احنا زىىىى الفل

[ام عمرو]

فى ايه

مافيش اى حاجه

كله فى التمام واللحمه ب7 جنيه والشقق متوفره والتعليم للجميع مش لناس وناس والبصل اليومين دول ارخص من اى وقت مضى والمرور محترم واهم حاجه بقه كله بياخد حقه فى البلد دى ومافيش وسايط ولا ابن فلان والشباب وجماله عنده وظيفته وبيحوش كمان عشان يجهز نفسه والجرائم قلت فى البلد من كتر الانتعاش ولا الفن الجميل الهادف اللى بنشوفه افلام وتمثليات واغانىىىىىى ولا الاطفال المتربيه من ابائهم فى المدارس ولا المصايف الفايف لالالالا السفن ستار اللى متاحه لجميع فئات الشعب ولا الناس اللى عندها ضمير فى شغلها وبتريح المواطن ولالالالالا بقى دى الفلوس اللى بندفعها فى المصالح الحكوميه واحنا متاكدين تمام التاكد انها تعود فى خدمه ورفع الشعب ولا المولات اللى موجوده بالهبل ازاى الاسعار فيها مناسبه للجميع ولا اسعار الشقق اصلى بدور على شقه اليومين دول اسعارها اوووووووو حاجه ببلاش كده ولا الصحه متوفره ومافيش تجاره اعضاء بشريه ولا نروح لدكتور يقوم الدكتور يبعتنا لصاحبه عشان بس يقدروا يا خدوا اللى يقدروا عليه منك ونت يا عينى مصدق انك عندك بلاوى

ولا المستشفيات شرحه نظيفه ولا الناس وتعاملاتها بقه كل مبتسم محدش مكشر فى وشك بالرغم من انك بتدفع

مبالغ وقدرها وكلهم بيعاملوك بكل كل تواضع من دكتور للمرضه لموظف حكومى للكثرى حتى الخ الخ

ولا الهوا اللى بتنتفسه زى الفل ونقى

انا بس من كل ده بسال سؤال واحد ولو انى جوايا كتيييييييييييير

هو كله شكوى شكوى شكوى مافيش حل

على راى الله يرحمه علاء ولى الدين هو كله ضرب ضرب مافيش شتيمه

نفسى بس افتح جنال نت الاقى حد اخترع حل للى احنا فيه ده

يا ريت حد يرد عليا بجد فى حل يعنى هنعيش ونشوفه وطبعا اختم بقول رسولنا الكريم فيما معناه سيظل الخير فى امتى الى يوم الدين

نسيت بقه اسرد جمال الوطن العربى بس لما نلاقى حل فى بلادنا الاول اكيد الوضع هيتغير من تلقاء نفسه فى كله

شفتوا بقى اد ايه الحياه حلوة

بس عشان افتكرت اغنيه سعد عبد الوهاب اللى غناها منييير ونا مشغلاها دلوقتى وهايمه معاها

يلى بتسال عن الحياه خدها كده زى ماهى -_-

فيها ابتسامه وفيها اه :D :o

فيها اسيه وحنيه -_- :wub:

ياما الحياه فيها اللى بيشككيها ةاللى بيرضيها واللى يااااسيها mfb: -_- :sad: ;) B)

[chicoo10]

ام عمرو

اشكرك على استمتاعى بقراءة موضوعك الرائع وطريقة طرحك المميزة والشيقة والسخرية المتغطية فيهوده كله فكرنى بقصيدة احمد فؤاد نجم اللى مطلعها (عليا الحرنكش يا ريس مبارك000فى عصر مزركش ملون بنارك000لابايعك وابايع حكومة حمارك ) ونكتفى بهذا القدر من القصيدة عشان ماسافرش ورا الشمس

[لخبطه]

جميل المقال يا أم عمر أسلوبك لذيذ وخصوصا جملة علاء ولي الدين ( كله ضرب مافيش شتيمه )

بعتبرها اجمل أفيه اتقال في فيلم في العشر سنين الاخيره :wub:

بخصوص الحل لكل اللى احنا فيه فطبعا رؤانا مختلفة عن بعض يعني كل واحد عنده حل وفق وجهة نظره ولكن يبدو أن الكل متفق على أننا وحدات تكوين مجتعمنا يعني لو صلحت الوحدات دي هيصلح كل المجتمع

إبدائي بنفسك وبعمرو وباخوات عمرو ( الله يحفظهم ) ابدائي خليهم مواطنين مثاليين بقدر المستطاع لو حضرتك عملتى كدا وانا عملت كدا وال 5000 اللى في المنتدى عملوا كدا هتبقا هانت لانه هيكون باقي بس بقية ال سبعين مليون

[khedr]

اولا ....وردتك

ثانيا....مرحبا

ثالثا....البيت بيتك

...................

...................

عارفه كل اللي انت كتبتيه في ناحيه

والمعامله من الحكومه

وحتي بين الناس في ناحيه تانيه

حلم حياتي......

أتعامل كويس

أتعامل كأنسان

اتعامل كبني آدم

..................

.................

عموما حمد الله علي سلامتك

[ام عمرو]

اشكر لخبطه وشيكو وحيدر على رفع معنوياتى فى البلد دى

انا عارفه بل متاكده اننا فى وادى والحكومه فى وادى وعارفه بل واثقه اننا مهما قلنا ولا هوهوونا حتى ولا الهوا

وعارفه ان فى ودن من طين وودن من عجين وانننا بندن فى مالطه بس برضه حلم حياتى زيكم

انى نتعامل كبنى ادمين انسان خلقه ربنا وكمله على باقى خلقه

بس يا ترى هشوف اليوم ده ولا بجد بل مش واضح الا فى جنه رب العالمين

ونا عارفه اللى كتبته ولا حاجه دى القصايد كتييير قوىىىىىىى ومن زمان

بس اقول الحمد اللله رب العالمين اتمنى اشوف غد افضل لعمرو واللى قد عمرو يمكن هما يقدروا يعملوا اللى مقدرناش نعمله

بس حلوة حكومه حمارك دى عجبتنى :wub: يا شيكواول مره اسمعها بس ايه بجد مخمخت منها

بس بجد يا لخبطه انا بعمل وببدء بنفسى بس بصل لالاخر بجد الى لخبطه فى حياتى لانى غالبا يا هيجلى شلل ولا مضطره اساير العصر عشان اعيش ومعترضش على شئ وماوحش فى حاجه بس فى الاخر بلخبط :blink:

وفى الاخر وليس اخرا كلنا نفسنا نعيش انسان كرمه الله ومش مهان فى بلد ذكرت فى القران

اشكركم كتييير

[khedr]

اشكر لخبطه وشيكو وحيدر على رفع معنوياتى فى البلد دي

اشكركم كتييير

اسمه خضر يا ام عمرو

ورده تاني وبلاش.......

بلاش عتاب

[ام عمرو]

ونا اقول انا درست ان الكى اتش تنطق خ برضه

معلش يا خضر غلطه مطبعيه امسحها فيا وعديلى بقى ثم حيدر اسم حلو برضه ولو انى معرفش يعنى ايه وعموما ميرسى على الورده بس لعلمك انا بقول بقى لازم لازم لازم عتاب احسن ما نشيل لبعض مش كده برضه

[khedr]

وعديلى بقى ثم حيدر اسم حلو برضه ولو انى معرفش يعنى ايه

ومش كده وبس

وكمان ورده علشان تعدي

ولسه بالندي بتاع الصبحيه

وياستي معني حيدر هو اسم من اسماء السد

الموقع ده لك وللأخوه لمعاني الأسماء

الأسماء

وشرفتينا

ولو عايزه تمشيها حيدر

انا معنديش مانع ولكن الاداره

وما ادراك ما الاداره

[mizo]

ياعم خضر

ايه كل الورد ده فى كل مشاركه

اوعى تبعتلى انا بقوللك اهه :wub: :) :) -_-

[علي البدري]

أم عمرو

انت مفتريه :wub: ..... وبتقولي حاجات انها مش موجوده :closedeyes: ...... مثلا كله ضرب ضرب مفيش شتيمه .....طب والله العظيم لو رحتي اي قسم بوليس هتسمعي أطلس شتائم لمن يكون حظه العاثر في قسم البوليس

يعني احنا كل ما ننسي يجي حد يفكرنا يا أم عمرو.... الله يرضي عليكي خليني نايم :blink:

[ام عمرو]

اخى الفاضل انت جاوبت باحلى رد فى الاخر بالايه الكريمه

وخليك ساكت والسكوت علامه الرضا والساكت عن الحق شيطان اخرس والخرس كتييييير قوىىىىىى :P

وارفع شعار انا لا ارى ولا اسمع ولا اتكلم وخلينا براكين خامده وخامله هتعيش سنييييييين كده ولسه بدرى قوى على ما تثور وتقول انا اهو وانا من انصار كلمه مافيش فايده وتحيا سعد زغلول -_-