كيف تواجه حرب الرجوع للوطن ؟

[abo 3ali]

السلام عليكم

احببت ان استشير ذوى الخبره ليفدوينى بخلاصه ارائهم

افكر جديا فى العود لام الدنيا بعد سنه وحيده فى الغربه ..و احاول ان اقيم الموضوع من كل جوانبه ..

المشكله الوحيده انك قبل لما ترجع متواجه بحرب من كل الناس اللى بيحبوك و اللى يهمك امرهم و اللى كمان انت مسئول عنهم

حترجع ليه ؟ مش طايق الغربه و البعد عن ولادى ...

حتعمل ايه لما ترجع ؟ حادور على شغل

حتاخد كام ؟ ربنا بيرزق

الاسعار غاليه و مولعه . ؟ هنا كمان مش حننينه و مدلعه

حتاخد كام هنا ؟ و بتاخد كام هناك ؟

حتقول للناس ايه ؟

الناس حيقولوا عليك فاشل ..

انت فى نعمه و غيرك مش لاقيها ..

و .. و.. و... و...

اللى عاوز اعرفه و استشير فيه . لما الواحد بيفكر يرجع ايه الاسباب اللى بتخليه يرجع بعد سنه او خمسه او عشره او حتى عشرين

هل فى نوعيه ليها فى الغربه و نوعيه لا .. ممكن انا اكون منهم .. لا عيب و لا حرام

طيب مش انت فكرت قبل ماتسافر و قررت ايه اللى رجعك فى قراراك بعد سنه . انت خرع .. انت مبتستحمليش . امال الناس اللى بتقعد بالخمسه و عشرين سنه

ايه هى متاعب مابعد العوده و ازاى تتغلب عليها ؟

باختصار عاوز خبراتكم و استشارتكم و جزاكم الله خير . يمكن كلمه اقراها و اقتنع بيها تغير المسار او تخلينى مصر اكتر على القرار

تحياتى للجميع

[أبو زياد]

أخى العزيز

أنا بصدد الرد عليك لأهمية ما تقوله

ولأنك أخى فى الله

وحتى أرد عليك لضيق الوقت أقول لك :

لا تتسرع ولا تخضع لعاطفتك

[أبو زياد]

أخى العزيز :

بداية لا أحد يستطيع أن يقول لك أين الخير لك

فى الرزق - فالله أعلم

فى الدين - أنت الذى يحدد المكان الذى يصلح به دينك

الشىء الوحيد الذى يعطيك ضوءا تجد به طريقك هو صلاة الإستخارة - نعم

أخى إن الله أمرنا بالبحث عن الرزق - و جعل ذلك غريزة فى الطيور و المخلوقات

وكذلك أمرنا بالهجرة من المكان الذى فيه اضطهاد دينى أو فكرى

إلى مكان آخر يصلح به ديننا

نعم الله أمرنا بذلك ولا تستغرب - وربما يستغرب بعض الزملاء

إننى أقول الحقيقة أمام الله و هوشاهد على ذلك

أخى العزيز - املى أن أكون قد وفيت النقاط التى أردت توصيلها إليك

وكذلك أملى أن تفكر فيها و تراجع نفسك

فالقرار سهل و لكن الرجوع فيه صعب جدا

والله يوفقك لما فيه الخير لك

[mizo]

اخى العزيز

على ما اظن انك لسه فى مرحله الحنين الى الوطن HOME SICK

على فكره دى اسوء مرحله تمر بها فى الغربه واغلب المغتربيين مروا بها لانك بتلاقى نفسك فى يوم وليله حياتك اتغيرت تماما وباخذ فتره حتى تتاقلم عليها وبتختلف من ناس الى ناس انا شخصيا عانيت لمده سنتيين

المهم فى هذه الفتره من الافضل الا تتخذ اى قرارات مصيريه زى الرجوع او الزواج واحسبها كويس بالعقل الغربه مش فلوس وبس الغربه لازم تكون الحياه بها مريحه ومعك اسرتك حتى تستطيع ان تؤدى عملك جيدا جايز الاسره مش معاك الان يبقى احاول ارتب لمجيئهم باسرع وقت

ايضا طبيعه عملك جايز لو اديت نفس الاهتمام فى مصر يكون الدخل اكبر انا اسف لانى اشوف ناس فى الغربه عنده استعداد طيب ويصحى للشغل بدرى بس فى مصر يصحى متاخر ويهمل متابعه عمله الخاص معتمد على الصنايعيه؟؟

ارتباطك باصدقاء فى مصر متعود كل يوم تسهر معاهم لازم تعرف ان دى فتره وعدت الان لك اسره هى لها المقام الاول

وممكن يكون سبب انك مش عارف تعيش فى الغربه لتعودك عليهم يوميا (افتراض)

اوعى تعمل حساب الناس تقول ولاتعيد ما حك جلدك مثل ظفرك

ارجو ان اكون افدتك

اتمنى لك السلامه واوعى تاخذ قرار فى هذه الفتره

[الحازم حسن]

أستاذ أبو على

شوف يا سيدي نصيحة أخوية

إوعي ترجع

والكلام ده عملي مش نظري لأن في ناس كتير جداً قالت زي حضرتك كده احنا حنقعد في الغربة فترة معينة وبعدين نرجع نعمل مشاريع ونستقر في مصر وفي أقل من 6 أشهر بدؤا يدوروا على فيز تانية عشان يرجعوا تاني

وللامانة انا كنت واحد منهم ... انا النزلة الاخيرة اللي نزلتها مصر خلتني مفكرش أنزل قبل 10 سنين

عموماً القرار قرارك وبالتوفيق ان شاء الله

تم تعديل 15 نوفمبر 2006 بواسطة الحازم حسن

[abo 3ali]

أخى العزيز :

بداية لا أحد يستطيع أن يقول لك أين الخير لك

فى الرزق - فالله أعلم

فى الدين - أنت الذى يحدد المكان الذى يصلح به دينك

الشىء الوحيد الذى يعطيك ضوءا تجد به طريقك هو صلاة الإستخارة - نعم

أخى إن الله أمرنا بالبحث عن الرزق - و جعل ذلك غريزة فى الطيور و المخلوقات

وكذلك أمرنا بالهجرة من المكان الذى فيه اضطهاد دينى أو فكرى

إلى مكان آخر يصلح به ديننا

نعم الله أمرنا بذلك ولا تستغرب - وربما يستغرب بعض الزملاء

إننى أقول الحقيقة أمام الله و هوشاهد على ذلك

أخى العزيز - املى أن أكون قد وفيت النقاط التى أردت توصيلها إليك

وكذلك أملى أن تفكر فيها و تراجع نفسك

فالقرار سهل و لكن الرجوع فيه صعب جدا

والله يوفقك لما فيه الخير لك

اخى الكريم

بارك الله فيك و جزاك عنى خير الجزاء

كلمتك رنت فى اذنى امبارح . لا تتسرع .. و لا تخضع لعاطفتك ..

هذا ماكنت اصبو اليه . كلمه فقط كلمه تنير لى الطريق

و لكنى دعنى اعترف لك انى غير متسرع بالمره و الدليل قرار انتقالى من مصر للغربه اخذ سته اشهر بحث و تمحيص و استخاره ثم توكلت على الله

الجزى الثانى الخاص بالعاطفه خاص بالبعد عن الاولاد و هذه العاطفه الابويه لا حيله لى فيها و لكنها ليست مصيريه فى اتخاذ قراراة خصوصا و انهم لسه صغيرين و مش حاسين زى مابيقولوا . بس اكيد محتاجين الاب زى الام لانى مومن و مقتنع ان ام لوحدها او اب لوحده ميربيش و لابد من وجود الاثنين معا خصوصا و ان مايتلقه الاطفال فى الصغر كالنقش على الحجر

و الحل الوحيد دائما هو صلاه الاستخاره التى تنير الطريق و تجعلك مطمئن

مازلت فى مرحله التفكير و الاستماع الى كافه الاراء .. و الغريب انى استمع الى اناس لم اعرفهم و لم التقى بهم من قبل و لكنكم اخواتى فى الله و جزاكم الله خير

اخى العزيز

على ما اظن انك لسه فى مرحله الحنين الى الوطن HOME SICK

على فكره دى اسوء مرحله تمر بها فى الغربه واغلب المغتربيين مروا بها لانك بتلاقى نفسك فى يوم وليله حياتك اتغيرت تماما وباخذ فتره حتى تتاقلم عليها وبتختلف من ناس الى ناس انا شخصيا عانيت لمده سنتيين

المهم فى هذه الفتره من الافضل الا تتخذ اى قرارات مصيريه زى الرجوع او الزواج واحسبها كويس بالعقل الغربه مش فلوس وبس الغربه لازم تكون الحياه بها مريحه ومعك اسرتك حتى تستطيع ان تؤدى عملك جيدا جايز الاسره مش معاك الان يبقى احاول ارتب لمجيئهم باسرع وقت

ايضا طبيعه عملك جايز لو اديت نفس الاهتمام فى مصر يكون الدخل اكبر انا اسف لانى اشوف ناس فى الغربه عنده استعداد طيب ويصحى للشغل بدرى بس فى مصر يصحى متاخر ويهمل متابعه عمله الخاص معتمد على الصنايعيه؟؟

ارتباطك باصدقاء فى مصر متعود كل يوم تسهر معاهم لازم تعرف ان دى فتره وعدت الان لك اسره هى لها المقام الاول

وممكن يكون سبب انك مش عارف تعيش فى الغربه لتعودك عليهم يوميا (افتراض)

اوعى تعمل حساب الناس تقول ولاتعيد ما حك جلدك مثل ظفرك

ارجو ان اكون افدتك

اتمنى لك السلامه واوعى تاخذ قرار فى هذه الفتره

ميزو باشا

نعم اعتبر نفسى فى اسوا مرحله -وهى حاله عاطفيه فى المقام الاول و ليست عمليه او عقلانيه . بمعنى على المستوى العملى انا و الحمد الله اودى عملى بما يرضى الله سواء كنت هنا او فى مصر و باصحى بدرى و عمرى ماتاخرت و ابذل نفس المجهود سواء هنا او هناك و لكنك تعلم مازال التقدير المادى غايب فى مصر مع ارتفاع الاسعار

ارتباط اى حد باصدقائه شى وارد و لكنى ايضا تجاوزته بان اصبح لى هنا اصدقاء كثيرون ايضا و نعم الاصدقاء

موضوع جلب الاسره هنا مكلف جدا و غير ذى جدوى و يعود بنا لنقطه الصفر ..لانك كما تعلم الايجارات و تكاليف الحياه هنا بالاضافه الى انى لا اميل ان يتربى اطفالى بعيدا عن الوطن رغم كل مساوئه

شكرا لكلامك المعبر و جزاك الله خيرا و سوف استمع لنصحيتك و لن اخذ قرار الا بعد التمحيص و الاستخاره و الاستشاره لانى لا احب العوده فى قراراتى مهما كلفنى الامر

أستاذ أبو على

شوف يا سيدي نصيحة أخوية

إوعي ترجع

والكلام ده عملي مش نظري لأن في ناس كتير جداً قالت زي حضرتك كده احنا حنقعد في الغربة فترة معينة وبعدين نرجع نعمل مشاريع ونستقر في مصر وفي أقل من 6 أشهر بدؤا يدوروا على فيز تانية عشان يرجعوا تاني

وللامانة انا كنت واحد منهم ... انا النزلة الاخيرة اللي نزلتها مصر خلتني مفكرش أنزل قبل 10 سنين

عموماً القرار قرارك وبالتوفيق ان شاء الله

شكرا لك و لكلامك الواقعى و الذى يدل على سوء الحال و لكنى حتما سوف ارجع يوما ما و اواجه مايواجهه اخواننا فى مصر لان ده قدرنا و دى بلدنا اللى عاوز ولادى يتربوا فيها رغم كل الصعوبات

شكرا ليك و لنصيحتك و اتمنى لك التوفيق و ان تعود يوما الى ام الدنيا سالما موفقا

مازلت فى انتظار كلمات اخرى من باقى الاعضاء المحترمين لعلى اجد مزيدا مما ينير لى الطريق و جزاكم الله خيرا

[Gihan]

السلام عليكم يا اخ ابو على

للاسف اللى بيسافر يعيش برة مصر ولو حتى سنة واحدة بيبقي صعب جدا علية يرجع يعيش فيها تانى

واعتقد ان السبب الاساسي مش الفلوس ولكن الادمية المهدرة فى مصر

الانسان مالوش قيمة غير بعدد الدولارات او الدينارات اللى فى جيبة وحتى لو معاة فلوس بيخاف واحد تانى اغنى منة يدوس علية وياخد حقة

اهم حاجة فى الدنيا هى العاءلة وخصوصا الاولاد السنين اللى بنشوفهم ونعيش معاهم وهمة بيكبروا ماتتعوضش بفلوس الدنيا

مافكرتش تاخد العاءلة معاك بدل ما ترجع مصر؟

بالنسبة للملاحظات اللى بتسمعها من اللى حواليك ماتخاليهاش تاثر على قرارك

محدش بيعيش حياتك مكانك وما فيش فلوس تعوض احساس الوحدة

ربنا معاك ويوفقك فى اخد القرار اللى يرحيك و يلم شمل الاسرة

[الحازم حسن]

للاسف اللى بيسافر يعيش برة مصر ولو حتى سنة واحدة بيبقي صعب جدا علية يرجع يعيش فيها تانى

واعتقد ان السبب الاساسي مش الفلوس ولكن الادمية المهدرة فى مصر

الانسان مالوش قيمة غير بعدد الدولارات او الدينارات اللى فى جيبة وحتى لو معاة فلوس بيخاف واحد تانى اغنى منة يدوس علية وياخد حقة

كلام مزبوط

[abaomar]

السلام عليكم

الاخ حازم تقصد مضبوط ؟ -_-

بص يا ابو على الرزق اينما تذهب فهو معاك فما تشغلش بالك بيه

اعتقد ان اهم شئ عندك دلوقت هما اولادك اللى يعتبروا اهم استثمار فى حياه والديهم فلازم يكونوا معاك الام مش كفايه الام ممكن تأكل (بتشديد الكاف)و تشرب و تعتنى بالاولاد ايما عنايه و لكن يا عزيزى التربيه اساسا على الاب لان التقويم السلوكى محتاج شده و على مدار الساعه و الام حنينه فما ينفعش ده لو انت حريص على اولادك و هذا ما احسه من كلامك .

و على فكره ما فيش حاجه اسمها العيال لسه صغيرين و ما بيحسوش ارتباط الطفل بابويه و اثناء مرحله الطفوله شئ مهم و خطير جدا و عاوزك تقولى احساسك ايه لما تنزل اجازه بعد سنه و ابنك او بنتك تلاقيه كبر و ما يعرفكش و يجرى الى خاله او جده خوفا منك انت الغريب الذى لا يعرفه فحذار من ذلك

و بعدين لو انت خايف ما تستطيع الادخار فى وجود اولادك معك فالحياه الان خارج مصر و فى بلاد كثيره و اخص منهم السعوديه حتى لو لم تدخر فيكفى ان تعيش حياه كريمه و تربى اولادك امام عينيك اما فى مصر فحدث و لا حرج

يا محترم انا فى الاجازه اللى فاتت شفت كام بطن تفتكر (موضه البودى القصير الذى تظهر منه السره ) شئ بشع و الاتى ابشع اذا و اكرر اذا اتيحت لاحد الفرصه للحياه خارج مصر و خصوصا فى هذه الفتره المظلمه فى تاريخ هذا البلد فليفعل على الاقل يستطيع يربى اولاده بشكل اكثر احتراما مما يحصل فى مصر اقول هذا و اعلم انى لو اضطررت فسوف انزل و استقر و اعيش كباقى الناس و لكن طالما وجدت الفرصه فلا باس

[الحازم حسن]

السلام عليكم

الاخ حازم تقصد مضبوط ؟ -_-

بالزبط كده :P

[الحاج فوزى]

اسمح لى ان اقول لك جملتين فى غاية الاهمية بالترتيب

1- لابد ولا مفر ان تجتمع واسرتك فى بلد واحد وبيت واحد وانت يتربى ابنائك بين احضانك وان تجدك زوجتك بجانبها .

2- الفقر فى الوطن غربة والغنى فى الغربة وطن وهى جملة من الواضح انك تعرفها جيدا

خلاصة القول

ان لم تستطيع ان تحضر زوجتك واولادك للعيش معك فى فترة وجيزة فأحزم حقائبك وارجع لبيتك

اما ان كنت تستطيع ذلك ، فاياك والعودة ، وان كنت لا تدخر درهم ولا دينار .

حسين

[محمد عبدالعزيز]

وجهة نظرى ربما تكون غريبة على البعض لأنها بالفعل غريبة فى هذا الزمن, حيث الأنانية والجبن وحب الدنيا بطريقة بشعة والاستسهال وانعدام الانتماء وانعدام الإحساس بالمسئولية وغيره من القيم والثقافات السائدة فى هذا العصر تجعلها غريبة, سأقولها ورزقى على الله.

فالرجوع من الخارج إلى مصر ليست جريمة وليس خطأ العمر الذى لا يمكن تصحيحه بل هو فى رأيى واجب على كل مستطيع, خصوصاً من المتعلمين تعليم جامعى وفوق المتوسط, وهم الذين يستطيعون المشاركة فى التغيير والإصلاح الذى نأمله فى مصر, فهروب معظمنا إلى الخارج يساعد على تفشى الفساد وسيطرته على مقادير البلاد والعباد.

ياجماعة اللى خايف على مستقبله ومستقبل أولاده من بعده ويقدر يرجع, وبأقولها وأؤكد عليها يقدر يرجع, بمعنى إنه عنده استعداد يضحى ويتحمل المشاكل اللى ممكن يقابلها ياريت يرجع بس على شرط يكون له دور إيجابى فى الإصلاح.

كلامى ليس موجه للأخ صاحب الموضع بشخصه, وهو أدرى بظروفه وبأحواله من الجميع ويارب يهديه لما فيه الخير, ولكن بصراحة تستفزنى جداً كلمات مثل "اللى يلاقى فرصة يسافر مايترددش" وما شابهها, أشعر فيها بالأنانية الشديدة ودعوة للإنهزامية وكأننا سنستورد شعب من الخارج يصلح لنا البلاد.

تحياتى لكم, ودعواتى للأخ أبو على إن ربنا يهديه لما فيه الخير.

[se_ Elsyed]

يا استاذ ابو علي

هناك اشياء في الحياة لا تُشترى ولو بكنوز الارض ومنها المشاعر الجميلة

انا شايف زملاء لي هنا بقى لهم 20 سنة واكثر في الغربة وعملوا فلوس مالهاش عدد

لكن للاسف مشاعرهم تيبست وتحولوا الى آلة صماء لصناعة النقود ومن ثم ارسالها الى اولادهم

ومنهم برضوا اللي قال زي حضرتك كده ان الاولاد لسه صغيرين ... وفجآة لقى اولاده بقوا شباب وشابات وهو لسه غرقان في دوامات الغربة وبما ان البعيد عن العين بعيد عن القلب فهما كمان مشاعرهم تيبسوا

اما الاخوة الذين يصورون لك مصر على انها الصومال واهلها بيموتوا من الجوع ... فلا تعليق ابقى شوف الناس بتصرف ازاي وعايشه ازاي في مصر وستكتشف اننا كمغتربين غلابه بالنسبة لهم

اما اخونا ابو عمر اللي بيحكي عن البطون اللي بيشوفها .. فأستطيع انا اقول له بان مصر ليست وكراً للشياطين واذا كنت حتى عايش في مجتمع متحفظ زي السعودية فستجد ايضاً بلاوي مسيحه في الشارع وما خفي كان اعظم

اما عن دول الخليج الاخرى ... فعلى عينك يا تاجر وشووبش واللي ما يشتري يتفرج على اللحم على اصوله في الشارع وعلى قارعة الطريق

وحتى الغرب ... اعتقد انهم لا يسيرون في الشوارع وكل واحد ماسك سجادة صلاة

[الحازم حسن]

اما الاخوة الذين يصورون لك مصر على انها الصومال واهلها بيموتوا من الجوع ... فلا تعليق ابقى شوف الناس بتصرف ازاي وعايشه ازاي في مصر وستكتشف اننا كمغتربين غلابه بالنسبة لهم

:ph34r: :blink: :D

[Gihan]

وجهة نظرى ربما تكون غريبة على البعض لأنها بالفعل غريبة فى هذا الزمن, حيث الأنانية والجبن وحب الدنيا بطريقة بشعة والاستسهال وانعدام الانتماء وانعدام الإحساس بالمسئولية وغيره من القيم والثقافات السائدة فى هذا العصر تجعلها غريبة, سأقولها ورزقى على الله.

فالرجوع من الخارج إلى مصر ليست جريمة وليس خطأ العمر الذى لا يمكن تصحيحه بل هو فى رأيى واجب على كل مستطيع, خصوصاً من

الاخ محمد

اسمحلى اشكرك على وجهة نظرك

حقيقي هى دى الطريقة اللى لازم كل المصريين يفكروا بيها وخصوصا انك قلت (لكل مستطيع)

للاسف الحالة فى مصر بتسبب للمصريين جوة و برة احباط شديد وبتخلى كل واحد يقول ماقدرش اغير الكون لوحدى ويتضر يفكر في السفر عشان ينفد بجلدة هو وعاءلتة

شكرا لانك لسة بتؤمن بقيم سامية فى عصر غريب

[أبو زياد]

أخى إن الله أمرنا بالبحث عن الرزق - و جعل ذلك غريزة فى الطيور و المخلوقات

وكذلك أمرنا بالهجرة من المكان الذى فيه اضطهاد دينى أو فكرى

إلى مكان آخر يصلح به ديننا

نعم الله أمرنا بذلك ولا تستغرب - وربما يستغرب بعض الزملاء

إننى أقول الحقيقة أمام الله و هوشاهد على ذلك

لا أدرى إن كنت محتاجا دائما لإعادة الكلام الذى قلته ؟؟؟؟؟؟

يا أخ محمد عبد العزيز لقد أثرتنى جدا بكلماتك

لابد أن تقتنع بأن ما تقوله رأى خاص بك و يحتمل الخطأ و الصواب

كل واحد منا مقتنع بما يفعله فلا يحق له أن يتهم من يخالفه بالجبن و الخيانة و الهروب

والحقيقة التامة ليست موجودة ولا يعلمها إلا الله

أخى إقرأ موضوع ( الفتنة الكبرى ) أيوة ماتستغربش!! عشان تعرف إنه حتى الصحابة اختلفوا والله وحده هو الأعلم بالحقيقة

الفرصة أمامك يا أخى اقنعنا ولا تتهمنا بالخيانة ولا حتى بالسلبية

[se_ Elsyed]

ونعم بالله يابو زياد

لكن الهجرة والغُربة لها شروط

واهم شرط إنها ما تكونش على حساب الأولاد والمشاعر والاحاسيس

يعني اللي معاه عائلته ومسافر بره ... ده ما فيش مشكلة بالنسبة له إن شالله يقعد طول العمر خارج بلده طالم يأمن على أولاده وعارف إنهم هايتربوا في بيئة صحية سليمة

أما الطامة الكبرى فتكمُن فيمن يهاجرون وراء الرزق ويتركون أولادهم في بلدهم بحُجة توفير حياة أفضل فتسرقهم الأيام ثم يفيقوا على كارثة ضياع العائلة .

والله يا أخي الكريم ونحن مازلنا في أول اليوم يعني لسه جاي مكتبي وإذا بي أُفاجأ بخبر وفاة زميل لنا يعمل في احد مكاتب المحاسبة والمراجعة التي تتعامل معها الشركة وهو شاب سوداني الجنسية وكان ما شاء الله يافعاً وطول وعرض يعني باللغة العامية كده عملاق فعلاً وعمره تقريباً في أوائل الأربعينيات وكان المفروض عنده شغل معانا يوم الخميس إستكمالاً لعمل أداه يوم الثلاثاء وأتصلوا عليه ما بيردش .. وشويه وأخوه اتصل قال إن فلان تعيشوا إنتو .. فلقد إختفى لمدة يوم وما بيردش على التليفون فاخوه ذهب له البيت ووجد عربيته أسفل المنزل .. طلع البيت وكسر الباب ليجده ميتاً وعرفوا بعد كده إن جت له أزمة قلبية وهو لوحده في الشقة .. وتصادف في هذا الوقت إن أولاده كانوا في السودان لقضاء بضعة أيام

يعني شوف .. تسوى إيه الدنيا لما الواحد يموت بعيد عن أهله وبلده وعائلته واولاده ... أو تسوى إيه لما تبقى متغرب وتسمع إن فلان قريبك إتوفى أو مريض وإنت مش قادر تعمل حاجة ...

يا أخي الكريم نحن الإستثناء وهم القاعدة

سبب رئيسي للبهدلة اللي إحنا فيها دي هو الطموح الأزيد من اللازم .. وهو مش طموح ولكنه طمع في الكماليات الغير ضرورية

الفيلا أو الشقة التمليك والعربية والشالية اللي في الساحل الشمالي ... إلخ

إعمل إحصائية كده وشوف اللي متغربين ومتشحططين عشان يوفروا معيشة أحسن فقط لعائلتهم .. وقارنهم باللي متغربين عشان الكماليات الغير ضرورية وستعرف أين توجد المشكلة ...

[أبو زياد]

أبو عمر ,

مش عادتى أقتبس بس معلش حاركز على البقين دول - بعد إذنك يعنى -

سبب رئيسي للبهدلة اللي إحنا فيها دي هو الطموح الأزيد من اللازم .. وهو مش طموح ولكنه طمع في الكماليات الغير ضرورية

الفيلا أو الشقة التمليك والعربية والشالية اللي في الساحل الشمالي ... إلخ

أبو عمر :

إنت وأنا مطرودين من مصر ( للأسف مافيش فونت كبير !! )

معلش أنت مش عارف حالتى دلوقت وانا باكتب الموضوع دة أثارنى ليه

مش عارف ايه الحكاية ؟!!

حاكمل بعدين .........ز

[nash]

ياريت نعمل تصويت بأسباب الخروج من مصر...

1.هل لتوفير الكماليات من سيارة وشقه تمليك وخلافه

2.هل بسبب الإضطهاد الديني والفكري

3.هل بسبب توفير الحد الأدني من الحياة الكريمه لنا وللإبناء

4.هل هناك اسباب أخري

........................................................................................................

وساعتها قد نستطيع الإجابه علي سؤال الموضوع

شوكرن

[أبو زياد]

شكرا يا أخت ناش

إجابتى بدون تردد هى رقم 5

يعنى المجموع !!!!!!!!! كل الأسباب اللى ذكرتيها و عليها 5 من عندى !!!

شوكرن ليكى

أخى العزيز أبو السيد

البقية ف حياتك ولا أراك الله مكروها

موت الفجأة من علامات الساعة أنا كمان اتعرضت له - قصدى فى شباب حواليا كتير

ربنا يعيننا و يصبرنا و يقوينا و يصلحنا و يغفر لنا و لموتى المسلمين