بلاش الثقه العمياء ديه !!!!!!!!

[نانو]

و المقصود من الموضوع برضه مش عدم الثقه...لا طبعا

ما ينفعش نعيش و احنا بنشك في نفسنا و اللي حوالينا ديه ما تبقاش عيشه ديه

لكن كل الفكره ...ان الثقه 100% ديه بس لله وحده

و باقي البشر بما فيهم احنا ممكن توصل بحد اقصي 99.9 %

حبيبتي جيهان

انتي ما قراتيش كل كلامي يمكن

الجزء اللي فوق ده انا اللي كاتباه....يعني لازم نحب من غيرما نشك في حد بالعكس

انت عارفه كويس اوي اني باعترف تماما بالحب و انه خارج تماما عن اراده البشر.. :rolleyes: .

علي فكره الحقيقه بقه ان الموضوع ده طرحته كله كده بسبب موقف حصلي من واحده صاحبتي المفروض انها قريبه مني لدرجه كبيره جدا

و للاسف حصل منها اللي ما كنتش اتوقعه...و تعبت جدا بسبب الموضوع ده و ساعتها حسيت اني غلطتي

مش في ثقتي فيها ...لكن غلطتي في اني ما توقعتش.... :closedeyes: و ده هو بيت القصيد

اما امنيتك ليا بحب عميق و عنين مفتحه.... -_- صعب اوي يجتمع الاتنين دول مع بعض :D

[Folana]

السلام عليكم ورحمة الله.....

نانو حبيبتى...يسترك ربنا ويخليهملك...هو ايه الموضوع بالظبط؟؟؟ :closedeyes: ايه بقى ..هه ..ايه.. :rolleyes:

انا لما دخلت الموضوع بالصلاتو على النبى...كان بيتكلم عن الثقة ..مش كده؟

وبعدها بمحطتين لاقيته قلب حاجات تانية...ميمكن اعرف انتم بتتكلموا عن ايه علشان نفسى اتكلم معاكم ..ميمكن؟؟

ابو زياد.....انت كتبت فى احدى مداخلاتك عن سيدة فاضلة مانعرفهاش..واجزمت بانها بتخون زوجها هى كمان ...ابو زياد...الله يكرمك ..بلاش كده....احنا مانعرفهاش ..ومافيش داعى نقذف المحصنات ...

الله يخليك ...انا خايفة عليك....خلينا نتكلم فى حدود الموضوع المفتوح للمناقشة..بلاش نشد الناس من شعرها وهى قاعدة فى بيوتها لا بها ولا عليها ....بالله عليك....اوكى؟...يالا الله يبارك لك

[nancy]

نانو انت افترضتى فرض غريب جدا

مين الى بيثق دلوقت ثقة عمياء فى اى حد

مش مفترض انك تثقىفى الاصدقاء والجيران والزملاء

انما فى زوجك وواولادك لازم يكون فية ثقة وسببها المحبة والعشرة والترابط

انما غير كدة مش مفترض الثقة ومن اصلة تثقى لية او تخونى لية

طبيعة العلاقات لا تستحق الابعاد العميقه دى من الثقة والتخوين

بالنسبة للخيانة دى صفة شخصية ملهاش دعوة بالنوع راجل ولا ست

والراجل لو خان مش حيخون مع معزة حيخون مع ست فبرضة الغلط مشترك من الطرفين

[Gihan]

طب ما احنا الاتنين بنهاتى في نفس القصيدة يا نانو

لازم نحب خالص خالص ونثق اوى بس لو الانسان اللى وثقنا فية خان مش لازم نحس اننا غلطنا عشان حبينا ووثقنا

واكيد ح نزعل ونبطل نثق في الانسان دة ويمكن حتى نكرهة لكن مش لازم نبطل نثق فى الاخرين وفي الثقة نفسها

لما نحب ونثق لازم نتقبل اننا ممكن نتخان

ماشى يا ستى بلاش حب عميق وعينين اتنين مفتحة خليها واحدة بس زى التعلوب

[نانو]

نانو انت افترضتى فرض غريب جدا

مين الى بيثق دلوقت ثقة عمياء فى اى حد

مش مفترض انك تثقىفى الاصدقاء والجيران والزملاء

انما فى زوجك وواولادك لازم يكون فية ثقة وسببها المحبة والعشرة والترابط

انما غير كدة مش مفترض الثقة ومن اصلة تثقى لية او تخونى لية

طبيعة العلاقات لا تستحق الابعاد العميقه دى من الثقة والتخوين

ازاي ما تستحقش...هل مش المفروض انك تثقي في الزملاء و الجيران والاصدقاء؟؟؟

لا طبعا لازم اثق فيمن يستحق منهم الثقه ...علي الاقل بالنسبه لي العلاقات ديه بتكون جزء كبير جدا من حياتي و تستاهل الثقه و الحقيقه انها بتاخد ابعاد عميقه جدا

صحيح العلاقه مع اسرتك ...زوجك واولادك ممكن تكون اقوي لكن لازم كمان يكون لك علاقات اجتماعيه علي درجه من العمق...

طب ما احنا الاتنين بنهاتى في نفس القصيدة يا نانو

لازم نحب خالص خالص ونثق اوى بس لو الانسان اللى وثقنا فية خان مش لازم نحس اننا غلطنا عشان حبينا ووثقنا

واكيد ح نزعل ونبطل نثق في الانسان دة ويمكن حتى نكرهة لكن مش لازم نبطل نثق فى الاخرين وفي الثقة نفسها

لما نحب ونثق لازم نتقبل اننا ممكن نتخان

ماشى يا ستى بلاش حب عميق وعينين اتنين مفتحة خليها واحدة بس زى التعلوب

طيب الحمد لله انتي اهوه فهمتيني

ست الكل فلانه

الموضوع الاصلي اللي كان قصدي افتحه هتلاقيه في اول مداخله خااااالص .... يعني في راس الموضوع

و ايدك معايا بقه ...و نخرج من موضوع الخيانه الزوجيه

و خلينا نفرد الموضوع كبشر بينهم اشكال كتير من العلاقات ...صداقه ....زماله.....جيره.....اخوه....زواج

و انا عن نفسي عماله بشرح وجه نظري من بدري اهوومستنيه

هتلاقيها في اول مشاركه و اللي بعدها برضه ليا

انا بعيده تماما عن الشك يا جماعه....الشك ده مرض ...و لا بتكلم عن الخيانه لانها برضه مرض

انا بقول لازم نسيب مساحه للخطا بما ان احنا بشر مش جماد...

علشان لما يحصل شئ من حد عزيز لدينا ...ما ناخدش صدمه قاتله توقعنا علي الارض

حلو كده..اهيه بسيطه خالص

[nancy]

عرفة يا نانو انا اتخميت فى ناس كتير ومن هول الصدمة كنت بامرض بجد ويجلى ما يشبة الحمى

وبعدين اتعلمت ان الثقة شىء متبادل وان الشخص عموما هو موقف ييكون فية مسؤل ومحل ثقة او لا

مش معنى كدة انى لا اثق بالاخرين ولكن الثقة مش شىء سهل

فلازم اكون انه شخصية يمكن الوثوق بيها والاعتماد عليها

وبعدين ادى الفرصة للاخرين لاثبات انهم على نفس المستوى الى عندى دة من الثقة وتحمل المسؤلية

قادر الشخص يكون كدة

بقى ممن اثق بهم ... مقدرش يبقى اتحول معاه لمجرد شخص نتكلم ولكن لا ننتظر شىء من وراء الحوار

فانى لا اثق بسهولة .. ايوة

لكن الغربة بتعلمك التعامل مع الناس ولما بترجعى بتعرفى مين الى تغير فى غربتك وانت مش موجودة وهكذا

كل يوم تضيفى ناس وتحزفى ناس

[أبو زياد]

إخوتى الأعزاء :

السلام عليكم و رحمة الله

ودمتم بكل خير

أبدأ منذ انتهيت مع اخى العزيز الديزل

عم الشباب الموضوع بدأبالثقة عموما ثم تطرقنا إلى الثقة بين الزواج ولا اظن أن هناك مانع لذلك و ساوجه حديثى للأخت نانو :

بصفة عامة و ليس فى موضوعنا هذا فقط ماذا يمنع من التطرق لكافة جوانب أى موضوع مع العودة لأصل الموضوع فى أى وقت - فأفكارك كلها جديرة بالإحترام وأرجو أن تشاركينا بها وان تسمحى لنا بتناول أى جانب آخر -

و الموضوع الذى قصدتيه لم يتأثر و خصوصا إنى عايزك تدخلى فيه مباشرة و كلنا معاكى قلبا و قالبا

الأخت مرمر :

إنتى بقة كل دة قاعدة تتكلمى و انتى :

مش متجوزة ؟! :lol:

أختى فلانة : لقد تحاملتى على بردك واتهامك لى بهذه التهمة الشنيعة والله يعلم أنى بريء منها و لم أقصدها

فنحن جميعا و أنت أولنا على درجة من الوعى الكافى بأننا لا نستطيع أن نتهم أشخاص لا نعرفهم و لا نعرف عنهم شيئا إلا ما نذكره ونناقشه - فإذا افترض أحدنا شيئا - مجرد افتراض - لا يعنى إطلاقا اتهام لأى أحد و لكن فكرة افتراضية لتوصيل الفكرة التى يتم النقاش حولها حتى لو خاننا التعبير.

عموما أعدك فى المرة القادمة أن أتروى فى اختيار الألفاظ و العبارات حتى لا يفهم ما أعنيه خطأ أو يؤخذ على علاته

الأخت نانسى :

كلماتك هادئة وواعية و أرجو منك الإستمرار فى نفس الحديث

الأخت جيهان :

لقد وصلتى إلى بيت القصيد كما يقولون و أستخلص من كلامك :

أن ثقتنا إن لم تكن فى محلها لا ينبغى أن نندم على ذلك

أختى نانو :

أستأذنك فى أن نستمر معا فى أصل الموضوع و فروعه و أظن أن هذا يثرى الموضوع و لا ينقص منه

فى انتظار أن تقصى لنا تجربتك و تشاركينا برأيك فى كافة الجوانب

تم تعديل 14 نوفمبر 2006 بواسطة أبو زياد

[نانو]

عرفة يا نانو انا اتخميت فى ناس كتير ومن هول الصدمة كنت بامرض بجد ويجلى ما يشبة الحمى

دلوقتي بس عرفت ليه كان ردك حاد و موقفك حاد لما قولتي طب و ليه نثق اوي و ليه نخون اصلا

من حقك انك تفكري كده و انك تلغي اجنده المعارف القويه بكل اشكالها

لكن طبعا موقفك مش هنقدر نعممه...انت يبقي كتر خيرك لحد كده

ابو زياد ...تحت امرك نكمل الكلام في كل الاتجاهات علشان نقدر نستفيد

انت طلبت مني احكي عن تجربتي الشخصيه

و الحقيقه هي اللي خلقت عندي التفكير ده والاحساس ده

و يمكن لما احكيها هتقدر تفهم وجه نظري بالضبط و انها مش موجه للخيانه بالتحديد

شوف انا كان ليا صديقه عمر زي ما بيقولوا يمكن علاقتنا مش منذ الصغر لكن علي الاقل قويه بدرجه كافيه علشان نقول كاننا اتولدنا مع بعض

و كان لينا اصحاب كتير و كل ما واحد تتجوز و تسافر بره مصر تتغير و تصاب بالبرود في علاقتها معانا...و كانت دايما تقولي اوعي لما تسافري تتغيري زيهم....طبعا علي سيبل الهزار ...لان انا من النوع اللي بانتمي جدا لاي شئ و كل شئ عاشرته و لو يوم واحد

المهم اول اجازه كانت الامور كويسه جدا بينا و عادي

الاجازه الاخيره ديه انا الحقيقه كان عندي ظروف مرض بناتي الاتنين و كنت عايزه اغير طريقه العلاج و رغم اختلاف نوع المرض

الا ان كل واحده فيهم بتحتاج فتره علشان اثر العلاج يبان و بالتالي كان لازم اول ما انزل الاجازه ابدا بزياره الدكاتره....و كنت بجرب لكل بنت فيهم علي الاقل 3 دكاتره و طبعا كنت بسافر القاهره...واكيد كنت مشغوله جدا و مع ذلك اول ما وصلت جات لي مره واحده و بعدها

حاولت اني ادعوها كتير مش بتيجي...و حصل منها موقف صعب اوي مش هينفع احكيه بس عرفته من ناس تانيه...و مع ذلك تغاضيت عنه و قلت كل واحد ليه ظروفه لكن كنت متاكد مليون في الميه انه حصل

و خلاص خف الاتصال بينا باقي الاجازه و كنت باحاول اعمل كل حاجه فيالاجازه ازور اهلي و اصحاب و اروح للدكتور و اسافر اصيف و ارجع تاني اكمل متابعه عند الدكتور

و اكيد كل ده ما كانش طبيعي ووقتي كان ضيق جدا و في النص كنت باحاول كتير اني اشوفها ترفض و تتحجج بابنتها

و قلتلها الاجازه هتخلص و مش هنشوف بعض...ردت بكل هدوء مره تانيه...

قبل نهايه الاجازه بيومين اكتشفت انها لازم تشوفني و اني تقريبا لازم اكون معاها لوحدها بس اليومين دول...و طبعا ده مستحيل يحصل

و كانت النهايه قبل السفر بيوم...انه كفايه اوي علاقتنا لحد كده. :closedeyes: ..ديه كانت كلمتها

و ما شوفتهاش يوم سفري

و اتصلتش لما جيت ....و مع ذلك حاولت اتصل بيها من هنا ..حاولت ابعت مسج....ابعت علي الايميل...دون رد

و بس خلاص ..علي راي شعبولا

الموضوع كان اكبر صدمه في حياتي...الموضوع مالوش دعوه بالخيانه...لاني باعرف اختار اصحابي اللي اثق فيهم علشان يبقوا فعلا اصحابي

بس الموضوع هنا ...انه عمري ما توقعت ابدا انه يحصل و منها بالذات

الظروف اللي مريت بيها في مرض ولادي فوق الاحتمال لاني كنت في الغربه و ما كانش ينفع اقول لاهلي و اقلقهم علينا في الغربه ماحدش عرف غير لما نزلت مصر..لكن هيا كانت عارفه....و كمان عارفاني كويس..و ان الامر كان بجد صعب عليا

و اني غير متزنه..طيب مين ممكن يقف جنبي و يتحملني ...حتي لو كنت اتشغلت عنها في مصر ولو انه ما حصلش بشكل مبالغ فيه ...و المفروض هيا اكتر واحده تقدر مش اكتر واحده تبعد و تتصرف بمنتهي الانانيه....

و للاسف هيا اليومين دول بتحاول تقرب لكن انا .....خلاص تماما الموضوع منتهي و بدون ادني نقاش ولا فتفوته واحده ....

الموضوع ده شكل لي اكبر جرح في حياتي ...ولاني كنت فعلا مظلومه فيه ربنا عوضني بصديقه هنا في الكويت بقينا اقرب لبعض حتي ما كنا انا و هي

ربنا عوضني بيكم و بالمنتدي ده و اللي ربنا يعلم انا حقيقي ليا فيه اصدقاء و واكتر من اخوات كمان و اللي دخلته بعد رجوعي من السفر بايام و كنت في عز الازمه

و بعد ما فوقت اكتشفت انه ما ينفعش يبقي ثقتنا في شخص ايان كان تكون 100% لازم نعمل احتمال لوجود عمال بشري و ضعف انساني لازم

مرمر ...لما تتجوزي هتعرفي ان الرجاله كلهم مش خاينين..ده بس بيحصل في الافلام العربي :rolleyes: الدنيا مليانه ناس مخلصين صدقيني

تم تعديل 14 نوفمبر 2006 بواسطة نانو

[أبو زياد]

الأخت الفاضلة نانو :

شكرا لك على الثقة التى أوليتينا بكتابة هذه التجربة :ninja:

وأرجو ان يكون أحدنا محلها و أهلا لها

واود قبل أن أدلى بدولى أن أوضح بعض الأمور

سيدتى ما حدث بينك وبين صديقتك ليس مشكلة أو أزمة ثقة

لذلك أرجو الحديث فى موضوع جديد إسمه : سوء التفاهم بين الأصدقاء :)

لقد حدث معى و يحدث كل يوم ليس فقط مع أصدقائى ربما مع بعض إخوتى

وقد مررت بهذه التجارب و بأن أقطع العلاقة

لقد تكرر الحديث عن قطع العلاقة فى حديثك أكثر من 4 مرات

فهل تساءلتى يوما عن جدوى أو مغزى قطع العلاقة مع أحد

هل هو طرف يعاقب طرف ؟ ومن هو المعاقب فى هذه الحالة

بل من هو الحكم - باختصار مين الغلطان ؟

الجواب من عندى انه لا يوجد طرف مخطىء و طرف مقصر ولا يوجد سبب لأن تندمى على ثقتك فى أحد

هذا الرد مبدئى و أولى و لكن يجب ألا أسهب حتى أعطى لك فرصة و لإخوانى حتى نتداول الحديث

وفى انتظاركم

[أبو زياد]

طيب مادام محدش رد والليمون خلص من عندنا

أكمل أنا زى بعضة بس ماتاخدوش على كدة

أولا يا شباب انا عايز أذكركم بالموضوع دة برأى قلته من زمان

إنكوا تنسوا حاجة إسمها عنوان الموضوع و صلب الموضوع وحديد الموضوع و المسميات الضخمة

إحنا هنا فى محاورات المصريين و معنى محاورات انه توجد مواضيع جاهزة للمناقشة و هى التى تظهر أمامك وأمامى أول ما تفتح ( المشاركات الجديدة ;) )

الموضوع اللى يعجبك عنوانه تدخل فيه وتقرا جميع المشاركات سامع ؟ B)

وبعدين تشارك برأيك بناء برضه على جميع المشاركات والمهم هنا :

لا يوجد قيود على أى شىء تقوله طالما انك لا تجرح أحد غير موجود

طبعا دلوقت كل واحد عايز يشمر و يقولى الموضوع دة مكانه شئون المحاورات مش هنا أو إفتح موضوع جديد

بصراحة بقة باقولكم جميعا ودة كل اللى عندى ماحدش يقوللى كدة تانى واللى يقول كدة !!! :angry:

بس

أختى نانو :

أستأذن سيادتك فى إستئناف الحوار ( فى صلب الموضوع ) تحت عنوان :

متى تقطع علاقتك مع إنسان ؟

[nancy]

نانو حبيبتى انت اسكندرنية جميل خلاص نعقد صداقة جامدة جدا وكمان عندك ياشو اسكندرنية ودى حتة صحبة جميلة جدا

بس برضة الاجازة حتاخدنا ونتقابل ولو مرة بس جميل نتقابل فى الصيف

وربنا يكرمك ف بناتك

وبرضة حتى لو زعلانة من صحبتك متوصليش لخط الا رجعة مش حاقولك حتحتاجى صدقتها لا

يمكن هى الى تحتاجك ومن المقاطعة الى بنكم تخاف تكلمك وتبقى خسرتى انك ممكن تخففى عنها

فاعملى فاصل بنكم اه بس بالاش مقاطعة نهائية

ابو زياد اشكرك على رايك فى كلامى وحنستمر

وشوف تحب تخلى مناقشة موضوع امتة تقطع علاقتك بحد هنا ولا فى موضوع منفصل

بس انا حديلك نبذة عن امتى لازم تفصل عن حد

1- لو الشخص حسيت بانة بيكرهك جدا بس عاوز يفضل جنبك لمجرد انة يشوف حتقع امتة حتى لو مسهمش فى دة بس هو حاسس انك فاكر نفسك حاجة

2- لو شخص بيدخل فى حياتك اكتر من اللازم ومتخيل انك لازم تسمع كلامة

3- لو شخص بيتكلم عليك فى غبتك بالسوء وبيحفرلك

4- لو شخص عينة على حاجة ملكك

5- لو شخص عبيط مبيعرفش يقول اية امتة وبيسبب لك احراج كبير

6- لو شخص مش بيصون سرك ( مع اعتقادى ان لو انت بحت بسرك يبقى انت الى خنت نفسك اصلا )

دى بعض الاسباب الى تخليك تبعد عن حد وزى ما قلت لنانوا انا مش باحب اخسر حد لازم ابعد بس افضل فى الصورة حتى لو مش فى الفوكس :angry:

[نانو]

طبعا يا حبيبتي نعقد صداقه جامده جدا و حلوه جدا زي الاسكندرانيه بالضبط....و ياشو انا بس بشوف اسمها بس مش بتكتي تقريبا...خليها تخش معانا بقه علشان نقوي الرابطه

و بعدين ده احنا باذن الله لازم وضروري جدا ان احنا نتقابل في الصيف بجد هيبقي يوم يجنن...و ياريت كل المحاوراتيه يجوا عندنا اسكندرنيه علشان احنا ستات طيبين و غلبانين و مش هنقدر نسافر القاهره...فعليه يروحوا كلهم يحجزوا الديزل كامل لصالح المحاورات و يجوا اسكندريه

و ابقي خليكي معايا علي دخول الصيف نبقي نشيع هذه الفكره المتطرفه

بالنسبه لصاحبتي

شوفي انا صعب اوي ازعل من حد بجد...تلاقيني متسامحه جدا و احيانا لدرجه الهبل...لكن اللي حصل المره ديه

اني قلت لها انا محتاجالك و ماردتش ....هنا بقي صعب اوي اوي اني ما اتغيرش....غصب عني

انتي عارفه انها اليومين دول بتحاول كتير تكلمني ....بس انا للاسف الكلمه و رد غطاها لاني برضه ما اقدرش اقطع و اتحرج حد يكلمني و ما اردش عليه مش ممكن اعملها...لكن انا من جوايا اتغيرت

بالنسبه بقه للاسباب اللي طرحتيها علشان تقدري تقطعي صلتك بشخص....كلها اسباب وجيهه

بس تصدقي بقه انك هتلاقي حواليكي كتير ممكن يكون فيهم الصفات ديه و بالتالي هتلاقي نفسك بتقاطعي كل الناس

انا عندي اقتراح جميلو بطبقه و ماشيه بيه و زي الفل

الناس في حياتنا درجات

يعني انت ممكن يكون ليكي صديقه واحده بس...و معارف كتير...و حتي المعارف دول بيبقوا درجات...يعني تقدري تختاري مين منهم ممكن تقوليله ايه....فاهماني حضرتك

ساعتها مش هتزعلي من حد (الا صديقتك طبعا لو عملت موقف مش حلو) لانك هتكوني بتعاملي كل واحد علي اد حجمه

[أبو زياد]

ما شاء الله ماشاء الله

زادت الصحبة السكندرية و ماتنسوش إنى عازمكم على أيس كريم عند عزة ( إمتى ؟؟ :huh: )

أحيى كل واحد بإسمه تحية اسكندرانى أيووووه

بس انتى اللى عبرتينى يا نانسى فى الموضوع دة - ليكى واحد حجم عائلى :)

أيوه يا نانسى كلامك عبر ماشاء الله عليكى

على فكرة كنت عاوز أسألك أو أى حد - فين صفاء صاحبة تويتى ؟

بالظبط كلامك يا نانسى 100% و قد طبقته من قبل مع اتنين انطبقت عليهم نقاطك 1ل5 الأولى بالظبط

و قد سعدت الآن لما حدث و أعيش فى سعادة حقيقية و لكنننننن:

هما قرايبى و هذا ما يؤرقنى ..... صلة الرحم :unsure:

فى انتظار رد الجميع

راجعوا النقط السبع للأستاذة نانسى

تم تعديل 20 نوفمبر 2006 بواسطة أبو زياد

[yacho]

نانسى حبيبتى وروح قلبى .. نانو العزيزه .. ادينى جيت اكتب اهو .. واقولكم ان الاجازه دى

لو شفتكم فيها وده اكيد ان شاء الله .. حتتبقى احلى اجازه لنا وللولاد كمان .. فى كام مكان

ف اسكندربه ممكن ولادنا يقضوا فيهم اليوم سوا .. واحنا نكون مع بعض .

بالنسبه لموضوع الثقه يا نانو .. فهو موضوع حساس جدا وانا باتعامل معاه من منطلق ان

خير الامور الوسط .. يعنى انا لا اعطى الثقه كامله لاي مخلوق حتى لاولادى لغاية سن معين

وبعد السن ده ان شاء الله حتنعدم الثقه فيهم تماما :angry: عاتى .

لا .. بجد .. انا اللى اقصده فى التعاملات الخارجيه .. المفروض ان نتعامل دايما بحذر عشان

مايحصلش معانا زى ما حصل مع نانسى .. ونتعب ونتاثر .. يعنى مانتعشمش ف الناس قوى

سبحان الله يا نانسى .. السبع نقط بتوعك فيهم الشفا .. ووالله انا فى واحده اعرفها هنا

من 10 سنين ولغايه دلوقتى اعرفها وصاحبتى وفيها السبع نقط بتوعك ومفيش اى مشاكل

ليومنا هذا عارفه ليه عشان عمرى ما بدى اكتر من اللى ادامى يستاهل انه ياخد منى ولذلك مش باندم

لانى عارفه الحقيقه والعلاقه قائمه .. ولو لها نهايه فى يوم من الايام ف مش حكون مفاجئه ليا .

لكن برافو عليكى زى مانتىقلتى .. ماتخلليهاش ف الفوكس

معلش انا باكتب باستعجال عشان لازم ارجع الولاد المدرسه .

وان شاء الله حارجع احاول اكتب بتركيز اكتر

تم تعديل 20 نوفمبر 2006 بواسطة yacho

[نانو]

يا اهلا يا ياشو

هو بقه سيادتك مش بتكتبي الا بدعوه خاصه ولا ايه

طيب يا ستي عموما نورنتينا و الدعوه مجدده و متجدده ليكي دائما

اه شوفتي بقه انت معايا في ان الصفات اللي ذكرتها نانسي ممكن تكون موجوده كتير في ناس كتير حوالينا بس الشطاره بقه

مين تقوليله ايه و امتي و فين :angry:

و ياريت ان شاء الله نتقابل بجد في الصيف

ابوزياد الايس كريم بتاعي بحبه فانيليا بسكوته....اوكي.... اعمل حسابك من دلوقتي

و بالنسبه لقرايبك...طبعا صله الرحم اولي من اي شئ ....بس من بعيد لبعيد و علي القد كده علشان ما تتاذاش

[أبو زياد]

مين قالك يا ماما إن لكى آيس كريم ؟

الآيس كريم للأسكندرانية الجدعان بس !! :angry:

بقى أنا اكتب مشاركتين ورا بعض من 5 أيام و محدش يعبرنى بكلمة وأول ما نانسى تكتب تردى عليها بعد ساعة و ربع ؟

هى دى الجدعنة ؟

أمال لو ماكانش موضوعك وقلتيلنا ماقصدش اللى كتبتوه عن الأزواج رحنا مغيرين الموضوع و خايفين على زعلك

...................كدة برضة يا نانو ؟

بس معلش عشان خاطر الباشمهندسة نانسى والأستاذة ياشو زى بعضه حاكمل :angry:

النقاط السبع للمهندسة نانسى واضحة جدا و مدروسة بعناية - يعنى واضح جدا أن كل منها يحمل أكثر من تجربة

ولا أعتقد إنها تنطبق معى على أشخاص كثيرين ولكنها صحيحة و مقنعة

الدين الإسلامى لا يحل قطع الرحم على فكرة لأى سبب كان و أنا لم أقطع رحمى لأنهم نسايبى أما قرايبى ( زوجاتهم ) فالحمد لله الصلة موجودة على خفيف

على فكرة كلكم كررتم إنها 7 نقاط وأنا ضحكت عليكم لأن نانسى قالت 6 بس أما السابعة فمن عندى وهى :

7- أن تحس أن هذا الشخص يعاملك بطريقة مختلفة عن الباقين mfb:

كفاية كدة النهاردة ؟ أوكى الآيس كريم على حسابك يا أخت نانو - زى بعضه :)

أما عن موضوعى القادم وهو : هوة حرام الرد على الرجالة فى المحاورات ؟ :excl:

فاكرين صفاء يا جماعة ؟

............كفاية كدة ؟

[nancy]

يا شو وحشتينى جدا

انا دلوقت منتظرة الصيف على احر من الجمر

ومستعدة نتقابل فى الاسكندرية

واسافر اقابل الى فى القاهرة

ورايحة دبى كمان اسبوعين وحاتعرف على الى فى دبى

انا حبه كل الى فى المنتدى وعاوزة اقابلهم كووووووولهم

وبعدين الاسكندرنية الرجالة نتقابل كلنا عند عزه وابو زياد متولى الموضوع

:rolleyes:

وبعدين لو على نقط البعاد الى ممكن تخليك تتخلى عن الناس فية 100 نقطة كمان

وممكن الى عندة نقطة بناءاً على موقف حصلة يكتبة حتى لو مش حابب يكتب الموقف

[نانو]

مين قالك يا ماما إن لكى آيس كريم ؟

الآيس كريم للأسكندرانية الجدعان بس !! :rolleyes:

يا سيدي ميرسي ....فعلا غلطتي اني طلبت منك

بقى أنا اكتب مشاركتين ورا بعض من 5 أيام و محدش يعبرنى بكلمة وأول ما نانسى تكتب تردى عليها بعد ساعة و ربع ؟

هى دى الجدعنة ؟

اوقات بتبقي مش في مود انك تكتب ولا حتي نص كلمه...و اوقات بتبقي مش عايز تفكر...و اوقات بتبقي عايز و مش قادر

و في الاول والاخر انا اللي فاتحه الموضوع و اكيد يهمني ان احنا نناقشه من كل النواحي...و اكيد مش كل الافكار هتكون عندي

أمال لو ماكانش موضوعك وقلتيلنا ماقصدش اللى كتبتوه عن الأزواج رحنا مغيرين الموضوع و خايفين على زعلك

...................كدة برضة يا نانو ؟

و انا هازعل من ايه بس يا ابو زياد

بس اصل موضوع خيانه الزوج ده موضوع بحس انه بيقلب بين حرب ما بين الرجال و الستات بطريقه مش ظريفه و غير موضوعيه

لان الدنيا مليانه رجاله محترمه و برضه مليانه ستات محترمه....و بلاقي ان كل واحد بيتفنن انه يلقي التهم علي الاخر ...غير ان ده مش صلب الموضوع خالص

بس معلش عشان خاطر الباشمهندسة نانسى والأستاذة ياشو زى بعضه حاكمل :D

مرسي للمره التانيه.....

نرجع بقه لموضوعنا

انا لقيت موضوع ظريف ممكن يفيد موضوعنا ده و حبيت انقله هنا

اكتشاف الشخصيات المؤذية

قبل إقامة صداقات معهم

21 نمطاً من الصداقات السلبية المحتملة

الموضوع ده من كتاب اسمه ( عندما تكون الصداقه مؤلمه) للكاتب د.جان ياجر

يقول د.جان في كتابه

"ليست هناك من طريقة سحرية للتنبؤ بأن هذا الصديق أو ذاك سيثبت أنه موثوق به وستكون علاقتك به لها أثر إيجابي في حياتك أو بأنه أو عكس ذلك بأنه سيسبب لك آلاماً عاطفية أو مشاكل شخصية ".

وكما يقولون " التحذير المسبق سلاح قوي".

سوف أسرد لكم الـ 21 نمطاً التي ذكرها الدكتور في كتابه

وهذه هي الانماط:

1- مخلف الوعد (دائماً ما يخيب ظنك ولا يفي بوعوده).

2- أناني الحاجة (يقترض منك ولا يعيد إليك الأشياء الثمينة أو القيمة).

3- الخائن (يخونك حتى لوقت طويل).

4- المجازف (يعرضك للأذى والضرر بسبب سلوكه غير المشروع أو الخطير).

5- المتمركز حول ذاته (ليس لديه وقت ليستمع إليك).

6- الغشاش (يكذب أو يسرق منك).

7- الفاضح ( يفشي أسرارك ويخون ثقتك فيه).

8- المنافس (مولع بمنافستك ويرغب دائماً فيما لديك من علاقات ووظيفة وممتلكات).

9- الأعلى مقاماً (يشعر دائماً بأنه أفضل منك).

10- الغريم (يرغب في كل ما تملك أياً كان وربما حاول أغتصابه منك).

11- الباحث عن أخطائك (يفرط في إنتقاده لك).

12- المحبط (سلبي وناقد وحزين على نحو دائم ويجعلك على شاكلته أيضاً).

13- الرافض (يكرهك ويظهر ذلك).

14- المعتدي (يؤذيك شفهياً وجسمانياً).

15- الانطوائي (يفضل أن يكون بمفرده على أن يكون مع صديقه).

16- مصاص الدماء (يفرط في أتكاله عليك).

17- المعالج (يحتاج إلى تحليل كل شيء ويعطيك النصيحة دوما).

18- المتطفل (يقحم نفسه في حياتك).

19- المقلد (يحاكيك).

20- المسيطر (يحتاج إلى أن يسيطر عليك أو على الصداقة).

21- الوصي (يرغب في أن يكون بمثابة الحارس الأمين أو الوالد أو الحاضن ولا يرغب في أن تكون علاقتكما متكاتفة)

و اعتقد انه اي واحد بيكون فيه احد الصفات ديه هيبقي صعب انه يتحط كصديق ...و لكن ممكن يكون من المعارف...سواء ان كان زميل عمل او جار او قريب

تصدقي يا نانسي انا بجد نفسي اشوف الناس كلها في يوم واحد و في وقت واحد و ياريت يكون بكره الصبح و اقعد احذر و افزر مين ده و مين ده

:)

[أبو زياد]

فعلا يا أخت نانو معك حق

احيانا كثيرة يكون الإنسان غير قادر على الكتابة

وفى هذه الحالة ينبغى له ألا يكتب شيئا !

شكرا لك وسأستكمل الموضوع فيما بعد

[الرافعي]

فعلا يا أخت نانو معك حق

احيانا كثيرة يكون الإنسان غير قادر على الكتابة

وفى هذه الحالة ينبغى له ألا يكتب شيئا !

شكرا لك وسأستكمل الموضوع فيما بعد

أعتذر بشدة يا جماعة على تأخري في قراءة هذا الموضوع، لكن في الحقيقة أنا كنت باستعرض مشاركات الأخ الكريم أبو زياد (بصراحة يعني مش عيب إني أصرح بكده)، وقد فوجئت بهذه المداخلة التي ترد بكل إيجاز وفصاحة وصدق على ما أشعر به في بعض الأوقات فأحس بعدم القدرة على إضافة شيء أو المشاركة .. فأسكت .. لمدة

(من كان يؤمن بالله واليوم الآخر .. فليقل خيراً أو ليصمت) كما قال النبي صلى الله عليه وسلم.

لهذا توقفت قليلاً في الفترة السابقة ..

اعذروني مرة أخرى على التأخير، وكامل تقديري للمشاعر الأخوية التي تبادلتموها في هذا الموضوع، والأفكار الجيدة كذلك.

تحياتي لكم جميعاً ولك يا أبوزياد