الحريم

[darker19]

أحب أبتدي الموضوع بأقوال عن المرأة:

1-المرأة لغز مفتاحه كلمة واحدة هي الحب

2- المرأة الفاضلة صندوق مجوهرات يكشف كل يوم عن جوهرة جديدة

3- المرأة العاقلة تضع السكر في كل ما تقوله للرجل وتنزع الملح من كل ما يقوله لها الرجل

4- تضحك المرأة عندما تستطيع .. وتبكي عندما تريد

5- تتحدث الفتاة للشاب قبل الزواج بقلبها وبعده بلسانها

6-وراء كل عظيم امرأة

7- إذا أحبت المرأة ضحت بنفسها من أجل قلبها

وغيره و غيره من مدح في الحريم, المهم انا الي خلاني أكتب الموضوع ده هوا موضوع تاني قريته في منتدى تاني و هاكتبهولكم هنا عشان أحاول على أد ما أقدر أوصلكم الي جوايا.

الرجال خائنون ............جبارون ...........جاهلون .............متعالون ..............انانيون ..................لكن نحتاجهم

هذه الكلمات حقيقة من اسوؤ ما اسمعه او اقرأه من بعض البنات ..............والاسوء من ذلك هو التعميم على كل الرجال

نعم ربما ينطبق على ما قاله البعض .............فانا لم اكن وفيا دائما ولم اكن عادلا دوما او عالما او متواضعا او انسان غير اناني افكر فى غيرى .............واعلم انه ربما يوجد الكثير من النساء من صادف بعض الرجال يملك هذه الصفات السيئة حقيقة ولكن ..............هل جميع الرجال كذلك ؟؟؟؟؟؟؟؟

طبعا سيجاوب خمسة او عشرة او ان كنت محظوظا مئة ممن يقرأ هذه الاسطر بلا ...............لا ليس جميع الرجال كذلك ............عندها لا يحتاج لأن تكمل ما كتبت بل يكفيك ما قرأت الى هنا ...............

اما ان كان جوابك بنعم .............او انك اردت معرفة ما اريد ان اصل اليه ..............فأسمع او اسمعي منى بارك الله فيكم ورعاكم ............

هل تذكر يوما مر عليك كرهت كل شئ كل امر ورغبت فى التمرد على كل امر ....................كرهت الناس كرهت كل احساس ..........حتى اصبح لا يهمك كيف ينظر الناس اليك واردت التمرد وان تفعل شئ او امرا ما يسئ اليك ويدعو الناس الى التكلم عليك حتى تسئ اليهم بأسوؤ العبارت وادنى الكلمات ................

ثم تدرك مع الوقت انك لا تستطيع فعل ذلك فلم تتربى على ذلك ولم تنشأ عليه ولكن حتى لو استطعت تسأل نفسك وما الفائدة ..............ثم تنكسر النفس وتنكسر وتهتز ثقتك بنفسك وتشك بمن هم حولك .............لدرجة تصل لأن تبكى فيها ....................

نعم تبكى حتى لو كنت رجلا ................ ثم تبكى كأنك تحتاج لذلك .........كما تحتاج لكل شئ للاكل او الشرب او العاطفة وهو جزء منه ..............

ثم تسكن ..........وترجع ثقتك بنفسك وتشد صدرك وتقوم مرسوم على وجهك علامات الثقة والحدة ان صح التعبير او الاستعداد للحرب .............ثم تقول لنفسك ...................

انا انسان كامل ..........والكامل هو الله .............وغيرى هم الناقصون وهم من لا يفهمنى وهم من يجب ان يتغير ...............

فأن كانت امراه او رجل من سبب لك هذا كرهت جنسه وقلت ..............كلهم مخطئون وانا المصيب

ثم ترجع وتضحك وتكمل مسيرة حياتك بثقة اكبر ................ولكن بتخوف اكبر من المستقبل وما تراه

هنا ..................عندما تواجه النساء مثل هذا الامر او امرا قريبا منه ثم تكره الرجال عموما

هل حقيقة تؤمن ان هنالك فى هذا العالم رجل واحد على الاقل يكون خارج هذه الدائرة من الكره ويكون اهلا بأن يحظى بحبها مرة اخرى او بعشقها او بقلبها ان سمحت له بذلك ................

ماذا نريد ..............هل نريد الكمال ...............فقد استأثر الرب به تعالى عما يصفه الواصفون

ام نريد خيالنا واحلامنا تتجسد امامنا .؟؟؟؟.................عندها تكون حياتنا جميلة ..............ولكن مملة

سمعت رجلا يقول يوما ما عن العلاقات الزوجية والعاطفية عموما ..............ان جميع العلاقات السيئة هيا علاقات مثيرة لآنه لا يمكنك التنبؤ بما سيحضره الغد ........................

اما جميع العلاقات الثابته والجيده هيا مملة ,.....................وانا اختلف مع ذلك تماما

عندما تظلمنا النساء بنائا على ما شاهدوه وما عاشوه ثم عمموه على بنى جنسنا ..................عندها حقيقة يظلمون انفسهم ويمنعونا من حبهم

عندما تنتهى حياة المرأة كما تظن هيا بخيانة احد الرجال او غدره ...............فهيا تنهى حياتها بنفسها لأنها منعت نفسها من ان تأمل بأن يكون فى الوجود رجلا واحدا لا يستطيع ان يعيش بدونها

وانا اتكلم هنا عن سائر النساء من العانس الى المطلقة ومن الارملة الى الانسة ومن المسنة الى المقعدة ومن العمياء الى الصماء

الامر فى نظرى يعتمد على مقدار الامل الذى يكون عندك .............مقدار القوة التى تكون فى قلبك .........مقدار ثقتك بنفسك

نعم استحق ان احب او ان أوحب .................استحق ان اعيش اجمل حياة مع ...........رجل ............مع زوج ........هذا ما ينبغى ان تخبري نفسكى به

اعلم من من حولنا من النساء واعرف من لم يوفقها الرب بزوج صالح او ولد نافع او رفيق فالح ................فأتسائل هل بأمكانى ان احل محلهم

هل من الواجب ان اكون زوجا ...........ام يكفى ان تكون قريبا صديقا

الحياة جميلة مهما كان فيها من الصعاب ومليئة بالمغامرات او المفاجئات ..............تأتى الفرص للأنسان كل يوم واحيانا كل ساعة وان كنا مستعدين لها كانت الى جانبنا لكن مع وجود الامل

عندما تظلمنا النساء ...........كيف يمكن لنا ان نسعدهم

هل ظلمتهم وعممت انا ايضا ؟؟؟؟؟؟

لا اعلم ولكن ............نعم يصدر منا نحن الرجال احيانا كثيرة اسائة لهم ............خاصة ان تزوجناهم

ربما نجرح مشاعرهم يوما عن يوم .............ربما لم نحقق طموحهم ...........ربما قتلنا املهم .............ربما عطلنا احلامهم ...............لكنا لا نستغنى عنهم

لا اعتقد ان بأمكان اي رجل ان يعيش دون ان يحب دون ان يعشق دون ان يرافق .................ولكن هل بأستطاعتها ان تغفر لي وان تسمح لي بأن امارس حقى كأنسان ناقص يعتريه الخطء والنسيان والسهو ............ومع كل زلة تسمع منى ما يؤكد حبى لها ...........واسفى لما الم بها

هل من الممكن ان تفكري مرة ومرة .............وتنسى للحظة ما عانيتى منه طوال حياتكى كلها وتستمتعى بلحظة تكونى الى جانبي وتسمحى لى بأن ازيح خصلات شعركى عن اذنكى حتى اهمس لكى ما يردده قلبي

وكلمة بسيطة ان كنت رجل مقبل على الزواج ............قالها المصطفى عليه افضل الصلاة والسلام ورددها من بعده من الاخيار ...............اوصيكم بالنساء خيرا

كل لحظة تسئ اليها اجعل ابنتك او اختك او امك مكانها ...............

ولا تتوقع ان تعدل معك فلن تفعل ذلك ولا اعتقد انها ستفعل ولكن ان احبتك ...........فأن لم تبادلها فأحترمها على الاقل

اسئل الله العلي القدير رب جبريل وميكائيل ان يوفقنا واياكم لكل معروف وان يجمعنا فى جنته متحابين متئالفين على الخير انه القادر على كل شئ

لغاية هنا و مفيش أي مشكله المشكلة بأه كانت في الرد الي حرق الكام نقطة دم الي ماكانوش لسة اتحرقوا وكنت فرحان بيهم المهم الرد ده من أنثى طبعا و للأسف إن ده فعلا رأي معظم الحريم

أخي الكريم ،،

لم تجعل لي مجالا للرد .. فكلماتي تقف عاجزة و حائرة عن البوح بما يجول في خاطري

و لكن .........

هل فكر الرجل عندما أحب امرأة و خطف قلبها بأن لا يجرحها ؟؟

هل فكر بأن لا يمسها بشرفها ؟؟ هل فكر بأن يحافظ عليها و يصونها ؟؟

هل فكر بأن يحبها و يعشقها لذاتها لشخصيتها لكونها أنثى رقيقة حساسة أم أحبها لشهوته ؟؟

هل المرأة سلعة رخيصة يتمتع بها الرجل متى شاء ؟؟ و ان كانت صادقة في حبها ماذا عساها أن تفعل ؟؟

المرأة ان أحبت أحبت بكل كيانها .. المرأة ان أحبت منحت الرجل كل ما تملك بدون مقابل

المرأة ان أحبت سترت ع العيوب و ع كل أخطاء الرجل

المرأة ان عشقت ستمنح الرجل آلااااااااااف الفرص و ليست فرصة واحدة فقط !!!!!!

و لكن هل سيكون الرجل صادقا بحبه ؟؟ هل يستحق هذا الحب ؟؟

أنا لا أعمم ع كل الرجال .. فهناك من الرجال من ان تمنحه الحياة بأكملها فلن توفيه حقه

هناك من الرجال اذا بذلت المرأة كل حياتها و وهبتها له لن تسدد إلا القليل القليل من عطائه و بذله

هناك من الرجال من يستحق الحب .. العشق .. التضحية .. الايثار .. البذل .. العطاء

عندما تظلمنا النساء ...........كيف يمكن لنا ان نسعدهم

المرأة تسعد اذا أحست بحب الرجل

المرأة تسعد اذا رأت الرجل صادقا مخلصا لها

المرأة تسعدها الكلمة الحلوة ،، الكلمة الصادقة

المرأة يسعدها الاهتمام و الحنان

المرأة لا تريد سوى رجل محب ،، مخلص ،، يحافظ عليها

نمسك بقى الرد ده حتة حته

هل فكر الرجل عندما أحب امرأة و خطف قلبها بأن لا يجرحها ؟؟

هل فكر بأن لا يمسها بشرفها ؟؟ هل فكر بأن يحافظ عليها و يصونها ؟؟

قالت خطف قلبها وكأن الرجالة حرامية, ما علينا مع ان الأيام دي البنات هيا الي بتعلقنا مش احنا الي بنعلقهم

تاني حاجة ازاي بتقول حبها و مافكرش انه ما يجرحهاش, يعني الرجالة خلاص معدومي الإنسانية ووحوش و الحب والبنت عندهم مجرد لعبة هدفها تحقيق رغبات معينة, خلاص الرجالة معندهمش اخوات بنات عشان يخافوا عليهم

هل فكر بأن يحبها و يعشقها لذاتها لشخصيتها لكونها أنثى رقيقة حساسة أم أحبها لشهوته ؟؟

هل المرأة سلعة رخيصة يتمتع بها الرجل متى شاء ؟؟ و ان كانت صادقة في حبها ماذا عساها أن تفعل ؟؟

لكونها أنثى رقيقة حساسة, يعني خلاص الرجالة دول ماعندهمش إحساس, ومعندهومش قلب لا معاها حق الرجالة عندهم قالب طوب

المرأة ان أحبت أحبت بكل كيانها .. المرأة ان أحبت منحت الرجل كل ما تملك بدون مقابل

المرأة ان أحبت سترت ع العيوب و ع كل أخطاء الرجل

المرأة ان عشقت ستمنح الرجل آلااااااااااف الفرص و ليست فرصة واحدة فقط !!!!!!

و لكن هل سيكون الرجل صادقا بحبه ؟؟ هل يستحق هذا الحب ؟؟

برضة الراجل ما بيعرفش يحب, والراجل ما هوا الا حيوان عايز يرضى الغريزة الحيوانية الي فيه مش أكتر.

الراجل ما بيعرفش يسامح ويعدي أخطاء

الراجل دايما بيغلط و دايما الست هيا الي بتسامح و بتدي ألاف الفرص

الراجل ما يستحقش الحب

أنا لا أعمم ع كل الرجال .. فهناك من الرجال من ان تمنحه الحياة بأكملها فلن توفيه حقه

هناك من الرجال اذا بذلت المرأة كل حياتها و وهبتها له لن تسدد إلا القليل القليل من عطائه و بذله

هناك من الرجال من يستحق الحب .. العشق .. التضحية .. الايثار .. البذل .. العطاء

مفيش رد أحسن من كلام ربنا

قال تعالى : { ان كيدهن لعظيم } صدق الله العظيم

يعني بعد ما عميتها عايزة تكحلها

-------------------------------------------------------------------------------------------------------------------------------------------

أنا كنت مقتنع تماما ان زي ما في الوحش في الكويس سواء في الرجالة أو الحريم

كنت ضد التعصب لجنس معين, بس بعد الي شفته مبقتش أدر

وهاجيب أمثلة من الواقع

بنت الجيران بتعاكسني في الطالعة و النازلة, والله مش بكدب وربنا شاهد على كلامي.

واحده كنت بكلمها على النت من حوالي 6 شهور كلام عادي قالتلي عايزة تقابلني لا و المقابلة الأولى في بيتها, رفضت لأني كنت مرتبط بواحده و بحبها الله يسهلها طلعت ماتستاهلش لا إخلاص ولا حب ولا أي حاجة.

واحد صاحبي عاش قصة حب جميلة و فجأة في يوم من الأيام يكتشف ان حبيبته معجبه بصاحبة لا وكمان يتكلمه في التليفون, مع انه ما قصرش معاها في حاجة.

و لينا واحد صاحبنا ندل بيعرف 100 وحده و طبعا كل واحده فاهمه انها الحب الأول و الأخير, والغريبة انهم بيبوسوا التراب الي بيمشي عليه, برغم انه بيديهم بالجزمة.

القط ما يحبش الا خناقه.

بلاش ده, واحد تاني وصاحبي برضة عاش قصة حب عمرها 5 سنين, من أيام ما كانوا في تانية ثانوي, و البت تتخانق في أهلها علشانه و عاملة أفلام, وهوا نزل يدرس في مصر و هيا بتدرس هنا, أنا عارف انها معانا في الجامعة, بس معرفش شكلها, ومن كام شهر جه زيارة و جه معايا الجامعة علشان يقابلها واحنا داخلين الكافتريا يقلي هيا دي, الهانم عامله سمعة زي الفل في الجامعة ومعروف انها بتحب واحد زميلنا و ليل نهار ماشيين مع بعض, المشكلة ان الواحد مسيحي و هيا مسلمه, أنا مأقصدش أي اساءة للدين المسيحي, دي يتقال فيها ايه بأه و المشكله انه ناوي يخطبها الصيف الي جاي.

أنا جيت عند الموقف ده وقلت بس, بصراحة مش قادر كل حاجة اتقلبت 180 درجة, أقله ولا أسكت, عن نفسي انا سكتت طب هاقله ازاي منا مش أدر اتخيل نفسي مكانه, بس انا عن نفسي تفكيري اتغير.

لقيت ان الواحد لما يحب لازم يسأل الي حبها الخيانه هتبدأ إمتى, اكتشفت ان ما فيش حاجة اسمها حب أصلا, ماهو واقع الي انا شايفه بيقول انك لما تحب البنت تخونك ولما ترميها هيا الي تجري وراك على رأي تامر حسني إكرف البت تحبك حب البت تكرفك, وأنا نفسي جربت في قصة الحب الفاشلة الي انا عشتها الأخيرة من أصل 3 قصص فشلوا و الي من الواضح انه مفيش بعدها, انا مكنتش معبرها أصلا ولا كانت في بالي وهيا الي بدأت تلمحلي مع الأيام حبتها و لما أنا حبتها بإخلاص فكرت اني حبي ليها هايخليها تتحكم فيا و ده تفكير معظم البنات, صحيح انا الي سبتها بس ماكنش ينفع اكمل معاها. عشت بعدها فترة مخنوق و مكتئب و مش عارف اعمل اي حاجة في حياتي عشان واحده انا متأكد انها زيها زي باقي بنات جنسها هاتدمع دمعتين من دموع التماسيح ده ازا دمعت أصلا, وحياتها هاتستمر, و أول واحد هايخبط على باب قلبها هاتقبله. لقيت اني لازم أخرح من الي أنا فيه, هيا مش هاتضيع نفسها من الزعل عليا زي مانا كنت عامل بقيت أشتغل صبح و بعد الظهر وسجلت مواد في الجامعة أكتر من طاقتي و باخد كورس أوراكل يعني من الأخر بموت نفسي, بس الحمد لله نسيتها ونسيت معاها الحب.

دلوقتي انا فقدت الثقة في جنس حواء كله

بنات حواء ما بيعرفوش الإخلاص

ما يعرفوش يعني ايه حب

مايعرفوش يعني ايه إحساس

مايعرفوش الوفاء

أسهل حاجة عندهم الكدب و أصعب حاجة الصدق

يعرفوا كويس ازاي يخونوا

يعرفوا ازاي يغدروا

يعرفوا ازاي يتسلوا

يعرفوا يضحكوا ويجيلهم نوم وقلوب و عيون على فراقهم بتبكي بدل الدموع دم

يبقى فعلا مفيش حاجة اسمها حب, وإزا في حب مافيش واحده تستاهل قلبي أنا لسة عن رأي الرجاله فيهم الكويس و فيهم الوحش بس الي اتغير في نظرتي إن الحريم مش شايف فيهم الكويس, بالرغم ان متأكد من ان الرأي ده غلط ,وهنا المشكله انك تبقى عارف ان تفكيرك غلط و ماتقدرش تغيره.

أكدب عليكم لو قلت انا عارف انا ليه كتبت الموضوع ده, بس كل الي متأكد منه اني استريحت لما كتبته حاسس اني فضفضت بالي جوايا

ياريت الموضوع ما يتلغيش زي ما الحريم بيقولوا في حق الرجاله و محدش بيقلهم حاجة سيبوا مره واحده الحقيقة تظهر و الناس تعرف الي بيحصل بجد على الأقل في الزمن ده, سيبوني أطلع الي جوايا ده انا اتخنقت بجد.

تم تعديل 12 نوفمبر 2006 بواسطة darker19

[bentmasria]

نحن قوم أعزنا الله بالإسلام, و مهما إبتغينا العزة في غيرة أذلنا الله

سيدى الفاضل

هذا هو توقيعك وهو جدا رائع لا ادرى ما دفعك لنقل هذا الموضوع اينما نشر لمحاورات المصريين سيدى الفاضل ربما تعبر بنا بعض التجارب التى تهز ثقتنا ببعض الاشياء او تدفعنا للتوجس من الاخرين سواء كانوا ذكورا او اناث لكنها حقا لا تبيح لنا ان نصدر احكاما نهائية بخصوص البشر نساء كانوا ام رجالا

لا ادرى لم تتمحور افكارنا وحياتنا حول الطرف الاخر دائما فما خلقنا الا لنكون سكنا لبعضنا البعض ومودة ورحمة وتفاهم ونواة لمجتمعات لا ولن تصلح الا بصلاحنا والصلاح هنا ليس سلوكا ولكنه ينشأ من الفكرة والعقيدة والنشأة كلها معا بجانب الالتزام السوى تجعلنا لانرى ذلك الوجه السىء للعملة من استخفاف او انتهازية او اسـتغلال يترجمان فيم بعد لسوء طباع النساء او سوء طباع الرجال

سامحنى سيدى فالموضوع برمته اسقاط على صورة فاضحة لما آلت اليه الاخلاق بوجه عام والمؤسف ان هذا يحدث فى مجتمعات عربية تربت بخلق يعلم اهله جيدا ما هو الحق والالتزام

لقد كرمنا الله سيدى ورفع من قدرنا بانسانيتنا وانا اتمنى ان لا نسىء لهذه الانسانية بأن نلقى الاتهامات جزافا على جنسنا الانسانى بأكمله

انا لا ادافع عن هذا او ذاك

بل اتمنى ان تنظر لمجموع هذه الاشياء التى ذكرتها المقالة والردود التى اتت عليها بمنظور المتفرج وليكن تقييمك من منظور مختلف اكثر هدوءا وتفكرا

ولى عودة سيدى للنقاش ان احببت

[sendrella119]

انا رأيي يا د. خالد

هاه ...........ده رأييي

ان الطيبون للطيبات ...........والخبيثون للخبيثات

وال.........للتتتتتات..........وال...........للنننننننننننننننات

فصصها ..............كويس :unsure:

علشان بس كل واحد يراعي ربنا ...في اصغر الصغائر

سوري بس ده رأيي ;)

[نانو]

ربنا يهدي قلبك يا داركر

شوف يا اخي....انا نفسي تخرج من تجاربك و جرحك القديم و لا سيما انك شفيت منه و تنظر للامر بنظره حياديه

نظره تاخذ فيها بعين الاعتبار تركيبتنا كبشر....و ماذا قال الله عنا

لا تنظر رجل و امراه....من يخون اكثر و من يوفي اكثر

السنا جميعا خلق من خلق الله

هل فرق الله بيننا في المشاعر هل فرق الله بينا في الامر في غض البصر حتي نحمي انفسنا من الفتنه

هل فرق الله بيننا في حد الزنا

الجواب طبعا لا...اذن من هنا نبدا الحكم علي الامور

و نترك كلام المراهقين جانبا...كل الرجاله خائنون...هذا لا يصح الم يكن رسولنا الكريم و صحابته الاجلاء رجالا

او كل النساء خائنات .....الم تكن امهات المؤمنين رضي الله عنهم نساءا

فلا يجوز باي حال من الاحوال التعميم في اي شئ

كلنا بشر و كلنا وارد منا الخطأ....قال الله عنا اننا جميعا لنا ذنوب و ان الله يغفر الذنوب جميعا

امعن التفكير و تدبر ايات الله ..لن تجد اي فرق بين المراه و الرجل في اي شئ

و لكن المراه يحبذ لها ان تتصف بالعفه و الحياء و هو خلق جميل يزيدها تكريما

و المشكله الحقيقيه التي تواجهها انت و غيرك من الشباب او الفتيات ..هي انعدام الاخلاق و التربيه الدينيه

و لا يفرق ديننا في من يذهب للزواج من الاخر ...كل هذه عادات و تقاليد ليس اكثر...

المشكله انك لم يسعدك الحظ و لم تصادف بنت ذات خلق و دين ...تثبت لك ان في بناتنا الخير الكثير

و انت كشاب اجتزت اصعب مرحله بعض تجربتك الاخيره....و لعلك استطعت ان تترك الحب جانبا...و هذا خير لك في الوقت الحالي

انتظر حتي تستطيع ان تكون بيت و اسره ووقتها.... ابدأ بالبحث عن زوجه مناسبه لك في اوساط محترمه من معارف اهلك او غيره و ادعوا الله دائما ان يرزقك بالزوجه الصالحه

و ساعتها سوف تعرف معني الحب الحقيقي و الاخلاص الحقيقي

و لا تعطي انتباهك لتجارب الاخرين سواء ان كان من الفتيات وا الشباب

ارجوك ان تكون فهمت كلامي و استوعبته..لا تنقم علي المراه....فهي امك و اختك و قريبا ستكون زوجتك و حبيبتك باذن الله

معلش بقه لو كان كلامي جد شويه....بس بجد انت في مشكله و انا قلت لك اللي يمليه عليا ضميري..و بجد ربنا يوفقك و يرزقك الزوجه الصالحه

[Folana]

مفيش رد أحسن من كلام ربنا

قال تعالى : { ان كيدهن لعظيم } صدق الله العظيم

يعني بعد ما عميتها عايزة تكحلها

بنات حواء ما بيعرفوش الإخلاص

ما يعرفوش يعني ايه حب

مايعرفوش يعني ايه إحساس

مايعرفوش الوفاء

أسهل حاجة عندهم الكدب و أصعب حاجة الصدق

يعرفوا كويس ازاي يخونوا

يعرفوا ازاي يغدروا

يعرفوا ازاي يتسلوا

يعرفوا يضحكوا ويجيلهم نوم وقلوب و عيون على فراقهم بتبكي بدل الدموع دم

أكدب عليكم لو قلت انا عارف انا ليه كتبت الموضوع ده, بس كل الي متأكد منه اني استريحت لما كتبته حاسس اني فضفضت بالي جوايا

[/quot

السلام عليكم ورحمة الله...

تصور حضرتك وأنا ياقرأ الموضوع تبادر الى ذهنى نفس السؤال اللى بالاحمر ده....هو كتب الموضوع ده ليه؟.....واعتبرتها فضفضة زى ماتفضلت واضفت برضه...

لكن مش حاضيف جديد على كلام الاخت الحبيبة ام مادا...الا لو فيه حد من الاعضاء اعترض على المعانى والاسلوب ..والفكرة ايضا...

سندريلا ..مافهمتش يعنى ايه النننات ..والتتتات دى؟.....تقصدى ايه ؟

[darker19]

نحن قوم أعزنا الله بالإسلام, و مهما إبتغينا العزة في غيرة أذلنا الله

سيدى الفاضل

هذا هو توقيعك وهو جدا رائع لا ادرى ما دفعك لنقل هذا الموضوع اينما نشر لمحاورات المصريين سيدى الفاضل ربما تعبر بنا بعض التجارب التى تهز ثقتنا ببعض الاشياء او تدفعنا للتوجس من الاخرين سواء كانوا ذكورا او اناث لكنها حقا لا تبيح لنا ان نصدر احكاما نهائية بخصوص البشر نساء كانوا ام رجالا

لا ادرى لم تتمحور افكارنا وحياتنا حول الطرف الاخر دائما فما خلقنا الا لنكون سكنا لبعضنا البعض ومودة ورحمة وتفاهم ونواة لمجتمعات لا ولن تصلح الا بصلاحنا والصلاح هنا ليس سلوكا ولكنه ينشأ من الفكرة والعقيدة والنشأة كلها معا بجانب الالتزام السوى تجعلنا لانرى ذلك الوجه السىء للعملة من استخفاف او انتهازية او اسـتغلال يترجمان فيم بعد لسوء طباع النساء او سوء طباع الرجال

بنت مصرية متشكر جدا على ردك, أنا مش عارف انتي قصدك ايه بالظبط بالتعليق على توقيعي؟!

أنا معاكي ان معظم الناس تفكيرها كله منصب على الطرف الأخر, بس دي مش مشكلتي, مشكلتي في التجارب الي انا مريت بيها.

أنا مش بدور على الحب, لأن تخطيت مرحلة المراهقة, أو نوعا ما أقدر أقول اني ماعشتهاش أصلا, والمراهقين بس هما الي بيدوروا على الحب لأنهم مش بيكونوا فاهمين معناه الحقيقي, بس الصورة بقت سوداء أدامي.

سامحنى سيدى فالموضوع برمته اسقاط على صورة فاضحة لما آلت اليه الاخلاق بوجه عام والمؤسف ان هذا يحدث فى مجتمعات عربية تربت بخلق يعلم اهله جيدا ما هو الحق والالتزام

لقد كرمنا الله سيدى ورفع من قدرنا بانسانيتنا وانا اتمنى ان لا نسىء لهذه الانسانية بأن نلقى الاتهامات جزافا على جنسنا الانسانى بأكمله

انا لا ادافع عن هذا او ذاك

بل اتمنى ان تنظر لمجموع هذه الاشياء التى ذكرتها المقالة والردود التى اتت عليها بمنظور المتفرج وليكن تقييمك من منظور مختلف اكثر هدوءا وتفكرا

ولى عودة سيدى للنقاش ان احببت

للأسف هوا ده واقع مجتمعاتنا حاليا, بس أنا مقتنع ان الحب في حد ذاته لا عيب ولا حرام, لو تم تفريغ العاطفة بشكل سليم, يعني الحب لازم يكون دافع للنجاح والتفوق في الحياة, لازم يكون دافع للإلتزام, مش يكون أول طرق الرذيلة, و التخلي عن كل القيم, زي ما كتير جدا بيسئوا للحب بفضايحهم, وعلى كل حال الأهل هما الي ليهم الدور الأكبر في الموضوع, يعني الأب و الأم بيرفضوا النقاش في الموضوع ده تماما مع بناتهم فبالتالي بتدخل في علاقات من ورا أهلهم و بتيجي الطوبة في المعطوبة, لكن لو الأم أعدت و اتناقشت معاها و فهمتها كيفية التعامل وحدود العلاقات مع الطرف الأخر كانت المشاكل دي هاتقل كتير, وكمان التركيز على موضوع صحبة السوء لأنهم هما الي بيودوا في داهية.

اما بخصوص إلقاء الإتهامات, من الواضح انك ماقرتيش الموضوع كويس, المسألة مش مسألة إلقاء إتهامات أنا وصلت للرأي ده نتيجة التجارب الي مريت بيها و إلي شفتها حواليا, وأنا قلت في نهاية الموضوع اني مش راضي عن الرأي ده, بس مش أدر أغيره.

------------------------------------------------------------------------------------------------------------------

sendrella119 بلاش الكلام العايم ده, خليكي صريحة و احدفي الطوبة كويس

مين د.خالد؟؟؟

------------------------------------------------------------------------------------------------------------------

نانو -

ربنا يهدي قلبك يا داركر

شوف يا اخي....انا نفسي تخرج من تجاربك و جرحك القديم و لا سيما انك شفيت منه و تنظر للامر بنظره حياديه

نظره تاخذ فيها بعين الاعتبار تركيبتنا كبشر....و ماذا قال الله عنا

لا تنظر رجل و امراه....من يخون اكثر و من يوفي اكثر

أنا نجحت في اني أشيل التجربة من تفكيري, و نسيت صاحبة الجرح, بس الرأي نفسه مش أدر أشيله من تفكيري, يعني زمان لما كنت في أستراليا كنت ببقى طاير من الفرح لما أشوف واحده محجبه, وحتى بعد ما رجعت أعدت فترة طويلة كل ما أشوف بنت محجبه لساني تلقائيا يقول ما شاء الله, بس دلوقتي ما بقتش أدر حسيت اني بكدب على نفسي.

و المشكله الحقيقيه التي تواجهها انت و غيرك من الشباب او الفتيات ..هي انعدام الاخلاق و التربيه الدينيه

و لا يفرق ديننا في من يذهب للزواج من الاخر ...كل هذه عادات و تقاليد ليس اكثر...

أشكرك على صراحتك في الكلام, لو تقصدي اني معنديش أخلاق ولا تربية دينية عشان حبيت, أحب أقلك ان التقييم بتاعك غلط.

و انت كشاب اجتزت اصعب مرحله بعض تجربتك الاخيره....و لعلك استطعت ان تترك الحب جانبا...و هذا خير لك في الوقت الحالي

انتظر حتي تستطيع ان تكون بيت و اسره ووقتها.... ابدأ بالبحث عن زوجه مناسبه لك في اوساط محترمه من معارف اهلك او غيره و ادعوا الله دائما ان يرزقك بالزوجه الصالحه

و ساعتها سوف تعرف معني الحب الحقيقي و الاخلاص الحقيقي

و لا تعطي انتباهك لتجارب الاخرين سواء ان كان من الفتيات وا الشباب

أنا أخدت قرار مع نفسي اني أقتل الحب في قلبي, وأني يوم ما أفكر أرتبط هايكون الإرتباط بالطريقة التقليدية, يعني جواز صالونات, وأنا وحظي بأه, برغم اني مش مقتنع بالإسلوب ده في الجواز, بس مش هاقدر أتحمل صدمات تاني و مش عارف ممكن أوصل لفين بعد كده.

ارجوك ان تكون فهمت كلامي و استوعبته..لا تنقم علي المراه....فهي امك و اختك و قريبا ستكون زوجتك و حبيبتك باذن الله

معلش بقه لو كان كلامي جد شويه....بس بجد انت في مشكله و انا قلت لك اللي يمليه عليا ضميري..و بجد ربنا يوفقك و يرزقك الزوجه الصالحه

بجد شكرا على رأيك و دعوتك الجميلة دي, المسألة مش مسألة نقم إزاي أنقم على أمي أو أختي زي ما قلتي, أصلا هما بره الحسبة لأني بتكلم عن بنات الزمن ده مش زمنهم على فكرة أنا أصغر إخواني و الفرق في السن كبير, أنا بقيت خايف من الأيام الي جاية من كتر الي الواحد شايفه, أنا بستغرب إزاي البنات الي بنشوفهم في الجامعة و في الشغل و في الأسواق الي بينزلوا باللبس الخليع ده من بيوتهم فين أهلهم...

هل ممكن ألاقي بيت فيه ام و أب عرفوا يربوا بنتهم كويس, ويعرفوها الي ليها و الي عليها.

في بيت ممكن ألاقي فيه بنت اتربت على انها تعرف معنى الحياة الزوجية و ايه هيا حقوق الزوج.

أنا الي شايفه ان معظم البنات في الزمن ده, عايزين الزوج الديوث, الي يسيبها تنزل من بيتها و لبسها يكشف اكثر مما يستر, طبعا ما بتتطلبش باللفظ بس الأفعال بتكون أقوى من اللفظ.

مرة تانية بشكرك على ردك وإهتمامك و دعواتك.

------------------------------------------------------------------------------------------------------------------

بشكل عام أحب أعتذر لأي عضو من الأعضاء ممكن يشوف ان الكلام الي كتبته خارج أو جارح سواء في الألفاظ أو المعاني أو الإسلوب أو الفكرة كلها على رأي folana

وأحب أوضح إن الكلام ده ما هوا الا واقع تجارب وواقع الشباب اليومين دول, و مهما استشفيتوا سوء الصورة من موضوعي أحب أقلكم أن الصورة أسوء من كده بمراحل, لكن عشان أوصلكم الصورة بشكلها الأقرب للواقع مش هاينفع في منتدى صفته من يوم ما اشتركت فيه الإحترام و الأخلاق, هانبقى عايزين أعده في قهوة.

دي مش مشلكتي أنا لوحدي دي مشكلة جيل كامل, شباب من الجنسين فقدوا الثقة في كل شئ حتى أنفسهم, لأسباب تختلف من شخص لأخر, كغياب رقابة الأهل أو الوازع الديني, أو الحظ العاثر أو... أو.............

بس كل الي أقدر أقوله شكرا على رأيكم إلي فعلا كنت محتاجه, واتمنى اني أعرف أتخلص من الفكرة دي

[وليد صفوت]

بصفتى شاب من اللى حضرتك بتتكلم عنهم :)

أحب أوضح ان الصورة مش قاتمة و لا حاجة :o لأن الإنسان هو الذى يصنع قَدره و مستقبله.... و لا يوجدو الحمد لله أى أحاسيس بإحباطات..و حتى لو تواجد بسبب البطالة (و هذا جائز بالنسبة لبعض الشباب الذى لا يُحسن استغلال وقته) فهو لا يمتد أبداً ليشمل مقت المجتمع المُحيط و كرهه...

السبب فينا إحنا لو كرهنا المجتمع .... نحن الذين تربينا على ان نحفظ عن ظهر قلب كل ما يُقدّم لنا فى الكُتب... تعودنا على ان نقف فى اماكننا و ان المستقبل هو الذى يأتى إلينا و ليس العكس.... ثقافة التلقين حولتنا من شباب مُفكّر الى شباب سلبى فلم نُحسن استغلال مواردنا و لم نصنع الحاضر و المُستقبل ... فلعنّا الدُنيا لأننا لم نتفوق فى الدراسة و لعنّا المُجتمع لأننا لم نتخرج لنجد الوظيفة فى انتظارنا و لعنّا الجنس الآخر لأننا نريد الزواج و هو غالى جداً و بعيد المنال هذة الأيام ... و هكذا...

أنصحك أخى الكريم بأن تشاهد محاضرات الدكتور العبقرى إبراهيم الفقى.... و صدقنى ستتغير نظرتك للأمور بشكل كبير ...

تحياتى و تقديرى.. :ninja:

[نانو]

.

نانو -

و المشكله الحقيقيه التي تواجهها انت و غيرك من الشباب او الفتيات ..هي انعدام الاخلاق و التربيه الدينيه

و لا يفرق ديننا في من يذهب للزواج من الاخر ...كل هذه عادات و تقاليد ليس اكثر...

أشكرك على صراحتك في الكلام, لو تقصدي اني معنديش أخلاق ولا تربية دينية عشان حبيت, أحب أقلك ان التقييم بتاعك غلط.

دي مش مشلكتي أنا لوحدي دي مشكلة جيل كامل, شباب من الجنسين فقدوا الثقة في كل شئ حتى أنفسهم, لأسباب تختلف من شخص لأخر, كغياب رقابة الأهل أو الوازع الديني, أو الحظ العاثر أو... أو.............

بس كل الي أقدر أقوله شكرا على رأيكم إلي فعلا كنت محتاجه, واتمنى اني أعرف أتخلص من الفكرة دي

اكيد طبعا ما اقصدتش اني اتهمك بكدا ...حاشا لله

و لو انت كده .....ما كنتش هتعاني المعانه ديه و كنت هتعتبر خيانه البنت ليك شئ عادي لانك انت كمان في الحاله هتكون بتخونها

لكن قصدي انت كتبته بنفسك في الجمله التاليه

و لا ايه حضرتك؟؟؟؟؟

و اديك اهو مش لاقي نموذج صالح قدامك و ده بسبب غياب الدين و الاخلاق و التربيه

لكن مش معني كده انه مش موجود ..انت بس انتقي الاماكن اللي ممكن تلاقي فيها البنت المحترمه...و صدقني هتلاقي كتير

[Folana]

السلام عليكم ورحمة الله....

حقيقة انا حزينة لان حضرتك كونت الفكرة دىوانت لسه فى مقتبل حياتك...بس للاسف العيب والغلط مش فى الاسر المصرية ..العيب والغلط فى الطريق اللى حضرتك سلكته ..والرؤية المحدودةاللى سجنت نفسك فيها...

الموضوع مش محتاج اننا نقعد على قهوة علشان توضح الصورة...لان الصورة واضحة جدا من كلامك...حتقول ايه تانى يعنى اكتر من كده ؟

فيه بنات كتير جدا متربية وعلى خلق..بس للاسف انت موجه نظرك فى الاتجاه الاخر...وفيه شباب يفرحوا..اهلهم عرفوا يربوهم صح...وبيجاهدوا الجهاد الاكبر مع النفس..علشان يحفظوا نفسهم من وسوسة الشياطين...الانس والجن...

وملتزمين دينيا ..سواء مسلمين او مسحيين انا باتكلم عن شعب ومش عن ديانات...

طبعا حضرتك استثنيت امك واختك.....فكرتنى بمقولة احسان عبد القدوس.....".....الا امى"

هل ممكن ألاقي بيت فيه ام و أب عرفوا يربوا بنتهم كويس, ويعرفوها الي ليها و الي عليها.

في بيت ممكن ألاقي فيه بنت اتربت على انها تعرف معنى الحياة الزوجية و ايه هيا حقوق الزوج.

انت طبعا مش حتلاقى المواصفات دى ....عارف ليه؟...اكيد عارف ....

ابدأ بنفسك يا اخى الفاضل ..او ابنى الفاضل ...ابدأ بنفسك واتقى الله ..وصحح اتجاهاتك...وافتح طريق الهداية ...وهى كل حاجة حتبقى كويسة..وحتلاقى نفسك بتقول ياه ه ه ه ...انا ماكنتش باشوف الناس دول قبل كده ليه ؟

ربنا يرضى عنا جميعا...واسأل الله الهدايا والصلاح لكل امتى......

ومش عايزة ارد على باقى الكلام بالتفصيل....

سندريلا مش حتحدف الطوبة لانها مش بتاعة حدف طوب على فكرة ..دى انسانة متزنة والحمدلله...وكمان هى عارفة كويس المكان اللى بتنتمى اليه وبتحترمه ...

شكرا لك مرة اخرى ...

folana

[وليد صفوت]

أتذكر قول أحد الأصدقاء عندما كُنا نتناول العشاء فى أحد النوادى، قال و هو ينظر حوله :

لما البنات كلها بتلبس بالمنظر ده .... و كلها بتكلم ولاد... و كلها بتمشى مع ولاد ... و كلها بتضحك بصوت عالى فى الشوارع .... أومال احنا لما نيجى نتجوز هنتجوز مين ؟ :o

دول مش بتوع جواز ...دول آخرهم يشتغلوا سكرتيرات علاقات عامة :) ..

لكن صديقى لم يكن يعلم أن البنات الفاضلات المهذبات و المؤدبات لا ينزلن فى الشوارع مع اولاد فى المساء و لا يتمشين فى النوادى بالليل يتسامرون مع الشباب .... و لا ينزلن الشوارع إلا لسبب و ليس للتسكع... و شراء الإحتياجات يكون بميعاد .....

كان طبيعياً ألا يرى هذة الفئة من الفتيات لأنه لم يخرج إلا مساءً فكان لا يرى إلا الفئة العابثة من الفتيات .... لم يذهب مرة ليُصلى فى المسجد فيرى فئة أخرى من الفتيات ملتزمات مُحجبات يعشن حياتهم بإلتزام و يعشن شبابهن فى سعادة بإلتزامهن .... فكان طبيعياً ان يُعمم كلامه على كل النساء ...

لم يختلط بفئة أكثر إلتزاماً من الشباب فيساعدوه على رؤية الجانب الآخر من القمر... الجانب المُظلم عن عيون الناس ... الجانب الأكثر روعة و جمال.

تحياتى...

[النسر المصري]

صباحو رايق على حبيابي المحاوراتيين :)

أم مادا ونانو وسندريلا وفولانه وصديقي وليد صفوت :o

ايه ياعم داركر انت...في ايه مالك اهدى كده شويه وصلي عالنبي

احب اعرفك اني انا وللأسف الشديد ..(وجتني خيبة قويه ...ساعة عصرية)....عمري بالصلاتو عالنبي واحد وتلاتين زفت وهامشي ف الاتنين وتلاتين زفت تانيين بعد شهرين من دلوقتي

ولسه جتني خيبه ماتجوزتش...طب لييييييه......رغم اني لله الحمد شايف اربعين عروسه ...وكلهم من باب البيت...يعني ماشفتهمش الا ف بيوتهم

طبعا لان المحيط اللي حولي ..او نوع الناس اللي بطلب منهم يشفولي عرايس..هم في الاصل متدينيين.. محافظين...محترمين......فانجبو بنات ذو اخلاق وادب عظيم...!!!

.وده اثبات بالبرهان القاطع لكلام صديقي وليد صفوت!!!!

بس العيب في دماغي المنيله بستين نيله....مش قادر الاقي البنت اللي تدخل قلبي........يعني اول مادخل الصالون ...وهتيجي البنت اهي .....قلب ينقبض على طول...ماعرفش ليه!!!

يمكن موضوع الروح والجمال له علاقه بمشكلتي اكمني انا اساسا شغلتي في الرسم والفن....وطبعا ده من حقي اني ادور عالانسانه اللي تعجبني شكلا وموضوعا!!!!.....بس انا طولت كتير... ويمكن مالقيهاشش بالطريقه دي!!!

المهم تقولي طب ياعم نسر وانا مالي ومال تجربتك المنيله دي!!!! ....ماتخلص وتجيب من الآخر ومتقرفناش!!!!

اقولك ماهو يالايتر يابني..أأأقصدي ياداركر يابني انا عاوز اتكلمك عن الصوه اللي انت واخدها غلط عن الكائن الحلو الامور الطيب الحونيين الجميل ده اللي اسمه مرأه.....هو في زي المرأه ولا حلاوة المرأه وجمال المرأه....ربنا مايحرمنا منهم يارب!!!

المشكله اني كل اللي شفتهم لقيتهم محترمين جدا جدا جدا جدا ....الا واحده او اتنين كان عندي تعليق على طريقة لبسهم..... ورغنم انها جميله الا اني رفضتهم بسبب لبسها الاوفر ده!!!...لكن الباقي ...حتى محتشمات مصليات متقيات لله...يغلب عليهم حمرة الحياء وهي تتكلم...

ياسلااام.......بس حظي وحش بقى اعمل ايه!!!

ده انت فرصتك احسن مني يابني.....انت خضت تجارب وحسب مافهمت في حدود الأدب..اي انك لم تتجاوز حدودك.....كل الحكايه انها فشلت.....انا بقى وف عز ماكانت فنون جميله تعرفني من اول الحارس لغاية العميد.....الا اني كنت لا أجرأ اني اذهب لبنت اعجبني كلامها وشخصيتها وجمالها....وكنت افضل احتفظ بده جوه نفسي ....وياريتني وماعملت كدة جتني خيبه!!!

ياعمي من الآخر كله موجود ...الوحش والكويس...... انت عاوز ايه.... الوحش....ولا الكويس!!!

واخيرا...وكما عهدني المحاوراتيووون.........فانا اختم الكلام بــــ........

صباحوووووووووووووو راااااااااااااااااااااااايق!!!! :ninja:

[abaomar]

السلام عليكم اختنا العزيزه فولانا معذره الايه هى (فَلَمَّا رَأَى قَمِيصَهُ قُدَّ مِن دُبُرٍ قَالَ إِنَّهُ مِن كَيْدِكُنَّ إِنَّ كَيْدَكُنَّ عَظِيمٌ) 28 يوسف

و ارجم من جميع الاخوه مراعاه الدقه فى نقل الايات القرانيه و الاحاديث النبويه.

يا عم داركر التجربه السيئه التى مريت بها يجب ان تكون مثل التحصين لك و تنفعك فى المستقبل عندما تختار العروسه القادمه و الزمن كفيل بالنسيان انت بس احسن النيه و ان شاء الله ربنا هايوفقك و لا تنسى الاستخاره دائما و انصحك على الاصل دور دائما و تزوج من داخل البيت لان الزواج من بره عامل زى السندويتشات البرانى اللى دايما تجيب مغص .

و يا عم نسر ارحمنا شويه بدايه المداخله زفت و اوسطها زفت ليه بس كده كل ده علشان 40 عروسه بس شفتهم و ما عجبوكش انت لسه شباب و بدرى على ما توصل 50( ربنا يديك طوله العمر ) اهو ربنا يرزقك بواحده تديلك دوا الضغط و السكر و انت فى بدايه ربيع العمر .

طبعا انا بهزر معاك و احب اديك نصيحه اخ (اخ منك و من عمايلك ) اكبر اللى بتدور عليها مش لازم تكون تفصيل و قبل ما تروح تشوف العروسه اتوضا و صلى ركعتين للحاجه و هيا نفسيتك و اختار واحده بنت ناس متدينه و جميله ( الجمال شىء نسبى ) فى نظرك و شوف امها(لو عايشه ) جيدا كيف تتصرف (لان البنت نسخه من امها و هذا رايي الخاص ) و بعدين ابقى قيفها لما تعاشرها و الحق الوقت اللى بيعدى من عمرك و امامى نماذج كثيره فى مثل حالتك عمرهم بيعدى امام عنيهم و هم محتارين فضلوا يدوروا على اللى هم عاوزينه و مش عاجبهم اى حاجه زيك كده تحت مسميات كثيره .

ملحوظه لو سمحت كلمه ( زفت ) اخاف ان تكون سبا للدهر كما سمعت فهل عندك معلومه عن هذا .

جزاك الله خيرا

[abaomar]

السلام عليكم

عفوا الاخت فولانا الطلب بتحرى الدقه فى نقل الايات لاخونا داركر شكرا

[Folana]

وعليكم السلام ورحمة الله وبركاته....

اخى الفاضل ابو عمر..انا ماكتبتش ايات اصلا ....آية ايه اللى اتحرى عنها الدقة؟...

تقصد الجملة دى...مفيش رد أحسن من كلام ربنا

قال تعالى : { ان كيدهن لعظيم } صدق الله العظيم

يعني بعد ما عميتها عايزة تكحلها ؟؟؟؟؟؟؟؟؟؟؟

ده اقتباس من مداخلة داركر ..جزء من مداخلته كان يهمنى انى ارد عليه ..مش انا اللى كتبتها..أنا كلامى بدأ من اول السلام عليكم ورحمة الله بالازرق...:o

لكن على اى حال جازاك الله خيرا ..وأكيد الرسالة وصلت لداركر..

ولو انى مش بانفى خطأى انى ما اخدتش بالى منها كويس بس انا وانت واحد ....

انت ليه كتبت لى الملحوظة دى مرتين؟..

والله يا عم ما انا اللى عملت كده ...:)

[abaomar]

السلام عليكم

الاخت فولانا المره الثانيه كانت اعتذار لك و توضيح ان الرجاء كان من الاخ داركر .

و جزى الله الجميع كل خير

[النسر المصري]

السلام عليكم اختنا العزيزه فولانا معذره الايه هى (فَلَمَّا رَأَى قَمِيصَهُ قُدَّ مِن دُبُرٍ قَالَ إِنَّهُ مِن كَيْدِكُنَّ إِنَّ كَيْدَكُنَّ عَظِيمٌ) 28 يوسف

و ارجم من جميع الاخوه مراعاه الدقه فى نقل الايات القرانيه و الاحاديث النبويه.

يا عم داركر التجربه السيئه التى مريت بها يجب ان تكون مثل التحصين لك و تنفعك فى المستقبل عندما تختار العروسه القادمه و الزمن كفيل بالنسيان انت بس احسن النيه و ان شاء الله ربنا هايوفقك و لا تنسى الاستخاره دائما و انصحك على الاصل دور دائما و تزوج من داخل البيت لان الزواج من بره عامل زى السندويتشات البرانى اللى دايما تجيب مغص .

و يا عم نسر ارحمنا شويه بدايه المداخله زفت و اوسطها زفت ليه بس كده كل ده علشان 40 عروسه بس شفتهم و ما عجبوكش انت لسه شباب و بدرى على ما توصل 50( ربنا يديك طوله العمر ) اهو ربنا يرزقك بواحده تديلك دوا الضغط و السكر و انت فى بدايه ربيع العمر .

طبعا انا بهزر معاك و احب اديك نصيحه اخ (اخ منك و من عمايلك ) اكبر اللى بتدور عليها مش لازم تكون تفصيل و قبل ما تروح تشوف العروسه اتوضا و صلى ركعتين للحاجه و هيا نفسيتك و اختار واحده بنت ناس متدينه و جميله ( الجمال شىء نسبى ) فى نظرك و شوف امها(لو عايشه ) جيدا كيف تتصرف (لان البنت نسخه من امها و هذا رايي الخاص ) و بعدين ابقى قيفها لما تعاشرها و الحق الوقت اللى بيعدى من عمرك و امامى نماذج كثيره فى مثل حالتك عمرهم بيعدى امام عنيهم و هم محتارين فضلوا يدوروا على اللى هم عاوزينه و مش عاجبهم اى حاجه زيك كده تحت مسميات كثيره .

ملحوظه لو سمحت كلمه ( زفت ) اخاف ان تكون سبا للدهر كما سمعت فهل عندك معلومه عن هذا .

جزاك الله خيرا

ياسلام علييييك ياابو عمر يارايق....مسا ء الروقااااان

والله وماليك علي حلفان ياابو عمر،،،،،، انا اول طريق اخدته كانت طريقة التنازلات...وفعلا كانت اول عروسه اشوفها من اربع سنين كانت محترمه ذات وجه مريح الى حد ما.. وشاطره في دراستها...قلت ياد يانسر خلص في المخلص وانجز اهي البت صغيره وبكره تربيها على ايدك وتحبك...قمت مديها قراية فاتحه..وبعدها باسبوع خطوبه وبعدها باسبوعين كتب كتاب ونزلت الكويت قلت اخلص اجراءات الاقامه وانجز وانزل اتجوزها واخدها سيدا كده على طول دوغري...

بس بقى بعيد الشر عن باقي الشباب الللي ماشين في الطريق دي...الموضوع فشل....وطلعنا مش راكبين على بعض..وانتهى الموضوع بالطلاق الحميد...اي فك الارتباط!!!

ومن ساعتها قلت لازم اركز كويس في الموضوع هل احنا مناسبين فعلا لبعض...هل انا اعجبت بيها فعلا ولا لا...وهل هي كذلك ام لا... اما كوني اني اخلص في المخلص...فللأسف الموضوع ده مش راكب معايا

بس انت ادعليلي يابو عمر وربنا يسهل!!!!

صباحو سكرررر

[sendrella119]

(نحن قوم أعزنا الله بالإسلام, و مهما إبتغينا العزة في غيرة أذلنا الله )

بالهاء ......ام بالتاء المربوطة :closedeyes:

[nancy]

داركر انت مش صغير اوى على ان الدنيا (تداركر ) معاك كدة

انت بتتكلم على الكيلة والبنات وبنت الجيران كمان 10 سنين كدة حتكتشف ان فى فى الدنيا حاجات اكتر اظلاما

من البنات الى بتكرف الولاد

وبعدين على راى اللبمبى دى حتت بس متربة

:closedeyes:

وبعدين كلمة حريم دى انا باكرهها

لان المراه حاجات كتير جدا ومنهم الكتير جدا الى يستحقوا الاحترام والحب

انت كل مشكلتك انك وقعت فى ناس مبتحترمش المشاعر حتى لو شفت عشرين بنت فى محور تعاملاتك برضة مش معناها ان دى صفات سائدة

انت كدة عيش حياتك بشكل عادى وظريف ومتزن وربنا يخليك تقابل الى زيك فى الصفات الحلوة

[darker19]

الأخ وليد صفوت

بصفتى شاب من اللى حضرتك بتتكلم عنهم

أحب أوضح ان الصورة مش قاتمة و لا حاجة لأن الإنسان هو الذى يصنع قَدره و مستقبله.... و لا يوجدو الحمد لله أى أحاسيس بإحباطات..و حتى لو تواجد بسبب البطالة (و هذا جائز بالنسبة لبعض الشباب الذى لا يُحسن استغلال وقته) فهو لا يمتد أبداً ليشمل مقت المجتمع المُحيط و كرهه...

انتوا بتنتقدوني على اني عممت وجهة نظري على جميع النساء, وكمان الحالة الي أنا فيها على جميع الشباب, وحضرتك في ردك ده عممت الصورة المشرقة من وجهة نظري على جميع الشباب. ما أظنش ان الصورة حلوة زي ما بتقول, أنا لو كنت شايفها قاتمة وكلامي غامق ده لأني مريت بظروف صعبة هيا الي وصلتني ان أقول الكلام ده و هيا كمان الي وصلتني بإني أحس بالناس الي مرت بظروف مشابهة للأنا فيها و هما كتير جدا مش قليلين و ده عن واقع تجارب, مش مجرد رأي.

نصحك أخى الكريم بأن تشاهد محاضرات الدكتور العبقرى إبراهيم الفقى.... و صدقنى ستتغير نظرتك للأمور بشكل كبير ...

المحاضرات دي ممكن الاقيها فين. وشكرا على إهتمامك.

---------------------------------------------------------------------------------------------------------------------------------------------------

الأخت نانو

اكيد طبعا ما اقصدتش اني اتهمك بكدا ...حاشا لله

و لو انت كده .....ما كنتش هتعاني المعانه ديه و كنت هتعتبر خيانه البنت ليك شئ عادي لانك انت كمان في الحاله هتكون بتخونها

لكن قصدي انت كتبته بنفسك في الجمله التاليه

و لا ايه حضرتك؟؟؟؟؟

حصل خير و مفيش أي مشاكل.

اديك اهو مش لاقي نموذج صالح قدامك و ده بسبب غياب الدين و الاخلاق و التربيه

لكن مش معني كده انه مش موجود ..انت بس انتقي الاماكن اللي ممكن تلاقي فيها البنت المحترمه...و صدقني هتلاقي كتير

ربنا يقدم الي فيه الخير أنا شلت موضوع الإرتباط ده من بالي تمام مش هايكون قبل 3 سنين على الأقل أكون هديت من الي انا فيه, لأني خايف أخد الغلبانه الي هاتكون من نصيبي بذمب غيرها.

---------------------------------------------------------------------------------------------------------------------------------------------------

الأخت folana

حقيقة انا حزينة لان حضرتك كونت الفكرة دىوانت لسه فى مقتبل حياتك...بس للاسف العيب والغلط مش فى الاسر المصرية ..العيب والغلط فى الطريق اللى حضرتك سلكته ..والرؤية المحدودةاللى سجنت نفسك فيها...

الموضوع مش محتاج اننا نقعد على قهوة علشان توضح الصورة...لان الصورة واضحة جدا من كلامك...حتقول ايه تانى يعنى اكتر من كده ؟

شكرا على إهتمامك, بس لو العيب مش على الأسر طب النماذج الي ملت مجتمعنا دي جت منين.

الطريق الي أنا سلكته طريق طبيعي جدا, من المفترض اني ألاقي في الجامعة الكويس زي الوحش لأن الجامعة مش بتنقي الطلبة الجامعة بتقبل الطالب بغض النظر عن لبسة و علاقاته و تفكيره التقييم الوحيد بيكون من الناحية العلمية.

لكي أن تتخيلي أن نسبة الجواز العرفي في جامعة المنيا 13% بس مش هاتلحقي تتخيلي لأنه ده الواقع, الجامعة دي في الصعيد طبعا و الي من المفترض ان المسائل دي صعب تحصل هناك بحكم العادات المتعصبة مقارنة بالقاهرة و الإسكندرية, وبحكم صغر المدينة, النسبة دي أنا مش جايبها من عندي ده من برنامج العاشرة مساءا والمذيعة منى هيا الي قالتها.

طيب نسبة الجواز العرفي بأه في جامعة القاهرة و عين شمس و حلوان و الإسكندرية هاتكون كام.

لو على الكلام في كلام كتير ممكن يتقال و الي قلته مايجيش نقطة في بحر من الواقع الي انا شايفه.

تقدروا تنزلوا الجامعات وتشوفوا ساعة صلاة الظهر مثلا كام طالب وطالبه بيروحوا يصلوا,****************

فيه بنات كتير جدا متربية وعلى خلق..بس للاسف انت موجه نظرك فى الاتجاه الاخر...وفيه شباب يفرحوا..اهلهم عرفوا يربوهم صح...وبيجاهدوا الجهاد الاكبر مع النفس..علشان يحفظوا نفسهم من وسوسة الشياطين...الانس والجن...

وملتزمين دينيا ..سواء مسلمين او مسحيين انا باتكلم عن شعب ومش عن ديانات...

ياريت

طبعا حضرتك استثنيت امك واختك.....فكرتنى بمقولة احسان عبد القدوس.....".....الا امى"

على فكرة أنا وضحت قبل كده أنا بتكلم عن مين, أنا بتكلم عن البنات الي في سني إلي حواليا في الجامعة و في الشغل و في الأسواق الحياة اليومية يعني, وعن نفسي ماشفتش منهم خير, ماتكلمتش عن أمهات يستحقوا كل إحترام وتقدير.

وبعدين مش من ***********إنك تشيري لمقولة زي دي.

أنا بتكلم عن مشكلة بأعاني منها وكلامي كله عام ما وجهتش إساءة لشخص معين من الأعضاء, وثم أنا بتكلم عن مشكلة مش مشكلتي انا لوحدي و الرأي ده مش عندي أنا لوحدي, يبقى مالهاش لازمة تردي عليا رد بالإسلوب ده, ولو في حاجة في كلامي مدايقاكي ممكن يكون النقض*****من كده.

هل ممكن ألاقي بيت فيه ام و أب عرفوا يربوا بنتهم كويس, ويعرفوها الي ليها و الي عليها.

في بيت ممكن ألاقي فيه بنت اتربت على انها تعرف معنى الحياة الزوجية و ايه هيا حقوق الزوج.

انت طبعا مش حتلاقى المواصفات دى ....عارف ليه؟...اكيد عارف ....

ابدأ بنفسك يا اخى الفاضل ..او ابنى الفاضل ...ابدأ بنفسك واتقى الله ..وصحح اتجاهاتك...وافتح طريق الهداية ...وهى كل حاجة حتبقى كويسة..وحتلاقى نفسك بتقول ياه ه ه ه ...انا ماكنتش باشوف الناس دول قبل كده ليه ؟

بصراحة مش عارف ياريت تقوليلي ليه, أنا يمكن أكون مش متدين بس الحمد لله أنا أحسن من غيري بكتير لا ليا في مخدرات ولا في خمره ولا غيره أسواء حاجة بعملها السجاير.

سندريلا مش حتحدف الطوبة لانها مش بتاعة حدف طوب على فكرة ..دى انسانة متزنة والحمدلله...وكمان هى عارفة كويس المكان اللى بتنتمى اليه وبتحترمه ...

على فكرة ردي على الأخت سندريلا مش أكتر من إنه هزار, ومعاكي حق أنا معرفش المكان إلي بنتمي ليه ولا بحترمه, مش كان أولى لو سندريلا قالت الكلمتين دول.

أرجو إنك تتفهمي إن الغرض من الموضوع مش الإساءة أو إتهام جنس معين, أنا بنقل صورة شايفها و عايشها ورأي وصلتله و اقتنعت بيه برغم تأكدي من خطأه, وأظن ان عندي ما يكفيني من إحباط, يعني لو تقدري تساعديني بنصيحة تبقي مشكورة, بعيدا عن أي حاجة انا قلتها لأن تأكدي اني لسة جوايا حاجات كتيرة أنا نفسي لسة مش أدر أستوعبها ولو قلت كل الي جوايا أكيد الكلام مش هايعجبك.

وشكرا على ردك.

---------------------------------------------------------------------------------------------------------------------------------------------------

الأخ وليد صفوت

مش عارف أقلك ايه, بس نفسي أوصل للتفكير ده, على فكرة أنا مش بقفلها, عارف انا مشكلتي ايه, انا عامل زي الي عارف ان السجاير مضرة و مع ذلك بيشرب سجاير, وان المخدرات حرام ومضرة و مع ذلك بيتعاطاها, ده بتبقى مصيبته مصيبه لأنه ممكن يكتب محاضرة عن ضرر السجاير و التدخين خصوصا و هوا أدرى بضررها و برضه مابيقدرش يبطلهم.

---------------------------------------------------------------------------------------------------------------------------------------------------

سمعني نشيد بلادي بلادي لأخونا النسر المصري

ربنا يوفقك لبنت الحلال, ويفك عزوبيتك, انتا هاتخليني أعيط, هوا أنا ناقص تشائم وبعدين بتحسدني على ايه هيا الكحكة في ايد اليتيم عجبه

نهاروا *****عشان الأبيض خلص

برجاء عدم توجيه اهانات للاعضاء

الادارة

---------------------------------------------------------------------------------------------------------------------------------------------------

الأخ abaomar

شكرا على ردك و ان شاء الله هاخلي بالي في المرات الي جاية.

---------------------------------------------------------------------------------------------------------------------------------------------------

الأخت سندريلا

شكرا على إنك لفتي نظري للغلطة دي, على فكرة أنا اللغة العربية عندي من ناحية القواعد و التفاصيل دي ضعيفة بحكم دراستي.

---------------------------------------------------------------------------------------------------------------------------------------------------

الأخت nancy

على فكرة أنا حياتي مدركرة معايا على الأخر, هاتدركر تاني أكتر من كده إزاي.

يمكن يكون سني صغير بس شفت بلاوي ومريت بظروف صعبة كتيرة والحمد لله الحياة ماشية و الواحد بياخد كل خبطة و زحليقة ورا التانية و بينفض هدومه و يكمل طريقه.

كان بيتهيألي ان الكلمة دي عادية, وعلى كل حال أنا بعتذر عنها.

تم تعديل 14 نوفمبر 2006 بواسطة folana

[Folana]

[quote name

.

السلام عليكم ورحمة الله...

يا اخى الفاضل..معلش سامحنى يعنى..مش انت اللى حتعلمنى ادب الحوار....عارف ليه..لان كل كلامك فى مداخلتك الاولى لا ينم عن ادب الحوار...

انت سبيت كل الاسر المصرية ..وسبت كل بنات العائلات وشوهت صورة مجتمع كامل ..لا لشىء الا لانك مريت بتجربة فاشلة انت اللى حطيت نفسك فيها

انا من الممكن انى احذف كلامك ده..بس انا مش طبعى كده..انا احذفه اذا اتوجه لعضو تانى ...لكن مادام بتكلمنى انا يبقى انا قادرة ان شاء الله على الرد...

احنا مالناش ذنب انك تعرض علينا ومش تعرض علينا كمان ..الادق انى اقول تفرض علينا تجربتك الشخصية الفاشلة اللى مش مفروض انها تتعرض هنا..وعايزنا نقولك سمعا وطاعا ..كلام جنابك مقبول كله...

انت اللى كاتب مافيش واحدة متربية ..وانت اللى كاتب انهم بيتجوزوا عرفى وانت اللى كاتب**** ...يبقى مين فينا بقى اللى بيفتقد ادب الحوار يا فاضل ...

انا ماجبتش سيرة امك ولا اختك..انت اللى بتقول امى واختى مش فى الحسبة ..وانا رديت عليك رد انت للاسف مش فهمته صح ..وبناءا عليه انا مش حاهاتى معاك...

لكن اللى عايزة اقوله ان الو كل واحد قال الا امى واختى يبقى ان شاء الله حال المجتمع حينصلح من امثال هؤلاء اللى ماشيين يعربدوا فى دنيتهم وبعدين يرجعوا يقولوا البنات مش متربية ..ومافيش اسرة بتربى بناتها ...

بتقول ان ده مش رأيك لوحدك؟...بس انا سمعته منك انك بس...يبقى انت اللى تتحاسب عليه ..ولا ايه..

انت علقت على رد سندريلا بناءا على تعليقى عن كلامها ..وعلى فكرة انا من حقى ارد بالنيابة عن اى عضو هنا لو حسيت ان الكلام حيزعله....

وبرضه مش سيادتك اللى حتعلمنى اسلوب الحوار الراقى ..

خلاص كده؟

نتكلم بقى فى مشكلتك...

لما يكون عندك مشكلة حتلاقينا كلنا جنبك وبنساعدك بمنتهى الامانة والاخلاص...لكن انت اهنت كل الناس لان نلك تجربة فكان لازم نرد على الاهانات دى وبعدين نلتفت لمشكلتك...

اذا كانت الظروف وضعتك فى هذه الظروف انك ماتقابلش الا النوعية السيئة..فتأكد انك طالما عرفت خطأك يبقى اكيد حتبدأ الطريق السليم ...

ازاى تبدأه ..حنكمل معاك حديثنا اذا سار الحوار بينا بطريقة اهدى من كده شوية ..وخلى من العبارات الرديئة....

اكمل معاك بكرة ان شاء الله