ذكريات حُلم الطفولـــــــــــة.....البريئة :)

[Modest]

السلام عليكم ورحمة الله...

موديست العزيز ..أخى بالتبنى...حد يعمل فى القطط كده؟..ماتعرفش ان دول نعمة؟..هه؟؟...وايه الجبروت ده...يعنى القطة ربنا كتب لها عمر جديد ..تيجوا انتوا بقى وتقضوا على كل ما هو جديد؟....

انت منور الموضوع والله..وياريت نسمع اسرار اكتر عن عصابة القناع الاسود بتاعتك دى..وياترى التجارب وقفتت لحد القطط بس ولا كملتوا...مش العلماء بيبدأوا التجارب على الحيوانات الاول وبعد كده يكملوا...

ياترى انتم كعصابة وصلتوا لحد فين....بجد كمل لنا ..انا باحب حكاوى الصبيان الا...الاشقياء دى جدا ..ياااى ...ياااى ..حاجة اوريجينال خالص ..يا موديست باشا...

انا عارفة رقصة الهنود الحمر دى..حتى كاتبة عنها فى فلانة هانم الخربوطلى ..الاخوة الزملاء المشرفين بقيادة...

سيللور( ربنا يجعل كلامنا خفيف عليه ويفضل نايم فى الجُب زى ماهو) كانوا بيرقصوها لما تم تعيننى وازرقيت بفضل قبضة سيللور المفترية....بلاش نجيب سيرته احسن بيقولوا جبنا سيرة القط ..جه ينط....اشتاتا اشتوت ..سامح يا اهل السماح

ححححىىىىىىىىىىىىىى....

فولانة هانم الخربوطلي

أيوة بلاش سيرة اللي بيزرّق ده علشان خاطري .. إحنا مرتاحين من غيره :wub:

الحقيقة مش عارف أقول ايه و لا إيه .. أصل صندوق الذكريات إذا اتفتح هايقع منه بلاوي و الناس هاتفتكر إن موديست اللي عامل فيها هادي ده مصيبة و محدش هايرضى يكلمني بعد كده :wub: .. مع إني خلصت كل الجرائم بدري قبل الإعدادية و من ساعتها تُبت و فتحت كشك سجاير -_-

أقول لك على جريمة صغيرة كده تسببت في حادثة بسيطة بين عربيتين .. مش بتوعنا بقى و احنا و مالنا ;)

الشارع بتاعنا في مصر من شوارع مصر الجديدة الضيقة اللي يادوب عربيتين يركنوا على الجانبين و عربية واحدة تمشي في وسط الشارع.

قوووم إيييه؟ كنت أقف أنا و أحد أفراد العصابة في وسط الشارع كأننا ماسكين خيط و نبتدي نبعد عن بعض كل واحد في اتجاه الرصيف المقابل للتاني .. قال يعني بنشد الخيط و احنا مفيش في إيدينا حاجة :sad:

قووووم .. لما تيجي عربية من اي جهة صاحبها يفتكر إننا بنشد خيط يقوم يخاف يقطعُه فيقف و يبص و مايلاقيش خيط يقوم باصص لنا بنظره كلها &*^%&* على إننا خدعناه يعني .. طيب و هو حد كان قال له يقف؟ :D

لغاية ما في يوم من الأيام جت عربية مُسرِعة شوية و سائقها تنبّه فجأة للخيط اللي "مِش" بنمدُّه بعرض الشارع و مالحقش ياعيني يقف قام علشان يتفادى قطع الخيط لَف الديريكسيون و خبط عربية من اللي راكنين على جانب الشارع. :D

طبعاً احنا كنا أخدنا ديلنا في سناننّا و قلنا يا فكيك :ninja:

.

[nash]

موديست.....أنت فين في مصر الجديده؟؟؟ قصدي كنت فين....؟؟

:D طب أنا أقول وانت قول أة ولا لأ أوكيه؟؟

قريب كده من شارع عبد العزيز فهمي؟؟..... أيوة اللي عند جامع الفتح؟؟؟ والله شكلك ....أنت....أو حد من الشياطين دول...اللي كانوا بيلعبوا في الجنينه الطويله

تم تعديل 22 نوفمبر 2006 بواسطة nash

[Modest]

موديست.....أنت فين في مصر الجديده؟؟؟ قصدي كنت فين....؟؟

طب أنا أقول وانت قول أة ولا لأ أوكيه؟؟

قريب كده من شارع عبد العزيز فهمي؟؟ أيوة اللي عند جامع الفتح؟؟؟ والله شكلك ....أنت....أو حد من الشياطين دول...اللي كانوا بيلعبوا في الجنينه الطويله

انا ساكن عند نفق العروبة (بس أيامها ماكانش فيه نفق) .. شارع عبد العزيز فهمي و جامع الفتح كنت باروح لغاية عندهم بالعَجَلة بالرغم من طول المشوار نسبياً إنما كان لينا فرع للعصابة هناك و ماكانش فيه شيء يعوقنا أيامها.. نروح أي مكان بأسطول العَجَل (بفتح العين و الجيم) :happy:

ايه هيّا عربيتكم اللي اتخبطت يومها؟ :unsure: .. يمكن حد من العصابة فرع عبد العزيز فهمي كان بيقوم بعملية "الخيط اللي مش خيط" .. و عموماً حقّك عليّا و المسامح كريم :)

ما قلت لك يا فولانة خليني ساكت أحسن ... لو اتكلمت شوية كمان هاتقِفِش :angry2:

.

تم تعديل 22 نوفمبر 2006 بواسطة Modest

[زعلان]

:P دا انتم كنتم عيال ما يعلم بيها الا ربنا :)

ذكريات حلوة وجميلة ........... قعدت اعصر مخي اني الاقي ذكريات دورت هنا وهناك لقيت حدوتين مش بطالين واحدة ليا انا واخويا الي اصغر مني بسنة عن البحث عن الكنز :angry2: كان عندني سنتين ونص ................. والتانية ليا انا واخويا الاصغر مني بسنة كان عندي يمكن عشر سنسن مش فاكر بالضبط و صديق من ابناء الجيران عن العمارة المحترقة :happy: (زي لغز الكوخ المحترق بتاع المغامرون الخمسة)

الزيارة الجاية ابقى احكيلكم :unsure:

[nash]

زعلان .......صورة الولد اللي في الكوبايه..بيفكرني..بتختخ........ أفتكرلنا حاجه بسرعه :sad:

........بسرعه الله يخليك

......................................................................................

موديست أنت جنب مدرستي القديمه يا باشا...عارفها( مصر الجديده النموذجيه ) :angry2: يوووووووووووة أيام

حتي بالأمارة هناك عمارة بلكوناتها بنفسجي..؟..ماتقوليش بهتت..والله أزعل :sad:

.....................................................................................

وكل ما أتخيل منظركم بالخيط الوهمي..لا...وأنتم شويه ترفعوه وشويه تنزلوه..قال يعني بجد. :P .أضحك والله..وأقول يا لهوتي..ده الواحد كان مجنون بشكل :wub: ...هات مالديك..يا فتي..خليني أعيش جو المرحله دي..أيييه كانت أيام

:unsure: :happy: فولانه...زودتيها .......أتفضلي تعالي لحقي علي الزباين ....ماعنديش حاجه أقدمهالهم..وكل شويه اقول فولانه بتجيب طورطه...لأ بتجيب جاتوة..لا بتجيب أأأأأأممممم :)

أقولك......تاخدي بطاقه التموين بتاعتي تمشي فيها حالك؟

[Modest]

موديست أنت جنب مدرستي القديمه يا باشا...عارفها( مصر الجديده النموذجيه ) :angry2: يوووووووووووة أيام

حتي بالأمارة هناك عمارة بلكوناتها بنفسجي..؟..ماتقوليش بهتت..والله أزعل :sad:

.....................................................................................

وكل ما أتخيل منظركم بالخيط الوهمي..لا...وأنتم شويه ترفعوه وشويه تنزلوه..قال يعني بجد. :P .أضحك والله..وأقول يا لهوتي..ده الواحد كان مجنون بشكل :sad: ...هات مالديك..يا فتي..خليني أعيش جو المرحله دي..أيييه كانت أيام

عارف المدرسة طبعاً .. دي اللجنة الانتخابية بتاعت الريس و العائلة الكريمة

و العمارة اللي بلكوناتها بنفسجي دي (على رصيف قصر البارون امبان - قبلُه شوية من ناحية النفق ) كانت أحلى عمارة أيامها و مازالت أنظر إليها بإعجاب إلى الآن مهما بهتت ألوانها .. ربما حنين لهذه الفترة :wub:

فيه شوية جنان من اللي على أصله بس كان في بعض الأحيان بيقلب لمصايب الحقيقة .. حرائق صغننة كده على ما أُثُم أو بعض الكسور البسيطة أو المقالب البريئة :happy: و لكن الحمد لله ماحصلش و لا مرة إن حد طلب لنا البوليس :)

هيييييييييييييييييه .. سبحان مغير الأحوال :unsure:

[nancy]

انتم حسستونى انى كنت طفلة هادية جدا

حتى انت يا محمود طلعت شقى كدة مش بيبان فى كلامك خالص

بالعكس كنت فكراك رزين جدا فى طفولتك

انا كنت شقية بس بشكل مختلف يعنى كنت احب اغير مكان الموبيليا اواغير اماكن التبلوهات من الحوائط

كنت احب ادعبس فى كل الدواليب والشنط

كنت اغنى مع الاغنى واحول الى بيغنى من راجل لست

وبصوت عالى لدرجة ان اختى تقولى يتغنى صح يتسكتى وبرضة اغنى

ميبعتونيش مشوار الا لما اتاخر لانى بتفرج على المحلات

وبعدين كنت استاذة احلام يقظة افتح الكتاب واعمل نفسى بذاكر واسرح واسرح فى اى حاجة

وطبعا مذاكرش

او احط الالغاز جو الكتاب واعمل نفسى بذاكر على سريرى الى كان دورين فانا فى الى فوق طبعا

فمحدش يعرف انى مش بذاكر خالص

مرة ماما لاقت فى اوراقى اغنية عبد الحليم بتاعة جواب نور عينى روح قلبى

افتكرتنى بحب حد فين وفين لما فهمت انها اغنية كان مر على المحاكمة ساعة كاملة

دى بعض الشقاوة

لو افتكرت حاجات تانية حاكتبهلكم :)

[nash]

أهلا يا نانسي تشربي شاي :unsure: ؟؟ اصل نورا وموديست ..حتي زعلان خلصوا النسكافيه كله :) . :angry2: .وفولانه في الفرن بتجيب طورطه.....ولسه

ماجاتش هاعملهولك علي الريحه..أصل السكر كمان خلص......... :happy: أأأأة فينك يا فووووووللانه

....................................................................................................

او احط الالغاز جو الكتاب واعمل نفسى بذاكر على سريرى الى كان دورين فانا فى الى فوق طبعا

....فمحدش يعرف انى مش بذاكر خالص <<<<<<طب بالأمانه مامتك ماقفشتكيش مرة وأنتي حاطه الكتاب بالمشقلب....؟؟؟؟؟؟

[nash]

:unsure: تصدق..أول مرة أعرف أن الكابتن بيروح يصوت هناك

أنا كنت بروح المدرسه بالأتوبيس الأزرق في أبيض..كان شكله مميز................معليش يا جماعه :) :angry2: .اصل بنت الفريق علي فهمي..كانت بتركبه معانا..فكان لازم نتعامل معامله خاصه...أما...أتوبيسات حدائق القبه والمناطق التانيه.. كان لونها لبني...وشكلها بؤس..كنا نقعد نغيظ البنات ونتريق عليهم....<<<<<<<<..أأأيييه كنا طيبين...

أفتكر مرات كنت بطنش أركب الأتوبيس..وبيبقي نفسي أعيش معاناة الشعب..وأركب المترو...كنا نمشي أنا وصاحباتي لغايه نادي الجلاء..بتاع الجيش..ونركب من هناك ..أظن مترو الدراسه..وناخدها مشي من جامع الفتح للبيت....... في الشارع..اللي أوله محل ديكوراما...<<<<ده أنا لو طولت أربع شوارع تانيين هاكون في بيتنا

أنت كنت فين من زمان يا موديست يا خويا....والله عايشه جو تشردي حالم....

[nora]

والله يا ناش انت جوعتينا انت وفلانه حتى مفيش سندوتش ميه تقدموه وتقولي نسكافيه خلص وانتم اصلا بتجيبو الحاجه من قهوة بعرور ....يلا ابسطي ياستي جيلكم وفي ايدي فضلت خيرك سحلب علشان نلم حق الليله...

هقولكم حاجه صغيره عن شقاوة ابنى قبل مرجع لشقاوتي ابني الكبير سيف سنه ونص علشان يسكت وميعملش مصيبه الملو اي رفايع في الشقه كتشينه الوان خشبيه ورود بلستك واحطهمله في علبه كبيرة واحط رجلي على التربيزه ويبدا هو في لم كل الحجات دي ويحطها في رجل البنطلون (لعبه هبله اوي ) بس مش هقولكم بيسكت بالسعات وطبعا اخت جوزي الي علمتهاله ............ الله يسامحك يا ناش اهو سيف ضرب كوبايه الينسون بتعتي في بق واحد عارف اني هخلصها فشربها كلها و مش هشوف منكم لا ابيض ولا اسود الليله دي

اخر احداث فترة الاسبوع الي قضيته في الشقه انا واختي لوحدنا انا مش فكرة غير اليومين دول اليوم التاني صحيت ونفسي اشرب عصير جزر مش عرفه ليه فاتصلت ببابا وقلت له فقالي كوليه يا حبيبتي بس ولما اجي هعملك عصير وقالي في عندك الجبنه الكبايه الي بتحبيها كانت علب صغيرة زي علب المربه الي في الفنادق وكنت بحب احط عليها كاكاو بودرة واكلها ... طبعا رحت فتحت التلاجه وطلعت الجزر وعادي جدا لقيت نفسي ولا كاني ابله نظيرة مسكت الخلاط وحطيت فيه الجزر وشغلته ومتجاهله الي بابا قاله خالص المهم اشغل مفيش فيده الجزر مش راضي يتقطع مهو كان خلاط عادي المهم اسكت لاه جبت ميه وقلت اهدي العمليه وطبعا الدنيا غرقت ازاي معرفش ....(وش برائه ) فاختي قالت يلا ناكل الجبنه بالكاكاو ونفتح الجبنه ونحط كميه كبيرة من الكاكاو وطبعا مرر فمقدرناش نكله قلنا نرميه حرام نلعب باه اعدنه ندهن السفرة بيه (اجرام اجرام) وبعده دلقنا الجزر فوقهم واخدنا كل حاجه وسخناها رميناها في الحوض من ضمنها المتور بتاع الخلاط .....مش عيزه اقولكم حصلنا ايه لاني مش فكرة من كتر ما اضربنا

وده اخر يوم فكراه من الشقاوه لوحدنا بس في حجات كتير عندي لسه

[Modest]

تصدق..أول مرة أعرف أن الكابتن بيروح يصوت هناك

أنا كنت بروح المدرسه بالأتوبيس الأزرق في أبيض..كان شكله مميز................معليش يا جماعه :P .اصل بنت الفريق علي فهمي..كانت بتركبه معانا..فكان لازم نتعامل معامله خاصه...أما...أتوبيسات حدائق القبه والمناطق التانيه.. كان لونها لبني...وشكلها بؤس..كنا نقعد نغيظ البنات ونتريق عليهم....<<<<<<<<..أأأيييه كنا طيبين...

أفتكر مرات كنت بطنش أركب الأتوبيس..وبيبقي نفسي أعيش معاناة الشعب..وأركب المترو...كنا نمشي أنا وصاحباتي لغايه نادي الجلاء..بتاع الجيش..ونركب من هناك ..أظن مترو الدراسه..وناخدها مشي من جامع الفتح للبيت....... في الشارع..اللي أوله محل ديكوراما...<<<<ده أنا لو طولت أربع شوارع تانيين هاكون في بيتنا

أنت كنت فين من زمان يا موديست يا خويا....والله عايشه جو تشردي حالم....

و مين سمعك .. أنا مستمتع و أنا باتذكّر ايام التشرد الحالمة دي :o .. ألا ليت الزمان يعود يوماً .. لا مسئولية شغل و لا بيت و لا أولاد و لا دياولو .. بس بصراحة كل وقت و له حلاوته برضُه .. يعني من حلاوة الأيام الحالية إن مثلاً إبني الصغير اللي في KG عايز يوريني إنه مثقف و بيتكلم لغات قام شتمني :sad: .. قال لي بابا أنا ك ك ك King و إنت م م م Monkey :sad: .. لإنهم بيعلموه في المدرسة الحروف بكلمات تبدأ بها ... هو يبدأ إسمه بحرف الـ K و أنا وقع نصيبي في حرف الـ M ... ياللا الولد ما غلطش أوي يعني :angry2:

بصي يا ستي انتي كنتي بتركبي مترو الدرّاسة أو الميرغني لإن أيامها كان الدرّاسة بيوصل لمحطة العروبة عند مدرستك و بعدين يدخل شمال و يعدي قدام بيت الريس "قبل ما يبقى ريس" و يستمر في طريقُه موازي لشارع صلاح سالم لغاية نهاية الخط عند الأزهر .. إنما بعد ما الريس بقى ريّس شالوا خط مترو الدرّاسة من قدام منزله العامر و بقى يدخل شمال قبل العروبة بمحطة .. يعني عند كلية البنات علشان ما يعديش قدام بيت الريس بعد ما بقى ريس :) ... أنا بقى كنت باركب مترو الميرغني و نفس عدد المحطات اللي بتكوني فيها في المترو بس أنا كنت باخده في عكس الاتجاه .. انتي من محطة الجلاء إلى محطة شارع العروبة و أنا العكس لإن مدرستي كانت قدام نادي الجلاء و ساعات كنت أزود محطة و أنزل في محطة تريومف لإن المدرسة بين المحطتين.

أما عن ذكريات المدرسة فخليها على جنب أحسن يكون فيه حد هنا كان معايا في المدرسة و و و .. و مش عايزين مشاكل الله يكرمِك :wub:

أنا بس فاكر إني كنت أروح الصبح آخر شياكة و أرجع بعد المدرسة "في بعض الأيام يعني مش كلها :unsure: " منعكِش و نص زراير القميص مش موجودة و الكرافات في الشنطة و و و و ... ياللا كله كان بيعدّي :happy:

مش فاكرة واحد عند محطة المترو اللي قصادك كان بيشوط طوب بجزمة المدرسة و شايل في إيده علبة كرتون فاضية و مخرّمة شاري فيها دود القز من على باب المدرسة و بياكل دوم؟ أيوة هو أنا -_-

.

[Modest]

طبعا رحت فتحت التلاجه وطلعت الجزر وعادي جدا لقيت نفسي ولا كاني ابله نظيرة مسكت الخلاط وحطيت فيه الجزر وشغلته ومتجاهله الي بابا قاله خالص المهم اشغل مفيش فيده الجزر مش راضي يتقطع مهو كان خلاط عادي المهم اسكت لاه جبت ميه وقلت اهدي العمليه وطبعا الدنيا غرقت ازاي معرفش ....(وش برائه ) فاختي قالت يلا ناكل الجبنه بالكاكاو ونفتح الجبنه ونحط كميه كبيرة من الكاكاو وطبعا مرر فمقدرناش نكله قلنا نرميه حرام نلعب باه اعدنه ندهن السفرة بيه (اجرام اجرام) وبعده دلقنا الجزر فوقهم واخدنا كل حاجه وسخناها رميناها في الحوض من ضمنها المتور بتاع الخلاط .....مش عيزه اقولكم حصلنا ايه لاني مش فكرة من كتر ما اضربنا

أهلاً و سهلاً يا نورا .. نورتي المحاورات من تاني

مادام كنتي غاوية المطبخ و انتي صغيرة زي ما واضح من كلامك :happy: .. اسمحي لي أهديكي ملف فيديو صغير ممكن يفكّرك بطفولتك و إزاي البنات ممكن يساعدوا أمهاتهم في المطبخ و يخليهم مبسوطين منهم على الآخر :wub:

فيديو لبنت و لا كل البنات .. ياريت كل البنات يساعدوا أمهاتهم زيها

.

[nash]

صباح الخير يا أحلي زومل...نورا وموديست..أخوة الدم في تشرد الطفوله الحالمه.....

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

نورا يا حبيبتي ..تشربي كراويه؟؟ :wub: ....ماأظنش الكابتن أبنك هايعجبه.....

عارفه والله ضحكت من قلبي...روحي يا شيخه ربنا يسعد قلبك وتشوفي أبنك كده زي ولادي..... :sad: <<<<<ماتفهميهاش غلط..دي دعوة حلوة

لا شوفي أنا قلبي بيقول أن فولانه راحت تشوف بنوتتها في الإمتحانات ..أصل سمعت أن الأي جي لسه مخلص دلوقتي....ربنا يوفقها ويوفق بناتها....بس سمحتلي نلعب في توبيكها..وننضف ونرتب ورانا قبل مانمشي..وبلاش نقزقز لب ونرميه علي الأرض....لحسن البت سيتا لسه كانسه البيت...

عايزين نفتح موضوع باسم(ذكريات الأمهات في تربية الأبناء..ومافيش مانع دخول الأباء) خليها تولع mfb:

هاتي المتفرقات بتاعتك...خلينا نضحك ونغير جو..بلا سات بلا هم

مستنياكي يا عمري

....................................................................................................................................

موديست...زومل الطفوله المشرده في حواري مصر الجديده

شوف يا سيدي....مترو المرغني مابيروحش جامع الفتح...طبعا أنا بحكي عن متين سنه فاتوا.....لكن بيتهيألي هوة عبد العزيز فهمي والدراسه ألف مسكن<<< صح ...الميرغني كان أخر خط ليه أظن عند الكليه الحربيه

...أوبس هوة أنت ؟؟ :o حتي أنت بالأمارة كان معاك علبه الدود المحطوط في علبه جزم فاضيه ومخرمه....حتي العلبه كان لونها :happy: أبيض....<< صح

بس إزاي فاضيه وفيها دود؟؟؟ mfb:

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ربنا يارب يارب يخليلك أبنك ودايما يوريك مهارته في اللغات...شوف بأة لو أتعلم فرنساوي هايقولك أيه....ماشاءالله بليغ :wub:

ابني اللي ماعدش صغير قال لإبوة وهوة صغير...كلمه غريبه..مش قادرة أقولها...هوة الصراحه سمعها من التلفزيون..مش من المدرسه

صراحه.....الكلمه اللي بتطلع ترجمتها وغد

علي باله بيهزر مع أبوة

فضل..أبوة... يجري وراة حوالين الترابيزة والواد مش فاهم فيه أيه :D

.....................................................................................................................................

يعني ماتناساناش من الذكريات دي..والله قمه الرقي والتشرد

روح ياشيخ ربنا يخليك

[nancy]

افتكرت حتة شقاوة تانية

مرة كنت ماشية على شارع ابو قير فى اسبورتنج وبعدين خالى وخالتى كل واحد منهم مساك ايد من ايدى متبت اوى

دة لانى معروف عنى انى بحب اجرى فى اى شارع ومحدش كان بيلحقنى ففضلت اقولهم سيبوا ايدوى ولهى حامشى جنبكم

طيب ثوانى ايدى وجعتنى منكم المهم سابونى بعد محايلة وبدون مقدمات جريت بسرعة جدا ورحت نازلة من الرصيف

الى فكراة ان كان ورايا اتوبيس وعمل كلاكس جامد جدا فرحت راجعة تانى على الرصيف

بس كان خالى بيجرى فى كل الاتجاهات مش عارف يعمل اية وخالتى بتصرخ

وبعدين رجعت مشيت جنبهم كان عندى جنونه وعدت وبس

مرة تانية كنت انا واختى الى اصغر منى بسنة فى البيت وكالمعتاد ماما فى الشغل الصبح وبحط كل حاجة فى مكان مختلف

فاختى مسكة الاباجورة وحطة اديها على اللبمة فكانت سخنة وافتكرت انها اتكهربت المهم عيطة شوية ونامت

كلمت ماما فى الشغل فبتقولى عملين اية فقلتلها كويسين خالص وناهد مسكة الكهربة ونامت هى سمعتها وماتت

ماما سابت شنطتها والشغل وجات جرى من الابراهيمية لسبورتنج يمكن فى 10 دقايق ودخلت ملهوفة على اختى

فلاقتها نايمة والبيت هادى فقالت ماخت كويسة قلت لها انا قلتلك نامت مش ماتت

شفتوا بقى كنت هادية ازاى :happy:

لو افتكرت حاجة تانية حاكتبها :wub:

[nash]

مووووووووودست.......

مدرستك...والله أعلم ...أسمها

ال

ل

ي

س

ي

ه

صح؟؟

[khedr]

ناش...نانسي....موديست....نورا

الله يبارك فيكم

وفي ذكرياتكم البريئه :)

.................................

................................

وانا صغير كنت مغرم ارن الجرس بتاع البيوت ...

وطبع احط ديلي في اسناني

والمنطقه كلها عرفت عني الموضوع ده

طيب عيل ....ويعملوا في عيل ايه

ومره با ارن جرس والالقي ايد من ورا الفتحه مسكتني

وانا مش اقولكم علي اللي حصلي

رعب لم اشعر به في حياتي :)

ومن ساعتها

ولما باشوف جرس

باخبي ديلي واسكت

وافضل ابص له

وافتكر الايد اللي مسكتني

رعب... :D

[Modest]

ناش...

صح

وانا صغير كنت مغرم ارن الجرس بتاع البيوت ...

وطبع احط ديلي في اسناني

والمنطقه كلها عرفت عني الموضوع ده

طيب عيل ....ويعملوا في عيل ايه

ومره با ارن جرس والالقي ايد من ورا الفتحه مسكتني

وانا مش اقولكم علي اللي حصلي

رعب لم اشعر به في حياتي :huh:

ومن ساعتها

ولما باشوف جرس

باخبي ديلي واسكت

وافضل ابص له

وافتكر الايد اللي مسكتني

رعب... :o

خضر .. ما أوضحته في مداخلتك يُظهر إن عندك عقدة الجرس :D

يعني أنا عندي عقدة القطط و دي مش مشكلة .. الدكاترة قالوا لي ممكن أعيش من غير قطط :)

إنما انت لما تحب تزور حد في بيته بتعمل إيه علشان يفتح لك الباب؟

و إذا روحت بيتك و كنت ناسي مفاتيحك إزاي هايفتحوا لك الباب؟

و فرضاً حد رن الجرس و انت جوه الشقة.. بتفتح الباب و لا برضه بتفتكر موضوع الجرس و تسيب اللي برّه يرن؟

أرجوك ترد لإن ده هايفيد جداً في العلاج :)

.

تم تعديل 25 نوفمبر 2006 بواسطة Modest

[نانو]

يا ناش نورا مودست خضر .....حرام عليكم كده

يعني لازم يتغير العنوان لذكريات الطفوله ...لكن بريئه ديه اتعقد انها ما بقائتش مناسبه :)

خضر .....اوعي تكون انت الواد اللي كان غاوي يضرب الجرس علينا قبل مدفع الفطار مباشره -_-

استنوا بقه شوفوا البراءه اللي علي اصولها

زمان و انا صغيره طبعا اخويا كان بيستخدمني اسوء استخدام

زي ما استخدمني قبل كده جون اذا كنتم فاكرين

و اوقات بيبقي قلبه طيب

و يجي مثلا رمضان و ببقي نفسي اوي اعلق ورق الزينه و حاجات كده طبعا هو كان اخري بيخلني اصنع الصمغ اللي بنلزق بيه ورق الزينه في الشارع

و مره بقه كان النور مقطوع عندنا في الشارع....و كان لازم كل يوم بعد الفطار يلعب كوره كع اصحابه في الشارع

و مش عرافه ازاي جاتله الفكره الجهنميه ديه ...انه يحط الاباجوره في الشباك..بس للاسف ما نورتش الشارع كويسو كان لازم حد يقف في الشباك و يدلدل الاباجوره علشان تنور كويس

تفتكروامين؟؟؟؟؟ طبعا انا

و فضلت متنشره في الشباك حوالي 3 ساعات لغايه ما خلصوا الماتش :D ما فيهاش حاجه عادي ...ايه ....اخوات....

طيب بلاش ديه

مره كانوا هو واصحابه بيلعبوا في الشارع و الجيران كانوا مش طايقنهم من الصوت و الخناق طول النهار

و اخويا نادي عليا من الشباك و قالي هاتيلي ميه علشان عطشان .....سمعت الكام ونزلت و روحت اديله الميه ...و اذا بي افاجأ اني الاقي اصحابه بيقولوا

اللللللللللللللللللللللللللحق و كلهم طلعوا بيجرو بما فيهم اخويا و فضلت انا لوحدي و في لحظه ولقيت دش ميه فوق نافوخي نازل mfb:

اتاري الناس زهقوا وقرروايكبوا ميه علشان الولاد يخافوا ويبعدو ويبلوا الارض و ما يعرفوش يلعبوا طبعا مش الارض اللي اتبلت :P

و مش ممكن اوصفلكم حالتي

اللذيذ في الموضوع انه دارت الايام و طنط ديه قال ايه عايزه.....تجوزني ابنها لما كبرنا

و انا ابدا.....بقي انا اتجوز ابن الست ديه :D

خلاص الدنيا ضاقت في وشي

اهيه ..ايام انتوا ليه بتخلونا نقلب علي نفسنا المواجع بس :P

[Folana]

السلام عليكم ورحمة الله......

هاى يا شباب وحشتونى جدا.....ايه الذكريات المؤلمة دى بس....ده انا كنت ملاك والله ....(ومازلت :D )...

الاب الروحى موديست..زعيم عصابة القطط ...ده انا باين عليك كنت فزيع فزاعة...مش ممكن ....

فكرتنى بحكاية الحبل ده....وحيث انى كنت طفلة بريئة وحسنة النية.....بالاضافة الى حبى للمال :P...

مرة من ذوات المرارير..كنت ماشية فى الشارع ..وبابص فى الارض ...(وانا دايما بامشى وشى فى الارض)..لقيت عدد واحد جنيه مصرى جديد لانج...(عرفتم ليه بقى بامشى وشى فى الاض؟)

طبعا رحت وطيت علشان اخده..لقيت الهوا بعده شوية عنى...رحت مشيت ورا الجنية راح الهوا بعده شوية عنى كمان حبة نونو ..

وفضلت اجرى ورا الجنية وانا ثانية ركبى (متخيلن طبعا المنظر)..وعمالة امد ايدى علشان الحق اطوله ...وبعد كده سمعت قهقهة شوية شباب رزل -_-

بارفع وشى لقيتهم عمالين يضحكوا وبيسحبوا الجنية لفوق..اتاريهم رابطينه بخيط نايلون رفيع جدا ..وهم اللى كانوا بيجروه...

مش قادرة اقولكم طبعا على الاحراج اللى كنت فيه..وشى اتحول للون القرمزى...وكان نفسى الارض تتفتح وتبلعنى وقتها من الخجل..

ده انا كنت طفسة جدا ..ما كنت اسيب الجنيه ..حتى شكلى كان حيبقى احلى قدام الشباب ده :)

[nash]

يا جماعه الموضوع ده بالذات مش عايزينه يختفي بسهوله

يعني كل شويه حد يرفعه..يمكن نيجي ونشخبط فيه ونقوم مبسوطين..

......................................................................

فولانه ..بجد والله حسيت بيكي..منظر مش جميل. :P :sad: .

خضر ..تحليل الدكتور موديست رائع...لازم تتصرف بسرعه :)

أباجورة.....قصدي نانو..إزاي يا جبارة أستحملتي كل الدلدله دي؟؟؟؟ :P

..............................................................................

بسرعه يا حلوين عايزين الموضوع رافع راسنا في السحب