إضحكوا يا شباب في الأيام الهباب

[se_ Elsyed]

تصدقوا بالله ؟

أنا مالقيت عنوات للموضوع ده فقلت أفتكس أي حاجة كده تقضي الغرض

الخبر الإسود بيقول إن نادي القضاة واللي أعضاءه الشرفاء أشرفوا على إنتخابات مجلس اللعب - الشعب سابقاً - الأخيرة رفعوا أول أمس تقرير بيؤكدوا فيه بطلان الإنتخابات في دائرة الدقي والتي فازت فيها تيته الحاجة أمال عثمان وأكدوا في تقريرهم إن مرشح الأخوان حصل على ضعف عدد الأصوات تقريباً

أمل عثمان كانت تقريباً 3600 صوت

ومرشح الإخوان 6700 صوت

وبالرغم من إن الجرائد الحكومية أنا بأقول أهو الحكومية خرجت وأكدت مقتل قصدي سقوط تيته أمال إلا إن النتيجة لما جم يعلنوها وسبحان القادر على كل شيء ... النتيجة قالت إن تيته هي اللي فازت ...

شوف إزاي يا أخي ؟

طب لحد هنا والخبر قديم ومالوش معنى إننا نعيده تاني !!!!! إنت عايز إيه يا سين سين ؟

طب خدوا دي .. بيقولك إن المفروض بقى إن مجلس اللعب هايحقق في الموضوع وذلك عن طريق اللجان المختصة وبالتحديد اللجنة التشريعية ..

اللهم طولك يا روح .. طب وإيه الجديد او الهباب زي مانت بتقول ؟

الجديد بقى والجديد نيوز ومهبب يعني إن رئيس اللجنة التشريعية اللي هايحقق في الفضيحة هو

أمال عثمان ( رئيسة اللجنة التشريعية )

وعن إذنكم أما أقعد مع نفسي شويه أضحك ضحك مثل البكاء

[وليد صفوت]

ابيه س س .....

مش لاقى غير تعليق واحد بس هقتبسه منك ...

نياااااااااااااااااااااااااااااااهاهاهااهاهاهاهاهاها

واك وااااااااااااااااااك واااااااااااااااااااااااك :closedeyes:

.................

لم يَعُد مُستغرباً فقد حدث ما هو اكثر اضحاكاً و لكن كمان قلت .... ضحكاً كالبكا :angry2: ....

[khedr]

شر البليه ما يُضحك

ولكنه ضحك كالبكاء

بل نحيب ولوعه وآسي

كيف تُدار هذه البلد

آه يابلدي....أه

آآآآه

كل حته فيه بتقول آه

وهم بيتفرجوا عليَ وانا بأتنطط من ال....آه

وبيضحكوا عليا وأنا بأفول ال.......آه

آه

اللهم ثبت علينا عقولنا

[محمد علي عامر]

يعني إدوا القط مفتاح الكرار

وحاميها حراميها

وبالعربي الفصيح : فيك الخصام وأنت الخصم و الحكم

...

وااااااه ه ه ه يا عصر مبارك

[أبو زياد]

طبعا تيتة امال هى أحسن واحدة تحقق فى الموضوع

طب ما امريكا بتحقق فى موضوع سجن ابو غريب

واسرائيل بتحقق فى الحرب على لبنان

هى دى قمة الديمقراطية يا أستاذ!!

بس قول بقه يا رحمن يا رحيم عالعضو اللى كان قصادها

الله يرحمه !!

[se_ Elsyed]

بس قول بقه يا رحمن يا رحيم عالعضو اللى كان قصادها

الله يرحمه !!

الله يرحمه ليه ؟

إذا كانوا سقطوه بالتلاته وما بقالوش وجود وهي اللي جوه وهو بره

[MZohairy]

الست منيره المهديه لها اغنيه بهذا الشأن موضوعه في موضوع كنوز غنائيه بتقول كلماتها

يا عينك ياجبايرك

اه ياني من واحايدك

يا راجل بورريه منك بورريه

تم تقديمها بمناسبة نجاح الحزب الوطني بنجاح ساحق في الانتخابات

[نانو]

انا عندي تعليق خاص مشهوره بيه اوي

و واقف كده في زوري

اللي بيحصل ده تهريييييييييييج ( مع تعطيش الجيم)

[أبو زياد]

الله يرحمه زى أيمن نور و نعمان جمعة و .... حتى حبيبك طلعت

يعنى بدل ماهو برة مجلس الشعب يبقى برة الدنيا كلها

ربنا يرحمهم و يرحمنا جميعا

حلوة قوى بوررريه دى يابو اياد- وحشتنا - بوررريه منك !!

[النسر المصري]

النحنحنوحة بنت النحنحنوحه دشت المنخل عالمهابيل

ربنا ينخر نافوخك ياللي بايعها!!!!

[pediatrician]

الجديد بقى والجديد نيوز ومهبب يعني إن رئيس اللجنة التشريعية اللي هايحقق في الفضيحة هو

أمال عثمان ( رئيسة اللجنة التشريعية )

وعن إذنكم أما أقعد مع نفسي شويه أضحك ضحك مثل البكاء

أفهم من كده غن حضرتك بتشكك فى نزاهة تيتا آمال؟! :) -_- :wub: :) :o :P