إفريقيا ... هل هى مجال جديد بجانب عن الدول العربية

[عادل أبوزيد]

الاخت العزيزه سالمه

انا عندى بعض استفسارات؟ واراء

بس كنت عايزه احط اضافه ان في اكتر من مأئه بنت مسافره معايا

1- هى دى شركه ايه (من فضلكم لا يفهمنى احد خطأ)

2- عقد بما يوازى 700 يورو ليه بسيط جدا على الغربه

3-ماهو المؤهل الدراسى والسن متضيعيش عمرك فى وظيفه لن تضيف اليك اى خبره

4-اعتقادى ورئيى الشخصى كما اقول الشخصى الدول العربيه خلاص راحت عليها انتى بتتكلمى فى 700 يورو مرتب

وظيفه بسيطه فى دول الجنوب الافريقى non technical مع امكانيه وجود دخل جانبى بسهوله

5-اوعى تجرى على الفلوس كله بيجى فى وقته والرضا بما قسمه الله بيفتح ابواب من غير اى توقع

اللى بقوله لك خبره 20 سنه منهم 9 فى افريقيا والباقى فى مصر وشفت زملائى الذين رفضت اسافر معاهم الدول العربيه لعدم قبولى بعروض رايت انها غير مناسبه واستغلال وكانت حالتى الحمد لله ترغمنى عتى السفر ورفضت

الان اتذكر الايام لو رضخت لكنت محلك سر مستنى الكفيل علشان التاشيره

انا بقول الكلام ده لان مالحظته ان احنا المصريين ناجحين فى كل حاجه تجاره زراعه طب معارض

جه الوقت اللى مفروض نركز فيه بره البلاد العربيه

لكن 700 يورو لااااااااااااااااااااااااااا :) :) :angry:

ليتك تفتح موضوع جديد عن العمل فى إفريقيا و تسرد النقاط المهمة فى رحلة عملك فى إفريقيا لعلك بذلك تفتح أبواب جديدة للعمل خارج مصر و آسف لما يمكن أن يكون خروجا على الموضوع الأصلى

[mizo]

ان شاءالله بس توابع الصيام تعدى

وانا على استعداد من الان للرد على اى اسئله

[عادل أبوزيد]

ان شاءالله بس توابع الصيام تعدى

وانا على استعداد من الان للرد على اى اسئله

لا تتوقع أسئلة من الأعضاء لبدء الحوار فما ستتحدث عنه يعتبر إكتشاف جديد للكثير من الشباب الراغبين فى العمل فى الخارج كما تفضلت و أشرت فى تعقيبك فى موضوع "عقد للعمل بالكويت ..." و كما تعلم فالسائد هو إما الإغتراب فى الدول العربية أو الأوربية أما إفريقيا فهى إحتمال جديد للجميع.

فأنت - بعد إذنك - الذى سيقص علينا تجربته فى العمل فى الجنوب الإفريقى كما أنك أيضا الذى سيبين كيفية البداية و ما الذى يتوقعه الراغب فى السفر و العمل فى إفريقيا.

[محمد عبدالعزيز]

الموضوع بالفعل جديد, ويحتاج لتوضيحات كثيرة.

من اﻷسئلة التى قد تتبادر إلى الذهن بخصوص هذا الموضوع:

1- ماهى المهن المفتوحة للعمل فى أفريقيا؟

2- ماهو مستوى المرتبات فى هذه المهن؟

3- ماهى الدول اﻷفريقية التى بها فرص عمل للأجانب؟

4- كيف يمكن الحصول على هذه الفرص؟ هل يوجد مكاتب للتوظيف مثل الدول العربية أم عن طريق المعارف مثلاً أم كيف؟

5- ماهو مستوى المنافسة المتوقع للمصريين فى الدول اﻷفريقية ومن أى الجنسيات ستكون هذه المنافسة؟

وبالطبع من المهم التعرف على طبيعة الحياة فى هذه الدول وكيف يمكن التأقلم مع نظام الحياة فيها.

تم تعديل 23 أكتوبر 2006 بواسطة محمد عبدالعزيز

[هادي]

أسجل اهتمامي بمتابعة ما سيكتبه أخون الكريم mizo عن تجربته في افريقيا

كنت ولا زلت اعتقد ان هناك فرصاً واعدة لكل مصري طموح في افريقيا

للعمل وللاستثمار

اتمنى ان تحدثنا باسهاب عن تجربتك في الاغتراب الافريقي

انت فعلا تفتح نافذة جديدة وهامة جدا في هذا المضمار

وشكرا مقدما

[الحازم حسن]

تسجيل مرور

[Tafshan]

بانتظار الاخ ميزو

[لخبطه]

ميزو فين يارجاله

[اسود وتعالب وارنب]

يااخ ميزو افيدنا بالمعلومات الاضافية عن هذا الموضوع نحن في انتظار الاخبار ( ضحايا الدول العربية )

[MZohairy]

يمكن يقصد ليبيا

ماهي ليبيا في افريقيا

[قديم]

افريقيا ... مجال جديد بدلا عن الدول العربية, قد تكون إفريقيا مجال جديد لمن يرغب فى العمل فى الخارج

هـــذا هــو الــعنـــوان الرئيسي للموضوع

لن اعلق عليــه ... ولكننـــني .. بحــكم انني احد بناء تلك الدول العربيــــــه وقد تكون الدوله الاكثر (او الاقل ..او اي وصف ترون وصفها فيه.. ) لفرص العمل المصريين فيها .. وغير المصرين ..

لم افهم المقصود منــــه .

عادل أبوزيد عودنا ابو زيد على واقعيه ارائــه واطروحاته..

هل من مفهوم اخـــر .لهذا العنــوان ..

وما ذا يفهم القارئ منه ..

تم تعديل 30 أكتوبر 2006 بواسطة قديم

[عادل أبوزيد]

افريقيا ... مجال جديد بدلا عن الدول العربية, قد تكون إفريقيا مجال جديد لمن يرغب فى العمل فى الخارج

هـــذا هــو الــعنـــوان الرئيسي للموضوع

لن اعلق عليــه ... ولكننـــني .. بحــكم انني احد بناء تلك الدول العربيــــــه وقد تكون الدوله الاكثر (او الاقل ..او اي وصف ترون وصفها فيه.. ) لفرص العمل المصريين فيها .. وغير المصرين ..

لم افهم المقصود منــــه .

عادل أبوزيد عودنا ابو زيد على واقعيه ارائــه واطروحاته..

هل من مفهوم اخـــر .لهذا العنــوان ..

وما ذا يفهم القارئ منه ..

الموضوع كان إقتراح من الفاضل Mizo بناء على خبرته الشخصية ..... دعونا ننتظره بعض الوقت و بعدها يمكن إعتبار إقتراحه هذا كان حالة خاصة به شخصيا

و قد قمت بتغيير العنوان حتى لا يوحى بأنه إقتراح أكيد

[الحازم حسن]

محدش شاف ميزو يا جدعان

[اسود وتعالب وارنب]

ياميزوووووووووووووووو

[mizo]

اولا انا اسف جداً لسه شايف الموضوع الان

سوف اقومبالكتابه والرد بعد ترتيب الافكار

[mizo]

الاخوه العزاء

اسف مره اخرى على التاخير

دول الجنوب الافريقى هى جنوب افريقيا-ليسوتو-موزمبيق-سوازيلاند-زامبيا-زيمبابوى-بوتسوانا-ناميبيا

انا اعرف كويس اتكلم معاك فى جنوب افريقيا -موزمبيق -سوازيلاند -زامبيا

تعتبر هذه الدول مناسبه تماماً وارض خصبه وبكر للاستثمار حيث ان هذه الدول اعتمدت فى الماضى على دوله جنوب افريقيا العنصريه واذا ارادت هذه الدول ان تنتج او تصنع شئيا ترى مالايسر من جنوب افريقيا وبعد الاستقلال تحاول هذه الدول الانفصال عن جنوب افريقيا صناعيا وتجاريا .

المهن الطبيه هنا مطلوبه مع لغه قويه ومعادله جنوب افريقيا تكون احسن.

الكمبيوتر ولازم لغه تمام قطاع ممتاز.

التسويق للمنتجات المصريه وتصديرها واقامه معارض صغيره لبيع المنتجات المصريه .

الاستثمار فرصه جيده لمشروع جيد ودراسه جدوى تمام البنك المحلى يمولك ب 80% بشرط وجود شريك محلى

بلد جميله جو صحى قانون للكل سواء لو انت مين

لكن اوعى تفتكر مافيش مشاكل لا فيه وللاسف من واحد مصرى وكله حذرنى منه لكن معرفتش غير اما روقنى اى والله روقنى اصل انا اهبل اول مره فى حياتى اتغرب واهو الحمدلله ,انا اصلا من سوهاج ومولود فى شبرا وترعرعت فى الهرم واشتغلت فى الفيوم فى مركز طاميه كنت اخصائى جراحه وتمام وعياده وشغال كويس لغايه ماتجوزت (طاميه -الاولاد-المدارس-ارياف-معرفش ايه -ليه مانسافرش بره )علشان تخلص من الصداع قلت دول عربيه لا مش لحاجه انا بتلكك

بعدها بسنه طلعت افريقيا تبع الصندوق الافريقى وقلنا لمده عام فقط ثم عام ثم عام مده الصندوق ثلالثه اعوام خلصت وانا لقيت نفسى جاى سنه بقت تسع سنين وجنسيه وعلاقات وبجد انا حبيت البلد .

[الحازم حسن]

كلام جميل يا دكتور ميزو.

لكن حضرتك قولت انك سافرت عن طريق الصندوق الأفريقي .. طيب واللي ملهوش في الصندوق ده يسافر ازاي

أو يقدر يحصل على عقد عمل هناك ازاي ؟؟

[هادي]

اخي العزيز الجميل جدا الدكتور mizo

السلام عليكم

أولا لازم أشكر حضرتك من كل قلبي على كلماتك العفوية التي تدخل القلب

وثانيا اسمح لي بتعيقب سريع في شكل سؤال

أو سؤالات

أو تساؤلات

:wub:

حضرتك تقصد انك حاليا تعيش في اي دولة من دول الجنوب الافريقي بالتحديد ؟

وما هو شكل العمل الاستثماري الذي مارسته بجانب وظيفتك كطبيب ؟

وماهي المصاعب التي تواجه المستثمر المصري هناك ؟ هل من تفاصيل ؟

ومثلا .. كيف نجد شريك افريقي وطني في دولة لا نعرف لغتها أصلا ولا ندري شيء عن قوانينها ؟

هذا عن فرص الاستثمار

اما عن فرص العمل .. أي الخروج من مصر بعقد عمل في دولة افريقية ؟!!

فهل هذا التصور موجود على أرض الواقع

وما هي سبيله ؟

دمت لي يا دكتوري العزيز جدا

-_-

اخوك هادي - مشطا - جرجاوية - نزلة الشيخ عمار - كندا تورنتو " مؤقتاً "

تم تعديل 2 نوفمبر 2006 بواسطة هادي

[ابن الصعيد]

الاخ د/ ميزو

كلامك ذى السكر وعفوى ومركز

اريد ان اسالك انا طبيب كيف اصل الى الصندوق الافريقى وهل لية مكتب بالخليج

ماهى اللغات المطلوبة

وهل معترف بالشادات المصرية وخصوصا الطبية

هل الدنيا امان هناك

وما اقل مبلغ مطلوب للاستثمار مع الشكر

...................................................................................................................................

الاخ هادى

حببتنا فى كندا ورحنا قدمنا للهجرة وخلاص فى صيف 2008هنهاجر

وبعد كدة انت عاوز تفلسع لافريقيا

هيا كندا وحشة كدة

ومعاتب عليك لية تركت منتدى كل شئ عن كندا

ما تزعلش منى انا بعتبرك اخ اكبر

والسلام خير ختام

[se_ Elsyed]

اللي مالوش صندوق .. الحكومة صندوقه

لأ بجد .. إحنا إتعودنا على طريقتين للفلسعه

1- يا إما عن طريق عقد عمل واضح الملامح في الدول العربية

3- يا إما الهجرة للغرب - بأتكلم عن الطرق الشرعية - وهناك مع نفسه بقى وفي أحيان كثيرة بيعمل في غير تخصصة

طب أفريقيا دي الناس تروحها إزاي ؟

يعني أقطع تذكرة وأروح ليسوتو أقول لهم عندكو شغل يا بتوع ليسوتو ؟

ولا أعمل نفسي رايح أشجع كأس العالم 2010 في جنوب أفريقيا ونسافر من دلوقت على أساس نسخن الأربع سنين دول لحد ما الماتشات تبدأ

وبعدين كلمنا يا عم ميزو عن الحالة الأمنية هناك وخصوصاً في جنوب أفريقيا ، العيال اللي معايا في الشغل وبيطلعوا تدريب هناك بيرجعوا يكركبوا بطن الواحد من اللي بيحصل في الوشارع في عز الضهر ..