السلام عليكم من نفاقستان - عيشة هنية و لقمة طرية

[freefreer]

أخى الحبيب فرى فرير  .. بعد التحية ..

أرجو ان تكون بخير .. هذه أول رسالة ارسلها لك من نفاقستان .. و يعلم الله انك لا تفارق خيالى للحظة واحدة .. فأنا دائما اتعجب بينى و بين نفسى واتساءل عن ذلك السبب العجيب الذى دفعك الى اتخاذ ذلك القرار الغريب بترك نفاقستان الجميلة   .. و الهجرة الى اخر بلاد العالم كنداستان .. ؟حيث البرد و الثلج .. و الأخبار المهببة التى تصلنا كل يوم و الثانى .. عن الصعوبات الأقتصادية التى تمر بها كنداستان .. خاصة و ان نظام الحكم عندكم و العياذ بالله ديمقراطى ..

على العموم .. لنا عودة لهذا الموضوع فى الرسائل القادمة .. ذلك ان لديا خبر هام جدا أريد ان أزفه لك ..

فقط قبل هذا أرغب فى أن استسمحك فى استعارة عنوان موضوعكم .. السلام عليكم من كندا(ستان) .. لأنه أوحى لى باسم لهذا الموضوع .. و هو السلام عليكم من نفاقستان ..

أما بقى الخبر الجميل السعيد .. فارجوا ان تفتح اذنيك جيدا .. و تستعد للمفاجأة السعيدة ..

بالأمس .. اجتمع عظيم نفاقستان مع مجلس الحكام اللئام .. و قدم لهم الننوس الصغير .. ولى العهد المنتظر .. ولا استطيع ان أصف لك مدى فرحة اللئام بالننوس الجميل .. و التصفيق و التهليل .. و بكده  العظيم أصبح لدينا بدل العظيم .. عظيمين .. و اذا كانت نفاقستان قد بلغت ما بلغت من مركز فى وسط استانات العالم بمجهودات العظيم فقط .. فلك ان تتخيل ما تستطيع نفاقستان تحقيقة بواسطة العظيمين سويا ..

و الحقيقة يا فرى .. الواد شكله يفرح القلب الحزين .. زى الفل .. وردة مفتحة .. ينافس العظيم الكبير فى البهاء و الروعة .. ابن عز صحيح   .. و متربى على الغالى ..  لأ و ايه متعلم تمام التمام و كما يجب ..

بس للأسف الحلو ما يكملشى .. الناس اياهم .. بتوع البلوتيكا .. قاعدين يطلعوا القطط الفاطسة فى الننوس .. اللى يقولك دة سنه صغير  .. ال يعنى المسألة بالسن .. و اللى يقولك الله احنا كدة حنقلبها ملكية .. قرفونا .. ال يعنى كانوا طايلين .. ولا شايفين حد فى البلد ينفع .. عالم هم بعيد عنك تقرف ..

بس على ميييييين .. دول حفنة صغيرة .. غاوية نق و السلام .. و هم كدة .. كل ما تحصل حاجة خير للبلد .. يقعدوا يبرطموا شوية .. و بعدين يخرسوا خالص ..

و انت عارف .. شيوخ الغفر اللى عندنا .. و الغفرا و البصاصين .. يسدوا عين الشمس .. يعنى هم مسموح ليهم بالبرطمة .. لأنها ماتضرش .. بس لو فكروا .. او حتى فكروا انهم يفكروا .. هأ .. حيلاقوا نفسهم  ورا الفانوس الكبير  .. .. و انت عارف فيه ايه ورا الفانوس الكبير ..

لأ .. أضحكك بقى .. واحد اسمة نفاقستان5 .. عايز ال ايه .. يعمل حزب للطفشانين .. شوفتش النكته ..

مش عايز اطول عليك .. علشان انا عارف ان فى بلدكم ماحدش فاضى يا ولداه زى عندنا ..

سلام بقى .. و أرجو ان يغريك هذا الخبر الجميل بالعودة لبلدك الجميل الذى لا يطلب منك لا عمل ولا مجهود .. مجرد نفاق و السلام ..  و كله بياكل بغاشة .. ايه !! .. هى جرايدنا م بتوصلشى عندكم ؟؟

أخوك

منافقندى

[هشام عبد الوهاب]

العزيز فرى

بعد التحيه والسلام والنفاق

ياترى تقدر تبعتلى من عندكم من كنداستان اى خبر تاريخى عن تولى ابن احد المسئولين  منصب كبير  ( غير بابا بوش والواد بوش) علشان انا اتعينت فى جريدة جديده  اسمها الصراحه النفاقستانيه

وعاوز اعمل مقاله اشبه فيها اللى حصل عندنا بكل بلد واجيب مثل ان اللى حصل عندنا ده عادى وبيحصل فى كل العالم

وابقى كده جبت التايهه وعديت ويمكن امسك رئيس قسم ،، حاول تساعد اخوك اللى لسه فى اول طريق النفاقستانيه

ولك وللأسره كل النفاق والتحيه

منافقستانى ف اول السلم

[freefreer]

أخى و حبيبى و حته من قلبى .. منافقندى  .. السلام عليكم و رحمة الله و بركاته ..

و حشتنى كثير و الله .. ووحشتنى نفاقستان كلها .. اه .. مانتم أهلى و ناسى فى البداية و النهاية ..  قدرى فى الحياة ..

بتسأل عن سبب الهجرة .. تاااااانى .. حنعيدة تانى .. مانت عارف تجاربى كلها فى نفاقستان ..  لغاية ما طفشت على بترولستان .. و ايضا هناك شفت الذل .. و اخرتها جيت كنداستان و الحمد لك يارب ..  عدت الى الحياه و عادت لى حياتى .. و كل واحد ينام على الجنب اللى يريحه ولا ايييييييه ؟ ..ايييييييييه على رأى رمضان عبد الكريم ..

بالنسبة لأسم موضوعك .. ولا يهمك اقتبس .. مانت واخد على ( الأقتباس ) .. و عيشتك كلها اقتباس فى اقتباس فى اقتباس .. ابه بقى الخبر السعيد اللى حتبشرنى بيه .. ايوة كدة الواحد نفسة يفرح لنفاقستان مرة .. ايوة يا سيدى قول ..

[b:post_uid0]

ايـــــــــــــــه !!!!!!!!!!!!!!!!!!!

ينهارك زى وشك ..!!!!!!! ..   ....   ....  

يا ناس يا عسل .. الننوس وصل .. !!!!!!!!!

ازاى .. ؟ .. فين .. ؟ .. مين .. ؟ .. .. ..

لا حول ولا قوة الا بالله العلى العظيم ..  يا عينى عليكى يا نفاقستان .. تطلعى من حفرة تفعى فى دحديرة ..

و عايزنى أرجع ؟؟ .. و كمان أنافق ؟؟  .. يابنى انت لوماكنتش من دمى كان زمانى اتبريت منك .. الله الغنى عن البغاشة بتاعتكم يا خويا .. و على رأى توفيق الدقن "أحلى من الشرف مافيش" .. و لو نى مش عارف اقلبها مرح زى عوايدى ..

و طبعا بتوع البلوتيكا ليهم حق .. و أظن ما جرائد المعارضة نزلت نقد نارى فى الموضوع .. و أكيد كبارات البلد .. عزت عليهم كرامتهم .. ان عيل ينزل عليهم بالباراشوت .. أكيد الدنيا اتقلبت .. ربنا يستر ..

أما بقى عن نفاقستان5 ..  فبصراحة عندة حق .. و خلى بالك دا صاحبى .. اياك انت أو العصابة تهوبوا ناحيتة .. أو ناحية اى عضو من الصالون الثقافى بتاع  جماعة الوفد .. لأحسن اقطعك .. أنا بقولك أهوه ..

و كفاية كدة .. و أدعيلك ان ربنا يهديك انت و مجلس الحكام اللئام .. و السلام ..

أخى و حبيبى و حته من قلبى .. منافقندى  .. السلام عليكم و رحمة الله و بركاته ..

Edited By freefreer on سبتمبر 19 2002 08:20am

[الوطني]

اخي العزيز قري فرير

بغد التحية الحارة ابعث اليك هذا الخطاب لأشكو الحال هنا....

لأ اوعي تفكر غلط انا أصدي اشكو اليك انو مفيش مشاكل هنا ماانتا عارفنا شعب بيحل المشاكل بالعمل الدؤوب السريع و الوزرا بيطلعوا في الجرانين و التيليفزيون  يعيدو ويزيدو فالمشاكل اللي حلوها وفي فضلهم عالبلد

انتا عارف طبعا ان انا في كلية طب والوزير مفيد شهاب عمال يزود  في الاعداد اللي داخلة الكلية يوم ورا يوم وزي مانتا عارف بأة الوضع في نفاقستان..... طلعوا الناس اللي بيقولوا انهم بيفهموا في كل حاجة و قالو أل ايه دا حيزود البطالة و حيخلي  الدكاترة مالهمش قيمة ..اهو كلام كدة بيقولوه محدش فاهم منو حاجة المهم طلع علنا العالم الجورنالجية و كذبوا كلام الناس دي وقالوا انو سوق العمل حيحتاج الاعداد الكبيرة دي في المستقبل ...ربنا يخليهم لنفاقستان ...مانتا عارف نفاقستان من غير  الناس دي كانت حتبقي ازاي...

الا قولي صحيح هو نظام الحكم في كنداستان صحيح ديموقراطي-استغفر الله العظيم-؟ يعني نظام سبهللة اللي عايز حاجة يقولها واللي عايز يعمل حاجة يعملها ...نظام تهريج يعني عشان كدة ممشيش عندنا هنا عشان احنا ناس جد... بنحب نشتغل و مابنهرجش كتير...

مش عايز بأة اطول عليك عشان انا مشغول...انا مشغول اوي اوي و فرص الشغل مالية البلد...

سلام بأة :D

[Mohd Hafez]

[b:post_uid0]حلوة حكاية  نفاقستان 5 دي .. تصدق أسم موسيقي وكله نغمة [/b:post_uid0]

[freefreer]

اخوانى و حبايبى و حتة من قلبى .. السلام عليكم ورحمة الله و بركاته ..

عزيزى منافقستانى ف أول السلم ..

بصرت و فتشت كثيرا .. لكنى لم لأقرأ أبدا .. جرنانا (جريدة) يشبه جرنانك ..

لم نصل فى كنداستان – الحمد لله - الى المستوى الرفيع لذى وصلتم اليه فى نفاقستان .. و لم أجد فى التاريخ الكنداستانى .. حادثة مشابهه .. انصحك بالرجوع الى التراث العربستانى .. و قد سمعت ان قذافستان و صدامستان تسيران فى نفس الخط النفقستانى المباركستانى الثورى  .. و أن كنت ..

أنصحك بأن تبحث – عفوا - عن لقمة شريفة  أفضل .. لا تنخرط فى جيوش النظام .. جيوش النفاق .. أخرتها مرة صدقنى .. دعواتى لك ..

عزيزى ايجبت .. بدون 5 ..

يبدوا ن وزير التعليم العالى النفاقستانى .. مبدأه .. بكالوريوس طب لكل مواطن .. ربنا معاك ..

أما عن الديمقراطية و العياذ بالله .. فنعم هنا سبهللة .. و صراع مرير على الكرسى ( المصطبة بلغة نفاقستان ) .. ولا يصل الية أحد الا بطلوع الروح .. و بعد ان يثبت انه رجل من أقوى الرجال .. و بعد انتخابات مريرة ..

و ليس مثل نفاقستان .. الأمور مستقرة .. و المعادلة سهلة .. من يصل للمصطبة .. على قلبها للممات .. و الكل عارف دى مصطبة مين ؟ .. ولا يفكر حد انه يهوب ناحيتها .. هذا و قد خطت نفاقستان خطوة جبار .. لإاصبح معروفا .. المصطبة بتاعة مبن .. و لما يموت – بعد عمر طويل مديد ان شاء الله .. – كمان عارفين حتروح لمين ؟ .. يعنى المصطبة النفاقستانية .. لا يوجد عليها نزاع ان شاء الله .. الخمسبن أو ستين سنة الجايين .. ا

عزيزى أيجبت5 .. هذا تشابه أسماء ليس الااااااااااااااااااااا ..

و مع هذا .. خايف عليييييييييييييك ..

اخوانى و حبايبى و حتة من قلبى .. السلام عليكم ورحمة الله و بركاته ..

[freefreer]

أخى الحبيب فرى فرير  .. بعد التحية ..

حقيقى أنا لا أعلم سر النبرة العدائية فى ردك الأخير .. و أنا أريد لك ان تعود الى نفاقستان و تعيش سعيد .. لك مطلق الحرية فيما ترغب .. خلاص انسى الموضوع ده .. ناس غاوية فقر.

و لكن اسمحلى بقى أعتب عليك .. أعتراضك .. على الننوس الصغير .. ولى العهد المنتظر .. ليه ؟

أولا .. الجدع متعلم و عندة أعلى الشهادات من أفضل الجامعات فى مصر ..

ثانيا .. لسة ما شوفناش منه لا خير ولا شر .. فلماذا استباق الأمور .. لماذا لا نعطيه فرصة ليثبت و جوده؟

ثالثا .. الجدع مدنى .. يعنى مش ظابط .. و هو مطلب جماهيرى قديم .. أن ينتقل الحكم من الظباط الى المدنيين ..

رابعا.. هل لأنة أبن رئيس الجمهورية .. يحرم من الممارسة السياسية .. و تحرم البلد من مجهوداته ؟ ..

خامسا .. انت مش شابف ان نشأته فى بيت رئيس الجمهورية .. يعد خبرة فى حد ذاتها ؟

سادسا .. ماذا لو حقق لكم – معشر المعارضة -  أمانيكم اياها اللى صدعتونا بيها .. بتاعة الغاء قانون الطوارئ .. و تعديل الدستور ..

أخيرا .. من فى الساحة لدية امكانيات تعادل امكانيات الننوس ؟

و لا هوه ما لقوش فى الورد عيب .. قالولوه .. ياحمر الخدين ..

شفت ؟ .. أنا أفحمتك .. و أكيد مش حتعرف ترد ..

و دمتم لأخيكم المحب .. منافقندى ..

[DARWEEN]

الأخ منافقندي ...

أولا : يا أخي فيه مليون واحد متعلمين أحسن تعليم وعندهم مليون شهادة  

ثانيا : وبعدين لا خيره ولا شره ... أحنا مش عايزين نشوف حاجه تاني .... كفايه ... وبعدين ليه عاوز تديله الفرصه لوحده علشان يثبت وجوده فيه خمسة مليون شاب في البلد عايزين فرصه أقل من الفرصه التي تمنح له وهم يثبتوا وجودهم

ثالثا : وبعدين مش صعبه يعني .. يمنح درجة فريق شرفي ويبقة عسكري ونص ... ولنا في (الشقيقة) سوريا خير مثال وقدوه (بما أننا بنقتدي بيها في كل حاجه دلوقتي)

رابعا : له كل الحق في الممارسة لكن مثل غيره وليس بتركيبه فوق رؤس الناس فليس معنى أنه أبن رئيس الجمهوريه الملكيه أن يطأ رؤوس العباد ... ولماذا لا يكون لغيرة نفس الحق في نفس الممارسة السياسية .... هل لابد أن أكون أبن رئيس الجمهورية الملكية لأمارس حقوقي السياسيه ؟؟؟  ثم هل ممارسة الحقوق السياسية تكون بتخطيط على أعلى المستويات لتركيب الننوس وتنصيبه خليفه بسياسة الخطوه خطوه  ؟؟؟؟؟  أرحمونا بقى

خامسا : نشأته في بيت رئيس الجمهورية تجعله متشربا حتى النخاع بنفس المذاهب والآراء وأظن أن من حقنا شوية تغيير من نفسنا ... كما أن نشأته في بيت رئيس الجمهورية تفرض عليه أن يكون أول المعارضين لما يحدث بأعتباره أقرب الناس لصاحب القرار ...هذا إذا كان فيه أمل أن يكون مختلفا

سادسا : وماذا لو لم يحقق مايريده الشعب كله من ديمقراطيه وتعديل دستور وقانون طواريء فماذا سيكون الحل وهو أتى فرضا وقصرا على رغم أرادة الشعب ؟؟؟ وهل من قبل على نفسه أن يأتي للحكم بهذه الطريقه سيقبل بممارسة ديمقراطية في حين أن من أتى به للحكم هو الديكتاتوريه ...

أظن انا اللي أفحمتك ... رد لو كنت شاطر

[Khiber]

ها ها

حلو أوى إسلوب النقد الجميل ده

[freefreer]

شكرا يا عزيزى  :inlove:

[Arabisc]

على فكرة

النفاق و المحسوبية ليست اختراعا مصريا بحتا . بل هي طبيعة بشرية تختلف من مجتمع لآخر فقط في معايير النفاق و أساليبه

ففي أمريكا مثلا , النفاق و مسح الجوخ الذي يفوق بمراحل ما يفعله سمير عجب تجده في (كـــل) وسائل الإعلام, الفارق أن يمجد بعظمته ليل نهار هو شخص معنوي " اليهود "

بعض المقالات في الصحف أو البرامج التليفزيونة أو حتى الأفلام الهوليودية تصيب المشاهد بالغثيان من فرط النفاق

تعيين الأقارب و المحاسيب أيضاأمر متكرر , و لكنه ليس تعيين بمعنى تعيين و لكن اساليب ضغط و دفع تسهل على اشخاص بعينهم الإرتقاء على حساب الآخرين . فمثلا

أبنا جورج بوش الأب الإثنين اصبحا حاكمي ولايتين " تكساس و فلوريدا " . ثم نال جورج الابن ترشيح الحزب لانتخابات الرئاسة عام 2000 و الباقي معروف . حيث كانت فلوريدا هي صاحبة الكلمة الأخيرة في تحديد الفائز

و ابن كولين باول هو رئيس ال FCC " تعادل وزارة الاتصالات " اما أبناء أعضاء مجلس الشيوخ البارزين فيجدوا طريقهم في برلمانات ولاياتهم

طبعا هذا لا يحدث 'جمايل ' ولا حبا في  سواد عيون الأمامير الصغننين كما يحدث عندنا و لكنه أيضا أبعد ما يكون عن ممارسات الديموقراطية التي  يتغنون بها ليل نهار

[الوطني]

اخي العزيز فري فرير ....

انا اضم صوتي الي الاستاذ منافق افندي وزعلان منك انك معترض علي الننوس الصغير ....

انت مش عارف ان كل مسؤول كبير في نفاقستان له ننوس صغير يدادي فيه ويدلع فيه علي حساب بقية النفاقستانيين؟ حتي دكاترة الجامعة اللي هما المفروض يبقو قمة في النزاهة عرفو يوصلوا البهوات الصغيرين لبر الامان وبقو دكاترة برضوا غصبن عن الكل ...واهو كده علي طول ...البلد ماشية بالنسانيس .....اصدي بالننانيس(جمع ننوس!)...دي فلسفة نفاقستان ....ليه مستغرب بأه ان رئيس الجمهورية يكون ابوه برضو رئيس جمهورية؟حتي الممثلين والمذعين كل واحد منهم حط ننوس صغير مكانه والشعب مش معترض هو بس كدة بيطلع ساعات عايز ال ايه نفاقستان تبقي دولة متقدمة زي الغرب وما فيهاش واسطة ...بيحلم طبعا ً

والسلام عليكم

[freefreer]

[b:post_uid0] [u:post_uid0]اعلان هام .. :[/u:post_uid0]

يعلن مجلس الحكام اللئام عن مناقصة عالمية لتوريد ( بامبرز ) .. نظرا  لحاجته الماسة بسبب ظروف طارئة مؤخرا ..

تقدم العطاءات على عنوان المجلس ..

1 ش المحروسة فى جيبنا

نفاقستان

ملحوظة .. قطيعة .. ما حدش بياكلها بالساهل ..

منافقندى

Edited By freefreer on سبتمبر 20 2002 7:22pm

[Mohd Hafez]

[b:post_uid0]الأخ فري .. شكرا على التوضيح بخصوص نفاقستان 5 .. لقد ظننت وبعض الظن سواء أنك تسخر من أسمي .. على العموم أنت عارف إنك دائما مظلوم .. فعديها

لحظت توقف الشمعة المرافقة لأسمك عن التمايل مع حركةالرياح .. ماذا حدث للشمعة .. لماذا أوقفتها وغيرت لونها .. صارت باهتة .. هل هو حزنا أم عاصفة الصحراء أطفائتها

تحياتي

[/b:post_uid0]

[freefreer]

يا راجل حرام عليك .. المسألة و ما فيها ان تحوير الأسماء جزى من اسلوب الموضوع .. بدون كشف رمزية الموضوع .. اسم بلد استبدل الى اسم اخر

بدليل ان شعبان عبد الرحيم .. سميتة رمصان عبد الكريم

و بعدين يا باشا .. مانت عارفنى .. لم بنقد .. ولا مؤاخذة .. بنقد فى الوجة مباشرة .. هى خصلة مهببة .. و متعبة .. بس اعمل ايه ؟ .. انا مقتنع بأن هذا اشرف ..

طبعا لم يكن المقصود نهائيا .. لا سمح الله التهكم بأى حد و خاصة بأسمكم الكريم .. حتى انى اتقمص شخصية منافقندى الذى يعرض وجهة نظر النظام و اعوانه .. و أهزأ فيه بشخصيتى فى المنتدى

[Mohd Hafez]

[b:post_uid0] آوكي هذا عرفناه

فما سبب توقف الشمعة عن التمايل .. هل الشمعة زعلانة وعمله حداد علشان كده متجمدة في مكانها

[/b:post_uid0]

[freefreer]

هاهاها .. و الله الشمعة دى موجودة فى موقع أمنستى باللغة العربية .. و يظهر ان كان حصل فية عطل و اصبحت لا تظهر .. فأستلفت شمعو امنستى الموقع الأنجليزى .. هاهاهاهاه .. و عموما الموقع اتصلح و ها قد اعدتها

[freefreer]

[b:post_uid0]في دولة فسادستان القديمة كان هناك فاسد خمس نجوم وفاسد أربع نجوم وفاسد ثلاث نجوم، وكان هذا الأخير يخضع لقواعد ترشيد الاختلاس في فسادستان فيختلس ويرتشي حسب قدر الوظيفة، وكان الفاسد اربع نجوم لا يحاكم إلا اذا تعدت ثروته عشرين مليونا، أما الفاسد خمس نجوم فكان من أصحاب المناصب العليا وكانوا كل 20 سنة يختارون بالقرعة فاسدا خمس نجوم لمحاكمته وكان له الحق في اختيار الحكم الذي يعجبه وفقا لقوانين فسادستان.

أحمد رجب

م 2001 سبتمبر  من 22 السبت

:D  :D  :D  :D  :D  :colgate:  :colgate:  :colgate:  :colgate: