باقة من موسيقى الأفلام العالمية .. إلى عشاق الفن الراقى

[أبو محمد]

أولا .. لازم أشكر الفنان زهيرى .. ليه بقى ؟ .. لأنه هدانى إلى موقع رفع هايل .. هايل ليه بقى ؟ .. مش بس لأنه غير محجوب فى السعودية (تفاديا لعكننة أصدقاءنا اللى هناك) لكن لآنه فعلا إمكانياته هايلة .. إمكانياته هايلة ليه بقى ؟ .. لأنه بيتيح المشاركة برفع وتنزيل الملفات وتنظيمها فى فولدرز .. وأنا عملت الفولدر الرئيسى بتاعى إللى هو الباشتختة للكنوز اللى فتحها علينا أخونا زهيرى ..

هديتى بقى 3 فولدرز لموسيقى من الأفلام العالمية واحد لأفلام الخمسينات والتانى لأفلام الستينات والتالت لأفلام السبعينات .. وإن شاء الله حيبقى ال setting بتاع الفولدرز دول بحيث يسمح لأى واحد من عشاق هذا اللون الراقى من الموسيقى إنه ياخد اللى هو عاوزه .. وكمان يرفع اللى يقدر عليه .. بحيث يكون لنا فولدرز متاحة للجميع وتكون Back-up للملفات اللى عندنا على أجهزتنا .. طبعا فى حدود الواحد جيجا المسموح بيها

عندى لكل سنة 14 Tracks يعنى ما شاء الله 42 مقطوعة من أجمل المقطوعات

بسم الله نبدأ بموسيقى الخمسينات .. وأول مقطوعة للعبقرى شارلى شابلن من فيلم أضواء المدينة (طبعا مفيش حد فاكره) .. يمكن لما تسمعوا الموسيقى حتعرفوها

الرابط ده حيكون ثابت لكل موسيقى الخمسينات ..

المقطوعة الأولى إسمها Terry's Theme وكانت مشهورة باسم Etemally من فيلم شارلى شابلن "أضواء المدينة" أو Limelight وعُرض سنة 1953

موسيقى أفلام الخمسينات

إن شاء الله بعد رفع ال 14 مقطوعة حننقل على موسيقى الستينات وسوف أنشط خاصية الرفع للأصدقاء بحيث إللى عنده مقطوعة من أفلام الخمسينات ممكن يرفعها إلى فولدر الخمسينات وهكذا ..

تمنياتى لكم باستماع واستمتاع :wub:

[أبو محمد]

المقطوعة التانية .. أنا متأكد إنكم لما تسمعوها حتعرفوها برضه ..

كانوا دايما يجيبوها فى الأفلام العربى الابيض واسود ... لما تكون هند رستم أو برلنتى عبد الحميد واخدة البطل تسقيه حاجة أصفرة

إسم المقطوعة : Cherry Pink and Apple Blossom White من فيلم Underwater إنتاج 1955

ماتنسوش .. الرابط هو نفسه اللى فى المشاركة الأولى

Have a nice time

[MZohairy]

أولا .. لازم أشكر الفنان زهيرى .. ليه بقى ؟ .. لأنه هدانى إلى موقع رفع هايل .. هايل ليه بقى ؟ .. مش بس لأنه غير محجوب فى السعودية (تفاديا لعكننة أصدقاءنا اللى هناك) لكن لآنه فعلا إمكانياته هايلة .. إمكانياته هايلة ليه بقى ؟ .. لأنه بيتيح المشاركة برفع وتنزيل الملفات وتنظيمها فى فولدرز .. وأنا عملت الفولدر الرئيسى بتاعى إللى هو الباشتختة للكنوز اللى فتحها علينا أخونا زهيرى ..

لا أجد مفردات تسعفني لمدحك يابو محمد على الموضوع وعلى الكلام الجميل ده

بس كانوا يقولوا مثلا زمان ان عبد الوهاب مش محتاج لقب قبل اسمه

مش محتاج الموسيقار

ولا الدكتور

ولا اللواء

هو يكفي انه عبد الوهاب و بس

وانت يكفي انك ابو محمد و بس :wub:

[Folana]

السلام عليكم ورحمة الله.....

اخى الكريم..ابو محمد ..مش عارفة والله اشكرك ازاى .....حاجات جميلة فعلا عمر الواحد ما كان حيفكر انه يدور عليها ..

انت فعلا اعظم عظمات ابو المحمدات ...:)

وبرضه حانتهز الفرصة من هنا كمان انى اشكر مودست...وامرؤ الزهيرى؟؟؟وكمان شكر خاص لوايت هارت..على موضوه الجميل

وفى نهاية البرنامج احب اسمع ..........

كل اللى حتسمعهولنا......... :lol:

[أبو محمد]

أولا .. لازم أشكر الفنان زهيرى .. ليه بقى ؟ .. لأنه هدانى إلى موقع رفع هايل .. هايل ليه بقى ؟ .. مش بس لأنه غير محجوب فى السعودية (تفاديا لعكننة أصدقاءنا اللى هناك) لكن لآنه فعلا إمكانياته هايلة .. إمكانياته هايلة ليه بقى ؟ .. لأنه بيتيح المشاركة برفع وتنزيل الملفات وتنظيمها فى فولدرز .. وأنا عملت الفولدر الرئيسى بتاعى إللى هو الباشتختة للكنوز اللى فتحها علينا أخونا زهيرى ..

لا أجد مفردات تسعفني لمدحك يابو محمد على الموضوع وعلى الكلام الجميل ده

بس كانوا يقولوا مثلا زمان ان عبد الوهاب مش محتاج لقب قبل اسمه

مش محتاج الموسيقار

ولا الدكتور

ولا اللواء

هو يكفي انه عبد الوهاب و بس

وانت يكفي انك ابو محمد و بس :)

دا كتير علىّ قوى يا إكسلانس .. عبد الوهاب مرة واحدة ؟ :o طب قول شعبولا .. بعرور .. أو حتى الأستاذ كاريكا موسيقار الأشبال :)

السلام عليكم ورحمة الله.....

اخى الكريم..ابو محمد ..مش عارفة والله اشكرك ازاى .....حاجات جميلة فعلا عمر الواحد ما كان حيفكر انه يدور عليها ..

انت فعلا اعظم عظمات ابو المحمدات ...;)

وبرضه حانتهز الفرصة من هنا كمان انى اشكر مودست...وامرؤ الزهيرى؟؟؟وكمان شكر خاص لوايت هارت..على موضوه الجميل

وفى نهاية البرنامج احب اسمع ..........

كل اللى حتسمعهولنا......... :lol:

مدام فولانة ..

كلك ذوق والله .. وما تتصوريش باكون سعيد قد إيه لما اتعرف بأفاضل زيكم ودانهم نضيفة رغم سحابة الفن السودة اللى مخيمة علينا بقالها كام سنة ..

[أبو محمد]

الأصدقاء الأعزاء :

جارى تحميل مقطوعات موسيقى أفلام الخمسينيات تباعا .. معلهش .. أصلها بتاخد وقت شوية ..

أنا لغاية دلوقت حملت نص المجموعة .. ودى قائمة بما تحتويه المجموعة ..

1)إسم الفيلم : The Third Man

إسم المقطوعة : نفس الإسم

تاريخ الإنتاج : 1950

2)إسم الفيلم : The Big Country

إسم المقطوعة : نفس الإسم

تاريخ الإنتاج : 1958

3)إسم الفيلم : Moulan Rouge

إسم المقطوعة : Song From Moulan Rouge

تاريخ الإنتاج : 1953

4)إسم الفيلم : Unchained

إسم المقطوعة : Unchained Melody

تاريخ الإنتاج : 1955

5)إسم الفيلم : Limelight

إسم المقطوعة : Terry's Theme

تاريخ الإنتاج : 1957

6)إسم الفيلم : April Love

إسم المقطوعة : نفس الإسم

تاريخ الإنتاج : 1954

7)إسم الفيلم : The High and The Mighty

إسم المقطوعة : نفس الإسم

تاريخ الإنتاج : 1956

8)إسم الفيلم : Friendly Persuasion

إسم المقطوعة : نفس الإسم

تاريخ الإنتاج : 1955

9)إسم الفيلم : Cherry Pink and Apple Blossom White

إسم المقطوعة : نفس الإسم

تاريخ الإنتاج : 1955

10)إسم الفيلم : Around The World in Eighty Days

إسم المقطوعة : Around The World

تاريخ الإنتاج : 1958

11)إسم الفيلم : High Society

إسم المقطوعة : True Love

تاريخ الإنتاج : 1956

12)إسم الفيلم : Love is A Many Splendored Thing

إسم المقطوعة : نفس الإسم

تاريخ الإنتاج : 1955

13)إسم الفيلم : Smile

إسم المقطوعة : Modern Times

تاريخ الإنتاج : 1954

14)إسم الفيلم : The Bridge on The River Kwai March

إسم المقطوعة : The River Kwai March

تاريخ الإنتاج : 1957

[MZohairy]

ياللا يابو محمد الله يخليك معنديش وقت

ها خلاص؟ :blink:

ابو محمد

يا ابو محمد

طيب انا نازل اجيب بامبرز لإياد و جاي على ما تكون انت خلصت :wub:

[أبو محمد]

خلاص ياباشا .. والله خلاص .. المهم ربنا يجبك بالسلامة وما تتأخرش على إياد .. وحتلاقى الأربعتاشر تراك بالتمام والكمال جاهزين ومستنيين حضرتك تاخد بإيدهم وتنزلهم .. على الله يعجبوك

لأ وإيه .. اللى جاى أنقح .. خد عند ياسيدى لستة بمقطوعات أفلام الستينيات .. حاجة تشيب (إوعى إياد يسمعها :wub: )

على فكرة الاتنين واربعين تراك Award Winning Movie Themes

موسيقى أفلام الستينيات :

1) إسم الفيلم : The Magnificent Seven

إسم المقطوعة : نفس الإسم

تاريخ الإنتاج : 1961

2) إسم الفيلم : A Man And A Woman

إسم المقطوعة : نفس الإسم

تاريخ الإنتاج : 1966

3) إسم الفيلم : Breakfast At Tiffany's

إسم المقطوعة : Moon Rive r

تاريخ الإنتاج : 1961

4) إسم الفيلم : Dr. Zhivago

إسم المقطوعة : Lara's Theme - Somewhere My Love

تاريخ الإنتاج : 1966

5) إسم الفيلم : A Summer Place

إسم المقطوعة : A Theme From A Summer Place

تاريخ الإنتاج : 1960

6) إسم الفيلم : Never On Sunday

إسم المقطوعة : نفس الإسم

تاريخ الإنتاج : 1960

7) إسم الفيلم : The Apartment

إسم المقطوعة : A Theme From The Apartment

تاريخ الإنتاج : 1960

8) إسم الفيلم : The Alamo

إسم المقطوعة : The Green Leaves of Summer

تاريخ الإنتاج : 1960

9) إسم الفيلم : Exodus

إسم المقطوعة : Theme From Exodus

تاريخ الإنتاج : 1961

10) إسم الفيلم : From Russia With Love

إسم المقطوعة : نفس الإسم

تاريخ الإنتاج : 1964

11) إسم الفيلم : A Man Could Get Killed

إسم المقطوعة : Strangers in the Night

تاريخ الإنتاج : 1966

12) إسم الفيلم : The Good, The Bad And The Ugly

إسم المقطوعة : نفس الإسم

تاريخ الإنتاج : 1968

13) إسم الفيلم : Mondo Cane

إسم المقطوعة : More

تاريخ الإنتاج : 1963

14) إسم الفيلم : Zorba The Greek

إسم المقطوعة : Zorba's Dance

تاريخ الإنتاج : 1965

إنتظروا الوصلة .. بعد الفاصلة (تم تأنيث الفاصل بمعرفتى .. عشان السجع بس)

[Modest]

هو ده الشغل و لا بلاش

باقة من موسيقى الأفلام العالمية تستحق أحلى باقة ورد بلدي من بتاع زمان مش من المضروب بتاع الألفية الجديدة :wub:

جاري السطو على موسيقى افلام الخمسينات و في انتظار ما يتبع من روائع.

أبو محمد ... انت مرتبط؟ :)

[هادي]

كل ورد الجونينه لا يكفي لشكرك يا ابو محمد يا غالي

شيلت اكوام - تراب - من وداني

بيسموها أغاني شبابية هبابية

روح يا شيخ

ربنا يصلح حالك

وشكر خاص كمان على ..

terrys_theme

قول يا استاذ

قول كمان

وعلى بال ما أبو إياد يرجع من الاجزخانه بالمبامبرز .. هاروح اعلق على كباية شاي صعيدي

في انتظارك يا استاذ

يا مايسترو

[أبو محمد]

هو ده الشغل و لا بلاش

باقة من موسيقى الأفلام العالمية تستحق أحلى باقة ورد بلدي من بتاع زمان مش من المضروب بتاع الألفية الجديدة :ph34r:

جاري السطو على موسيقى افلام الخمسينات و في انتظار ما يتبع من روائع.

أبو محمد ... انت مرتبط؟ :ph34r:

اللــــــــــــــــــــــــــــــــــــــه .. الله .. الله ياموديست الورد

ألف شكر لك يافنان لإضافتك عطر الورد البلدى الأصلى إلى الموضوع .... :o

أيوه ياموديست (صورة واحد بيتنهد) مرتبط .. تأبيدة وربع لحد دلوقت .. والحمد لله مفيش إفراج حتى ولو لأسباب صحية :blink:

[أبو محمد]

كل ورد الجونينه لا يكفي لشكرك يا ابو محمد يا غالي

شيلت اكوام - تراب - من وداني

بيسموها أغاني شبابية هبابية

روح يا شيخ

ربنا يصلح حالك

وشكر خاص كمان على ..

terrys_theme

قول يا استاذ

قول كمان

وعلى بال ما أبو إياد يرجع من الاجزخانه بالمبامبرز .. هاروح اعلق على كباية شاي صعيدي

في انتظارك يا استاذ

يا مايسترو

أخى العزيز هادى

ألف سلامة على ودانك من أغانى "السب العلنى"

إيه رأيك إنى بعد ماقريت كلامك بقيت أبص على ودان شباب العيلة وهم فاتحين التليفزيون وبيسمعوا الشتيمة اللى بتتعرض عليهم على إنها أغانى .. بقيت أتأمل فى ودن الشاب من دول وأقول لروحى : "ياروحى .. ياترى ودن دى ولا كنكة ؟ "

على فكرة .. Terry's دى كانت عندنا زمان على اسطوانة .. وكنت هاريها سمع أيام الحب الأول .. مقطوعة كلها رقة وعذوبة ونقاء .. تمام زى الحب الأول فى حياتنا

نسيت أقولك على حاجة .. إعمل حسابى فى واحد شاى صعيدى .. أنا حاوصل البيت أجيب شوية كحك بعجمية ونديها

تم تعديل 4 نوفمبر 2006 بواسطة أبو محمد

[أبو محمد]

أصدقائى الأعزاء

يسعدنى أن أعلن لحضراتكم عن الافتتاح الكبير :

موسيقى أفلام الستينيات

شرفونا تجدوا ما يُشنّف آذانكم ..

14 تراك كل واحد فيهم يقول للإبداع الفنى : " قوم وانا أقعد مطرحك "

[هادي]

الله يكرمك اتوصى بمنطقة الستينات دي عشان دي منطقتشي ..

وبعدين الشاي هيبرد كده يا مولانا ..

انت بتجيب الكحك منين ..

من كندا ..

:ph34r:

أما بخصوص :

أيوه ياموديست (صورة واحد بيتنهد) مرتبط .. تأبيدة وربع لحد دلوقت .. والحمد لله مفيش إفراج حتى ولو لأسباب صحية

ده انت طلعت مُشكلة ومشاكل ومشاكيل يا راجل

وشايل ف قلبك طول المدة دي ..

يعني يبقى كويس لما الحكومة تقرا الاعترافات الليلية دي ونروح ف ابو كلابوش

لا ياعم

أنا اسمع وأنا ساكت احسن

على رأي فؤاد المهندس - الله يرحمه - ف المسرحية الشهيرة (( سوكيتي ))

:blink:

بصراحة كان نفسي ارفع لكم شوية مزيكا من اللي عندي

لكن افتكرت إني في رحلة الاغتراب الهباب الى بلاد الضباب

مجبتش معايا أي شرايط .. ولا بتاعة الحب "الاول" ، ولا بتاعة لامي وسلاح التلميذ كمان

لكن معايا بلادي بلادي

تنفع !!

:ph34r:

[أبو محمد]

إيه ياعم هادى ؟

هو مفيش حد بيتنهد إلا إذا ؟؟؟؟؟ :) .. ياراجل دانا باقول : "الحمد لله مفيش إفراج حتى لظروف صحية"

عايز إيه أكتر من كده ؟ :sad:

المهم إيه أخبار موسيقى (المنتشقة) بتاعة الستينات معاك ؟؟؟ :wub:

[MZohairy]

الحمد لله اخيرا لقيت البامبرز :sad:

الناس حتقطع بعض ياجماعه

كل الناس الظاهر عندهم مشاكل بامبرزيه!

المهم يابو محمد

الموسيقى بتاعتك دي عملت في ودني زي ما عمل البامبرز في الأخ إياد

انا حاسس ان وداني انضف من الأول بكتييير

و مبقاش في إسهال... الأغاني الكليبيه الجديده

و بقى عندي إمساك... عن سماع كل ما هو سيئ

لأن إخراج... الأغاني دي مش عمل سهل

فهو يبرز... كل ما في الموسيقى من جمال

و سماعها يجعل من بيتك بيت الراحه...

شفيتم و عفيتم :wub:

[مصري في الكويت]

ههههههه

متشكر قوي ... متشكر قوي ليه بقي ....... اصلي بحب الحاجات الرومانسية دي ........ بحب الحاجات الرومانسية دي ليه بقي ........ علشان كده وخلاص ......... علشان كده وخلاص ليه بقي ........ اصلي انصدمت من بعد اغنية بحبك يا حمار

عموما شكرا علي الكلاسيك الجميل ده .... تسلم الأيادي ...... تسلم الايادي ليه بقي ...... هبقي اقولك المرة الجاية

[Siwa]

ربنا يكرمك و يخليك يا ابو محمد على الموسيقى التصويرية لافلام الخمسينات والستينات. إضافة اكثر من رائعة كعهدنا دوما بك.

[أبو محمد]

الحمد لله اخيرا لقيت البامبرز :)

الناس حتقطع بعض ياجماعه

كل الناس الظاهر عندهم مشاكل بامبرزيه!

المهم يابو محمد

الموسيقى بتاعتك دي عملت في ودني زي ما عمل البامبرز في الأخ إياد

انا حاسس ان وداني انضف من الأول بكتييير

و مبقاش في إسهال... الأغاني الكليبيه الجديده

و بقى عندي إمساك... عن سماع كل ما هو سيئ

لأن إخراج... الأغاني دي مش عمل سهل

فهو يبرز... كل ما في الموسيقى من جمال

و سماعها يجعل من بيتك بيت الراحه...

شفيتم و عفيتم :sad:

الحمد لله الذى شفانا وعافانا

اللهم إنا نعوذ بك من الخبث والخبائث

أصل يا إكسلانس الكلام عن الأغانى الكليبية عاوز " قعدة "

ههههههه

متشكر قوي ... متشكر قوي ليه بقي ....... اصلي بحب الحاجات الرومانسية دي ........ بحب الحاجات الرومانسية دي ليه بقي ........ علشان كده وخلاص ......... علشان كده وخلاص ليه بقي ........ اصلي انصدمت من بعد اغنية بحبك يا حمار

عموما شكرا علي الكلاسيك الجميل ده .... تسلم الأيادي ...... تسلم الايادي ليه بقي ...... هبقي اقولك المرة الجاية

العفو يا مصرى .. لا شكر على واجب

أما بالنسبة لأغنية بحبك ياحمار فالحمد لله أنا مع رفس بتتغنى ازاى :sad:

ربنا يكرمك و يخليك يا ابو محمد على الموسيقى التصويرية لافلام الخمسينات والستينات. إضافة اكثر من رائعة كعهدنا دوما بك.

ويكرمك يا أخت Siwa .. كلك ذوق ..

إنتظرى موسيقى أفلام السبعينات قريبا جدا

[zoky]

ارجو اعادة رفع الملفات وشكرااااااااااااااااااااااااااااا