(مانشتــات) ... في الأحلام

[shawshank]

نظرا للأعداد المتزايدة على الجامعات المصرية :

ايقاف مؤقت للبعثات العلمية من الولايات المتحدة الأمريكية و بريطانيا إلى مصر

بعد تراجعها للمركز الثالث في الترتيب العالمي :

فتح باب التحقيق في مستوى التعليم بجامعة القاهرة

بسبب التزايد المستمر في الاتفاقيات البحثية :

خفض نسبي في التعاون بين المؤسسات الصناعية و مؤسسات البحث العلمي

في أعقاب حادث الطريق السريع أول أمس :

استقالة وزير النقل

بسبب انخفاض نسبة الإقبال على انتخابات مجلس الشعب إلى 84% :

دراسة التصويت الالكتروني

في أدنى مستوى له منذ 10 سنوات :

الجنيه المصري يعادل 13 دولارًا أمريكيًا

وزارة العمل تدرس عدة مقترحات لخفضها :

ارتفاع نسبة البطالة إلى 1.5%

بعد الكثافة العالية في المدن الجديدة بالصحراء و الواحات :

وزارة الإسكان تشجع المواطنين للحياة على ضفاف النيل

وزير الصحة يصرح : طلب الولايات المتحدة استيراد عقاقير أمراض القلب و السرطان قيد الدراسة

في أول مرة تخرج من مصر منذ 15 عامًا :

نوبل في الفيزياء لعالم انجليزي

وزير العمل يؤكد : العمالة الوافدة من الخليج ضيوف و أخوة

القوات المسلحة تدرس العرض الروسي لصفقة الطائرات المصرية

قبل الأسبوع الأخير من الدوري العام :

اتساع الفارق بين الأول و الأخير إلى 7 نقاط

كل عام و أنتم بخير :

غدا غرة رمضان في جميع أرجاء العالم الإسلامي

هل لديكم أخبار أخرى "في الأحلام" ؟

[Folana]

السلام عليكم ورحمة الله...

عود أحمد يا اخى الفاضل شاواشنك...نورتنا ...واسعدتنا بعودة مواضيعك الجميلة ...واللى باجد صعوبة فى فهمها من اول مرة ...:ph34r:

اقول ده جد؟...لا...ده مافيش وزير بيستقيل ...وبعد كده لقيت انها فى الاحلام ...

ده كل مانشيت من دول عايز موضوع لوحده ...

انا النهاردة قرأت مانشيت فى الصفحة الاولى ...وقلت يا فرج الله...ولما دخلت الموضوع لقيته لسه فى الاحلام ....

""ابن بيتك بنفسك ..واحصل على منحة 15 الف جنيه""

وبداخل الخبر ..

يمكنك بناء بيتك بنفسك على قطعة ارض توفرها لك الدولة مع هدية عبارة عن 15 الف جنيه ....

استنى ماتفرحش كده...ده مانشيت الاحلام ...يعنى ده لسه فكرة مشروع اسكانى جديد حيعرضها الوزير على الرئيس لما يرجع من السفر....

وتصبحوا على خير............

[واحد تاني]

موضوع لطيف فعلا عزيزي شاوشانك...

اعلانات الخارجية المصرية

اعلنت سفارات جمهورية مصر العربية بدول اوروبا و شمال اميركا مساء أمس عن فتح باب القبول للبعثات الدراسية بالجامعات المصرية لابناء هذه الدول الحاصلين على الثانوية العامة او ما يعادلها

وزراة الصحة والسكان :

بيان رقم واحد:

تهيب وزراة الصحة والسكان جميع الشباب المقبلين على الزواج ضرورة مراجعة مراكزها المتوفرة بجميع الاحياء لاستكمال اجراءات كشف الراغبين في الزواج ... استكمالا لاوراق الحصول على منحة الزواج الخاصة بهم حيث انه لن يصرف سوى نصف المبلغ فقط وقدره نصف مليون جنيه للشاب ومثلهم للفتاه في حالة عدم تقديم اوراق الكشف.

بيان رقم اثنين:

تهيب الوزارة بجميع الاباء والامهات سرعة التوجه لمراكزها لتسجيل اطفالهم حديثى الولادة للحصول على جداول التطعيم الالكترونية وكذلك بدء اجراءات صرف منحة المواليد...

وزارة الثقافة

افتتح أمس وزير الثقافة مبنى متحف الفن الحديث والمعاصر والذي يعد تحفه معمارية في حد ذاته ويقع المتحف في مركز مدينة الاسكندرية الثقافي وبجوار مكتبة الاسكندرية وقاعة المؤتمرات والعديد من الفنادق الراقية و المخصصة لاستقبال وفود الزائرين من مختلف انحاء العالم لحضور الندوات والمؤتمرات المختلفة او لزيارة المعالم الثقافية بالمنطقة .

ويأتي هذا الافتتاح على غرار عدة افتتاحات اخرى قام بها الوزير فى الآونة الاخيرة بمناطق متعددة بالجمهورية في سبيل سعيه الدءوب على مواكبة نمو الحس الفني والثقافي بين طبقات الشعب المختلفة والتى تحتاج لاشباع رغباتها الثقافية اللاملموسة :blink: ويتسق ذلك مع رؤية الوزير وخطته التى تقدم بها في اجتماع مجلس الوزراء عقب توليه الحقيبة الوزارية بالعام الماضي.

هناء سمري ...

قصر القبة :ph34r:

صورة من الحدث ...(أول ما قالوا يا أوتوكاد)

الاقتباسات السابقة كانت من موضوع ذو فكرة مشابهة للاخ عصام شوقي

تحت عنوان :

القرارات الجديدة لمجلس الشعب وتصريحات الوزراء المبشرة, أخبار من الخيال العلمى

[نانو]

موضوعك جميل و احلامك اجمل

اسمح لي اشرح رد فعلي عند قراه الموضوع

نظرا للأعداد المتزايدة على الجامعات المصرية :

ايقاف مؤقت للبعثات العلمية من الولايات المتحدة الأمريكية و بريطانيا إلى مصر

:blink: اه اكيد بسبب التبادل الطلابي اللي حصل و الطلبه المصريين اللي هربوا بس البعثات ديه موضوع تاني :o

بعد تراجعها للمركز الثالث في الترتيب العالمي :

فتح باب التحقيق في مستوى التعليم بجامعة القاهرة

ايه ده امتي :o ....اذا كان الجامعه المصريه ما طلعتش حتي المليون في الموضوع ده

لا فيه حاجه غلط

بسبب التزايد المستمر في الاتفاقيات البحثية :

خفض نسبي في التعاون بين المؤسسات الصناعية و مؤسسات البحث العلمي

:ph34r: اهي ديه بقه مش فاهمه معناها اصلا

في أعقاب حادث الطريق السريع أول أمس :

استقالة وزير النقل

استقاله :ph34r: معقوله بقي ما استقالش بعد حادثه القطر و هيستقيل علشان خبر ما حدش سمع عنه :excl:

بسبب انخفاض نسبة الإقبال على انتخابات مجلس الشعب إلى 84% :

دراسة التصويت الالكتروني

حتي لو كان ده حقيقي برضه هيتصرفوا و يخلوا الكومبيوتر يزور

في أدنى مستوى له منذ 10 سنوات :

الجنيه المصري يعادل 13 دولارًا أمريكيًا

اه ..ايوه ..ايوه كده بقه بدات افهم ....لا ده ..كله كلام في الخيال..

وزارة العمل تدرس عدة مقترحات لخفضها :

ارتفاع نسبة البطالة إلى 1.5%

خلاص ..خلاص ..فهمت :)

بعد الكثافة العالية في المدن الجديدة بالصحراء و الواحات :

وزارة الإسكان تشجع المواطنين للحياة على ضفاف النيل

كده بقه تبقي وسعت اوي :D

وزير الصحة يصرح : طلب الولايات المتحدة استيراد عقاقير أمراض القلب و السرطان قيد الدراسة

لا لا لا انسي انسي و لا حتي في الاحلام

في أول مرة تخرج من مصر منذ 15 عامًا :

نوبل في الفيزياء لعالم انجليزي

لا لا لا انسي انسي و لا حتي في الاحلام

وزير العمل يؤكد : العمالة الوافدة من الخليج ضيوف و أخوة

لا لا لا انسي انسي و لا حتي في الاحلام

القوات المسلحة تدرس العرض الروسي لصفقة الطائرات المصرية

لا لا لا انسي انسي و لا حتي في الاحلام

قبل الأسبوع الأخير من الدوري العام :

اتساع الفارق بين الأول و الأخير إلى 7 نقاط

لا لا لا انسي انسي و لا حتي في الاحلام

كل عام و أنتم بخير :

غدا غرة رمضان في جميع أرجاء العالم الإسلامي

ا لا لا اننننننننننننننننننننننننننننننننننننننننننننسي

[shawshank]

السلام عليكم ورحمة الله...

عود أحمد يا اخى الفاضل شاواشنك...نورتنا ...واسعدتنا بعودة مواضيعك الجميلة ...واللى باجد صعوبة فى فهمها من اول مرة ...:blink:

و عليكم السلام و رحمة الله و بركاته ...

ربنا يخليكي يا folana شكرا جدا على مرورك . بس ليه بتجدي صعوبة في فهمها ؟ ماهي مفهومة اهيه :excl: :ph34r:

انا النهاردة قرأت مانشيت فى الصفحة الاولى ...وقلت يا فرج الله...ولما دخلت الموضوع لقيته لسه فى الاحلام ....

""ابن بيتك بنفسك ..واحصل على منحة 15 الف جنيه""

وبداخل الخبر ..

يمكنك بناء بيتك بنفسك على قطعة ارض توفرها لك الدولة مع هدية عبارة عن 15 الف جنيه ....

طب و الله ده مشروع ظريف جدا ... بس قطعة الأرض فين ؟ مكانها فين يعني ، في الصحرا مثلا ؟

الاقتباسات السابقة كانت من موضوع ذو فكرة مشابهة للاخ عصام شوقي

تحت عنوان :

القرارات الجديدة لمجلس الشعب وتصريحات الوزراء المبشرة, أخبار من الخيال العلمى

و أنا يا أخي أقول انا قريت الفكرة دي فين قبل كده :ph34r:

ممكن لو تكرم المشرفين يضموا الموضوعين ؟

موضوعك جميل و احلامك اجمل

الأخت نانو

شكرا جزيلا على المرور .

هي فعلا أحلام جميلة ... أتمنى أن أعيش حتى أراها واقعًا ... و إن لم يكن ، فلا مانع من أن نقرأ تلك الأخبار في الأحلام . يعني عشان لو حصلت ، نبقى جاهزين و منتصدمش :o

[khedr]

طيب ايه رأيك في ده

عوده شاوشنك الحبيب من رحله الغياب با لأحلام

ويعدكم بالا تطول غيبته مره تانيه

عودتك فعلا هي احلي مانشيت من فتره

حمد الله علي سلامتك

حمد الله علي سلامتك

[Folana]

السلام عليكم ورحمة الله...

أخى الفاضل شاواشنك....الحقيقة كل مواضيعك سهلة وتتفهم بسرعة (وش حسن فايق)..أمال انا مقاطعهم ليه (وش زينات صدقى برضه)

بقى سيادتك راجع لنا بعد غيبة طويلة وعايزنا ندمج موضوعك؟...طب مش لازم نحتفل برجوعك الاول بينا ..وبعدين نفكر فى موضوع الدمج ده ....

بالنسبة للمشروع اللى انا كتبته ده..وبرضه نتيجة للسياسة اللى بيتبعها فهمى فى موضوعاتك ..فأنا مش فاهمة ..هل حضرتك فعلا بتسأل عن المشروع؟...انا حاعتبر انى فهمت صح ...وبالله ماتكسفنى ... قول هو ده قصدك فعلا...

الموضع......هنا.. :wub:

لا بيقولك ياسيدى الفاضل

ان الوزارة (الاسكان) بتؤكد من خلال مشروعها ده انها حريصة على تقديم انماط جديدة من الاسكان لمحدودى الدخل ...والمشروع بيشمل طرح قطع اراضى بمساحة (150 متر) للقطعة ...يتم البناء على (63 متر)..والباقى ضرائب وخدمة..

لا ..قصدى الباقى يخصص لاقامة سلم للطابقين الثانى والثالث !!...ويحصل المواطن على المنحة المالية لاتمام عملية البناء فى عام واحد....والا.... :blush:

المكان بقى ....تم اختيار 50 الف قطعة فى معظم المدن الجديدة بالصعيد وبعض المدن الجديدة فى العاشر وبدر وبرج العرب واكتوبر والسادات

وجارى توصيل المرافق لهذه الاراضى...وسعر المتر بالمرافق (70 جنيه)...يتم سداد 10% والباقى على اقساط لمدة 7 سنوات دون فوائد

اقرأ جريدة الاهرام بتاريخ امس ....

[shawshank]

طيب ايه رأيك في ده

عوده شاوشنك الحبيب من رحله الغياب با لأحلام

ويعدكم بالا تطول غيبته مره تانيه

عودتك فعلا هي احلي مانشيت من فتره

حمد الله علي سلامتك

حمد الله علي سلامتك

الأخ الحبيب خضر

ربنا يكرمك ... ايه يا عم الكلام الكبير ده ...

كلامك بيحرجني ، متشكر جدا لحضرتك على مجرد المرور على موضوعي ... و متشكر ألف مرة على ذوقك . و تأكد إن القلوب عند بعضها .

السلام عليكم ورحمة الله...

و عليكم السلام و رحمة الله و بركاته ... الأخت الفاضلة folana

بقى سيادتك راجع لنا بعد غيبة طويلة وعايزنا ندمج موضوعك؟...طب مش لازم نحتفل برجوعك الاول بينا ..وبعدين نفكر فى موضوع الدمج ده ....

ربنا يخليكي و يكرمك .

بالنسبة للمشروع اللى انا كتبته ده..وبرضه نتيجة للسياسة اللى بيتبعها فهمى فى موضوعاتك ..فأنا مش فاهمة ..هل حضرتك فعلا بتسأل عن المشروع؟...انا حاعتبر انى فهمت صح ...وبالله ماتكسفنى ... قول هو ده قصدك فعلا...

هو كده تمام ... و لا تزعلي :wub:

الموضع......هنا.. :)

دي بقه بجد رهيييييييبة ... انتي بترشدي استخدام الروابط ؟ عشان يعني الكلام اللي داير حاليا عن إن الروابط الكتير مش عارف ايه و كده؟ :blush:

عموما مشروع ظريف ... بس مساحة الأرض أعتقد صغيرة شوية .

[shawshank]

بعد وقائع تزوير الاستفتاء على تعديل الدستور ، ربما تكون المانشتات "الواقعية" في وقت ما في المستقبل كما يلي .

وزير الداخلية يصرح :

لا تهاون مع الشرفاء في أي مكان في الجمهورية

رئيس مجلس الشعب : الالتزام بمبادئ الدكتاتورية من أهم متطلبات العمل النيابي

وزير العدل يعلن : التزوير شعارنا في المرحلة المقبلة

وزير الداخلية : إسقاط الجنسية المصرية عن معارضي التزوير تمهيدًا لنفيهم خارج البلاد

مظاهرة بميدان التحرير تحمل شعارات : نعم للتزوير

وزير الصحة : لا تهاون مع الأطباء الأكفاء ، و رفع شعار "لا مكان لكفؤ بيننا"

وزير التخطيط في حديث تليفزيوني :

بدء تنفيذ الخطة الخمسية للقضاء على النزاهة في مصر

في برنامج ترعاه وزارة التعاون الدولي :

مصر تستقبل آلاف المفسدين من شتى بقاع العالم

محاكمة موظف عمومي رفض أخذ رشوة

وزير الصناعة : رداءة المنتج المصري هي أهم أولوياتنا

ضبط خمسة شرفاء و محاكمتهم بتهم الأمانة والشرف

بسبب ندرة قضايا الاختلاس والتزوير في وزارته :

استجواب وزير الزراعة في مجلس الشعب

تم تعديل 1 أبريل 2007 بواسطة shawshank

[shawshank]

للرفع بمناسبة الأحداث الجميلة اللي بتعيشها مصر.

بفتكر الموضوع ده اليومين دول من الفرحة والذهول اللي ببقى فيهم كل لما أقرا مانشيت من أخبار دلوقتي.

[Om Zayd]

كله الا دي

وزير العمل يؤكد : العمالة الوافدة من الخليج ضيوف و أخوة

:protest:

تفتكر الصين ممكن مهما تقدمت تبقى مستوردة للعمالة؟؟

:closedeyes:

اهو احنا برده

تحياتي

[الســـاري]

كله الا دي

وزير العمل يؤكد : العمالة الوافدة من الخليج ضيوف و أخوة

:protest:

تفتكر الصين ممكن مهما تقدمت تبقى مستوردة للعمالة؟؟

:closedeyes:

اهو احنا برده

تحياتي

ماشي يا ام زيد .. كنت فاكرك هتعترضي على العشم الجميل ده .. طلعتي بتنظري نظرة مبعدية للصين الشعبية

..

B)

---------------------------------------

الموضوع جميل وخفيف ..

و اعتقد انه موضوع يلاقي فيه اي خبير مجتمعات عينة خصبة لتطلعات شعب

وكما هو واضح الاولوية لكل المتطلبات للبحث العلمي والتفوق الصناعي والرخاء الاقتصادي

دي مطالب جميلة

تحياتي استاذ شاوا شنك .. :)

[عبير يونس]

كله الا دي

وزير العمل يؤكد : العمالة الوافدة من الخليج ضيوف و أخوة

:protest:

تفتكر الصين ممكن مهما تقدمت تبقى مستوردة للعمالة؟؟

:closedeyes:

اهو احنا برده

تحياتي

ماشي يا ام زيد .. كنت فاكرك هتعترضي على العشم الجميل ده .. طلعتي بتنظري نظرة مبعدية للصين الشعبية

..

B)

الموضوع خفيف يا ساري متزعلش

ربنا يكرمكم يا فندم

و يديم عليكم العز يارب

و لا هنتم يا خوي:)

و نبقى كلنا حلوين و نغشين و يحبونا الناس

( وش سوكيننة في ريا و سكينة)

[الســـاري]

افا عليك مصرية .. ماهقيت انك تحسبيني ازعل .. وبعدين وشلون ازعل وانا راز ام الابتسامة ذي

smk:

انا بس باستخف دمي واستهبل على مدام ام زيد .. افا عليك .. انا ازعل انا ..؟

انا ابتديت اصدق المانشتات دي .. وشكلي كده هادور على كفيل مصراوي من دلوقتي ..

:P

تخيلي لو يطلع كفيلي تامر مصطفى او حد من بتوع الاتوبيس ... هيخلوني موعظة

f((:

[عبير يونس]

و ليه بس السيرة دي

الشر برة وبعيد

خليك في بتوع السعودية اللي واكلين معاك عيش و ملح

شوف انا مستعدة أكفلك شخصيا

و أفتح شركة انتاج أفلام وثائقية والبلية تلعب بقى و نعيش:vian:

و متخافش انا طيبة و انت عارفنيangl::

غاية ما هناك بس

اني حآخد جواز سفركbngn::

و مش حأسمح لك باستقدام الزوجة الا لما يوصل مرتبك 200 جنيه و ده طبعا لما تشتغل قد تلات اربع سنين كده

:partytime:

و مش حأدفع بدل سكن

ممكن تبقى تسكن انت و مسافر زاده الخيال في شقة واحدة تقسموها سوا

خد بالك اللي بياخد المطبخ بيدفع أكتر في الايجار

و خد بالك مبديش رواتب في الصيف

و عايز تنزل اجازة مفيش تذاكر طيران تنزل بري

او عندك طيران سما

و احتمال نعمل الجسر بين مصر والسعودية فممكن تبقى تاخده مشي

اهو منه رياضة و منه ضغط للنفقاتsmk:

و ما تنساش ان حيبقى عندك فرصة عظيمة تروح " الهرم" وقت ما تحب

شوف بقى ناس اد ايه يحبوا يروحوا " الهرم" و شوف بيدفعوا كام و انت حتسمتع بيه ببلاشjmb-)

ايه رأيك بقى

هه ههhypr:

في أحلى من كده؟؟؟

:D

اوعى تبلغ عني السلطات

انا بهزر و النبي يا بيه

زي حلم تامر مصطفى كده

[الســـاري]

لاااااااااااااااا .. دول بتوع الاتوبيس طلعوا ارحم بكتير

:blink:

وكمان اتقاسم غرفة مع مسافر ؟ .. عشان يهلكني بشخيره .. الناس بتشخر خخخخخخخ وهو يشخر ققققققق

[م تيمور المراغي]

مافيش الكلام ده لا قاف ولا غيره

2020

موعد قيام الدولة العربية المتحدة

ان شا ءالله

مافيش حدوود

مافيش تاشيرات

مافيش حروف قاف :happy:

كله حيتكلم مصري

[عبير يونس]

لاااااااااااااااا .. دول بتوع الاتوبيس طلعوا ارحم بكتير

:blink:

وكمان اتقاسم غرفة مع مسافر ؟ .. عشان يهلكني بشخيره .. الناس بتشخر خخخخخخخ وهو يشخر ققققققق

اوبا

طب مادمت بتقول أنه مسافر زاده القيال كل كلامه قاف

و ان انت مش طايقه

انت كده بتضرب في ولد ديرتك

انا بقى مالي صلاح يا بويا

احنا بس بنهدي النفوس يعنيwst::

بس خد بالك

راجع نفسك

الايجارات غالية

و لما تقسم الشقة مع واحد من بني جلدتك أحسن لك من يطلع في قرعتك واحد بنقالي والا حاجة

و بعدين خد بالك

اللي حيسكن جنب " الهرم" حيبقى سكنه خروج صيف

يعني موسم الصيف تخرج

و خد بالك أغلب الشقق مفيهاش تأمين عفش

يعني تشوفلك مستودع تحط فيه عفشك لحد نهاية الموسم

فأنا بقول مسافر أحسن من غيره يا بويا

htr::

[الســـاري]

وانا اقول حل ابسط يا كفيلتي العزيزة

انقل كفالة :closedeyes:

هو مفيش كفلاء غيرك ؟ الباشمهندس طيمور بيقدر ان مخرج لوزعي زي حالاتي عايز له جو عشان يشتغل

وهو مهندس .. يصمم لي كمباوند فاخر بمنافعهم

وخلي مسافر يبرطع بالشقة لوحده

انا قاعدتي في الحياة

كن انت التغيير الذي تريده للعالم :)

لا للاستسلام ..

ثورة ثورة ..

ارك ... حلوة اوي الولايات المتحدة العربية دي .. بس دي ولا احلام تامر مصطفى

:P

تم تعديل 11 مارس 2011 بواسطة الســـاري

[عبير يونس]

وانا اقول حل ابسط يا كفيلتي العزيزة

انقل كفالة :closedeyes:

هو مفيش كفلاء غيرك ؟ الباشمهندس طيمور بيقدر ان مخرج لوزعي زي حالاته عايز له جو عشان يشتغل

وهو مهندس .. يصمم لي كمباوند فاخر بمنافعهم

وخلي مسافر يبرطع بالشقة لوحده

ارك ... حلوة اوي الولابات المتحدة العربية دي .. بس دي ولا احلام تامر مصطفى

:P

هع هع هع

ضحكات متقطعة شريرة

ما ينفعش يا حلو

هو دخول الحمام زي خروجه

ما بنقلش كفالة يا بويا

تخرج نهائي

و مش حأديك خطاب عدم الممانعة

و حتقعد سنتين متقدرش تدخل مصر

و خذ بالك بقى في بصمة يا حلو

من الآخر حأشردك يا بني

خليك هادي و مطيع و حافظ على أكل عيشك يا ولدي :shutup:

نيا ها ها ها

ضحكات متصلة

شريرة برضه