و علماء صواريخ -بالمناسبة مصر مفيهاش علماء صواريخ أساسا-. لكن على الأقل يكون هناك حد أدنى من الذوق العام اللى يحول دون ظهور مثل هذا النوع من المسمى "فن".

نرجع و نتكلم تانى عن المشكلة الأزلية إللى مفيش أحد مهتم بيها, لا إسلاميين و لا ليبراليين و لا يساريين و لا و لا ...كلهم بيجروا على الكرسى من أجل السلطه و مفيش حد فيهم مهتم فعلا بالشعب ده و حجتهم إنهم هيعملوا و يسوا لما يمسكوا الحكم. إللى عايز يصلح مش هيستنى حكم و لا سلطه, كلمه الحق ممكن تتقال من غير سلطان, و لو إتقالت أمام سلطان جائر فهى جهاد. إنما ليه يتعبوا نفسهم و عشان مين؟ القوى السياسية فى مصر كومبارس فى المرسح السياسى الهزلى.

مفيش حد فى البلد دى مهتم بالتنمية البشرية. و لو إسمترينا على كده السياح هييجوا مصر عشان يتفرجوا علينا كإثبات حى على إن الإنسان كان أصله قرد. إمشوا فى الشوارع و إتفرجوا على مظاهر التخلف فى البنا و السير و التخطيط و السلوك الهمجى إللى وصل إليه المواطن المصرى. و الفقر ليس السبب الوحيد فى هذا و إنما الجهل و هو الأصل. نحن شعب جاهل فى مجمله و بالتالى لا أستغرب أن يخرج هذا النوع من الإسفاف فى صورة الفن الشعبى لأنه يمثل بحق حال هذا الشعب المتخلف علميا و إجتمعيا و إقتصاديا و سياسيا. و ربما السبب فى هذا يرجع لأنه شعب متخلف عقليا!!

.

[MZohairy]

عرفت مؤخرا ان الولد الرقيع اللي بيغني في الفيلم ده كان ممسوك بيسرق شقه في التسعينات و مسجل بالشرطه كلص منازل :wub:

بعد ما كنا بنسمع عبد الوهاب و عبد الحليم و الست ام كلثوم بقينا بنسمع هجامين شقق

أوففففففففففف :wub:

[مازن الدسوقى]

الاخ /شاذلى

مشكلتى كمصرى اننى اشعر بأنى اصبحت لا املك بلدى وبألتالى كيف احب شيئا لا املكه وهو ملكا كامل لأخرين قله . فقط مطلوب منى ان اسدد كل واجباتى الوطنيه بألأمر واليد الحديديه . ولا اطالب بشيئا من حقوقى و الا 000000 !

فقط مطلوب منى ان اتبرع ل57357 مستشفى سرطان الاطفال ولا أسأل لماذا لايضع صاحب 40 مليار . مليار واحد فى البنك فوائده فقط لمثل هذه المشاريع الخيريه .

الأخ / شاذلى عمر المصريين يملكون مواهب الفن الشعبى الجميل امثال رحمهم الله محمد طه و شكوكو وشفيق جلال واخيرا الاستاذ محمد العزبى ولكن كيف يكافأون / دينا ابو الفتوح على المجهود الكبير الذى بذلته فى سبيل رفع علم مصر فى المحافل الدوليه . وكيف تصبح قدوه لكل المراهقات .

بألاضافه الى انها ثقافه لنا انعرف الوان البلح والعنب وللأسف سيحقق هذا الفيلم أعلى الايرادات لأن دى الحاجه الوحيده التى اصبح الكثير منا يعشقها [الكلام ألفاضى ] 0

[sayed_ossman]

يا جماعه مهما كانت الصورة حالكه السواد فلابد من بصيص امل يعطينا القدرة على المواصله

الكبار وصلونا لاننا نكره بلدنا " سمعت مقوله فى مسلسل اولاد الشوارع " فى احدى الحلقات قال احد الممثلين انهم وصولوهم اى اولاد الشوارع ان الامريكان لو جاءوا لاحتلال مصر مثل ما احتلت العراق و افغانستان

فان هؤلاء سوف يساعدوهم

هل وضحت الرؤية لكم ايها الشعب المصرى

انها خطط مدفوعة الاجر لتحويل الشعب المصرى الى اولاد شوارع

[nash]

أنا شايفه أنها سياسه تهييف الشعب المصري مش تغييبه بس..

علي رأي عمرو خالد..قال تفسير معقول جدا لهذه الظاهرة...قال أحنا بنوري العالم هيافتنا ..وتعالوا أتفرجوا علينا ده أحنا متخلفين علي الأخر..أطمأنوا علي الأخر..أحنا مايهمناش إلا الهيافه...ولا فيه حاجه ممكن تحركنا..<<<<<<<< مش بذمتكم تفسير معقول

.......................................................................................................................

الأفلام والأغاني الهابطه من زمان موجوده..من أيام الراقصه المعتزله (ربي يثبتها)سحر حمدي..

.......................................................................................................................

بصراحه نفسي أعرف صاحب أغنيه بنات نص البلد.....<<<حد يعرف؟؟

لما بشوفه بالصدفه جسمي بيتنفض من القرف..

.......................................................................................................................

الله لا يحللهم..المتسببين في هكذا إنحطاط ..شغلوا الشباب..بأفلام وأغاني..كلمة هابطه قليله عليهم...وشغلوا الآباء بالتدوير علي لقمة العيش...وأصبح الحابل علي النابل..كل واحد بيدور في فلكه

.......................................................................................................................

هي سياسه وتنظيم مدروس وخطط موضوعه..لتغييب الرأي العام..وإلهائه عن الأحداث التي تدور حوله..بقياده المايسترو صفوت الغير شريف..وفاروق حسني

........................................................................................................................................

عرفت مؤخرا ان الولد الرقيع اللي بيغني في الفيلم ده كان ممسوك بيسرق شقه في التسعينات و مسجل بالشرطه كلص منازل

.........................................................................................................................................

بجد والله؟؟؟ يعني فيه فيلم فعلا أسمه كده؟؟ :blink: >>>طب أسمه ايه الأخ ده؟؟ :blink:

.........................................................................

طب بالأمانه ممكن حد فيكم يشتري شريط للأخ شعبولا...أنا لما سمعتله لقاء مع الأخ سعد...قلت لإبني ..بلا دبلومه عفريتيه بلا هبل..يابني أنا هاعملك شريط..وأهو أستثمار للمستقبل ..وأنت وشطارتك..يعني ممكن ربنا يكرمك وتصرف أنت علينا وعلي أخواك....والله حاله تبكي

تم تعديل 30 أكتوبر 2006 بواسطة nash

[Folana]

السلام عليكم ورحمة الله...........

اللى بيغنى بنات وسط البلد اسمه ياستى....... .ريكو

أما الرقيع ده..فأنا مش عارفة تقصدوا اى واحد؟...هو واحد اسمه سعد الصغير...وواحد اسمه ريكو..وواحد اسمه محمد عطية.......

وانا لااعتقد ان الفيلم ده حينجح ...اهو الشباب ممكن يسمع الاغانى دى بس مايدخلش يقعد ساعة ونصف علشان يسمع تبادل الاغانى بين كل لقطة والتانية....

اما دينا....فاللى اختشوا ماتوا .....

[yacho]

انا كل ما اقرا عنوان الموضوع ده اقول طالما ف سياسه داخليه يبقى رمز للخبطه اللى فيها البلد

لكن يطلع فيلم .. اهو دا اللى مش ممكن ابدا ..

ولسسسسسسسسسسسسسسسسسسسسسسسسسسسسه

[Eldisel]

أنا شايفه أنها سياسه تهييف الشعب المصري مش تغييبه بس..

علي رأي عمرو خالد..قال تفسير معقول جدا لهذه الظاهرة...قال أحنا بنوري العالم هيافتنا ..وتعالوا أتفرجوا علينا ده أحنا متخلفين علي الأخر..أطمأنوا علي الأخر..أحنا مايهمناش إلا الهيافه...ولا فيه حاجه ممكن تحركنا..<<<<<<<< مش بذمتكم تفسير معقول

.......................................................................................................................

الأفلام والأغاني الهابطه من زمان موجوده..من أيام الراقصه المعتزله (ربي يثبتها)سحر حمدي..

.......................................................................................................................

بصراحه نفسي أعرف صاحب أغنيه بنات نص البلد.....<<<حد يعرف؟؟

لما بشوفه بالصدفه جسمي بيتنفض من القرف..

.......................................................................................................................

الله لا يحللهم..المتسببين في هكذا إنحطاط ..شغلوا الشباب..بأفلام وأغاني..كلمة هابطه قليله عليهم...وشغلوا الآباء بالتدوير علي لقمة العيش...وأصبح الحابل علي النابل..كل واحد بيدور في فلكه

.......................................................................................................................

هي سياسه وتنظيم مدروس وخطط موضوعه..لتغييب الرأي العام..وإلهائه عن الأحداث التي تدور حوله..بقياده المايسترو صفوت الغير شريف..وفاروق حسني

........................................................................................................................................

عرفت مؤخرا ان الولد الرقيع اللي بيغني في الفيلم ده كان ممسوك بيسرق شقه في التسعينات و مسجل بالشرطه كلص منازل

.........................................................................................................................................

بجد والله؟؟؟ يعني فيه فيلم فعلا أسمه كده؟؟ >>>طب أسمه ايه الأخ ده؟؟

سياسة تهيف فعلن انا معاك في كل الي انت بتقولة

والمشكلة ان ذوق المصرين اصبح مشوة وهويتهم في اغانيهم بتتمحي فعلن

حسبي الله ونعم الوكيل

[أبو زياد]

المشكلة فينا يا جماعة و الله فينا

إحنا منافقين

المشكلة إن كلنا بنستنكر هذه الهيافة

وبعدين نجرى نشوفها او نسمعها مع اولادنا -- مش عشان حاجة - بس عشان نستنكر

كام واحد مننا او من غيرنا عمل كدة ؟ كتييييييييييييير

[nash]

والله يا أبو زياد ..مش كلنا منافقين..يعني صيغه التعميم..عادة ليست طريقه صحيحه للحكم علي الأمور...أنا شخصيا..وربي العالم..مقاطعه الأفلام المصريه من زمان...وكذلك المسلسلات..اللي كلها نكد وعبط...بيتهيألي اللي بيتابع هذه الأفلام أو غيرها بيكون مضطر..يعني يعمل أيه مثلا يسيب الولاد يتفرجوا عليها ..بدون أي رقابه..أنا الصراحه شايفه أن الأب او الأم لو أتفرجوا علي هذه التفاهات مع أولادهم أرحم مايسيبوهم لوحدهم..علي الأقل ممكن يدور نقاش بينهم علي السلبيات الموجوده في الأفلام وغيرها..يعني مثلا أذكر فيلم للسيده الفاضله شاديه..طبعا مش متذكرة أسمه..بس فاكرة أنها هاتمشي في طريق حرام..وتنجب أبن غير شرعي..في نهايه الفيلم..الجد لما يشيل حفيده ..يعفوا عن خطأ أبنته وتنتهي القصه..والكل بيحب بعض والموضوع عادي جدا...ساعتها تدخلت والدتي وقالت بنقد هاديء..يعني دلوقتي الجرم الفظيع اللي أتهزله عرش الرحمن ..يعدي بسهوله كده...أظن بسبب نقدها ..من يومتها لا يمكن أشوف فيلم إلا ودفتر النقد معايا دائما..ولما إمتلا الدفتر علي الأخر قاطعت هذه الأفلام

[أبو زياد]

لأ يا ناش أنا قصدت التعميم مش التخصيص

يعنى الصفة العامة او الغالبة

انا كمان زيك أسأل الله ان يثبتنا بس حتى معظم أفلام الكرتون لها أغراض خبيثة

والأحسن المنع احيانا

[ام عمرو]

الاخ /شاذلى

مشكلتى كمصرى اننى اشعر بأنى اصبحت لا املك بلدى وبألتالى كيف احب شيئا لا املكه وهو ملكا كامل لأخرين قله . فقط مطلوب منى ان اسدد كل واجباتى الوطنيه بألأمر واليد الحديديه . ولا اطالب بشيئا من حقوقى و الا 000000 !

فقط مطلوب منى ان اتبرع ل57357 مستشفى سرطان الاطفال ولا أسأل لماذا لايضع صاحب 40 مليار . مليار واحد فى البنك فوائده فقط لمثل هذه المشاريع الخيريه .

الأخ / شاذلى عمر المصريين يملكون مواهب الفن الشعبى الجميل امثال رحمهم الله محمد طه و شكوكو وشفيق جلال واخيرا الاستاذ محمد العزبى ولكن كيف يكافأون / دينا ابو الفتوح على المجهود الكبير الذى بذلته فى سبيل رفع علم مصر فى المحافل الدوليه . وكيف تصبح قدوه لكل المراهقات .

بألاضافه الى انها ثقافه لنا انعرف الوان البلح والعنب وللأسف سيحقق هذا الفيلم أعلى الايرادات لأن دى الحاجه الوحيده التى اصبح الكثير منا يعشقها [الكلام ألفاضى ] 0

اااااااه ه ه ه ه ه ه ه ه ه ه ه ه يا بلد

[se_ Elsyed]

عرفت مؤخرا ان الولد الرقيع اللي بيغني في الفيلم ده كان ممسوك بيسرق شقه في التسعينات و مسجل بالشرطه كلص منازل :wub:

بعد ما كنا بنسمع عبد الوهاب و عبد الحليم و الست ام كلثوم بقينا بنسمع هجامين شقق

أوففففففففففف -_-

ساعات الحراميه بيبقوا رجاله برضوا

إنما واحد يكون حرامي و ......

أنا مالي ياخويا .. مالناش دعوة بالناس

[مازن الدسوقى]

عرفت مؤخرا ان الولد الرقيع اللي بيغني في الفيلم ده كان ممسوك بيسرق شقه في التسعينات و مسجل بالشرطه كلص منازل :blink:

بعد ما كنا بنسمع عبد الوهاب و عبد الحليم و الست ام كلثوم بقينا بنسمع هجامين شقق

واضح حرص المنتج لهذا الفيلم ان يكون الابطال ذو مؤهلات خاصه وخاصه البطله بسم الله ما شاء الله سمعتها ذى الفل .

[se_ Elsyed]

وخاصه البطله بسم الله ما شاء الله سمعتها ذى الفل .

مالها دي روخره ؟

اتكلم بقى يا سي مازن

مش دينا دي اللي عملت طفرة في سوق المالتي ميديا بمصر واحدثت انتعاشة غير مسبوقه في سوق السي ديهات ؟... لحقتوا تنسوا ولا خلاص بقينا زي القطط ناكل وننكر

لازم ندي كله واحد حقه

الراجل كان هجام وحرامي غسيل و.... اشياء اخرى لا داعي لذكرها ... وماله اديه قضى مدة العقوبة وتاب وبقى ممثل وفنان محترم

الست كانت فضيحتها بجلاجل وسيديهاتها ملت السوق المحلي وتخطت ذلك وبقت سيديهات عابرة القارات واصبحت تنافس مايكل جاكسون اللي وزع 100 مليون اسطوانة لحد دلوقت ... مش عيب واديها تابت واتحجبت بتاع 3 ايام ورجعت تاني تزاول عملها واكل عيشها وتغني وترقص وتمتع الجماهير

واوزن لي يابني اتنين كيلو عنب بناتي من غير بذر

[pediatrician]

و علماء صواريخ -بالمناسبة مصر مفيهاش علماء صواريخ أساسا-.

مش عارف المعلومة دى كاتب المقال جابها منين

ابن عمى فى هندسة الأزهر و لسة دكتور عندهم كان راجع من باكستان لانهم طلبوه يشارك فى تطوير بعض الصواريخ عندهم

المهم بالنسبة للمقال الأساسى فما يحدث فى الفن الآن شىء طبيعى لأن حالة التدهور عامة يعنى مش إقتصاد أو سياسة لا دا تدهور فى كل حاجة

أما بالنسبة لحكاية الإسلاميين و الليبراليين اللى بيسعوا للحكم فانا بصراحة مش شايف غير الإخوان المسلمين هما اللى منظمين و مش شايف أى تيار تانى

يعنى مثلا فى أوائل الثمانينات لما حزب الوفدعمل مؤتمره الأول بعد الثورة حضره ربع مليون مصرى

شوف دلوقتى الخناقات فى الحزب و ضرب النار و الحرايق!!!!!

يعنى من الآخر كده مفيش غير الإخوان و عشان هما منظمين لازم يبقوا محظورين و لو كان أى حزب تانى يملك شعبية أكثر منهم لكان أيضا محظور

يعنى كان هيتقال على الوفد و الليبراليين دول بتوع أمريكا الخونة

أو على التجمع و اليسار دول شيوعيين ملحدين و ضد الإيمان

زى مبيتقال عن الإخوان إنهم إرهابيين

أما نقطة غن مفيش حد بيصلح

فمش ممكن حد يصلح و هو خارج السلطة

إحنا بنتكلم عن دولة كبيرة عدد سكانها 80 مليون

يعنى العملية مش شارع سكانه هيتكاتفوا عشان يجملوه أو ينظفوه؟! :blink:

[علي البدري]

يا جماعه الراجل بيغني لعنب وبلح الحكومه :) ..... دي سياسه الحزب الوطني والأنطلاقه المستقبليه الجديده :) ..... كل واحد من الشعب هيمسك عنبه سوده حمره بيضاء كما يحب ..... اما البلحه فصرحت مصادر مقربه بانها حمراء ودمها خفيف.... وربنا يكفينا شر المستخبي :wub:

[shazly]

pediatrician

لو سمحت إسم الدكتور إللى إنتا بتقول إن "باكستان" طلبته يطور صواريخ ليهم.

ماهو يا إما الدكتور بيهزر مع تلامذته يا إما إبن عمك إللى بيهزر معاك :D. عموما يا ريت تجيبلى إسم الدكتور لإنى هروج أقابله شخصيا...

أما عن الـ 80 مليون الصعب إصلاحهم خارج السلطة فانا أختلف معاك جذريا.

هناك معطيات... إما الإسلاميين - الأكثر تنظيما - أصغر من أن يملكوا السبل التى تمكنهم من الوصول لل 80 مليون. و إما أنهم لا يحاولون بالأصل, والإسلاميين لا يقوموا بالأصل بأى مجهود للتنمية البشرية شأنهم شان كل القوى السياسية الأخرى. و إن لم تملك القدرة على مخاطبة الجماهير و توعيتهم بدون السلطة فأنت لا تملكها بالسلطة إلا إن كنا نتحدث عن فرض التغيير من خلال جماعات الأمر بالمعروف و النهى عن المنكر :).

[مازن الدسوقى]

ايام سعد زغلول حظرو ان يتردد اسمه وسط العامه . فأستعان المطربين المحترمين فى حينها بألبلح الزغلول فى الغناء كحيله ليصل لسعد زغلول رساله ان الشعب أنه معه ولن يتخلى عنه .

والأن أستعان سعد الصغير بألبلح ألزغلول لللأثاره الجنسيه بألقول وألسيده الفاضله دينا بألحركه وكانت نتيجه فوريه [ تحرش وسط البلد ] . شتان الفرق بين بلح سعد زغلول وبلح سعد الصغير .

أعتذر عن ذكر اسم سعد زغلول مع هذا السعد .

[desert_rock70]

يعنى اللى أحب أضيفة ان اللى بيحصل دة سبب رئيسى فى هجرة شباب كتير من مصر وعلى فكرة على مستوى عالى من الفكر .. لأن حالة اليأس اللى وصل ليها الشباب من أن الشخصيات دى تبقى موجودة وهم مش لاقيين فرصة سببت الإحباط ودوروا على فرصة فى بلاد تانية تقدرهم وانا جربت ذلك شخصياً .. يعنى بعد أفلام جميلة بو حريد وصلاح الدين وبورسعيد وكل الدراما اللى قالت دى مصر والعرب .. يطلع إفلام زى دى يبقى الدراما بتنهار .