الوشوش هيه هيه

[إبن طيبة]

لو علي كلمتك دايما حصار

و نبرة مرارة ....وإنكسار

لازم تلاقي نقطة ضي

منورة ف أخر الجدار

--------

رغم الوعود اللي قالها ف البيان

وحلف يومها براس أبوه

والختمة...وحق الآدان

إنه ما يقعد علي تلها

إلا حتي فترتين

دلوقتي قالك ابني حقه

يقعد كمان

---------

والوشوش هيه هيه

نفس الوشوش

تاكل وتهبر

تملا بس ف الكروش

ليها خير البلد

إفهم يا ولد

إحنا ما لينا غير النعوش

تم تعديل 28 أكتوبر 2006 بواسطة إبن طيبة

[khedr]

إفهم يا ولد

إحنا ما لينا غير النعوش

وهيه هيه النعوش

مالهاش غير الواد المتعوس

نام فيها من يوم ما اتولد المنحوس

وجمال ولده منورها..... ودايس علي الكروش

لايوم اتغيرت الوشوش..... ولا خفت الكروش

كلماتك تترك دائما اثر في النفوس

وتسعدنا بقدر ما تتعب النفوس

شكرا