حسيت بالغربة ف قلب البيت

[إبن طيبة]

حسيت بالغربة في قلب البيت

وديابة بترعي غنم ف الغيط

وحرامي يحرس ف خزاين

وتوافه واخدة كل الصيت

,,,,,,,,,,

مريت علي ضحكة ماليها الخوف

وأنفاس مكتومة .. علي قد الشوف

والأيد مرفوعة تدعي ومرعوشة

بصوت مخنوق وبكل كسوف

,,,,,,,,,,,

مكسوفة منك يا بهية

لسوء النية

لطخوا توبك

قالوا ذنوبك

وكتير تانيين قالوا

دا وعدك مكتوبك

,,,,,,,,,

ردي وقولي وصحصحي

إحنا ولادك لو تقسي أو تجرحي

ناويين نداوي كل البلاوي

ساعتها بس ح تفرحي

[khedr]

ناويين نداوي كل البلاوي

ياريت نتحرك بقي

كفايه نيات لحد كده

................

................

رائع كعادتك

لا تبخل علينا بحضورك ومشاركاتك

تعيدنا لأنفسنا

وتجعلنا نعود

شكرا لك

[نانو]

تسلم ايديك علي هذه التسلسل و التناغم الرائع

للمعاني المكتومه داخل كل منا

[shahd]

اسلوب جميل سلمت اناملك