الضيوف وأنا..

[Sherief AbdelWahab]

ما هي علاقتك بالضيوف عادة؟ هل تستخفهم أم تستثقل وجودهم؟ هل تتعامل معهم بشكل طبيعي أم تعمل لهم ألف حساب؟ وهل ضيوفك خفيفون أم ثقيلون؟

خلص الكلام

[Folana]

السلام عليكم ورحمة الله.........

أنا عن نفسى قاطعت الضيوف من فترة...مافيش وقت...الواحد على مايروح يوصل ولاده المدرسة وارجع اطبخ وارجع تانى اجيبهم من المدرسة..وبعد كده اغديهم واذاكر لهم ..خلاص بيكون اليوم رااااح

لكن يعنى مادام حنتكلم عن الضيوف...فده على حسب الزباين اللى جاية...ممكن يكونوا ضيوف رسميين وممكن يكونوا ناس قريبة مننا..وممكن يكونوا ناس رزلة بتجيب لى اكتئاب اول ما اشوفهم ..ومافيش داعى اقول هم مين ... -_-

وعلشان لكل مقام مقال ...يبقى الاستعداد لهم برضه بيختلف ...لو ناس غريبة ..طبعا بيكون فيه استعداد خاص..وتفكير فى كل حاجة من اول فتح الباب لغاية قفله وراهم ...

لكن انا عن نفسى بأتصرف بطبيعية فى كل الاحوال ..لدرجة انى من كتر ما انا طبيعية وعلى سجيتى جوزى بيتغاظ منى....

لو اقارب...يعنى بيكون الاستقبال اهدا شوية ....اما لو حد من اياهم ...ياحفيظ يامغيث ..باكون خلاص حاطق..لكن الواجب بيتعمل برضه ....بالرغم من ان الواحد بيكون قاعد متوتر لكن نعمل ايه بقى علشان الورد...:wub:

وبتلاقى الكلام كله اسئلة..س.ج....يعنى جبتى ده منين وبكام ..وغمزات ولمزات ..لحد مايمشوا والباب يترزع وراهم...

احسن حاجة ان الواحد يقفل بابه عليه...بلا خوتة....... :D :)

[نانو]

الضيوف و الزيارات

يا سلام اهيه ديه بقه احلي حاجه في الدنيا

بحب جدا حد يقولي انه جاي ببقي سعيده واي حتي لو تعبانه طول النهار و مش عامله حسابي علي زيارات

طبعا البيت و انا بحتاج لاعاده ترتيب لكن برضه و بالرغم اني اوقات ببقي قاعده بتعذب من التعب الا اني برضه ببقي سعيده

و انا قاعده بتلكم مع الناس غصب عني بنسي اي مشاكل او اي حاجات مضايقاني...

لو الجو معكر شويه في البيت او مع جوزي ...طبعا قدام الناس بنتكلم مع بعض و بنضحك و طبعا مش بنبين اي زعل

و بالتالي لما الناس يمشوا مش معقول هنكشر تاني في وش بعض

و بالتالي هناك فايده جميله من الزياره

غير ان الواحد بيتشجع كل شويه يغير في البيت يضيف لمسه جميله من وقت للتاني

ياريت كل يوم من ده :D

[النسر المصري]

الضيوف و الزيارات

يا سلام اهيه ديه بقه احلي حاجه في الدنيا

بحب جدا حد يقولي انه جاي ببقي سعيده واي حتي لو تعبانه طول النهار و مش عامله حسابي علي زيارات

طبعا البيت و انا بحتاج لاعاده ترتيب لكن برضه و بالرغم اني اوقات ببقي قاعده بتعذب من التعب الا اني برضه ببقي سعيده

و انا قاعده بتلكم مع الناس غصب عني بنسي اي مشاكل او اي حاجات مضايقاني...

لو الجو معكر شويه في البيت او مع جوزي ...طبعا قدام الناس بنتكلم مع بعض و بنضحك و طبعا مش بنبين اي زعل

و بالتالي لما الناس يمشوا مش معقول هنكشر تاني في وش بعض

و بالتالي هناك فايده جميله من الزياره

غير ان الواحد بيتشجع كل شويه يغير في البيت يضيف لمسه جميله من وقت للتاني

ياريت كل يوم من ده :)

حد يقولي ياجماعه ان في أعقل ولا أجمل ولا أحلى من كده :wub:

ياسلاااام...ياسلام ياست نانو لو كل الستات كده زيك....ده تبقى حاجه فولي -_-

ربنا يليكي لجوزك وللوطن وللشعب العربي :D

[نانو]

طيب يا عمور والله علشان الكلمتين الحلوين دول

تعالي بقه اتفضل عندنا ....نحن جيران ....هتلاقيني في الجابريه...امشي و اسال علي نانو هتلاقي الف من يدلك

و هاعملك ....متشبوس بالدياي ...و لا اقولك :D ...بلاش كلام فاضي خلينا في الفته و الفخذه الضاني..و عليهم عروسه ليك هديه. :)

[memo2007]

بصراحه بكون فرحانه لما الاقى حد جاى بحبه"صديقه قريبه" اكون بحبها بكون فرحانه قوى بس بعد ما بيمشو بضايق من نفسى لأنى بقعد طول الوقتاتكلم وارغى معاهم وانسى اقدم حاجه "بس ماما بتفتكر والحمد لله"اما بقى لما يكون حد رغم ورزل بقعد اضحك واتكلم معاها ومش بكون مضايقه منها ولا حاجه بس مع الرزلين مش بنسى وبقوم اقدملهم اى حاجه قولولى اعممممممممممممممممل ايه فى النسيان :D