مذكرات أرمله

[wahed masry]

معلش ... ناس حتزعل ... وناس حتشتم ... وناس حتتقبل ... هي دي الدنيا ... كان قاعد معانا دلوقتي ... يانهار إسود ده مات ... ياخرابي ويالهوي ... إيه ده بسرعه كده الأربعين جه ... ماما مش حتقابلي عريسي بقي ... آآآه ياولاد الــــ بسرعه كده نسيتوه .... ماينسهوش ليه ... طب مانا كمان نسيته ... ورجعت ألبس ملون .. أي نعم فوقه عبايه سوده ... بس برضه ملون... وإستحميت .... فين أيام زمان ... أنا فاكره جدتي قعدت ماتستحماش سنه بعد ما جدي مات ... والا الكلبه اللي كان مربيها . أربعين يوم بالظبط ولقينا جتتها علي ناصيه الشارع ... عيطنا تاني .. مش عارفه علي الكلبه والا علي جدي .. المهم عيطنا وخلاص .. و إهئ إهئ ونسوان الشارع كلهم بيجاملوا .. إهئ إهئ ... مش فاكره .. هاو هاو هاو والا إهئ إهئ إهئ المهم عياط وخلاص .

وخلص العياط علي رأي عبد الحليم لا ده كان بيقول خلص الكلام ... مش مهم ايه اللي خلص .. المهم خلص .

آه إفتكرت إني نسيت أعزمكم علي فرح بنتي اللي حتلبس فستان فرح أبيض وانا ... أنا إيه ... مانا غيرت هدومي من زماااااااااااااااااان

من مذكرات أرمله

[nancy]

لا اقولك انا عن احساس الارملة والى بيدور فى دماغها

وهيى بتجهز الغداء مستنية جوزها يدخل عليها ويقولها ازيك ويا حبيبتى طبخلنا اية النهاردة ياة جميل جدا والبنات فين والولد عامل اية

دة انا النهاردة حصل معايا موقف فى الشغل كذا وكذا وكذا

لكن بتلاقى الباب بيخبط وبيدخل عشر رجالة متعرفش منهم غير واحد كان صاحب جوزها

وقال لها الباقاء لله جوزك جاتلة سكتة وجسمة بس جاى كمان شوي

بتقعد مرة واحدة على اول كرسىوبتحس انها لدقايق ماتت خلاص مش حتسمع صوتة تانى مش حتشوفة بيكلمها وينكفها ويضحك معاها

طب والولاد حتعمل معاهم اية دة البنات محتاجين اب يبقى سندهم والولد لسة بيتعمل الدنيا لانة صغير

الدنيا حتمشى ازاى

سبتنى لييييييييه

تحب تعرف اكتر عن احساس الارملة

الموضوع مش لبس اسود دى ذكرى لا تنتهى

صحيح الدنيا بتطلع شمسها وتغيب ويطلع قمرها ويسلم للنهار اليوم الجديد بس الحزن عمرة ما بيخلص على حد حد كنت حتة منة كنت بتحب تشوفة وتسمع كلامة

الله يرحمه

[wahed masry]

المحترمه

nancy

أنا منسحب وحاقفل الحوار ... ياريت المسئولين عن الموقع يوقفوا الموضوع ... أنا حاسس إني قلبتها غم ... والله العظيم ماقصدش بس كنت ناوي أهذر بس باين عليا زي ماأبويا دايما يقولي إنت هزارك غلس وسخيف ... حتي لما كبرت برضه لسه غلس وسخيف ... المحترمه نانسي أنا باعتذر لأني سخيف في موضوعي ... ومره أخيره ياريت النقاش يتقفل في موضوعي ... بعد إذن الإداره وحادور علي موضوع تاني نضحك ونفرفش وبلاش النكد ده ... يارب مايرمل ولا ييتم حد ويخليكم كلكم لبعض ....

واحد مصري

[nancy]

لا دة انا الى اسفة

المشكلة ان لما قريت كلامك افتكرت والدى وجه فى بالى يوم وافاتة الله يرحمة ومحستش انا كتبت اية

ونفسيتى باظت وقلبت معايا بعياط وغم

اسفة تانى انى قلبت الموضوع :lol:

[النسر المصري]

مش مهم ايه اللي اتكتب هنا

المهم الآحاسيس والمشاعر دي

يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه

ايه الادب والاحترام والروعه دي ياجماعه

ايه الاخلاق اعاليه دي

ايه الجمال ده

ياااااار بنا

عاوز حد فيكم يدخل كده عالمنتديات التانيه ويشوف قمه النكد

بجد

ربنا يخللنا البييت الكبير

فوتكم بعافيه

[White heart]

wahed masry كتب:

أنا منسحب وحاقفل الحوار ... ياريت المسئولين عن الموقع يوقفوا الموضوع ... أنا حاسس إني قلبتها غم ... والله العظيم ماقصدش بس كنت ناوي أهذر بس ....

على ايه كل دة يا عزيزى؟

انت اتكلمت عن حالة موجودة فعلا ... يعنى معقولة مافيش و لا واحدة ست " اتمنت " نفسها انها تترمل - و العكس صحيح ؟؟؟!!!

معقوله مافيش و لا واحدة فضلت تتمنى و تتمنى انه اليوم دة يجيى - و أخر ما زهقت، راحت شارية الأكياس ؟؟؟!!! :)

المسألة لا هى " بس " زى ما جت فى مقطوعة المذكرات الأولى فى مداخلتك الأولى ... و لا هى " بس " اللى قالت عليها العزيزة " nancy " ( كل سنة و انتِ طيبة على فكرة :lol: ) ... المسألة ببساطة ليها علاقة بشكل و نوع " الِعشرة " بين الاتنين ....

تحياتى.

[khedr]

wahed masryو نانسي

احيييكم علي اتخاذكم القرار السليم في الوقت المناسب..

لكن هو واحد مصري واللا واحده................!!

مع الاعتذار لفِهمي

[wahed masry]

والله العظيم انا واحد مصري مش واحده ومدير شركه بالدمام ( السعوديه ) ومبسوط أوي من محاورات المصريين وانا باحب أكتب بالبلدي كده عشان وحشاني مصر أوي بالرغم اني ماليش فتره طويله ومذكرات أرمله موجوده عندي في كتاب ظريف أوي بتاع كاتب مش مشهور

وبس ....... خلاص

[nancy]

طيب متكمل الكتاب بتاعك يا مصرى ومتتوقفش علشان ردى

ودة احنا طلعنا جيران انت فى الدمام وانا فى المدينة

وعندك كتير ناس من المنتدى فى كل مكان فى السعودية

اكتب واوعدك انى مش حاقلبها نكد تانى :sad:

[wahed masry]

وانا تحت أمرك وحاكمل

الصفحه 22 بتقول :- أي واحده متجوزه ليها راجل وانا ليا 20 راجل البواب راجلي والبقال راجلي وبتاع الجاز راجلي وجوز جارتي راجلي وكل راجل في شارعنا الضيق اللي مش محصل شارع وأكبر من الحاره راجلي يعني بحسبه بسيطه حاطلع انا الكسبانه في النهايه بس خسرانه شئ مهم جدا إن راجلي الوحيد اللي أقدر لما بطني توجعني والا راسي توجعني يحط إيده عليها ويقرالي البسمله والرقيه الشرعيه ...... راح ومش راجع تاني... آه ياراسي ... آه يابطني .. آآآآآآآآآآآآآآآآآآه ياقلبي