ممكن حد من اسكندريه يقول لنا الحقيقه

[abo_sameer]

الـقصــه غريبه جدا . بل ان احداثها لا تزال شاهده للحاضر .

فهل القصــه حقيقيه او انها من اساطير والخرافات . المزعومــه

القصـــه

اسمحوا لي ان اقص عليكم قصه واقعيه وما زالت شواهدها موجوده حتى اليوم في مدينة الاسكندرية بمصر المحروسة وتحديداً في حي مصطفى كامل وعلى شارع ابو قير توجد بناية مكونه من ست طوابق تقع على ناصية شارع جانبي يؤدى الى محطة ترام مصطفى كامل الصغيرة هذه البناية مبنيه منذ اكثر من عشرين سنه ولم يتمكن اي انسان من البقاء داخلها اكثر من ليلة او ليلتين حيث يجد ما وضع فيها من اثاث او حقائب طاير من الشباك ومرمي في الشارع اضافه الى اصوات خبط وفتح وقفل الابواب والشبابيك طوال الليل ؛؛؛؛

هذه البنايه يقال ان صاحبها ومن شدة جهلة برمي عدد كبير من المصاحف مع الاسمنت والرمل والزلط في اساسات البناية ند بداية انشاؤها وذلك بهدف (البركة) حسب ما توصل اليه عقلة الضلم وجهلة بالدين ؛؛ وتحولت هذه الفكرة الغبية الى نقمه على صاحبها وكل من يحاول الاقتراب منها حاليا تم اقفال جميع مداخل هذه البناية وكذلك المحلات الموجوده اسفل البناية كلها تم اقفالها بحوائط من الطوب الاحمر ولم يستطع احد حتى اليوم الاقتراب من هذه البناية او حتى التفكير في هدمها تحياتي

وكمان سمعنا أن العمارة تم بنائها بالمشاركة بين مصري ومغربي

ولكن الأوراق كانت بإسم المصري وعليه قام الشريك المصري بخيانة صاحبه يعني قاله ملكش عندي حاجه فقام صاحبنا المغربي واللي كان له علاقات وطيدة مع الأسياد بتسليط الأسياد ع العمارة حتى أنه يقال أن المصري حاول مصالحة صاحبه المغربي إلا أنه رفض وقال ستظل العمارة هكذا مسكونة ولا يستفاد منها أحد

هذه القصــه كما نعرفها .. من لديه معلومات حقيقيــه ..ممكن يوضح لنا ,؟

ملاحظ فعلا ان العمارة دي في مكان استراتيجي رائع

والى متى ستضل مشاكلنا مع الاسياد

تم تعديل 10 نوفمبر 2006 بواسطة abo_sameer

[مصري في الكويت]

لا اعرف روايتك حقيقية أم لا

انا لست من اسكندرية ولا اعرف هذا المكان

لكن مرة تحدثت من شخص من المغرب واخبرني ان أهل المغرب يقولون عن المغرب بلد الشيطان وتحديدا مدينة كازابلانكا

لاستخدامهم السحر الأسود .... واكد لي هذه الرواية اكثر من شخصي مغربي اخر التقيته علي الانترنت

فربما .... لما لا والله اعلم

[اسود وتعالب وارنب]

انا من الاسكندرية وتحديدا من مصطفي كامل بجانب البناية نفسها ونحن انفسنا الا نعلم الحقيقة كل القصص تقريبا خرافية ومن تلك القصص ان صاحبة العمارة سيدة ندرت ان شفي ولدها تبني هذه العمارة مسجد وعندما شفي الولد غيرت رايها وبنتها عمارة وكلها تقريبا قصص غير حقيقية وحتي نحن المقيمين بالقرب من العمارة لانعلم الحقيقة لانها منذ زمن طويل جدا

[نانو]

الحقيقه ان ما فيش حقيقه

لان فعلا العماره ديه موجوده....و سمعنا عنها حكايات لا تعد و لا تحصي

بس اعتقد انه فيها حاجه مش طبيعيه لسبب بسيط..و هو ان العماره ديه موجوده علي شارع رئيسي في الاسكندريه و بالتالي سعر الشقه فيها

عالي جدا يعني صاحبها المفروض انه يكون مليونير

فكونه انه سايبها كده...فده معناه يا اما هو مش طبيعي يا اما العماره هيا اللي مش طبيعيه..و الله اعلم

[قديم]

الشي بالشي يذكر

عموما انا شايف ان المباني المهجوره وهي تحت الانشاء موجوده في اكثر من بلد

ففي السعوديه في الرياض تحديدا فيه عماره على شارع البطحاء عماره تحت الانشاء مبني فيها الهيكل الخرساني فقط

والان بها اكثر من عشرين سنه . مهجوره .

قد يكون سبب في ذلك وفاه صاحب العماره او وحدث خلاف ما بين الورثه .

او ان الورثه غير تاخرو في قسمه التركه حتي تشعبوو وكثيرو..

وهذا السبب قد ينطبق على عماره اسكندريـــــــه

لكن الغريب في عماره اسكندريه .. مع ازمه السكن في مصر . والمتسولين .. ليه ما سكنو فيها ..

هل لها حارس ,؟؟؟؟

اعتقد الاشاعه عن الجن . كانت للحيلوله عن المتسولين لا يسكونها . ومن ثم سرت الاشاعه

[Salwa]

ماشى ...

ولو اننا مفروض لا نعلق على هذه الخزعبلات ...

لكن الحقيقة (( ناس عاقلة )) ...قالت لنا ان السبب يرجع الى انهم بنوا العمارة و.

.( نسيوا ...........الونش ..داخل المبنى ...وفيه مشاكل قضائية كثيرة ).

واعتقد ان دى مش اول مرة ......سبق ان حدث نفس الموقف فى القاهرة ..( انهم نسيوا الونش ايضا ....وعلشان يطلعوه لازم يهدوا المبنى ) ....ذكاء بقى ...

اما حكاية المغاربة ...والسحر...وبلد الشياطين وغيره من الكلام ده....

لى تعليق واحد....

(( هل حقيقة ونحن على اعتاب عام 2007 ....يصدق انسان عاقل ان فيه ....اسياد ؟؟ وعمل ؟؟ ))

العمل هو عمل الانسان ....سواء كان طيب او غير طيب ...

سلام...

[Lembic]

ماشى ...

ولو اننا مفروض لا نعلق على هذه الخزعبلات ...

لكن الحقيقة (( ناس عاقلة )) ...قالت لنا ان السبب يرجع الى انهم بنوا العمارة و.

.( نسيوا ...........الونش ..داخل المبنى ...وفيه مشاكل قضائية كثيرة ).

واعتقد ان دى مش اول مرة ......سبق ان حدث نفس الموقف فى القاهرة ..( انهم نسيوا الونش ايضا ....وعلشان يطلعوه لازم يهدوا المبنى ) ....ذكاء بقى ...

اما حكاية المغاربة ...والسحر...وبلد الشياطين وغيره من الكلام ده....

لى تعليق واحد....

(( هل حقيقة ونحن على اعتاب عام 2007 ....يصدق انسان عاقل ان فيه ....اسياد ؟؟ وعمل ؟؟ ))

العمل هو عمل الانسان ....سواء كان طيب او غير طيب ...

سلام...

شكرا يا أخت سلوى على ذكر إنه غير منطقى أن يكون هناك أحد فى عام 2006 يؤمن بالآسياد والآعمال والكلام الفارغ ده. بجد عيب جدا إن يكون فى إنسان ذو عقل ويؤمن بوجود اسياد وعفاريت بترمى عفش من الشبابيك! ولكن ما كنت أود أن اعلق عليه هو أن تكون حكاية (نسوا الونش داخل العمارة وعلشان يطلعوه لازم يهدوا العمارة) أن تكون هذه القصة حقيقية بهذا هو العته بعينه! يعنى زى الدكتور اللى عمل عملية لمريض ونسى الممرضة فى بطن المريض! الرحمة حلوة بالعقول برضه!

[مصري في الكويت]

نحن علي اخر 2006 وبداية 2007

نعم اؤمن بالعفاريت اي الجن وكل مسلم مؤمن بكتاب الله يؤمن بوجودهم وأنهم ممكن ان يأذوا الانسان ( المس الجني )

ام حكاية يرموا العفش ما عتقدش غير انهم ممكن يأذوا الانسان بأمراض زي الربط او ما شابه

[rehana]

صباح الخير جميعا

انا كنت عايشة فى اسكندرية فترة و كنت بعدى على العمارة دى احيانا و اول مرة وراهالى واحد اسكندرانى و حكالى حكايتها ان تقريبا ناس ماتت محروقة فيها و موش عايزين حد غيرهم يسكن فكرنى بفيلم the otheres

عموما دى حكاية معتادة اوى و بعدين العمارة دى مقفلة كلها ابواب وشبابيك و عليها تراب اد كده

يعنى حتى لو واحد عايز يبات فيها موش هيقدر عشان مقفولة

انا بقول ممكن يكون صاحبها عايش بره

[اسكندرية]

كذلك في الرياض ايضاً مجمع تجاري كبير جداً مازال عبارة عن هيكل خرساني منذ حوالي 25 سنه ، وهو موجود على شارع العليا العام مقابل ادارة تعليم البنات ، والإدارة العامة للبنك العربي الوطني ، يعني في مكان تجاري ممتاز جداً ، ولم يقل احد ان له علاقة بالعفاريت ، ولكوني محامي فقد علمت ان صاحبه توفي اثناء البناء ، وقد اختلف ابناؤه ( غير الأشقاء ، حيث ان بعضهم من ام سعودية والبعض الآخر من ام شامية ) وظل البناء على حاله بسبب عنادهم .

المهم لم يتكلم احد عن العفاريت في الموضوع .

اما عمارة اسكندرية ، فمنذ دراستي في كلية الحقوق بها وانا اسمع كل القصص التي وردت اعلاه ، وقد اكد احد اساتذتنا ( اعتقد انه الدكتور توفيق فرج استاذ اتلقانون المدني رحمه الله ) انه بحكم عمله كمحامي كبير في اسكندرية وقتها يعلم ان الموضوع لا يعدو عن كونه خلافات بين ورثة مالك العقار ــ او فيما اذكر ان صاحبه كان يحاول التهرب من تأجيره تفادياً لقوانين الإيجارات الجائرة .

كما اذكر انه قد وضعت في مرحلة لاحقة لافته كبيرة على تلك العمارة تعلن عن قرب افتتاح فندق بها ، حددوا أسمه ( فندق الصافوري ) ، ولكن للآن لم يتم افتتاح هذا الفندق

[Eldisel]

عـا .. اشتاتان اشتوت .... ربنا يجعل كلمنا خفيف عليهم :) :)

انا حصلتلي قصة مشابهة ( ودي حقيقة بجد لاهية تخاريف ولا اي حاجة ).. ححكلكم القصة

انا من ساعة متولدت في حي شبرا في القاهرة وكان قدمنا شقة مهجورة تماماً ولما سالت ولدي عنها قالي انا من ساعت منقلت هنا والشقة دي كدة معرفش عنها حاجة

وعندما سالت أصدقائي في المنطقة قالولي انها كانت بتاعت وحدة عجوزة وماتت وبعد كدة روحها سكنتها .. وفيها عفاريت .. وللحق كنا بنلعب معاهم نخبطلهم على الحيطة وهما يخبطولنا على الحيطة وظلت الشقة بالحالة دي لغاية يوم موعود...............

في سنة 2002 تقريبا كنت طالع في البلكونة بالليل حولي الساعة 2.30 3:00 الفجر وبلكونة الشقة دي كانت قدمنا لقيت باب البلكونة بيتهز جامد ..... :)

..........

..........

سعتها الخوف دخل قلبي .... وقرأت المعوزتين والناس واية الكورسي وقولت يمكن بيتهيئلي ..... بس الهز تنة مستمر

وفجئة لقيت اضواء وانوار تخرج من ثقوب باب البلكونة ........... والهز زاد .. زاد ..........واستمر الهز يزيد وانا ارتعد من الخوف .. ومن التطفل :)

وفجئة اتفتح الباب ..... :o وخرج شخص ينثر التراب من على ملابسة ... كانت هيئتة غريبة

تمالكت قواي وصرخت فية : انت مين ؟ انس ولا جن ؟

رد علي بصوت اجش قوي وقالي : انا الدكتور عمـــــــــــــــــــــــاد

قلتلوة بتعمل اية هنا .... قالي ابدن انا جاي عشان انضف الشقة واوضبها عشان هتجوز فيها عقبالك

واعدنا نتكلم طول الليل مع بعض لغاية الفجر ونزلنا صلينا الفجر وعرفت ان الشقة بتاعت خالة الي هاجر من زمن طويل وسبها كدة

ونشئت ما بيني وبين العفريت الدكتور عماد صداقة والراجل اتجوز وعندة دلوقتلي ولد سماه عفركوش وبيدلعة ويقولة مصطفى ..(لو عاوزين رقم تلفونة تسالوة كشاهد على الوقعة دي انا مستعد )

:) :D

يجي بتوع التخارف يتفرجوا ... دي تخاريف دي ؟! دي حقائق .. حقائق

تم تعديل 11 نوفمبر 2006 بواسطة Eldisel

[Salwa]

الفاضل Lembic

موضوع انهم سبق لهم ونسيوا ( الونش ) داخل المبنى او بنوا حوالين الونش - ده موضوع اكيد -

وكنا هنا فى المحاورات من كام سنة اتكلمنا على الونش ( المحبوس ) داخل المبنى - بالكتابة والصور -

والمشكلة انى الآن بصراحة معنديش وقت للبحث فى كنوز المحاورات لكنها حقيقة

لم اتعود التحاور فى احاديث غير منطقية

يعلم الله حقيقة ونش الاسكندرية لكن ونش القاهرة حقيقة مؤكدة --

عموما مسألة الجن شئ -- ومسألة الاسياد والعمل وما اشبه ذلك شئ مختلف تماما

واسألوا اختنا الفاضلة فولانة - موضوع - حجاب ام وائل

صباح الخير

[اسكندرية تانى]

فعلا موضوع شقة مصطفى كامل مضبوط و العمارة مسكونة بالجان

و انا فاكر من كام سنة جريدة الاهرام عملت تحقيق صحفى عنها انا قريتة ايامها و حاول الصحفييون انهم يباتوا فى الشقة و كانت النتائج مفزعة بالنسبة لهم و نشروا التحقيق فى الاهرام فعلا

[Folana]

السلام عليكم ورحمة الله....

صباح الفل ياسلوى...وحشتينا...بقالى كتير ماقراتش كلامك الجميل....

الديزل...الله يسمحك..ده انا كنت مرعوبة وانا باقرأ قصتك.....:o

تعرفوا ياجماعة ...حكاية المصحف اللى بيتدفن دى...باسمعها كتير ..ويظهر انها جملة متوارثة من العهود الماضية...يعنى لو فيه بنت فاتها قطر الزواج..يقولوا لها اصل فيه مصحف مدفون على عتبة البيت ...وهكذا...بمناسبة عمارة اسكندرية..القصة دى لها شبيه هنا فى القاهرة لانى سمعتها قبل كده بس مش عارفة فين المكان..

لكن فى النهاية ..فيه عمارات كتير اتبنت وفاضية لحد دلوقت ..منها عمارة فى شارع الحجاز لو حد يعرفها البلكونات بتاعتها احمر وبرتقالى وحاجات كده..دى كنت باشوفها وانا صغيرة فاضية ..ولسه لحد دلوقت فاضية...وماحدش عارف السبب..وغيرها وغيرها...ده كمان فيه محلات والعياذ بالله ماحدش بيكون له رزق فيها..يعنى المحل كل مايفتح نشاط يروح يفلس ويتقفل ..وبعدها يفتح نشاط تانى بمالك جديد ..شوية ..ويتقفل ..والغريب فعلا ان اصحاب المحل ده المختلفين لازم يصابوا بحاجة...

يا اما شلل..يا اما حادثة..مش باقول اى كلام والله..اصل المحل ده قريب من منزل حماتى ..وفعلا بيحصل كده..لحد ما اتقفل دلوقت خالص...حاجات غريبة مالهاش تفسير...

والعلم عند الله .....

[نانو]

يا اهلا بيك يا اسكندريه تاني

و الله اسمك حتي جميل خالص :)

ايوه كده خلي حزب المصرين قاطني الكويت يزيد شويه في المنتدي و يا حبذا لو اسكندرانين زيك كده...اصل انا اسكندرانيه حتي النوخاع

الواو ديه بقه للتاكيد و المبالغه

يا ديزل بك مش هتبطل تنشف ريقنا ....اسلوبك حلو اوي في الروايه ...اقصد الطريقه التي تروي بها..و بصراحه انا اترعشت و خوفت و بطل تعمل كده تاني لو سمحت :o

[أسد]

منذ عدة سنوات .. ظهرت إشاعة أن قصر البارون في القاهرة تظهر فيه الجان ليلاً ..

والناس يسمعون أصوات موسيقى عنيفة وأضواء ونيران تظهر بداخله ..

ولا يخفى على أحد أين يقع قصر البارون ...

وكانت تلك العفاريت هي السبب في القبض على مجموعة كبيرة من الشباب فيما سمي بعد ذلك

بمجموعات عبدة الشيطان ..

فقد كان هؤلاء الشباب يستغلون خلو القصر ليمارسوا فيه إحتفالاتهم وتعاطيهم للمخدرات ..

في رأيي ..

مفيش حاجة إسمها عفاريت ...

[achnaton]

فعلا موضوع شقة مصطفى كامل مضبوط و العمارة مسكونة بالجان

و انا فاكر من كام سنة جريدة الاهرام عملت تحقيق صحفى عنها انا قريتة ايامها و حاول الصحفييون انهم يباتوا فى الشقة و كانت النتائج مفزعة بالنسبة لهم و نشروا التحقيق فى الاهرام فعلا

بسم الله الرحمن الرحيم

حكاية الجان .. و الاعمال .. كله دجل كانوا بينصبوا بيه على الناس زمان ..المنطقة دى فى اسكندرية..منطقة مصطفى كامل أنا عشت فيها ايام ما كانت معسكر كبير للجيش المصرى ورثها عن الجيش البريطانى .. واعتقد انهم فى نهاية الستينيات قسمها الجيش الى قطع اراضى للبناء وبنوا فيها عدد كبير من العمارات مع مستشفى عسكرى كبير .. ووزعوا شقق تلك العمارات وهى بالمئات على السادة الضباط باسعار تكاد تكون رمزية .. الضابط يدفع جزء بسيط والباقى يخصم شهريا من الماهية ..وحسب ما علمته تحولت المنطقة هناك الى بورصة لتجارة الشقق .. ومصدر لثراء بعض الضباط .. وفى اوائل الثمينيات بعد حكاية الانفتاح الفلوس جرت فى ايادى الناس وبدأت هوجه كبيرة فى الاستثمارات العقارية .. وانتشرت العمارات والابراج فى كل المناطق القريبة من الكونيش حتى وصلوا الى سموحة وقرب المطار .. وانتشرت مودة التمليك واختفت كلمة ايجار ..لأن آى مالك قديم اوجديد أجر شقق عمارته .. لربنا استجار .. عقد الايجار فى مصر حاليا أقوى واشد فعالية وارخص بكثير من عقد التمليك .. وليست هذه هى العمارة الاولى ولا الاخيره اللى فضل مالكها ان يقفل ابوابها انتظار لفرج الكريم .. بعد ان انهارت الاسعار بشكل كبير فى الاسكندرية ..وانا اعرف اصدقاء رفضوا استلام الشقق بعد دفع مقدمات الشراء وفضلوا خسارة 10% غرامة فسخ العقد واشتروا فى اماكن افضل بثلاثة ارباع الاسعار .. وده يمكن السبب .. اصحاب العمارة منتظرين تدفق الخير مرة تانية للأقتصاد المصرى .. يعنى منتظرين صلاح الحال .. وخايفين يؤجروا الشقق حاليا يستولى عليها الساكن كما هو الحال .. حتى فى ظل عقد الايجار الجديد المحدد المده .. بيرفض الساكن الرحيل .. والمحاكم احبالها طويله مش أقل من عشرة اعوام ..

وبعدين حكايةالجان دى ..والمنقولات اللى من الشبك بتطير .. دا شغل روايات عم عبده الصغير اللى كان بينافس كليلة ودمنه وروايات الف ليلة وليلة .. انا قرأت من وقت قريب حكاية احد النبلاء الانجليز القدامى عندما فكر فى القرن العشرين ان يبنى قصرا مثل قصر جده تماما ولكن على صغير لاختصار المصاريف وفعلا المهندسون نفذوا له صورة طبق الاصل لقصر جده وبتكنولجيا افضل .. وسكن فيه وبعد شهور قليلة من سكنه .. لاحظ وسمع اصواتا بعد منتصف الليل تنبعث من بعض الغرف ..

ورغم التسجيلات والاضواءات .. كانت الاصوات تتكرر كل مساء .. فهجر القصر .. ثم باعه .. وسلك المالك الجديد نفس المسار لم يمكث به الا شهورا قليلة ورحل هربا من الاصوات .. وانتشرت فى المنطقة حكاية هذا القصر المهجور الذى يسكنه الجان كما كانوا يقولون ..واحد قلبه جامد لا يملك حتى ربع ثمن القصر .. راح يسأل عليه .. عاوز يشتريه .. وقال له المالك معاك كام .. فقال له - مبلغ لا يساوى ربع الثمن - فقال له المالك .. حلال عليه .. وآدى عقد البيع ..

واستمر المشترى يعانى من السهر بالليل والاصوات تزعجه وتقلق راحته .. فأقسم الا يغادر ..واتفق مع مقاول صديق ان يساعده فى حرب الجان ..وجاء المقاول ومعه العمال .. وبدءوا فى ازالة الحوائط التى يختفى ورائها الجان .. وبعد الحائط الثانى .. وجدوا سربا كبيرا من الارانب قد اتخذوا الفراغ بين الحائط الداخلى والخارجى - البناء فى بعض الدول الاوربية يعمد منذ اجيال ان تكون الحوائط الخارجية دبل بينهما فراغ هوائى لتحتفظ الغرف بدرجةحرارة التكييف فى الشتاء - ..وتتبعوا طريق الارانب فى نفق يصل الى مزرعه قريبة من القصر لتربية الارانب ..

ارانب جان فعلا .. تعمل نفق اكثر من 300 م لتعيش فى منطقة دافئه فى الشتاء ..وسبحان رب العالمين ..

وكل سنه وانتم طيبين .. او ما الحال الاقتصادى يتعدل حتلاقوا العمارة دى ساكنه ..

تم تعديل 11 نوفمبر 2006 بواسطة achnaton

[Lembic]

فعلا موضوع شقة مصطفى كامل مضبوط و العمارة مسكونة بالجان

و انا فاكر من كام سنة جريدة الاهرام عملت تحقيق صحفى عنها انا قريتة ايامها و حاول الصحفييون انهم يباتوا فى الشقة و كانت النتائج مفزعة بالنسبة لهم و نشروا التحقيق فى الاهرام فعلا

مسكونة بالجان !! كده برضه!! جان إيه بس! الكلام ده مش حقيقى والله ولو حتى كان فيها جان إحنا مش جان ! وممكن نساعى بعضينا برضه!

[abo_sameer]

مساء الخير .

اضن الموضوع كبير وانتشر في اكثر من منتدي . والكل بيقول نفس الكلام .

العماره مسكونه بالجان.

حقيقي لم اجد رد منطقي او علمي , او سبب مبرر الا ان العماره مسكونه

طب جبتو الكلام دا منين . بيقولو سمعنا ............................ ما ما وتيتيه . وابقيه العيله