كيف نربي اولادنا بالحب

[نانو]

!! وسائل التربية بالحب !!

ان وسائل التربية بالحب أو لغة الحب أو أبجديات الحب هي ثمانية ...

1- كلمة الحب .. 2- نظرة الحب .. 3- لقمة الحب.. 4- لمسة الحب ..

5- دثار الحب ...6- ضمة الحب .. 7- قبلة الحب.. 8- بسمة الحب..

الأولى : كلمة الحب

كم كلمة حب نقولها لأبنائنا ( في دراسة تقول أن الفرد إلى أن يصل إلى عمر المراهقة يكون قد سمع مالا يقل عن ستة عشر ألف كلمة سيئة ولكنه لا يسمع إلاّ بضع مئات كلمة حسنة )

إن الصور التي يرسمها الطفل في ذهنه عن نفسه هي أحد نتائج الكلام الذي يسمعه ، وكأن الكلمة هي ريشة رسّام إمّا أن يرسمها بالأسود أو يرسمها بألوان جميلة . فالكلمات التي نريد أن نقولها لأطفالنا إمّا أن تكون خيّرة وإلا فلا

بعض الآباء يكون كلامه لأبنائه ( حط من القيمة ، تشنيع ، استهزاء بخلقة الله ) ونتج عن هذا لدى الأبناء [ انطواء ، عدوانية ، مخاوف ، عدم ثقة بالنفس ]

الثانية : نظرة الحب

اجعل عينيك في عين طفلك مع ابتسامة خفيفة وتمتم بصوت غير مسموع بكلمة ( أحبك يا فلان ) 3 أو 5 أو 10 مرات ، فإذا وجدت استهجان واستغراب من ابنك وقال ماذا تفعل يا أبي فليكن جوابك { اشتقت لك يا فلان } فالنظرة وهذه الطريقة لها أثر ونتائج غير عادية

الثالثة : لقمة الحب

لا تتم هذه الوسيلة إلاّ والأسرة مجتمعون على سفرة واحدة [ نصيحة .. على الأسرة ألاّ يضعوا وجبات الطعام في غرفة التلفاز ] حتى يحصل بين أفراد الأسرة نوع من التفاعل وتبادل وجهات النظر . وأثناء تناول الطعام ليحرص الآباء على وضع بعض اللقيمات في أفواه أطفالهم . [ مع ملاحظة أن المراهقين ومن هم في سن الخامس والسادس الابتدائي فما فوق سيشعرون أن هذا الأمر غير مقبول ] فإذا أبى الابن أن تضع اللقمة في فمه فلتضعها في ملعقته أو في صحنه أمامه ، وينبغي أن يضعها وينظر إليه نظرة حب مع ابتسامة وكلمة جميلة وصوت منخفض ( ولدي والله اشتهي أن أضع لك هذه اللقمة ، هذا عربون حب ياحبيبي ) بعد هذا سيقبلها

الرابعة : لمسة الحب

لابد علي الآباء و الأمهات أن يكثروا من قضايا اللمس . ليس من الحكمة إذا أتى الأب ليحدث ابنه أن يكون وهو على كرسين متقابلين ، يُفضل أن يكون بجانبه وأن تكون يد الأب على كتف ابنه (اليد اليمنى على الكتف الأيمن) . و كان استقبال النبي لمحدثه فيقول : { كان النبي صلى الله عليه وسلم يلصق ركبتيه بركبة محدثه وكان يضع يديه على فخذيْ محدثه ويقبل عليه بكله } . وقد ثبت الآن أن مجرد اللمس يجعل الإحساس بالود وبدفء العلاقة يرتفع إلى أعلى الدرجات . فإذا أردتُ أن أحدث ابني أو أنصحه فلا نجلس في مكانين متباعدين .. لأنه إذا جلستُ في مكان بعيد عنه فإني سأضطر لرفع صوتي [ ورفعة الصوت ستنفره مني ] وأربتُ على المنطقة التي فوق الركبة مباشرة إذا كان الولد ذكراً أمّا إذا كانت أنثى فأربتُ على كتفها ، وأمسك يدها بحنان . ويضع الأب رأس ابنه على كتفه ليحس بالقرب و الأمن والرحمة ،ويقول الأب أنا معك أنا سأغفر لك ما أخطأتَ فيه

الخامسة : دثار الحب

ليفعل هذا الأب أو الأم كل ليلة ... إذا نام الابن فتعال إليه أيها الأب وقبله وسيحس هو بك بسبب لحيتك التي داعبت وجهه فإذا فتح عين وأبقى الأخرى مغمضة وقال مثلاً : ( أنت جيت يا بابا ) ؟؟ فقل له ( إيوه جيت ياحبيبي ) وغطيه بلحافه

في هذا المشهد سيكون الابن في مرحلة اللاوعي أي بين اليقظة والمنام ، وسيترسخ هذا المشهد في عقله وعندما يصحو من الغد سيتذكر أن أباه أتاه بالأمس وفعل وفعل

بهذا الفعل ستقرب المسافة بين الآباء و الأبناء .. يجب أن نكون قريبين منهم بأجسادنا وقلوبنا

السادسة : ضمة الحب

لاتبخلوا على أولادكم بهذه الضمة ، فالحاجة إلى إلى الضمة كالحاجة إلى الطعام والشراب والهواء كلما أخذتَ منه فستظلُ محتاجاً له

السابعة : قبلة الحب

قبّل الرسول عليه الصلاة والسلام أحد سبطيه إمّا الحسن أو الحسين فرآه الأقرع بن حابس فقال : أتقبلون صبيانكم ؟!! والله إن لي عشرة من الولد ما قبلتُ واحداً منهم !! فقال له رسول الله أوَ أملك أن نزع الله الرحمة من قلبك

أيها الآباء إن القبلة للابن هي واحد من تعابير الرحمة ، نعم الرحمة التي ركّز عليها القرآن وقال الله عنها سرٌ لجذب الناس إلى المعتقد ،، وحينما تُفقد هذه الرحمة من سلوكنا مع أبنائنا فنحن أبعدنا أبناءنا عنا سواءً أكنا أفراداً أو دعاة لمعتقد وهو الإسلام

الثامنة : بسمة الحب

بسمه في وجه اطفالنا كلما نظرو الينا

وهذه الوسائل هي ماء تنمو به نبتة الحب من داخل القلوب ، فإذا أردنا أن يبرنا أبناءنا فلنبرهم ولنحين إليهم ، مع العلم أن الحب ليس التغاضي عن الأخطاء....

منقول

تم تعديل 8 نوفمبر 2006 بواسطة نانو

[khedr]

موضوع جميل

وهادي

وفيه نقط بنمارسها

ونقط ممكن نعملها بسهوله

مش محتاجه مجهود

لكن محتاجه توعيه وتذكر

سيدتي .....بارك الله فيكي

علي مواصلتك لأطلاعنا علي الخير

وعلي سبل الرقي باحياتنا

[أبو زياد]

يالله يا ست نانو زى بعضه :sad:

جزاك الله خيرا على هذا الموضوع وهو يصلح لكل من الأسرة و هدى الإسلام

لقد اعتقدت ان هذه الكلمات صادرة منك لأنى اعرفك

ولكن ذوقك واختيارك واضح فيها

أهمية الحب فى هذه الأيام التى ملأت حياتنا بالعنف أصبحت ضرورة مثل الغذاء و الهواء

السياق و السرد فى غاية الروعة - شكرا لك و إلى تواصل

[النسر المصري]

وحياة خالتي زناكة انا يوم لما اتنيل واتجوز واتزفت اخلف .....

لكون احسن اب يحب ولاده في الدنيا D)

مرسي جدا يانانو على الموضوع الجميل ده....

صباحو كله حب وورد وياسمين

[Eemaan]

الله عليكى يا نانو

فعلا موضوع رائع جدا ...بس مين يسمع...

[shadow_girl]

الموضوع جميل يا نانو بس مين بيعمل كده الوقتى ولا بيهتم بكده

[nora]

والله كلام جميل وكلام معقول

بس ممكن تكون النقطه الاخيرة من تحت الدرس بكسر الدال :)

بشكل اخر اعمل ايه في حركاته الي تنرفز وغصب عني ببقى معصبه فمش معقوله اقدر ابين الحب وانا غالبا طول الوقت مفروسه منه :sad:

[inas]

عرفين هحكي عن تجربتي الخاصه انا عندي ولد وبنت الولد من كتر ما بحن عليه وطول الوقت ادلع فيه واطبطب عليه بقى حنين على اختو الصغيره وبيحن عليها وبيقولها الكلام الي بقولو ليها

حتى نوره بتتفرس مني منكتر مبدلعهم وبتقولي انت بتعملي كده ازاي

صدقوني الحب له مفعول السحر ابني عندو ثلاث سنوات ونص بيجي يقولي هجبلك قلب هديه ياماما ويبوس ايدي قبل مينام خمسه وخميسه واد سكر ربنا يخلهولي ;)

موضوع جميل جدا يانانو

[نانو]

خضر

و الله وحشتنا...انت ايه حكايتك بقه....يوم تيجي و عشره تهرب....مش تيجي تشوف و تلحق الانشقاق اللي حصل في صفوف المحاورات

ابو زياد

ربنا يخليك علي ذوقك و حسك العالي

فعلا الحب اهم من الهواء و الغذاء في حياتنا

نسر النسور

نفسي يجي اليوم اللي اشوفك فيه اب و محتاس بين شل الواد و عربيه الواد و شنطه اكل الواد :)

ايمان

مرسي يا ايمان ...فيه كتير و الله بيسمع...انا اهوه ..بسمع :D

shadow girl

فيه و الله كتير بيعملوا كده و ان ما كانش فيه نبدا احنا

نورا يا نورا

لا يا حبيبتي ما هو مش طول النهار هافضل مبتسمه في وش ولادي ..و الا كده هيبقي هبل....لازم شويه شده عند اللزوم

و علي فكره لما ابنك ياخد انك طول النهار تعامليه بالحب و الابتسامه و تيجي بس تكشري في وشه ده هيبقي عقاب كافي جدا عليه

inas

و الله برافو عليكي يا ايناس و منكم نستفيد

علي فكره والله يا جماعه انا لما بقرا الكلام ده بياثر فيا و باحاول اغير من سلوكي مع البنات و ده حقيقي بقيت بعد ما قرات الموضوع ده كل ما الاقي البنت اعصابها مشدوده مثلا ابتسم لها و اقولها كلام جميل بلاقيها بترتاح و تهدي....يعني ما فيهاش اي مشكله ابدا لما اكون باتصرف غلط مع اولادي و احاول اصلح من نفسي ...و علي فكره بيجيب نتيجه و الله

[inas]

عرفه يا نانو في مره حبيت اخلي ابني يعمل الواجب وفضلت اتحايل مره واهدد مره وازعق وحدفتو بلي في ايدي واصوت مفيش فايده

بعدها بشويه جيت جمبو حبيبي اوسي هيعمل الواجب واسقفلو سقفه كبيره اوي و اديلو بوسه ودخلت المطبخ

وبعدها بدقيقتين كان مخلص رقم 2 وحرف ب و b كمان!!!!!!!!!!!!!

ومن يوميها بنهال عليه بوابل من القبل قبل منعمل الواجب

[drhouba]

الأخت العزيزه نانو أول مره أقرأ لك إيه الموضوع الجميل ده أنا ما أعرفش عندك أطفال و اللا لأ بس لو كان عندك يا ريت أعرف نتيجة تجربة التربيه بالحب عشان أبدأ أطبقها مع أولادى و لو إنى عندى إحساس إن لو كان عندك أولاد حيكونوا ملايكه

[نانو]

يا اهلا بيك يا دكتور هوبا

و الله يا اخي ده انا ببقي سعيده اوي لما الاقي رجاله مهتمه بموضع تربيه اولادها

لان بيني وبينك معظم الرجاله بيشوفوا ان واجبهم تجاه اولادهم بين بيخلص عند انهم يوفرولهم احسن مستوي معيشي و بس

شوف يا سيدي انا بقه ولادي زي ما وقلت كده ملاييييييييييييييييييكه :angry2:

حاجه تطير العقل و تحط القلب مكانه من السعاده...و من كتر سعادتي بنفكر انا وزرجي نجيب اطفال تانيه علشان نبدا نربيهم بمبدأ

جديد مبدا الحب و هدوء الاعصاب :happy:

لكن حقيقي والله الهدوء وضبط النفس قدر المكان مع الاطفال بيجيب نتيجه افضل بكتير من العصبيه

و طالما هدوء في المعامله يبقي لازم تكون مصحوبه بابتسامه كلمه حلوه ضحكه و هكذا و علي فكره اوقات كتير بتشوف النتيجه فوريه علي وش اولادك

وياريت فعلا لو هتتدخل في تربيه اولادك بنفسك بالحب و هدوء العصاب ..... تفيدنا بتجربتك .. <_< .

[drhouba]

الأخت نانو العزيزه تجربتك تجربه رائده بس خدى بالك أحسن التجربه تعجبك و تلاقى فجأه عندك فريق كوره بالإحتياطى و تربيهم برضه بالحب بس أخشى ما أخشاه إن جوزك يخلع و يشوف مكان تانى يبدأ فيه التجربه من الأول لنشر هذه السعاده على أكبر عدد ممكن من البشر ..... خدى بالك حيبقى ذنبك على جنبك نفسى أتعرف على جوزك و أعرف منه بالضبط أخباره إيه

[Moon Light]

الأخت نانو العزيزه تجربتك تجربه رائده بس خدى بالك أحسن التجربه تعجبك و تلاقى فجأه عندك فريق كوره بالإحتياطى و تربيهم برضه بالحب بس أخشى ما أخشاه إن جوزك يخلع و يشوف مكان تانى يبدأ فيه التجربه من الأول لنشر هذه السعاده على أكبر عدد ممكن من البشر ..... خدى بالك حيبقى ذنبك على جنبك نفسى أتعرف على جوزك و أعرف منه بالضبط أخباره إيه

واضح يا دكتور هوبا انك من الناس المتمرسين في نشر السعادة علي اكبر عدد من البشر وارجوك تشاركنا بتجربتك في تربية اولادك اذا كان عندك ولاد واية تصوراتك الخاصة بالحب والسعادة في الحياة الزوجية وهل الاطفال هم مصدر السعادة ام ان وجودهم ياخذ من بعض السعادة ؟؟؟

[drhouba]

الأخت نانو العزيزه تجربتك تجربه رائده بس خدى بالك أحسن التجربه تعجبك و تلاقى فجأه عندك فريق كوره بالإحتياطى و تربيهم برضه بالحب بس أخشى ما أخشاه إن جوزك يخلع و يشوف مكان تانى يبدأ فيه التجربه من الأول لنشر هذه السعاده على أكبر عدد ممكن من البشر ..... خدى بالك حيبقى ذنبك على جنبك نفسى أتعرف على جوزك و أعرف منه بالضبط أخباره إيه

واضح يا دكتور هوبا انك من الناس المتمرسين في نشر السعادة علي اكبر عدد من البشر وارجوك تشاركنا بتجربتك في تربية اولادك اذا كان عندك ولاد واية تصوراتك الخاصة بالحب والسعادة في الحياة الزوجية وهل الاطفال هم مصدر السعادة ام ان وجودهم ياخذ من بعض السعادة ؟؟؟

الأخ أو الأخت موون لايت شكرا على إهتمامك بقراءة ردى و بإختصار السعاده بالنسبه لى نسبيه و لكن لها شروط أولها البيت لازم يكون هادى و منظم يعنى بالنسبه لى على الأقل أحب بيتى مرتب على الشعره و كل ما أرجع البيت ألاقيه زى ما تركته مفيش حاجه تتحرك من مكانها و لو بعد إيه و ثانيا إن الواحد ربنا ينعم عليه بزوجه طيبه و صوتها واطى و غير مبذره و تشارك بإيجابيه فى الحياه الزوجيه مش بس تربية الأولاد و بالنسبه للأولاد أنا أفضل يكون طفل واحد أو طفلين إلا ربع لأن أكتر من كده حيأخدوا السعاده كلها و مش حيفضل فى هذه الحاله أى حاجه لا للزوج و لا للزوجه و لا للجيران و تكون تربيتهم بالطريقه اللى قالت عليها الأخت نانو إذا كانت نجحت فى تطبيقها و التى أرجو منها أن توافينا بهذه النتائج أول بأول لنكون فى الصوره و تشجعنا على تطبيقها و يكون لها الأجر و الثواب و ربنا يوفقهاااااااااااااااااااااا آآآآآآآآآآآآآآآآآآآمين :lol:

[nash]

هلا يانانو

تصدقي والله أول مرة أشوف الموضوع ده

والله بجد موضوع حلو

دايما كنت أتمني يكون عندي عشر أطفال...لإني بحسهم عزوة للأهل لما يكبروا....

أتربينا وكنا أرع أخوات..والأن تنظر أمي حولها فلا تجد أحد كلنا متغربين أو في أماكن بعيده عنها..

دائما ما أقول المرأة التي لها صبر علي التربيه حرام عليها أن تكتفي بطفل أو أثنين...فهم السند الحقيقي في الحياة..وهم عكازنا التي سنتكيء عليها أيضا في يوما ما...فإن لم نملأ حياتهم بالحب...وعلمناهم علي إظهار مشاعرهم ..سنكون نحن من ينال حصاد الحنظل..والتي ستبقي مرارته في حلوقنا أبد الدهر

الحب كلمه سحريه إذا تعلمناها أولا وعرفنا معناها ثم علمناها لإبنائنا..كانت هي النواه الحقيقيه لمجتمع..خالي من الكراهيه والحقد

دمتي لي أخت رائعه

أختك ننوش

[نانو]

ننوش حبيبتي الغاليه

كلامك رائع جدا ....و حقيقي....وواقعي

و باعترف ان الحب هو الكلمه التي لها المفعول السحري في حل اي مشكله

دكتور هوبا و مون لايت خرجتوا بره الموضوع ليه :lol:

لكن اوكي علشان خاطركم و علشان اول مره اشوفكم عندي هاقولكم ..هلا و نورتوني

و سؤالك يا مون لايت عن الاولاد هل هما سبب السعاده الزوجيه ام بياثروا عليها بالسلب

اعتقد انه في رد ناش جواب شافي... طبعا سعاده و نعمه و هبه من ربنا......

دكتور هوبا....يعني انت عايز مراتك تجيب لك فريق كوره و بعدها تفكر انك تروح تكرر التجربه تاني تبقي بصراحه كده مفتري و ظالم....و ربنا علي المفتري و الظالم....هه :sad:

و انا اللي بقول عليك ما شاء الله راجل رائع اهوه و مهتم بموضوع خاص بتربيه الاطفال.....و ياريت الرجاله ياخدوك قدوه حسنه

الاقيك داخل تقول....فريق كوره و احتياطي.... :blink: :lol:

[drhouba]

الأخت العزيزه نانو شكرا لإهتمامك بالرد على كلامى و لسانك الحلو أنتى فهمتى كلامى غلط أنا بأنصحك تأخدى بالك من نفسك أحسن تلاقى عندك فريق كوره أحسن جوزك يطفش من الدوشه و يشوف مكان تانى هادى يعرف ينام فيه بعد الظهر بعيد عن الجو الرومانسى اللى حيكون موجود فى البيت مع هذا العدد اللطيف من الأطفال و بالنسبه لى فأنا فعلا من المهتمين بتربية الأطفال و تقريبا أنا اللى بأقوم بمعظم هذه المهمه فى البيت و مراتى برضه ساعات بتساعدنى لأنها بتشتغل برضه و لازم نساعد بعض لأن الحياه مشاركه زى ما إنتى عارفه و ربنا يقوينا عليهم كلهم :sad: