هل تعانى من الملل الزوجى؟

[سهيلة]

ف اجازة العيد

كانت فرصة انى اشوف كل صحباتى شلة الجامعة

ويوم ما اتقابلنا كلهم فاجاونى نفس الشكوى

الملل الزوجى

ان الزواج كان ف اول سنة او بالكتير اول ثلاث سنوات وبالتحديد قبل الاولاد راءع ومتجدد

لكن بعد ذلك صدمت مما قالوا ليس الكل ولكن الغالبية العظمى تعانى من حالة ملل ورتابة لان الحياة الزوجية ليس فيها

ما يجعلها مثيرة وممتعة ولكن مسؤلية البيت تطغى على كل شىء

واصبحت الايام كلها شبة بعضها

عارفين بصراحة الموضوع دة قلقنى جدااااااااااااااا

وقولت ناخد راى المتزوجين هنا

يا ترى اية اللى بيسبب الشعور دة واية الحل من وجهة نظركم؟؟؟؟

بالصدفة كنت بقرا احدى المقالات ف مجلة ولاقيت عنوان دة

20 فكرة لمقاومة الملل الزوجى

قد يمر على الزوجين فترات تنقلب فيها المحبة والمودة إلى نفور وبغض، وقد يعتري الحياة الزوجية الملل وذلك بسبب تصرفات الزوجين، فالملل لا يولد من طبيعة الحياة الزوجية نفسها، وإنما يولد بسبب تصرفات الزوجين بسبب قلة الوعي وارتفاع نسبة الضغوط النفسية والاجتماعية والسياسية.

وهناك وصايا أساسية لمقاومة الملل ولتجديد الحياة الزوجية :

1- الاحترام المتبادل بين الزوجين.

2- أكثر ما يكرهه الرجل أن تكون زوجته نكدية أو كثيرة الشكوى فتحيل حياتهم إلى جحيم.

3- اللجوء إلى حل المشكلة من بدايتها عن طريق المناقشة، أما إهمالها فيجعل الحل أكثر صعوبة، ولابد أن تخلو المناقشة من التجريح أو لمس كبرياء الآخر أو كرامته، وتجنب نبرة السخرية والاستهزاء، فمن السهل جداً جرح كرامة الآخر، ولكن من الصعب علاج هذا الجرح.

4- المصارحة بين الطرفين.

5- حسن الإنصات وعدم المقاطعة والاهتمام لما يقوله الجانب الآخر.

6- تغيير الحالة الجسمية ساعة الغضب لتفريغ الطاقة العصبية مثل المشي أو الجلوس إذا كان واقفاً.

7- زيارة الأهل والأصدقاء.

8- الابتعاد الجسدي لفترة مؤقتة ليتم الاشتياق كذهاب الزوجة في بعض الأيام إلى بيت أهلها.

9- أثناء خروج الزوجين في نزهة من الأفضل أن يقوم أحدهما باصطحاب أحد الموضوعات التي قرأها في كتاب ليتم مناقشتها بشكل شيق، فذلك له دور كبير في إثراء الجلسة.

10- النظرة الحانية: فإن لها أثراً كبيراً فعندما تنظر إلى زوجتك أو هي تنظر إليك، فكّر أثناء النظرة أنك تحبها فإنها سوف تقرأ ذلك من خلال عينيك وحركاتك دون أن تنطق بكلمة واحدة.

11- أخبر زوجتك بأنك لا تزال تراها جميلة من وقت لآخر.

12- أخبرها بأنك تحبها.

13- خططا لوجبة تصنعانها معاً أو أي عمل في المنزل لزيادة العلاقة الحميمة بينكما.

14- أن تجعل من نفسها أربع زوجات! وذلك عن طريق التغير إما في البيت أو في النفس، والتغير في النفس، هو الأهم فلابد أن تجيد الزوجة فن التنويع في الملبس أو المكياج أو تسريحة الشعر، كذلك على الزوج أن يغير من سلوكه ويجدد الطرق التي يتجمل فيها لزوجته كما تتجمل له.

15- على الزوج أن يلاطف زوجته ويداعبها.

16- المرح والمزاح بين الزوجين فالرجل يعشق المرأة المرحة التي تتمتع بروح الدعابة.

17- الاعتناء بالآخر وأثناء مرضه.

18- كن على اتصال دائماً بها، كلمها في اليوم أكثر من مرة قل لها بصدق إنك مشتاق جداً للعودة إلى البيت ورؤيتها، اتصل بها فقط لتقول إنك كنت تفكر فيها.

19-قد تكون المفاجآت الرومانسية بسيطة لكنها لها أثر جميل على من تحب: مثالاً على ذلك فاجئها أو فاجئيه بعشاء رومانسي.

20-الدعاء وذكر الله في جميع الأوقات فذكر الله يريح النفس ويشعرها بالطمأنينة.

اية رايكم ف الكلام دة

سؤال لكل الازواج والزوجات هنا ف المنتدى

هل صادفت يوما الشعور باالملل الزوجى وعملت اية عشان تتغلب ع الشعور دة؟؟؟

[نانو]

موضوع رائع و جميل يا سهيله

و ما اعتقدتش انه في حد ما مرش بالموضوع ده

و الحلول المطروحه جميله و عمليه بس فيه نقطه واحده

احيانا بتقعدي تبصي كده لزوجك او الزوج نفس الحكايه و يقول هو ليه اتغير ..مش هو ده اللي كنت بحبه و بيحبني زمان

هو في الحقيقه ما اتغيرش لكن المسئوليات احيانا هي اللي بتغطي و بتطلع حاجات فوق الوش و حاجات تحت

يعني لو تعتبري الانسان اللي ادامك مجموعه ملفات فوق بعضها و انتي اللي في ايدك اعاده ترتيب الملفات ديه

و معلش اللي هيقرا الكلام ده سواء ان كان الزوج او الزوجه هو اللي عليه مسئوليه ترتيب الملفات

مثلا ابتسم في وجه زوجتك هتلاقي التكشيره نزلت تحت و طلع مكانها الابتسامه

هات لها هديه بسيطه ولو وردهه هتلاقي الجفا منها و عدم الاهتمام نزل و طلع مكانه الرعايه و رد الجميل ده بمفاجاه احلي

ابدا بكلمه رقيقه اول ما ترجع من الشغل هتلاقي ادامه كلام ارق و اجمل

و قيس علي كده كل حاجه مش عاجباك في زوجتك او متغيره فيها ابدا انت بالنقيض هتلاقيه رد فعل طبيعي من الطرف الاخر انه يعاملك بالمثل

فيه بقه نقطه في غايه الاهميه......

و هي استحضار نيه انك بتعمل كده ابتغاء وجه الله

بمعني ان احنا بشر ووارد جدا منا التغير...يعني مش لازم يكون حبي لزوجي لانه يستاهل كده ....لأ لازم يكون علشان ربنا امرني بكده و ان جنتي

في رضا زوجي و في راحته ....لسبب بسيط جدا....و هو انه ممكن يكون الزوج ما يستاهلش الحب ده لانه بشر و فيه نقص و فيه خلل و فيه عيوب

و لو الحب نقص في يوم ...كل العيوب هتنكشف و هنلاقي نفسنا مش لاقيين مبرر للحب ده فهيتوقف و تنقلب الحياه لجحيم

لكن لما يكون الوازع الحقيقي وراء المعامله الجميله و الود و الحنان بين الزوجين اساسا من اجل الله هيكون ابقي و عمره ما هيخلص

و هيفضل كل من الطرفين يبذل اقصي ما عنده لانه عنده غايه اكبر من ارضاء الطرف التاني و هي ارضاء ربنا عز وجل

و ساعتها هيشوف عيوبه خير لانها هتكون مضاعفه لثوابه عند ربنا لما يتحملها ....و يشوف حسانته خير لانها هتساعده انه يتحمل عيوبه

و هكذا هتلاقي الحياه بتمشي في سعاده و حب ان شاء الله

[nancy]

الملل الزوجى دة شىء وارد جدا والحياة الزوجية فى كتير اوى من الاحوال بتكون عاملة زى رسم القلب يعنى طالع ونازل

وبيحصل الصعود والهبوط دة بسبب الزوج و الزوجه

يعنى كمان الزوجة المفروض متنساش نفسها وتحس ان ازوجها مستقر لمجرد الدخل كويس والبيت جميل وجابت طفلين فكدة خلاص دة كل ما فى الحياه الزوجية فية حاجات لازم تعملها الزوجة ويعملها كمان الزوج

لازم هى كمان تكلمة فى التليفون وتقولة وحشتنى وجيت على بالى وافتكرت كذا وكذا

لازم تعمل تغير فى شكل البيت حتى لو اكسسوارات بسيطه فية

تعمل اكلة جديدة .. تبعت الولاد عند حد وتعمل جو مختلف فى البيت

او تجهز لرحلة من غير اولاد .. تعمل نيو لوك مش عمليات انما شوية رجيم لبس جديد تغير فى تسريحة الشعر او لونة

طريقة مكياج جديدة برفان مختلف اى حاجة مش متعود عليها الزوج

وهو كمان يهتم انة يشجع اى تغير ويقدره

يتعلموا يتمشوا على بحر فى جنينة وميتكلموش فى مصروف البيت وتربية الولاد

باختصار يتعاملوا مع بعض كانهم لسة مخطوبين وينسوا مسؤليات الزواج ولو لساعات

ممكن نلخص عدم الوصول للملل بعمل النقاط الاتية

1- تقدير الاخر

2- الصراحة الكاملة

3-تجديد النفس شكلا وموضوعا

4- استدعاء الذكريات الجميلة دائما

5-التفكير فى جنونات جديدة تعمل مفاجأت -_-

[أبو زياد]

يا إخواننا معلش إضافة متواضعة

كلامكم كله مية مية و يمكن عشان أنا و زوجتى بنطبقة لم يحدث فى حياتنا أى ملل منذ 8 سنوات هى عمر حياتنا الزوجية - امسكوا كل الخشب اللى عندكوا

ولا اتصور أو اتخيل أى يوم من حياتى بعيدا عنها لأن باختصار حياتى لن تسير فعلا ستتوقف

باختصار الشر دائما ياتى من الخارج -الأهل - الجيران - الصحاب -...إلخ لذلك يجب أن نتصدى له دائما