اذهب إلى المحتوى
محاورات المصريين

أه واه يبقو اهين ....!!!!!

هشام الجنيدى

بواسطة هشام الجنيدى
في أدب و شعر و قراءات

 مشاركة

Recommended Posts

هشام الجنيدى عضو جديد

هشام الجنيدى

بتاريخ:
بتاريخ: (معدل)

بعد غيابى الفتره الكبيره دى اكتشفت انى احبكم جدا جدا جدا وارجو تعذرونى على قدر حبى لكم

والان الى مصر .... التى احزن عليها كل يوم كلما مشيت فى شوارعها ورايت وجوه شعبنا الطيب المغلوب الذى علمه الظلم والقهر الا يرى الا تحت قدميه كى لا يقع ويداس........ اليكى يا مصر ......

أه واه واه واه .....

اه واه يبقو اهين !

ابكى على حالى سنه ...

وابكى على حالك سنين

النيل بيجرى من زمان ..

من قبل م ازرع وردتى

بيمرعلى نفس المكان..

خطاويه بتسبق خطوتى

ويحكى ع الزمن اللى كان..

اسمع وتنزل دمعتى .....

على خدّى نهر بضفتين ...!!

أه واه واه واه .....

اه واه يبقو اهين !

ابكى على حالى سنه ...

وابكى على حالك سنين

عمر عدّى وعمر راح...

والجراح ..مليا القلوب

والبلد واسعه وبراح ..

والبشر ملو الدروب

والف ديك ادّن وصاح ..

لجل تصحى من الذنوب...

ياللى نايمه من سنين...!!

أه واه واه واه .....

اه واه يبقو اهين !

ابكى على حالى سنه ...

وابكى على حالك سنين .

يا بلدنا القطر فاتنا ...

واتوبيستنا.. بتمشى تاته

والعيون لمّا شفتنا ..

شفنا جواها الشماته

ولما ثورنا عشان حياتنا ..

ردّت الدنيا بغتاته ..

انتوتبقو يعنى مين ..!!

أه واه واه واه .....

اه واه يبقو اهين !

ابكى على حالى سنه ...

وابكى على حالك سنين

السكوت مش حل نافع ..

والمدافع.. ف الوشوش

راح تموت لو كنت خاضع ..

او على راس الجيوش

نفسى اموت وانا لسّه رافع ..

راسى اعلى من الشموس ..

يعنى مرفوع الجبين ..!!

أه واه واه واه .....

اه واه يبقو اهين !

ابكى على حالى سنه ...

وابكى على حالك سنين

تم تعديل بواسطة هشام الجنيدى

انما الامم الاخلاق ما بقيت .............. فان همو ذهبت اخلاقهم ذهبوا

...................................................................!

وعلمتنى الحياه اضحك لأحبابى

واضحك كمان للعدو علشان يشوف نابى

واخده كمان بالحضن لو خبط على بابى

فيحس انى قوى وميشفش يوم ضعفى.......

قناتى ع اليوتيوب ....

صفحتى ع الفيس بوك .....

رابط هذا التعليق
شارك
هادي عضو جديد

هادي

بتاريخ:
بتاريخ:

ده شيء لا يمكن السكوت عليه

دي قصيدة لا تستحق الاشادة فقط

بل الشكر ايضا

بل إني ارفع القبعة .. مع إني معنديش قبعه ولا ديابلو ..

او حتى ارفع الطاقية الشبيكه وأقول :

دي قصيدة بصحيح

من شاعر بصحيح

مصري بصحيح

مبرو كلينا عودتك يا هشام

ولا فض فوك يا جنيدي

1.png
رابط هذا التعليق
شارك
مصرية يعني مصرية عضو جديد

مصرية يعني مصرية

بتاريخ:
بتاريخ: (معدل)

حمد لله على السلامه يا هشام

المحاورات نورت برجوعك ليها

و لا و إيه و برجوعك القوي ده

أحييك على هذه القصيدة الرائعة

ننتظر المزيد من إبداعاتك

:ninja:

تم تعديل بواسطة مصرية يعني مصرية

623862sk39y2sogf.gif

رابط هذا التعليق
شارك
bentmasria عضو جديد

bentmasria

بتاريخ:
بتاريخ:

السكوت مش حل نافع ..

والمدافع.. ف الوشوش

راح تموت لو كنت خاضع ..

او على راس الجيوش

نفسى اموت وانا لسّه رافع ..

راسى اعلى من الشموس ..

يعنى مرفوع الجبين ..!!

لافض فوك يا هشام

تستاهل مصر كل الحب

ويستاهل ولادها شموخ الراس...........يارب نقدر ف يوم نرفعها عالى ولو نموت

هايل يا هشام رائعة جديدة من روائعك التى تزين قلب المحاورات

:ninja: :blink: :D :wub:

دائما متميز

عندما تشرق عيناك بإبتسامة سعادة

يسكننى الفرح

فمنك صباحاتى

يا ارق اطلالة لفجرى الجديد

MADAMAMA

يكفينى من حبك انه......يملأ دنياى ....ويكفينى

يا لحظا من عمرى الآنى.....والآت بعمرك يطوينى

يكفينى .....انك........................تكفينى

رابط هذا التعليق
شارك
shahd عضو جديد

shahd

بتاريخ:
بتاريخ: (معدل)

اخي الغالي هشام دشليوووووووووووون حمدلله على سلامتك ونورت المحاورات :ninja:

اسلوبك.. ابياتك.. مفرداتك دائما اكثر من رائعه ومتميزة..حقيقة مهما وصفت فلن اوفيك حقك

سلمت اناملك اخي الفاضل وزادك الله فوق ما وهبك ..امتعنا دائما ولا تطل الغيبة ......

احترماتي تيتا شــــــــــهد

تم تعديل بواسطة شهد

 

طـــــــفولــــة شــــــهـــد

رابط هذا التعليق
شارك
صبح عضو جديد

صبح

بتاريخ:
بتاريخ:

أكثر من رائعة

مرحبا بعودتك بيننا

تثرينا بفكرك وشعرك

خش مع أخوك طفشان :ninja:

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
نانو عضو جديد

نانو

بتاريخ:
بتاريخ:

هشام الجنيدي

لا تتصور سعادتي عندما رايت اسمك في المحاورات

يمكن من يوم ما دخلت المحاورات ما شفتش لك اي مشاركه لكن كنت دايما بتصفح باب الادب و الشعر

و اقرأ كتاباتك الموجوده و استمتع بكل ما فيها

اهلا بعودتك....و ان شاء الله تكون عوده بلا غياب

شعرك و كلماتك تنبع من القلب فستقر مباشره داخل القلب

ارجوك ...استمر و امنحنا الكثير من كنوزك

011.GIF

there is a miracle called friendship,that dwells in the heart

you donot know how it happens

or when it gets its start

رابط هذا التعليق
شارك
أبو زياد عضو جديد

أبو زياد

بتاريخ:
بتاريخ:

أهدى هذه القصيدة إلى كل مصرى

كلمات صادقة وفعلا من القلب تستقر فى القلب

شكرا لك أخى الكريم

هو الذي أرسل رسوله بالهدى ودين الحق ليظهره على الدين كله ولو كره المشركون.

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

حمدلله على السلامة اخى الفاضل هشام..نورتنا...وكنا مفتقدين وجودك وكلماتك فعلا....

فعلا كلمات مايتسكتش عليها زى ما هادى قال...ولكنه اسلوبك المنفرد دائما واللى اتعودنا عليه منك....

ربنا يكرمك ويجازيك خير......

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
Tafshan عضو جديد

Tafshan

بتاريخ:
بتاريخ:

أه واه واه واه .....

اه واه يبقو اهين !

ابكى على حالى سنه ...

وابكى على حالك سنين .

الوحيده في المجره

اللى سرقنها اللئام

م المنوفى للفراعنه

اكلوا خيرها بالتمام

اما باقى الشعب بره

مش نايبهم غير كلام

يا بلدنا .. رايحه فين

أه واه واه واه .....

اه واه يبقو اهين !

ابكى على حالى سنه ...

وابكى على حالك سنين .

العزيز هشام .. قلبت علينا المواجع ..

تسلم ايدك :ninja:

الماتش متباع

رابط هذا التعليق
شارك
صبح عضو جديد

صبح

بتاريخ:
بتاريخ:

مش قلتلك

أخوك طفشان هايرد عليك حالا :ninja:

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
محمود الشاعر عضو جديد

محمود الشاعر

بتاريخ:
بتاريخ:

النيل بيجرى من زمان ..

من قبل م ازرع وردتى

بيمرعلى نفس المكان..

خطاويه بتسبق خطوتى

ويحكى ع الزمن اللى كان..

اسمع وتنزل دمعتى .....

على خدّى نهر بضفتين ...!!

الله عليك الله عليك حلوة قوي على خدي نهر بضفتين

تسلم يا غالي

البحر موعدنا ...........وشاطئنا العواصف جازف فقد بعد القريب ومات من ترجوه واشتد المخالف لن يرحم الموج الجبان ولن ينال الأمن خائف القلب تسكنه المواويل الحزينة ......... والمدائن للصيارف خلت الاماكن للقطيعة من تعادي أو تخالف جازف ولا تأمن لهذا الليل أن يمضي ولا أن يصلح الاشياء تالف هذا طريق البحر ................لا يفضي لغير البحر والمجهول قد يخفى لعارف جازف فان سدت جميع طرائق الدنيا امامك فاقتحمها ولا تقف كي لا تموت وانت واقف

محمد ابراهيم ابو سنة

رابط هذا التعليق
شارك
Ahmad Farahat عضو جديد

Ahmad Farahat

بتاريخ:
بتاريخ:

[[من أحلى قصائد هذا المنتدى وصلت المعاني من أقصر الطرق ووجعت قلبي [

105724557.jpg

ألام على هواك وليس عدلا ................ إذا أحببت مثلك أن ألاما

رابط هذا التعليق
شارك
هشام الجنيدى عضو جديد

هشام الجنيدى

بتاريخ:
  • كاتب الموضوع
بتاريخ:

انا سعييييييييييد جدا جدا جدا ان انتو منسيتونيش :huh:

هادى: شكرا على كلامك الحلو الذى ااثلج صدرى وانا شاكر جدا لموضوع القبعه ده واتمنى ان اكون دائما كما قلت شاعر بصحيح

مصريه يعنى مصريه واللى مش عاجبه يشوف له اى بلد تانى : الله يسلمك وان شاء الله بس المحاورات دايما منوره سواء بيّا ولا بغيرى كلنا مصابيح وشمعات تحترق لتضىء هذا الركن الهادىء من المحاورات شكرا مره تانيه وان شاء الله تفضل اعمالى عجباكى كده ...

بنت مصريه دائما وابدا بأذن الله: شكرا على اضاءتك صفحتى ومداخلاتك التى طالما افتقدتها فى الاعمال المتواضعه السابقه واحب اقولك زى مقالو زمان (مصر ليها الف صوت ..... مصر متعرفش السكوت)

اختنا العزيزه شهد المحاورات : دشليوووووووووووووووووووووووووون ويسلمك انتى كمان وربنا يجعلها اخر الغيبات احترامى الوافر لشخصك الكريم وشكرا على المجامله دى وبعدين ايه حكاية( تيتا) ده لسه معداش بعد 1900ق .م الا يجى كام الف سنه وشويتين :angry:

صبح منتدانا المتجدد: شكرا على كلامك الحلو وحخش مع اخويا الطفشان

نانوووووووو: ما اشد سعادة اى انسان تقال له هذه الكلمات التى ان دلت انما تدل على رقه وكريم شخصك واتمنى ان اكون عند حسن ظن الجميع وعمرى ما هبخل باى شىء ان شاء الله بس اتمنى ان تظلى تتابعين

ابو ذياد :اعتقد انها اول مره يضىء اسمك صفحتى المتواضعه وارجو الا تكون الاخيره واتمنى ان يعرف كل مصرى قيمة البلد دى حقيقى ...... وربنا يخليلك زياد ......

فولانه : اخجلتم تواضعنا B) وربنا يجازينا كلنا خير

العزيز جدا طفشان : صدق صبح فى كل ما قاله وربنا يكرمك كمان وكمان ... وخد الحته دى عشان اخونا صبح بتبسط .....

اه واه واه واه

اه واه يبقو اهين

ابكى على حالى سنه

وابكى على حالك سنين

هوة فات م العمر كام ؟

والظلام .. مالى العيون

والجمال تحت الركام ..

والبشر جوه الكفون

لو يكون غير الكلام ..

فعل.. يبقى النار تهون

بس نخلص م اللعين ....!!!

اه واه واه واه

اه واه يبقو اهين

ابكى على حالى سنه

وابكى على حالك سنين

العزيز الشاعر اخى محمود الشاعر : شكرا على كلامك الجميل ده واقولك على حاجه ( على خدى نهر بضفتين ) التعبير ده كان نفسى من زمان اكتبه فى اى قصيده ولما جتلى الفرصه هنا مترددتش وفرحت جدا لما عجب حضرتك ...... ويا رب تفضل كل تعبيراتى تعجبك على طول .....

;)

اخى العزيز ارسين لوبين : سلامة قبلك من الوجع بس ده الواقع وصدقنى فى كتير قوى من المصرين قلبهم موجوع ويمكن اكتر مننا

ربنا يستر

انما الامم الاخلاق ما بقيت .............. فان همو ذهبت اخلاقهم ذهبوا

...................................................................!

وعلمتنى الحياه اضحك لأحبابى

واضحك كمان للعدو علشان يشوف نابى

واخده كمان بالحضن لو خبط على بابى

فيحس انى قوى وميشفش يوم ضعفى.......

قناتى ع اليوتيوب ....

صفحتى ع الفيس بوك .....

رابط هذا التعليق
شارك
Tafshan عضو جديد

Tafshan

بتاريخ:
بتاريخ: (معدل)

العزيز جدا طفشان : صدق صبح فى كل ما قاله وربنا يكرمك كمان وكمان ... وخد الحته دى عشان اخونا صبح بتبسط .....

اه واه واه واه

اه واه يبقو اهين

ابكى على حالى سنه

وابكى على حالك سنين

هوة فات م العمر كام ؟

والظلام .. مالى العيون

والجمال تحت الركام ..

والبشر جوه الكفون

لو يكون غير الكلام ..

فعل.. يبقى النار تهون

بس نخلص م اللعين ....!!!

اه واه واه واه

اه واه يبقو اهين

ابكى على حالى سنه

وابكى على حالك سنين

الله يخليك يا صديقى :closedeyes:

و عشان صبح .. خذ دى كمان :unsure:

اه واه واه واه

اه واه يبقو اهين

ابكى على حالى سنه

وابكى على حالك سنين

اللعين هو السكوت

كل ماشى جنب حيطه

بيرعبه لون الخطوط

وكل غاوى دوشه و زيطه

لجل نصيبه م النقوط

كله ماشى خلطبيطه

ح نلاقيها منين .. و لا منين !!!

اه واه واه واه

اه واه يبقو اهين

ابكى على حالى سنه

وابكى على حالك سنين

تم تعديل بواسطة Tafshan

الماتش متباع

رابط هذا التعليق
شارك
صبح عضو جديد

صبح

بتاريخ:
بتاريخ:

احممم

يسعدني أن أكون من جمع راسين في الحلال :unsure:

آه وآه وآه وآه

آه وآه يبقوا آهين

أبكي على حالي سنة

وأبكي على حالك سنين

إنت قلت مين اللعين؟

السكوت..!!

ومين فينا يقدر يقول

وكلمته تقدر تفوت!

ومين عينيه تقدر

تبربش أو تدمٌع

كان يموت !

جاي تقولي حيطة.. قوول

بس إوعى تنسى..

إحنا بيحكمنا الطاغوت!

وهوا ده ....يبقى اللعين

آه وآه وآه وآه

آه وآه يبقوا آهين

أبكي على حالي سنة

وأبكي على حالك سنين

(على قدي :closedeyes: )بس إنتو فتحتوا نفسي

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
صبح عضو جديد

صبح

بتاريخ:
بتاريخ:

هشاااااااااااااااااااااااااام..............

طفشاااااااااااااااااااااااان................

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
النسر المصري عضو جديد

النسر المصري

بتاريخ:
بتاريخ:

يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه

هشااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااامم

ازيك ياهشام ياجنيدي ياصديقنا الحبيب

والله منسيناك ابدا ....دايما بنقلب ف مواضيعك القديمه

بس كلامك آسي عليا يا غالي ...يسلم فمك يا غالي

وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

يارب الرحمه..!!

رابط هذا التعليق
شارك
Tafshan عضو جديد

Tafshan

بتاريخ:
بتاريخ:

احممم

يسعدني أن أكون من جمع راسين في الحلال :excl:

آه وآه وآه وآه

آه وآه يبقوا آهين

أبكي على حالي سنة

وأبكي على حالك سنين

إنت قلت مين اللعين؟

السكوت..!!

ومين فينا يقدر يقول

وكلمته تقدر تفوت!

ومين عينيه تقدر

تبربش أو تدمٌع

كان يموت !

جاي تقولي حيطة.. قوول

بس إوعى تنسى..

إحنا بيحكمنا الطاغوت!

وهوا ده ....يبقى اللعين

آه وآه وآه وآه

آه وآه يبقوا آهين

أبكي على حالي سنة

وأبكي على حالك سنين

(على قدي :angry: )بس إنتو فتحتوا نفسي

انت ح تقطع علينا و لا ايه :angry:

تسلم ايدك :)

الماتش متباع

رابط هذا التعليق
شارك
هشام الجنيدى عضو جديد

هشام الجنيدى

بتاريخ:
  • كاتب الموضوع
بتاريخ:

الله الله الله تسلم ايدك يا صبح ودايما ان شاء الله نفتح نفسك على طول !! -_-

النسسسسسسسسسسسسسسسسسسسسسسسسسسسسسسر المصررررررررررررررررررررررررررررررررررررررري

وحشتنى جدا جدا جدا وشكرا على مرورك الجميييييييييييييييييييل ده -_-

انما الامم الاخلاق ما بقيت .............. فان همو ذهبت اخلاقهم ذهبوا

...................................................................!

وعلمتنى الحياه اضحك لأحبابى

واضحك كمان للعدو علشان يشوف نابى

واخده كمان بالحضن لو خبط على بابى

فيحس انى قوى وميشفش يوم ضعفى.......

قناتى ع اليوتيوب ....

صفحتى ع الفيس بوك .....

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • بندق أفندى
      4
      أفوكادو .. حلوم مقلى .. فلفل حلو .. باستا - يبقو سلطة
      مكرونة مسلوقة ومتبلة بقطعة زبد وملح يضاف لها أفوكادو متبل بعصير ليمون وملح وجبن حلوم مقلى فى الزبد وفلفل أحمر حلو مع قليل من الفلفل الأسود وزيت الزيتون وتجمل بالبقدونس تقدم مع أكلات كثيرة كبديل للأرز أو الخبز أو حتى المكرونة التقليدية السلطة عبقرية شديدة الطعامة واللذاة بصورة مقلقة (مش هتقدر توقف أكل لحد ما تخلص) عشان كده النصيحى انه تعمل كمية على القد تمام

      بواسطة بندق أفندى
      كُتب

×
×
  • أضف...