لنبدأ بتشخيص سبب الداء - علنا نجد الدواء

[Seafood]

للرفع بمناسبة حالة التردي التي يعيشها الشارع العربي ... و المهزلة التي حدثت في شرم الشيخ ....

من سمح لهؤلاء أن يتحدثوا بإسمنا ... ؟

الإجابة ... نحن ... نحن الذين سمحنا لهم ....

[الفارس]

سلطة فاسدة ومتسلطة وباطشة مع إعلام ردىء مع ظروف اقتصادية طاحنة >>>>>> مجتمع منهار معنويا واجتماعيا تتفشى فيه قيم الفساد والاستهتار واللامبالاة والنفاق (والخوف طبعا) ..

مجتمع منافق خائف منهار لا مبالي ومستهتر >>>>>> حكومة مستمرئة للفساد مستمتعة بالتسلط متكيفة بالنفاق ..

سمكة راسها فاسد .. لازم الباقي يبوظ ..

[الفارس]

والدليل يا أخ سي فود إن المشكلة في الراس قبل ما تكون في الجسد ..

شوف قنا ومحافظها الرائع سعد لبيب .. (ربنا يجعل كلامنا خفيف أحسن الراجل كده ممكن يروح من كتر ما الناس حباه) ..

شوف تجاوب الناس معاه .. والتزامهم بكل حاجة كويسة ..

طبعا أنا لا أعفي الشعب من أنه أحد أسباب الداء .. ولكني أظن أنه ضحية وأنه ممكن يكون أفضل بكتير لو فيه راس سليمة .. بس خلاص

[إبن مصر]

الاخوه الاعزاء..

ليس من العدل تحميل الشعب كل المسئوليه على ما يراه من اوضاع !!!!

فان الحكومات هى التى تهىء هذا الشعب لذلك بما تزرعه فى اجياله خلال مراحل التعليم المختلفه ..اى انك لا تحصل الا على ما يريدونك ان تحصل عليه .

ولم توجد المعارضه الموضوعيه الحقه الا من خلال من انخلع من مجتمعلات الحكومات الشموليه بالهجرة والاحتكاك بالمجتمعات الغربيه الاكثر تقدما واقل شموليه فبدأ يعى ما له وما عليه..

لذا ليس من العدل الادعاء ان الجانب الاكبر يقع على الشعوب .

وهنا يظهر دور من استطاع ان يفلت من حكومات الصفحه الواحده الى العالم المفتوح فى ان يجعل ابناء هذا الوطن يعلموا ما فاتهم وما هم مطالبين به ....

ابن مصر

[Lancelot]

لو أننا إخترنا عينة عشوائية من الشعب ... و وضعناها فى موقع  المسؤلية ... أى فى الحكومة ... فما هو إحتمال أن تفسد هذه الحكومة ؟؟ ...

صدقني إحتمال كبييير ... ليه لأن ده سرو بلدنا ... كل واحد يقولك ما هو كل واحد بيعمل كده ... و هأديلك مثال ... اللي بيرمي ورقة في الشارع ده مش غلط ... تقوله يا عم كده غلط حرام عليك .. يقولك بص حواليك كل الناس بتعمل كده .... هو يعني علشان كل الناس بتعمل كده يبقي أعمل زيهم ... هو مين اللي بيحدد الصح ... العقل و المنطق و لا الناس ...

و بعدين هأديلك مثال تاني يثبت إن البيئة المحيطة و الناس بتشجع علي الفساد ... هو مثال بعيد شوية لكن صدقني الحاجات اللي بتأثر في الواحد من غير ما يحس هي أخطر ما يؤثر علي الإنسان ... فيلمين .. فيلم مصري هو ( معالي الوزير ) و التاني أمريكي هو (Dave) بطولة كيفين كلاين .... الفيلم التاني يقوم علي فكرة إحضار بديل شبيه للرئيس الأمريكي الذي أصيب بسكتة دماغية و دخل الغيبوبة ... المهم إن ديف هياخد مكان الريس بدون ما حد يعرف غير إتنين تلاتة .... لكن ديف يحل محل الرئيس لكي يقوم بعمل بعض الخير و يعدل الأمور لصالح الشعب رغم أنه حذر من التدخل فيما لا يعنيه .... و عندما يموت الرئيس الحقيقي ينسحب ديف و يتم تدبير أمر وفاة الرئيس ..... و لكن ديف يعزم العقد علي ترشيح نفسه في الإنتخابات الرئاسية to do some good .... في فيلم (معالي الوزير) يحدث خطأ في الأسماء فيأتي أحمد زكي محل الوزير الحقيقي و يقسم اليمين و يصبح الوزير بالفعل ... و اه لو نجح يبقي كويس أوي و لو فشل "يتنطر" مع أول تعديل وزاري – علي حد تعبير أحد شخصيات الفيلم - ... و فعلا ينجح معالي الوزير و يثبت قدرته الخارقة علي التهليب و التقليب و المحسوبية و تقبل الرشوي و و و و ... إلي أخره ما إنتوا عارفين ... لكن عقدة الفيلم إن الوزير ضميره بيوجعه و مش عارف ينام ..... يا عين أمه .... و تستمر الأحداث إلي لا شئ فباقي الفيلم ملوش أي لازمة بصراحة .....

السؤال هو : شعوره إيه المواطن المصري لما يخرج من فيلم زي ده و يحس – مجرد يحس – إن ده بيحصل في بلده فعلا .... طبعا شعوره إن that’s how the system works و هو ده النظام و إن أقصي حاجة لما تسرق مال الشعب هو إن ضميرك هيوجعك شوية و ديتها إسبوع في الساحل الشمالي و شرم و كل حاجة هيبقي تماما ... أنا أعطيت مثال الفيلم الأمريكي علشان نعرف إحنا فين و هم فين .... و ليه إحنا هنا و هم هناااااااااااااااااااااااااااااك .... و ربنا علي الظالم و المفتري و حسبي الله و نعم الوكيل ....

أنا أسف إن التعليق علي حاجة إتقالت من زمان لكن أنا قرأتها لسه دلوقتي .....

[Lancelot]

المصرى و العربى بصفة عامة ... يخرق القانون مع أول فرصة تتاح له فى الخارج ..

سي فوود معاه حق بصراحة ... أنا معاه في اللي قاله إن الشعب هو الذي يتحمل الجزء الأكبر من المسئولية ... لأن معملش حاجة ... أما الحكومة عملت ... فقد سرقت و نهبت و إستباحت .... أما الشعب فوقف موقف المتفرج و أحيانا المشجع .... و الإيجابي يكسب ....

المضحك المبكي ... إن عند متحدثي اللغة الإنجليزية جملة شهيرة هي rules are made for breaking ... لا يعمل بها إلا نحن ..... يا عيني علي الثقافة ....

الحل بصراحة في التوعية ... توعية الناس و حثها علي الفعل بدلا من حالة التبلد و اللامبالاة التي نمر بها ... لابد للنخبة المثقفة أن تخرج من عزلتها و تحث الشعب علي الحركة .... ده مش كلامي علي فكرة ... إمبارح علي النايل تي في .. كان بيذاع برنامج اسمه generation talk ... أفضل البرامج التي تناقش مشاكل الشباب لأن الضيوف علي مستوي الحدث دائما و ناس مثقفة أوي و عارفة هي بتتكلم عن إيه .... ما علينا المهم إنهم كانوا بيتكلموا عن التميز في العمل و إن كل واحد لازم يتقن عمله و بعد مناقشات طويلة استمرت ساعة ونص تقريبا خرجوا بإن النظام التعليمي و الوظيفي يتحمل جزء من المسئولية فهو لا يحفز علي الإجادة ... و كذلك الناس يتحملون جزء أخر من المسئولية فلابد من توعيتهم و دفعهم للعمل و ذلك لا يتم إلا إذا خرجت النخبة المثقفة cultured elite من عزلتها و حثت الشعب علي الحركة .... و أنا أضيف أن هذا لن يحل فقط هذه المشكلة أو تلك و لكن سيحل كثير من المشاكل ...

صح الكلام ده و لا أنا غلطان ......