سؤال لكل المغتربين ..... أرجو الأجابة

[مصري في الكويت]

قبل ما اوصل أرض الكويت ..... كنت دايما اسمع عن الجالية المصرية في ا لخارج .. وبصراحة ومن غير ما حد يزعل مني كنت اللي بسمعه مش كويس .... يعني هما مش كويسين مع بعض .... وعندهم مبدأ اللي تزرعه يقلعك علشان كده بلاش تزرع حد .... ولما بدأت أجهز أوراقي قالولي خلي بالك قوي مش راح يتعبك غير ابن بلدك ....

طيب ماهو انا منهم ... يعني أن شاء الله لما تيجي سيرة الجالية المصرية في الخارج ماهو اناواحد منهم

طبعا لما جيت مالقيتش الوضع اللي كنت بسمع عنه ..... لكن اللي لاحظته ان مفيش تقارب بينهم ... يعني تقدروا تقوله كل واحد مخطط ازاي يقضي حياته في الغربة .... ومش محتاج ان يقرب من حد ولا حد يقرب له ...... كمان لاحظت ان فيه شخصيات انتهازية قوي ..... او طفيلية بتحب تعيش علي حساب الغير ودول ناس لهم اسلوبهم يظهر لك انه هو حبيبك الوحيد في الدنيا والباطن غير كده تماما .......

بصراحة يا سادة ......... كل الكلام اللي فات ده مش هو مشكلتي الحقيقة لاني اساسا مش عارف اقوله بأسلوب صياغة كويس

انا مشكلتي في الناس اللي بتتصيد الأخطاء ..... الناس اللي معاك في شغلك اللي دايما تعطي انطباع انك بطيخ في الشغل لرؤسائك وزملائك .... حتي مش بيحاولوا يوجهوك ...... نفسي بس حد هنا يقولي ايه المكسب العائد عليهم من كده ..... احنا الحمد لله في شغل وزارة .... يعني محدش واقف في راسنا او بيسوقنا علي مزاجه .... وانا مش شايف اي استفادة مادية هيكسبها من اللي بيعمله الناس اللي بتتصيد الاخطاء دي ....... ليه الكبير مش بيحاول يوجه الصغير حتي لو اخطأ .... ليه دايما عايز في الشغل يظهر انه الوحيد اللي فاهم كل حاجة وهو المسيطر علي الوضع .......

ياتري حد يقدر يقولي ببساطة وبتلقائية وبلاش كلام كبير او كلام فلسفي .... أزاي اقدر اتعامل مع الناس دي

علي فكرة لما بحس ان فيه حد مراقبني ومستني لي غلطة مش بعرف اشتغل خالص وبتوتر وكل تفكيري امتي ساعات الدوام تخلص وانا كمان اخلص من ضغط الاعصاب ده

انا عارف ان ممكن كلامي يكون سخيف ...... لكن انا فعلا عايز مشورتكم ....... في معاملة ناس زي كده

[رمضان]

السلام عليكم ورحمة الله

بكل بساطة التعامل مع الناس دي يكون بطريقة واحدة الا وهي البعد عنهم نهائي

واهم حاجة انته تكون فايق لشغلك وبس وما تشغلش بالك بيهم ولا بأي شيء تاني

[nash]

لا والله كلامك مش سخيف أبدا..

صباح الخير الأول..

واضح أنك لسه جديد في موضوع الغربه..وبما أني مغتربه ..ومن زمان والله أعلم متي العوده إلي الوطن.. أقول لك الأتي وتقبله من أخت لك..وأتمني أنها تفيدك..

أولا أنت لن تستطيع أن تغير الكون..أو تغير أفراد..تطبعت نفسهم علي كل أنواع اللؤم..والحقد..هؤلاء يا أخي الكريم..إذا بحثت جيدا في أصولهم تجدهمغير كريمي الأصل..لا يمكن أبدا أن يقوم بهكذا أشياء إنسان يخاف الله..ومن أصول كريمه..صدقني لا يمكن..كما أنك لن تستطيع أن تغير البشر...والجبله التي جبلوا عليها..لذلك..صدقني لا تهتم بهم..ودع عملك يعبر عن نفسك..وفي الأول والأخر أستعن بالله وتوكل عليه....إن شاءالله سيحفظك من كيدهم وشرهم..ولا تلتفت لإحد منهم....أعتقد أخي الكريم أنك جديد في موضوع الغربه..لذلك من الممكن أن تؤثر بك هذه الأشياء..لا تلتفت إليها وتجاهلها..ومن الممكن أن تواجه الإنسان الذي يقوم بهكذا حركات..وتحرجه..وتظهر له أنه مكشوف بالنسبه إليك..صدقني طريقه المواجهه بأسلوب راقي سيبعدهم عنك وسيعرفون أنك لست ضعيف..وسيبحثون عن أخرين..ليمارسوا عليه أسلوبهم الحقير....

لا يا أخي لا تشعر بالقلق من المراقبه دامك شايف شغلك صح..لا يهمك مراقبتهم لك أو أنتظارهم لهفواتك..فأنت قوي لإن الله إن شاءالله معك...وهو المطلع علي نيتك وعملك...

للأسف فعلا المصريين وانا منهم لنا أسلوبنا الخاص الأجتماعي في الغربه ..فنحن نعتبر أنفسنا في ورشه عمل..لا مجال لشيء أخر..حتي عند الترفيه لا تشعر لها بطعم أو متعه..اللهم إلا بعض الزيارات العائليه المتباعده..لإن الجميع مشغول..إما في العمل أومع الأبناء..أو في حياته الخاصه جدا..

توكل علي الله ولا يهمك من أحد..وإن شاءالله ربنا يحفظك من كل شر

أختك ناش

[رمضان]

بالنسبة لاستفسارك انهم ممكن يستفيدوا ايه بكل بساطة الناس بيكون عندها عقدة نقص او ضعيفة في تخصصها فبتحاول تظهر على أخطاء الاخرين ومحاولة اظهار اخطاء الاخطار

[Eemaan]

سلام الله عليكم جميعا..

انا كمان سمعت الجمله دى كتيييييييييير أوى...

لكن لسه ما شوفتش حاجه وحشه من اولاد بلدى المصريين اللى بتعامل معاهم هنا...

ويارب ما شوفش حاجه وحشه منهم لأن فعلا لما بتدى لحد الأمان وبعد كده يعمل فيك حركه من إياهم تأثيرها بيكون شديد اوى....

بتهيألى الموضوع نسبه وتناسب يعنى احنا من أكتر الجاليات عددا فى الخليج بصفه عامه يبقى بالتالى نسبه الأشخاص اللى الجمله دى اتقالت عليهم ممكن تزيد... وكمان لأن الموضوع بيسمع أوى لو اللى أذاك بن بلدك...

لكن اللي لاحظته ان مفيش تقارب بينهم

بتهيألى ده طبيعى إلى حد ما... انت نفسك لو فى مصر هتلاحظ ان الناس ما بقاش فى تقارب بينهم زى زمان... بإستثناء الأهل و الأصدقاء المقربين طبعا...غير كده كل واحد مع عيلته و حياته و بيجرى جرى الوحوش... ...لأن أصلا ما فيش وقت خالص... فطبيعى ان ده يزيد حبتين فى الغربه... بس ده برده ما يمنعش ان الناس تقف مع بعض وقفه رجاله فى الأزمات ...ده اللى انا شيفاه حواليا لحد دلوقتى...

اما بأه ازاى التعامل مع الناس بوجه عام فهى دى المشكله الكبيره...لأن ده بيكون طبع فى الواحد..يعنى لو انت بتحسن الظن فى الناس مش هتعرف تغير الطبع ده من اساسه...حتى لو اتقرصت مره و اتنين ... جينات يعنى...

بس زى ما قال رمضان و ناش البعد عن الناس دى غنيمه...المهم ازاى نعرفهم على حقيقتهم قبل حدوث خسائر : )

فى مثل بيقول "لا تذم ولا تشكر إلا بعد سنه و ستشهر" ... يعنى بعد ما تكون أخدت الحقنه للأخر : )

و ربنا كريم...

[أبو زياد]

طالما إنك دعيت يا أخى العزيز

فأنا لبيت النداء بصفتى مغترب قديم :D

شوف يا سيدى الخلاصة ...

إسمع بقى الزبد

وانتى يا إستاذة إيمان (أستاذ ؟ :D )

شفنا كتير وقابلنا كتييير

لو قعدت تفكر الراجل دة مستقصدنى و ناوى لى و بيضرب فيا مهاميز مش حتخلص

وانت أكبر طرف متضرر

لا تفتش وراؤه - وتعلم كيف تعامل الناس بحذر دون ان يلاحظوا ذلك

وما تقولش هوة ليه مش بيوجهنى لأنه باختصار انت إمكانياتك أحسن منه ( إوعى تقوله كدة :) )

ماتنتظرش حاجة منه خالص لا أبيض ولا أسود وما تزعلش منه خالص

وخليك انت دايما التلميذ النجيب والصديق المخلص

ودة مش حيضرك فى شىء بل حيخلى علاقتك كويسة بالناس = إنتاج أحسن + بيئة أحسن للعمل

وصدقنى مش دايما كل الناس على خطأ وانت اللى صح

ليس كل ما نراه هو الحقيقة

(أبو زياد ;) )

[Eemaan]

وانتى يا إستاذة إيمان (أستاذ ؟ )

لالا مش استاذه خالص يعنى دنا يا دوبك اختك الصغننه وبعدين ده انت اللى استاذ يا أستاذ :D..

[النسر المصري]

حبيبي سيف

طبعا اوجه شكري لكل من ساهم في توجيهك وده أكبر دليل على ان كلامك عن عدم التقارب خطأ لاننا اهو وشوف كام واحد مغترب وفي الكويت بس قام ينصحك لله ف الله كده بس عشانك ابن بلدي (وطبعا عشانك جزء من هذا البيت الكبير)

نرجع لموضوعنا....انا مش حقولك تعمل ايه عشان تواجه مين ازاي لان اكيد انت ليك شخصية مختلفه واسلوب مختلف للتعامل مع انواع البشر...ولاقاعده في ذلك الا ماكتبه الله وشرعه علينا

انا هقولك عن اسلوبي

انت عارف ان مجال عملي هو في الجرافيك والتصاميم...ودي فيها منافسه عملاقه سواء من الممارس لحاااد المتخرج كلية الفنون الجميله واللي انا واحد منهم الحمدلله

لكن فيها احقاد كثيره...وهو ده جال ادعايه والاعلان.....طول عمره تحديات ورزاله وغلاسه

اولا لايمكن ان اسمح لنفسي بان اخطأ او أغلط......بس اذا غلط لازم اعترف بغلطي......طب وازاي امنع اللي هيشمت فيا انه يمسكهالي ذله.....دي تكمن بقى في الشخصيه المفروضه عليهم من الأول

وهي انه اللي بيكش معايا على الفاضي والمليان ده بفضحه......وبخلي نهاره اسود.....وبيكون قدام الكل......صدقني دي بتدي معايا نتيجه واحده....المتحترم بتزيد قدامه اكثر احتراما لانك ماسكتش واخدت حقك

والغير محترم ده احترمك وتجنبك ولم نفسه واتركن على جنب

بعد كده تلاقي مفيش خوف من ان حد يتصيد اخطاءك...واكيد كل واحد ليه اخطاء لان الانسان غير معصوم من الخطأ....بس اهم حاجة تقتصر الاخطاء دي على مجال العمل.... مش الأخلاق....

ولاحظ ان الغير محترمين دول اخطاءهم في الأخلاق ....وطبعا اكيد العمل كمان

عموما ياسيف ياصذيقي انا في خدمتك هنا في الكويت.....وصدقني احنا المصريين هنا جدعان اوي اوي اوي مع بعض...

صباحك روقااان ياعم سيف

[أبو زياد]

أى مشاكل أزمات

إحنا تحت امركم والتوصيل للمنازل

الغربة تهون مع الوقت و الأيام --- مثلها مثل كل شىء

[مصري في الكويت]

ربنا يخليكم كلكم ...... وان شاء الله استفيد من كلاكم ...... انا علي فكرة بقرأه مرات ومرات وبحاول اسوعب كلامكم بكل كياني ... شكرا ليكم

[alhazem12004]

السلام عليكم

ازيكم يا شباب الغربه اخباركم ايه انشاء الله تكونوا زى الفل .

اخ مصرى بالكويت . على فكره كل كلامك ده عادى وواقع لانى عايش فيه وعلى فكره انا كمان بشتغل بوزاره زيك .وبقالى 6 سنين . بس الفرق الوحيد بينى وبينك انى مش بعمل حساب لاى حد . اهم شئ انك تركز فى شغلك وتنتبه ليه وتركز فيه وبس .. اما عن العلاقات الاجتماعيه وخلافه فمن النادر انك هاتلاقيها لان البشر هنا بيتحولوا لمكائن فلوس وبس . ومش هاتلاقى احاسيس ولا مشاعر ولا اى حاجه من الكلام الفاضى ده .. فانسى انك تلاقى وريح نفسك .

وحط فى تفكيرك شئ واحد بس هو انك ماتعملشى حساب لاى بشر مهما كانت جنسيته او نوعه لان رزقك مش علي بشر . رزق على الله سبحانه وتعالى . لانه مش هايقدر يعمل ليك او لغيرك اى شئ . واهم حاجه ثقتك تكون كبيره فى ربنا وفى نفسك وبس .

و90 % من البهوات المصرين احفاد الفراعنه فى الصور المشرفه دى .

مصرى^بالكويت

http://www.mazika.com/mazikaforums/ShowPos...px?PostID=69535

[الحازم حسن]

السلام عليكم

ازيكم يا شباب الغربه اخباركم ايه انشاء الله تكونوا زى الفل .

اخ مصرى بالكويت . على فكره كل كلامك ده عادى وواقع لانى عايش فيه وعلى فكره انا كمان بشتغل بوزاره زيك .وبقالى 6 سنين . بس الفرق الوحيد بينى وبينك انى مش بعمل حساب لاى حد . اهم شئ انك تركز فى شغلك وتنتبه ليه وتركز فيه وبس .. اما عن العلاقات الاجتماعيه وخلافه فمن النادر انك هاتلاقيها لان البشر هنا بيتحولوا لمكائن فلوس وبس . ومش هاتلاقى احاسيس ولا مشاعر ولا اى حاجه من الكلام الفاضى ده .. فانسى انك تلاقى وريح نفسك .

وحط فى تفكيرك شئ واحد بس هو انك ماتعملشى حساب لاى بشر مهما كانت جنسيته او نوعه لان رزقك مش علي بشر . رزق على الله سبحانه وتعالى . لانه مش هايقدر يعمل ليك او لغيرك اى شئ . واهم حاجه ثقتك تكون كبيره فى ربنا وفى نفسك وبس .

و90 % من البهوات المصرين احفاد الفراعنه فى الصور المشرفه دى .

مصرى^بالكويت

http://www.mazika.com/mazikaforums/ShowPos...px?PostID=69535

الله الحازم برده اهلا أهلا

والله يا سيدي كلامك صح الصح

[inas]

:sad: والله الموقف دا حصل معايا وكانك بتحكي عني وكان سبب في تركي العمل اخ زميل مصري واخت مصريه

ولم اندم على تركي العمل ولكن قبل مسيبو كانو هما مرفودين شوف ربنا يملي للظالمين

استفادو ايه طيب ولا حاجه غير انهم شوهو صورتنا كمصرين بناكل في بعض شيء محزن ومخزي فعلا ;)

[abo_sameer]

اهلا بالكويت .

حقيقي انا بقالي اكثر من خمس وعشرين سنه بالسعوديه بالرياض تحديدا . ومن مواليد الرياض ,

فعلا ما ذكره الاستاذ الكويتي بالاقامه . المصري بالاصل والانتماء اننا المصرين . انتهازيين . او مش متعاونين مع بعضنا الخ.......

اقدر كلامه واضيف اننا عايشن مش كلنا وان كانت الاغلبيــه تعمل كدا .

الاسباب متعدده ومنا . كل واحد مشغول بحاله دي اولا .

وتانيا . كثره الاتزامات العاءليه او ضروف الشغل

وثالثا . تعودنا كدا في مصر , كل واحد يشوف مصلحته . الا في وقت الازمات الكبيره تلاقي الناس من حواليك . ودي نقطه للمصرين

ودا مش خاص بالمصرين اغلب الجاليات العربيه تعمل كدا

السوريين .. الاردنيين .. الفلسطينين .

سالت نفسي ليه الجاليات الاخري مثل السودانيين .

ااضن ان السبب هو انهم بيعرفو بعض قبل وتلاقي تلاحمهم وترابطهم نتيجه تمسكهم بالعادات والتقاليد الاصليه مثل القبيله والعائله . موروثات قديمه

لازلنا المصريين هنا بالرياض متمسكين بالزيارات الجانبيه واالقربه . بينا غير كدا .. نادر وكل واحد ومعدنه ..

ليه ما في قهوه للمصرين او نادي للمصرين او على الاقل مكان تجتمع فيه حتي لو حديقه عامه مثل الفلبينين.

[عبده بيه]

الاخ الكريم وكل المغتربين

فعلا حالنا ماساوي جدا في الخارج واحنا اقل شعوب الارض تعاونا مع بعض وعلي اعتقد الاخت نانو ردت بما فيه الكفايه

ده خايف لو مت ملاقيش حد يشيلني

[car]

بص يا سيدي

خد الموضوع ببساطة

مع مرور الوقت حتتعود عليه

وبمرور الوقت حتعرف تتعامل مع هولاء الاشخاص

المهم تكون في شغلك وتثبت نفسك

ومتفكرش في حاجة ولا تخاف بسم الله الرحمن الرحيم

" لو اجتمعت الأمة علي أن ينفعوك بشيء لن ينفعوك إلا بشيء قد كتبه الله لك ولو إجتمعو علي أن يضروك بشيء لن يضروك إلا بشيء قد كتبه الله عليك "

"ويمكرون ويمكر الله والله خير الماكرين"

ودي الاجابة التي ليس بعدها اجابة

[الحازم حسن]

مع احترامي لكل الآراء طبعاً بس أنا شايف ان بلد الاغتراب نفسها لها دور وعامل كبير في الموضوع ده يعيني نظام الكفالة ده الله يسامح اللي اخترعه وعادات بعض مواطني دول الخليج للاسف ان كل موظف عنده يسلط عليه موظف تاني يعني انت يا محمد عليك بحسين وانت يا حسين عليك بمحمد وفاكر ان دي شطارة وده طبعا أسلوب مش كويس وأعتقد ان الاخوة المقيمين في كندا او انجلترا أو أمريكا مستحيل يحصل معاهم الكلام ده مش كده ولا إيه ؟؟!!!

تم تعديل 9 ديسمبر 2006 بواسطة الحازم حسن

[otaka]

انا فعلا بقى عندى عقده من الناس

انتوا بتعملوا ايه يا جدعان فى بعض

انا الحقيقه عمر ما واحد مصرى عمل معايا حاجه يمكن لان مفيش بينا شغل و لا عمرى اشتغلت مع مصريين لكن الكلام اللى بسمعوا من الناس سئ جدا

بالنسبه لكلام عم حازم حسن لسه اتنين مصريين ضاربين بعض و البوليس جالهم فى محل العمل

هنا لندن

[بنت النيل]

الاخ مصرى معلش اسمحلى كلامى هيكون جامد شوية انت بتقول فى بداية كلامك الاتى :

( طبعا لما جيت مالقيتش الوضع اللي كنت بسمع عنه ..... لكن اللي لاحظته ان مفيش تقارب بينهم ... يعني تقدروا تقوله كل واحد مخطط ازاي يقضي حياته في الغربة .... ومش محتاج ان يقرب من حد ولا حد يقرب له ...... كمان لاحظت ان فيه شخصيات انتهازية قوي ..... او طفيلية بتحب تعيش علي حساب الغير ودول ناس لهم اسلوبهم يظهر لك انه هو حبيبك الوحيد في الدنيا والباطن غير كده تماما ....... ) ده كلام مصرى بالكويت

اولا الكلام ده مش صحيح ومش فى اغلب الاوقات انت اول ما جيت وسالت بيروحو فين وبناء على كلامك تم اتفاقات بينا واتشجعنا على اللقاء والتقارب من بعض وبالفعل حصل ومع ذلك انت اول واحد قولت معلش مش هقدر اجى يعنى انت اهوا واحد من اللى مش بيتقربو من حد ولاعايز حد يقرب منك B) دى حاجة وبصراحة انا بقالى 12 سنة بالكويت ولا مره صدفت معايا تعامل مع اى شخص مصرى الا والاقى منه كل ترحيب وتعاون واخلاق والاماره على كدا لما تقابلنا وتعارفنا على بعض شباب ذى الفل وجدعان اوى ومحترمين اكتر وابدو استعددهم للمساعدة فى اى شىء واى وقت

الحاجة التانية ان مش كل الناس ذى بعض وقلنا قبل كدا ان كل مكان فيه الكويس والوحش ومش المصرين بس اللى بيحصل بينهم كدا دى حاجة تانية

واكييد كل واحد بيكون عوز يكون الاحسن او الافضل والتنافس فى حد ذاته مش وحش ولكن بدون تسبب فى ضرر لاى شخص اخر

اما بقى عن الناس اللى بتكلم عنهم هو يمكن يكون لانك حاطط الموضوع ده فى دماغك دايما وشغلك اوى فبتهيئلك ان دايما فى حد متربص ليك او واخد باله منك وممكن يكون ده مش صحيح بالمره وعوزة اقولك عن حاجة من معرفتى لبعض الكويتين او اصحاب العمل انهم مش بياخدو على اى كلام يوصلهم على طول ولكن هما من اللى بيحبو دايما يتأكدو بنفسهم من كل شىء لان كثير منهم فهمين نوع الاساليب دى

ولكن اذا فرضنا بوجده فعلا فما عليك غير انك متسألش فيه نهائى وتاخد بالك من شغلك والمثل عندنا بيقول ايه

( امشى عدل يحتار عدوك فيك ) B)

لكن ياريت معلش يعنى لما حد يحب يكلم ياريت بلاش التعميم فى كلامه ودى حاجه قلناها قبل كدا عشان ما نشوة صورتنا فى كل مكان ونعطى للناس فكرة سيئة عننا ونرجع نشتكى منهم ودايما مننساش ان اللى بيكلم او احنا اللى بنكلم مصرين برده

وفقك الله ووفقنا جميعا

[abo_sameer]

بنت النيل تقول :-

الحاجة التانية ان مش كل الناس ذى بعض وقلنا قبل كدا ان كل مكان فيه الكويس والوحش ومش المصرين بس اللى بيحصل بينهم كدا دى حاجة تانية

هذه العباره اكل ما اسمعها حين يكون الكلام هناك نقد موجه لمصريين . انا مصري واحب مصر , واتمني ارجع لمصر واخلص من الغربه . اللي اناعايش فيها زي ما كون بلدي .

اش معني الجاليه السودانيه .. كلهم كويسين .. ما قالو فيه الكويس وفيه البطال . السودانين كلهم مع بعض ايد واحده ,

يشيلو بعض , ولما يكون فيه مشكله لواحد فيهم تلاقيهم مع بعض يبحثو عن واسطات . وكفلاء . وبردو. بيسندو بعض لو صار ليهم لا قدر الله مشكله . واعرف انهم عاملين بيت للضيافه للي مش لاقي عمل ..

احنا كل واحد في حاله . ( العباره المشهوره . ونا مالي )

نظام الكفيل مفروض يكون نشد بعض . يكون فرصه وامتحان للتالف . والتاخي كمصريين .. لو بقينا ايد واحده . وما نقينا على بعضنا .. . كان الحال تغير .

الكفيل من ما كان يجد في ضعاف النفوس من يساعده ويتسابق عشان يوصل له نميمه . ووشايه ..؟؟