إفريقيا ... هل هى مجال جديد بجانب عن الدول العربية

[Eldisel]

ازاي ...... فين ....... منين .......

................................. طيب

بيقولوا جنوب افريقيا فيها امراض واوبئة وبلاوي سودة ...{[ وحيات ابوك ابوك يا عم ميزوا .. وحيات توكاتا الاسد الي انت مربية عندك في الجنية]} :) :lol: متتاخرش علينا في الاجابة

.. الحالة الصحية وفي البلاد دي عملة .. واللغات الموجودة هناك اية .. وطريقة الوصول والعمل هناك اذاي

ووعد مني .. وعد .. هنعينك عمدة المصرين في البلد الي انت فيها ونعيشك عيشة اجدع من عيشة احمد السقا في فلم افريقانو

اخوك المحتاس في مصر الديذل ;) :)

تم تعديل 2 نوفمبر 2006 بواسطة Eldisel

[mizo]

الاخ هادى ,الاخوه الاعزاء

انا اعيش فى بلد صغيره اسمها سوازيلاند . جميله, نظيفه جوها نقى

عن فرص الاستثمار المملكه هنا تشع الاستثمار الجدى ,يعنى واحد عنده مشروع ذو جدوى ويؤدى الى تشغيل ايدى عامله محليه يجد ترحيب وتمويل نسبه عاليه وبالنسبه الى المواطن المحلى انا منذ سنتيين مواطن محلى لو عندك مشروع ذو جدوى ينفع ادينى فكره ويستحسن ان المشروع يكون معتمد عليك يعنى انت عندك ال know how

اما موزمبيق فهى كبيره بس مش نظيفه لانها لسه بتبنى نفسها من حرب اهليه بس احسن انواع الاسماك والجمبرى فى العالم للى عايز يستورد .

زامبيا سوق كبير للمنتجات المصريه جربته مره فى عصيير جهينه وكان ممتاز ,اللى عايز يجرب تصدير هناك ممكن ,واحد يسال انا ليه مش بعمل ده بنفسى ارد ماتنساش ان انا اولا واخيرا دكتور والعمل الاخر جانبى يبقى لازم واحد يكون متفرغ له .

على فكره احنا هنا عكسكم يعنى الان احنا داخلين على صيف وفواكه الصيف مانجو فى شهر ديسبر ويناير يمكن يكون مفيد لو حد عايز فاكهه فى غير الموسم عندك

سوازيلاند الدوله الاولى فى تصدير اللحوم لدول الاتحاد الاوروبى ومن اجود انواع اللحوم وتقوم بتوريدها الى الفنادق الخمسه * وقصور الرئاسه فى جنوب افريقيا ,تذبح هذه اللحوم طبقا للشريعه الاسلاميه

سوازيلاند وجنوب افريقيا يتم عبور الحدود بوثيقه سفر حاجه زى البطاقه لكن الدول الشماليه بجواز سفر

جواز السفر السوازيلاندى يسمح لك بدخول دول عديده تاخذ التاشيره لدى وصوللك المطارمنها المملكه المتحده ,استراليا,ماليزيا,تايوان,بروناى و كندا

اى واحد عايز ياتى الى هنا ومعاه افكار جيده فمرحبا به ,سفاره المملكه المتحده فى القاهره هى المسؤله عن تاشيره سوازيلاند. فيه مشكله ادينى خبر .

الصندوق الافريقى هو تابع وزاره الخارجيه المصريه,لازم تكون كوسه ,انا ماكنش عندى كوسه ومن المفروض ليه 5 سنيين ادونى تلاته والاثنيين التانيين الحكومه هنا بعتت جواب علشان عايزينى بالاسم لكن ماعنديش كوسه بعتوا اسم واحد تانى وشوف قله الادب يكتبوا لهم ان انا مفروض ارجع مصر وان الاخر هو ذو خبره اكثر ,انا لم اعترض لانه اكبر سننا بس فيه حاجه اسمها عيب ولا علشان يعنى واخد قرشيين تقوم تغلط فى واحد ماتعرفوش والنتيجه لم يحضر احد من مصر وكل ده ؟؟؟؟

الحاله الامنيه فى جنوب افريقيا مش تمام فى بعض مناطق جوهانسبرج علشان مليانه من كل الجنسيات

دربان كيب تاون اوكى

على فكره سوازيلاند اعلى نسبه HIV فى العالم 42% فى الشارع اما داخل المستشفيات 82%

اللغه السائده الانجليزيه واخرى محليه السوازيه العمله هى الاملينجينى والراند الجنوب افريقي

الدول دى مش بتاعه عقد عمل لا لا لا ده انت تيجى وفى دماغك مشروع وتحققه وبعدين تبقى انت اللى بتدى للناس عقد عمل

على فكره يا س س العيال الى فى الشغل جايز نزلوا اماكن مش تمام وفيه منها كتير بس بيتدربوا على ايه فى جنوب افريقيا؟؟

يابلدينا انا مش فاهم يعنى اي الصعوبات التى تواجه المستثمرين المصريين بس على فكره اول ماحد يعرف انك من مصر

يحترمك اوى

[هادي]

عزيزي الدكتور الرائع ميزو

السلام عليكم

اخبار الصيف عندك ايه يا دكتور

احنا بدان التلج الاصلي في بلاد سقفها الاسكيمو

حبيت اشكرك على المعلومات الجميلة والتفصيلية

واطمع في مزيد

:lol:

اعمل ايه بس .. طبعي كده

نفسي اعرف هل ممكن جواز سفري الكندي يجعلني ادخل سوازيلاند بدون تاشيرة باعتبار ان كلنا كومنويلث مع بعضينا

ولا لازم تاشيرة برضه ..

وبعدين انا اجيب معايا كام الف دولار و اضعهم في البنك ليضمن اني جاد في ممارسة نشاط اقتصادي داخل سوازيلاند

وهل يشترط وجود شريك محلي يمتلك 51 % من اسهم تلك الشركة

دراسة الجدوى الاقتصادية سهلة ولعبتي

ويمكن ان اقنع بنك بتمويل مشروعي باذن الله تعالى

لكن عاوز اعرف ما هو الحد الادنى لمبلغ البداية الواجب تحويله الى البنك السوازيلاندي

ونقطة اخيرة

حدثني عن الشعب نفسه

هل سنجد فيهم عمال يتصفون بالامانة والاخلاص والجدية في العمل

وما هي المرتبات السائدة هناك لوظائف العمال وامين المستودع والمحاسب مثلا

اعتقد لن نحتاج في البداية لاكثر من هذه الوظائف الثلاث

ماهي مواعيد الدوام الرسمي في البلد .. هل فترتين زي الخليج .. هل فترة واحدة مثل مصر واوربا

المواصلات العامة وتوفرها والسكك الحديدة و اعتماديتها في الشحن لانحاء الدولة

التعرفة الجمركية للسلع الغذائية المستوردة

آسف لاني طولت عليك

عيد اضحى سعيد مبارك عليك يا دكتوري العزيز

[AboAsem]

السلام عليكم و رحمة الله و بركاته

بعد قرابه 9 أشهر من أخر مشاركه فى هذا الموضوع ، يا ترى إيه أخبار سوايزلاند و باقى دول الجنوب الأفريقى ؟ هل سافر أحدكم إليها أو فيه معلومات جديده؟

على العموم أنا عملت بحث سريع على النت و هذه بعض المواقع التى من الممكن أن تكون مفيده

بورصه سوازيلاند http://www.ssx.org.sz

صحف من سوايزلاند

http://www.observer.org.sz/weekend/

http://www.times.co.sz/

http://www.swazilandfm.com/

http://allafrica.com/swaziland/

معظم المواقع تتكلم عن زيجات الملك المتعددة ، و الإيدز المنتشر بين نصف سكان المملكة و الفقر المنتشر فى كل مكان

على العموم ، أنا أعرف شباب مصريين كتير من قريتى سافروا إلى جنوب أفريقيا خلال السنوات السبع الماضيه ، و أعرف أن دخلهم أفضل كثيرا مننا نحن العاملين فى الخليج العربى

معظم هؤلاء الشباب يعملون فى بيع اللوحات الفنيه فى الشوارع و اللف على البيوت بها، و كلهم أجمعوا على فقدان الأمن فى جنوب أفريقيا

أتمنى أن يعود هذا الموضوع للحياه ، فربما كانت أفريقيا أفضل لنا من غيرها ، شكراً

أبو عاصم

[عطاء بلا حدود]

من خلال قراءتي السريعة للموضوع

انا شايف ان اللي عايز يشتغل يبقة يفتح مكتب استيراد وتصدير هناك

وقبل ميروح يدرس السوق في مصر لكذا سلعة تصديرية ويروح هناك يدرس السلع التصديرية للبلد هناك

ربنا يوفق

انا لسا في اول الطريق .. لو كنت في آخره انا كنت سبت الخليج وروحت جري على مصر افتح شركة استيراد وتصدير واروح اجيب فيزا لهناك وافتح نفس المكتب هناك وابدأ اشتغل

دعواتي بالتوفيق

[salemhegazy]

السودان يا اخونا السودان ايه اخبار السودان ارى انها و اعدة

احمد بهجت بيعمل لهم دريم لاند هناك

مين عندة اخبار عن السودان؟

[حسام يوسف]

السلام عليكم

اكتب فى هذا الموضوع بعد ان مرت علية فترة لأهميتة

والفضل فى الموضوع اساسا

للفاضل عادل ابوزيد

انا هبدأبنفسى ان شاءالله

عن الكتابة عن السودان بحكم الجيرة

واهويبقى الترانزيت من خلالنا فى اسوان

اتمنى كل من لة تجربة عن العمل فى افريقيا

ان يدعمنا ويساعدنا

تقبلوا تحياتى

تم تعديل 9 يوليو 2008 بواسطة حسام يوسف