طيب ليه لا تشتري ارض في العبور

[abomay]

عندي ارض في مدينه العبور الحي الرابع فلل و مش عارف ابنيها لوجودي خارج مصر

دفعت كل تمنها للجهاز و معنديش فلوس للبناء

و مساحتها 600 متر مربع بحريه غربيه يعني علي ناصيه جميله و علي شارع كبير و به حديقة في المنتصف و لها مدخل بجوار جيرولاند خلاف المدخل الاساسي للمدينه

انا بعرضها علي الجميع للبيع الفوري

المهم تكون عند من يتصل جديه الشراء

الاتصال علي عنواني الالكتروني

dr.engineer@hotmail.com

تم تعديل 3 نوفمبر 2006 بواسطة abomay

[abomay]

يقولون ان هناك سحب للاراضي في مدينه العبور ! هل هذا كلام حقيقي ؟

و متي سوف يكون هذا السحب المتوقع ؟؟ و علي الاخص للاراضي التي لم يبدأ اصحابها في البناء رغم عنهم و رغم دفع كامل ثمنها للجهاز و ليس لهم عندي شئ

هل سوف يتم سحب الاراضي لمن دفع ثمنها بالكامل ؟؟ و هل هذا حق للجهاز ؟؟ طبعا ليس لنا ان نسأل عن اي حقوق!

و اذا تم السحب هل فيه حد لديه معرفة بما قد يحدث في استرداد المبلغ المدفوع فيها ؟

و كيف يمكن استرداد ما دفع و هي خسارة بالتأكيد مؤكدة امرنا لله !

انني متواجد خارج مصر و ليس عندي مصدر يوضح لي الاوضاع في جهاز مدينه العبور

و انتم الاولي لي في غربتي

احس انني متورط مع هذه الارض ! رغم انني كنت انوي بناء بيت لي و لاسرتي في مصر لكن الله غالب علي امرة !

خاصه ليس عندي امكانيه البناء الان لظروف لدي تحول دون ذلك

وأهم الاسباب هو تواجدي خارج مصر

و خوفا من البدأ في البناء ثم التورط في عمليات تسمي ( ) خاصه انني تعرضت لاكثر من عمليه ( ) خلال زيارتي لمصر السابقة و اعتقد كفايه علي ما حدث لي من عمليات ( ) و الكل عارف المقصود للاسف

و للجميع حبي و تحياتي

ارجو اسداء النصيحة يا اهل الرشاد و يا اهل مصر

و علي الاساس اريد البيع لها في اقرب فرصه و يكون المشتري جاد

تم تعديل 3 نوفمبر 2006 بواسطة abomay

[Folana]

السلام عليكم ورحمة الله..

اخى الفاضل abomay.....بارحب بك معنا..

موضوعك عن بيع الارض وموضوعك عن اراضى العبور تم دمجهم فى موضوع واحد ..يعبر عن تساؤلاتك الشخصية...

الادارة

[se_ Elsyed]

فُلا

نة هانم إرتدت البدلة الحمرا وبدأت الشغل ..... ربنا يُستر

-------------------------

أخي الكريم ابو مي

بعون الله استطيع ان افيدك في اي معلومات تريدها عن مدبنة العبور ... احنا حاضرين

بس طمنني الاول ... مي عاملة ايه دلوقت ؟ :blink:

-----------

اولاً على حد وصفك لتلك القطعة فان موقعها ممتاز جداً وهي ليست متطرفة ويكفي انها جنب الجولف سيتي ونادي اية سي ميلان كايرو

لكن الاول : انت شاريها امتى وبكام وعايز تبيعها بكام عشان اقدر افيدك ؟ ونبتدي نجاوب على تساؤلاتك

يقولون ان هناك سحب للاراضي في مدينه العبور ! هل هذا كلام حقيقي ؟

نعم حقيقي ومش في العبور بس ولكن في كل المدن الجديدة وبصراحة ده حق الدولة لان الاراضي قيمتها وقت الشراء كانت معقولة جداً وفي منها اللي كان في الارض زي مدينة العبور فبعض الاراضي كان ثمنها 100 ج وقت بيعها وده كلام فارغ وسعر خيالي وذلك بغرض التشجيع على العمران... انا شخصياً اعرف ناس شاريه هناك من 92 ولحد دلوقت مسقعين الارض .... شيء عجيب فعلاً ، ، وكمان هل الدولة لما حبت تعمر المدن دي وتوقفها على حيلها كانت تقصد ان الناس تسقع الارض وتركنها بالسنين لحد ما سعرها يعلى عشان تبيعها ؟ ولا باعتها لهم للتوسع العمراني وللإستغلال الفعلي ؟ النقطة الاهم اللي حضرتك نسيتها - يمكن عشان مغترب - وهي انك وانت بتشتري الارض مضيت على اقرارات بانك تتعهد بالبناء في مدة محددة - اعتقد 3 سنوات وخلي بالك ده من تاريخ شراؤها من الجهاز - بمعنى ان مش ابو مي يشتريها من الجهاز سنة 2006 وييجي سين سين يشتريها سنة 2009 ويقول والنبي يا جهاز اديني كمان 3 سنين عشان ابني !!!

وبرضوا كان مكتوب في الاقرار ان الجهاز من حقه سحب الارض اذا لم تقم بالبناء في تلك الفترة

والاراضي التي بدأوا بسحبها هي الاراضي المميزة يعني اللي على ناصية والارضي القريبة من الطريق وهكذا

و اذا تم السحب هل فيه حد لديه معرفة بما قد يحدث في استرداد المبلغ المدفوع فيها ؟

بالتأكيد فلوسك هاترجع لك بس لما الجهاز يبيع الارض واللي هايرجعلك هو اللي دفعته فيها

وسواء كنت سددت ثمنها بالكامل او لسه عليك اقساط انتهت المدة المحددة للبناء فبرضوا هاتتسحب

اما خوفك من التورط في عملية نصب لو بدأت في البناء ... فاسمح لي اقولك ان دي مخاوف لا اساس لها من الصحة فهل كل المقاولين في مصر نصابين ؟ وهل الملايين اللي بييبنوا دول كلهم اتنصب عليهم

لكن كنت اتوقع سؤال اخر منك يقول بانك خايف تتورط في مصاريف البناء الباهظة - راجع موضوع كم تكلفة بناء فيلا برضوا في باب المغتربين - لكن اهم من ده كله انك لازم يكون لك حد من معارفك او قرايبك تثق فيه ويتابع لك عملية البناء لانها عملية مرهقة جداً وستحسن ان يعمل هذا الشخص بمرتب تدفعه له عشان يهتم ويتابع بجد

اما عن عرضك للارض للبيع فبرضوا اسمح لي اقولك ان ده بيع سمك في ميه فلا انت موجود في مصر ولا معظمنا موجود في مصر وحتى اللي موجود هناك وعايز يشتري هايروح الحي الرابع ويقول يا اهل الله ياللي هنا فين ارض ابو رامي عشان عايز اشتريها

وبالتالي وفي حالة اصرارك على البيع فلابد من عمل الآتي :

1- لابد ان تتواجد في مصر

2- لابد ان تتصل بجهاز مدينة العبور لتعرف المدة المتبقية لك كي تبدأ في البناء الفعلي

3- عليك بالإتصال بمكاتب سمسرة تكون محترمة وثقة في مدينة العبور او خارجها لتعرض ارضك عندهم للبيع وهما يشوفوا لك مشتري

5- او نشر اعلانات في الجرائد المختصة زي الوسيط مثلاً او المواقع الالكترونية المختصة وهي كثيرة

4- في حالة سفرك لازم حد من معارفك ويكون ثقة تعمل له توكيل بالبيع عشان لو في مشتري عايز يخلص

وانا تحت امرك وممكن انصحك بسماسرة هناك ولاد حلال وعمولة السمسار معروفة - 5% من قيمة الصفقة عند البيع والدفع -

وبرضوا لو عايز تبني وحبيت تستفسر عن شيء احنا في الخدمة وكله بالمجان

احنا في مرحلة تربية الزباين :wub:

[abomay]

شكرا لكم يا سادة

و الله انا كنت محتار و انتم نورتوني بكل هذه المعلومات

و انا سعيد بكم و بهذا الموقع الهائل و الجميل كان فين من زمان انا كنت مش عارفة

و انا تقابلت مع ناس محترمين جدا فيه و بسرعة

لكن انا اظن انني الان في مشكله من كلام الكل المعقب علي تساؤلاتي !

و بخصوص الاخ العزيز سي السيد المحترم :

اود ان اوضح له كل التفاصيل الخاصه بهذه الارض:

اولا انا اشتريت المتر من الجهاز بسعر 250 جنيه + و تميزنسبته 14 % يعني علي المتر 35 جم = 285 جنيه / المتر

هذا خلاف رسوم الاستلام و الرسوم الاداريه التي كانت حوالي 3500 + غرامات تأخير علي الاقساط تصل الي حوالي 10,000 جنيه بسبب عدم المتابعة علي ما اعتقد مني !

تم استلام الارض في شهر 10 اكتوبر 2000 بتوكيل خاص مني لشخص موجود في مصر -

و حسب كل كلامكم السابق يبقي لي الحق طالما انني ليس عندي المقدرة علي البناء يبقي افكر جديا في البيع لها - فهل هناك مشتري جاد و انا حاضر للبيع

كيف يتم البيع و انا مش موجود في مصر؟؟؟

الاجابه بسيطة - الجماعة موجودين في مصر و معاهم توكيل مني لهم بالتصرف في حاله وجود مشتري او حتي سحب لا قدر الله

المهم من لديه الجديه للشراء انا حاضر و يتصل علي عنواني الالكتروني

dr.engineer@hotmail.com

انا في انتظار كريم ردكم

اخوكم ابو مي

[abomay]

اخي العزيز / سي السيد المحترم

انا ارسلت لك بعض التفاصيل و لم اجد ردكم

عل المانع خير

مازلت مستني منك النصيحة

علي فكرة مي بتسلم عليك و بتقول لك من فضلك رد علي بابا

اخوك ابو مي

[الباشا المصري]

اخواني الكرام

سمعت ان منطقةالعبور اصبحت منطقة اكثر من راقية فهل ممكن احد يفيدنا عن اسعار الارض هناك وصلت كم ومعلومات لاني بفكر اشتري ارض هناك لايس سمعت ان الاسعار معقولة

وجزاكم الله خير

[أسد]

حكمدار العبور .. ونواحيها ..

سي السيد ..

[الباشا المصري]

وينك يا سي السيد دا احنا هنبقى جيران :P

هو صحيح تفرق معايا لو نزلت الوقتي اشتريت الارض في العبور من النزول في شهر سبعة في الصيف كثير اقصد الفرق يستاهل اني انزل الوقتي واصرف تذاكر و غيره ؟

معلش انا تقلت عليك :angry:

وياريت يا سي السيد لو تبعت لي ميلك

انا بريدي هو mizo69mizo@yahoo.com

مرسي للمرة التانية وجزاك الله خير

[abomay]

اخي العزيز الباشا المصري

اذا كنت تريد شراء ارض في العبور بجد انا بعرض ارض في العبور فيلات في الحي الرابع ممكن الاتصال بي علي عنواني dr.engineer@hotmail.com شرط الجديه من الان و ليس في الصيف القادم

[se_ Elsyed]

اخي العزيز / سي السيد المحترم

انا ارسلت لك بعض التفاصيل و لم اجد ردكم

عل المانع خير

مازلت مستني منك النصيحة

علي فكرة مي بتسلم عليك و بتقول لك من فضلك رد علي بابا

اخوك ابو مي

إيه يا عم

ولا رسالة جاتني من مي...شوفوا بعثتوا لمين بالغلط :blush:

---------------------

سمعت ان منطقة العبور اصبحت منطقة اكثر من راقية فهل ممكن احد يفيدنا عن اسعار الارض هناك وصلت كم ومعلومات لاني بفكر اشتري ارض هناك لايس سمعت ان الاسعار معقولة

هو صحيح تفرق معايا لو نزلت الوقتي اشتريت الارض في العبور من النزول في شهر سبعة في الصيف كثير اقصد الفرق يستاهل اني انزل الوقتي واصرف تذاكر و غيره ؟

مش هاتفرق كثير تشتري دلوقت أو في الصيف خصوصاً عشان الرعب اللي عند الناس اللي مسقعه الأراضي من زمان وعايزه تخلص منها إن شالله براس مالها قبل ما تتسحب منهم

وعامة أسعار أراضي الفيلات بتتراوح بين 200ج إلى 600 ج وذلك حسب موقع الأرض من العمار والطريق والخدمات وهل هي بحري ولا قبلي - دي بالذات بتفرق كثير عشان تعامد الشمس على المباني اللي بيأثر على الجو داخل المنزل وعلى استهلاك الكهربا في تشغيل التكييف وكده - وهل على ناصية ولا لها واجهة واحدة فقط ... إلخ

وعلى فكرة مافيش أراضي بتُشترى من الجهاز حالياً في المناطقة العمرانة ولكنه كله من أفراد لأفراد - عن طريق الجهاز طبعاً عشان التسجيل - وبالتالي الشراء والبيع بيتم بمبدأ " توتو على كبوته " يعني فلوسك على الترابيزة يا حبيبي ومافيش تقسيط وكلام من ده

وإحنا يشرفنا يا باشا تكون جار الهنا ... لكن للأسف أنا لسه بعيد عن العبور لظروف الغربة

أما بالنسبة للرُقي فهي بالفعل راقية جداً وخصوصاً مناطق الفيلات وكلها 5 سنوات بالكتير قوي وتبقى كاملة وعلى سنجة 10 ... أفضل المناطق من وجهة نظري هي -الحي السابع والحي السادس -اللي بيعتبروا دُرة العبور وأسعارهم عاليه ومستواهم عالي أيضاً وذلك لإنهم آهلين بالسكان وقريبيين من الجولف سيتي ومن طريق الإسماعيلية

والعيب الوحيد اللي في العبور واللي مكره ناس كتير فيها إنها تابعة إدارياً لمحافظة القليوبية ... ولكن أقدر أقول إن ده قصور نظر وجري وراء المسميات وعدم التركيز على المضمون

[الباشا المصري]

والهي انت الوحيد اللي بتريحني يا سي السيد ردك بيقى في الجون وبحس انه باخلاص وعلم

الله يخليك انا كمان في الغربة على فكرة انت فين يا تري يمكن تكون معايا في نفس البلد

طب ياريت اعرف ميلك ونتراسل

الله يمتعك بالفيلا بتاعتك يا رب