العيد امته في مصر

[eltayer]

هل هو الاثنين ام الثلاثاء

نداء للمقيمين في مصر

[se_ Elsyed]

سيتم رؤية الهلال اليوم

[واحد تاني]

هل صحيح ان العيد بعد غدا الثلاثاء في مصر؟

وهل صحيح ان المفتى الدكتور على جمعة افتى لمن صاموا قبل مصر بيوم من المقيمين بدول الخليج بأن يكملوا صيامهم ليفطروا مع مصر؟

وان كان ذلك صحيحا كيف لنا ان نصوم غدا ونذهب لصلاة العيد فى المساجد هنا فى البلاد التى نقيم بها والتى تفطر غدا وتصلي العيد غدا؟

ام هل يكون علينا صيام يوما بعد ذلك ام ماذا ؟؟؟

ارجو الافادة من اهل العلم ... :excl:

المعذب: و. ت.

سيدي بشر الترام

[nancy]

شوف ياابنى يا و.ت

لوانت فى سيدى بشر على الترام يبقى تصوم بكرة وتصلى بعد بكرة لان بابا حسنى قال مصر لازم تبقى مختلفة

لو انت مش على الترام وبقيت فى بلاد الله (بره المحروسة)

يبقى تصلى بكرة لان مفيش صيام 31 يوم

وكل سنة وانت طيب بكرة وبعد بكرة كمان ان شالله ما حد حوش :excl:

[نانو]

انا حزينه اوي ان احنا مش بنعيد مع مصر

اصلا العيد مالوش اي طعم في الخليج ...تحس انه بلاستيك زي اي حاجه و كل حاجه في الخليج ....

ما فيش روح ولا لون ولا طعم

الواحد كان بيفتح التليفزيون و يسمع يا ليله العيد انستينا....و العيد فرحه ..و المواضيع ديه...و يكلم اهله و اصحابه و يعيش معاهم...لكن كده......... :)

[Modest]

الواحد كان بيفتح التليفزيون و يسمع يا ليله العيد انستينا....

مفيش تليفزيون يبقى تفتحي المحاورات و تضغطي على الصورة لسماع الأغنية :)

و كل عام و أنتم جميعاً بخير

[نانو]

حااااااااااااااااااااااااااااااااااااااااااااااااضر

ربنا يخليلنا وطننا التاني ..............المحاورات :)

[eltayer]

طبعا شئ صعب ان كل واحد عين لوحده في يوم مختلف عن التاني

صحيح ان الخليج صام يوم بدري وفطر يوم بدري برده

بس الشيوخ بتقول اتبعوا اهل العلم والبلد اللي انتوا فيها

بس اول يوم عيد هنا في دبي مكنش ليه طعم خالص حتي التلفزيون اصر علي ان يكون العيد تبع مصر

حتي التلفزيون الارضي في دبي احتفل مع مصر

وكل عام وانتم بخير لجميع اهل المحاورات والمصريين والعرب والمسلمين جميع

عيد مبارك